 |
رواية بيت الخبازه الفصل التاسع 9 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه .......#بارت٩
بقلمي
*زهره الرمان*
خديجه:,عدلت كعدتي على كلمه حامد وعيونه بعيوني
شيحجي هذا
تركني وطلع وسيف يباوع على استبرق لأن استبرق ادردم
حل أي والله حل
خلي اتوب تحجي على أمي
سيف:ليش هيج تحجين على أمي
استبرق : انتبهت بعده واكف
شحجيت على امك هي البدت تغم بامي والنهار كله تدعي علينه
سيف:وبعد
استبرق:شبعد واختك هم ممقصره نورس
هذني مريضات واكعه بيهن ضرب تدفع لو مادريت بسالفتهه من قفلت المخزن على مروه
شنو أنت مسافر ماتدري
سيف:حاسبها أبوي وكالت مو إني
استبرق: شنو تريدها تكلك إني طبعاً تنكر
خديجه: استبرق اش كافي
عمه سيف مشكور
تعبتك
طلع التفتت
شبيج صايره مهموشه محد يخلص من لسانج
استبرق: لأن اشوفج مادافعينه باقيه يكلمه عيب وميصير... وهذا المخليهم يشلبون على چتافنه ويخليهم يستغلونه محد مسوي علينه فضل ولا اله شي يمنه كتلج وأبوي كالها اليسكت ينوكل شمسوين متفضلين علينه بشنو على اللكمه منريدها رجعينه لبيت أبوي هناك
خديجه: على كلام عمج هذا بعد ما نبقى بس خل اكله واشوف شيصير وبعدين نروح
استبرق:شتكوليله على أبوي متزوج ؟
خديجه: هواية اشياء اصبري
بس اريد اسيطر اوكف على رجليه
بليل ساعه ب١١وصارت هوسه
طلعت عزيزه تركض واستبرق تريد تطلع لزمتها اكعدي معلينه
شويه دك الباب حامد
شكووو
حامد تعالي أم استبرق للديوان
خديجه:بعد شنو مضموملج يخديجه كلساع هبطه بس لأ يعيد سالفه اتزوجج
لكيت رشيد واكف بس وجهه بخوف
وحامد اشرله لأن يريد يحجي
حامد:, خديجه جاوبيني على كد سؤالي
أنتي تعرفين ب رافد هو وجماعته مخلين عيسى ببيتكم بعد ما كتله واحد من جماعه رافد ابن اختج
خديجه: اريد اجاوب كمز رشيد
رشيد: أنت صدك تسألها هي بعده بالعده ويا رايحه لخواتها ياجايه منهن شنو متدري وماهر يدري صدك جذب يسألها
حامد:ااااصبر اصبر رشيد(بصوت عالي)
خديجه:دريت اليوم اليوم دريت
رشيد:ماطول كالت اليوم معناها جذابه
لأن كشفناها وكالو تدري كالت اليوم
خديجه: والله اليوم
حامد:شوكت اليوم
خديجه: الصبح
حامد:هسه راح تصير نص الليل شلزم لسانج ماكلتي
خديجه: والله ناويه اكللكم
رشيد:من تقوم القياامه تكول
حامد:تسكت لو تطلع رشيد
خديجه:التفت عليه واجه يمي
يحجي بهدوء اول مره ونوب عاط شلزم لسانج خوفج على ابن اختج لو شنو بلله
حامد:ولج ماتشوفينه متفلحطين على شئ يوصلنه لكتال اخونه او السببو المصيبه
ما تشوفين صاير شوكه لليحجي بيج بحرف مو اروكض ببتج مو حتى تعاركت وي مرتي وكلت اتزوجج شلون فهميني شلون أأمن بيج ببيتي
وأنتي هيج تضمين مصيبه وعلى منو أبو بيتج أبو بناتج علمود منو هليكول إبن اختها فد واحد سرسري عرگجي
خديجه:وصل حدها صحيح كلام استبرق اليسكت ينوكل
التفت على رشيد
حجيت
تريد تصدك بكيفك ماتصدك ما مجبوره لأن النهدم بيتي وإلي تضرر هو بيتي هالكاعده على كولتك بيتك وعايفه بيتي احمي ابن أختي على يا مال ششفت من الأهل ووهو حتى إلي عايشه وياه تحت سكف واحد هم غدار
ما مجبور تروكض ببناتي بعد وإذ لاجل الناس حتى يكولون شوفوا شلون ملفي مرت اخوه مداري بنات اخوه وأنت بعيونك وباذنك تشوف نسوانكم شلون حاريني ولان ساكته زادن واما متفضل اتزوجج منو كلك اقبل هااا تستعرض كدام عيالك اتزوجها إني مو مصياده تأدب مرتك بيه ولا طوبه تضربها وتسجل هدف ع مرتك
إني الما اقبل بيكم شحصلت من الراح وتريد اخذك هيج ما حامليني انوب اخذك شنو يسممونه إني وبناتي
انداريت على رشيد أي احد اله يد بدم اخوكم حتى لو أخوي اخذو ثاركم منه إني مالي بهاي دنيانه إلا بناتي أبو شكر بقى بس صافن ممصدك هذا صوتي وكلامي
أول ما طلعت بوجهي لكيت ايمان
وخرتها من وجهي كالت ما تعدى يوم خطبه أبني على خير بسببج
رجعتلها
افرحي ايمان طالعه وما اعتب بيتج والما كدرتي تسمعينه وإني جوا رح اكلجياه لو يبقى حامد آخر بشر ما اتزوجه ومشيت
زوجه واثق جايه تاخذ ضحى من الغرفه لكيتها كاعده يم عزيزه وتكول استبرق لسان وتريد تسوي نفسها ناصح
باوعت عليه عيوني أسماء بنتي يتعدل لسانها ابنج تابعي ترا يدور ولد وتفهمين شنو يعني يدور ولد فتت على الكنتور باوعت على عزيزه واسماء تسأل شنو هالكلام وعيب اطلعين سمعه على أبني تشيعين عليه هالشي
عزيزه عيوني هذا كنتور حاجم هديه مني الج ماريده ماريد شي يذكرني بيه
عزيزه:احس مو خديجه وحده ثانيه شبيج خديجه شصاير
خديجه:الصاير تعرفينه من اخوانج بس أنتي الج معزه خاصه راح اكلج
حاجم جان متزوج وعنده ولد
عزيزه:هاااا
خديجه:شنو عزيزه تدرين لو شنو
عزيزه: يعني مو ادري حانت اشاعه بس محد متأكد جان
خديجه:دكيت على وجهي حيل لزمت بناتي لميت ملابسنا طلعت
تركض وراي عزيزه وين رايحه فهميني
صايره وراي وبالكلدور مرايه جبيره شفتها تاشر لعمار عود عرفت بزواج حاجم
انداريت يعني كلكم تدرون حاجم جان متزوج احجييي عمار أنت هم تدري
عمار:شبيج يا خويه رجال مات ميجوزله إلا الرحمه
خديجه: إني إني الغبيه حيل بي
عمار:هسه غير تكلينه وين رايحه
خديجه اروح بارض الله الواسعه بس محد اله شغل بيه بعد
ودخل حامد
ومسوي روحه ضايج مني
حامد:شكو
وين على خير أن شاء الله
خديجه:رايحه
حامد:وين رايحه
خديجه: لأي مكان إلا بيوتكم
حامد:اكسري الشر واكعدي لما نخلص سالفه هذا الافندي ابن اختج وربعه
خديجه:ماااا ابقى ثانيه وحده
حامد:شنو بكيفج بناتنه وتفترين بيهن
خديجه:البنات بيدي دفعتهن هااااك تريد بنات حاجم اخذهن إني ماالك حكم عليه
بقن يتصارخن البنات
ومروه تكمز تريد تلزمها عزيزه تخبلت
وإني رحت وصلت الباب ركض ورأى تخبلتي بناتج يبجن صاحت استبرق عمو خلينه نروح أمي هي مسؤوله عنه
طگ چف بچف وعاط الله اكبر احجي يمره وين نلكاج
خديجه:رايحه لبيت اختي امل بس هاي بقتلي ومن تخلصون سالفه بيت حاجم يحلها الله
رجعت اخذت بناتي وطلعت
وعمار يركص وراي يريد ياجر تكسي مقبلت بقى واكف لحد ما دليته ببيت لحم أمل دموعي جمر
واستبرق تعصر بيدي خايفه اتخربط بس إني الرجفه ماخذتني وصلت لبيت أمل ساعع وصلت لل١٢بليل
تلگتني ودخلت أمل عدها بنيه متزوجه وثنين ولد متزوج واحد وواحد مسافر
الضاهر أم ماجد متواصله وياها اول سؤالي الها أمل احجي الصدك انتي تدرين بسالفه رافد
احجيلي
امل:ماااا ادري والله ولا أعرف بالصار إلا اليوم من اجتج سهام سولفتلي كلشي
ما اكلج سامحي سهام بس اكلج أكثر وحده تحبج سهام بس ما عليه ارتاحي هسه ولا تهتمين
بقيت اسبوع يم أمل محد اجه بس اجه عمار مرتين يسأل واكله ماعندي شي
أمل تحاول تغير عليه جو وتسولفلي
باثناء السوالف كالت تذكرين خالتي سنيه
أي خالتي سنيه إلي ببغداد بس بعدها عدله استغربت عدله بعدها وأتذكر جبيره كلش
ورا كم يوم بليل وكعدتني صفا يمه اكو صوت بغرفه عادل
شنو الصوت رحت طلع درويش ويسوي أشياء غريبة
وترجف صفا
يربي منين اجتني هاي المصايب
مروه تخاف من الصوت وإني فرغتلي غرفه فوك أمل يم غرفه عادل
ابنها يوميه يبقى يسوي ذكر ويبقى وراها يعيط مروه تتخبل
مروه ابد ما ارتاحت ابد تكمز الليل كله صارت والنهار اتعبني كلش وتحتاج مراجعه
اليوم بليل لكيت مروه ترجف وتتلبد بالزوايه
شلون يربي
بقيت الليل كله افكر
تذكرت خالتي سنيه محد عدها وببغداد بنتي راح نروح من ايدي
الصبح سألت أمل عن خالتي منو كاعد يمها كالت الاعرفه ابنها وياها
وعن عنوانها
عرفت مكانها كتبته سألت شسوين بيه
اريد اروح يمها علمود علاج مروه راح تتخبل بتي حالتها كلش ساءت
عندي فلوس شراكة المحل مال حاجم جنت اكول اسويهن ثواب اله احنه اثوب واحق اصرفهن على بنتي
صبح الصبح قررت اروح وكلت لأمل ما شارده إني إذا سألو بيت عيالي كليلهم عن مكاني وعن السبب اعالج بنتي هالتشوفين
وصلنه علاء ابن أمل ماقبلت تروح وحدنا وصلنه لبيت خالتي
يندل ببغداد علاء وصل لباب البيت كال هذا العنوان بس كون موجودين خاله
زياره سنيه:منهوووووو خايبين منهووو يدك بالباب
خديجه: إني خاله إني
زايره سنيه:منهي انت
خديجه: إني خديجه بنت مريم اختج
زايره سنيه:خايبه ولي مريم ماتت صالها دهر ولي
خديجه: إني بتها بتها فتحت الباب خالتي سنيه محدبه بحيث كوه تشوف وجها مليان تجاعيد تصيح حيل لأن ماتسمع
ساعه تحققق وياي ما دخلتنا لحد ما اجه صوت من وراي تفضلي
زايره سنيه:خايب جشعم شنهي منهي هذن
قشعم:هسه زايره نعرف تفضلي خاله
خديجه: إني بنت اخت خاله سنيه
ويمكن ناسيتني إني ما شايفتها اخواتي الكبار شايفاتها
إني بنت مريم
قشعم: أهلا وسهلا إني حفيدها وهي ذاكرتها ضعيفه وما تسمع دخلوا اهلا وسهلا هسه هي شويه وانا افهمها
بدل ماتدور وتبحث علي الروايات خليها علي تليفونك وحمل تطبيقنا
