رواية بنت عمتي الفصل الخامس عشر بقلم جمانه السعيدي
بنت عمتي
البارت الخامس عشر
#جمانه السعيدي
@الجميع
ثائر....طلعت من غرفة مرام
رحت كبل للدكتور الاختصاص
اكو مراجعين هواي على الباب بقيت انتضر
اتصلت عليه شكران
ثائر...صباح الخير
شكران...صباح الخير اليوم ماكو
ثائر...اني بلمستشفى مرام بت عمتي مريضه
ممكن من ارجع اتصل عليج
شكران.. اي ممكن واذا محتاج مساعده اتصل عليه
تريد اجي للمستشفى اكون وياك
ثائر...لا ما يحتاج
شكران....براحتك بس طمني عليك
ثائر...شكرا
ثائر...انتضرت اكثر من ربع ساعه يله دخلت
ثائر...السلام عليكم
الدكتور.. عليكم السلام
ثائر.. اني جاي على حالة المريضه مرام الي محتاجه زرع كلى
الدكتور.... لكيت متبرع
ثائر....اني مستعد اتبرع الها
الدكتور...ترا حالته حيل حرجه لازم باسرع وقت
بس احنا ماعدنا عمليات هذا الأسبوع اله الاسبوع الجاي
ثائر...خاف ما تتحمل للأسبوع الجاي
الدكتور...انشاء الله تتحمل
بس انت روح سوي فحوصات حتى نتأكد من التطابق
ثائر.. هي بت عمتي اكيد اكو تطابق
الدكتور...لازم نجري الفحوصات الضروريه
ثائر...تمام ماكو مشكله
جمانه السعيدي
انطاني الدكتور ورقه حتى اجري بعض الفحوصات
نص موجوده داخل المستشفى وثنيين خارج المستشفي
رجعت اتصلت شكران
شكران ...قلقتني شلونها بت عمتك
ثائر...محتاجه عمليه
شكران...ياستار
ثائر...من ارجع اتصل عليج
شكران...براحتك
كملت كل الفحوصات داخل المستشفى وطلعت كبل
كملت الغحصوات البرا
مارجعت اله العصر للبيت
امي... هاا قلقتني عليك ماعندي رصيد واتصل
ثائر.. محتاجه عمليه
امي...يااا خطيه عمليه مال شنو
ثائر... زرع كلى
جمانه السعيدي
باوعت امي شافت الاوراق بايدي
امي. هاي شنو احجي هاي شنو هاي أوراق مستشفى
بسلا تريد تتبرعله
ثائر..... شلون اعوفها تموت
امي....يااا يااا تحجي صدك ولله هسه اعيط والم عليك العالم انت مخبل
شنو تنطيه كلى
ثائر.. حالته حرجه
امي... محد يموت قبل يومه
ثائر... اي بس رب العالمين امر بلرحمه والإنسانية
امي...شوف اذا اتبرعت الها لا اني امك ولا انت ابني
شنو تنطيه الكلى
ولك تموت تموت افهم
انشر اعلان وراح تلكه متبرع
ثائر...مو مال انتضر اعلان وعلما نحصل واحد
ويجري الفحوصات ايجوز تطلع مو مطابقه
اني طلعت تحاليل مطابقه
امي...اله اروح اتعارك وياا عمتك اخزيها بيش طالبتني
بس هالولد وتريد اضيعه مني
وين اشرد منها
ياناس الحكو عليه ولد وحيد وتركض عمته ورا
ماطلعت عشت يمها كم سنه
صارلك شكد تصرف عليه وعلى بتها
كافي مايصير هيج
الفلوس ميخالف بس تنطيها كلى مااقبل
ثائر...اني مصمم انقذ مرام
هاي أمانة عمو سلطان واني ما متعود اخون الامانه
امي....يااا وين اروح يمه الحكي عليه
جيب تليفونك
ثائر....لا تتصلين على عمتي وضوجيها كافي هي مريضه ومقهوره على بتها
امي...اني راح اتصل واتساب على شكران خل تجي تشوف
بعينها خطيبها شيريد يسوي
ثائر....اني داخل اسبح لو مو شكران اني اخذت قرأ ي وخلص
اتصلت امي بشكران وحجتله على العمليه
طلعت من الحمام لكيت عشر مكالمات فاتته من شكران
جمانه السعيدي
اتصلت عليه
ثائر...هلو شكران
شكران...هلو صحيح الكلام الي كالته أمك
ثائر...اي صحيح
شكران...تتبرع بكلى المرام
ثائر...اي
شكران...وليش انت ليش مو زوجها
ثائر...زوجها واحد نذل
شكرا....مشكلتها هي اختارت واحد نذل هي تتحمل المسؤليه
ثائر.. زوجها ماخذ ذهبها ومنهزم
شكران...وانت شكوووو ترا هيح عمليه خطره
لو تنجح لو لا ليش اضحي هيج تضحيه
ثائر.....الإنسانيه لو الحب تذكرين من سئلتج
كلتي الإنسانيه هذا الشي خلاج تكبرين بعيني
اليوم وياا اول تجربه بينا تخليتي عن الإنسانيه لو هو كان كلام وبس حتى تعجبيني
شكرا...الإنسانيه بلاشياء الي نكدر عليها بس هيج عمليه
تعرف انت راح تعيش طول عمرك بكلى وحده
اذا تعبت هاي الكلى راح تموت
ثائر...اريد اوضح شي اخير انتي لو بمكانها تقبلين اتخلى عنج
شكران.. اني زوجتك مسؤله منك بس هي عدها زوجها وحياتها الخاصه
ثائر....شوفي انتي او اي واحد يحتاج مني شي واكدر انطي
مااقصر
اني هذا طبعي
شكران....هسه ما تتراجع عن قرارك
ثائر...اني كملت كل اوراقي الاسبوع الجاي العمليه
بس اني راح احاول أقرب الموعد
الان خاف افقدها حالتها تعبانه حيل
شكران...هي هاي عمتك جنت عايش بيتها
ثائر...اي عمتي هي الي ربتني
شكران....تحبها
ثائر...طبعا غير عمتي
شكران.. اقصد مرام
سؤالها صدمني لان اني محافظ على هذاوالسر صار ٢٠
سنه
ومحد يعرف اني احبها
بس اني ومرام لان ماكدرت اسيطر وحجيتلها كلشي
شكران....ليش سكتت تحبها
ثائر...بت عمتي وربينا سوا اكيد احبها
شكران....لا تلف ودور تحبها
ثائر....شكاعد تحجين مزوجه
شكران....اني هسه اتاكدت من نبرة صوتك انت جنت تحبها
تذكر من كتلك اني احل الالغار
اني حليت هذا اللغز
مستحيل يكون اندفاعك هذا وخوفك عليها بس لانها بت عمتك
اكيد تحبها
ثائر...لاتخربطين بلكلام بت عمتي وبس
شكران....واني مااقبل تتبرعله بكليتك
ثائر... واني مصمم
شكران....لو اني لو هي اختار ورجعلي الجواب بسرعه
ثائر....قفلت التليفون قبل لا ارد عليها
بس اني ماكان عندي اي جواب
اني فعلا مجاي اكدر اختار بينها وبين مرام
مرام حبيبتي بس مزوجه
وشكران زوجتي وتحبني
جمانه السعيدي
بليل اخذت عشى ورحت للمستشفى اطمن على عمتي ومرام
دخلت لكيت عمتي ممده ومرام غافيه
ثائر...هااا عمه شلونج
كعدت على حيله تعبانه يايمه
ثائر...روحي للبيت ارتاحي واني ابقى يم مرام
عمتي...شلون اعوفها وحدها
ثائر....اني يمها لا تخافين بعدنا نحجي دخلت امي علينا
كانت تمشي وراي تتأكد اذا اروح للمستشفى
امي...ليش هيج ليش ما تخافين من الله
بتج تعيش وابني يموت
عمتي...شكوووو
امي...اي فقيره شكووو تقشمربن ثائر حتى يتبرع
بكليته وسوين نفسج ما تعرفين
عمتي...ثائر راح يتبرع المرام
ثائر...معليش عمه روحي ارتاحي
امي...ووين ترتاح هي ترتاح واني اشبع قهر
اني راح اشتكي على المستشفى
واشتكي على عمتك
ثائر...يمه عيب منا العالم ليش تهوسين صوتج عالي
امي...صوتي عالي بعدني ما سويت شي
عمتي...اني ما كتله تبرع الها اني اريد اتبرع البنتي
امي...انتي وبتج احرار بس ابعدي عن ابني
بعدني حتى ما مزوجته وفرحانه بي
وين أخذه وانهزم منجن
عمتي....عمه ثائر احجي اني كتلك اتبرع
ثائر...امشي عمه اوصلج للبيت وانتي يمه تعاي نتفاهم
امي...ماكو اي تفاهم بينا خطيبتك زعلانه من البارحه
وانت ولا على بالك
ثائر...يمه امشي الناس تتفرج علينا
سمعت مرام تبجي التفت عليه تبجي وتمسح بدموعها
ياربي شلون اسكت امي لو مرام لو اساعد عمتي
احتاريت وحيرني زماني
امي...ماامشي اذا سويت العمليه افلش المستشفى
شنو تتبرع الها
جمانه السعيدي
عمتي....يمه ثائر لا تتبرع اني مااريد اخسرك انت وليدي
امي...هذا الحجي كدامي مو
بس ارجع تتفقين انتي وبتج علي
عمتي....ثائر اخذ امك وروح عمه
ثائر...اسحب امي ما تقبل تمشي وياي ولا اكدر اصيح عليها
ولا اكدر ازعلها
كوه شلتها بحضني شيل منا لمن وصلنا للمصعد
وهي ما تقبل تسكت مستمره بلحجي على عمتي
وتهدد بيها
نزلنا جوا وهي تحجي
ثائر...كافي رحمه الاهلج كافي
اجرت تكسي وصعدنا اني وياها ورجعنا للبيت
بس وصلنا للبيت
امي...تعال ممنوع ترجع للمستشفى
ثائر...اني مو زغير جبير وافتهم اعرف اتصرف
امي...لا ماتعرف تتصرف
ثائر...لازم اساعدها تموت تعرفين شنو تموت
البنيه الوحيده العمتي تموت
امي... يومها وساعتها انت شكو انت اموتها
لو فلوس اني اكلك ساعدها
بس تتبرع بكليتك مااقبل
شوف اني ما راضيه عليك واذا اني مارضيت رب العالمين مايرضا عليك رضا الله من رضا الوالدين
ثائر....خلاص اهدءي
امي..تريد تسكتني
ثائر....حرت وياج شلون ترضين
امي...اتصل بشكران اعتذر منها
ثائر...اني ماغلطت بحقها حتى اعتذر منها هي الي خيرتني بين علاقتنا وبين العمليه
امي...اتصل بيها صالحها
ثائر...مو هسه بعدين
امي...هسه
ثائر...تراتعبتيني واني متحمل كوه لا تفرضين شي عليه
اني جبير واعرف اتصرف
ممكن تسكتين وتعوفيني بحالي
لا تضلين تدخلين بحياتي اني اعرف اقرر واختار
امي...بعد لا ترجع للمستشفى
ثائر...اهوووو ليش اطلعيني من اعصابي
جمانه السعيدي
دخلت غرفتي اتصلت على عمتي
ثائر...عمه لاتزعلين من امي
عمه....حقها تخاف عليك انت ابنها الوحيد
ثائر...خل تهدء وارجع اجيج لازم ترجعين للبيت ترتاحين
عمه...تعبتك وياي
ثائر...لا تكولين هيج
طلعت من الغرفه
امي...صالحت شكران
ثائر...مو كلنا لا تدخلين اني اصالحها
يله خل انروح اني وياج نبات يم مرام وعمتي ترجع للبيت تغسل وتبدل وترتاح
امي...مااروح
ثائر...اني رايح
امي...ماتروح
ثائر....يمه خافي الله ترا هذا عمل انساني
ومن يعمل مثقال ذرة خير يره
اعتبريه صدقه عن عمرج عن صحتج
بعدين العمليه مو اليوم الاسبوع الجاي
امي...ما كو عمليه لا تخليني اكلب المستشفى على رأس عمتك
ثائر...اني رايح ابدل عمتي حتى ترجع ترتاح
ابات بلمستشفى ماارجع اله الصبح
في امان الله