رواية نارى وجنتى الفصل العاشر 10 بقلم ايلا ابراهيم

#رواية_ناري_وجنتي

#بقلم_إيلا_إبراهيم

الفصل العاشر

جمانه بانفعال انت بتقول ايه يا انس

انس وهو بيبص ناحيتها عاوز يفهم هي بتفكر في ايه ... وليه خايفه كده عاوز يفهم مشاعرها ناحيت سيف ايه.. عاوز يعرف هو فين من كل ده..

اتكلم وقال بهدوء انا عاوز اعرف انتي عايزه ايه ياجمانه وانا هعملهولك .. انتي بس فهميني ..

بصت جمانه ناحيته بخنقه انت عاوز تخلص مني عشان انت بدأت تحس اني حمل تقيل عليك مش كده يا انس قالتها وبدأت دموعها تنزل بهدوء

انس حاوط وشها بحنيه زي عوايده دائما واتكلم لا ياجمانه متقوليش كده ...انا عاوز ارضيكي اللي انتي عاوزه يحصل

جمانه ليه ... ليه عاوز ترضيني ... عشان ايه..اساسا اتجوزتني ليه يا انس ... انا لسا مش عارفه ..ليه انت كده معايا ..ليه دايما بتخرجني من المشاكل ليه رجعت وسجلتني بالكليه ليه انقذتني من أدين بابا ...عشان ايه كل ده ...ليه يا انس ليه خلتني احلم من تاني . خلتني اطير لسابع سما ودلوقتي عاوز ترميني لسابع ارض.. ليه ..ليه عملت كل ده فهمني..

انهارت عليه بكم اسأله لا نهاية لها لتنهار باكيه مردده انا مش هكون حمل عليك تاني لو حابب تسيبني براحتك وانا هرجع زي ال**** مع سيف..

انس بهدوء اشششش انتي بتقولي ايه.. اهدي .. انا كنت بس عاوز ارضيك..

جمانه بشهقات متبعدش عني متسبنيش يا انس وانا هكون راضيه عشان خاطري..

انس شدها ليه وجواه كان هيطير من الفرحه يااااه قد ايه الشعور ده حلو لما اللي انت مهتم لأمره يشوفك كل حاجه بحياته كده يمكن تكون جمانه عملت لنفسها مكان جواه ولسا هيكبر المكان اكتر ..يااااه ياجمانه انا مكنتش عايش من غيرك..كل ده كلامه جواه وهو بيملس على شعرها بحنان وهمس لها اهدي وانا هتصرف مع اللي اسمه سيف ده

رفعت وشها وعيونها مدمعه يعني مش هتسيني يا انس مش كده

عمري ما هسيبك مادام انتي عايزه تفضلي جمبي.. ياجمانه انا عاوز راحتك بس ..

احتضنت خصره بجرأه لاول مره ربما شعرت بأنها ستخسره أن ابتعد عنها ثانيه ..

لتهمس له بخجل انا رحتي جمبك .

وانا معاك رجعت احلم .. انت يا انس مفيش غيرك هكون مرتاحه معاه وحابه قربه..

ده اعتراف ..اعتراف صريح منها أنها هي برضو حاسه بحاجه ناحيته... خلاص انس خد الاعتراف منها ودلوقتي هتبقى على اسمه قولا وفعلا رفع وشها وبص فعنيها المدمعه وهو مبتسم بحب. 

انس عارفه اني مستني الكلام ده من زمان..

بعدت عيونها عنه بكسوف من نظراته ليها لكنه منعها وهو بيهمس واخيرا ياجمانه وقرب منها باسها برقه وهي مكسوفه لحد مابدأ يوزع بوساته على وشها ورقبتها واديه بتمشي على جسمها بجرأه وهو بيبعد هدومها وبدأت تتجاوب معاه لكنه بعد بغيظ لما حد خبط عليهم

انس وهو بياخد نفسه بالعافيه مين عالزفت اللي ع الباب

احد العاملات انا اسفه يابيه لكن واحد اسمه سيف براا عاوز مدام جمانه

جمانه مسكت ذراع انس بخوف..

انس بص ناحيتها وهو بيقول هنزل كمان شويه ..

جمانه هزت راسها بلأ

انس حاوط وشها واتكلم متخفيش انا جمبك ... انتي افضلي هنا وانا هروح اكمله 

جمانه بخوف عليه لا انا هروح معاك مش هسيبك لوحدك..

انس بضحكه شيفاني عيل انا هتكلم معاه بالعقل. افهم هو عاوز ايه عشان نخلص من الحكايه ده

جمانه طب بالله عليك خليني انزل معاك  

تنهد بقلة حيله وهو يقول ماشي ياجمانه تعالي

ليكمل بابتسامه خبيثه بس البسي طرحتك وعدلي لبسك..

بصت لهدومها واحمر وشها لما شافت فستانها نازل وباين جزء كبير من جسمها غطته بسرعه وكسوف 

بعد شويه 

نزل انس وجمانه كانت ماسكه بدراعه زي العيل الصغير هي عارفه سيف وطبعه الصعب ..

انس بابتسامه اهلا سيف بيه اتفضل تحب تشرب ايه..

سيف بص ناحيت جمانه وهو بيقول مش عايز اشرب حاجه لكن في امانه عندك وعايز ارجعها

انس قطب جبينه باستغراب وأمانة ايه دي انا اول مره اشوفك...

سيف بنفاذ صبر جمانه هي تبقى مراتي وعايزها

انس بانفعال وغضب مرات مين يابابا انت فاكرني ايه عشان تجي تقولي كده ولسا هيمشي عليه. هو متعصب مسكت فيه جمانه جامد وهي بتبصله برجاء لكنه زاح أيدها بغيظ 

سيف بنرفزه انا قلت اللي عندي ليتقدم ويمسك يد جمانه ليصدم بأنس ...

الفصل الحادي عشر من هنا