 |
رواية بيت الخبازه الفصل الثامن 8 بقلم زهرة الرمان
بسم الله الرحمن الرحيم
السلام عليكم ورحمه الله وبركاتة
#بيت_الخبازه...#بارت٨
بقلمي *
*زهره الرمان*
في وقت سابق --------
أم ماجد:سمعت بسالفتج واجيت ولج هاي افقر وحده بينا ليش طابگه وي بكر ع خديجه ما تذكرين من لغمط سالفه بيت أبوي وفلس ما اطانه
مو كاع الب.......
لهسه ماعرفنه شلون حولها اله واخذها ونباعت تدرين اخوج مرضه الفلوس
وما خله خديجه يمه إلا على البيت وما كرهه حاجم إلا لأن وكف وواجهه كله لإخواتك حصه ببيت ابوهن
تغريد:جايه عبالي سمعتي بيه مريضه جايه على خديجه الفگريه
خديجه الكاتله نفسج عليها مثل العميه وره رجلها جانت وهسه صارت تفتهم جانت طنبور طين طلعلها لسان ويه اخوها لو اخونه مطي تعرفين شنو مطي لازم ما تنطي بيه اهلك لاتهلك واليوكع يكول اخ خليها نشوف منو يحملها يم بيت عيالها لهناك ونسمع ادك بالبيبان
ام ماجد: حتى لو استغالالي لازم نتركه ينهب بينه خوش خوه هاي ولج مال يتيمات ومريضات منين اخذ رخصه
نسولف وسمعنه جامه باب المطبخ انكسرت
ركضنه رافد دخل يطوطح
تغريد:عزا اشششششش ولك أش لايشوفك ابوك اصعد
رافد:ولج رغوده رغوده يجيني حاجم بالحلم يكلي إلا اموتك شفتي هيج بله مااخلص منه انه من جنت يمهم يحاسبني على طلعه وطبه ودراسه ومخليني وحدي اكل مثل الجلب يخاف على بناته الحقير
وكلت إلا احرك گلبه واكسر عينه لگفني الزم ببته
وجبت عيسى الدفاع ودخلته لبيته عبالي يعدمونه واخلص منه هم اجت عدله وحركوه لك ميييت مييت شعدك تفتر وراي ابن........ .
تغريد عزا وصخام الصخمني انت كتلت حاجم
رافد:لاءءء رغود لأ حسن كلچ حسن كلج راد يضرب بالهوه صارت بضهره ههههههه
إني شعليه
تغريد سديت حلكه وسحبته للدرج لكيت ام ماجد واكفه ولطمت على وجهه
تغريد:تره كله جذب سكران ميدري بروحه
خيه صحبه السوه
أم ماجد:ايااااا عااار ركضت عليه ضربته اضرب بيه وتسحب بيه تغريد
وهو يهومش بلا وعي
ام ماجد: يااا جذب ياااجذب تعال وين ماخذته جيبي
صعدته فوك ونزلت
تغررريد ابنج مساعد بكتل رجل اختج وأنتي تنامين بليلج
تغريد ،:وروح امي مادري ماادري هسه سمعت
أم ماجد:وسمعتي مووو شنوو تسكتين
تغريد:جذب يمعوده هذا يهذري سكران
م ماجد:لالا مو جذب ولج ادري إني ادري سطه على بيت حاجم وتحرش ببناته والغبره خديجه سكتت وسكتت حاجم وسدت الموضوع وما كالتلج لأن عبالها الاهل عزوه لأ الأهل مرض خبيث
تغريد:ما يسويها أبني وهذا سووااا لأن حاجم يكره رافد
أم ماجد:اصبرلي رويفد وين عبايتي
تغريد:بس تنطقين بكلمه يا سهام (ام ماجد)اكول لخديجه منو جانت زوجه حاجم واگللها شلون أنتي تدرين وحاضره عرس حاجم على بت خاله أبو ماجد وبكيفج
ما تستفادين شي بس تخسرين خديجه للدوم
خديجه:.....ماهر ابن ام ماجد من هيج حالته صارت سهام بهيستيريا. حجت بدون متدري
رادن يغيرن الموضوع
بس إني بقيت اصيح عيدي عيييدي شكلتي سهااام احجي
ركضت تغريد اسكتي خديجه ا ختنه بسبب حرگه گلبهه على ابنها تشبج لحيه بلحيه
ماهرر،:اسكتي أنتي من يا مله وطينه وبعدج تباوعين بوجهه
خديجه: اوكف ماهر شلون اله يد بكتله حاجم جاوبني ام ماجد رافد كاتل رجلي احجي
تغريد:لالا والله لا
خديجه: اشششششش أنتي ام ماجد جاوبيني شتعرفين
أم ماجد:اهدي خيه
خديجه:اكلج جاوبيني شتعرفين
أم ماجد: رافد
خديجه:لاتسكتين احجيلي شبيه
تغريد كليلها بس احجي الكلام كله
عبير(زوجه ماجد): عمه وين صار ساعه اعيط ماهر أخذ المسدس
خديجه: ركضت ورا ماهر وتصرخ يمه ابني يسوي جريمه راح
خديجه: ركضت وراها خفتي على ابنج وتغريد هم تصرخ تخافين على ابنج
تخافن على بيوتج وولدجن وأنتي ابنج النكس يتم بناتي وللج عندي بنات الله اكبر
أم ماجد:هو رافد عايق وتغريد ماتخلي ابوه يربي
خديجه:شوووكت عرفتي رافد كتل زوجي
تغريد:مااااا كاتل زوجج
خديجه: أنتي اسكتي حتى لو شايفته بعيونج ما تحجين تخافين على ابنج
أنتي جاوبيني لأ تلطمين على ابنج وهذا الكلام تركض وتحشم روحو ورا ماهر لايسوي مصيبه
ودت عبير مرت ماجد ع اينها واسحب بيها عصبت
عرگجي ابن اختنه وقماره وتحارش ببتج بيتج وتدرين شتترجين من هيج نمونه الي لافي عليهم كتلو وابن اختج مقصر سحبو ابن الدفاع وخلو بكراجكم
وبلو رجلج
خديجه:وتدرن وساكتات تدرن وشوفني لا ليلي ولا نهاري نهار
شوفني واشكيلجن ضيمي ببيت حماي احجيلجن على معانات بناتي وهيج ضامات السالفة ما اعتب على تغريد
لأن ما منها رجه ولا عدها محنه أنتي ام ماجد اخيتي انطاج گلبج من تجين تشوفين حمويني صايرتلهم ألف هوسه
تجين وتشوفينهم يردمون على راس خيط حتى يعرفون شلون انكتل
ام ماجد: حسبت حسبت راح لرحمه الله وكلت هذا مو هو الكاتل بس تنجر رجله وهم يكولون ابن اختها حموينج
خفت عليج
تغريد:خفتي عليها التكول عنج زينه الها
لأ عيوني اختج مو لان خايفه عليج لأن خايفه على نفسها
خديجه:بقت وحده تصيح على الثانيه هاي تكلها اسكتي وهاي تكلها احجيلها احجيلها
شتحجن بعد شضامااات احجن
تغريد:گليلها لاختج كليلها خلود منو كليلها ام فضل منوو
أم ماجد:انطمي تغريد ارتاحي ماهر راح يكتل رافد وكلنه بعد نصير كل وحده بدرب تخربينها كلها
كافي المات والراح راح
خديجه :خلووود منو فضل شنوووو احجنننننن
اصرخ ميجاوبن
وسمعنا صوت برا
ماجد جاب ماهر دخله بالبيت ولد ام ماجد وإني اباوع اريد افتهم خلود منو ميحجن
ركضت بناتي يم بنات ماجد لكيت بت ماجد تلعبهن سحبتهن
وطلعت
معصور گلبي وعيوني ماشوف منهن أحس وجهي ثگل وخدر
استبرق تسألني وين نروح انطيتها فلوس اجري تاكسي لببت عمج حامد گوليله ب .......
استبرق:بنت ماجد حبابه حيل خلت يمها البنات وإني هم وياها بقينا نسولف وتحجيلي
تكول اتمنى اكمل دراسه حتى أدخل كليه واريد يصير عندي سياره
بقيت احلم حلو بنيه تسوق سياره
بس هاي وين بولايتنا معقول تكدر البنات يسوقون
وسمعنا صوت عياط خالاتي وأمي اريد اروح ما قبلت زينه بنت ماجد كالت مروه لأ تخاف تكول امج
ابد ما هدأت الاصوات وإني مخلتني اروح عطت شبيج أريد اروح لأمي ماعرف شبيها أمي
خفت على امي.ركضت سمعت أمي تعيط بعد شضامات وخالتي تغريد شافتني سكتت وبقت خاله ام ماجد تحجي وتسكت بأمي ودخلو ولد خاله ام ماهر
ويعيط ماهر ما لكينه رويفد الچلب شارد شارد
رافد شبيه هالمره
اجت أمي وسحبتني واخذت اخواتي مشينا والبيت صاير نار من الهوسه حتى امي مكالت لاي احد وطلعنا أشوف أمي مامتوازنه ولسانها ثكل علمتني شنو أكول لأبو التكسي بس أمي صاروجها يخوف
تمشي السياره اباوع شوكت اشوف باب بيت عمي حامد
أبو التكسي سألني اذا بالفروع البيت مادخل
أنت متشوف أمي متخربطه هييييي امشي استعجل بقيت اصيح على أبو التكسي يباوع بالمرايا هز ايده ويدردم شنهي هالتربيه
عطت هااا اكو شي وأمي تعصر بيدي اسكتي عيب
باوع على دربك ووصلنه أمي متخربطه وصلنه عرفت فرع بيت عمي كتله فوت هنا بهذا فرع يم هذا الحلاق وادخل كبل
بقى يتأفف اطيته فلوس كتله رجعلي الباقي
كال فوتوني بألف فرع ماعندي خرده
عندك ماعندك ترجع فهمت اريد الباقي
نزلت البنات وامي تنزل تاشرله الله وياك وإني عطت سم وزهر تاكلهن الباقي
سحبتني وصار بوجهي سيف ابن عمي حامد
سيف:خير شبيكم
استبرق:ما بقى غير هالفاهي عليه جاوبته ماكو شي أمي متخربطه
اخذها وإني اخذت البنات فتت لكيت عدهم خطار علمود خطوبه شكر رجعت لكيت سيف يقيس بضغطها
باوع جيبي مي وشكر استعجلي
رحت للمطبخ لكيت عمو حامد هسه كاعد
تفاجأ هاا عمو
عمو أمي تخربطت واجينه جاوبت من يمها عمه ام شكر
شبيها
ركضت بيدي الكلاص سألت سيف اشربها
كال أي شربت شويه ومدت راسها راح واجه عمو حامد وعمه ام شكر يسألون شكو
عدلت عبايتها
خديجه: عيوني مغوشات وجسمي احسه ينمل من شفت حامد كلتهلهم ماكو شي واريد اوكف اروح للغرفه
أبو شكر:ايمان ساعديها فوتوها ترتاح
استبرق:بنات عمو حامد ايناس وسحر المتزوجات اجن كالن لأمي عمه محتاجه شي وراحن إلا نورس تمشي وتغم بصفا لو تدفعها
سحبت اخواتي لأن اجو عمو عمار وعمو واثق هو موجود ما رايح للشغل بس عمو رشيد ماكو بعده ما جاي بس مرته واولاده اجو وي عمو عمار كاعدين بنفس المنطقه
والديوان بيه رياجيل
وأمي كالت عينج على خواتج لا يطلعن
وغطت وجهه
ام شكر: يعني شنو منتأخر ببيت العروس لأن ست الحسن والدلال مريضه مو كال سيف مابيها شي
شدعوه هيج تتراجف
أبو شكر: منا امه محمد لاتخليني اتهور وافشلج كدام العالم شبيج ما نتاخر لأن
هي خطوبه نكمل ونرجع لا تصيرن تمتمط
عمار:گولوا يالله يوم خطبه ابنكم وضحكت ردت أهدأ الموضوع
اشاقا حتى نخطبلك ورا شكر
أم شكر: أي هو ناوي ناوي والعروس موجوده هالتسوي وروحه ساعه ما احضر الخطوبه عود حزينه انوب اجت ما انطاها گلبها وانوب تخربطت حتى تحس بالاهتمام والله يا الله هههه
أبو شكر:حجت هالكلام واخواني واكفين ركضت يمها ردت اضربها كلت تخرب فرحتهم خليت عيوني بعيونها
عندن بيج لعد اسمعي وانتم اسمعوا إلا اعقد على خديجه وتصيرلي مره
يلا لحد يبقى واكف وينج ايناس سحر عزيزه يلا صبن غدا للعالم حتى تتحضرون نروح للعالم
بقت ايمان دخلت لغرفتها بقن يتبسبسن ورحت للديوان
خديجه:من يخذلك إلي چنت واثق بيهم شلون اثق
بعد شلون اكدر اصدك أحد اتنفس گوه أتمنى اصرخ أتمنى اكو مكان وحدي فارغ يغثني صوت حتى حركه الباب مخنوكه ماعندي أهل مثل البشر افتخر بيهم بديت احس بهدوء من شفت اهتمام ام ماجد اليه كلت عاد أخت اشكيلها حضن بيه ريحه أمي وتالي تسمع بمصايب رافد وتستر عليه وبعد الله يعلم شضامااات عليه
شويه ودخلت استبرق
استبرق:يمه ادري كاعده شصار ببت خالتي ام ماجد احجي مو تكليلي صرتي جبيره كليلي شصار وبقيتن تصرخن إني عرفت ماهر متعارك ويه رافد صاخم
بس انتن شبيجن أنتي وخاله ام ماجد
خديجه:بعدين اكلج خلي ارتاح خل اشوف إني شسوي گلت بگلبي الذگته من طعم الخذلان ما اسوي بحمويني السمعته ما أضمه على حمويني واستر على رافد بس يالشماته يربي شكول كل هلي مابيهم خير فلست من الاخ والاخت عبالي گبل من اداري بيك يرافد كلت تصير اخو وسند لبناتي امداني انوب إني اكول بس يكبرن انطي مره واباوع على استبرق گلبها محروك عليه وتريد تعرف شصار كلت تخلص خطبه ابنهم واكول ل حامد
اجت ايناس بنت حامد
ايناس:ها عمه شلون صرتي
خديجه: احسن عمه
إيناس:عمه أخذ البنات للخطوبه يغيرن جو وعندي وي بناتي
خديجه:ايناس عدها ثنين بنات اشوفها مؤدبه وهادئه لأ عمه عيفيهن يمي يتعبن بالطلعه
ايناس:براحتج عمه
خديجه:راحو للخطبه ومحد بقى بس ابن واثق حذرت استبرق وصفا يطلعن من الغرفه لان اعرف سخيف
ويجيب ولد فوك لبيت اهله
سمعت الباب كلت ابن واثق شويه واندك باب غرفتنه
ابن واثق
كال عمه اختج بالباب
لبست ربطه وطلعت لكيت أم ماجد
ام ماجد:خلينه بغرفتج نسولف
خديجه:شعدج جايه وراي
أم ماجد:منا ابن حماج
خديجه:احجي سهام شكو
أم ماجد:سحبتها ودخلت
لااريد ابرر ولا اريدج تسامحيني بس ابن تغريد الفاسد مو هو الكتال غيره ومن عرفت ردت اكلج بس فكري تصير دموم وأنتي تطيحين بيها مو خوف على تغريد وابنهه لأ والله عليج منا بكر ومنا بيتج بعد صارت تخوف كعدتج بيه عيالج أن سمعو ما يلفونج لأن ابن اختج هوه المسبب
خديجه:تخافين عليه ويروح دم رجلي تدرين جم نفس ماتت بسبب السواه ابن اختج وأنتي تسترين عليه شلون گلبج انطاج ارواح تموت بسبب واحد فاسد وباقي بس شوفي أنتي ما حجيتي إلا لمن لاحت النار ذيالج لمن رافد باگ محلات ولدج وهالشارد عساكم باكثر وهاي حركه گلبي لاحتج ذوگي
أم ماجد: خديجه إني اجيتج مو علمود أبني وابن تغريد خيه بس تحجين أنتي تتبهذلين ذني نسوان حموينج ما يخلنج مرتاحه أنتي لاتحجين ولا تجاوبين وهنه شايلاتج وداكاتج شلون من يعرفن
خديجه:تحبيني وخايفه عليه كولي منو خلود منو فضل لأن مالجن بعد خاطر يمي وبابجن ما ادكه ولو خايفه عليه من نسوان حمويني اموت من الجوع ولا اجي يمج او يم اخوانج
احجي بسرعه منو خلود
أم ماجد: إني اعرف راح تبقين تسألين منو خلود لهذا اسمعين مني افضل ما تنقلج الصورة غلط
خديجه:هم بعد أكو صور احجي
أم ماجد: خلود بت خاله أبو ماجد زوجي
خديجه:جانت رايحه من بالي تذكرتها من كالت
أي تذكرتها إلي توفى زوجها شبيهااا
أم ماجد:تذكرين من شارك حاجم رسول اخوها
خديجه:اي اذكر بمحل التايرات
أم ماجد:بالله ماجنت اعرف حاجم عينه من خلود إلا بيوم العقد أبو ماجد اخذني الهم حضرت صحيح بس حلفني أبو ماجد ما اكلج
كلت تسمعينه مني احسن من غيري
خديجه:يعني حاجم جذب عليه
أم ماجد:شنو
خديجه: دموعي تنزل
روححييي سهام روحي
أم ماجد:شبيج خديجه بشنو جذب احجي
خديجه:اااطلعي بره بسرعه
كلكم خاينين اطلعي
طلعت تتعذر وإني ادفع بيها
رجعت قفلت الديوان محد بيه بقيت اللطم
حاجم تكلي سر تكلي تزوجتها سترت عليها
وتجذب عليه سترت عليه وحتى من خلفت تكلي صار بالخطأ وولد اخو لبناتي
وطلگتها تكلي تطلع لحد ما متت هي على ذمتك
وإني اكول حلفني حي او ميت لاتكولين لهلي لو هلج تالي اهلي يدرون والله اعلم اهلك هم يعرفون وبس إني المغفله المسدوده عيوني من الدنيا واكول ماكو مثل حاجم خايف الله
استبرق: سمعت كلام أمي وخالتي عرفت أبوي متزوج وعنده ولد بقيت اتذكر أبوي وابجي
من طردت أمي خالتي ما رجعت طلعت وراها
لكيتها بالديوان تحجي وتبجي تعاتب وتبجي بصوت
خفت عليها هي أصلا تخربطت من رجعنا
فتحت الباب لكيتها مملخه ملابسها وشعرها
سحبتها ووكفتها
يمه لايجون امشي للغرفه
امشي
دخلتها ولفيتها لأن اخاف صفا ومروه يخافن
دخلتها
بالفعل شويه وسمعناهم اجو بقت ام شكر تركص وتهوس
دخلت عمه عزيزه أمي تلفلفت بالبطانيه وسوت نفسها نايمه
سالتني عمه كلتلها تعبانه بعدها
نسمع بهوستهم برا وإلي راح راح والبقو سوو عشا
اجيت احرك أمي لكيتها مغمى عليها
طلعت سيف وين سيف
ادور على سيف عمه عزيزه وينج أمي فقدت الوعي صابين عشا بالصاله وعدهم بعد خطار گرايب
اجو يركضون
عمو حامد صاح على سيف برا واجو
بقو يمها وإني سحبت اخواتي
طلعت اباوع على عمه ام شكر تغم بالغرفه وتكول خربت فرحتنه كلساع سوتلها وكعه
ما ضليتي يم اختج مكابلتني
ركضت يمها
ليش تغمين بأمي شسوتلج
أم شكر:لاياصلغه هاي عليمن
استبرق:تغمين بأمي وتحجين عليها شسوتلج غير تحجين
اجه عمو حامد جان بغرفتنه
حامد:شكوو شبيج عمو
استبرق:عمو ام شكر تغم بأمي وتكول غير تبقى يم اختها خربت فرحتنه
حامد: مسحت على راس استبرق اشرت لايناس تأخذ استبرق روحي عمو روحي عشي خواتج ومعليج رجعت على إيمان
أنتي ما تتعدلين شبيج
هاااا تغمين وتحجين شكبرها عليج عجوز وطفله تحجي احسن منج متستحين مخليه گورج وگور هالفقيره
ايمان:فقيررره أي فقيره هاي دهيره
هاي رگطه نويعمه تتمسكن لحد ما تتمكن اعرف شتحوك هاي تريد تلفك
حامد: سحبتها للغرفه واخذتها جوه واجه ابن عمار عمو رشيد يريدك بسرعه
بختج برشيد
ايمان:شلون رشيد هو حتى خطبه ابن اخوه ما حضر
حامد:ها رشيد وينك اليوم
رشيد:لگيتلي راس خيط سعد إبن عم عيسى انطاي اسم ولد اسم مشكوك بامره هو القاتل لابن عويد وإذ لكينا كتال ابن عويد عرفنه منو الكتل اخونه
حامد:تتصرف بحكمه بنفس الوتيره تمشي بطريقة سحب الكلام بهدوء وفلوس انطي بس بالقوه والضرب ممنوع فهمت
رشيد:مشيت على توصيتك وبعدني ماشي لمن ينفذ صبري الله كريم
حامد: ماكو شي اسمه ينفذ صبري تصبر لحد ما نلكا الكتال
رجعت لكيت ايمان واكفه بباب غرفه ام استبرق وتعد وتصف
ايمان: شوفي بتج المعلمتها أنتي ما تجاوبين وبتج لسان دلاله
بس مالت تسوين روحج كلساع واكعه هايه كفي منها تمشي على اللحايه بس عليه ماتمشي كلاواتج
حامد:اااااايمااان سحبتها من شعرها ودفعتها
ايمان:تدفعني علمود هااي
والله لو هاي لو أني بالبيت ما ابقى اذا هي تبقى
حامد:وهاي إني كتلج إلا اعقد عليها وتصير فوك راسج شريجه واادبج وكبال عينج
بدل ماتدور وتبحث علي الروايات خليها علي تليفونك وحمل تطبيقنا
