 |
رواية ليلة الحنة الفصل الخامس عشر 15 بقلم بسمة البياتي
. مراح تسألين ليش جايين
.. بكيفج اذا تريدين تحجين احجي
... عليج
... هههه اكيد عليه وهم تنعاد سالفتي شنو الجديد بالموضوع
.. لا هالمره الموضوع يختلف
.. من اي ناحية
..تنفست قووي زلال جايتج خطابة
... تركت أيد غزل
لحظة اني سمعت عدل لو متوهمة
... شو صفنتي ولو حقج معذورة السالفة لا على البال و على الخاطر
... هاا يعني سمعي سليم
خطابة بهذا وضعي ليش هو المنكوي بالنار هم يرجع يتقربلة وهذا يامخبل رايدني
... قبل لا اگولج منو لأزم تعرفين بابا رفض لا هو ولا الولد قبلوا
... خلگي ضيگ وروحي وصلت لهنا احجي منو
... أمجد
... بحركة لا أرادية غمضت عيني وفتحتها
منو امجد أبن خالو أخو أركان حبيب لمى لا لا اوكفي شنو حبيبها الي تقريباً خاطبها
هووو مووو لو أكو غير امجد غريب ما اعرفة
الله عليج گولي غريب فدوة أروحلج گولي غرييييب
.... الكلام عاصي بحنجرتي ما اگدر احجي زلال تنتظر جواب
هم زين رغد نقذتني بفوتتها
زلال... انتي جاوووبي هاي خرست
منو امجد أبن خالي
رغد... على كيفج ويا روحج رادج وأهلج رفضوا لاتكبريها وهي متسوة
.. لطمت على خدي تكوووووولي متسوة
امجد امجدددددد شششلون فكر بيه وين راح حبه لـ لمى خالي مكافي عليه جبر أركان هسه ديجبر أمجد بيه اااااااي هو خالي ماكو غيره أكيد جابرة
حورية.. يا يمه ششصاير شبيها زلال
.... ششششبيه بعد بيت خالي ليشش ميعوفوني بحالي جزعت روحي طكت بعد ما اتحمل والله ما اتحمل
ليال... ماما اخذت زلال الحضنها بالف يا الله يلا سكتت دموعها تجري
حورية.. ليش قاهرة نفسج قابل شلناج وخليناج بيدهم خطبوج وما وافقنا كلشي رجع المكانة ويادار ما دخلج شر
زلال.. بغصة امجد شلون گلبه طاوعة يفكر يرتبط بيه مو جنت خطيبة أخو لمى وخالة اذا عرفوا شنو موقفهم والله خطية
... يا امي ششكو غاثة روحج كل لشة تتعلگ من كراعها هما وخالتج يتصافون لا رايحة عليهم ولا متوسلة بيهم شو هما أجو حجوا بيج
وحصلوا الجواب بالرفض لاتلومين نفسج ولا هم يحزنون
... سكتت ماما عافتني وطلعت
ليال
.. هااا
.. اتصلي على لمى شوفيها شلونها حاجيها گوليلها والله زلال ماعليها ولاتدري بيهم راح يطلبوها
... تمام انوم غزل واتصل
تدرين اني مستغربة من شنو
.. شنو؟
.. عمو عاطف ليش اجة وياهم وحضر الگعدة
لو غيره واحد يأخذ موقف من بيت خالي وبعد فلا يعتب بابهم
.. ما ادري والله ما ادري لعد ليش أريدج تحاجين لمى وتفهمين منها
... هيانها نامت غزل خلي احطها بفراشها
... اترقب حركات ليال وايدي على گلبي
شالت تلفونها وتصلت
ليال..متوترة خايفة من ردة فعل لمى ومن الأساس منو يگول راح تجاوبني
لمى... الووو هلو ليلو قبل شوية ردت احاجيج
وماما صاحتني
.. زاد استغربي دتحجي عادي ولا كانوا صاير شي
هاا هلو گلبي لملومة
الحمدلله انتي شلونج شكو ماكو مدتبينون
...الحمدلله صافية دافية خالتج كاربة عليه مطلعة
دبسي من رجعنا لليوم مبقت شي مانظفتة بس باقي نغسل العمارة من فوك ليجوة
... ههههه الله يكون بعونج لوما غزل ودوام جان جيت ساعدتكم
... معذورة عمري ندري بيج متقصرين
زلال شلونها وخالة والبنات
..الحمدلله بخير ويسألون عليج
.. بلكي باجر اقنع ماما تجيبني أريد احاجي امجد مدري شبي صارلة كم يوم مختفي لا يتصل ولا يسأل
.. هااا ما أدري يلا حبي أخذي راحتج
اني وزلال وحدة تباوع بوجه للخ
لج هاي متدري
زلال... اووووف بلكي مايگولوها ويرجع امجد يطلبها
.. اي بلكي
.. أريد انام راسي راح ينفجر
.. انتظري يروح المغرب ونامي
صدك زلولة ليش ماتلتزمين بصلاتج والله اذا استمريتي عليها تشوفين كل الخير وترتاح نفسيتج
... اريد التزم بس دوم افوت صلاة الفجر ومن يفوتني فرض اتكاسل اكمل الباقي
.... تعوذي الشيطان وصيري اقوى منه اذا جريتها ٤٠ يوم بدون انقطاع بعد مستحيل تگدرين تتركيها
... اي ان شاء الله
... الله يهديج ويقوي ايمانج
.. جريتها نومة فزيت على صوت علاء يرعد
خليت المخدة على رأسي تعودت على هذا الموال يومية عدنا حفلة من اختفى الصوت وخرت المخدة
ليال...الجهال راح يتخبلون من وره صياح علاء صارت بيهم خوفة غزل بحضن ماما فزت مرعوبة فحطت من البجي اريدها تسكت ماكو
اخذتها للغرفة احير شسويلها لا تقبل ترضع ولاتأخذ الملهي افتر بيها بالغرفة منا ومنا
صرت اعصاب عطت بيها
زلال. شششبيج تخبلتي ششو جيبها
مدتشوفيها خايفة
... علاء اله يطلع جنازة من هالبيت يلا يرتاح
مخببببببيل روحه عبالك بسسس هو عنده خوات
... لج كافي تعيطين الطفلة گلبها راح يوكف
. فاتت ششذى اخذتها من ايدي هلكنا الحد ما سكتت
ليال جسمها يرجف مدري خوف لو عصبية.
شصاير شبي علاء
شذى.. سمع بيت خالج رايدج صار طنطل صينية العشا گبالة دفرها راد يهد عليهم
عماد وعادل لزموا
.. وعلى شنو كل هاي العصبية
.. اني ادري صاير مينجرع يعارك ذبان وجهة
عمي وعمتي واكعين بيها الخوف ماكلهم والجهال شوفة عينج صايرة بيهم خوفة
...محد راح يكمل عليه ويدمرني غيره
اذا اريد انسى واعيش حالي حال البشر العاديين
من سوالفة ما أگدر
... الديسوي ابد مو طبيعي هسه مو هذولة عادل وعماد صح دمهم حامي ومايرضون بسالفة العوجة بس الخاطر عمي ساكتين
... الغلط بيكم تدرون بي خبل شكو تحجولة
... ششوف هاي منو حاجيلة
اجة مابي شي صبيناله عشى
بعده بأول لگمة دك تلفونة يمكن أبن عمج محمود اتصل ثواني والخلقة انگلبت
وعيونج متشوف الا النور غلط وصياح
اندار العمة يگلها بيت أخوج ششرايدين منه
هذاك عافها بالحنة هذا ششوكت يعوفها بالعرس لو بالسبعة من وراهم عيني ما اگدر اخليها بعين طير البشر يومية لأزملي واحد مدمي يعني الا ارتكب جريمة يلا يرتاحون
ليال... لوتشوفين حال ماما خلى دموعها تجري
عادل راد يضربة بابا وكف حاجز بينهم
... وهسه علاء وين؟
.. راد يطلع عماد ما خلاه قفل الباب وبالمدافع اخذة للغرفة
... حطيت ايدي على رأسي الدنيا صارت هلكدوتها بعيني
ليال...كومي غسلي حتى اصبلج عشى
... ما اريد
.. مو كيفج رايحة اصب واريد اشوف شلون متأكلين
صبيتلها وجبتة خليتة كدامها
كعدت يم غزل گمت ابوس بيها وهي نايمة
سودة فوك خوفها كملت عليها وعطت بيها
لاتظلين صافنة على النعمة يلا اكلي
.. والله ما اشتهي
... ميخالف حتى لو كم لكمة تقوين نفسج بيهن
.. بالكوة اكلت شلت الصينية اخذتها للمطبخ. البيت صنطة
غسلت رجعت للغرفة ليال دتحجي بالتلفون
ليال... اي العصر خابرتها عبالي تدري
.. هاي خالة فردوس
... هزيت راسي
... اشرتلها تفتح الصوت
فردوس... بعدنا محاجيلها
... اكيد عرفتي اهلي وزلال رفضوا بعد ماكو داعي تحجيلها ترى واضحة مثل الشمس امجد راد زلال بسبب فعلتة اخو لان ديحسسون بالذنب اتجاها
... حتى لو بعد يجي يطلبها لا اني ولا ابوها نوافق
... يوووو صدك تحجين لا خالة والله حرام سنين صارلهم ينتظرون شوكت ينجمعون والمساكين دوم الظروف تعكس وياهم
.. تعرفين شي واحنا نعرف شي الي يتخلى مره يتخلى الف مره ماعندي استعداد اذب بنتي الوحيدة شلون مجان
ويكون بعلمج عاطف قبل لايتصل علينا خالد
جان گلبه لاعب ومتردد ينطينها من يوم دكة اركان
.. لاتظلمون امجد شجاب الجاب خالة انتي صارلج سنين وياهم بنفس البيت وتعرفينة شنو ماشنو فرق شاسع بينه وبين اركان
.. اي أعرف وحجيت على عاطف گتلة لاتشبه بينهم هذاك ناقص وغيره سسز امجد مو مثله
عاد خالد اتصل تعذر منا گال زلال ادمرت واني راح اخسر اختي وصديق عمري
محد يرجعنا مثل قبل ويسد حلوك الناس ويرجع علاء العقلة غير امجد
گنالة فوت بفالك لا ضايجين ولا راح تخرب بينا كلشي قسمة ونصيب
. ولمى مافكرتوا بيها
.. ششلون ما فكرت ادري راح تعاني وتتأذى
بس مصيرها تنسى محد يموت وره أحد
ليال حاجي زلال خلي توافق ومعليها بالمى
امجد زلمة راح يحافظ عليها ويصونها الـ يجيب طاريها بكلمة يشلع لسانه يخلي بيده
... لا يابة والله من سمعت تخبلت
وتعالي شوفي علاء شسوة من عرف لعب جولة
... والله يا ليلو لوتجين للعقل اخوج ماكو شي يهدي ويرجعلة عقلة غير زواج زلال وأمجد
بعد ميگدر يسوي مشاكل اقل شي يسوي راح يأثر عليها
... والله ما ادري من ناحيتي اشوفها ابد مترهم
.. البي خير يقدمة الله اذا قسمتها تأخذة غصب عن الكل
.. سديتة وانداريت الزلال شنو تعليقج
... ماعندي اي كلام عوفيني بضيمي
نضافوا للقائمة ضحاية جدد بسبب أركان
لمى وأمجد هم خربت بينهم حسبي الله ونعم الوكيل
ليال.. زلال زلاااااال
.. فكيت عيني هاا
... رايحلة للدوام فدوة عينج على غزولة راح تبقى يمج بالغرفة لا توديها الماما خطية مريضة
... رفعت راسي ليشش شبيها ماما
... على كيفج يمعودة لاتنهبطين ضغطها صاعد وراسها يوجع
.. ماشي لايظل بالج راح ابقيها يمي
.. اي عفية
.. راحت ليال مگدرت ارجع انام بالي بقى يم ماما
طلعت غسلت وجهي سمعت صوتها بالمطبخ رحتلها
صباح الخير
.. صباح النور شعجب مغبشة
... گعدت على صوت ليال وهي تحوم يم راسي وبعد مگدرت انام
خير ماما شبيج ليش شادة راسج وعيونج منفوخة
.. مابيه شي شويه وجع رأس
.. سمجة لاتضحكين عليه موغشيمة اعرف هذا حالج من يرتفع ضغطج
اخذتي علاج لو لا
شذى.. دخلي تتريك بالأول اتگول ما اشتهي
.. هلو ششنو متشتهي سسمجة لاتعصبيني. يلا نتريك سوة اني هم جوعانة
.. اذا تگعدين وياي ميخالف صارلج هواي ممگابلتني على الريوگ
... ادري بيج مششتاقة المناگرنة
...حتى وكاحتج عسل على گلبي
.. ياعمري سسمجتي الحلوة ولايهمج
راح اگابلج وأگعد الحد ماتزهگين وطرديني
صدك بابا شو ماكو
... راح ويا عادل البيت عمج منير
.. هااا شعدهم رايحيلة من الصبح
.. اكو بيت قريب منهم عارضي للأيجار راح يشوفة
... لعد مو گلتوا متريدون تأجرون
... بلي راح نأجر الحد ما ينباع البيت
.. اي زين
كملنا ريوگ انطيتها علاجها تمددت ترتاح
رجعت يم غزل بعدها نايمة
وره ساعة سمعت صوت بابا وعادل يحجون بـ أنفعال
بهذا البيت صار الكلام العادي حسرة علينا
انتظرت رغد بلكي تفوت
شو تاخرت مديت راسي من باب الغرفة
صحتها
.. هااا رايدة شي
... اي تعالي
.. الغدة على النار شرايدة
.. اهوو امشي طفي وتعالي
... شراح يفكني منج احجي شرايده
.. بابا وعادل شبيهم
. هاا ما ادري قابل شمدريني
... والله تدرين من الهااا والما ادري
احجي ششبيهم مصيري اعرف اذا مو هسه بعدين لهذا لاتشلعين گلبي
...اذا تدرين بنفسج راح تعرفين لعد انتظري
.. اهوو رغد بداعة عماد جاوبي
.. ليش تحلفيني والله عمتي متقبل ما أريد انحط بموقف مو حلو
... والله ما احجي ولا اگوللهم عرفت
... البارحة عمج محمود گال اكو بيت قريب على بيت منير جبير ومرتب عارضي للأجار
موتدرين راحوا الصبح يشوفوا
.. اي صح
.. اكو واحد من الجيران هو الوسيط يعرف ابو البيت منطيهم رقمة
من مخابري گايللهم ما أأجره صديقي رايده
الرجال جيران صاحب البيت يگولون كلش خوش انسان مرحب بيهم وحجي يجر حجي
گايللهم بصراحة البيت لا متأجر ولا شي
البارحة اجة واحد من المنطقة حاجة ابو البيت گايلة باجر يجوك ناس لاتأجرلهم ذولة راعين مشاكل وطلايب
.. عززززا منو هذا الحقير
... عادل سأل ماتعرف منو
.. گايلة واحد من المنطقة بالبداية مقابل يگول الأسم من متعهدين گدامه مراح يحجون ولايجيبون طاريه
گايللهم أبو قيس
.. عمييييي منير
.. اي هو
... عزززا بعينة ليششش هيج سوه
.. شمعرفني يبووو الأكل راح يحترك
الله عليج لاتحجين شي
.. لا لا ما احجي
اوووف الله يساعد بابا على هالقهر حتى اخو طلع نذل يتلكها منين ولا منين
عمي منير اصغر واحد بيهم وبابا اشكد زين عليه
طاح حظه
ليال.. رجعت من الدوام الوجوه مگلوبة اووف شكو انوب من استفسرت البنات حجولي
ماما گالت منير يخاف من علاء لا يسوي مشاكل اهناك ويخاف تطلع سالفة زلال ويجيهم حجي بسببنا
على تالي وكت صرنا مانشرف والناس تبتعد عنا
بابا سودة عليه لا أكل ولا شرب تعارك ويا عادل گالة مو اگلك بيع البيت عسى ما برخص التراب مو مشكلة اذا الفلوسه متجيب بيت طابو حتى لو ناخذ زراعي ولا هالذلة
عادل سكت مجاوبة
بابا من قهره لف رأسة ونام
زلال.. هواي أصفن ويا نفسي ليش الصار بيه مدينسي السالفة تكبر متصغر
سامعة مصايب تشيب الراس وتوگف العقل
كلها فترة وتنسد
اما اني لا ابد يوم بعد يوم داعاني اكثر
كلها تجر بطرف كل واحد يفكر باليصرفله
علاء عايش على الأنتقام ينام ويگعد يحلم شوكت يلزم اركان ويحاسبة
شباب المنطقة ماصدگوا لزموا سالفة ظل يعلجون بيها وشكو واحد عنده موهبة التأليف
صار يألف على مزاجة
وانوب عمي كسر خاطر بابا
مدري الدنيا هي المتغيرة لو الناس هما المتغيرين
فاتت خالة كوثر ووصال گمت بوستهن
كوثر...شلونج بنيتي كلما اگول اريد أجي اشوفج
اتراجع
.... ليش خالة هذا بيتج واحنا بناتج هلا بيج بكل وقت
.. اروح فدوة الهذا للسان الحلو
الله يجبر خاطرج مثل ما جاي تجبرين خاطري
... لا خالة فدوة لاتبجين
... شلون ما ابجي واني الندامة كاتلتني
خشينا بخطيتج وين نروح من الله
حورية... اذكري الله ترى كلشي مقدر ومكتوب
عسى أن تكرهوا شيئا وهو خير
يمكن الصار بي صالح الها
... ونعم بالله
زلال عندي سالفة وياج امانة سمعيني للأخير وشتفصلين احنا نلبس
... خالة فدوة اروحلج اذا سالفتج تخص امجد لاتحجيها
... بس سمعي مخسرانة شي
... تنفست بقلة صبر
.. يابنتي المشاكل جاي تزيد اهلج راح يتبهذلون
حورية حجتلي ابوج يريد ينطي البيت بنص سعره
يرضي منو ها الحال
... واني شنو البيدي وماسويتة
... ادري مابيدج شي ومطالبة منج توكفين بوجهم وتمنعيهم
بس فكري وياي بالعقل
لو شلتوا وخلصتي من حجي الميخافون الله
راح ترتاحين؟! لا ابد الحجي راح يزيد وكلها اتگول اخذوها وانهزموا لان الكلام صحيح
زين اذا تقدملج احد لأزم يعرف جنتي مخطوبة قبل
واذا راد يسأل يجي اهنا وعود تعالي شوفي السوالف الراح يطلعوها عليج
واذا اتگولين كرهت الزواج وما اتزوج
فكري بعلاء اخوج راح يضيع نفسه
يووم اعرف الراح احجي يغثكم
امانة لاتعتبون على گلب ام
الله يشهد سواية أركان ماراضية عليها ولا راضية عليه
ولا راح اسامحة
بس مو معناها أقبل بموتة الله لايگولها
ان شاء الله تصيرين ام ويمكن بوكتها تفهمين كلامي الضنه شما سوة گلب الأم مايتمناله الأذية
... ميحتاج تبررين أعرف هذا الكلام
بس يا خالة مافكرتي بأمجد ولمى شنو ذنبهم
امجد لان الله بلاه بهيج اخ لأزم ينسى نفسه ويعيش حتى يصلح اغلاطه
اذا اخذت امجد الناس راح تحجي اكثر من قبل راح يگول اخذها يستر عليها
... هما هيج هيج يحجون من تصيري على ذمة رجال يوم يومين ويسكتون
وينسي كلشي
وحتى علاء راح يفكر الف مرة قبل لا يخطي اي خطوة لان اي شي راح يسوي راح يضرج بي
....علاء ماكو شي يوگفة غير دم اركان
.. لا اكو زواجح من امجد يمنعة يتهور مامعقولة هو بنفسه يرجع يفتح حلوك الناس ويفك عينهم عليج
... تعبت من المناقشة عفتها تحجي براحتها من كملت اعتذر منها ورفضت رفض قاطع
يأست عافتني وراحت
قررت اطلع من هذا القمقك العايشة بي
لأزم اتقوى أرجع زلال القديمة على يا مال مأذية نفسي ومدمرتها وذاك الحيوان عايش حياتة ومتونس
ليال... جاي تفكرين بكلام خالة؟
.. لا طبعاً دافكر بنفسي بمستقبلي
لشوكت اظل هيج بين أربع حيطان لشوكت ابقى خايفة وخاتلة لشوكت اظل هاملة دراستي
... راح ترجعين للدوام؟!
.. أكيد ارجع بس مو هالسنة أساساً المدارس بدت من زمان
بالأول اريد أخلص من المشاكل أريد نفسيتي ترتاح هذا سادس يحتاج جهد وتعب وبال صافي
اريد اشد حيلي واطلع معدل زين كلام ماما صح محد يفيدني غير شهادتي
... تعالي ابوسسسج رجعت زلال الأعرفها والله شتاقيتلج
... علاء موجود
.. شرايده منه
.. احاجي كلشي متوقف عليه حياتي بيده يا يدمرها يا يخليني أرجع اوكف على رجلي من جديد
... زلال معليج بعلاء هما بابا وماما مايگدرون يحاجوا مو عاد أنتي
... أجرب مخسرانة شي
عفتها ورحت ادورلة فتحت باب غرفتة مموجود
طبيت للاستقبال لگيتة متمدد على التخم وبيده التلفون
رغم شافني ظل نفس وضعة
علاء اريد احاجيك
.. ماتحجين احد لأزمج
... اذا لگيت أركان وحاسبتة ويمكن يموت جوة أيدك ششراح تستفاد
.. مره ثانية ديربالج تنطقين أسمه على لسانج
رجعي الغرفتج ومعليج بهاي السالفة
.. لا اشو ما أرجع الموضوع يخصني السواه بيه مو بيك واني ما أريدك تسويله شي
الله موجود يحاسبه لو كل البشر يفكرون يأخذون حقهم بيدهم الدنيا تصير غابة
گال كملتي اشرلي بيده بمعنى روحي
اختنگت بعبرتي هذا ششجاه رجعت ضعفت وبجيت
علاء كافي ابوسسسس أيدك كافي ارحمني وارحم ماما وبابا
صحتهم تعبت من القهر اذا صارلهم شي لا سامح الله اني ربحي بمنو
اموووت وراهم والله
خلي نشيل وننسى اريد ارجع مثل قبل لا تكمل عليه ودمرني بيدك
... هههههه عبالج اذا شلنا ترتاحين غلطانة السواه بيج راح يعيش وياج طول العمر ابسط شي زواج مراح تگدرين تتزوجين
مافكرتي عمامنة بدال ما يأيدون زواجج من امجد ليش ما هما يطلبوج الواحد من ولدهم
تدرين ليش غلسوا لان حتى هما عدهم شك
بسالفة خطفج رووووحي زلال لاتفورين اعصابي بهاليل وتخليني انعل اركان وأهلة
... خفت من صياحة عفتة رجعت للغرفة اركض
بجيت وبجيت وبجيت الحد ما حيلي راح
قبل شويه جنت متروسة امل وأرادة
بكلامة خلاني ارجع النقطة الصفر
ليال...يومين اهتز بيتنا
اجة تلفون العماد من رائد
گايلة الحك الـ علاء لگي المكان العايش بي أركان ورايحله
المصيبة ماما واكفة بصفة وسمعت
عماد اخذ امجد وراحوا يدوروا المشكلة رائد ميعرف العنوان
وهما يتصلون على علاء وابن عمي ميجاوبون
ماما تلوب على ساعة وتوگع من طولها
بابا محد حجالة المسكين مو ناقص
ننتظر وماكو خبر عادل ووليد وايهاب ورائد كلهم طلعوا يدورون
فات المغرب لاحس ولا نفس
عبرت التسعة وهم ماكو
شايفين الأنتظار شيسوي يدمر النفسية ويحرگ الأعصاب
بابا يطب ويطلع يسأل شبيكم شصاير حورية ليش برا
نگله ماكو شي مايصدك
وره وين انفتحت بابا البرا فاتوا الولد ومن بينهم علاء قميصة مشگوك وبي دم ماما بس شافت المنظر وگعت
ركضنا عليها نصحي بيها متصحى بسرعة شالوها اخذوها للمستشفى
بابا جسمه يرجف گلنا هاهي راح يصير بي شي
هم زين خالي اجه يمه حاجاه
خالد..على كيفك شوف بناتك شحالهن لاتخوفهن عليك
... حورية شبيها
... ضغطها صاعد الولد اخذوها للمستشفى
وعلاء بغرفتة مابي شي
..شنو هذا حاله وين جان
...على اساس لگي عنوان اركان رايحله
واصل للبيت يدك بالباب محد يفتحة رايد يكسره الجيران ملتمين وصايرة هوسه وعركة ابنك دمه حامي مضارhttps://t.me/scarehome_iraqب وياهم
الحمدلله الولد وصلوا وحلوا المشكله
... استغفر الله استغفر الله وتالي ويا هالولد شوكت يجوز من السالفة تعبني هواي
.... بابا ظل يصفك ايد بأيد بحسره وقهر
المشكلة العنوان صح هذا بيت اركان والحمدلله بوقتها مجان موجود
جابوا ماما من المستشفى حالها يكسر الخاطر
هسه غير علاء يمل ويعوف السالفة لا ابد
يريد ينصب كمين يگول اكيد يجي يأخذ غراضه
خوما يعوفهن ألزمة يعني الزمة
زلال .. . الديصير خلاني اخطي خطوة بحياتي مجنت اظن راح اخطيها الموت اي والله الموووووت اهون منها .....
