 |
رواية ليلة الحنة الفصل العاشر 10 بقلم بسمة البياتي
_ #البارت_العاشر_
__________________
.. لج عيني قابل متعرفين دروبهم يريدون يضغطون عليج بسالفة الطلاق ويسوولهم لعبة
يخلوج بنفسج تنطيها الهم. ...
...ليششش بكيفهم والله لو يموتووون مايحصلون أظفرها الحضانة الي غصبان على اكبر ششارب
زلال... شصاير شدتگولج
... اشرتلها اشش خلي افتهم
...أعرف الحضانة الج خوفج من الألاعيب والأساليب الملتوية لاتستهينين بيهم معارفهم هواي سأليني اني عليهم ناس لا ذمة ولاضمير بايعين ضميرهم للشيطان
... قصدج بالرشوة والأحتيال يأخذوها مني!؟
.. كلشي توقعي لهذا سمعيني وركزي وياي
ليث مايريد الطفلة أمه معايفتة مشتغلة زن على رأسة اول شي تريد تحرگ گلبج على بنتج وثاني شي تريد تعوض غيث و ورد عن حرمانهم وحجي بينا ورد مو بس هي عدها مشاكل بالحمل غيث كذلك مايصير عنده
... اول مرة أسمع محد حاجيلي
.. اي ميحجون مايريدون يحسسو بالعجز والنقص وياعيني انتي شگعدتي يمهم هنا اربع اشهر ونصهن گضيتهن بيت اهل من يداوم ليث
.. اي صح
.. هسه نجي للمفيد ليث خطب
.... غمضت عيني مو قهر وانما اعاتب نفسي شلون بيوم من الأيام حبيت واحد مثلة
.. الووو وياي حقج تضوجين ما ألومج لكن صدگيني البعد عنهم ربح مو خسارة الله يحبج خلصج منهم وداعتج بداية زواجي شوفوني الويل عشت اسوء أيام عمري الدرجة وصلت بيني وبين مازن للطلاق
بس مازن يختلف عنهم يعرف دروب امه واختة
ما سمع منهم طلعني بيت وحدي ووگفهم عد حدهم
.. ابو ايهم وردة ربي يحفظة الج ويديم المحبة بينكم
.. تسلمين حبيبتي
ليال لاتضعفين گدامهم حتى لا ياكلوج
ليث حالياً عايش فوك الغيوم ويا خطيبتة حب وغرام متخبل عليها
وعائلة البنية ناس شايفين روحهم
قبل لا يخطبج تقدملها ورفضوا ما اعرف هسه شلون قبلوا ينطوا
... هاا يعني جان يعرفها قبل لايزوجني
. اي من يأس منها اخذج
ولعلمج گايل الأهلها هو مطلگج بالمحكمة
حتى ميدرون انتي حامل
.. معقولة صدگوا بي ومسألوا عليه
... لبنية واهلها مو منا من بغداد
وعيالي الأن رجعوا المنطقتهم القديمة گايلين للجيران ليث ازوج وماطول أشهر وطلگ
اكيد اهل المحروسة راحوا سألوا اهناك مو بمنطقكم
... اي وهسه شسوي
... اذا أجوي هددوج ماينطوج حريتج اذا متنطيهم الطفلة گولي هذا هو ابقى على ذمتة عادي
بهالحالة ليث راح يسحب ايده من ايد امه واخو ومرتة
لان مايگدر يعقد على خطيبتة بالمحكمة بدون موافقتج وبهالحالة راح ينكشف گدام اهلها
.. اهاا فهمت ماشي اني الهم هذولة عبالهم بعدني ليال القديمة يدمغون بيه وابقى ساكتة
مايدرون كلشي بيه تغير والأمومه خلتني انسانة ثانية عندي أستعداد اقاتل الخاطر بنتي
... عفية عليج هو هذا المطلوب بدلي الضعف بالقوة لاتخليهم يستغلوج
... ما أعرف شلون اشكرج فضلج ما انساه جيتي ونبهتيني
.. الفضل لله حبيبتي انتي طيبة وأهلج درة مال الله اكيد ربنا مايتخلى عنكم
.... سديتة منها جسمي يرجف مو خوف وانما عصبية وغضب
سمعتي العارات شيريدون
.. اي سمعت لاتخافين دخلي يحاولون ياخذوها وشوفي الجيابات شجيب
... لاتحجين الأحد من يطالبون بيها عود هذاك الوقت يبدي اللعب على المكشوف
.... هلا والله صار بيها لعب اي هيييج أريدج سباعية اطلعين دم موبس تثرمين بصل برإسيي
... صبري وششوفي
... نصبر ليش مانصبر قابل شكو ورانا
.. ورة يومين بالضبط غزولة بحضني دا انومها فاتت ماما گالت گومي وجيبي غزل بيبيتها ومرة عمها اهنا يريدون يشوفوها
... الله زرع بيه قوة غريبة وعجيبة
گتلها اي ليش لا هسه اجيبها وأجي
راحت ماما شلت غزولة وطلعت
تلكتني زلال
... هااا ششراح تسوين
... ولا شي اخذها يشوفوها من حقهم خوما امنعهم
... ها ششنو وين راح حجيج اني واني وخبصتيني.
..مو گلت صبري لعجلة من الشيطان
... بس لو أعرف على شنو ناوية ارتاح
اووكفي خلي افوت وياج مششتاقة للمجدية صارلي هواي مشايفتها
.. يلا امشي
طبيت سلمت بصورة جماعية هه مجايات وحدهن جايبات حماية خواتها وياهن تظل طول عمرها جبانة
ورد الحية گامت تلگتني باستني وأخذت غزل
شششگد وقحة اليشوفها يگول بس هي وبس
طلعت نفس الصنف بس شغلها سكتاوي تلدغ وتضم رأسها وهذا النوع اخطر من سماح وامها
ورد. فدوة لله ششوفي عمة اشگد حلوة بيها هواي ملامح من غيث
أيناس... اي نسخة منه من جان صغير
زلال... شششجابها عليه ابنج باقي شوية وينگطع من الضعف خلف الله على الملابس ساترات عليه
حورية.. زلال گوووومي ششوفي الجاي وين صار
... اووف من سمجة انطتني نظره قاتلة
طلعت ضايجة يشبهن غيث بغزولة ششوف الجذابات
هي حتى ملامحها بعدهن ممبينات شو اربعينها مطالع
رغد...خير ششو تحاجين روحج
.. من ضيمي الحياية يگولن غزل تشبه غيث
.. هههههه الله عليج صدك تحجين ششجابها عليه
.. ششمدريني امششي ودي الجاي اذا اني اخذة ما اضمن روحي على غفلة الشيطان يوزني واحرگ المجدية
... لا على بختج گعدي راحة هاج حمودي اني اودي الهم
تعال حبيب عمتج تروحلك فدوة القفاصة والحية ورد والعربيدة سماح والطلي ليث والمصيول غيث والمسموم ابوهم
لمى... بعد بعد خوما نسيتي احد منهم
.. لا هذولة كافي يكفون ويوفون
شوكت أجيتي شو مشفتج
.. صارلي ساعة گاعدة گبالج انتي مثولة
.. هاج حمودي خلي اروح اسمع شيحجون
.. اووكفي اجي وياج اني هم اريد أسمع
ورد.. ملامحها ناعمة عمة شنو رايج نسميها ياسمين
أيناس.. اي حلو يلوگلها
ليال... هه اي وتصيرون ورد وياسمين كلش راهم الأسم
.. هاا مافهمت شنو قصدج
... الحر تكفي الأشارة على العموم محد يسمي بنتي غيري من يصير عندج طفل سمي الاسم اليعجبج
...اشكرج
... مامفكرة اجرحها بس زودتها اشكد جنت احبها واحترمها وهي طلعت من جوة ليجوة بالوجه مرآيا وبالگفة سلاية
أيناس...ادري ياعيني ليش هيج مبهذلة الطفلة هذا هم لبس بله
فردوس.. بنت انفاس شتريدون يلبسوها
ديله اليسمعج يگول ذبحتوا روحكم عليها
شو من بداية حملها اهلها متكفلين بيها فلس ماصرفتوا
... ماكو شي يبقى على حالة من اليوم مراح نقصر وياها سمعي ليال عندي وياج كلمتين
بنتنا ماتربى بعيد عنا تريدين ترجعين ويانة
تعالي تگولين لا وما اگدر خليج عند أهلج
اخذ بنت ابني وأروح
نورية... اي مو هي فالتو يطلگ على مزاجة ويرجع على مزاجه
... عيني حجية الفات مات احنا ولد اليوم
وحتى ابري ذمتي ولاتگولين قشمرتينا
ليال اذا رجعت الحال مايرجع مثل قبل ليث يريد يزوج وهذا من حقة دام مامقصر وياها مالها حق تعترض
ما عجبها الحجي واصرت على الطلاگ تتنازل عن البنية وينطيها حريتها واني هم عندي بنات وما ارضى اظلمها مؤخرها العشر ملايين ننطيهن بيدها
وهذا اخر كلام عدنا
حورية...والله حلوة ياترجع وتنزل عليها ضرة يا تتنازل عن بنتها
يوم بعد يوم اعض اصابعي ندم بيوم النطيتها الناس مثلكم
ليال... گمت وگفت رحت گبال ورد اخذت غزل من حضنها
أيناس.. وين ماخذتها
.. الگعدة وياكم مينشبع منها بس شسوي
ما أكدر اكابل هالوجوه الحلوة اكثر من هذا
اما بخصوص عرضج الكريم اعتقد الموضوع يخصني ويخص ليث احنا نتفاهم بي اطلعوا منها انتوا
شالت جنطتها وگفت بغضب
گالت طلاگ انسسي ولا عبالج تلوين ذرعنا بالخلع وربج لو أعرف الزم كل محامين العراق ما أخليج تاخذين حضانتها
... اي ماشي الله وياج
طلعت من الأستقبال قبلها
مدري منين أجاني هالبرود رغم استفزازها وحقارتها
ورة شوية رحت الماما طلبت منها ماتحجي شي عن كلامها البابا وأخواني ما اريد يتعاركون اني راح احلها
بالبداية ماقبلت تسكت من شافتني مصصمة ا
گالت
اذا مادبرتيها غصب عنج ابوج واخوانج هما يتصرفون
.. ماشي بس صبري عليه اليوم
لمى... ليلو على شنو ناوية ماما گالت اشگد جفصوا بالحجي وهي ساكتة ولا تأثرت
... اذا اتعصب واعيط وارجف شراح استفاد؟ بالعكس من اتصرف برود گدامهم راح يخافون ويحسبولي الف حساب
زلال... اي وشناوية تسووين
... احجي ويا ليث وافض السالفة من گاعها
... هاا شتگوليلة
... يجي الليل وتعرفين هو انتي مگابلتني وگاعدة راح تسمعين باذنج
لمى.اااااااني هم اريد اسمع قابل وحد
والله فلا ازحزح اليوم من بيتكم ابات اهنا
ليال.. باتي احد مانعج
باليل نيمت غزل شلت التلفون لمى زلال مگابلاتني
طلعت رقم ليث اتصلت مششغول
زلال.... اهوووو هذا ويامن ديحجي
... تلگي يخابر المغفلة الجديدة
لمى. لا تزعلين مني ماكو مغفلة غيرج
كتلتي روحج عليه
زلال.. اي والله تلگين الجديدة امشيتة على الصراط المستقيم مو مثل هاي الفاهية
.ليال..بسسس كافي بالقرآن اعوفكم واطلع احجي برا
لمى.. سسسكتنا لاتتعصبين
.. بعد نص ساعة يلا حصلتة رن عنده
جاوب بكل برود
.. نعم شرايده
... اكوووو واحد هيج يحجي ويا زوجتة حبيبتة بعد هذا الغياب
.. ههههه الظاهر مصدگة روحج وعبالج رايد أرجعج السواد عيونج
...ششخبار خطيبتك؟
.. يا خطيبة؟ شو فهمج كله اعوج اعتقد گالولج يريد يزوج مو خاطب
.. ههههه خلي يولن قبل لا تحجي امك اعرف بخطوبتك ولمعلوماتك اعرف كلشي عنها حتى مفكرة اتعنة الها البغداد اخذ غزولة وأجي اباركلها بنفسي
... حتى انعل ووووووالديج بنت السسسسكط
... النعلة تنعلك وتنعل اهلك ديربالك تغلط من ششنو خايف يوو بس لا ماتدري بيك مزوج وصارت عندك بنية
.... لسانج طولان صايرة قوية ليال اجفي الشر ولاتدخلين بشي ميخصج
بعدين وين كرامتج واهلج الخابصتني بيهم شلون يرضون ترجعين على ضرة
... عادي مرة متأكل مرة طلاگ ما أريد
.. اسستغفر الله بابا اصحي وفكري بمصلحتج
اذا ارجعج اذلج كارررررهج واليهود كارررررهج حتى صوتج ما طايقة ولوما امي خبصتني بالطفلة هي هم ما أريدها
.... اخر كلام عندي حضانة بنتي ما اتنازل عنها
حتى لو اعرف ارجعلك واذا سويتوا لعبة وربك يم القاضي راح اگول أريدك
ومو بس هيج ادفعك دم گلبك مصاريف الاشهر الگعدتهن عند اهلي اخذهن من عيونك
والأهم من هذا من يسألوني على موافقتي بزواجك الثاني راح ارفض واعتقد مابية اي تقصير ينطيك الحق تتزوج
.. ليييييال شششرايدة
... مستعدة اتنازل عن كل هذا الكلام بشرط واحد تجي وياي للمحامي تكتب اقرار بخط أيدك تنازل نهائي عن غزل خاف بيوم تكبر وتدخل بيها انسى بنتي ما الك بيها لو شعرة
وبالمقابل راح اطلگ منك واخذ الحضانة واتنازل عن المؤخر وحتى نفقة ما أريد
والاقرار تبصم عليه ويتصدق هاا شگلت
.... ماشي شوكت نبدي بالأجراءات
.. اريد مستمسكاتك اكمل بيان غزل من تكمل اوراقها نمشي بمعاملة الطلاق
... تمام من انزل نكمل كلشي
.... سديتة اخذت نفس ياربي كملها على خيرر
لمى... عزززا صايرة تخوفين ولا عرفتج
... من عاشر القوم تعلمت منهم
زلال. عزززا بعينة اشگد نذل عادي عنده يتنازل عن بنتة حتى مطلب يشوفها شنو من بشر
... طبة طوب اني المستفادة
ثاني يوم حجيت البابا كلشي
كتلة بابا ما اريد شي منهم راح ابيع ذهبي واصرف على. بنتي واذا احتاجيت شي اريدكم تساعدوني بين ما اتخرج واشوفلي وظيفة اسد بيها احتياجاتي واحتياجات بنتي
محمد.. جم مرة گتلج سالفة بيع الذهب انسيها
يابنتي شوكت طلبتي منا وقصرنا وياج رگبتنا سداده الج والبنتج
... فدوة الطولك ادري والله بدون متگول بس انتوا شنو ذنبكم تصرفون عليها
... راح ازعل منج سدي الموضوع بنتي وبعد لا تعيدي
... بست راسه وكمت
اجه ليث كمل بيان غزل والجنسية
بعدها باشرنا بمعاملة الطلاگ كلشي صار بسرعة
لان الانفصال برضى الطرفين بنتي حضانتها الي
مدري شنو من گلب گلبه كم مرة اجه حتى مگال أريد اشوفها وبيوم الطلعت جنسيها جانت بيدي ولا باوع ناحيتها الله شايل من گلبة الحنية
مرحلة الثانية ما گدرت اداوم غزل صغيرة واني لهسه تعبانة اجلت الدوام على السنة الجاية
زلال... رجعت من المدرسة نزلت من الخط قبل لا افوت للبيت صاح عليه حجي صجمه
رافع ردان الدشداشة ومتخوصر بنص الشارع
....وين وديتي البلبل احجي لا احطج بمكانه بالقفص
... سالمين يابلبل ترى راجعة من المدرسة مو من سوك الطيور
...الله واكبر حررررامية خمس دقايق طبيت للبيت طلعت مالگيتة
اي انتي ماكو غيرج من طلعت شفت الخط مشة من بابكم أكيد اخذتي وياج
... لا إله إلا الله تعبانة وشايفة ابو ابوية بعيني مناقصة خبالك تلگي البلبل هج منك
علاء... شششكو واكفة ماتفوتين جوووة جم مرة مانعج من وكفة الباب
.. ردت افوت الحجي مخلاني يگول بايگة البلبل
... حجي وتالي مو نبشت المنطقة من الصبح لهسه دگيت باب باب وگنالك ماكو
نجيب القرآن ونحلفلك بلكي تصدگ
... يم اختك خلي طلعة من جوة الگاع ادري هاي سوالفها ضمتة تريد تحرگ دمي
.. علاء بعصبية اخذ مني الجنطة صاح هاك فتششها بلكي ترتاح فوووووووتي لا ارتكب جريمة
اندارينا دنفوت علاء صاح اخ يابة ولزم ظهرة
عيونة صارن بگصتة اندار للحجي
وهذاك سوة روحة يحجي ويا جهال ابو سعيد
... انعل ابهاتكم مجاليب ووووين وديتوا البال
گو.... سسرس....سا
.... امششي طبي الله بلاني بيج وبهالمشخوط
.. هههههه ششعلية قابل اني ضربتك بالصجمة
حورية... الكسلانة جاية تضحك ضحكينا وياج
... اي اي بقت عليج الحجي يگول حرامية وانتي تصيحين كسلانة عيشتي وياكم صايرة جحيم
... غيرينة بلكي ترتاحين
... ما اگدر البزون يحب خناگة
.. گرت عيني على هيج خلفة
.. ششبيه اشو اخبل
.. اخوج شبي
... الحجي رگعة بصجمة هههههه
.... يايمة كلها تمل وتجوز الا حجي ريسان كلما يكبر يتخبل بالزايد
.. معلينا بالناس لاتشيلين غيبة حرام رجال بگد ابوج
شالت النعال رادت تضربني انهزمت
رجعت مديت راسي سمجتي الله عليج احمي الغدة وصبيلي ميتة جوع
... روحي البيت خالج ابوج واخوانج اهناك يتغدون
... ليش شطابخين.؟
.. باجة
.. الله غير تحجين من الأول طبيت اركض
ليال.. على كيفج لاتوكعين
.. مسستعجلة
بدلت على السريع لزمت غزولة شبعتها بوس
طلعت غسلت ورحت البيت خالي
محمد... هلا يابة ماخليتهم يصبون قبل لا تجين
.. عفية عليك حبيبي
كعدت بين بابا وخالي
الولد كلهم موجودين اما النسوان ولا وحدة
محد يحبها
شنفت رداناتي ونزلت دوسسة ونص
خالي يضحك
خالد... والله خالو بس انتي تفتحين النفس ماتتعززين على نعمة الله.
... الميأكل هو الخسران معقولة اعوف هيج اكله طيية علمود يگولون عليه نازكة
هالنزاكة هم ما اريدها
وليد...كفووو والله بلكي ريم تطلع على خالتها
علاء...استر علينا هي وحدة وراح اتخبل من سوالفها
...اذن من طين واذن من عجين شيحجون ما اجاوب نسفت الماعون يلا كمت رجعت للبيت ادور سفن اهضم بي الأكل
لمى.. راح تنامين
.. اي تعبانة
.. روحي سبحي
... ليش
.. مو اكلتي باجة ريحتج مو طيبة
... اي أكلت بيدي ونزلت المعدتي مو سابحة بيها ولا جنت حاضنة البقرة
ليال... دعوفيها تنام لا تتخبل عليج
... ورة العشا بيت خالي يمنا
جنت كاعدة وحدي اقرأ
فاتت لمى وليال
ورة شوية اجت وصال وشذى ورغد صارت هوسة
وصال.. خاتون
... منو اني
. .. لا خيالج
.. خالي اهنا علمودج
.. سديت الكتاب علمودي؟
... اي هم فتح موضوع خطوبتج الاركان
.. مو على أساس الموضوع انسد الحد ما اخلص دراسة
لمى.. هههههههه خالو يگول الأبوج زلال تگعد السنة بسنتين اذا نظل ننتظر الولد يشيب
... عزززا شنو هالسمعة الله عليج هيج گال خالو
... اي والله
وصال... اي شنو رايج
.. ما اعرف لاتسألوني
.... لعد نسألمن
.. ما اريد انخطب هسه بصراحة بعد الصار ويا ليال انكسرت عيني
ليال.. لج عوبة تجيبين بيت خالي وولده على ليث واهله خالة كوثر وين تلگين احن منها عليج
مو مثل ايناس المجلوبة الله لا يذكرها بالخير
... اني من البداية گلت القرار الأول والأخير البابا
وصال... انتي راح تتزوجين مو بابا
.. اعرف بس هم اريد رأيه اذا وافق اوافق اذا رفض أرفض
لمى.. والنبي تحيرين اكبرر واحد من باب انتي معجبة بي ومن باب ثاني اذا عمو رفضة عادي عندج
... الحب مو كلشي بالدنيا
وصال... كبرانة وعقلج صاير رزن الله يكتبلح الخير حبيبتي
ورة مراح خالي ماما اجت گالت خالج يريد الجواب باجر گال الابوج هسه نسوي بس خطوبة والزواج على العطلة
.. وبابا شگال
... ابوج مكسورة عينه حالف بعد ماينطي للغريب يگول التعرفة احسن من المتعرفة تدرين بي يحب ولد خالج يگول مانلگي احسن منهم
... يعني موافق؟
.. اي
.. اذا هو موافق اني هم موافقة
ماما باستني بخدي وراحت
الليل ما اعرف افرح لو اخاف اركان ابو بنات خاف يتعبني والله اذا خاني احرگة وهو عايش
ثاني يوم بابا انطة الموافقة الخالي وشرط عليهم شرط غريب گال هسه بس يعقدون عند السيد
عقد المحكمة قبل العرس بشهر
ماما من سألتة عن السبب گال اقل غلطة من اركان احط حلقتة بيده وانهي كلشي ماعندي استعداد اضحي ببنية ثانية
قبل العقد بيوم خالة فردوس اخذتني للسوك
اشتريت حلقة وفستان للمهر
من رجعنا اركان بالباب
گتلة الحمدلله شفتك تعال فوت اريد احاجيك
اركان... بربج عمة هاي تصرفات وحدة باجر خطوبتها هسه غير تخجل توزع ابتسامات تنهزم من گدامي مو هي بنفسها اتگلي فوت
فردوس.. حجيت البگلبي اني هم صفنت عليها
.. اگلك قابل ما اعرفك وهاي اول مرة اشوفك
اشو شايفتك اكثر من علان كوكا كولا
امششي امششي عندي كلام ضروري
فردوس.. شتگلك گول حاضرر وتمام لاتروح تغتالك بهالمغربية
... اني الجبتها النفسي امشششي داشوف وين تاليها
... طبينا للحوش كتلة اكعد بالحديقة هسه اجي
فوتت العلاليك وطلعت
.. اي انسة زلال غردي كلي اذن صاغية
.. مو وقت تحشيش واستهزاء
ششوف اركان من ننخطب اول شي تسوي لازم تحترمني اذا بيوم فشلتني گدام كائن يكن
اعتبر الخطوبة تفركشت
.. اي وبعد
.. عين زايغة وبنات ما اريد اذا عرفت راجع تلعب بذيلك افضحك وهم افسخ
اما اذا تزوجنا وخنتني وحق ربك شوية نفط وجداحة بربع انت نايم احرگ وقد اعذر من انذر
... شششبيج بابا الأجرام يمشي بدمج
اذا ما رايدج وعيني على غيرج شكو اورط نفسي واخطب واتحمل مسؤولية
خو اظل طير حر من شجرة الشجرة
.. اي خوش لعد متفقين
عماد.. ترى بعدنا بسسسم الله خير يابة
اركان... وداعتك فقير واكف بالباب اختك سحلتني گعدتني اهنا
.زلال.... هزيت ايدي كمت وكفت هاي من اولها بعتني عفتهم يحجون طبيت جوة
ثاني يوم حضروا عمامي ونسوانهم وباقي اقاربنة
أجة الشيخ عقدلنة
من فات اركان يلبسني الحلقة صفنت عليه
أبد مجنت اتوقع يوم من الأيام راح اكون اله
جنت متأكدة راح يظل حبي من طرف واحد جنت متقبلة هالشي ودائماً اگول مصيري انساه محد يموت وره احد
بس هسه الحلم صار واقع هو رادني بذات نفسه بدون ما ارخص نفسي او اعترف بحبي
اركان.. يمعودة ايدج مو نفضحنا وكت صفناتج
.. هااا ششنو
... هي مال فهاوة شلون بلوة ولج ايدج خلي البسج الحلقة
.. انطيتة ايدي لبسها الي
.. يلا
.. شنو يلا الصبر ياربي حلقتي تلبسيها لو اني البسها
.... وششبيك ضايج اول شي بوس ايدي مو من يلبسون الحلقة يبوسون ايد خطيباتهم
.. هواي تتفرجين تركي
.. يلا بوس
... امري لله
. ااخذ ايدي باسها لبستة حلقتة
همس بست ايدج بوسي خدي
.. وانت الظاهر هواي تتفرج هندي
ضحك بصوت عالي
لمى... صارلكم ساعة شجاي تتبسبسون
.اركان...سوالف كبار لاتدخلين
.. عشششتو صاروا كبار براسي صوجي سالت
ليال.. عوفيهم زلال واركان جدر ولگه قبغة
امشي نجيب التقديم
طلعنا للمطبخ حظرنا الصواني
لمى.. بصوت ناصي ليلو انداري الباب المطبخ شوفي منو واكف بالحوش يباوع
... انداريت عيني اجت بعين رائد متغير هواي ونظراتة ما اعرف شوصفهن عتب قهر زعل لو شماتة. ..
