بعد تحرك الفرقه الي مكان بالقرب من المديريه بالتحديد نفس المبنى اللي تم في خطف شبراوي
عراقي : صياد زاي ما قولتلك خمس دقائق تكون جوه البيت تفتح الباب
الصياد : تحت امرك يا فندم
عراقي : باقي المجموعة تتحرك مع دهب محدش يحس اننا هنا انت فاهم
دهب : تحت امرك يا فندم
في جانب آخر
الصياد: ( مطلوب مني اطلع شقه الواد اللي خطف شبراوي بس من ضهر المبنى خوفاً من أن يكون ابو زياد عامل كمين متفجرات أو حاجه ندخل نخسر المجموعة وباقي الفرقه تنتظر على بابا الشقه اشاره مني بالدخول فعلاً دخلت وكانت الشقه فاضيه بس باب الشقه كان عليه متفجرات لاصقه بمجرد فتح الباب تنفجر )
الصياد: دهب ابعد عن الباب
دهب : في حد جوه معاك
الصياد: لا الباب عليه استك تفجير
دهب : تحت امرك يا فندم
الصياد: ( قدرت افك الاستك من حوالين باب الشقه وفتحت الباب دخلت المجموعة نبحث عن اي شيء يوصلنا الي مكان صاحب الشقه )
عراقي: صياد لقيت اي عندك
الصياد: مفيش حاجه يا فندم الشقه فاضيه بس في استك تفجير على الباب تعاملت معاه
عراقي : استك تفجير والشقه فاضيه
الصياد: بالظبط كده يا فندم
عراقي: أنا طالع
الصياد: تمام يا فندم
دهب : صياد تعالي كده ثانيه
الصياد: جاي
دهب : اي ده
عراقي : محدش يلمس حاجه اخلي يا صياد
صياد: اخلي اخلي المجموعه كلها تحت
بعد نزول الجميع
الصياد: عراقي بتعمل اي
عراقي : اخلي يا صياد نفذ الأمر
الصياد: تحت امرك يا فندم ( وخرج بره المنزل إلي الأسفل)
دهب : عراقي بيه بيعمل اي العداد كان ٢٥ ثانيه
الصياد: قالي اخلي مرضيش يسبني
دهب : يافندم كده خطر المبنى كله هينفجر أنا عمري ما شوفت مفجر بالحجم ده
الصياد: يالله يا عراقي فاضل سبع ثواني
دهب : يا قائد نطلع كده مش هتنفع العمليه هنخسر القائد
الصياد: ( قطع كلام دهب ) اسكت خالص اركب العربية هو قالك اخلي يبقا تخلي
دهب : حاضر حاضر
الصياد:( يترقب عداد الثواني الأخيرة حتا اخر ثانيه تفاجأ بنزول العراقي ومعاه المفجر سند على العربية من تسارع ضربات القلب خوفاً على العراقي)
عراقي : متخفش مش هموت الوقتي
الصياد: علي فين
عراقي : دهب اخلي على القطاع خد معاك الجزء ده من المفجر وبلغ الأمن الوطني يجي يشوف شغله
دهب : تحت امرك يا فندم
الصياد: رايحين فين
عراقي : ل صاحب المفجر ده
الصياد: انت عارف مكانه
عراقي : ذاي ما عارف انك ابني اركب وخد سلاحك
الصياد: تمام يا فندم ( أخدت سلاحي وركبت مع العراقي خدنا في الطريق اكتر من ساعه وبعد كده بدأ يتكلم عن طبيعة العمليه)
عراقي : المفجر بالحجم ده مفيش حد في سيناء يقدر يشتغل عليه إلا الزيني
الصياد: مين الزيني
عراقي: واد ايراني جه مصر من ١٤ سنه اشتغل معانا سنه لما قفشنا وبعد كده اختفى ولما رجع رجع واحد تاني خالص فضلت مراقب الواد ده اكتر من سنه كان فعلاً بعيد عن اي تطرف بس بعد ما شوفت المفجر ده عرفت أنه رجع
الصياد: طب ليه الزيني مش حد تاني
عراقي : المفجر اللي بالحجم ده مينفعش يكون في غلطه كل حاجه في نظامه بتكون مظبوطه مليون المئه
الصياد: طب و المفجر ده الغلط في كان اي
عراقي: الواد ده مزاج عنده يلعب في دائرة تفجير المفجر بتاعه بحيث انك لما تيجي تتعامل مع المفجر كا اي مفجر ينفجر فيك لانه غير سستم المفعل
الصياد: وده لقيته مع المفجر اللي شوفنا فوق
عراقي: ربك بقا أراد أني أعرف مين صاحب المفجر
الصياد: وقفت ليه
عراقي: الواد ده هنا
الصياد: هنعمل اي
عراقي : ( لبس قناع الوجه) اركب اي مكان عالي تابع من بعيد لو الواد خرج قبلي هاته حي انت فاهم هاته حي
الصياد : أعرفه منين
عراقي : الواد ده معندوش ثقة في اي حد علشان كده هو جوه كل المزرعه دي لوحده قاعد مع ألغامه
الصياد: طب ادخل معاك يا عراقي
عراقي : نفذ الأمر يا صياد أنا محتاجك فوق اكتر ( ونزل من العربية دخل المزرعه)
الصياد: ( أخدت مكان كاشف المزرعه على بعد ٣٠٠ متر من المزرعه وبقيت متابع كل حركه داخل المزرعه بس مفيش فعلاً اي حد في الداخل )
عراقي: صياد المزرعه كلها ألغام خلي بالك وانت بترتكز
الصياد: أنا على بعد ٣٠٠ متر من المزرعه يا فندم
عراقي : تجاهك اي
الصياد: الساعه ١٨
عراقي: تمام أنا على حدود البيت
الصياد: ربنا معاك يا قائد
عراقي ( طبيعي واحد زاي ده الباب هيكون عليه استك مفجر علشان كده الدخول لازم يكون من الخلف بدأت ادخل من أضعف مكان في المنزل علشان هيكون أقل تأمين وكان عبارة عن طابق تاني طلوعه صعب جدا صعدت إلى الأعلى ومن هناك دخلت البيت لقيت في كاميرات مراقبه موجوده حوالين مدخل المنزل عايز ادخل من غير ما يشعر لو حس اني معاه البيت هيكون كوم رماد بدأت في التعامل مع كاميرا منهم عن طريق الإشاعات الحمراء وخدت الكاميرا اللي هتكون نقطه انطلاقي في المنزل والخروج من المنزل كنت سامع صوت جهاز انذار شكله شغال على مفعل اخر وفجأة فتحت عليه باب غرفته )
الزيني : كنت عارف انك هتعرف اني انا صاحب المفجر
عراقي : قوم معايا يا زيني
الزيني : اقوم كده من غير ما نضرب كام مفجر احتفالا بيك
عراقي : قومي يا زيني
الزيني : مكانك في مفجر انت دايس عليه خطوه كمان مش هعرف ألم جثمانك
عراقي : ( عبيط مش عارف اني واخد بالي من المفجر بتاعه ووقف عليه بمزاجي بطريقه توهم الزيني اني دايس عليه بس أنا مش واقف عليه أصلا بس كنت وقف بتكلم معاه علشان احدد اماكن الألغام واعرف أن كان في مفجر تاني متفعل ولا لا )
الزيني : خليك كده بقا لحد ما اعرف تمنك كام دنت ابو زياد هيدفع عليك كتير اوي اوي يا عراقي
عراقي : زيني قوم تعالي معايا مصنع صواريخ رمضان اللي انت قاعد في ده مش على العراقي
الزيني : ( قام اقترب من العراقي ) يا اخي والله ما عارف واحد زايك ازاي أقنعوه أنه كده لو مات يكون شهيد انت عارف انت بسببك خسرنا رجاله وسلاح وفلوس أد اي
عراقي : أد اي
الزيني : خليك معانا بدال على قدري اقسم بالله الله يحبك يا عراقي انت مكانك معانا انت مجنون حرب ليه احنا عايزين منك بس انك اقعد على مكتبك
عراقي: خلصت كلامك
الزيني : ( طلع تليفونه) اتصل على ابو زياد أخبره البشره
عراقي: ( شد تليفون الزيني ولف رقبتك حوالين ذراعه ) لا سيب الطالعه دي عندي
الزيني : المفجر يا عراقي هنموت هنموت
عراقي : ( رفع رجله من مكانها ) قصدك على ده
الزيني :(بصدمه) عملت اي في المفجر
عراقي : خاف مني يا زيني
زيني: طب اسمع باقي العرض اسمع
الصياد: عراقي حلو عليه كده هاته بره بقا كفايه عليه كده
عراقي: سامع الصياد قال اي يا زيني
زيني : محدش هينفعك صدقني مره واحده في عمرك
عراقي: هو أنا كنت صدقتك وأنا شباب علشان أصدقك الوقتي
زيني : يا عدو الله
عراقي : ( لف رقبته ب ذراعه وحقنه في رقبته وحمله الي الخارج)
