المكان قطاع ٩٩٩
قائد الكتيبة: تسلم ايدك يا عراقي
عراقي : البركه في الصياد
الصياد: هو حضرتك يا فندم ادتني فرصه اعمل حاجه
عراقي : دهب فين
قائد الكتيبة: طلبته وجي حالا
باب المكتب بيخبط
قائد الكتيبة: اتفضل
دهب : تحت امرك يا فندم
عراقي: الأمن الوطني راح شقه الواد الاسباني ده
دهب : حصل يا فندم و مستنين منهم بيانات عن موقع الواد الحالي
الصياد: عراقي الزيني فاق
عراقي: محدش يدخل معايا أنا عايز اعمل التحقيق ده لوحدي
قائد الكتيبة: تحت امرك يا فندم
في جانب آخر
عراقي : ازيك يا زيني
زيني : مش هتكلم يا عراقي مهما يحصل كده كده خلاص أنا ضيعت
عراقي: يا راجل دا انا جاي ومعايا طوق النجاة بس تمام خليك براحتك سلام
الزيني : استنا يا عراقي
عراقي: عايز اي يا زيني
الزيني : اقفل الباب وتعالى قولي عندك اي
عراقي : عندي اللي يخليك ترجع إيران تاني من غير كلمه واحده
الزيني : توعدني
عراقي: وعد مني ترجع إيران تاني بس لو سمعت اسمك في مصر تاني اقسم بالله ولو كنت في بطن أمك هجيبك
الزيني : وأقسم بالله ما هخطي جوه مصر تاني بس امشي من هنا
عراقي : سمعني من اول ما رجعت لحد ما انت قاعد قصادي الوقتي
الزيني : لا ملوش لازمه أنا هسمعك اللي انت عايز تسمعه
عراقي: قول
الزيني: بعد ما على قدري دخل في الجماعه حصل انقسام كبير ما بنا ناس كتير منا قالت واحد زاي ده اكيد طعم لينا وهيكون سبب وقعتنا وفعلاً بقينا مجموعه جوه المجموعة وأول تجمع لينا كان وقع خالد المصري تحت أيد محمد ابنك خده مبني الأمن الوطني وخد منه كل المعلومات وفعلاً حصل كمين كبير وقعنا كلنا في وقتها محمد ابنك خد ١٧ عنصر من الروس الكبيره جوه التنظيم الدنيا انقلبت على علي قدري قولنا أنه هو سبب وقعتنا دي وعلشان يثبت أنه ملهوش علاقه بالموضوع جاب خط سير محمد ابنك عملنا خطه بعد المراقبه اللي استمرت شهر ونص و يوم العمليه كان ابو زياد و معاه عيل اسباني اسمه ابو عميره ومعاه قناص محترف اللي من فتره صغيره جابه ابنك فارس الصياد زاي ما بتقولو عليه وبعد التنفيذ مع محمد ابنك كان ظهر الصياد وبدأ يكون في صداع جديد حذرنا منه على قدري وقال إن الواد ده هيكون نسخه من العراقي وأننا لازم نخلص منه عملنا محاولات كتير علشان يقع معنا بس كل مره يفلت من الكمين لحد ما علي قدري عمل خطه كلنا قلقنا منه أصل ازاي يعني يقدر يدخل واحد زاي الصياد بالاسم جوه حدود ليبيا هو ممكن يطلب فرد ٩٩٩ إنما يطلب فرد معين ده صعب جدا علشان كده قولنا ده كمين والمرادي لازم ناخد الحظر فكرنا نعمل اي نعمل اي لحد ما ابو زياد قال خلاص يبقا طالما علي قدري واثق من اللي هيعمله يبقا يوفق على طلبنا
عراقي: والطلب كان أي
الزيني : بدال ما نخطف اي واحده. لأ احنا ناخد بنته تقعد وسطنا تتعامل أحسن معامله منها نضمن ولاءه ومنها نعرف فعلاً الراجل ده معانا علشان الفلوس ولا علشان نصره الاسلام
عراقي : وبعدين
الزيني: وافق بس بعد ما خد كل الضمانات أن بنته ترجع بمجرد ما ننهي على الصياد وقبل التنفيد ب يومين اتصل علينا وقال إن اللي هيعمل المهمه ظابط تاني طبعاً ده كان مرفوض احنا عايزين الصياد احنا عاملين كل ده علشان ناخد الصياد
عراقي : ايوه بقا هو كلم مين علشان يغير إسم الظابط ويحط اسم الصياد مكانه
الزيني: كلم قائد الكتيبة بس مش علشان قائد الكتيبة معانا بس كلمه علشان خايف على بنته وهو عارف أن الصياد ظابط شاطر وعامل شغل حلو الفتره الاخيره و فعلاً وافق قائد الكتيبة و بعد يوم لقينا خطه التنفيذ عندنا كلها عن طريق على قدري بس اللي مكنش معمول حسابه أن الصياد فعلاً يقدر ياخد الدكتورة ويطلع منها ويرجع القطاع
عراقي: الواد الاسباني ده فين
الزيني : بعد كلام الصياد مع ابو زياد ابو زياد خاف عليه من الصياد خصوصاً أن ابو زياد يترعب أول ما يسمع اسم الصياد
عراقي: وبعدين
الزيني : خد الواد ده عنده تحت الارض
عراقي: هو قاعد تحت الأرض ليه
الزيني : علشان الصياد قناص محترف اوي واللي قال ل ابو زياد يقعد تحت الأرض حد من بره البلد شاف الصياد وعارفه كويس وكان رافض أن الصياد يرجع سيناء وكان عايزه يقضي جيشه كله في القاهره لحد ما ابو زياد طلب منه يسيبه يتنقل سيناء علشان ياخد طار على قدري وكل الرجاله اللي ماتت على أيده وخصوصاً أن الواد القناص اللي خطفه الصياد الواد ده ابو زياد كان شايفه اهم حتا من الواد الاسباني اللي معاه ده
عراقي : بس أنا سمعت أن الواد ده بيطير الكلام ده حقيقي
الزيني : الواد ده بيدخل اي مكان ويخرج منه ولا كانه العراقي في عزه وخلي بالك الواد ده كان فرقه تقيله في الجيش الاسباني وبعد ما خد الفرقه راح كولومبيا اتقفش هناك وخدها كعب دائر لحد ما وقع مع ناس غسلت دماغه ودخل الاسلام من أربع سنين وبعد عرف ابو زياد وجه مصر
عراقي: يعني الواد ده في سيناء من أربع سنين
الزيني: اه بس اول مهما ليه كانت في القاهره
عراقي: اي هيا اول مهما ليه
الزيني: محمد ابنك
