رواية عندما يقع الوحوش في العشق الفصل الثالث عشر بقلم جنات
برا عند حياه كريم بيقرب منها وبيحاول يمسح دموعها حياه بتبعد ايده:اياك تفكر تلمسنى فاهم
كريم بيضربها قلم قوى:انتى بتاعتى فاهمه وكريم الاحمدى لما يعجبه حاجه بتبقي بتاعته ولازم ياخدها انتى فاهمه
حياه بتقرب من ريم اللى حاضنه ليان وملك اللى فاقدين الوعى وبيعيطو وهما سامعين صوت صريخ ديما
ريم:اهدى ياحياه اكيد الوحوش هيجو
__________
برا المكان الوحوش بيوصلو وبيقفو بعيد عن المكان عشان محدش يشوف العربيات
سيف:مافيش حراسه كتير يلا اتحركو
وبيتحركو الوحوش بالجيش وبيضربو رجلين اللى واقفين على الباب بالنار
___________
رعد بيسمع الرصاص وبيدخل بسرعه:كريم باشا الوحوش محاصرين المكان
كريم:ياولاد الايه عرفو يوصلو لينا ازاى ازااااااى
___________
عند اسامه بيشد بلوزة ديما وبيقطعها وديما بتحاول تخبي جسمها اللى باين وبيهجم عليها وفجاه بيدخل كريم
كريم:الوحوش هنا
اسامه:انت مش قولت مش هيعرفو يوصلو للمكان ده ياغبي
ديما بترتاح لما بتسمعه بيقول ان الوحوش هنا بتحاول تقوم جسمها كله بيوجعها من الضرب وبتروح لزاويه فى الاوضه وبتحاول تدارى جسمها اللى باين
___________
كريم واسامه بيحاول يهربو من الباب الورانى بس بيلاقو الجيش فى مكان وبيمسكوهم
سيف:محدش هيدخل غير الوحوش فاهمين
وبيدخلو وبيشوفو حياه وريم وهما منهارين وملك وليان مغمى عليهم
الشباب كل واحد بيجرى على مراته
سليم بيشيل ملك وادهم بردو وبيخرجو على العربيات
جاسر بيقوم ريم وبيخرجها بره
سيف بياخد حياه فى حضنه وهى منهاره
زين بيقرب من حياه بخوف:فين ديما ياحياه
حياه بترفع عينها لزين
حياه بانهيار وبتشاور على الاوضه:اسامه اخدها فى الاوضه دى
سيف بيبص لزين اللى بيبص على الاوضه بخوف
الشباب بيكونو قعدوا البنات فى العربيه ورجعو وبيسمعو كلام حياه
سليم:روح يازين ادخل انت شوفها
زين بيقوم بخوف بيقدم رجل ويأخر التانيه وخايف يكون الكلب ده عمل فيها حاجه بيفتح الاوضه وبيشوفها قاعده فى زاويه وشعرها مكشوف والبلوزة مقطوعه وبتحاول تدارى جسمها اللى كله بيترعش برعب
ديما اول ماالباب بيتفتح وبتشوف زين بتطمن
ديما بصوت ضعيف:ز...زين
زين بيجرى عليها وبيقلع الجاكت بتاعه وبيلبسه لديما وبياخدها فى حضنه وهى بتنهار وبتعيط بصوت عالى
زين:اهدى ياديما انا اسف والله اسف انى مقدرتش احميكى ياحبيبتى
ديما بترفع عينيه لزين بانهيار:حاول يلمسنى يازين قرب منى وضربنى
وبتفضل تصوت جامد لحد مابيغمى عليها فى حضن زين وحياه بتدخل بسرعه الاوضه وبتشوف منظرها بتقع على الارض
سيف بيدخل وبيشوف زين وهو مخبي ديما فى حضنه:يلا يازين لازم نمشي
زين فى عالم تانى ولا كأنه سامع حد
سيف بخبط على كتفه بيفوق زين
سيف:يلا يازين لازم نتحرك
زين بحزن:هاتلى طرحتها ياسيف
سيف بيجيب الطرحه وبيديها لزين بيحطها على شعرها وبيشيلها وبيخرج
سيف بيقرب من حياه اللى واقعه فى الارض:يلا ياحياه لازم نمشي
وبيساعدها تقف وبيخرجو على العربيات وبيتحركو
سيف لسواق:اطلع على المستشفى بسرعه
__________
فى المستشفى
ادهم وسليم واقفين مستنين حد يطمنهم على ملك وليان
الدكتورة بتخرج
سليم:عاملين اى يادكتورة
دكتورة:ملك عندها انهيار عصبي وكدمات بسبب العنف اللى اتعرضتله وانا اديتها حقنه مهدئه مش هتفوق غير بكرة
اما ليان الموضوع مقلق شويا الخبطه فى بطنها كانت شديده واحنا هنعمل شويا تحاليل واشعه لان فى احتمال كبير ان الرحم يتضرر بسبب الضربه
ادهم قعد على الكرسي ومش بينطق سليم قرب منه وحط ايده على كتفه:ان شاء الله هتبقي كويسه لازم تبقي قوى عشان لما تفوق تلاقيك جمبها
ادهم بيهز راسه دليل على الموافقه
_____________
عند حياه كانت اعده على الكرسي قدام اوضه ديما وزين واقف ساند راسه على باب الاوضه وسيف رايح جاى فى الطرقه الدكتوره بتخرج كلهم بيجرو عليها
زين:طمنينى ونبي يادكتورة هى كويسه
الدكتورة:اتعرضت لمحاوله اغتصاب بس الحمدلله انها لسه بنت وفى كدمات كتير فى جسمها وحاله الرعب اللى عاشت فيها سببتلها انهيار عصبي جامد انا اديتها مهدئ قوى عشان متفوقش فى الوقت الحالى
زين:طب ممكن اشوفها
الدكتورة:اه طبعاا اتفضل ادخلها
زين بيدخل الاوضه وبيشوفها وهى نايمه على السرير وجسمها كلها كدمات وبيحس بنار جواه لما بيشوف علامات على رقبتها اثر اعتداء اسامه عليها
زين بيمسك ايدها:هجبلك حقك ياحبيبتى والله لاموته بايدى
وبيخرج من الاوضه
سيف:انت رايح فين يازين زييييييييين
حياه:الحقه شكله هيعمل مصيبه وانا هدخل لديما
سيف بيجرى ورا زين وبيركب معاه العربيه وزين اتحرك بالعربيه بسرعه رهيبه
____________
فى كافيتريا المستشفى
جاسر:طب اشربي العصير عشان تهدى شويا انتى جسمك كله بيترعش
ريم....
جاسر:ردى عليا ياريم بلاش تقلقينى عليكى
ريم:لازم اروح اطمن على ديما وليان وملك
جاسر:طب تعالى نطلع نطمن عليهم وبعد كدا هروحلك البيت عشان ترتاحى
ريم:لا مش همشي واسيب البنات هفضل هنا لحد مااطمن عليهم
جاسر:ماشي ياريم اللى انتى عايزاه
_______________
اهل البنات لما عرفو اجو كلهم على المستشفى
وفضلو جمب البنات
فى الاوضه ليان كانت سهام اقعده جمبها وماسكه ايدها وادم جمبها من ناحيه تانيه وعمال يعيط على اخته
الباب بيخبط وبيدخل ادهم وعينه على ليان اللى وشها شاحب
سهام:تعالى ياادهم الدكتورة قالت اى ياحبيبي طمنى
ادهم بحزن:خير ان شاءالله خير
ادهم بيروح لادم وبياخده فى حضنه:ليان قويه وانت كمان قوى مش كدا لو فاقت وشافتك بتعيط هتزعل وتفضل تعيط زيك وتتعب يرضيك انها تتعب
ادم بيهز راسه بلا
ادهم:يبقي تمسح دموعك وبلاش عياط انتى قوى ياادم وليان محتاجه انك تكون جمبها
ادم مسح دموعه:حاضر
الباب بيتفتح وبتدخل ناديه مرات ابو ليان:مالها السنيورة
سهام:ناديه مش وقتك خالص البنت تعبانه كفايه اللى حصلها
ناديه:ايوااااا ايه اللى حصلها بقي الهانم بقالها اسبوعين بره البيت ومعرفش اى حاجه عنها فجاه كدا اعرف انها اتخطفت ومرميه فى المستشفى بتموت
ادهم بعصبيه:بقولك اى ياست انتى انا على اخرى فحطى لسانك جوا بوقك ياما تغورى من هنا مفهوم
ناديه:وانت بقي جوز السنيورة
ادهم بيقرب منها وناديه بترجع لورا بخوف:ايوا انا المقدم ادهم جوز ليان ولو فضلتى هنا ثانيه كمان هتنامى فى الحبس ان شاء الله
ناديه بتخرج بسرعه وهى مرعوبه لما عرفت انه مقدم
ادهم لسهام:ممكن اسالك سؤال
سهام:اتفضل يابنى
ادهم:هى ليان لى قاعده عندك
سهام:بص يابنى انا هحكيلك كل حاجه لانى متاكده ان ليان مش هتقولك على مشاكلها
سهام بتحكى على كل حاجه حصلت لليان من وقت وفاه امها وجواز ابوها من ناديه ومعامله ناديه ليها هى وادهم لحد ماطردتها من البيت
ادهم بعصبيه :حسابها معايا الوليه دى هخليها تكره حياتها
ادم:بص يا ادهم احبسها ولا اقولك اديها اعدام احسن نريح البشريه منها
ادهم وسهام بيضحكو على كلام ادم
____________
بعد شويا بيوصل زين وسيف على المقر وزين بينزل بسرعه وبيدخل المقر وهو مش شايف قدامه وبيقسم انه هيتقتل اللى اسمه اسامه
زين بعصبيه:هما فين
العسكرى بيبص لسيف ومش بينطق
زين ببمسكه من ياقه قميصه:هتنطق ولا تحب اقتلك معاهم
سيف:اهدى يازين مش كداا
زين:انطق هما فيييييييين
العسكرى:فى الحبس الانفرادى اللى تحت
زين ببزق العسكرى وبيروح بكل عصبيته على المكان اللى فيه اسامه وبيدخل وبيبص لاسامه وبيفتكر شكل ديما
زين للعسكرى:اقفل ورايا وممنوع تفتح غير بامر منى
وبيقرب من اسامه وبيضرب فيه بكل قوته
اسامه بتعب:اضرب اضرب عندك حق اصلا تستاهل الصراحه بس ياخسارة ملحقتش اتمتع معاها
زين بيتعصب وبيمسكه من رقبته واسامه خلاص مش قادر يتنفس ووشه بقي احمر
سيف للعسكرى:افتح الزفت ده وبيدخل وببيحاول يبعد زين عن اسامه وبينجح ووبياخده وبيخرج بره
سيف:ماتهدى بقي يازين اللى بتعمله ده غلط
بيجى عليهم للوا لطفى بعصبيه:ورايا على المكتب
___________
فى مكتب اللوا لطفى
لطفى:ممكن افهم اى اللى عملته ده يازين انا عارف ان اللى حصل مع البنات صعب بس تصرفك غلط ومينفعش تعمل كدا
زين بعصبيه:غلط ازاى حضرتك ومينفعش اعمل كدا لكن اللى حصل مع مراتى واصحابها ينفع مش كدا انا اوعدك موته على ايدى
وبيخرج من المكتب
سيف:معلش ياافندم بس اللى حصل مع مراته صعب ورد فعله مش غلط عن اذنك وبيخرج من المكتب وبيروح لزين فى مكتبه بيلاقيه قعد على كرسي وراسه بين ايديه
سيف:هتبقي كويسه يازين بس لازم تهدى عشان خاطرها وتساعدها انها تنسي اللى حصل
زين بيرفع راسه لسيف ودموع فى عينيه: اساعدها تنسي ازاى وانا مش قادر انسي منظرها ياسيف انسي ازاى وانا شايفها منهارة ومرعوبه وهدومها متقطعه وبتحاول تدارى جسمها ولا انسي ازاى العلامات اللى على رقبتها وجسمها من اعتداء الكلب ده عليها قولى بقي هى هتنسي ازاى
سيف بيبطبطب على كتفه وبيحضنه:هتعدى ياصاحبي هتعدى صدقنى وكلاب دول هياخدو عقابهم بس بالقانون يلا خلينا نرجع المستشفى عشان البنات وكمان ادهم محتاجاك جمبه
زين باستغراب: ليه ماله ادهم
سيف: ليان حالتها صعبه ممكن الرحم يتضرر بسبب الخبطه اللى اخدتها فى بطنها
زين بحزن على تؤامه:طب يلا نرجع المستشفى
_____________
فى اوضه ملك لسه مفقتش وقاعد جمبها حسين ابوها وفريده امها
الباب بيخبط بتدخل حياه
فريده:تعالى ياحبيبه قلبي
حياه بتترمى فى حضن فريده وبتعيط
فريده:اهدى ياقلبي اهدى هيبقو كويسين والله هيقومو هتعملو الفرح وهتبقو احلى عرايس ان شاء الله
حسين بيطبطب على راس حياه:انتى كويسه يابنتى
حياه بتبعد عن حضن فريده:الحمدلله ياعمو
الباب بيخبط وبيدخل سليم:الوقت اتاخر ياجماعه روحو انتو ارتاحو وانا هفضل هنا مع ملك
فريده كانت لسه هتعترض بيقاطعها حسين:يلا يا ام ملك سليم هيفضل معاها وبيخرج فريده وحسين وحياه واقفه تبص لملك ودموعها مش بتوقف
سليم:حياه انا عايز اعرف اى اللى حصل معاكو بظبط
حياه بتلف لسليم:حاضر
سليم: طب تعالى نخرج بر
بيخرجو برة وبيلاقو سيف جاى عليهم
سيف:ملك فاقت ولا لسه
سليم بحزن:لسه
سيف بيطبطب على كتفه:هتبقي بخير باذن الله
سليم:حياه احكي يلا اى اللى حصل معاكو
حياه بدات تحكى من اول مافاقو لحد ماالوحوش وصلو وانهارت وبقت تعيط وصوت شهقاتها وجع قلوبهم
سليم حب يسيبهم سوا:طب انا هدخل لملك اطمن عليها
سيف بيقرب من حياه وبياخدها فى حضنه:اهدى ياحياه هناخد حقكو صدفينى من الكلاب دوول
_____________
زين بيروح على اوضه ديما بيخبط ويدخل وبيكون موجود جمال ابوها وياسين اخوها والدتها اسماء وديما لسه نايمه بسبب المهدئ زين بيبص عليها بحزن
زين وهو موطى راسه:انا اسف ياعمى مقدرتش احميها
جمال بيطبطب على كتفه:ارفع راسك يابنى انا متاكد انه غصبن عنك
ياسين بيقرب من زين بحده:لازم حق اختى يرجع يازين انت فاهم
زين:من غير ماتتكلم يا ياسين حقها هاخده بنفسي عن اذنكو هروح اطمن على ليان وملك
بيخرج زين وبيروح على اوضه ليان بيلاقى ادهم قاعد على كرسي قدام الاوضه
زين بيحط ايده على كتف ادهم وادهم بيرفع عينه بيلاقيه تؤامه بيقوم يحضنه وبيعيط جامد
زين:اهدى ياادهم عشان ليان لماتفوق تلاقيك جمبها الدكتوره قالت اى
ادهم:الرحم اضرر بشكل كبيير ونسبه الحمل قليله جدااا انا مش عارف هقولها اى لما تفوق اقولها انا اسف مش هتقدرى تبقي ام
زين بياخده فى حضنه
____________
فى اوضه ملك سليم قاعد على الكرسي جمب السرير وماسك ايديها وبيحس بملك بتحرك ايدها وبيلاقيها بتحاول تفتح عينيها
سليم:ملك حبيبتى انتى كويسه
ملك بتبصله وبتفتكر اللى حصل معاها وبتعيط
سليم بياخدها فى حضنه:اهدى ياقلبي انا اسف انا مقدرتش احميكى انا اسف
ملك ماسكه فى هدومه ومنهارة الباب بيخبط وبتدخل حياه سليم بيبعد عن ملك وحياه بتجرى عليها وبتاخدها فى حضنها
حياه:انتى كويسه ياحبيبتى
ملك:الحمدلله البنات كويسين هما فين
حياه بتبص لسليم:كويسين ياملك الحمدلله
ملك:انتى مخبيه ايه عنى ياحياه البنات حصلهم حاجه( طبعا ملك متعرفش باللى حصل مع البنات لانها اغمى عليها )
حياه:اهدى ياملك هما كويسين انتى لازم ترتاحى ومتفكريش كتير عشان متتعبيش تانى انا هروح اشوف البنات
حياه بتخرج وسليم بيقرب من للسرير ويقعد جمب ملك وهى بتترمى فى حضنه:كنت خايفه اوى ياسليم انكو تتاخرووو اللى اسمه كريم ده مش طبيعى ده واحد مريض
سليم بيفتكر كلام حياه عند اللى كريم عمله فى ملك عشان رفضو تقلع طرحتها:هناخد حقكو ياحبيبتى متخافيش نامى انتى شويا عشان ترتاحى وبتنام ملك فى حضن سليم وبعد شويا سليم كمان بينام
___________________
حياه بتخرج من اوضه ملك بتحس الدنيا بتلف بيها وكانت هتقع بيلحقها سيف وبيقعدها على الكرسي
سيف:حياه انتى كويسه
حياه بتهز راسها باه
سيف:انتى لازم ترتاحى ياحياه انتى تعبتى النهارده تعالى ارتاحى فى اى اوضه هنا
حياه بتعب:انا كويسه ياسيف متقلقش عليا
سيف:كويسه ازاى ياحياه انتى مش قادرة تقفى على رجلك تعالى معايا عشان ترتاحى
حياه مش بتقدر تمشي سيف بيشتالها وبيوديها على اوضه فاضيه وبينيمها على السرير وبيفكلها الطرحه وبيقعد جمبها وبيملس على راسها لحد مابتنام وسيف بينام وهو قاعد جمبها
_____________
ريم روحت بيتها بعد اصرار جاسر انها لازم ترتاح بعد اليوم المتعب اللى عدى عليهم
________________
صباح تانى يوم فى اوضه ليان بتفتح عينيها بتعب بتلاقى سهام نايمه وهى قاعده جمبها على السرير وادم وادهم نايمين على الكنبه
ليان بتعب:سوسو ......ياسوسو
سهام بتفتح عينيها:حبيبه قلبى حمدلله على سلامتك ياحبيبتى
ادهم وادم بيصحو على صوت سهام وادم بيجرى يحضن ليان وادهم واقف يبص عليها بحزن
سهام:انتى كويسه ياحبيبتى
ليان بتعب ظاهر:الحمدلله
سهام بتشوف ادهم واقف بعيد:يلا يادومى نروح ننادى لدكتورة عشان تيجى تطمنا على ليان
وبيخرجو من الاوضه وادهم بيقرب وبيقعد على الكرسي اللى جمب السرير وبيبمسك ايد ليان وبيبوسها:حمدلله على سلامتك ياقلبي
ليان بتشوف الحزن والدموع فى عيون ادهم
ليان:اانا كويسه ياادهم متقلقش عليا
ادهم:كنت هموت من الخوف عليكى انا اسف اللى حصلكو بسببنا وبسبب شغلنا
ليان:نصيبنا ياادهم.. اااااااااااه
ادهم بخوف:مالك ياليان انتى كويسه حاسه بايه
ليان:بطنى.. بطنى وجعانى اوى ياادهم
ادهم: الدكتوره قالت انك هتحسي بوجع لان الضربه كانت قويه والوقت هتيجى وتطمنا عليكى
ليان:البنات كويسين ياادهم حد حصله حاجه اللى اسمه كريم ضرب ملك جامد واغمى عليها لما قولته حرام اللى بيعمله ضربنى فى بطنى
ادهم:متقلقيش البنات كويسين ياحبيبتى ارتاحى انتى على ماالدكتوره تيجى
__________________
فى الاوضه اللى نايمه فيها حياه وسيف حياه بتصحى بتلاقى سيف نايم وهو قاعد حياه بتقوم تقعد:سيف ياسيف
سيف بيصحى بيلاقى حياه قاعده قدامه:صباح الخير ياسيف
سيف:صباح الجمال ياحبيبتى عامله اى الوقت
حياه:كويسه الحمدلله يلا عشان نروح نطمن على البنات
سيف:طب البسي طرحتك ويلا نروح
__________________
فى اوضه ديما الباب بيخبط بيدخل زين وعينه على ديما
زين:الدكتورة بتقول انها هتفوق فى اى لحظه
جمال:ان شاء الله يابنى
اسماء:ديمااااا انتى سمعانى
كلهم بيبص على ديما اللى بتحاول تفتح عينيها
ديما بتعب:اااااااااه انا تعبانه اوى ياماما
زين حس كان سكين دخل فى قلبه من وجعها
جمال بيقرب يبوس راسها:حمدلله على سلامتك ياحبيبه ابوكى
ديما:الله يسلمك يابابا
ياسين بياخدها فى حضنه:ياحبيبتى انتى كويسه
ديما:الحمدلله ياحبيبي ..انا عايزة اقعد ممكن
اسماء:بس انتى لسه تعبانه يابنتى
ديما:مخنوقه ياماما ممكن اقعد
كل ده وزين واقف مش بينطق
ياسين واسماء بيساعدو ديما انها تقعد على السرير وديما عينيها بتيجى فى عين زين وبتبعد نظرها بسرعه عنه وزين بستغرب لى عملت كدا
زين:حمدلله على سلامتك ياديمااا
ديما من غير ماتبص لزين:الله يسلمك يازين
زين مستغرب لى مش راضيه تبصله:طب انا هروح انادى على الدكتوره عشان تطمنا على ديما وبيخرج من الاوضه بيلاقى حياه وسيف
حياه:ديما فاقت يازين
زين:ايوا ياحياه فاقت ادخليلها
سيف:حمدلله على سلامتها ياصاحبي
زين:الله يسلمك ياسيف
سيف:مالك يازين
زين:مش عارفه ديما مالها مش بتبص فى عينيا ابدااا
سيف:اللى مرت بيها مش سهل يازين
زين:عارف ياصاحبي
_____________
جوااا عند ديما حياه بتدخل وبتجرى على ديما بتحضنها والاتنين بيعيطووو
حياه:حمدلله على سلامتك ياروحى كنت هموت من الخوف عليكو الحمدلله انكو كويسين
ديما:الله يسلمك ياحياتى البنات كويسين
حياه:الحمدلله
الباب بيخبط وبيدخل كامل جد زين بيبوس راس ديما: حمدلله على سلامتك يابنتى عامله اى الوقت
ديما:الله يسلمك ياجدو انا كويسه الحمدلله
الدكتورة بتدخل:حمدلله على سلامتك ياديما
ديما:الله يسلمك حضرتك
دكتورة:طب اتفضلو بره على اكشف عليها كلهم بيخرجو بعد شويا الدكتوره بتخرج:مين فيكو ياسين
ياسين:انا يادكتورة
دكتورة:ديما عايزاك جوا اتفضل ادخلها
ياسين بيدخل وبعد فترة بيخرج وبيبص لزين اوى:زين ديما عايزة تطلق
زين😳😳
