رواية حكم اعدام امرأة خلف القضبان الفصل التاسع بقلم جمانه السعيدي
#البارت__9_قبل_الاخيرررر
#حكم_إعدام
#امراة خلف القضبان
#البارت التاسع
جمانه السعيدي
سوسن....يعني انت تزوج لو راح تبقى على ازهار
ابراهيم....زواج ممنوع هذا شرط ازهار ما تقبل ازوج عليه
بس اكيد اني لازم ازوج اريد اكون اسره
بس لازم يكون زواج سري
لان بس تعرف ازهار راح تحاربني وتحرمني من هاي العيشه الحلوه
المره تبقى مره وتغار حتلو عمرها ٢٠٠ سنه
سوسن... ولله الدنيا بيها بلاوي اتحبها
ابراهيم...حب لا مااحبها بس احترمها مااريد ازعلها
لان هي كلش زينه وياي
تريد خاطري وماتقبل ازعلني
تصرف عليه ماتريد تخسرني
طبعا هي فعلا تحبني اني حاس بيها
بس صعب اني ابادلها نفس المشاعر
اني شاب ومن حقي اخذ وحده بعمري
من حقي اكون اسره
سوسن...انت هم مسكين مثا حالي
ابراهيم....بعمري مراح اخذل ازهار لو اتخلى عنها
لان هي كلبه كلش طيب
ممكن اذا زعلتها لو ابتعدت عنها يصير ببها شي
ماتعرفين شكد متعلقه بيه
مرات احسها تعاملني مثل ابنها ومرات تعاملني حبيبها
تكعد اكثر من مره بليل تفقدني
تطمن عليه وترجع تنام
خطيه الإنسان من يكبر لازم محد يعوفه وحده
جمانه السعيدي
سوسن...اي ولله الوحده تموت اني عايشه وياا زوجي
بس حاسه بوحده فضيعه
وليد اناني حتى بمشاعره
ابراهيم...ما حجيتلي عن نفسج هذا الخنزير وين لكيتي
شلون قبلتي بي لاتكولين جان ملاك وهسه تحول خنزير
سوسن...لا هو خنزير من زمان اني جنت عميه واشوفه ملاك
ابراهيم...ليش باقيه وياا ليش ما تعوفي
سوسن...مااكدر اعوفه جاي يهددني
ابراهيم ....يهددج شنو يهددج مافهمت يعني هاي الشغله مو بمزاجج
سوسن...اي مزاج يمعود اني من منطقه عشائربه
البنيه من تنولد لمن تموت كلشي بيها عيب
الناس هناك تعرف العيب اكثر ما تعرف الحرام
ابراهيم ....سولفلي عنج شويه
سوسن....ابن عمي وجيرانا يدخل ويطلع بكيفه كل الوقت
قشمرني بكلمة احبج
اني من عائله تعبد الشغل عباده
ماكو اي اهتمام بلبنات وليد استغل هاي الفرصه
وخلاني احبه طفله كلشي ماافهم
قشمرني خلاني ابوك فلوس اهلي وتعبهم
على اساس نشرد اني وياا ويفتح مشروع بيهن ونعيش
٤٩ مليون خلصهن اكل ونت
كلما اكله اشتغل ما يقبل
منا لمن خلصن الفلوس
جبرني على هاي الشغله لو تنزلين تشتغلين لو اتصل على اهلج
اهلي اذا يعرفون مكاني ياكلوني بسنونهم
مراح يكولون زغيره وتقشمرت
طردني برا الشقه وكال ممنوع ادخلين اذا ما توافقين
تشتغلين
ماعندي سند ولا عندي واحد يحميني
كلشي مااعرف ولا اندل
اضطريت اشتغل واسكت
هسه كلمه والثانيه اروح اجيب اهلج
جمانه السعيدي
ابراهيم...لا ياحيوان غدر بيج الناقص
سوسن...ما عشت وياا ولا يوم راحه من اجينا البغداد لليوم
وهو يعاملني اسوء معامله
ابراهيم ... لا تخافين منه
سوسن...يعني شسوي وين اروح اذا عفته اكيد راح يدور عليه ويلكاني
ماتعرفه هذا ماكو بكلبه اي رحمه
ابراهيم ..اكيد الي يبيع عرضه انسان بلا اخلاق
بس لازم اكو حل
سوسن...ولله ابوس ايدك اذا لكيت حل وخلصتني منه
ولله اني ابد ما حبيت هاي الشغله
وماردتها بس اشتغل مجبوره اخاف منه
ابراهيم....لازم اكو حل خل نفكر اني وياج
سوسن...طلع الصبح واحنا نسولف ابد ما حسينا بالوقت
ابراهيم...بعد بس اليوم وتخلص اجازتي لازم ارجع الازهار
سوسن...وبعد مااشوفك
ابراهيم...تكدرين اطلعين بالنهار
سوسن...شلون اطلع وليد ما يقبل اطلع اله رجلي على رجله
شنو الحجه الي اطلع بيها
ابراهيم...انطيني رقم تليفونج
نتواصل اني وياج على الاقل نحجي كل يوم واذا لكينا فرصه واحد يشوف الثاني
ياريت لو متعرف عليج من اول الاسبوع
جمانه السعيدي
سوسن...بعد شيفيد الحجي
ابراهيم...لازم اشوفج خل ادبرلي عذر المشكله زوجج نحس اذا مااحجز من هسه يشوف واحد غيري
سوسن...راح اسوي نفسي مريضه ومااطلع
واذا صار عندك مجال اتصل عليه واني احضر نفسي
ابراهيم..اتفقنا
بدل ماتدور وتبحث علي الروايات خليها علي تليفونك وحمل تطبيقنا
