رواية عندما يقع الوحوش في العشق الفصل الحادى عشر بقلم جنات
البنات بيتصدمو وبيجرو على اوضه العمليات
بيلاقو سليم قاعد على الكرسى ودراعه مربوط وبينزف وعينيه مليانه دموع وهو نفس حاله زين اللى واقف ساند راسه على باب اوضه العمليات وادهم وجاسر قاعدين على الارض
حياه قلبها بيوجعها مش لاقيه سيف
حياه بتقرب من سليم:سليم هو سيف فين
الشباب كلهم بيبصو لحياه
حياه بدموع:ونبي قولولى ان اللى بفكر فيه غلط هو كويس صح
سليم:سيف اخد رصاصه جمب قلبه والحاله خطيرة ادعيله يا حياه ادعيله
حياه بتسمع كلامه وبتحس انها مش قادرة تتنفس ورجليها مش شلياها وبتقع مرة واحده مغمى عليها
البنات بيجرو عليها وبياخدوها على اوضه الدكتور: ده انهيار عصبي شديد انا اديتها حقنه مهدئه ومش هتصحى الوقت وياريت تسبوها ترتاح وبلاش تضغطو عليها لما تفوق
____________
ملك بتقرب من سليم اللى قاعد وعينيه كلها دموع:سليم
سليم بيرفع راسه وبيبص ليها وبينزل راسه تانى
ملك بدموع:سليم قوم معايا اشوف دراعك انت بتنزف جامد وان شاء الله سيف هيبقي كويس بس عشان خاطرى تعال معايا
زين: قوم يا سليم عشان نطمن على دراعك
سليم بيقوم مع ملك وبتروح على اوضه وبتبدا تشوف دراعه وهى عينيها كلها دموع بتخلص وبتلف دراعه
سليم بيبص لملك اللى منهاره بيمسح دموعها:اهدى يا ملك انا كويس وزى الفل قدامك اهو
ملك بتترمى فى حضنه وبتعيط بصوت عالى وسليم بيتفاجا من حركتها وبيطبطب على راسها:انا كويس يا ملك متخافيش
ملك بتبعد عنه وهى منزله راسها:كنت هموت من الخوف عليك لما عرفت ان عندك ماموريه
سليم:انتى عرفتى منين
ملك:جاسر وادهم قالو لريم وليان وهما قالولنا وبعدين بتبصله بعصبيه:انت ازاى متعرفنيش حاجه زى دى مش انا مراتك بردو
سليم بيضحك:اهدى يا ملك انتى قلبتى لى كدا انا بس محبتش اخوفك وبعدين مانتى شوفتى اى اللى حصل بينا ولا ناسيه
ملك:لا مش ناسيه ولسه زعلانه اوى كمان
سليم:خلينا نطمن على سيف الاول وبعد كدا هصالحك بطريقتى
بيسكت شويا وبيتكلم بحزن:انا خايف اوى عليه انا مقدرش اعمل اى حاجه من غيره تقريبا مش بيسبنا فى اى حاجه انا مقدرش اعيش من غيره
ملك:ان شاء الله هيبقي كويس سيف بطل ومستحيل يستسلم بسهوله قوم خلينا نروح نطمن عليه ونشوف الدكاترة خرجت ولا لسه
_______
زين ساند راسه على باب اوضه العمليات وعينيه كلها دموع بيحس بايد على كتفه بيلف بيلاقيها ديما وبتعيط جامد بشدها من ايدها وبيدخلو اوضه فاضيه وبيشدها لحضنه وديما بتنهار وصوت شهقاتها بتعلى
ديما:انا كنت هموت لو حصلك حاجه وكنت حاسه قلبي هيخرج من مكانه من الخوف
زين بيبعدها عن حضته وبيمسك وشها بين ايديه:انا بخير الحمدلله ياقلبي بلاش تعيطى دموعك دى غاليه عليا اوى
ديما بتمسح دموعه:انت كويس صح محصلكش اى حاجه الحمدلله انا طول الليل كنت بدعيلك انك ترجعلى بخير
زين:ربنا استجاب لدعواتك يا حبيبتى .بس انا خايف على سيف الرصاصه قريبه من قلبه والدكاترة قالو ان الحاله خطرة
ديما:ان شاء الله يبقي كويس ويرجع لحياه بسلامه حياه لو صحت وسمعت خبر مش كويس عنه ممكن يحصلها حاجه انا خايفه عليها اوى
زين: ان شاء الله يقومو الاتنين ويبقو بخير
تعالى نشوف الدكاترة خرجو ولا لسه
___________
الكل بيتجمع قدام اوضه العمليات بيستنو اى حد يخرج يطمنهم على سيف
بعد ساعه بيخرج الدكتور وبيجرو الشباب عليه
سليم:طمنا يا دكتور سيف عامل اى
دكتور:العمليه نجحت بس ال٢٤ ساعه الجايين لازم يفوق ياما.........
جاسر:ياما اى يا دكتور بلاش تقلقنا
دكتور:ممكن يدخل فى غيبوبه لو مفاقش خلال ٢٤ ساعه الجايين ادعوله.....
_________
حياه بتفوق والبنات بيكونو معاها فى الاوضه
ملك:حياه انتى كويسه
حياه بتفتكر سيف:سيف عامل اى خرج من العمليات طمنونى ونبي
ليان:اهدى ياحياه عشان متتعبيش
ريم:سيف العمليه نجحت بس هو لسه مفاقش
حياه بدموع:عايزة اشوفه ودونى لاوضته
ديما:ياحياه هو لسه فى العنايه وممنوع عنه الزياره
حياه:مش انتو قولتو العمليه نجحت لى لسه فى العنايه
ريم:ياحياه العمليه كانت صعبه وانتى عارفه لازم يفضل شويا فى العنايه
ملك:ايوا يا حبيبتى لما الدكتور يطمن عليه هيتنقل اوضه عاديه
حياه بتحاول تنزل من على السرير:طب هبص عليه من بره من هدخل
ملك:اللى انتى عايزاه يا حبيبتى
البنات بيسندو حياه وبيوصلو عند العنايه بيكون الشباب قاعدين بيبصو على حياه
سليم:انتى عامله اى ياحياه
حياه:الحمدلله احسن
زين:كنتى خليكى مستريحه ياحياه
حياه:انا كويسه
وبتروح على الازاز تبص على سيف ودموعها بتنزل
ملك بتبص على سليم بتشوف انه تعبان:انتو لازم تروحو ترتاحو
ريم:ايوا انتو جايين من ماموريه صعبه ولازم ترتاحو
جاسر:مش هنقدر ترتاح غير لنا نطمن على سيف
ليان:ان شاء الله هيقوم بسلامه
ادهم:ان شاء الله روحو انتو يابنات على اقسامكو ولو فى جديد هنطمنكو
حياه:لا انا هفضل هنا لحد مااطمن على سيف
ديما:طب هنروح احنا الاقسام نمر على الحالات ونرجعلكو تانى
زين:تمام
البنات بيروحو على اقسامهم وبيخلصو وبيرجعو لحياه والشباب
ملك خلينا ننزل الكافيتريا ناكل اى حاجه انتو ماكلتوش من الصبح
سليم:يلا ياشباب ناكل اى حاجه عشان البنات ماكلوش حاجه بردو
حياه بتعب:لا انا كويسه مش عايزة اكل
ديما:حياه حبيبتى انتى ماكلتيش اى حاجه من الصبح وهتتعبي
حياه:معلش ياديما سبونى براحتى روحو انتو وانا هفضل هنا
ليان:طب نجبلك اكل هنا لو مش عايزة تنزلى حياه:ماليش نفس والله روحو انتو
الشباب والبنات بينزلو كافيتريا بياكلو ويشربو قهوة عشان يقدرو يكملو وبيرجعو تانى لحياه اللى واقفه قدام ازازة اوضه سيف ومش بتتحرك
زين:حياه انتى لازم ترتاحى شويا
حياه:انا كويسه متقلقوش عليا
ملك:حياه لو سمحتى بلاش تعندى كدا هتتعبي
ديما:صح ولو تعبتى هتخلى بالك من سيف ازاى لما بيفوق
حياه:صدقينى انا كويسه لو حسيت انى تعبانه هروح ارتاح
سليم:سبوها براحتها يا بنات ويلا عشان نوصلكو على بيوتكم وبكره ابقو تعالو
زين: ادهم وجاسر هيوصلكو وانا وسليم هنفضل هنا مع حياه
البنات:تمام
________
صباح يوم جديد فى المستشفى حياه نايمه على السرير وباصه فى السقف بشرود بعد اصرار سليم وزين انها ترتاح لحد الصبح بس مقدرتش تنام وفضلت طول الليل تصلى وتدعيله وبتخلص وريحت جسمها على السرير بس مقدرتش تنام بردو بتفوق من شرودها وبتقوم تقف وبتحس الدنيا بتلف بيها وبتغمض عينيها جامد وبتفتحها تانى وبتعدل طرحتها وبتخرج تروح على اوضه سيف بتلاقى سليم وزين واقفين وبيكلمو الدكتور
حياه:طمنى يا دكتور مازن سيف عامل اى الوقت
مازن باعجاب:الحمدلله عدينا مرحله الخطر هننقله اوضه عاديه ونص ساعه بكتير وهيفوق
سليم وزين لاحظوا نظرات مازن لحياه
سليم بحده:شكرا يا دكتور اتفضل انت ولو احتجناك هنطلب حضرتك
مازن:تمام
وبيخرج الممرضين بسيف على نقاله وبيروحو بيه على اوضه عاديه وحياه وسليم وزين بيفضلو معاه حياه بتكون قاعده على كنبه اللى فى الاوضه وسليم على كرسي قريب من السرير وزين واقف وساند على الحيطه سليم بيلاحظ ان سيف بيحرك صوابعه وبيحاول يفتح عينيه
سليم:سيف سيف انت سامعنى
حياه وزين بيقربو من السرير بيلاقو سيف بيفتح عينيه وبيقفلهم تانى لحد ما فتح
سيف فتح عينيه وبيبص حوليه اول حد عينه جت عليه هى حياه اللى باين عليها التعب ووشها شاحب وعينيها ورامه وحمرا من العياط
سليم:حمدلله على سلامتك يا صاحبي
زين:حمدلله على سلامتك سيف كدا كنت هتموتنا من كتر الخوف عليك
سيف بتعب:الله يسلمكو انا كويس متخافوش عينه على الحياه اللى دموعها مش بتقف
سليم بيلاحظ نظرات سيف لحياه
سليم بيغمز لزين:معلش يا زين انت وحياه اخرجو بره محتاج سليم فى كلمتين وهنادى عليكو تانى
زين وحياه بيخرجو وسيف عينيه متعلقه بحياه لحد ماخرجت
سليم:كدا ياصاحبي كنت عايز تسبنى لوحدى
سيف:ربنا يخليك ياصاحبي دراعك ماله
سليم:رصاصه بس بسيطه متخافش.انت ناوى على ايه مع حياه
سيف:مش عارفه
سليم:حياه بتحبك ياسيف اول ما عرفت انك اتصابت وقعت من طولها ودكتور اداها حقنه مهدئه اول ما فاقت وهى واقفه قدام ازاز اوضته متحركش لا اكلت ولا شربت ميا حتى ورفضت انها تروح وفضلت هنا فى المستشفى انا وزين اللى اصرينا عليها ترتاح بليل وانا متاكد انها منامتش بردو لانى روحت اطمن علينا سمعتها بتصلى وبتدعيلك متخسرهاش ياصاحبي صدقنى هتندم
سيف:انت مفكر انى ممكن اسمع كلامها واطلقها مستحيل اعمل كدا مقدرش ابعدها عنى ياسليم
سليم:انا هخرج وهنادى عليها اكيد عايزة تطمن عليك وبيغمزله
سيف بيضحك:ماشي ياصاحبي
سليم بيخرج من اوضه:حياه ادخلى انتى خليكى مع سيف وانا وزين ورانا مشوار كدا
زين باستغراب:مشوار فين ياسليم
سليم بحركه فهمها زين:مشوار بخصوص الماموريه ادخلى انتى يا حياه
حياه:حاضر بس هنزل الاول اوصى المطبخ على اكل لانه لازم ياكل
زين:ادخلى انتى واحنا هننزل نقولهم
حياه:تمام
زين وسليم بيمشو وحياه واقفه متوترة وخايفه تدخل وفونها بيرن بتكون مامتها
سهام:طمنينى على سيف يا حبيبتى عامل اى
حياه:الحمدلله ياماما فاق وعدى مرحله الخطر
سهام:الحمدلله يمانت كريم يارب انا هاجى اطمن عليه ياحبيبتى وعملته اكل بدل اكل المستشفى ده
حياه:ياريت ياماما يكون احسن من اكل المستشفى
حياه بتقفل مع مامتها وبتقرر تدخل لسيف
_________
حياه بتخبط وتدخل وهى متوترة
سيف:تعالى ياحياه
حياه بتقرب وبتقعد على الكرسي القريب من السرير:حمدلله على سلامتك ياسيف
سيف:الله يسلمك يا حياه .انتى شكلك تعبانه اوى انتى منمنيش صح
حياه بدموع:مقدرتش انام
الباب بيخبط وبتكون سهام
حياه:تعالى يا ماما
سهام بتحضن حياه:حبيبه قلب انتى كويسه ليان قالتلى انك اغمى عليكى وتعبتى
حياه:انا كويسه يا سوسو متخافيش
سهام بتقرب من سيف وبتبوس راسه:حمدلله على سلامتك ياابنى
سيف:الله يسلمك ياسوسو
سهام:عامل اى الوقت وحاسس بايه كنت بدعيلك طول الليل ياحبيبي تقوم منها على خير
سيف بحب:تسلميلى ياست الكل انا كويس الحمدلله بفضل ربنا ودعواتك ودعوات حياه
سهام:انا بقي عملالك اكل عشان تاكل وتتغذى ياحبيبي احسن من اكل المستشفى
سيف:ماكنش ليه لزوم تتعبي نفسك
سهام: تعب اى ياسيف يعلم ربنا انى بعتبرك ابنى وليك معزة فى قلبي ياحبيبي
سيف:هاكل بش بشرط تاكلو معايا مش بحب اكل لوحدى
سهام:خلى حياه تاكل معاك انا لسه متغديه فى البيت مع ليان وادم
حياه:هى ليان وادم عندك ياسوسو لى فى حاجه
سهام:مرات ابوها الله يسامحها طردتها من البيت عشان رجعت امبارح متاخر ورميتها هى واخوها فى الشارع وليان جيتلى ياقلب امها وهى منهاره
حياه بعصبيه:مينفعش نسكتلها اكتر من كدا يا ماما ليان استحملت كتير وادم لسه صغير على اللى بيحصل فيه ده
سهام:ربنا يصبرها البت حرقتنى فى قلبي هما هيفضلو معايا لحد ما تتجوز مستحيل اخليها ترجعلها تانى
سيف:لازم ادهم يعرف وهو اكيد هيعرف يحل الموضوع ده
حياه:ليان مش حابه تدخله فى المشاكل دى هى اللى لازم تحكيله مش احنا
سهام:يلا يا حبيبي عشان تاكل قبل الاكل مايبرد قربي ياحياه كلى مع جوزك
حياه بتبص لسيف اوى:حاضر ياماما
سهام:هروح اجيب حاجه اشربها اجبلك حاجه معايا يا حياه
حياه:ياريت قهوة ياسوسو لان دماغى هتنفجر من الصداع
سهام بتخرج وحياه بتجيب الطاوله اللى بتتحط على السرير وبتطلع الاكل وبتبدا تاكل سيف وهو بيبصلها بصدمه انها كانت طالبه منه الطلاق والوقت خايفه عليه وبتاكله
الباب بيخبط وبيدخل دكتور مازن:حمدلله على سلامتك ياسياده المقدم
سيف:الله يسلمك يا دكتور هو انا هقدر اخرج امته
مازن:انت زهقت مننا ولا اى ياسيف لسه بدرى عمليتك كانت صعبه ولازم تفضل هنا لحد مانطمن عليك وقتها تقدر تخرج
مازن بيتكلم وعينه على الحياه اللى وشها فى الارض وسيف بيضايق من نظراته
مازن:انسه حياه انا مكنتش اعرف انك دكتور معانا فى المستشفى
سيف بحده:مدام حياه مراتى
مازن بصدمه:انا اسف فكرتها اخت حضرتك .طب عن اذنكو لو احتجت اى حاجه منى نادو عليا
سيف:شكرا يادكتور
مازن بيخرج وسهام بتيجى ومعاها قهوة لحياه
وبتفضل معاهم والشباب والبنات جم يطمنو على سيف وقضو وقت كله ضحك وهزار من ادهم وليان
ادهم:يلا كفايه عليك كدا ياكبير نمشي بقي عشان ترتاح
سليم:كويس انك افتكرت انه تعبان
جاسر:ياعم بنفرفشه شويا الله
زين:يلا علشان اوصلك ياديما وانتى حياه تعالو انتى ومامتك معانا اوصلكو
حياه بسرعه:لا انا هفضل مع سيف مش هروح
سليم:خلاص يازين وصل والده حياه معاك وكل واحد يوصل مراته يلا وانتى ياحياه لو احتاجتى حاجه كلمينى
حياه:حاضر
والكل بيمشي وحياه بتقعد على الكنبه اللى فى الاوضه وباين عليها التعب
سيف:حياه انتى كويسه
حياه:ايوا نام انت عشان ترتاح شويا
سيف:تعالى ياحياه
حياه بتقوم وبتروح عشان تقعد على الكرسي اللى جمب السرير وسيف بيشدها بيخليها تقعد جمبه على السرير
حياه:انت بتعمل اى ياسيف مينفعش كدا لوسمحت
سيف:هو اى اللى مينفعش ياحياه انتى مراتى على فكرة
حياه بتبصله بعينيها كلها دموع
سيف بيمسك ايدها:حياه متفكريش فى الكلام العبيط اللى سمعتيه منى انتى مراتى وهتفضلى لحد ماموت مراتى فاهمه وفى كلام كتير لازم نتكلم فيه
حياه:بعد الشر عليك ياسيف بلاش تجيب سيره الموت وسيب الكلام ده لوقت تانى انت تعبان
سيف بيبتسم:خايفه عليا
حياه بتهز راسها بنعم ووشها احمر من الكسوف
سيف:نامى ياحياه
حياه بصدمه:انام فين
سيف:تنامى هنا جمبي يلا عشان انا كمان عايز انام دماغى هتنفجر بسبب ادهم
حياه:كانو خايفين عليك اوى بجد ربنا يخليكو لبعض
سيف:يارب ويخليكى ليا يلا نامى بقي
حياه:لا طبعا مينفعش
بتتحرك عشان تقوم سيف بيشدها وبتنام فى حضنه:نامى ياحياه
حياه بكسوف:ياسيف افرض حد جه وشافنا كدا
سيف:انتى مراتى ياحياه نامى اللى يهديكى عشان تعبت وعايز انام ولو خايفه حد يدخل قومى اقفلى الباب بالمفتاح يلا
حياه بتقوم تقفل الباب:طب انا هنام هنا على الكنبه عشان تكون براحتك
سيف:يلا ياحياه تعالى بقى بس اقعلى طرحه كدا كدا محدش هيدخل علينا
سيف بيشوف حياه متردده:ياحياه اقسم بالله انتى مراتى اجيبلك القسيمه واعلقها على صدرى عشان تفكرك
حياه بتضحك بصوت عالى:لا مش لدرجه دى
سيف بيسرح فى ضحكتها وحياه بتتكسف:احم انا هدخل الحمام اقلع الطرحه واغسل وشي واجى بعد شويا حياه بتخرج وهى سايبه شعرها ووشها فى الارض سيف بيسرح فيها وفى جمالها وجمال شعرها الاسود اللى واصل لاخر ضهرها وناعم زى الحرير
سيف:يلا ياحياه عشان عايز انام
حياه بتقرب وبتنام جمب سيف وبتغمض عينيها وبتنام على طول وسيف فضل يبصلها وهى فى حضنه لحد ما بينام هو كمان
_________
تانى يوم حياه بتفتح عينيها بتلاقى سيف بيبصلها بحب وبيبعد شعرها اللى نازل على وشها
سيف:صباح الجمال ياحياتى
حياه بتقوم تعد وبترجع شعرها ورا ودنها:صباح الخير
سيف بيمسك ايد حياه:تعرفى ياحياه انا اول مرة انام كدا من وقت طويل وبجد ده احلى صباح فى حياتى
حياه بتتكسف وخدودها بتحمر
سيف:لا كدا مش هقدر اقاوم الفراوله دى
حياه:بس بقي لو سمحت ياسيف
سيف:حياه انتى لسه زعلانه منى
حياه:تصدق انى نسيت كل حاجه لما عرفت انك اتصابت كنت حاسه قلبي هيخرج من مكانه من الخوف عليك ودموعها بتنزل
سيف بيمسح دموعها:دموعك غاليه عليا اوى ياحياه .حياه
حياه:نعم
سيف:انا بحبك اوى ياحياه مش عارفه امته ولا ازاى بس اللى اكدلى انك مهمه اوى عندى اول ماالرصاصه جت فيا مشوفتش قدامى غيرك انتى وحور وعرفت وقتها انك مهمه اوى فى حياتى
حياه:ربنا يخليك ليا ياسيف
سيف:اومال مين مع حور اوعى تكون عرفت انى اتصابت
حياه:انا خليت دكتوره معانا فى القسم بثق فيها تفضل معاها ونبهت عليهم محدش يقول قدامها عن اصابتك
سيف:كويس انا ماصدقت انها بدات تستجيب
حياه:انا هقوم البس الطرحه عشان لو حد جه
سيف بغمزة:ايوا البسيها لانى مش هقدر اقاوم جمالك ده
حياه:يوووه ياسيف هتفضل تحرجنى كدا
سيف بيضحك بصوت عالى:بموت فيكى وانتى شبه الفراوله كدا
حياه بتجرى على الحمام وسيف بيضحك عليها بعد شويا حياه بتخرج من الحمام وسيف اول مابيشوف خدودها الحمرا بيضحك عليها
حياه:ممكن تبطل بقي لوسمحت
الباب بيخبط
حياه:يانهار اسوح الوقت يقولو علينا انا غلطانه انى سمعت كلامك
سيف بيضحك:طب افتحى ياحياه الله يهديكى
حياه بتروح تفتح الباب بتلاقيهم الشباب
ادهم بغمزة:انتو قفلين الباب لى هااااا
حياه بتكح جامد:احم احم انا هروح اشوف حور واجى وبتجرى تخرج من الاوضه
سليم:اى ياعم المصاب
زين:ياعم ياريتنى انا اللى اتصابت والله
جاسر:والعه معاك ياسيفو
سيف:بقولكو اى لو مفكرين انكو هتشتغلونى ومش هقدر ارد عليكو فبكرة ابقي كويس وساعتها محدش هينجدكم منى فلمو الليله احسنلكو
ادهم:لا ياكبير احنا ساكتين اهو
جاسر:الطيب احسن
سليم:يلا ياجبان منك ليه
زين:ياعم دى فيها كلام لو سيف قاملهم هنقرا عليهم الفاتحه
الباب بيخبط والبنات بتدخل
ملك:حمدلله على سلامتك ياسياده المقدم
سيف:الله يسلمك ياملك
ليان:مانت زى الفل اهو يا كبير والله هو ادهم قالنا سيف ده بطل متاثرش معاه رصاصه
ادهم:لا ابوس ايدك اسكتى خالص انا نفسي ادخل دنيا
ليان:لا ادخلها لوحدك انا مش عايزة
ادهم:نعم يااختى
زين بيخبطه على راسه:انت هتردح يلا ولا اى
ديما برقه:حمدلله على سلامتك ياافندم
سيف:الله يسلمك يا ديما
زين بيقرب من ديما:ياعم مش قولتلك ياريتنى انا اللى اتصابت
ديما بسرعه:بعد الشر عليك
ادهم وجاسر بيصفروو
زين:والله لو ماخفيتو من قدامى الوقت لانيمكو فى السرير جمب سيف
ادهم :ياعم اجرى ده اخويا وانا بقولك يعملها وبيخرجو من الاوضه بسرعه
ريم:بقي المفروض كل واحد فيهم مقدم وليه مكانه فى الجيش
سليم:والله ظلمو الجيش لما دخلوها
كلهم بيضحكو وحياه بتدخل ومعاها حور والكل بيتفاجا
حياه:اهو ياستى سيف اطمنى عليه براحتك
حور عينيها كلها دموع وبتجرى على سيف وبتترمى فى حضنه وبتعيط
سليم بيشاولهم يخرجو كلهم ماعدا حياه
سيف بشاور لحياه بايده بمعنى مالها
حياه:حور ياسيدى مش وراه سيره غيرك وعماله تسال عليك ومش عايزة اى حد غيرك
سيف بيبعد حور عنه وبيمسك وشها بين ايديه:انا معاكى ياحبيبه اخوكى انتى كويسه
حور بتهز راسها بنعم وبتبص على الشاش مكان حرج سيف
سيف:متقلقيش ياقلبي انا كويس اصابه بسيطه انتى عارفه شغلى بقي
الباب بيخبط وحياه بتفتح وبتاخد الاكل من الممرضه وبتقفل الباب
حياه:يلا ياسيف عشان تاكل وتاخد ادويتك وكمان قالولى ان حور ماكلتش اى حاجه من امبارح
سيف:ليه ياحور مش قولنا تاكلى وتاخدى ادويتك عشان ترجعى معايا على الفيلا
حور:حاضر
حياه بتجيب طاوله اللى بتتحط على السرير وبتحط الاكل عليها
سيف:يلا ياحياه عشان تفطرى معانا
حياه كانت هتعترض حور بتمسك ايدها وبتقعدها جمبها على السرير وبيبدوا ياكلو سوا وهما بيهزرو ويضحكو وبيخلصو اكل وحياه بتشيل الاكل والطاوله وبيعدو على السرير جمب سيف
سيف بيمسك ايد حور وايد حياه وبيبسوهم:ربنا يخليكو ليا وبياخدهم فى حضنه الاتنين
_______
عند سليم راح قسم ملك وبيدور عليها لاقاها قعده جمب شباك وبتشرب قهوة
سليم:الجميل بيفكر فى ايه
ملك اتخضت:لى كدا ياسليم خضيتنى
سليم:متزعليش منى ياقلبي انا اسف
ملك:انت بتتاسف لى. ياسليم عادى يعنى
سليم باس راسها:انا بتاسف على اللى حصل منى قبل الماموريه وانى اتعصب عليكى بس انا مقدرتش اشوفك واقفه مع واحد وعماله تهزرى وتضحكى
ملك بحزن:انا معملتش حاجه غلط ياسليم انا عارفه حدودى كويس وانت اكيد عندك ثقه فيا ولا اى
سليم:طبعا ياحبيبي انا بثق فيك اكتر من نفسي
ملك:حصل خير وانا كمان اسفه لانى وقتها اتعصبت وعليت صوتى
سليم:خلينا ننسي خالص الموضوع ده ويكون احسن
ملك بتضحك:تشرب قهوة
سليم بياخد فنجان بتاعها:هشرب معاكى
____________
عدى شهر وسيف اتحسن وخرج من المستشفى ورجع شغله تانى وحددو انهم هيعملو الفرح سوا وهيكون كمان شهر البنات والشباب مشغولين فى شغلهم وتحضيرات الفرح
_______
عند البنات فى كافتريا المستشفى
ليان:هننزل امته نجيب الحاجات اللى نقصانا
حياه:اه لازم ننزل عشان عندنا حاجات كتير واكيد مش هنجيب كل ده فى يوم واحد
ديما:لا طبعا ننزل كل يوم بعد الشغل نجيب شويا حاجات اى رايكو
ريم:ايوا كدا حلو عشان منتعبتش كفايا تعب الشغل
ملك:بدل الدوخه دى ماتيجو نطلب اون لاين احسن والحاجه هتيجى لحد عندنا
حياه:يابنتى احنا هنتجوز مرة فى العمر
ديما:لا طبعا انا عايزه انزل واجيب كل حاجه بنفسي
ليان:ايوا كدا احسن
ريم:انتى مش متحمسه لى ياملك مالك
ملك:احنا طالع عينا فى الشغل وكمان هننزل كل يوم هنتعب اكتر وهيبقي شكلنا فى الفرح زى الزومبي
ديما:لسه شهر يابنتى واحنا لو نزلنا كل يوم هنخلص حاجاتنا فى اسبوع او اسبوعين
حياه:ايوا ونرتاح باقى الشهر
ليان:ايوا ونعمل ماسكات وحركات زى كل العرايس
ريم:احنا حلوين وقمرات من غير ماسكات وبيضحكو كلهم
___________
عند الشباب فى المقر بتاعهم
ادهم:وبعدين فى الواد اللى مش راضي يتكلم ده
جاسر:احنا جربنا معاه كل حاجه ورافض انه ينطق
زين:احنا تعبنا فى الماموريه دى جامد ومسكناه بس مش راضي يفيدنا
سليم:الواد ده عنده قوة تحمل رهيبه
سيف:بس الواد ده لازم يفضل فى حبس انفرادى وتاخدو بالكو مش لازم يدخله اى حاجه حاده لانه بيتمنى يموت نفسه عشان يخلص من العذاب ده
زين:يابنى ده حتى الاكل بندخله فى اطباق ورق هنعمل اى اكتر من كدا
سيف:هينطق مش هيفضل ساكت كدا
ادهم:ياعم احنا المفروض نسيبنا من الشغل ده شويا احنا فرحنا كمان شهر
زين:وانت عايز تعد فى البيت تعمل اى ياض هتعمل ماسكات مثلاا
ادهم:ياعم انت على طول كدا سيبنى اخد راحتى شويا
سليم:مش هنقدر ناخد راحه غير لما نمسك باقى المجموعه كلها
جاسر:طب لو متكلمش هنعمل اى
سيف:للاسف مش هنقدر ناخد اجازة وبكدا الفرح هيتأجل
ادهم:لا ونبي انا عايز اتجوز
جاسر:اسكت ياض شويا بقي
زين:ان شاء الله خير سبوها على الله
___________
فى مكان جديد عند تجار المخدرات
الاحمدى والد اكرم اللى الشباب قبضو عليه:ابنى لازم يرجع مش هينفع نسيبه عندهم
رعد دراع اليمين للاحمدى: ياباشا عمره مايتكلم هو عمره مايسلمنا ليهم اطمن
الاحمدى:انا مش خايف على نفسي انا خايف عليه لامته هيفضل يستحمل التعذيب جبتلى اخبار الضباط الى مسكوه
رعد:ايوا ياباشا دول حبايبك
الاحمدى بغضب:الوحوش
رعد:ايوا ياباشا هما وفى حاجه كمان لازم تعرفها
الاحمدى:انطق فى اى
رعد:الوحوش بيحضرو لفرحهم فى يوم واحد كمان شهر اكيد هيبقو مشغولين فى الفرح نقدر نهرب اكرم
الاحمدى:مستحيل هما مش هبل لدرجه دى اكيد هيبقى فى حراسه شديده
رعد:ممكن ياباشا نجيب العرايس يشرفونا هنا
الاحمدى:يبقي اكرم قدام البنات
رعد:بظبط ياباشا
الباب اتفتح ودخل عليهم كريم اخو اكرم
كريم:حلو اوى كدا ومنه نتسلى شويا
الاحمدى بصدمه:كريم انت جيت امته
كريم:اى ياولدى العزيز مش عايزنى اجى ولا ايه وبعدين ده الموضوع فى بنات يبقي عيب فى حقى ابقي مش موجود ولا اى يارعد باشا
رعد:بس البنات دول محترمين لابسين حجاب وهدوم واسعه مش زى ماانت بتحب ياكريم
كريم:وماله نجرب صنف جديد
الاحمدى:اسكتو انتو الاتنين انا هابدا بالخطه بتاعتى ونحاول نهربه النهارده وقت الترحيل لو فشلنا وهنجيب البنات هنا
رعد:تمام ياباشا هروح اجهز كل حاجه
________
فى المقر الوحوش بيجهزو كل حاجه عشان ترحيل واكرم بيركب العربيه تحت حراسه مشدده وبتتحرك وفجاه بيقطع الطريق شاحنه وبينزل منها رجاله كتير وبيضربو على العساكر وبيفتحو العربيه الخاصه بالقسم مش بلاقو اكرم فيها
رعد:يلا انسحبو ده شكله كمين
وبيركبو عربيتهم وبيمشو بسرعه
________
فى المقر
ادهم:يابن اللعيبه ياسيف حسبتها صح
سيف برفعه حاجب:انت تسكت خالص ياض
جاسر:دايما جايب لنفسك التهزيق
زين:لازم يبقي فى حراسه مشدده على اكرم هما مش هيعدو الموضوع بساهل
سليم:بظبط وهو الوقت فى مكان الجن الازرق مش هيعرف يوصله
سيف:برافو ياوحوش بس احنا كدا فى خطر احنا واهلينا
زين:احنا هنقدر نحمى نفسنا بس اهلينا هنعمل معاهم ايه
ادهم:اكيد يعنى مش هنحسبهم فى البيت
جاسر:اى المطلوب ياسيف
سيف:لازم يكون فى حراسه على اهلينا
سليم:والبنات واهليهم كمان
زين:ايوا اكيد
ادهم:وهنعرفهم بموضوع الحراسه دى
سيف:لا عشان يبقو على راحتهم وميحسوش نفسهم مقيدين
زين:وكمان عشان ميقلقوش
سيف:تمام موضوع الحراس دول عليك ياسليم ظبط الدنيا بقي انا ماشي
سليم:على فين
سيف:رايحه اجيب حياه واوصلها البيت اه ياسليم ومتنساش حراسه تكون على اوضه حور فى المستشفى
سليم:مستحيل انساها
