رواية زوجتي من الجن الفصل الاول بقلم اسماعيل موسي
ادخل يا محمود سلم على مراتك؟ متستغربش، انا أسمى محمود ودى اول مرة اشوف مراتى فعلا، مراتى من الصعيد وانا ابن عمها وكان شرط عمى قبل وفاته اجوز بنته اول ما ارجع من بلاد برة علشان ثروتة تتكتب بأسمى، الصراحه العرض كان مغرى ومكنش مهم بالنسبه ليه شكلها عامل ازاى؟
حلوة لو وحشه هقدر اتعايش معاها، خرجو كلهم من الشقه وفضلنا وحدنا، قلتلها عايز اشوف وشك
رفعت الطرحه باستسلام، انبهرت من جمالها، وقفت مصدوم من التحفه إلى واقفه قدامى
وكان السؤال إلى بيلح فى عقلى، طالما بنت عمى جميله بالشكل الرهيب ده ليه عمى أصر انى مشوفهاش غير فى شقة الزوجيه؟
ونسيت كل حاجه لما شفت مراتى اول ما قربت منها
قالت فيه حاجه لازم تعرفها
الشك لعب فى عقلى وقولت هتقول دلوقتى انها مش بنت والكلام ده
عايزاك تسمع كل كلمه كويس وتركز فيها
انا بنت عمك
ضحكت قلت وايه الجديد؟
بصت فى عنيه وهمست لكن انا مش بشريه
قعدت اضحك، قلت سيبك من كلام الهزار ده واتكلمى بجد
اردفت، عمك إلى هو والدى مكنش ليه أبناء، اتجوز اكتر من مره ومكنش ليه نصيب، عمك استدعى والدتى بطريقة ما
والدتى جنية من عشيرة الجن الأزرق، اتجوزها بعد ما استوفى الشروط
قعدت اضحك بعلو صوتى، قصه حلوة يا تسنيم بجد تنفعى تشتغلى مؤلفة روايات
والدتى هنا معانا يا محمود
حسيت ان كلامها بجد لأن جسمى بداء يرتعش، كملت تسنيم والدتى عايزة تتكلم معاك
