 |
رواية بيت الخبازه الفصل السادس 6 بقلم زهرة الرمان
بسم الله الرحمن الرحيم السلام
السلام عليكم ورحمه الله وبركاته
#بيت_الخبازه......#بارت٦
بقلم,,
زهره الرمان
عزيزه: شبيج ايمان ذني يتيمات أولا
وثانيا لحمنه يختي يربيهن بكر إلي مامعترف لأ باخت ولا صله الرحم ولا اليتيم
ام شكر: ولله شوفي عزيزه صالج سنين يمنه ما الي شغل بيج بس مره تحل عليه وعلى كولتج بنات يتيمات ومن هالاسطوانه وتلفلفه وتاخذه خديجه
وواثق يخاف خوفه الحيه من مرته
أبو شكر طيب وحنين وينكسر خاطره ويخليها على راسي مو ذاك عدها بيت تروح تكعد بيه وتخلصنه عجبتها الخده والتخدم حامد يروكض الها ولبناتها بيا وكت حامد يروح للمدارس احنه نركض ونسأل ونسجل وهي تودي عليه المسعده خل يروح يشوف شتريد المعلمات
شوفي عزيزه اخوج إذا تزوج خديجه مااا اضل ساعه بهذا البيت
اخليه الها
عزيزه:هاي أنتي الجييره الي لازم تكونين عونه لزوجج مكسور ضهره على اخوه مكتول وبيته مهجوم عمرج نص الاربعين وهيج تفكيرين
ام شكر: هذا العندي وشنو يعني من أكبر لازم اهد رجلي للنايمات للضهر شو مخلصتها كاعده والصينيه توصلها غده عشه ريوك ولو تعال حامد اخذني للمگبره تعال حامد سجل بناتي اركض يحامد احميها من اخوها وصارتنا هوسه بسببها وسبب اخوها نفضت اديها عزيزه من الخضره باوعت على نورس واكفه يم الثلاجه وطلعت
تزعل على زعل مرت اخوها أي والله وإني مو هم مرت اخوها
في مكان آخر......
حسن :باوعلي أنت بعدك سكران لو شبيك صاير حتى بالنهار تشرب
يقضان :إني اريد انسى انسى
اريد ارتاح
حسن:انسى الصار واندثر ومحد أصلا عرف بالموضوع ومويمنه صارت براس ييت الداوود
وهم مات الرجال وبيت عويد طفوا النار وارتاحو من مات ونسدت السالفه تريد تفضح روحك ؟
يقضان:همه همه ورطوني والله همه ابن زهير رويفد ابن زهير هو السبب هو السبب
حسن:وهسه إبن عويد جان أمام جامع ومعيش عشيره هو غير يوميه يبات بباب المحل لأن يسكر وييبقى يعربد على اهله ويطردونه المنهم يركصون من الله خلصهم منه
هاك اجه تكك اجه رافد الشش
رافد:شبيكم
حسن:يقضان يحس بتأنيب الضمير يكول ماتو ناس بسببي
رافد-----------(كلمات سخيفه)
هو خلصنه من الملا والعار سويه
هذا إبن عويد لو باقي جان ذبحونه على قبله الصبه
اهله فلوسهم مضرعه وهو يركض ورانا على تفاليس
وهذا الملا لو باقي عايش جان يبقى يگر براس العشيره لحد ما يسووني مجرم بحق بناته وشلون بنات هنه
وأنت ضربته دفاع عن النفس
هو مستهتر بعد تأنيب و....... كلمات (غير لائقه)
حسن هسه رافد شش شلون زكي حس ينقصن فلوسه وين نولي
وبيت الملا حتى العدهم غراض قليله ومحبسين وكم ترجيه تكوك ما سون شي
رافد شش: هو بيت الملا فكر ومن بيته فرغ گلت بلكي عدها ذهب شي
جانن بناتهه باذنهن تراجي شمدريني يبقن بس تكوك
بس اصبرر واگعلي ولك على واحد يغير حياتنه بس هو عده حتى بضهره عيون
يراد اتكتك وتخطيط
حسن:وهذا السكران شلون
رافد:عيفه هذا إذا صار البراسي اله دور انفلاقي
بس كون اكدر ادهرب ابن خالتي جودي
حسن:منو هذا جودي
رافد:جواد ابن خالتي ام ماجد هذا يشتغل بالباله بس بليله ويوم صار تاجر وبدل المحل اربعه عنده وهسه طكوك ذاك اليوم لكيتهم يبنون ويرممون ببيتهم
بس هو حقنه ويدقق وبصراحه ما يرتاحلي اريد منفذ وافوتلهم ناخذلنه خمشه زينه اطلعنه گبل تركيا ومناك نفلت للخارج
أبو شكر: اخذت البنات وأسأل نفسي شنو لازم أسوي اكول لامهه وهي بعدها بصدمات حاجم والطفل والعمليه وانوب اكمل عليها ب مروه بيها توحد والمعلمه تكلي اسبرجو ماعرف شنو لازم نوديها لطبيب ويحيلنه ماعرف وين لاله إلا الله
أول ما دخلت لازم اسمع الموشح مال ايمان ملتهي بخديجه اتحاشاها لأن عيب بهالعمر يوميه طلابه بالمطبخ تلگتني وإني رايح للصاله روحي عمو صفا صبحيلي امج تعالي مروه ترفع ايدها وتهز راسها بالرفض تكمش ايد صفا وراحن لامهن
شبيج ايمان شبيج لخاطر رسول الله يعني خليها بين يوم ويوم هاللغوه يوميه احنه لازم نعيد ليش تلحين اشمر بنات أخوي تردين ولج مو الها لا حول ولا قوه
ليش ادوسين بمصاريني
مو تعرفيني اذا اقفل اخرب ومالي رجعه وتعرفين من اعاند
ام شكر:بيت عزيزه باقي فارغ يرحن ويكعدن موو كلنه بالعطله نخطب لشكر
أبو شكر:هالگلتي نخطب لشكر يعني أنتي مره چبيره وعندج احفاد من بناتج وبعدج تفكير مراهقين هي هاي أنتي من تشوفين الدنيا تميل عليه تكملينها وتوكفين ويه الدنيا عليه تعرسين وي عرس الدنيا
شبيجج لخاطر رسول الله رحت للمطبخ
اجت عزيزه
عزيزه:شبيكم صوتكم واصل للشارع
أبو شكر:وين چنتي
عزيزه:رحت وقاطعتني ام شكر
ام شكر:راحت لاخت ست خديجه وساحله ميثم وراها مو صدك هو ابنها غير مو بطني شالته لأ هي ربته وصار مالتها
ميثم:شصاير يمه
ام شكر:ليش إني امك مو عزيزه امك
ميثم: أنتي أمي وأمي عزيزه
أبو شكر: تعاال ميثم يابه تعال عيفها براسها جن هههه
ادارك الموضوع كدام اولادي وعزيزه
ودخلت عزيزه للصاله سلمت علينه
ام اشتبرق:ها أبو شكر خويه بشر شصاير
أبو شكر: تعالي للديوان ام استبرق وعزيزه ريگي البنات طلعتهم من المدرسة جوعانات خاف ويبدلن خليهن
طلعنه للديوان وام استبرق رجعت جابت عبايه واجت وراي
اباوع على ايمان فاتحه عيونها بضوجه ورافعه حاجبها..خزرتها
أم استبرق خويه المعلمه تكول مروه بيها توحد ومرحله سموها اسبرجو يحتاج نوديها طبيب يفهمنا ولازم مدارس خاصه مو مدرسه عاديه
أم استبرق:دگيت على خدي يمه شنو هذا انوب المرض فهمني خويه
أبو شكر: إني نفسي ماعرف يحتاج كتلج طبيب بس هي انطتني علامات لهذا المرض
كالت مروه انعزاليه تصدر نوبات اصوات غريبه
عدها حركات بديها غريبه
ما تتواصل وي اليحاجيهت عدها أشخاص معينين فقط تكدر تندمج وياهم سألتها بذيج مدرستها مجان المعلمات يكولون هيج
كالت الحالات شدتها تختلف وهي حالياً متصعبه حالتها إني فسرتها بتعلقها بابوها وشاده بركبته جانت وهسه ساءت حالتها يجوز من توفئ
لذلك بعد ما نوديها للمدرسه ونشوف طبيب يوجهنه
ام اشتبرق: وهذا المرض اطيب منه شنو وراثي وابچي اريد اصبر نفسي ماكدرت
منين اجتج هالمصايب يخديجه بليله ويوم
أبو شكر:هسه نسأل ونشوف طبيب والله كريم ماكو شي ماله حل
صفا:كلما نكعد الصبح لازم نورس لو تدفعني وتكول ما ادري لو تبدي حليبي احب الصبح حليب بالجاي
واسكت اليوم رجعنا عمو وياه للبيت وعرفت بعد مروه ماتروح للمدرسه
بنت عمو واثق حبابه ضحى
تنزل يمي نروح للحديقه عدها شرايط شفافه تخيطهن ورد وتعلمني واهسها بالخياطه والاعمال اليدويه
فتعلمني أكثر الأوقات العصر رغم أمي متقبل تكول جيبي ضحى وتعالن هنا اجت ضحى بقينه يم امي
استبرق تقرا تكول متراكمة عندي دروس اجت عمه عزيزه اخذت أمي راحن
لبيتنا عدها غراض تريد تجيبهن ماعرف التهيت وي ضحى بشرايط والورد نسيت مروه
سمعت صوت عبالك رعد خفت التفت مالكيت مروه والكلام هذا قبل المغرب بشويه بقيت ادور عليها ماكو إني وضحى استبرق نامت جانت تقرا وتعبت مأمنه إني وضحى يمنه مروه
بقينا ندور على مصدر الصوت والبيت محد عبالك كلمن بغرفته بس نورس طلعت من المطبخ ركضت وراها سمعنا صوت من المخزن الي بالمنور مال المطبخ مقفول بدرنفيس لكينا فتحنا اضلم
لكيت مروه يم القناني والتنور وترجف واضلم المنور ضحى صيحي استبرق
شويه واجت كوه شالتها صايره خشبه وترجف وتعوص
غسلتها استبرق بس هي ترجف تخوف وصوت آذان المغرب مسموع بقيت ابجي على مروه لأن ماما كالت مروه بعد متروح للمدرسه مريضه طلعتها من الحمام وإني وضحى واكفات بباب الحمام ننتظرها تهدأ وقلقانين عليها
وضحى تكلي لاتخافين هسه صير زينه وتباوع على الممر على نورس طلعت استبرق اخذت مروه للغرفه واني امشي وراها
سحبتني ضحى
ضحى:اكلج شئ بس مو تحجين
صفا: لأ ماكول
ضحى: إني شفت ذاك اليوم نورس تضرب بمروه بس مروه مادافع على نفسها وحتى تاخذ السمسميه الجابتها عمه عزيزه وما حجت كلشي مروه
صفا:ليش ما كلتي
ضحى:ماكدر احجي راح اصعد ومنا وجاي انتبهي لاختج تره نورس تضريها
صفا:مو قبل يومين سولفتلج نورس شلون تدفعني وتضربني ليش ما كلتي هاج شوفي المخزن اضلم ويخوف وقافله باب المخزن بدرنفيس وشوفي شلون تخبلت اختي وتكلي مخبلات بقت ترجف وبحضن استبرق ودخلو عمه عزيزه وامي صرخت شبيها بتي
بقينا نباوع وحده بوجه الثانية لان إني سولفت لاستبرق على نورس
وكالت إلا اكول لامي تكول لاهلها
من دخلت أمي سولفتلها استبرق وتشهد بيه وإني اهز راسي وعمه عزيزه تسأل هم بقت وبعدين سالتني عمه عزيزه شفتيها أنتي من دخلتها للمخزن او من قفلت الباب عليها كلتلها لأ عمه بس اسألي ضحى أمي سكتت شويه وكالت ابد ماريد تحجن بالصار ابد جن ما شفتن او سمعتن
خديجه:نومت البنات والف هم على گلبي واكول نورس مراهقه وتصير هاي الاشياء وإني ببيتهم إني بيا حال رحت لبيتي لكيته مكنوس كنس مبيوگ
1
عزيزه:ياا مراهقه هسه اكول لحامد يطيح حضها امها طيحت حضها الكعده والكعده وتتمضيك عليهم
كلهم اولادي بس ما اقبل بالخطأ هاي تاخذها للكبر نحاسه وحقاره واذيه وهاي إني عود الصبح كلتلهم على مرضها
احاول اهون على خديجه منظر بيتها مرعب فارغ حتّى قناني الغاز مبيوكه معتمده عدها محبسين وتراجي وتكوك تراجي بناتها لكت باب الكنتور مشلوع من مكانه
ولابطانيه ولا بساط شايلنه كله شلون انباك مندري
واخوتي مبتلين بسالفه كتال حاجم ألف سالفه طلعتنه
بليل اجه واثق وأبو شكر وسولفتلهم ع البيت
أبو شكر:واثق تروح لعمار تجيبه اليه من بيته
بقيت شويه بالصاله سألت منو راح وياجن للبيت كالت عزيزه ميثم ابني
المفروض تكوللي لاتروحن وحدجن كلشي يصير
عزيزه: خويه مو بعيد البيت وهي حلفتني ما اكول تريد تجمع فلوس حتى تأخذ بتها للطبيب أبو شكر: أم استبرق خويه محتاجه فلوس تكليلي للطبيب شنو إني اخذه
وما شفت إلا ايمان من يمها
ام شكر:ليش خليها تعين وتعاون هذا أنت هالكاعد من موته اخوك لليوم صاير المحل بيد شكر حتى انحرم من نومه الضهر ولكمه البيت صار حمل المصرف كله على هذا المحل شيصير
المحل
أبو شكر:ضربت ايد بايد ووكفت اخذتها من ذراعها اسحب بيها للغرفه لأن واكفه خديجه وعزيزه هي ما تثمن كلامها
شششنوووووو معناه كلامج هذا أنتي شنو تحجين بدالي كدامج فزاعه خضره مووو رجال إني وتشكين جنج مگديه
شنوو شكر انكسر ضهره شنو المصرف كله على المحل
أنتي ليش عيونج ضيگه ليش خليتي مرت حاجم براسج واعرفج بقيتي تزنين براس ميثم لحد ما ابتعد من عزيزه وهي رادت بس تحس طعم الامومه وهو الج وباسمج توكل وتلبس وتسهر وتكرب تروح للسوك وتطبخ وأنتي ماعاجبج العجب كبرتلج جهالج وحتى من تنخطب جنتي تخربينها لأن تردينها خدامه الج
بس خديجه مابيها دسم تستحي تطلع وتشتغل وضيمها ضيم ونصرف عليها هاي مايعجبج لعلمج أعرف عزيزه تچمل منها للمصرف وتاخذين منها وهو راتب بسيط العدها بس اكول يلكي تنترس عينج واتتي زيدين ماتنقصين
بقت تصرخ وشگت دشداشتها ولازمه حملت ضيم وضلايم وفگر وجوع ولوع وهاي مجازاتي
خليتها تلطم وطلعت
باوعيلي عزيزه باجر ب٣تحضري أنتي وام استبرق ومروه نروح للطبيب حجزتلها
اجه عمار ؟
ميثم: أي يابه بالديوان منتظرك
السلام عليكم
شوفو عمار وواثق إني رشيد إذا اكله يروحلي على بيت عويد الدفاع ويخبصنه بيت حاجم مبيوك مكسور القفل الخليناه وباب البيتونه هم مكسور تكول عزيزه باجر تروح عمار لنسيبك أبو هادي يشوفنه اله بيعه
عمار: أبو شكر اموال قاصرين يبقى بيعته صعبه مبصير التصرف بيهن لان إلا وصي مختار وروحه وجيه يامحكمه ياقاضي
وهم تعرف المنطقه كلها تدري مات بيه رجال وبيه مشاكل اتركه هسه نحتاج وقت يلا نتصرف بيه
أبو شكر:جا شلون ألبيت بايگينه اكلك وصيتك كم مره تمر على البيت عمار كم مره كتلك افتر حواليه ادخل وشوفه
عمار: وإني رحت مرتين ودخلت وافتريت جان محد داخله بس هذا اكيد وأحد مترصد للبيت ومنتظره انتظار
نشيل غراضهم كلها ونخليه فارغ لما الله يحلها منه
خديجه:خيه عزيزه الضلن وين أوديهن
طباخ وثلاجه باقيات ماعرف شعجب عايفيهن انطوهن بثواب حاجم
ع
زيزه :راحو واثق وعمار من الديون بقى أبو شكر خويه اريد احجي وياك
أبو شكر:خير عزيزه
عزيزه: اليوم المغرب من جنا احنه مو هنا استبرق لاكيه مروه بالمخزن ومقفول بدرنفيس والبنيه متعارضه لكيناها
ومن تقصصنه منو البنات يكولن نورس
أبو شكر:نوووورس شلون نورس تسوي هيج
وكفت
لزمتني عزيزه
عزيزه:اوكف خديجه رفضت نحاجيها ورفضت نكلك وكعدت بناتها كالتلهن لأ تحجن
أبو شكر: ليش بلا يسكتن
عزيزه:متريد أخذ وعطه تكول ذنيي إني رحت وعفتهن لبيتي
أبو شكر: شنو كاعدين بغابه لو ما يتامنون هنا وما تطلع إذا صدك نورس إلا اعلگها
عزيزه:بهداوه خويه هي مراهقه وماتثمن تصرفاتها
أبو شكر: اصبريلي اشوفهه
وينكم
هاا
وين بتج نورس
ام شكر:نايمه
أبو شكر:كعدي المسعده بله واريد قبل لا تكعدينها أنتي بالبيت ما تشوفين تصرفات بتج
ام شكر:,شبيها يستار
أبو شكر:حاجزه مروه بالمخزن قافلته بدرنفيس يعني كلها مكر
ام شكر:منو يكول هي تهمتهوها
أبو شكر:هسه نعرف صيحيها
نورس:هاا بابا
أبو شكر:منو مخلي مروه بالمخزن وقافله عليها
نورس:شمدريني شنو هي دجاجه معمل واشيلها واخليها بالمخزن
أبو شكر:احجي عدل لأ اكسر سنونج
نورس:شنو بس نورس بالبيت على شنو تكسر سنوني مو زين منه حاملين فرقه المخابيل
أبو شكر أنتي صايره ما مؤدبه
وطلعت استبرق وشايله مروه سحبت السحاب من ضهرها وكالت شووف عمو طبع بضهر مروه احمر واكو ازرك
استبرق: بالغرفه كاعدين وعرفت من صفا نورس تضرب صفا
وتاكدت الطبع البجسم مروه من نورس لأن مروه من تنطخ او توكع حتى لو يجري دم ما تحجي بس تأشر چنه نكول هادئه طلع مرض
ماتحملت جذب نورس
شوفته لعمو
وهي عاطت جذابه تردين أبوي يصدك جذبج وإني ما سكتت بس سحبتني امي وخلت ايدها على حلكي
اشششش
خديجه: استبرق وصفا يسمعون كلامهم ويردن يرحن مقبلت من اشتد الكلام سحبت نورس مروه وركضت لعمها
طلعت وراها كتمت حلكها وسحبتهاللغرفه جوه ضربتها
استبرق: أمي سحبتني بالغرفه ضربتني ابد ما يوم مدت ايدها علينه من ضربتني انهضمت
ولفيت روحي بالفراش كالت كلمتين
خديجه:الاكوله يصير والانهيج منه تمشين على كلامي مو احسن مني أنتي تحجين ولا إني عاجزه بس كلشي بالأصول عيب اطولين لسانج يم عمج ترباه حاجم وين
لكن بداخلي اكول ماخلفت ولد
اريدهه سند لاخواتها ثنينهن تقريباً بيهن مرض لو عاهه ومجتمعنا ما يرحم
بعد هاي الحادثه بقيت اتحذر لأن إني اسمع ايمان وزوجه واثق شيحجن بس ماعندي حل غير اسكت لأن إني ببيتهن ومضايقتهن كلت إني وعندي ثلث بنات حقهن
بس إني مو مثل الناس عندي صار فرعون عليه
طفلي من ضربني ما اسامحه ولا اوكف على بابه لو أعرف اجدي اتحمل نسوان حمويني بكل اليكولنه المهم أبو شكر وعزيزه وعمار وواثق زينين هاي هيه
بناتي إني عيني عليهن واتكفى الشر
ورا كم يوم أبو شكر دزلي خبر ناخذ مروه للطبيب حجزلنه رادت عزيزه تروح ويانه كتلها ابقي يم البنات بأمانتج كلت لأ انوب استبرق تتلسن وي نورس او نورس تضرب صفا شفتها مرتين وسكتت تضربها أو تدفعها بس اسكت جنت
طلعت للصاله لكيت أبو شكر
كال ها نروح
أي خويه
جا عزيزه وين
خديجه: عزيزه تبقى بس إني وياك اروح
أبو شكر:خوش توكلنا على الله تعالي بابا مروه
بقت تهز براسها اخذت ايد امها
مشينا
عزيزه:كاعده يم البنات ودخلت مثل العاصفه ايمان
ام شكر:انتن شنو قصدجن هااا شنو خديجه تروح وحدها وي حامد
عزيزه:جا ما رحتي وياهم حتى تهدأين من هاي رجفتج جايه عليه إني شكو
ام شكر: وليش مارحتي أنتي وياهم
عزيزه: مالي خلك اروح
ام شكر:شكووو مالج خلك اليوم شو عبايتج ما تثبت على بسمارها اليوم ما الج خلك
عزيزه: والله تعيريني على عبايتي الما تثبت على بسمارها لأن مخلصه شغل بيتج من أبو الحصه للسوك من السوك للواجبات وصايره مرصع
وإذا على اليوم فالبركه ببتج خلت البنات براسها وتعاديهن وتضرب علمي بتج ذني خواتهه
بقت تصرخ تردون تحتلون بيتي
أي مو بيتج فلسطين بطلي اريد اسكتها تزيد لما د خل شكر وبقى يحجي
اجيت أكل لكمه واسبح وارجع الكا المشاكل گبالي
شنو يمه لو وي عمه عزيزه لو وي عمه اسماء (زوجه واثق)
هالمره ويامن بس لأ أنتي صفا وي أمي وضحك
يلا خلصت من هوستها من اخذها شكر
خديجه:وصلنه للطبيب فحصها وبقى يحجي وياها ويحاول يخليها تنتبه
الطبيب:راح الخص الكم الوضع كالآتي
الاكتشاف المبكر لطيف التوحد يخلي يشفى تماماً في حال وجد بيئه تخدم النصائح إلي راح اكولهن إذا مشو الاهل عليهن يصير إنسان طبيعي حاله حالنه
لكن البنت حالتها الضاهر من عمر ٤سنوات او ٣لكن ممنتبهين أول شي لازم تعرفوه مو حبوب وكبسول وانطيهن وتمشون عليه لأ لازم محيط محتوي للحاله مكان يمارس بيه مريض التوحد تعلمه ورياضه بدنيه وفكريه حتى يتعزز نشاطه لنمو دماغه وعقله
أولا تسون لمروه مكان خاص للعب وتدخلون التعلم باللعب
لازم تثق بالمحيطين حتى تكدر تتواصل وياهم لأن عدهم يصير بهاي الحالات عدم تواصل جسدي إلا يثقون
واخيرا اكو مركزبالعاصمه لحالات مروه ياريت تدخلها حتى لاتفقد التعليم إذا شفتو اساليب البيت قليله النفع
أي شئ معلب لاتخلوها تاكل كثريلها فواكه وخضروات
خديجه: ألف حسبه وسؤال بمخي شلون اطبق كلام الطبيب حتى من يسولف حامد ما اسمع
ورجعنا للبيت وكرست جهدي ووقتي لمروه كتبت الكاله الطبيب بورقه وبديت أمشي على كلام الطبيب ومن تصرخ او تنفعل او ما تجيب نتيجه وضعها انهار وارجع ثاني يوم اعيد التجربه واكول بداخلي لو حاجم عدل جان هو خلاها طيب هو احسن مني
ومن اتذكر حاجم ابجي وابجي وبعدين اتذكر السر الضامته على الكل الي منتظره شوكت يندك الباب وتجي طليقته اطالب بحصه ابن حاجم من البيت
وهو حاجم يتوقع ما اعرف هو تزوج وطلگ وعنده ولد
