رواية اخرجتنى من الظلام الفصل السادس بقلم ريتاج محمد
غيث مسكها بسرعه وشدها عليه بخوف ليكون جرالها حاجه
بعدت عنه بصدمه وهي بتقول :غيث انت شايفني
انا احساسي عمرة مايخيب،انت مش أعمى ياغيث !!!
رد علييا انت مش أعمى صح
غيث بهدوء:امم
ضحكت وقالت :امم ؟ طب ياعم ما كنت تقول من الاول
ليه بقى الفيلم الي عملته على عيلتك دة
وخلوني اتجوزك وكنت ناوية اكرهك في عيشتك
غيث باستغراب:هو انتي مش مصدومه ولا مستغربة ولا مدهوشة؟
مليكه بضحك:ليه يعني اتصدم ..إن شاء الله لما ابقى من بقيت عيلتك ابقى اتصدم
بس اقولك احسن والله انك فتحت بدري
كدة هسافر بسرعه
غيث باستغراب:تسافري امتى ؟
مليكه:اما تطلقنى
انا اصلا القاعدة هنا كابته على نفسى
يلا اما انزل اقول لعيلتك بقى وقامت وجت تمشي البرنص شبك ف السرير واتفك
غيث بصلها بصدمه
فلقاها ضحكت وهي بتقلعه وبتقول:ايه مفكرني هخرج بالبرنص كدة من الحمام عادي
دنا مبعملهاش في بيتي،وبعدين دا كان تموية عشان اشوفك بتشوف ولا لا
غيث بضحك:دنتي قادرة يابت
مليكه :عيب عليك
يلا سلام وشدت ظنط السويت شيرت الي كانت لابساه
وجريت على تحت وقالت لأمه وابوة الي مصدقوش وقعدوا يعيطوا من الفرحه
وطلعوا لغيث وقعدوا يأنبوا فيه ويقولولة ليه تعمل كدة ياحبيبي فينا
قالهم السبب
)مش هاقولهولكم 😂)
المهم مليكه طلعتلهم وهما قاعدين
ودخلت عليهم بضحك كدة وهي بتقول :وبالصلاه عالنبي كدة اللغز اتحل اي نعم انا معرفتش ايه سبب العك دة بس اشطه دلوقت بقى ياسي غيث اتفضل طلقني عشان اروح لخويا حبيبي فلزة كبدي الي مدلعني والي مشهيصني ..
غيث بصلها ببسمه وقال:طب تعالى هاتي حضن
مليكه :نعم ياخويا
غيث بضحك:ايه انتي فهمتي ايه
انا بس حبيت وقتنا سوا
وحابب احضنك بما انك للحظة دي مراتي عشان اطلقك
فأنا اكيد مش هحضنك بعد الطلاق
هحضنك قبله
راحتله وحضنته وهي بتقول :إلهي يارب مشوف خلقتك تاني فأي داهيه
يلا طلقني بقى سريري وحشني الله
طلقها بضحك وهو بيقول: كدة بقى تتفضلي تطلعي
مليكه:منغير ماتقول ياحبيبي
وجريت على برة بعد ما سلمت على عزام ورجاء
واخدت تاكسي وراحت على الفيلا
ورسلان فتحلها الباب وهو بيقول باستغراب:انتي بتعملي ايه هنا ؟
مليكه بودي فاتحه ايدها بضحك:سبرايز انا اتطلقت
رسلان بضحك:انتي عبيطه يابت هو ايه الي اتطلقتي
مليكه:والله اتطلقت
تعالى احكيلك تعالى
بس الاول هات حضن
كدة بقالي يوم ونص كاملين مشوفتكش
وراحت حضنته
واخدته جوة وحكتله كل حاجه
رسلان بضحك:يابنت اللاعيبه عملتيها ازاي دي دنتي ولا اجدعها ظابط مخابرات
مليكه بغرور:عيب عليك ياحبيبي عشان تعرف اني مش قليله ها
وكملت بجدية:المهم انا عايزاك فموضوع كدة
رسلان :استر يارب مدام قلبتي خلقتك كدة يبقى انا هتعصب من الموضوع دا
قدامي يا أخرة صبري
نتكلم ف المطبخ عشان جعان
دخلوا وهي اتكلمت بثقه:رسلان انا عايزة اسافر اغير جو وعايزة اكمل بقيت دراستي برة
رسلان بأندماج:امم وايه كمان تحبي تستقري برة ؟
مليكه بجدية:رسلان انا بتكلم جد على فكرة
انا فعلا عايزة اكمل تعليمي برة وكل فترة هزروك
رسلان بهدوء:مليكه خليكي عاقله عشان انا لحد دلوقتي هادي معاكي
مفيش سفر وانتي من اول لما جيتي عشان تقوليلي عارفة رأي وهو لأ
مليكه مسكت ايديه وقالت بدموع :انت ليه بتعمل فيا كدا
يعني انا بسمع كلام الكل وعمري ماقولت لحد لا
وانا بطلب منك طلب تقوم عامل كدة ؟
رسلان حاوط وشها بحنيه:يحببتي انا خايف عليكي
من برة
انتي بريئة يامليكه برغم انك حرباية وسهونه
انا مقدرش اخاطر بيكي وابعتك برة لوحدك
وانتي عارفة اني مش هعرف اسافر خالص
كان ممكن لو قولتي فسحه او كدة يومين وترجعي كنت ممكن أوافق
لكن انتي عايزة تقعديلي هناك اربع خمس سنين
وتنزليلي زيارات لا
يامليكه لا ودا امر منتهي
مليكه بعياط :ونبي يارسلان
ونبي دنا بقالي اربع سنين بتعلم ف اللغه عشان اسافر
وبعدين منا كل شهر أو اتنين هجيلك يعني هي مش غلبه
رسلان :وأهون عليكي تنزليلي كل شهر مرة
اشوفك ف الشهر مرة واحدة بس؟
مليكه بعياط:يعني انت ليه بتصعبها عليا
خلاص يارسلان مش عايزة منكم حاجه وجريت وهي بتعيط
رسلان بتأنيب ضمير قعد يلوم نفسه
وقعد ساعه عمال بيفكر اة ولا لا اة ولا لا
وفكر كتير كتير كتير
لحد ما وقف عند قرار
ونداها بصوت عالى
نزلتله وهي بتعيط وبتقول :عايز ايه ؟
رسلان بامر:تعالى اترزعي هنا
نزلت قعدت قدامه وهي بتقول:يانعم
رسلان بجدية : تعرف على شباب لا
وتكلميني كل ساعه فيديو كول
هبل مش عايز
وتخلي بالك على نفسك
مفهوم!
مليكه:يعني ايه
رسلان ببرود :يعني موافق
مليكه بصتله بعدم تصديق لأنها كانت فقدت الأمل فية
نطت عليه وهي بتحضنه وبتبوس وشه وبتقول:وربنا انت اجدع اخ ومتقلقش وربنا وربنا هسمع كل الي تقولي عليه
رسلان حضنها وضحك وهو بيسألها:ها هتسافري فين بقى
مليكه:تركيا
رسلان:اممم تركيا
قولتليلي طيب
اهي احسن من فرنسا
هتسافري امتى
مليكه:هحجز التذكرة بكرة وهشوف هتحرك امتى
رسلان بحزن:طيب
مليكه حاوطت وشه وهي بتقول بحزن:متخلينيش اعيط واقول مش رايحه
بجد لو عايزيني مش اروح مش هروح
رسلان ببسمه حزن:روحي يامليكه
حضنته اوي
المهم صح انتي هتسافري لوحدك ولا حد هيستناكي هناك ولا حد هيروح معاكي ولا ايه؟
وهتنزلي فين عرفيني خط سيرك
مليكه:بص كان ليا صديقه فمصر بس هيا حاليا فتركيا
هتفرح اوي وهتستناني في المطار
اما بقى هنزل فين
فهنزل فبيدروم
في أوتيل هناك كبير وحلو اوي كان اسمه ايه ياربي
بص مش مهم ،المهم اني هاخد شهر كدة اجازة فيه واغير جو بعدين انقل جامعتي هناك
رسلان:طيب
وطلعت على اوضتها
وهي بتطلع شنط السفر بتاعتها وطبقت هدومها
وحطتها فيها وسابت بيجامه وطقم تلبسهم بكرة
ونامت وهي مبسوطه
عند غيث
كانت مامته قاعدة هي وبباه معاه
فباباه قال :احم ياغيث يابني بما انك الحمد لله ياعني مطلعتش أعمى
فأنا عايزك تسافر مكاني برة مصر
غيث باستغراب:ليه .
عزام:انا عملت شراكه مع صاحب أوتيل كبير خمس نجوم فتركيا
وهما المفروض الادراة تجمع في الاوتيل وهيتعمل اجتماع
وفي موظفين هتمشي
وفي موظفين هتيجي
بالبلدي يابني هنعيد تظبيطه
الي يستحق يفضل هيفضل والي غير كدة يمشي ويجي مكانه الأحسن مني
وانا صراحه يبني والله مش هقدر اسافر
واجي فأنت روح منه تشتغل ومنه تغير جو
اصلا الاوتيل على البحر
غيث بتفكير :تمام
هروح امتى وفين الاوتيل دا؟
عزام:المفروض الاجتماع هيتعمل الاسبوع دا بس لسه محددوش
فأنت لو عرفت تسافر بسرعه سافر
ووقت ميتعمل انت كدة كدة هتكون هناك فاهمني
والاوتيل فبيدروم
غيث:تمام بكرة هحجز تذكرة لتركيا
عزام بفرحه:الله يخليك يابني
عدا اليوم
وتاني يوم غيث ومليكه كل واحد كان بيحجز تذكرته إلكتروني بس مليكه نسيت تأكد الحجز
وهيتحركوا تاني يوم الساعه ٦ الصبح .
مليكه طول اليوم منامتش
عشان كانت متحمسه ورسلان كان زعلان
اما غيث فكان عادي اصلا مش اول مرة يروح
جه اليوم التالي ومليكه كانت بتلبس وخلصت
وكانت لابسه شورت جينز قصير على
تيشرت بنص بينك وشوز ابيض وعامله شعرها ديل حصان لتحت
نزلوا وركبوا العربية عشان رسلان يوصلها للمطار
وقالها فالطريق:انتي مش شايفه ان الي انتي لابساه دا قصير؟
مليكه بسهوكه:خلاص بقى عادي دي مرة
نفخ بصمت مش عايز يزعلقها
وهي مسافرة
وصلوا وهو سلم عليها وحضنها جامد وبعدين ودعها ومشي
اما هي فدخلت تستني الطيارة
خلصت إجراءات التفتيش خدت شنطها
وكانوا تقال لأنهم كانوا كذا واحدة
فكانت بتحاول تجرها فخبطت في شخص وكانت هتقع بس هو مسكها بسرعه
وبصوا لبعض
وقالوا فنفس الوقت
غيث:انتي
مايكه:انت
بعدت عنه بسرعه وهي بتقول:أعوذ بالله من غضب الله انت بتعمل ايه هنا
غيث :انتي الي بتعملي ايه هنا
مليكه:ونت مالك
استغفر الله العلى العظيم يوم ما اصطبح اصطبح على وشك
غور غور دا ايه دا
غيث:طب اتكلمي عدل
وبعدين انتي...
مليكه بمقاطعه:شششششش انت لسه هتحكي
انا ماشية كتك القرف فوشك الي عامل زي المربع دا ومشيت
بعد ما مشيت
غيث قعد يضحك على جنونها
وراح يستنى طيارته
وهي راحت عند الموظفه وقال:لو سمحتى انا امبارح كنت بحجز طيارة تركيا بس نسيت أأكد الحجز كدة هيبقى في مشاكل؟
الموظفه جابت ورق قدامها وقالتلها بعملية:اسمك ثنائي لو سمحتي
مليكه:مليكه سليم
الموظفه بأسف:للاسف مكانك اتحجز
مليكه بصدمه:لا متقوليش
طب ايه مفيش مكان تاني ؟
الموظفه:لا والله
بس لحظة كدة
في كرسي فاضي في الهاي كلاس
مليكه بعد تفكير :تمام ماشي جدا
شكرا
الموظفه ببسمه:العفو تقدري تستني الطيارة
مليكه:تمام
بعد شوية
كانوا بينادوا على الركاب
مليكه طلعت الطيارة وهي خايفه هي اصلا اول مرة تركب فيها طيارة وكمان لوحدها
راحت عند الكرسي بتاعها
لقت غيث بيحط شنطته
واول ما شافها قال بدهشة:لا كدة كتير والله متقوليش انك هتقعدي جنبي
مليكه بقرف:مش من جمالك يعني دنا الود ودي اغور من وشك غيث ببسمه:لا والله طب حلو
لو سمحتي لو سمحتي
مضيفه الطيران:نعم؟
غيث:لو سمحتى في كرسي فاضي ف أي حته أصل الانسه عايزة تغير مكانها
مليكه بعند:انا مقولتش اني عايزة اغير مكاني
متنرفزنيش
غيث ببسمه:طيب براحتك ،خلاص هي مش هتتغير كرسيها معلش عالازعاج
وقعد وهي قعدت و......