رواية عندما يقع الوحوش في العشق الجزء التانى الفصل الثانى عشر بقلم جنات
الكل وصلو القاعه دخل كل عريس وايده اميرته والكل كان مبهور بجمالهم ومشيو لحد المكان اللى هيقعدو فيه والشباب عايزين يرقصو مع البنات الوحوش رفضو وقالولهم بعد كتب الكتاب بعد شويا جه الماذون وبدا يكتب الكتاب والشباب كانو بيتخانقو مين هيكتب الاول سيف حل المشكله دى وبدا بفهد وفيروز وبعد كدا اسر وكارما وبعدهم ملاك وعدى وفى اخر كريم ولين والوحوش طبعااا هما الشهود وخلص كتب الكتاب كل عريس خد عروسته عشان رقصه السلو
______________
عند كريم ولين
كريم:مبروك عليكى انا ياقلبي
لين ضحكت:ايه كل الغرور ده
كريم:مش غرور والله دانا اسعد واحد فى الدنيا النهارده
لين:وانا فرحانه اوى
كريم:انتى النهارده زى القمر خايف من عيون الناس والله
لين:متقلقش كل واحده فينا مامتها ريقتها قبل ماننزل
كريم:طب كويس
_________________
عند عدى وملاك
عدى:الجمال ده كله هيبقي ليا لوحدى
ملاك:مبروك ياحبيبي
عدى برق :انتى قولتى حبيبي بجد انا هيغمى عليا من الفرحه
ملاك:لا اغمى عليك لما الحفله تخلص
عدى:كل همك الحفله ياملاك وانا اولع يعنى
ملاك:بعد الشر عليك ياعدى
عدى:انا مش مصدق انك بقيتى بتاعتى خلاص ماتيجى نروح على فيلتنا على طول لازم فرح يعنى
ملاك:اه طبعا لازم اطل بالابيض
عدى ضحك عليها:ممكن تطلى بالبيج عادى مش هيحصل مشاكل
ملاك:لا لازم فرح
عدى:ماشي ياملاك هستنى للفرح
_______________
عند اسر وكارما
اسر بيبص لكارما ومش بيتكلم
كارما:احم مالك يااسر
اسر:مش مصدق انك بقيتى على اسمى وملكى
كارما:تصدق من كتر ماكنت بستنى اليوم ده انا كمان مش مستوعبه بجد
اسر:مبروك عليا انتى ياكرملتى
كارما:الله يبارك فيك يااسر
اسر:انما ايه الحلاوة والجمدان ده كله
كارما:طبعا مش بقيت زوجه الرائد اسر سيف الجارحى
اسر بصوت عالى شويا:ياواد ياجامد انت
كارما:وطى صوتك يامجنون الناس تقول ايه
اسر:مجنون بيكى انتى ياروح قلب اسر وبعدين انا مالى بالناس انتى بقيتى مراتى يعنى لو بوستك الوقت محدش يقدر يتكلم حتى زيزو
كارما بكسوف:بطل بقي يااسر عيب كدا
اسر:عيون اسر
_________________
عند فهد وفيروز
فهد:مبروك ياروزة
فيروز:الله يبارك فيك يافهد
فهد:تصدقى اول مرة اعرف ان اسمى حلو اوى كدا
فيروز وشها احمر من الكسوف
فهد:نفسي اعرف هتبطلى تتكسفى منى امته يابنتى دانا زى جوزك بردو
فيروز:فهد
فهد:عيون فهد
فيروز:كنت عايزة اقولك على حاجه
فهد:اتفضلى يافيروز
فيروز:انا....انا..
فهد:ايه يافيروز انا قلقتينى
فيروز:انا كام بحبك اوى
فهد:صلاه النبي احسن هو يوم قمر من اوله اقسم بالله .انا بعشقك يافيروز .النهارده اسعد يوم فى حياتى كلها
فيروز:يارب دايما ايامك كلها تبقي سعاده وهنا
فهد:طول مانا وانتى سوا السعاده هتبقي تالتنا يافيروز اوعدك عمرى ماهزعلك مهما حصل
فيروز:ربنا مايجيب اى حاجه وحشه بينا
فهد:يارب ياقلب فهد
_______________
فهد والشباب بصو لبعض وكل واحد شال عروسته ولف بيها والبنات كانت طايرين من الفرحه والوحوش رقصو مع بناتهم والشباب كانو بيولعو من الغيرة واشتغلت مهرجان والكل بدا يرقص وفرحانين نور وهنا بيرقصو مع البنات
نور:انا هروح الحمام واجى بسرعه
هنا:اجى معاكى
نور:لا خليكى مش هتأجر
نور ماشيه وراحه الحمام فجاه حد شدها ودخلها الاستراحه اللى فى قاعه نور لسه هتصوت مراد حط ايده على بوقها
مراد:هشششس دانا متخافيش
نور زقت ايده:حرام عليك يامراد قلبي كان هيقف من الخوف
مراد:بعد الشر عليك يانورى وبعدين مش عيب لما تخافى وانا موجود
نور فرحت اوى لما قالها نورى بس حولت متبينش:نعم عايز ايه
مراد:عايزة اقولك على حاجه
نور:ايه
مراد:انتى زى القمر النهارده
نور خلاص جابت اخرها من مراد:مانا عارفه شكراااا
وزقته ومشت ومراد ضحك عليها
مراد:بحب مجنونه ....عارف انك نفسك تسمعيها منى قريب ان شاء الله ياقلب مراد
____________
نور رجعت مع البنات تانى وكانو بيرقصو سوا والشباب بترقصو سوا وبعد شويا كل ام رقصت مع بنتها وابنها والجو كان كله فرح وسعاده بعد فترة الشباب والبنات رجعو قعدو مكانهم واللوا شاكر جه وبارك ليهم وهو بيسلم على فهد قاله حاجه وفهد وشه اتغير والشباب لاحظو ده بس محدش اتكلم عشان البنات
الحفله خلصت والشباب اتفقو مع الوحوش هيخرجو مع البنات عشان يقولولهم على السفر
البنات والشباب رجعو الاوتيل تاتى عشان البنات تغير الفساتين والشباب كمان يغيرو البدل
________________
فى اوضه البنات
ملاك:يلا نتصور سوا قبل مانغير
لين:مش فاهمه ليه مش راضيين اننا نخرج بالفساتين
كارما:يابنتى هيبقي شكلنا ملفت اوى
ملاك:يلا نتصور بقي
فيروز:انتى مزهقتيش من الصور يابنتى
ملاك:لا بقولك ايه المنظر من البلكونه تحفه تعالو نتصور فيها
البنات:يلا
البنات خرجو وبداو يتصور
والبلكونه اللى جمبهم اوضه الشباب سمعو صوت البنات خرجو يشوفو فى ايه لاقوهم بيتصور
عدى:الناس اللى بتتصور لوحدها
البنات اتخضو
اسر:اسم الله عليكو من الخضه
كريم:انتو مش عاجبكو الاوضه عشان تتصور بره
لين:المنظر هنا حلو وقولنا نتصور وندخل نغير
فهد:طب ماتيجو بقي نتصور سوا كلنا
فيروز:فكرة حلوة اوى يلا
ملاك:طب استنو اجيب عصايه السيلفى عشان نيجى كلنا
دخلت ملاك جابتها واتصورو صور كتير
عدى:يلا بصو بقي هنا هصور من عندى
ملاك حدفتله العصايه وفضلو يتصور كتير
فهد:يلا كفايه صور يلا ادخلو غيرو
البنات:حاضر
الشباب دخلو الاوضه عشان يغيرو
اسر: فهد
فهد:اممممم
اسر:اللوا شاكر كان بيقولك ايه
عدى:اه صح انت وشك اتغير ١٨٠ درجه
فهد:الخطه اتغيرت
كريم:ازاى مش فاهم
فهد:احنا الاربعه هنسافر بكرة
عدى:مش المفروض انا وكريم نتابع من هنا
فهد:الناس اللى هنا سافرو النهارده فرنسا
اسر:طب حلو كلهم هيبقو قدام عينيا
فهد:ربنا معانا ولازم نعرف البنات
اسر:اكيد رغم انها صعبه يبقي كتب كتابنا النهارده ونسافر بكرة
عدى:هما عارفين شغلنا يااسر واكيد هيقدر
كريم:هما هيقدرو بس هيبقو قلقنين
اسر:انا لسه مقولتش لحياه
عدى:مراد هيسافر بكرة وانا كمان هتبقي صعبه ياريم اوى
كريم:مش عارف هقولها لماما ازاى دى بترفض انى اسافر حتى اصيف مع صحابي
فهد:انا امى هخليها ترجع تانى السعوديه عشان تبقي مع خالتها احسن ماتبقي لوحدها
اسر:طب يلا ننزل وربنا يسهل
__________
الشباب نزلو كانو البنات مستنين تحت كل واحد اخد حبيبته وركبو العربيات والشباب كانو حاجزين مطعم ليهم كلهم ومش هيبقي فى حد غيرهم وصلو كلهم قدام المطعم والبنات اتفاجاو ان كلهم هيبقو فى نفس المكان كل واحد اخد حبيبته وقعد على ترابيزة بعيده عن الباقى
عندى عدى وملاك
ملاك:يعنى انتو جيبنا نفس المطعم عشان كل اتنين يقعدو لوحدهم
عدى:يابنتى النهارده كتب كتابنا المفروض كل واحد يستفرد بحبيبته يعنى
ملاك:اى تستفرد دى لم نفسك ياعدى
عدى:يخربيت دماغك قصدى يعنى نقعد سوا ونتكلم كدا يعنى
ملاك:ااااه ماتقول كدا
عدى:ملاك فى حاجه كدا عايزة اقولك عليها
ملاك:ماتقول هو انا ماسكه لسانك
عدى:يخريبت فصلانك ياشيخه
ملاك:خلاص خلاص قول
عدي: انا كنت قولتلك ان عندي مهمه بعد كتب الكتاب مش كده
ملاك: ايوه اتلغت ولا ايه
عدي:احم المهم هتبدا من بكره
ملاك: بجد ربنا معاكي ياعدي . والمهمه دي هتبقى فين بقى
عدي: في فرنسا
ملاك: يعني انت هتسافر فرنسا بكره
عدي: للاسف انا والشباب مسافرين بكره
ملاك عينيها دمعت:هو انتو لازم تسافرو يعنى
عدى:اه ياملاك والمهمه دى مش زى اى مهمه ادعيلى بقي
ملاك عيطت وعدي قرب منها وحضنها
عدي: انا ماكنتش عايزه اقولك علشان مااشوفش دموعك
ملاك: وهتفضل هناك قد ايه
عدي: لما نمسك العصابه ونرجع مش عارف والله انا هنفضل ايه
ملاك:ربنا يرجعك ليا بالف سلامه
عدى:ان شاء الله ياقلبي
_________________
عند كريم ولين
كريم:كان فى حاجه عايز اقولك عليها يالينو
لين:اتفضل
كريم:عندى مهمه صعبه شويا ولازم اسافر انا والبنات
لين:تسافرو فين
كريم:فرنسا يالين
لين:طب ضرورى تسافر انت اول مرة تبعد عنى ياكريم
كريم:انا عارف ياحبيبتى والله بس ده امر ولازم بتنفذ متخافيش ياحبيبتى
لين عيطت:يعنى انت بتقولى هتسافر فرنسا والمهمه كمان صعبه ومش عايزنى اخاف
كريم:ده شغلى يالين وانت عارفه ده امر
لين:بس انا خايفه عليك
كريم:تدعيلى دايما ياحبيبتى
لين:ان شاء الله ترجعلى بسلامه
كريم:يارب
__________________
عند اسر وكارما
كارما بعياط:عشان كدا كنت مضايق انا كنت حاسه انك مخبي عنى حاجه
اسر:حبيبتى بطلى عياط لو سمحتى ده شغل ولازم اسافر
كارما:بس انا خايفه عليك اوى يااسر
اسر قرب بالكرسي منها وباس راسها:طول ماحبيبه قلبي بتدعيلى ان شاء الله هرجعك بسلامه
كارما:وهتفضل هناك كتير
اسر:على حسب لما المهمه تخلص هنرجع
كارما:ربنا معاكو وترجعو بسلامه
اسر:يارب ياكرملتى
كارما:عارف لو مكلمتنيش كل يوم يااسر
اسر:اكلمك ازاى يابنت المجنونه انا هابقي فى مهمه بس اكيد لما الاقى فرصه هكلمك على طول
كارما:حاضر وخد بالك على نفسك
اسر:حاضر ياقلبي
________________
عند فهد فيروز
فيروز بصت على البناات كانو بيعيطو
فيروز:هما البنات مالهم هروح اشوفهم
فهد:قعدى بس وانا هقولك هما بيعيطو ليه
فيروز:ليه
فهد:بصراحه احنا عندنا مهمه وهنسافر فرنسا بكرة
فيروز:ده بجد الكلام ده
فهد:اومال البناا بيعيطو ليه
فيروز عيطت هى كمان
فهد:والله كنت عارف انكو هتقضوها مناحه كدا لما تعرفو
فيروز:طب هو لازم يعنى
فهد:اه ياحبيبتى لازم ده شغلنا
فيروز:طب المهمه صعبه ولا
فهد:مش هضحك عليكى واقولك سهله
فيروز:يعنى صعبه مش كدا لالالا بلاش تسافرو ونبي
فهد:هو لعب عيال يافيروز ده امر ياحبيبتى امر لازم يتنفذ وان شاء الله هنرجع بسلامه ولا انت بقي مش عندك ثقه فينا
فيروز:لا طبعا عندى وعارفه انكو ماشاء الله شاطرين فى شغلكو
فهد قرب بالكرسي من فيروز:يبقي خلاص بطلى عياط وادعيلى كتير عشان ارجعلك ياقمر ونتجوز بقي
فيروز ضحكت:اكيد هدعيلك من غير ماتقول ان شاء الله
اسر قام وقف فى نص المطعم:البنات دول نكديين اوى ياعم يلا خلونا نرقص شويا
فهد:انت متعبتش من الرقص ياعم
كريم:ياعم فهد خلينا نفرفش شويا
عدى:الواد كريم اول مرة. يقول حاجه صح
كريم:الله يكرم اصلك ياذوق
اشتغلت اغنيه رومانسيه وكل واحد رقص مع حبيبته وبعد كدا كريم شغل مهرجانات ورقصو والشباب حولو على قد مايقدرو ينسو البنات الزعل وقضو وقت حلو وكل واحد روح اميرته على بيتها
______________________
الشباب رجعو البيت وكل واحد قال لوالدته وكالعاده طبعاااا الامهات لازم تعيط وتخاف على ولادها وبعد اقناع الامهات رضو بالامر الواقع وجهزو الشنط لاولادهم والشباب طلعو عشان ينامو عشان طيارتهم الساعه ٦ الصبح
________________
الشباب صحو الفجر صلو وجهزو وكلمو بعض ونزلو وراحو المقر اللوا شاكر عملهم اجتماع سريع وعطر لكل واحد فيهم ساعه فيها جى بي اس عشان يعرفو اماكن بعض وكمان يتوصلو من خلالها والشباب اتحركو على المطار وركبو الطيارة وبعد فترة وصلو فرنسا..........
