فارس: مش قولتي عايزه تبقي جمبي يبقا خلاص العمر واحد و الرب واحد
فاطمه: هتخدني معاك سيناء
فارس: ومالك فرحانه اوي كده دانتي رايحه النار ب رجلك
فاطمه: لما بتكون جمبي مش بخاف من حاجه بكون حاسه ان اي حاجه ليها حل
فارس: لا يا فاطمة مش كل حاجه ليها حل في حجات كتير خارج اراده الواحد بتحصل
فاطمه: وماله برضوه بس اكون جمبك أنا خلاص يا فارس مبقاش ليا حد
فارس: يبقا أنا عملت الصح اني اخدك معايا
فاطمه: بس أنا هقعد فين
فارس: في المستشفى
فاطمه: انت هتقتلني ولا اي
فارس: ياستي لأ أنا قصدي تشتغلي في مستشفى القطاع
فاطمه: كده من غير اوراق من غير اي حاجه تثبت أنا مين
فارس: أولا انتي ليكي عمليات متصوره صوت وصوره على الإنترنت ثانياً انتي هتشتغلي بدون راتب وده هيكون اكتر حاجه تضغط عليهم و تتعيني ثالثاً ادعي بس يقبل مدير المستشفى انك تنضمي ليهم
فاطمه: ادعي انه يقبل شكلك مش عارف مين فاطمه علي قدري
فارس: يارب هو يكون عارف مش مهم أنا أعرف
فاطمه : بس هناك الحياه هتكون أسهل مش كده يا فارس
فارس: على الأقل معايا في القطاع هناك مش هكون خايف عليكي
فاطمه: يعني انت كنت خايف عليا
فارس: لا طبعا اخاف عليكي ليه كنت من باقي عائلتي
فاطمه: يا ساتر على ده رد المهم صحيح انت كنت بتعمل اي لما جيت لحد البيت عندي
فارس: كنت في مهما و شوفت الناس اللي دخلت البيت عندكم واجبي كا ظابط ادخل انقذ أصحاب البيت
فاطمه : يعني انت كنت داخل ومش عارف مين صاحب البيت
فارس: طبعاً
فاطمه: طب اكدب عليا
فارس: نعم
فاطمه: مفيش
في جانب آخر
خالد بيه: قاسم بيه اسمع التسجيل الصوتي ده كده
قائد الكتيبة: تسجيل اي
خالد بيه: اسمع بس
وفتح التسجيل
ابو زياد: أنا عايز أخرج من الإنفاق بأي شكل يا شعيب
شعيب : مينفعش يا ابو زياد انت لازم تستمر في سيناء حتى بعد موت على انت لازم تكمل ما بدأته
ابو زياد: إحنا خسرنا محرك كبير في الطائرة يا شعيب
شعيب : و خروجك من الإنفاق هيكون خسرنا كل حاجه يا ابو زياد
ابو زياد: المشكله أننا الآن لا ندرك شيء ولا نعلم ما في نفس أعداء الله من كان يمدنا ب الأخبار توفاه الله رحمه الله عليه
شعيب: بكره ينضم لنا رجل آخر من جنود الله رجل لا يهاب في قول الحق لومه لائم
ابو زياد: ومن هنا حتى يأتي هذا الشخص ماذا نفعل مع أعداء الله يا شعيب ماذا نفعل
شعيب : نصنع ما كنا نصنع يا ابو زياد نعتمد على الكمائن وتدمير المنشآت الحيوية
ابو زياد: كابوس ولد العراقي يا شعيب هذا الولد كابوس
شعيب : كان في اقوى منه يا ابو زياد و بعد مرور الوقت كتب لنا الله الإنتصار دع الايام تمر يا ابو زياد والله ما يغفل عنه القوي العزيز
ابو زياد: والله يا شعيب هذا الولد أن وقع معي افعل فيه الأفاعيل
قائد الكتيبة: التسجيل ده جبته منين يا خالد
خالد : الظابط نسر كان في مأمورية جاب واد من العيال بتوع الالكترونيات اللي بتعمل شغل الإنترنت كله للجماعات وتصوير الفيديوهات التسجيل ده كان على الجهاز اللي مع الواد
قائد الكتيبة: الكلام ده لو صح تبقا مصيبه يا خالد
خالد : الكلام ده مظبوط يا قاسم بيه أنا متأكد مليون في المئة بس مش ده المهم الوقتي
قائد الكتيبة: فعلاً المهم الوقتي أننا نعرف الصياد أن حياته في خطر
خالد بيه : بالظبط كده
قائد الكتيبة: التسجيل ده يتاخد على مكتب النائب العام يتفتح تحقيق ورا اي شخص كان بيتعامل مع على قدري داخل القطاع والموضوع اللي الظابط نسر قال عليه قبل كده بتاع عمليه حدود ليبيا
خالد بيه: تسريب الخطه
قائد الكتيبة: اه
خالد بيه: ماله يا فندم
قائد الكتيبة: اي حد كان في القاعه وقت ما تم شرح الخطه يتعمل معاه تحقيق أي حد يا خالد طالما الموضوع وصل ل كده يبقا مفيش امان لأي حد يا خالد
خالد بيه: تحت امرك يا فندم
في جانب آخر
فارس: فاطمه فاطمه
فاطمه: احنا فين
فارس: صباح الخير احنا في القطاع انزلي تعالي
فاطمه: انت شغال هنا
فارس: أنا شغال في المبنى ده بس خلي بالك هنا النفس ب حساب يعني تدخلي مستشفى القطاع مفيش خروج من الباب ممنوع مهما حصل تطلعي بره باب المستشفى فاطمه اوعي تعملي اي حاجه تخليني اخدك بأيدي بره القطاع
فاطمه: اي ده انت ممكن تطلعني بره
فارس: منا هطلع معاكي للأسف خليكي وقفه هنا
فاطمه: رايح فين
فارس: داخل ل مدير المستشفى أصله معرفه هتكلم معاه
فاطمه: حاضر
في جانب آخر
الدكتور رجب : ادخل
فارس: صباح الخير يا دكتور رجب
الدكتور رجب: الحمد لله تمام انت عامل اي يا فارس بيه
فارس: تمام التمام الحمد لله بس جايلك و عشمان فيك في طلب
الدكتور رجب: تحت امرك قول
فارس : معايا دكتوره قلب كويسه جدا اسمها فاطمه بنت رئيس أركان الحرب السابق علي قدري
الدكتور رجب: الدكتورة فاطمة علي قدري هنا
فارس: اه وقفه بره
الدكتور رجب: يالهوي وقفه بره ( وقام بسرعه فتح باب المكتب) دكتوره فاطمه اتفضلي يعني ينفع تقفي بره كده
فاطمه: فارس بيه قالي اقف بره عبال ما يتكلم معاك
الدكتور رجب: سامحني بقا يا فارس بيه إحنا هنستغل وجود الدكتورة فاطمة النهارده عندنا حالتين قلب مفتوح ممكن تساعدي معانا فيهم يا دكتوره فاطمه
فارس: ما هو ده اللي أنا جاي لحضرتك في الدكتوره فاطمه طالبه التطوع للعمل وسطنا هنا فا كنت
الدكتور رجب: ( قطع كلام فارس ) يا خبر طبعاً موافق الدكتورة فاطمة تكون معانا هنا دي خطوه عظيمه منها ومن حضرتك انك رشحت القطاع ليها
فارس: طب اي أنا كنت فاكر الموضوع مستحيل وصعب وبتاع
فاطمه: روح انت يا فارس بيه أنا هشوف البرنامج بتاعي في المستشفى مع الدكتور رجب
فارس: طب تمام اوي سلام عليكم
في جانب آخر
شبراوي: تحت امرك يا فندم
قائد الكتيبة: الصياد فين
شبراوي: لسه مرجعش يا فندم
باب المكتب بيخبط
قائد الكتيبة: ادخل
فارس: تحت امرك يا فندم
قائد الكتيبة: الساعه معاك كام
فارس: تسعه وربع
قائد الكتيبة: عندك تأخير ساعتين
فارس : أسف يا فندم بس كان في ظرف شخصي
قائد الكتيبة: تعالوا ورايا انتوا الاتنين
بعد دخول غرفه العمليات مع فارس و الشبراوي
قائد الكتيبة: كاميرات المراقبة رصدت الولد ده تردد اخر اربع ايام حوالين المديريه العامه بعد الكشف عن هويته أتضح ان الولد ده اسباني الجنسيه مختفي بقاله اكتر من سبع سنوات ممنوع من دخول دول كتيره من ضمنهم اسبانيه نفسها اي اللي في دماغه مش عارف عايز يوصل ل اي محدش يعرف كل المعلومات أننا قصاد شخص شديد الخطورة تدريباته على أعلا مستوى المطلوب الولد ده من غير نقطه دم النهارده قبل بكره خطوره الولد ده أنه مفيش دوله دخل فيها وخرج إلا وحصل كارثه كبيرة جدا الخوف أن الكارثة دي تكون مبني مديرية الأمن علشان كده من الاحسن نبدأ من دلوقتي في البحث في محيط المديرية عن الولد ده
شبراوي: تحت امرك يا فندم أن شاء الله يكون عند حضرتك هنا في اقرب وقت
قائد الكتيبة: فارس شبراوي أنا لما قولت ان الولد ده تدريباته على أعلا مستوى مقولتش كده من فراغ انا قولت كده علشان الولد ده مفيش كاميرا من كاميرات المراقبة الداخلية للمبنى جابت أنه دخل المبنا رغم أن في عمال كتير أكدت أنه دخل وخرج من المبنا يعني من الاخر الواد ده خفيف جدا سابق بخطوه
فارس: أن شاء الله خير يا فندم
قائد الكتيبة: على بركه الله ربنا معاكم
بعد الخروج من المكتب
فارس: شبراوي سمعت عزيز بيه قال اي من غير دم تمام
شبراوي: ماشي الكلام بس هنعرف نوصل للواد ده ازاي
فارس: اقعد
شبراوي: اتفضل
فارس: محيط المديرية تقريباً كيلو متر احنا نعمل ايه من عند محل المأكولات البحرية اللي عند الساعه خمسه لحد ناصيه كاميرات التفريغ الجزء ده بتاعك رايح جاي في وباقي الدائرة عندي اللي يقع في يتواصل مع التاني لحد ما نخطفه على القطاع كده وصلت
شبراوي: وريني صورته تاني كده اللي معاك
فارس: خد الصورة خليها معاك أنا كده كده حفظت شكله
شبراوي: كده تمام
فارس: نتحرك
شبراوي: تمام
فارس: ( وصلنا فعلاً محيط المديرية وكل واحد فينا خد الجزء الخاص بي و بدأنا في تمشيط المديرية اكتر من أربع ساعات كل واحد مننا رايح جاي في نفس المحيط بتاعه وعلى تواصل مع بعض)
شبراوي: فارس الواد ظهر
فارس: خليك ورا منه مش عايزه ياخد باله منك
شبراوي: قابلني هو قصاد محل السمك
فارس: أنا جاي اوعا تعمل حاجه يهرب مننا مش بعيد يكون عارف أننا بنراقبه
شبراوي: الواد ساب شنطه جمب الرصيف يا فارس
فارس: فين بالظبط
شبراوي: قبل المحل على اليمين شنطه سوداء
فارس: أنا رايح هناك خليك ورا الواد
شبراوي: طلع العماره اللي فيها المحل
فارس: متطلعش يا شبراوي ارجع خد الشنطه أنا شوفت الواد ارجع يا شبراوي بقولك متطلعش الواد ده وخدك جوه العماره بمزاجه
شبراوي: وحد الله أنا خلاص دخلت ارجع شوف الشنطه انت
فارس: شبراوي إحنا كده بنتغفل الواد ده عامل طعم لينا ارجع اسمع كلامي شبراوي شبراوي انت روحت فين متقفلش اللاسلكي شبراوي ( روحت اشوف الشنطه بسرعه خوفت يكون فيها متفجرات بمجرد ما اقتربت من الشنطه سمعت صوت جهاز المفجر بدأ في العد التنازلي خدت الشنطه وبدأت اتواصل مع القطاع )
قائد الكتيبة: صياد في اي عندك
الصياد: معايا شنطه الواد سابها جمب الرصيف المفجر بتاعها مش شغال ب وقت التحكم من بعيد
قائد الكتيبة: شبراوي فين
فارس: طلع يجيب الواد
قائد الكتيبة: خد الشنطه بعيد الواد ممكن ينسف المديرية كلها بسرعه يا صياد هبعتلك خبير مفرقعات
الصياد: تحت امرك يا فندم
الصياد: شبراوي شبراوي رد عليا الواد معاك شبراوي رد الواد معاه مفجر الشنطه
ابو زياد: مش قولتلك يا ابن العراقي هحرق عليك سيناء
الصياد: ( بصدمه كبيرة) شبراوي فين
ابو زياد: اسمع يا ابن العراقي شبراوي معي الشنطه اللي في يدك تحب تحرق سيناء ولا بتسمع كلامي
