فارس: ( وفجأة اشتغل إنذار الخطر في القطاع بداء كل واحد مننا ياخد مكانه خدت سلاحي طلعت على برج المراقبة لقيت اربع عربيات قصاد القطاع وده مستحيل يحصل لأن المكان ده غير مصرح لأي شخص الوقف في من ضمن الأربع عربيات عربيه تم تفجيرها بعد هدوء الوضع خرج بعض الأمن لتمشيط المكان حوالين القطاع كانت العربية التانيه انفجرت لا يمكن يكون انفجار آلي الانفجار ده مربوط ب جهاز في حد شايف تحركات القطاع وفجأة لقيت عربيه دخله القطاع مسرعه بدأت في إطلاق النار على السائق وقفت العربية على باب القطاع وتم تفجير العربية داخل اول بوابه من القطاع مما أثر على المبنى الداخلي وإصابة بعض عساكر التمشيط الخارجي وقبل انفجار السيارة الثالثة كنت قدرت احدد مكان العنصر المسؤول عن التفجير من بعيد و أصبته وقع على الأرض بدأ في التحرك ظابط من القطاع اسمه دهب طلع يجيب الولد ده)
عراقي: دهب متدخلش القطاع ب الواد ده ممكن يكون لابس حزام ناسف
دهب : الواد معايا هو فعلا لابس حزام ناسف يا عراقي
عراقي : كلبش الواد وخد منه الجهاز أنا طالع افك الحزام
قائد الكتيبة: عراقي في خبير مفرقعات جاي
فارس: بس مفيش وقت يا فندم أنا طالع مع العراقي
عراقي: محدش يطلع معايا نفذ الأمر يا عزيز
عزيز: تحت امرك يا فندم
فارس: ( نزلت ل قائد الكتيبة عايز افهم يعني اي عراقي يأمر قائد الكتيبة والقائد يقوله تحت امرك يا فندم هو عراقي رجع خدمه تاني ذاي ما قال )
قائد الكتيبة: عايز اي يا فارس
فارس: عايز اجابه على سؤالي هو عراقي رجع الخدمه تاني
قائد الكتيبة: عراقي رجع بأمر من القاده مش بمزاجه خلاص يا فارس بعد اذنك اوعا تتخطى حدودك انت المقدم فارس فرد من منظومه كبيره تعمل اللي المنظومة شايفه أنه صح غير كده لأ انت فاهم
فارس: تحت امرك يا فندم
عراقي: ( كان جاب الولد ودخل بيه القطاع )
قائد الكتيبة: تسلم ايدك يا عراقي
عراقي : أنا عايز الأمن اللي على البوابه اللي بره على مكتبي حالا يا عزيز
قائد الكتيبة: تحت امرك يا فندم
بعد ما تم إحضار أمن القطاع الي مكتب عراقي
عراقي : ( فتح شريط فيديو يظهر فيه وقت دخول العربيات الي القطاع ) انت و انت وانت الباقي بره
قائد الكتيبة: ياله ياله كل واحد منكم يشوف شغله
عراقي: كل واحد منكم مكانه محدش ضامن اي ممكن يحصل تاني
قائد الكتيبة: التلاته دول معاهم يا فندم
عراقي : لا التلاته دول بره القطاع محاكمه عسكرية ياله
عسكري منهم : والله يا فندم أنا كنت بكلم واحد منهم قالي معلش يا دفعه دي زفه ومفيش مكان نركن في خمس دقائق ونمشي
عراقي : دي لو زفه امك مش هتسبها تقف قصاد القطاع وانت مطمئن ليهم اوي كده
العسكري : والله يا فندم أسف
عراقي : أسف اي انت عارف انا خسرت كام راجل بسببك النهارده امشي من قصادي اقسم بالله لو بأيدي ما كنت تطلع من القطاع حي
قائد الكتيبة: بره ياله بره
عراقي: اي يا عزيز الهزار ده معقول يحصل كده في القطاع من امتا واحنا كده الله يرحم ايام ما كنا نطلع نعمل المهمة من غير ما حد يعرف أن كنا عايشين ولا موتنا
قائد الكتيبة: اقولك اي بس يا عراقي
عراقي: قول أن الفوضى اللي احنا فيها دي غلطتك ولازم تنتهي
قائد الكتيبة: عراقي اللي عمل كده في القطاع وخلي سيناء كلها تعرف وجودنا هنا الصياد لما كسر الأمر مني ودخل خد اخوه من الكمين غصب عننا كلنا
عراقي : هات الصياد على مكتبي حالا
قائد الكتيبة: تحت امرك يا فندم
بعد وصول فارس مكتب العراقي
فارس: تحت امرك يا فندم
عراقي : اتفضل انت يا عزيز بيه سبني مع الصياد شويه بعد اذنك
قائد الكتيبة: تحت امرك يا فندم
بعد خروج القائد
فارس: مالك يا عراقي في اي
عراقي : اللواء عراقي يا فارس بيه إحنا مش في البيت
فارس: تحت امرك يا فندم
عراقي : كسرت الأمر ليه بتاع القائد بتاعك
فارس: أمر اي أنا نزلت الاجازه رجعت كانت الكارثة دي موجوده
عراقي : قصدي يوم كمين الواحه
فارس: كنت عايزني أسيب اخويا يموت هو ده كلامك يا عراقي بيه هو ده اللي طول عمرك تقولي لو هتموت على زميلك موت بس اوعا تسيبه وتهرب
عراقي : لا اخوك كان تحت السيطرة المهمة كانت انتهت انت اللي ركبت دماغك
فارس: تحت امرك يا فندم لو حضرتك حابب اني أفقد دفعه مفيش مانع
عراقي: اللي كان بيحصل زمان لو كان في إهمال منك واحد في المليون مبقاش ينفع يا صياد لازم تكون عارف أن قدرك أن ابوك العراقي قائد قوات ٩٩٩ يعني اي غلطه اي كلب ماشي في الشارع هيقولك علشان ابن العراقي وانت عارف وانا عارف أن الكلمه دي ياما وقعت ظباط كتير كانت البلد محتاجه جهودها
فارس: يعني اي يا عراقي
عراقي: ( مسك فارس من كتافه) يعني أنا عايز اشوف اسد من النهارده مش عايز فارس ابني أنا عايز الصياد عايز قلبك ده ميكنش في ذرة واحده من الضعف لو لقيت العراقي تحت الردم ولقيت عنصر على الضفه التانيه سبني تحت الردم لحد ما تنهي مهمتك وبعد كده هاتني من تحت الردم إحنا مش بس بنعمل مهمات ل سيناء احنا هنا علشان نحمي ١٠٠ مليون فاهم كلامي
فارس: تحت امرك يا فندم
عراقي: اتفضل على شغلك
فارس: (. فتح باب المكتب)
العراقي: صياد جهز نفسك مش كنت بتحلم تعمل مهما مع العراقي
الصياد: ( بفرحه كبيرة) طبعاً يا آدم بيه
عراقي : جهز نفسك محدش نازل الإنفاق معايا غيرك
الصياد: جاهز يافندم
قائد الكتيبة: عراقي
عراقي : خير يا عزيز
قائد الكتيبة: شبراوي اختفى من مستشفى القطاع
عراقي: يعني اي اختفى من مستشفى القطاع
قائد الكتيبة: من بعد الانفجار اللي حصل ومحدش عارف مكان شبراوي بعد مراجعه الكاميرات رصدت دخول الواد الاسباني اللي خطف شبراوي عند المديرية
عراقي : الواد ده دخل ازاي فين الفيديوهات
قائد الكتيبة: في غرفه العمليات
عراقي : صياد اجمع فرقه وانتظر مني التحرك شبراوي النهارده هيبات في القطاع وأبو زياد انتها
الصياد: تحت امرك يا فندم
بعد نزول الصياد ل تعبئه الكتيبة
فاطمه: فارس فارس
فارس: انتي نازله من المستشفى ليه
فاطمه: والله ما هطلع ولا همشي إلا لما ترد على سؤالي
فارس: لما ارجع القطاع هتكلم معاكي دهب يا دهب
دهب : تحت امرك يا قائد
فارس: اجمع فرقه ١٢
دهب : تحت امرك يا فندم
فاطمه: مش هطلع يا فارس عايزه افهم في اي
فارس: لو عرفتي في اي صدقيني هتكرهي نفسك خليكي كده احسن
فاطمه: كده اللي هو اي فهمني أنا عملت اي غير معاملتك معايا كده
فارس: أبوكي اللي عمل امشي يا فاطمة امشي
فاطمه: بابا عمل اي انت بتلكك ليه يا فارس هو علشان أنا بحبك تعمل معايا كده
فارس: كل اللي احنا في ده بسبب أبوكي قتل اخويا و عرض حياتك وحياتي وحياه الظابط نسر للخطر بعد ما كشف خطتي أبوكي سبب موت كل الشباب اللي عماله تقع وسطنا الوقتي ابوكي مات ولسه شايل دم كل راجل مات مننا
فاطمه: انت بتقول اي انت مجنون بابا كان راجل خدم وطنه بابا عمره ما عمل حاجه وحشه ل حد
دهب : الفرقه جاهزه يا قائد
فارس: عرفتي بقا أن المعرفه مش حلوه أنا مكنتش عايز اقولك علشان اللي علي وشك ده مكنتش حابب أشوفه اطلعي مستشفى القطاع اوعي تنزلي منها حياتك في خطر الناس دي فاكره انك تعرفي حاجه عنهم أو معاكي اي اسماء أو أماكن ليهم
فاطمه: مبقيتش فارقه خلاص يا فارس روح شوف شغلك
فارس: اطلعي المستشفى
فاطمه: من فضلك سيب ايدي أنا حره أطلع المستشفى اطلع بره القطاع خالص محدش وصي عليا انتهت يا فارس
