رواية الصياد الفصل العاشر بقلم ليل ادم
بعد طلوع على قدري الي غرفه نومه قفل الانوار وبدأ يغفو في نومه سمع صوت شد اجزاء من خلفه لف وشه وقام مسرعاً
على قدري: عراقي انت دخلت هنا ازاي
عراقي : دخلت ازاي دي بتاعتي أنا يا قدري ومش خارج الا لما اعرف اللي عايزه منك يا هاخد روحك
على قدري: سيب السلاح يا عراقي عيب كده
عراقي : قتلت محمد ليه يا قدري عملك اي علشان تقتله
على قدري: محمد مين اللي اقتله فوق يا عراقي اعرف انت بتكلم مين
عراقي : لو صوتك طلع تاني محدش هيلحقك من تحت أيدي كده كده يا علي خلاص انت اتحكم عليك بالاعدام و النهارده التنفيذ بس اعرف ليه محمد ده عمره ما عمل حاجه وحشه مع حد
على قدري: انت مجنون يا عراقي ابنك مات من أربع سنين لسه فاكر تدور ورا حق ابنك
عراقي: الساعه اللي في أيدك هيا اللي رجعت حق ابني يا قدري
على قدري: يعني اللي صنع ساعه ابنك معملش غيرها
عراقي: عمل غيرها بس أنا مش عايز غيرك يا قدري دم ابني عندك ( وطلع سلاح من جيبه دبح على قدري وخرج من المنزل )
في جانب آخر كان رجع فارس الي القطاع
قائد الكتيبة: اتفضل
فارس: أنا عايز انزل النفق
قائد الكتيبة: لا يا فارس مينفعش قولتلك شوف خطه تخرج بيها قبل ما تدخل وساعتها هعملك اللي انت عايزه
فارس: بس أنا لازم اجيب ابو زياد في اقرب وقت
قائد الكتيبة: كلنا عايزين نجيب ابو زياد
فارس: بس أنا مش هينفع استنا اكتر من كده الراجل ده يعرفني كويس جدا
قائد الكتيبة: خايف ولا اي يا صياد
فارس: لو خايف مكنتش طلبت انزل النفق بس اهلي في خطر
قائد الكتيبة: هو العراقي يتخاف عليه
فارس: عراقي مش زاي زمان عراقي كبر الوقتي لياقته البدنيه مش زاي ما كانت وائل اخويا النهارده كنت ممكن اسمع عنه خبر مش حلو لو كانت العيال دي وصلت قبلي
قائد الكتيبة: فارس احنا هنا من سنين قضينا اجمل ايامنا على الأرض اللي بقيت واحه دم من تحت راس ابو زياد وكل اللي وراه عايزك تهدأ يا فارس كل اللي بيحصل ده ربنا كاتبه أن شاء الله هنجيب ابن الكلب ده بس بالعقل مينفعش بالطريقة اللي بتقول عليها دي أنا لا يمكن أضحي بيك و أبعتك مشوار وأنا متأكد مفيش رجوع منه
فارس: بس الراجل ده كل خطوه بياخدها خطر على أهل سيناء كلهم
قائد الكتيبة: عارف يا فارس علشان كده صدقني كل حاجه معمول حسابها
باب المكتب بيخبط
قائد الكتيبة: ادخل
ابو المجد : كمين التل يا فندم عليه تعامل شديد طالبين دعم وفرقه قناصه
قائد الكتيبة: فارس اطلع بسرعه وخد معاك الفرقه
فارس: ( قومت زاي المجنون مش عارف اروح فين من خوفي يكون وائل هناك كل محاولاتي بالتواصل مع وائل وقفه مش عارف اوصل ليه سامع صوت ضرب نار على اللاسلكي التعامل شكله شديد جدا على الكمين كل الطريق عباره عن عربيات مصفحة رايحه الكمين العربيه بتاعتنا بتكون عربيه ضخمه بس عربيه ملاكي مينفعش حد يعرف إحنا تبع اي أو إحنا رايحين فين كنا معانا عربيتين الفرقه كامله ١٥ فرد وأنا قائد الكتيبة وفجأة سمعت صوت وائل على اللاسلكي)
وائل: عادل اطلب طيران يا عادل العساكر كلها ماتت
عادل: مينفعش يا وائل الكمين وسط مدنيين امسك نفسك أنا عشر دقائق هكون قصاد الكمين
فارس: وائل وائل أطلع خد ساتر انت وكل الموجودين لم اخوتك محدش ياخد حد منكم
وائل: فارس انت فين يا فارس انت قربت
فارس: أنا أقل من عشر دقائق هكون عندك خود ساتر اسمع الكلام
وائل: مفيش ساتر يا فارس الكمين اتغربل مفيش حد في الكمين غيري انا و تلات عساكر من الدعم اللي جاي معايا الكمين كله جثث
فارس: متخافش يا وائل أنا مش هسيبك يا حبيبي
وائل: فرتك الكمين يا فارس ملكش دعوه اضرب الكمين كله بكل اللي في مبقاش في حد غيري انا و العساكر خسائرهم اكتر فرتك الكمين كله يا عادل اسمعوا كلامي
عادل: ( بصوت عالي) اسكت متقولش الكلام ده محدش هيموت تاني مننا خلاص
فارس: دوس شويه يا درع
شبراوي: اهدا يا فارس كفايه انك عرفت الكمين كله أننا معاهم انت عملت مصيبه لو حد معاه لاسلكي بتاع عسكري ولا ظابط عرف اننا هنا
فارس: لو علي الموت ياعم شبراوي ادخل الكمين نزلني ولو خايف ارجع
شبراوي: عيب عليك يا فارس اخوك وكل اللي هناك اخواتي هو من امتا بنقول للأوامر ارجع والكلام ده
فارس: ( بعد وصول الكمين المفروض اني من طاقم القناصه يعني مينفعش اتعامل من على الارض لازم اتعامل من الأسطح بس خوفي على وائل كان أكبر من كل التعليمات وخصوصاً بعد ما كشفت للجميع أن وائل يكون اخويا )
فارس: وائل انت فين وائل رد عليا انت فين
عادل: فارس بيه
فارس: ( خايف يرد يسمع خبر استشهاد اخوه ماسك اللاسلكي وساكت)
عادل: فارس بيه رد عليا بسرعه
فارس: أنا في الكمين
عادل: وائل اتصاب اصابه خفيفه متقلقش أنا معاه
فارس: انتو جوه الكمين ولا فين
عادل: جوه جوه
شبراوي: فارس محدش يدخل الكمين يا فارس اركب العالي ملكش دعوه انت ب الأرض
فارس: ( سمعت كلام شبراوي وطلعت مكان عالي ) شبراوي أنا راكب الكمين
شبراوي: اضرب يا فارس متخليش
فارس: ( عدد العيال كان كبير جدا الوضع من تحت شيء ومن فوق شيء تاني الوضع من فوق كارثي ومعاهم سبع قناصين اول ما بدأت بدأت معاهم سقطت منهم اربعه وكان معايا اتنين قناصين كمان طلبت منهم تكمله الهدف وبدأت اتعامل مع اي حد يفكر يقترب من الكمين ومع وصول الفرقه التالته كان الموضوع بداء يكون تحت السيطره )
شبراوي: اخلي يا فارس الموضوع مبقاش بتاعنا
فارس: ادخل الأول اشوف اخويا يا شبراوي
شبراوي : مينفعش يا فارس أنا جالي أمر اخلي الموضوع انتها مبقاش في حاجه تستدعي وجدنا
فارس: شبراوي أنا نازل اشوف اخويا بقولك مش هرجع القطاع من غير ما اعرف اخويا ماله
قائد الكتيبة: شبراوي خد الفرقه و أخلي والصياد هيرجع لوحده متقلقش عليه
فارس: ( عارف اني بقيت في مشكله كبيره وعارف اني عديت كل الخطوط الحمراء بس مقدرتش امشي وانا عارف أن وائل مصاب دخلت الكمين لقيت وائل على الأرض غارق في دمه خدته على كتفي وخارج بيه قابلت شبراوي )
شبراوي: رايح فين بي
فارس: مستشفى القطاع
شبراوي:(بغضب شديد )انت بتعمل فينا ليه كده اركب بسرعه
فارس: شبراوي علشان خاطري أنا مسؤول عن أي حاجة بس اخويا بيموت اطلع مستشفى القطاع واللي يحصل بعد كده يحصل
شبراوي: خلاص يا فارس نتكلم بعدين
بعد نقل وائل مستشفى القطاع طلب قائد الكتيبة من الصياد الرجوع إلى مكتبه ومعاه الفرقه كامله
قائد الكتيبة: ادخل
قائد الكتيبة: شبراوي والصياد خليكم باقي الفرقه تروح تشوف شغلها تسلم أيديكم يا رجاله كان تدخل عنيف بس انتم قد المسؤولية
بعد خروج الفرقه
قائد الكتيبة: انت حولت الموضوع ل خناقه في الشارع عرفت نفسك
وبقيت انت وكل الفرقه في خطر انت مدرك يعني اي ندخل مكان ونخرج محدش يعرف عننا اي حاجه انت خليت سيناء كلها عرفت أننا في الكمين
فارس: يا فندم
قائد الكتيبة: ( بصوت عالي) أنا لسه مخلصتش كلامي
فارس: تحت امرك يا فندم
قائد الكتيبة: لا ومش مكتفي كمان تدخلك في الاشتباك كان ممكن ينهي حياتك رفضت تطلع تركب الكمين عايز تشتبك من الأرض انت مالك ومال الأرض يا فارس بيه طلبت منكم ترجع القطاع مصمم تدخل الكمين مع اننا قولنا ترجع القطاع داخل تشوف اخوك دا كده مبقاش جيش انت ازاي تاخد اخوك على مستشفى القطاع الخاص هو دي وظيفه مين يا فارس بيه انت كنت ممكن تنهي على حياة اخوك بسبب انك خدته بدال ما الإسعاف تاخده انت كنت النهارده هتخسر الصاعقه ظابط مهم بحجم وائل اخوك بسبب اهمالك
فارس: يا فندم غصب عني أنا خسرت واحد ومش مستعد اخسر التاني
قائد الكتيبة: أنا كنت غلطان لما خليتك قائد الكتيبة المفروض كنت حطيت الشبراوي اللي هو كمان خيب ظني وبدال ما يخلي لا خدك في العربيه على مستشفى القطاع ولا كأننا في فرح
شبراوي: يافندم المهمه انتهت علي اكمل وجهه
قائد الكتيبة: مش انت اللي تقرر يا بيه مش انت اللي تقول المهمه انتهت ولا لسه حتا اتفضل انت و وهو كل واحد منكم على مكتبه
