 |
رواية بيت الخبازه الفصل السابع 7 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه ....#بارت٧
بقلمي
**زهره الرمان*
خديجه: كرست وقتي لمروه على تعليمات الطبيب لكن توصل مرحله اطگ احس مو گد هذا الحمل أأيس وابچي وابقى اللوم بروحي تجيني ساعات اريد أخذ قرارات وبعدين اغيرها من التعب ومن الحمل وإني نفسي عزيزه ماحب أحد يصرف علينه إني وبناتي وخاصة زوجات حمويني بعد ما تكررت روحاتي للطبيب بدن يخبثن شافن ما احجي بقن يسمعني كلام او بينهن ويبسمرني مجبوره اسكت ماريد مشاكل هذا بيتهن
ولازم من يشتكن بناتي مجبوره اسكتهن
مو بوقت افسر واهدي إني مفزوعه من حسيت مروه مريضه وخاصة بهذا الوقت مامنتشر هذا الموض أو احنا ما سامعين بيه بكثره بولايتنه
تجيها النوبه تبقى تنود وتصرخ
وماعرف اهدأها احتار بيها تحب صفا واستبرق تبقى حاضنتهن او تلزم ايدي
وابقى أهدي بيها
نجحت استبرق بنص السنه وصفا هم نجحت
وبهذا الوقت اختي ام ماجد تمرني او أمل أختي
يمرون ساعه يسألون عليه ويرحن إلا تغريد رأيها مثل رأي أبو طه أخوي شعندج كاعده بيت حماج
أخواتي كالو اخذيها للمركز ببغداد وام ماجد نطتني فلوس مقبلت بس لحت عليه
بذيج الفتره ماكلت اخذها للمركز ببغداد لأن ماعندي فلوس بس اجت عزيزه كلتلها وانطيتها الفلوس
مقبلت كالت عندي
بس إني اعرف حالتهم الماديه يعني عوائل حماي يلا يلا كلمن مكفي عائلته ماكو دخل زايد
بس مافرط بصحه بتي
لحيت عليها بس هالمره كلتلها خلي عمار ياخذني
وراحت كالت لابو شكر ام استبرق تريد عمار ياخذها
ثاني يوم بس طلع أبو شكر وواثق
دخلت ام شكر عليه
ام شكر: أنتي شتقصدين تره معرفنالج
خديجه:خير ايمان
ام شكر:تعال حامد اخذني للطبيب روح رشيد لبيتي
تعال عمار وديني لبغداد شتردين تفترين عليهم شنو تررردين
خديجه:مارايده من أحد شي شبيج من الصبحط أيمان
ام شكر: والله كولي لروحج رجلي خلي يشوف رزقه لا تبقين تودين عليه بكلشي عدج راس وسوي التردينه مو إلا حمايات ست خديجه يلا تروحين وتجين
هاي إني مو اطلع واروح وارد
خديجه:طكت الباب وطلعت
بقيت ساكته وأعرف خلص وقت تحملهن علينه بس ماعندي طريق ثاني واترك البيت المن اروح وبرگبتي ثلاث بنات وهي تدري كلش زين عمري ماخلاني حاجم اطلع ولا شايفه سوك ولا شارع
شگللها عندج ولد وتاخذينهم وإني عندي نثايا
شكول الماعدها رجل تحس عريانه
شكوول ياحاجم بيا ورطه زماني وكعني
بليل دز أبو شكر عليه
مارحت أعرف تصب مصايب الصبح ثاني يوم عليه من زوجته كلت لصفا جانت يم ضحى كليله نايمه
ورا يومين نفس الشئ دز مارحت كلت لعزيزه مروه جايتها النوبه وصدفه صحيح وهم اريد ما اطلع
استمريت أكثر من أسبوع ما اروح من يدز وخلص الاسبوع الأول من عطله نص السنه
اليوم سبت ام ماجد أختي دزيتلها خبر ناخذ مروه لبغداد وأخذ واحد من ولدها يودينه لبغداد سمعت وكلت بيوم اليخاذوني اكول لأبو شكر لأن اتحاشى اشوفه لأن زوجته تزيد ضغط عليه وتبقى تسوي مشاكل حتى وياه
من أول ساعه الصبح وسمعت
صياح أبو شكر
وعمار ورشيد ابقى اتسمع بلكي لكو كتال حاجم بس اذا مشاكل بينهم ما اطلع
سمعت اسم عيسى (اللي انقتل ببيت ملا حاجم)
رشيد:يابه وداعتك حامد بس اخذه لمكان براشديين يحجي كلشي
أبو شكر: لأ مو هيج طلع مايدري شلون هذا راح تسأله من تتركه ما يسكت تفتح علينه باب لو شنو نكتله اصبر
رشيد:ااا وووووو. شليت حالي باصبر اكلك سعد الي شهد بالمركز هو وي عيسى فرد مكان ويشربون سوا واكو بعد ثنين هم كالو بس هسه ما يجون لكهوه ناجي قفل
أبو شكر:لاتكابل كهوه ناجي قفل ذوله يعرفون اليتردد لأ يسوولك تهيمه لأن كلهم مصايب بعدنه نسولف إني ورشيد ودخل ميثم كال اخت عمه خديجه بالباب وياها ابنها
فوتت ابن ام ماجد للديوان ودخلت
حذرت رشيد يتصرف من راسه
صحت على ميثم چاي ابني
ودخلت يم ابن ام ماجد ترحيب وكذا
شويه وكال لميثم بلكي تكول لخالتي خديجه وأمي يستعجلون لأن ورانا طريق
وين خويه ماهر طريقكم أن شاء الله
ماهر: نروح لبغداد
أبو شكر هزيت رأسي وترخصت منه وطلعت
وصلت بالصاله تعالي ايمان روحي صيحيلي خديجه
خديجه:اجت من الصبح ام ماجد وياها ماهر عنده سياره بدلت وكلت لاستبرق بدلو كلت يكملون نقاش أبو شكر واخوته واكله بقوا يحجون هواية
ومحسيت إلا اجت أم ماجد كلتلها ابقي كاعده هسه اجي
طلعت كالو أبو شكر بالديوان
كلت لميثم عمه صيح ابوك
ما رجع
شويه واجت ام شكر تعالي أبو شكر يريدج كلت صاحه ميثم اليه
فتت للصاله
صباح الخير أبو شكر
أبو شكر: صباح الخير هو يوم مبين من صباح رشيد
خديجه:شنو
أبو شكر: ماكو شي خويه ام استبرق
خديجه أبو شكر حجينه سوا
أبو شكر:تفضلي احجي
خديجه: لأ كول شنو ردت تكول
أبو شكر:اخوان حاجم اربعه وإني عندي ثنين زلم وواثق عنده ولد
تخابرين على اختج وابنها ليش ام استبرق
وإني صار اسبوع ادز عليج يوم الجنتي نايمه ملتهيه غير وراها تجين تسألين هذا الدثو السطل شيريد(بنبره عصبيه وصوت هادئ)
خديجه:عيونه نطت من مكانهن ويحجي ويرجف بس إني هسه دزيت ميثم عليك كلت اكلك
أبو شكر:هسه هسه من مقرره وجايبه الناس روحي خويه لاتتاخرون روحي
بس إني بد بدي ادك على راسي ليش تتجاوزني شنو قصرت و هي ببيتي
طلعن هي واختها واخذت مروه ماحجيت بقيت ساكت بس افور كلت لميثم يروح يوصل الرجال للباب
وبدت ايمان
أم شكر:شوفها شوف ناكره المعروف ماغزر بيها ركضتك وروحتك منا ومنا
هسه طلعولها اهل وين جانت اختها
أبو شكر: أنتي تحبين المصايب تحبين الشماته شبيج اشرد من البيت
ميثم ياناكر المعروف اهه منك واوف
أمي صارت عاصي الحلاني
أبو شكر: أنت هيو شنو تستضرف ولي روح لاخوك عطله خلصتها يم جماعتك لو اروح ازور لو اصيد لو اسبح بالشط ولي يلا لاخوك عاصي الحلاني سخيف
أم شكر: والله ولا تنطي بست الحسن والدلال حقك وين اكو من خديجه دومك تكول لا الها صوت ولا تناكر
هي الحيه ناعمه تموتون على التلدغ
أبو شكر: والله أنتي تردين گلب حديد يتحملج التاس بالناس والكرعه تهلس بالرأس تشوفين منا اخوي يريد يسويلي مصيبه ومنا راح أخوي بساع بساع وهذا لحمه بركبتي وايتام وأنتي باقيه بسوالف
مال زعاطيط تراهقين أنتي شنو هالغيره ماتستحين واعيدها عليج لاتلحين تره اعاند واقفل
خديجه:طلعت بس وجهي مطعون إذا احد كال بز انفجر بالبچي رغم هذا بتي اهم من الخواطر أبو شكر يفتر هو واخوته يدورون كتال اخوهم ومنا العيال ويردون مصاريف ومبتلي بيه بأول فتره كلت اخفف عنه حسبها تجاوزته وحسبها ما احترمته
وصلنه لبيت حمات ام ماجد بتنه يمهم ليله الناس رحبو بينه ثاني يوم رحنا للمركز اطفال انواع واشكال نفس مروه واصعب وهواي حالات توكف شعر الرأس
استبرق: اسمع بعمو حامد وزوجته يحجون وودي اطلع اسكتهم بس أمي محذرتني ما احجي
بينما أبوي رأيه جان كالي لاتسكتين على حقج وحق امج وخواتج لاتحسبين لخواطر احد لأن محد يحسب لخاطرج شي من يكسرونه
كلام ابوي بعد سالفه رافد عادها اربع مرات أن لم تكن ذئبآ تاكلك الذئاب
امي لأ دومها مسالمه وتخاف من المشاكل متحب الصوت العالي
وحتى من اجت عمه ايمان وحجت عليها سكتتني وسكتت
كلتلها مامه هي ماتخوف بصوتها العالي هم نعرف نعلي صوتنه
ليش سكتيلها
تكلي ميصير بعدج صغيره
بليلتها باتت يمنه عمه عزيزه
خديجه:بعد ما عرفت من المركز يحتاجون مراجعات مستمره وإرشادات مستمره حسيت باليأس شلون يوميه اروح لبغداد رجعت وگلبي مقبوض
مثل مارحت ردتيت بس سجلوها ضمن القائمة وخلص
بمكان اخرر----
حسن:هاا رافد شش شسويت
رافد:ولك ماجد صاير يجيب اجهزه كهربائيه باله ومحل بيه ماهر والثاني بيه عامل من زمان وياه
اروح لماهر ادگله ناعم وابقى اتواصل وياه ونشوف شلون. نكنس محله
حسن:استعجل جزرنه
رافد:اصبر
تمشيت على ماهر بقيت أسأله على خالتي امه وبعدين بقيت يمه علساس اوصي على اجهزه كهربائيه
وكل يومين ثلاثه امرله حتى يتعود طبيعي امرله وكتله اشتغل قريب من محلك وخلينه يصدك
كعدت اليوم سألته
وين أمس
ماهر:اخذت خاله خديجه لبغداد مروه بتها خطيه طلع بيها توحد
رافد:توحد شنو هذا
ماهر:مرض خويه يكفينه الشر البنيه مثل الورده خطيه
رافد:وين همه هسه كاعدين يم اخوها هذا المدرس
ماهر: لأ يم أبو شكر إلي بشارع -------
رافد:اهاا
خديجه:من رجعت لبغداد حسيت الوجوه تغيرت بس شسوي صار سوء تصرف او سوء فهم
اما ايمان زادت ما نقصت
واسكت واعبر ومروه تزيد نوباتها من يصير صوت عالي تسد اذنها وترجف وتخاف تدخل الحمام صارت اي مكان صغير تخاف لأن تضايفت بالمحزن وضلمه وانقفل عليها
اغسل راسها بالغرفه من خوفها
وتبقى ايمان تدردم واسمعها تكول لاشغل ولا عمل بس اكل وكارصه بالغرفه واحنه نخدمها
واسكت واليوم اجت استبرق من الدوام راحت للحمام ورجعتلي
استبرق:يمه احجي الصدك
خديجه:شبيج يمه
استبرق:اسالج بس احجي الصدك
خديجه:ولج يمه شنو احجي
استبرق:صدك عمو حامد يريد يتزوجج
خديجه:شنهالكلام يمه منين جبتي وسحبتها
استبرق:فرغت نفسي منها ووكفت يمه كليلي الصدك
خديجه:تعالي اكعدي واحجيلي واجاوبج
استبرق:عمه اسماء تسولف وي عمه ايمان تكوللها تحرك على گلبه تكله اطلع واروح وارجع لأن ماعندي رجال تريد تخلي يعقد عليها حتى تكعد وتسكت والا شنو يكللها اودي عليج ما تجين كيد نسا
مو جانت لافه حاجم لف
سمعتهن واجيت صحيح عمي يريد يزوجج او أنتي ببالج هالشي
خديجه:سحبت نفس مال مخنوگ بعبرته بنتي مراهقه وانفعالاتها متسرعه
لايمه اطمأني لأ الفكره هاي براس عمج ولا براسي ذني يوهوسن بس وداعتج ما عندي هاي النيه ولا اقبلها لو اموت
بقينا فتره هيج جانت مرت واثق مطيق مرت حامد هسه تنزل وهاك يا كلام وما حتى اتسمعلهن ماريد احرك دمي بكلامهن مروه اخذت كل وقتي لهتني عن هموم نايمه رب ضاره نافعه شكد مقهوره على مروه بس انشغالي بيها أخذ كل تفكيري
رغم بدت ايمان يوميا تسمعني كلام
ما تلزم شئ بالبيت ولا تطبخ ولا تنظف باقيه الناس تخدمها وما احجي ابد
صارت دوره سنه حاجم اخذنه رشيد جاب سياره جبيره وطلعنا اخذت البنات
بعدنا هسه وصلنا للنجف واكو بالمقبره اربعين ماعرف شنو صار صوت عالي تخبلت مروه اخذتها ورحت للسياره اجه وراي ميثم عنده مفتاح السياره صعدت خليتها تهدا
كال عمه إني يمها روحي زوري قبر عمو
ماكدر ولا اثق كتله لا
بقيت شويه باوعت بالشباك أبو شكر
فتحت الشباك وهاي صار كم شهر ما يحجي وياي مثل قبل كلامه ثكيل اليوم أول مرة يجي بوجهي جان يدز احد من يريد شئ ورا روحتي لبغداد إلي بعد مارحت بسببهم
أبو شكر تعالي انزلي وإني أبقى يم مروه
خديجه: لأ متقبل بأي احد مو تدري
أبو شكر:بس انزلي معليج
خديجه: نزلت صعد كعد بعد شويه عنها نزع سترته خلاها ع مروه واشر بيده روحي ونزل ميثم وياي
باوعت على بناتي شلون حاضنات قبر حاجم كعدت يمهن وبديت اعاتبه
حاجم دلينه على كتالك خلي تبرد نارنه
حاجم اهل طليقتك الهم يد لو لا
ماكدر انطق واكول لاخوانك أنت أمنتني امانه ثكيله
وگلت مشكوله الذمه بحياتي او بمماتي اطلعين هذا السر شسوي وصار بيها دم شلون اسكت واخاف حقك يروح واخوتك محترك دمهم عليك
انطيني حل ليش ما تجيني بحلم ليش من يوم المتت لليوم ما مره زرتني بالطيف ليش حاجم
سمعت وراي خديجه بصوت أبو شكر
هاااا
أبو شكر:هاي مروه بقت تتقيا متقيأه على دشداشته ومدمرته
ركضت شسوي هسه
أبو شكر:معليج إني احتار بروحي وشوفي الطفله يمعوده إذا تحتاجين الها شي ودي عليه وتذكرت مااا اكلها بعد إذا تحتاجين شي من ذاك اليوم لأن حتى من رجعت ما فسرت ولا حجت بعد كلت إذا تحتاج شي تكول لعزيزه وتكلي موصي عزيزه
خديجه:غسلتها متخربطه معدتها
وماخذه ملابس الها عزيزه وياي لبسناها
استعجل أبو شكر على الرجعه لأن راح يم المغيسل نضف ملابسه
وام شكر تمشي وتدردم اسم الله شنو تروح للمغيسل يسكتها ما تسكت عاط حيل السياره صارت هدوء بس ميثم يضحك
امتحنت استبرق وصفا وصارت العطله
بقت ام شكر باسطوانه جديده نخطب لشكر
أبو شكر:بيااا حال ووكت تردين نخطب أنتي شبيج
ام شكر: يعني كعدتنا هاي تلكانه كتال حاجم الله يرحمه لو مثلاً ليا وكت نبقى
كتلك البنيه يجون عليها خطابه وابنك راغبها
أبو شكر: صار عليها سرا الصمون بت اخوج ليلى علوي غير
وهاي مال راغبها بطليها كولي رغبته بيها اصدكج غريب عنج ماعرفج من تزنين وتونين
أم شكر:شنو سرا الصمون بنيه حرثه وشبيها وما يصيرون سرا عليها
وإذا رغبته بيها
أبو شكر:اوووووو اش اش كاافي ااخطبيها لأ اطير بس فكينه من هذا اللبگ
بس شوفي تبلغينهم وتبلغين ابنج بس خطوبه ماكو هسه زواج فهمتي احجزيها لأ اطير وبس
خديجه:تحدد يوم خطوبه شكر إني بسبب عقده صفا متحب تندمج مع أي شخص بسبب شكلها شكد حاولت احسسها هي طبيعية ميفيد المدرسه گوه صارت تروح من مروه بطلت يوميه حجه حتى تغيب وبالبيت بس شويه ضحى بنت واثق تحب تكعد يمها
ومروه صارت حالتها اصعب يوميه تزيد متنقص وإني الحزن مثل عبايه سودا على روحي صارت بيوم خطوبه شكر وديت على ام ماجد حتى اروح كم يوم يمهم قبل الخطوبه بيومين
بليل كلت لاستبرق شوفي عمج حامد اجه لو لا
راحت ورجعت كالت توه خلص عشه بالصاله كاعد
طلعت سلمت رفع راسه بس ميباوع بوحهي ابد هذا طبعه قبل حتى ما يموت حاجم ميباوع بوجه نسوان خوانه
رد السلام وفهم رايدته
أبو شكر: ايمان سويلي جاي
ايمان:نورس گومي سوي جاي واخذي الصينيه
أبو شكر: ايمان روحي سوي جاي واخذي بتج والصينيه وياج
بقت ادردم
اشششششش
گولي ام استبرق
خديجه: خويه اريد باجر الصبح اروح لبيت أختي ام ماجد
حامد:خير أن شاء الله المهم ماكو شي يعني
خديجه: لأ ماكو شي بس هيج لمه خوات
حامد: أي تؤمرين ويجون يا خذونج لو اوصي أحد يوصلج تردين
خديجه: لأ ماهر يجي
حامد :براحتج خويه واسمع اجت وراها من المطبخ ايمان
ام شكر: تردين ترحين جا أنتي لا بخيرنه ولا بشرنه تشاركين
مو خطبه ابني الجمعه
خديجه:اريد اجاوبها ما الحگ تحجي على السريع
حامد:هوووش هووش اوكفي اگطعي شبيج اكلتي المره
اليوم أربعاء شبيج
خديجه:باوعت على حامد وع ايمان ووجهت كلامي ل حامد
خويه أنت مو تعرف وضع بناتي اختلاطهم بمناسبات صعبه عليهم
حامد: يعني تقصدين مروه
خديجه: أي صوت او تجمع او حركه مو طبيعية تجيها النوبه ليش اخرب فرحتكم
محبيت اكللهم إني گلبي بعده بحزن
وصفا تعرفها خجوله وما تستقبل أحد يسألها عن لونها
حامد: اذا ع للهوسه فماكو هوسه
لان احنا عدنا دم مسفوح وهي خطبه اهل لأ اعزم غربه ولا دك وركص
بيا حال
وبدت ايمان
أبني الجبير أول فرحتي تردون سونها سكاتي وشنو ذنبه بالله علمود المسعدات
حامد:اللهم طولج ياروح يااااامره مو هذا اتفاقي وياج ذاك اليوم مو كتلج مجرد خطوبه بس حتى تحجزينها لأ اطير والله راح اطير حتى الخطوبه تره واخربها واسويها طشار تسكتين لولا
اخليج تفرحين بابنج بالأصول
اسكتتتتتتي
خديجه: صارت صياح بينهم ركضت للغرفه لمروه لكيتها حاضنه استبرق
ثاني يوم اجاني ماهر وهم استأذنت اروح من حامد جان بالمطبخ
التفت عليه بيدي مروه
حامد: روحي خويه براحتج بس لو مخليه استبرق يم البنات
خديجه: رفضت تبقى استبرق ماا أأمن على بناتي إلا گبال عيوني
بعدنا بالطرمه وصاح على استبرق
نطاها فلوس ردت ارجعهن اشر. بيده روحي روحي لأن مطلع لماهر طلع واثق
وصلت لبيت ام ماجد تلگتني ام ماجد وبقينا للضهر تغدينا وسوالف شويه تغير الجو خاصه بنت ماجد بعمر مروه وصفا
مروه تلزم بصفا وهنا جابن العاب هواي طشرناه يمنه بالهول
تسولفلي ام ماجد ع تغريد واخبارها وعن أمل اخواتي
بس إني بعد كشفت الوجوه وعرفت اخواني كل واحد شنو موقفه وياي وضهر بس ام ماجد گلبها عليه
يوم الجمعه إلي هو يوم الخطوبه
بعدني يم بيت ام ماجد من الفجر صلينا إني وام ماجد وهي طبيعتها تبقى كاعده ورا صلاه الفجر
كعدت يمها
واجه عامل إلي بمحلاتهم
يسأل عن ماهر
ام ماجد:شنو ماهر وين غير من البارحة كلتو بايتين ننزل حاويه غراض جايه
العامل:عبالي اجه هنا يلا اروح اشوفه بالمحل الثاني
خديجه:بالعشره الصبح اجت تغريد ام رافد
عرفت ام ماجد تريد تصالحنه ودازه عليها سلمت عليها احتراماً لام ماجد أختي الاكبر مني
وكعدنا سوالف سطحيه ما اتعمق بجواب وياها
وكالت ام ماجد العصر تجي امل عدها خطار على الغدا ورا الضهر تجي حتى ننجمع صار هواي ماكاعدت سوا
صبينا الغدا ودخل ماهر وجهه يخوف قميصه مشكوك وخشمه كله دم وايده مضروبه
صار الصراخ وهو يهد ويغلط ويريد ياخذ مسدس ماجد ام ماجد وزوجه ماجد لازماته ميقبلن يدخل للغرفه ياخذ المسدس مينغهم من كلامه إلا اكتل رويفد
ممنتبه تغريد موجوده ولا احنا توقعنا يحجي عن رافد نفسه شجابه عليه اصلا
صياح ويردون بس يهدأونه وإني اريد بس أهدأ مروه
ماهر: كعدني أمي وإني ارجف وشفت خالتي تغريد وإني كمزت هاااي أنتي هنااا خاله
ابببببنج ابنج الخايس النذل بأك المحل هو وهتليه جماعته بس والله إلا اجيبه الج بتابوت
خديجه: اسمع تغريد تصيح وام ماجد وماهر شنو القصه طلعت اشوف شكو واسمع ماهر يحجي يسرعه وعصبيه
رافد يحوم على المحل صار شهر كلت ممعقول إني ابن خالته يبوكني اعرفه حرامي ويبوكون ويشربون وقمار هو وشلته
واليوم لزمته
بقت تغريد ادافع لابنها وتنكر وتصيح
ماهر: لو اكتله إني لو اسلمه للشرطه وهمه ينجاز وياهم
تغريد:ردي ماهر شنو لو يكتله لو يسلمه للمركز تسمعين ابنج ام ماجد
ام ماجد:يكلج بايكني يكلج خمار قمار يكلج يبوك شلون يبت أمي تخلينه هيج
خديجه: صارت هوسه وتغريد ترفض ابنها هاي بيه
صارت ام ماجد عصبيه
أم ماجد: على شنو تسترين عليه خلينه ساكتين تحارش ببنات خديجه ابنج إلي دخلته بيتها واكل بيتها ولفاه حاجم وتالي
كتله حاجم بسبب ابنج
خديجه:شنووووو ام ماجد ؟؟؟؟!؟؟!
بدل ماتدور وتبحث علي الروايات خليها علي تليفونك وحمل تطبيقنا
