رواية شظايا قلوب محترقة الفصل الخامس5 بقلم سيلا وليد

وتسألُني ماذا أريدُ منكَ؟!..

دَعني أفسِّرُ لك:

أريدُ منكَ أمانًا..وحنانًا..ووطنًا..

وبيتًا..وظِلًّا…ودِفأً..

أريدُ منكَ حياةً..

ماضٍ و حاضرٍ و مستقبل..

نظرةُ عينٍ تُخبرُني أنِّي حبيبتُكَ.. 

لمسةُ يدٍ تُعيدُ الأمانَ لقلبي..

دموعٌ ﻻ تسيلُ إلَّا من شدَّةِ الفرحِ..

وآلامًا تزولُ بمجرَّدِ رؤياك..

أُريدُكَ أنتَ فحسب.

....

ياسااااادة:

كلُّ مياهِ المطرِ تُخمدُ للنارِ ألسنتَها..

إلَّاااا مياهُ عيناها.. تزيدُ من لهيبِ نيراني..

فأهلًا بوجهِكِ ..لا حُجِبَت عن ناظريَّ ... يافتنة القلبِ يانُزهةَ البصَرِ ..

تعالَي لأسألُكِ ما الذي أوحاهُ قلبُكِ لقلبي لينصاعَ لهُ طوعًا..

ويعقِدُ معهُ صفقةَ العُمُر ..

تحرَّكَ إلى وصولِ فريدة عندما فقدت سيطرتها وارتفعَ بكاؤها، احتضنها مصطفى يبعدُها عن مرمى نظرِ إلياس، لقد فقدت تمسُّكَها الذي وعدتهُ به، نظرَ إلى إلياس الذي تقدَّمَ إليهم وانتابتهُ رعشةً مخيفة، بالتأكيد ستنقلبُ حياتهِ إلى جحيمٍ وسيكونَ هو المسؤولُ الأوَّل..

بابا مدام فريدة مالها؟..شهقةٌ خرجت من احتراقِ قلبها الذي ينازعُ لخروجِ الروحِ وهي تريدُ أن يصيبها اللهُ بالصمم، قرَّةَ عينها الذي تبحثُ عنهُ منذ ثلاثينَ  عامًا أصبحَ تحتَ كنفِ رعايتها ..يالله ماهذا الألم الذي أشعرُ به، ألمًا يفوق انتزاع الروح من الجسد ...نزعت نفسها من بينِ ذراعي مصطفى مقتربةً منه وعيناها تبحر فوق وجهه، تتمنى أن تلمس وجهه، ابتلعت ريقها بعدما هتف مصطفى:

-تعالي يافريدة علشان ترتاحي..ظلت كما هي تقترب من إلياس الذي يطالعها بصمت وهي تحاوره بعيناها قائلة بلهفة أم غاب عنها وليدها لأعوام:

حبيبي ممكن أطلب منَّك  طلب ..رمقها بنظرةٍ مستفسرة، ابتلعت ريقها واقتربت خطوةً أخرى مع ازديادِ عبراتها، وهناكَ مايفيضُ القلبَ بالغصَّاتِ  المريرة… ناهيكَ عن آلامها كالأشواكِ التي تنخرُ بجوفها، وهي تريدُ أن تضمَّهُ وتستنشقَ رائحتِه...عيناها تخترقهُ تبحثُ فيه عن وليدها المفقود…

ظلَّت تتحركُ إلى أن وصلت أمامِه، وعينيها تحاورهُ بأن يرحمَ ضعفها.

لايعلمُ لماذا انشطرَ قلبهِ على حالتها تلك التي لأوَّلِ مرَّةٍ يراها بها..

ضعُفَ أمامَ دموعها وكأنَّ الله وضعَ رحمتهِ بها ذاكَ الوقتِ لينحني ويحتضنَ كفَّيها: 

تعالي ارتاحي، ماعرفشِ إيه اللي حصل معاكي، لو عايزة تحكيلي أنا سامعِك. 

شهقةٌ مُلتاعةٌ خرجت من فمها لتضعَ كفَّيها على فمها بوصولِ ميرال التي هرولت على ارتفاعِ بكائها، رفعَ إلياس نظرهِ إلى والدهِ وهتفَ بصوتٍ مرتفعٍ إلى حدٍّ ما:

مالها، أكيد حضرتَك عارف..ابتعدَ بنظرهِ وعجزَ عن كلِّ شيئ، يحدِّثُ حاله، هل سيعاقبِهُ ربِّهِ بفعلته…تحرَّكَ إلياس إلى توقُّفِ والده: 

بابا، مدام فريدة مالها؟..

أطبقت على جفنيها وكأنَّ كلمةَ مدام اخترقت أُذُنها وكأنها تستمع لصدى صوت عويلٍ مرتفعٍ يصيبها بالذعر. 

ماما حبيبتي إيه اللي حصل، بقالِك كام يوم وإنتِ كدا، مخبيَّة على بنتك إيه؟!.. 

كانت عيناها على إلياس الذي توقَّفَ متخصِّرًا ثمَّ أردفَ بعد صمتِ والده:

-معرفش بتبص لي ليه..قالها مقتربًا منها، توقف أمام جلوسها

-مدام فريدة، متحاوليش تعملي كدا علشان مبحبش الأسلوب دا 

آلمها حديثه، وكأنه غرس خنجرًا لصدرها..رفعت نظرها إلى مصطفى وهمست بضعف

-موافقة يامصطفى اروح للدكتور، تراجعت بنظرها إلى إلياس واكملت بارتجافة قلبها

-إلياس اللي ياخدني ...

-أنا طيب ليه؟!..توقفت بمقابلته، تحتضن كفيه، وابتلعت غصة كالعلقم أحكمت حلقها بالأختناق تتابعه بعيناها بترجي 

-مش انت جوز بنتي، يعني ابني ..قالتها بمرارة مع دموعها 

ميرال ساعديها، خلِّيها تِجهَز هناخُدها للدكتور ..

تراقصَ قلبها فرحًا من موافقته، قاطعهُ مصطفى: 

إلياس إنتَ ماكانشِ وراك شغل يالَّه حبيبي، ربنا يوفَّقك.. قالها مصطفى حتى لا يتسلل الشك لقلبه بشيئا اخر، هو يعلمه حد المعرفة، سيقلب الموازين على فريدة 

هزَّ إلياس رأسهِ وعينيهِ عليها، ثمَّ أشارَ إليها:

طيب خُدها لطبيب نفسي، شوف مالها.. 

ربتَ مصطفى على كتفهِ يهزُّ رأسهِ قائلًا:

ماتخافش، شوف إنتَ شُغلك حبيبي. 

توقَّفت سريعًا مقتربةً منهُ قائلة:

مش إنتَ وعدتني تاخدني إنتَ وميرال، ليه غيَّرت رأيك؟.. 

فتحَ مصطفى فمهِ للحديثِ ولكنَّها قاطعتهُ تترجَّاهُ بعينيها، تريدُ أن تنعمَ ببعضِ الوقتِ بجواره، قاطعَ نظراتها مع مصطفى صوتِه: 

بابا قال هيخدِك، عندي شُغل مهمّ يبقى طمِّني ..بترَ حديثهِ ينظرُ إلى ميرال وتابعَ قائلًا:

يبقى طمِّنيني ميرال علشان ماتقولشِ مش مهتم بيكي..

استدارَ للمغادرة، ولكنَّهُ توقَّفَ على صوتِ والدِه: 

خلاص لو قدَّامَك وقت ممكن تاخدها معاك إنتَ وميرال، افتكرت عندي شغل مهم  ...توقَّفَ متردِّدًا ينظرُ لدموعها، مسحت دموعها مع ابتسامةٍ وهو يهزُّ رأسِه: 

هستناكوا بالعربية..قالها وتحرَّكَ للخارجِ سريعًا: 

أشارَ مصطفى لميرال قائلًا:

إجهزي حبيبتي وأنا هطلع معاها..أشارت على خروجهِ وابتسمت: 

شوفت يامصطفى كان خايف عليَّا إزاي…حاوطَ كتفها وصعدَ بها إلى غرفتهِم، توقَّفَ متنهِّدًا ثمَّ تحرَّكَ إلى خزانةِ ملابسها دونَ حديث، كانت تتابعُ تحرُّكهِ بحزن، جلست على الفراشِ وتمتمت:

إنتَ السبب في اللي أنا فيه..جحظت عيناهُ والتفتَ بنظرهِ إليها يشيرُ إلى نفسهِ متحيِّرًا:

أنا السبب!..ليه أنا اللي خطفت ولادِك؟.. 

هبَّت من مكانها واقتربت منهُ تنظرُ لمقلتيه:

إنتَ لو عرَّفتني الحقيقة من يوم ما دخلت البيت دا،كان هايكون أهوَن من عذابي دلوقتي، إلياس لازم يعرف إنِّي أمُّه.

توسَّعت عينيهِ بذهول، اقتربَ منها وأطبقَ على ذراعيها يهاتفها بتحذير: 

يبقى بتقضي عليه، لازم تهدي علشان أعرف أفكَّر، لازم نمهِّدلُه الموضوع، أوعي يافريدة تتهوَري، وقتها بس هتخسريه للأبد، إنتِ فاهمة يعني إيه فجأة بعد العمرِ دا كلُّه يعرَف أنُّه مش ابني، إنتِ كدا هتدفنيه بالحياة، إلياس أنا عارفُه كويس، كرامتُه ورجولتُه فوق أي حد، وممكن وقتها يدوس عليَّا أنا شخصيًا. 

هزَّت رأسها رافضةً حديثهِ وتمتمت من بينِ بكائها: 

مش هقدر يامصطفى، احتضنت كفِّيهِ  تقبِّلُه، وحياتي عندك يامصطفى ساعدني أقرَّب منُّه، هوَّ بيحبِّني بدليل النهاردة، مش يمكن ربنا حنِّن قلبه عليَّا ويتفهَّم الوضع. 

احتضنَ رأسها يمسِّدُ على ظهرها طابعًا  قبلةً فوقَ رأسها: 

حاولي يافريدة علشان خاطرُه، ابنك ممكن يضيع منِّنا.

تراجعت مبتسمةً تزيلُ عبراتها تتمتمُ بخفوت: 

ابني…ياحبيبي، الكلمة طعمها حلو أوي، ياااه لو أضمُّه بس ..

أخرجَ تنهيدةً متألِّمةً على حالتها ثمَّ سحبَ كفَّيها قائلًا باطمئنان: 

إن شاء الله حبيبتي، إهدي وكلِّ حاجة هتحصل، كويس إنِّك هاتروحي للدكتور وهوَّ معاكي، إحكي للدكتور، أنا مش عايز آجي علشان وقتها هيشُك، وأوعي تنسي إن إلياس ذكي جدًا فوق ماتتخيَّلي، بدليل ملاحظتُه تغييرِك...عرفي الدكتور وهو هيقولك تعملي ايه 

بعدَ قليلٍ أمامَ السيارة كانَ يتحدَّثُ بهاتفه: 

الست عندها السكَّر، خلاص يابني، مشِّيها ، مش ناقص بلوة، خلِّي حد يوصَّلها لحدِّ بيتها، وأنا بعدِ الفرح هزورها، المهم لمَّا تفوق ماتسبهاش  تروح لوحدها ...استمعَ إلى حذاءٍ ذو كعبٍ عالٍ خلفه، استدارَ بعدما استنشقَ رائحةَ مجنونتِه، استندَ على السيارة يتفحَّصُها بتدقيق، اقتربت حتى توقَّفت  أمامهِ مباشرةً قائلة:

لو حد قالِّي إنَّك لطيف واتنازلت عن كبرياءك وهتاخد ماما للدكتور ماكُنتش هصدَّق..ابتسامة زيَّنت ملامحِه، فدنا  منها ورفعَ أناملهِ يضعُ خصلاتها المتمرِّدة خلفَ أذنها ثمَّ انحنى يطبعُ قبلةً فوقَ وجنتيها لتشعرَ بشللٍ كاملٍ بجسدها، رفعت عينيها المصدومة لتقابلَ عينيهِ المبتسمة، حاوطها بذراعيهِ غامزًا بعينيه:

علشان أصالحِك بس مش أكتر، دماغي وجعاني وهتُعقدي تقولي كلام إمبارح  وأنا مش عايز أتناقش..غير بشوف المخطوبين بيخرجوا يقضوا وقت لذيذ مع بعض

كتَّفت ذراعيها تهزُّ رأسها وهدرت به:

أه، قولت أضحَك على الهبلة بمشوار مع مامتها، وأبيِّن اهتمامي..صح ياحضرة الظابط؟..

وضعَ كفَّيهِ بجيبِ بنطالهِ وأفلتَ ضحكةً  رجوليةً يهزُّ رأسهِ قائلًا:

أيوة كدا بالظبط، إنَّما من إمتى وإنتِ  ذكية كدا؟.. 

دفعتهُ بصدرهِ تجزُّ على أسنانها: 

مستفِّز، طيِّب إضحَك عليَّا.. ضمَّها  ومازالت ضحكاتهِ تعلو، نظرَ إليها وهيَ مازالت بأحضانِه: 

طيِّب مش عيب ظابط عندُه هيبة زيي يكذِب، والمشكلة أنُّه يكذِب على حاجة مش مستاهلة.

نسيَت كلَّ شيئٍ وهي تنظرُ لقربهِ واحتضانِه، ناهيكَ عن ضحكاتهِ التي بدأت تظهرُ في بعضِ الأحيان، لم تشعر بنفسها وهي تهمسُ بصوتٍ خافتٍ وصلَ إليه:

إلياس ممكن تحضُنِّي..توقَّفَ عن الضحكِ   يطالِعُها بصمتٍ للحظات، شاهدَ بعضَ الخطوطِ الكرستاليةِ من الدموعِ التي زيَّنت عينيها، لفَّ ذراعيهِ يضمُّها  لأحضانِه، أغمضت عينيها وتمنَّت أن يتوقَّف كلَّ شيئٍ حولها، تمنَّت أن لا ترى شيئًا سواه، ولا تسمعُ شيئًا سوى صوتهِ  الممزوجِ بدقَّاتِ قلبه، ولا تستنشقُ سوى رائحتهِ الخلاَّبة بأنفاسهِ المختلطةَ برائحةِ سجائرِه، شعورٌ ممزوجٌ بالسعادةِ  والخوف، مسَّدَ على خصلاتِها وداخلهِ صراعٌ يؤلم ُروحهِ بينَ القلبِ الذي يطمعُ بأكثرِ من ذلكَ وعقلهِ الذي يرفضُ ذاكَ القربُ المدمِّر. 

شعرَ بأنفاسِها الناعمة على جلدِ صدرهِ  من فتحةِ قميصهِ فحاولَ الابتعادَ  محمحمًا:

إركبي..مينفعشِ نفضل كدا، الأمن في كلِّ مكان، قالها بخروجِ مصطفى بجوارِ فريدة، توقَّفت تنظرُ لخطواتِ والدتها الواهية، وكأنَّها تحاولُ أن تتماسكَ أمامهم، أشارَ مصطفى إلى ميرال: 

ميرو أقعدي ورا حبيبتي، خلِّي ماما قدَّام  علشان ترتاح أكتر. 

أومأت دونَ حديث، فتحت البابَ وجلست مع إشارةِ إلياس للسائقِ قائلًا:

هاخد السوَّاق علشان مدام فريدة، هترجَع لوحدها، عايز آخُد ميرال تشوف فستان الفرح.

أومأَ لهُ قائلًا: 

هخلَّص شويِّة شغل، يبقى كلِّمني وأنا هروح أجيبها. 

جلست فريدة بجوارِ السائقِ بعدما فشلَ  مخططُ مصطفى بوجودها بالقربِ من إلياس لبعضِ الوقت، بالخلف..أخرجَ هاتفهِ وظلَّ يتفحَّصُ بعضَ المواقعِ الإخبارية، التفتت إليهِ فريدة: 

إلياس ممكن بعدِ مانخرُج من عندِ الدكتور نتمشَّى على الكورنيش شويَّة. 

كورنيش..قالها مستغربًا، ضغطت ميرال على كفِّهِ تهزُّ رأسها بالموافقة. 

هزَّ رأسهِ قائلًا:

أوكيه ..بس أنا عندي شغل، هكلِّم بابا، قاطعت حديثهِ قائلةً وهي تستندُ على المقعد: 

لا خلاص مش عايزة ..استغربَ ردَّها، وكذلكَ ميرال التي طالعتهُ بأعينٍ متسائلة..مطَّ شفتيهِ ونظرَ للخارجِ وتلاعبَ عقلهِ بهِ بأنَّها تقومُ بالتمثيلِ عليه ..ظلَّ ينقرُ بأصابعهِ على ساقيهِ بتوتُرٍ  وغضب، وهناكَ الكثيرُ من السيناريوهات التي رسمها عقلهِ بأنَّ أفعالها ماهيَ إلَّا كذبة.

احتضنت ميرال ذراعهِ تضعُ رأسها على كتفهِ متمتمةً وهي تنظرُ للخارج: 

يعني هتكون جوزي ببلاش، راسي تقيلة ومحتاجة أنام. 

رفعَ حاجبهِ ساخرًا:

ودا اسمُه إيه إن شاءالله، هوَّ أنا مخدَّة ..رفعت رأسها عن كتفهِ وابتسمت قائلة:

ياريت أهو كنتِ استفدت منَّك، كانت عيناهُ ترسمها بحبٍّ لأوَّلِ مرَّة، كم هي جميلةٌ شقيَّةٌ كالأطفال، رفعَ خصلاتها بأناملهِ وانحنى يهمسُ بجوارِ أذنها:

تستفادي منِّي إزاي يعني يامراتي يابايرة، وضَّحي علشان أعرَف أفيدِك ..قالها بغمزةٍ بطرفِ عينيه… 

رعشةٌ أصابت جسدها من مكنونِ حديثه، ابتعدت بجسدها للخلفِ وسحبت بصرها من مرمى عينيه تنظرُ للخارج، وصلت السيارةُ بعدَ قليلٍ أمامَ إحدى العياداتِ الكبيرةِ للطُّبِ النفسي. 

ترجَّلَ أولًا يفتحُ بابَ السيارةِ لفريدة، وأمسكَ كفَّها يساعدها على الخروج ، رفعت رأسها بابتسامةٍ وشعرت بالدوران فاستندت عليه، ليضُّمها إلى أحضانه:

مالِك حاسبي هتوقعي، تعلَّقت بذراعيه وتمنَّت أن يضمَّها لأحضانه، ولكن خيَّبَ  آمالها بعدما أشارَ للمسعفين بإحضارِ  إحدى المقاعدَ المتحرِّكة. 

بعدَ فترةٍ بإخبارِ الطبيبِ بكلِّ شيئٍ وكيفَ ستتعاملُ معهُ في الفترةِ القادمةِ  

خرجت له، كانَ يجلسُ بالخارجِ بجوارِ ميرال بعدَ رفضِ الطبيبِ بحضورِ أحدهما للداخل. 

توقَّف ودلفَ للطبيبِ بناءً على تعليماتِه..جلسَ أمامهِ متسائلًا: 

حضرتَك، النيرس قالت إنَّك طلبتني. 

تصنَّعَ الطبيبُ النظرَ بورقهِ وتسائل:

أنا سألتها مين معاكي برَّة، قالتلي ابني ومراتُه..صمتَ الطبيبُ يدقِّقُ بردَّةِ فعله. 

امتعضَ وجههِ بالغضبِ إلى حدٍّ ما قائلًا:

بس أنا مش ابنها، دي ...صمتَ لبعضِ  اللحظات وسحبَ نفسًا متنهِّدًا: 

أه..زي ابنها، هيَّ اللي ربتني بعد والدتي الله يرحمها.

بتحبَّها...سؤال سريع ألجمه، لينظرَ للطبيبِ بتيه، ثمَّ تسائل:

ليه حاسس إنَّك بتعالجني أنا؟!..مش أنا المريض...توقَّفَ الطبيبُ من مكانهِ واقتربَ منهُ يجلسُ بمقابلته: 

مش يمكن اللي هيَّ فيه دا بسببَك…

سؤالٌ آلمهُ ورغمَ ذلكَ جاهدَ بإخفاءِ  مايشعرُ بهِ من اعتصارِ قلبه، ينظرُ للطبيبِ وأجابه بصوتهِ الرخيمِ الثابت:

ليه طفل وعامل إضراب عن الأكل؟!.. 

يمكن علشان مرات أبوك...قالها الطبيبُ وعينيهِ تخترقُ أعينَ إلياس..

توقَّفَ إلياس معتذرًا:

إجابتَك مش عندي يادكتور..أنا مابظلِمش، ماعرفشِ مدام فريدة حكت لك إيه، بس اللي أعرفه ومتأكِّد منُّه إنِّي  بحترمِها..

لازم تحترمِها.. مش زي والدتَك. 

تحمحمَ إلياس وانحنى ينظرُ للطبيب: 

ماتحاولشِ تستفزِّني، قولت لحضرتَك  علاج مدام فريدة مش عندي..

وليه واثق أوي كدا ياحضرة الظابط.

اعتدلَ بجسدهِ وارتدى نظارتهِ ثمَّ أجابه: 

لسة بقولَّك يادكتور أنا مابظلمِش حد.

ماهيَّ مرات أبوك. 

ولو ...إيه المشكلة حق بابا يتجوِّز، ماليش حق أرفض...أنا مش طفل محتاج الرضعة 

طيِّب ليه مابتقولَّهاش ياماما، مش في مقامِ والدتك؟!..

يووو،تحرَّكَ بعدما تشدَّقَ بها وغادرَ  مهرولًا للخارج...بحثَ بالخارجِ عنهما ولكنَّهُ لم يجدهما، تحرَّكَ وهو يرفعُ هاتفُه: 

إنتِ فين ...أجابتهُ على الجانبِ الآخر:

عمُّو مصطفى جِه تحت وأنا منتظراك عند العربية.

وصلَ بعدَ دقائقَ وجدها تستندُ على السيارةِ وتنظرُ بشرودٍ لحركةِ السياراتِ. 

اتَّجهَ يشيرُ للسائق: 

إرجع إنتَ ..قالها وهو يفتحُ بابَ السيارةِ ويستقلَّها دونَ حديث..جلست بجوارهِ  واستدارت بجسدها إليهِ تسألهُ بلهفة:

ماما مالها ياإلياس، ليه متغيَّرة؟!.. 

قامَ بتشغيلِ محرِّكَ السيارةِ وارتفعَ جانبَ وجههِ بابتسامةٍ ساخرةٍ قائلًا: 

بتدلَّع، مامتك بتتهمِّني إنِّ أنا السبب في اللي هيَّ فيه.

إنتَ اتجنِّنت.. ماما ليه تتهمَك!.. 

التفتَ إليها سريعًا، وشيَّعها بنظرةٍ مميتةٍ:

إيه..اتجنِّنت دي، شيفاني خالع هدومي..

ليه همَّا المجانين اللي بيخلعوا هدومهم.. 

ميرال إخرسي مش ناقص هبل، أنا غلطان إنِّي بتكلِّم معاكي، وغلطان اصلًا اني جيت معاكم، مالي ومالها

سحبت نفسًا قويًا، عندما أوشكت على البكاء من طلقات كلماته، مردفة بنبرة باردة:

إنتَ على طول غلطان ياحضرة الظابط، دايمًا ترميها بالتهم.. تعبت منَّك وزهقت، يمكن من كترِ ضغطَك عليها انفجرِت، ويمكن عمُّو مصطفى ضغط عليها في موضوع جوازنا دا.

توقَّفَ بالسيارةِ فجأة وأطلت من عيناه نظرة قاسية بتكررها نفس الحديث: 

مالُه جوازنا، عايزة تقنعيني إنَّها رفضاه؟!..

طيِّب إيه رأيِك هيَّ أكتر واحدة مرحِّبة  بالموضوع دا، دا لو ماخطِّطش.

أسُكت بقى ياإلياس حرام عليك إنتَ إيه، على طول سوء ظن أنا تعبت من دا، إمبارِح قولتلي مفيش حد ينفعِك غيري، وبعدها بدقائق تنزِل لماما وتقولَّها أنا من غيري مش فارقة..لوَّحت بكفَّيها وانهارت باكية:

أنا مابقتشِ فاهمة إنتَ عايز إيه، عايز الجواز دا ولَّا إيه ...قطعَ حديثها عندما التفتَ إليها يجذبُ رأسها ويقبضُ على ثغرها بخاصَّتهِ ليمنعَ ترَّهاتها من الحديثِ الذي سيودي بهما إلى الجحيم.

لحظاتٍ وهو يتنعَّمُ بتلكَ الشفاهِ التي يتذوَّقها لأوَّلِ مرَّة، قشعريرةٌ لذيذةٌ  ضربت كلٍّ منهما ولم تشعر بنفسها وهيَ  تحاوطُ عنقهِ متناسيةً كلَّ ما مرَّ بهما..لحظاتٍ ناعمةٍ وهما يشعران بنعيمِ الجنَّةِ الغائبةِ عنهما..تركها حينما شعرَ باحتياجها للتنفُّس، وابتعدَ متَّجهًا للسيارةِ دونَ حديثٍ وقامَ بتشغيلها وكأنَّهُ لم يفعل شيئًا...ابتعدت تنظرُ من النافذةِ تغمضُ عيناها بأسفٍ على ماتوصلَّت إليه، كيفَ لها أن تضعف، بدأت تلومُ حالها على ما فعلهُ بها ...آهة

طويلة أخرجته من أعماق روحها، مع دقات قلبها المرتفعة، تغمض عيناها تتذكر تلك القبلة التي ارتجف الجسد بالكامل إليها ..لم تقو على النظر إليه، ضعفت وضعفت إلى أن تمنت تلقي نفسها بأحضانه مرة أخرى 

أمَّا هوَ شعورًا داخلهِ  يدغدغُ مشاعرِه، يريدُ أن يعودَ إلى تلكَ الجنَّةِ مرَّةً أخرى ليتنعَّمَ بالسعادة، لامَ نفسهِ بعدما شعرَ بارتفاعِ حرارةِ جسدِه، وهناكَ شعورًا يُجبرِهُ بالانسياقِ وراءَ رغبتهِ  بجذبها إلى أحضانهِ مرَّةً أخرى، 

أغمضَ عينيهِ يسحبُ نفسًا للتحكُّمِ  بنفسه، دقائقَ من الصمتِ بينهما إلى أن قطعه؛

مش عايز فستان عريان، هقطَّعُه لو حاولتي تستفزِّيني، وحاولي تخلِّيها  تعملِّك طرحة زفاف، الفرح ملايين من الناس هايشوفوه، وأكيد هيكونوا  محتفظين بفيديوهات، الفستان يكون بكُم ..ممنوع كوافير راجل أو مصمِّم  يقرَّب منِّك أو يلمسِك.

كانت تستمعُ إليهِ بسعادة، أيُعقَل أنَّهُ يغيرُ  عليها كما أخبرتها والدتها...توقَّفَ أمامَ أحدِ أكبرِ الأتليهاتِ المشهورةِ بتصميمِ  فساتينِ الزفاف، ترجَّلَ أولًا ثمَّ استدارَ  يساعدُها بالنزول، احتضنَ كفَّها ودلفَ  للداخلِ بخطواتهِ المتعاليةِ والواثقة.

وصلَ إلى الداخلِ خلالَ دقائقَ وخرجت المسؤولةُ ترحِّبُ بهم بعدَ معرفتها بهويتهما، أشارت لأحدِ المصمِّمين: 

دا مستَر تَيم الديزاينِر.. تابعت حديثها:

من أكفئِ المصمِّمين، الآنسة تقولُّه اللي محتاجاه وهوَّ هاينفِّذُه بالظبط.

أشارَ بيدهِ بالتوقُّف، واتَّجهَ بنظرهِ إليها  فتحدَّثَت نيابةً عنه: 

محتاجة ديزاينر ديالا عجباني.. لو موجودة...أشارت إلى الرجلِ بالتحرُّكِ مع استدعائها لتلكَ المصمِّمة، ابتسمَ برضا متحرِّكًا للمقعدِ بينما هي توقَّفت تتحدَّثُ  معَ المصمِّمة.. تحرَّكت للداخلِ وعينيهِ  تراقبُ تحرُّكها بكلِّ دقة، تلاعبُها بأناملها مرَّة، وحركاتها فوقَ خصلاتِها... توقَّفَ  متَّجهًا بعدما وجدَ أحدهِم يقتربُ ببعضِ التصاميم، شعرت باقترابهِ فجذبت الكتالوج تقلِّبُ فيه مع حديثها للشخصِ مع تلكَ المصمِّمة، حاوطَ خصرها ينظرُ للذي تنظرُ إليهِ متسائلًا:

بتتفرَّجي على إيه؟.. 

وضعتهُ أمامِه: بختار قصَّة تتناسب مع الموديل، ظلَّ يقلِّبُ معها ويتفحَّصُ  بتدقيقٍ إلى أن وصلَ إلى إحداها، وأشار: 

دا كويس... نظرت إليهِ متذمِّرة 

إيه دا ياإلياس، عايزة واحد سمبل دا واسع أوي. 

همسَ بجوارِ أذنها: 

السمبل دا يتلبِس ليَّا لوحدي مش لجمهورية مصر العربية.

رفعت رأسها تنظرُ لعينيهِ القريبة، وتاهت بقربهم مع ارتعاشةٍ خفيفةٍ أفقدتها توزانها إلى أن أفاقتها المتوقِّفة: 

الأستاذ ذوقُه حلو، بالعكس الفستان هايكون واو.

ابتسمَ يغمزُ لها:

إيه رأيك ياروحي.. نظرت لكفِّهِ المحتضنُ  لخصرِها ثمَّ رفعت عينيها لهُ بعدَ تحرُّكِ  الفتاة:

إلياس إنتَ بتحبِّني.. رجفةً قويةً تسرَّبت  لجسدهِ يطالِعُها بشرود، احتصنت ذراعيهِ  كي لا يهربَ كعادتهِ وحاورتهُ برجاء: 

جوازنا حب ياإلياس وخلفُه ستار العيلة، ولَّا إيه.،وضعَ أناملهِ على شفتيها قائلًا:

ميرال جوازي منِّك عقل، أنا مش بتاع حب، لو عايزة شخص يدلَّع ويحِب يبقى ننفصل من دلوقتي، اخترتِك بعقلي، شوفت فيكي أمِّ ولادي، بلاش عقلِك  يرسِم خيالات تانية.

طيِّب ليه بوستني.. ابتعدَ بنظرهِ ورسمَ  البرودَ بملامحٍ جامدة: 

عادي أي اتنين مخطوبين بيبوسوا بعض، فدي مش حاجة يعني..

انهارت أحلامها وتجمَّعت دموعها، تجذُبُ حقيبتها بوصولِ العاملة:

إيه رأيِك نحُط فصوص لولي.. طالعتهُ وأجابتها:

خلِّيه سادة من غير أيِّ زينة ولو غيَّرتي  لونه لأسود هايكون أفضل.

أشار للمصممة مردفًا

-عايز احلى تصميم يخرج معاكي، أهم حاجة يكون مقفول، ومش عايزه ضيق

قالها وتحرك خلفها، وجدها تقف أمام السيارة تنظر بشرود، اقترب منها واراد مشاكستها، حاوط أكتافها مردفًا:

-طيب أنتِ عايزة ايه، عايزة تتخانقي وخلاص، طيب ياستي انتِ زي القمر ومش محتاجة كلام معسول

رفعت عيناها بدموعها التي انسابت رغمًا عنها

-عايز مني إيه ياإلياس..

-تتحجبي!!

رفعت رأسها تطالعه بذهول، ضغطت على ثيابها مع ارتفاع أنفاسها، ثم استدارت تفتح باب السيارة قائلة: 

-عايزة اروح، لو سمحت مش قادرة اتكلم في حاجة 

استقل السيارة بجوارها دون حديث آخر، وضعت رأسها على النافذة تنظر للخارج وانهمرت دموعها بصمت، تبغض دواخلها التي تريد قربه واحتضانه، شعور بالقهر لديها وهي تراه بذاك التلبد بالمشاعر، ماذا عليها أن تفعل حتى يشعر بنبض قلبها..نبض قلبها كررتها بينها وبين نفسها، نعم لقد خانني قلبي بالنبض إليه، كيف ياقلبي ستتحمل ذاك الجمود ممن عشقته

شعرت بأنامله على كفيها، استدارت برأسها تسحب كفيها قائلة بخفوت:

-انت رايح فين، أنا قولت تعبانة وعايزة اروح 

-استحملي نص ساعة كمان.

تراجعت بجسدها واغمضت عيناها مبتعدة من نظراته..

طاف بعيناه ببطئ على ملامحها الناعمة، دنى برأسه يهمس بجوار أذنها 

-جميلة وانت هادية، اتمنى تفضلي كدا 

فتحت عيناها تنظر لقربه وهو ينظر إلى الطريق يفتح يديه إليها ليحتضن كفيها، نظر إليها لتضع كفيها بحضن كفيه...ابتسم ليرفعه يطبع قبلة عليه وتابع مستطردا 

-عايزة تلبسي فستان اسود يامرمر

ضيقت عيناها مبتسمة رغمًا عنها بعدما تذكرت الفستان وتمتمت:

-مرمر.. إيه مرمر دي كمان..قهقه على مظهرها الطفولي قائلًا:

-مرمر دي بعد الجواز ..زمت شفتيها تطرق بأناملها بعصبية على ساقيها ملتفتة إليه:

-ليه يااليأس باشا، ماله ميرو، مرمر دا مش عجبني 

-بجد..هزت رأسها هاتفة:

-بجد محبتوش ..رفع حاجبه بترفع متظاهرًا بإستخفاف وهتف: 

-بس عجبني أنا، مش مهم إنت ..

مش إنتِ بتقولي يأس، سبيني أنا كمان أقول اللي عايزه 

-سؤال مهم لإلياس باشا ..نظر إليها منتظر حديثها 

-هو انت هتفضل كدا طول حياتك..

زوى مابين حاجبيه مستفسرًا عن ماذا تعني ..استدارت بجسدها 

-هتفضل بارد ورخم كدا 

توقف فجأة بالسيارة حتى اصطدمت بكتفه..نظر إليها محاولًا السيطرة على ألا يغضب عليها، سحب نفسًا:

-عايزة إيه ياميرال من الآخر كدا !!

-هتزعل مني ..

نظر للإمام وأردف بنبرة جافة:

-لا مش هزعل، انطقي عايزة ايه 

-ابتلعت ريقها بصعوبة، وشعرت بغصة تمنع تتفسها، وهي ترى جموده أمامها 

-ليه عايز تتجوزني ياإلياس، ومش تقولي الكلام الأهبل بتاعك لأني مش مصدقة، اقتربت بجسدها تدير وجهه إليها تتعمق بالنظر بعيناه

-مش هزعل وعد، مررت أناملها على وجنتيه بعدما فقدت قدرتها على الصمود أمام قلبها 

-عايز تنتقم من ماما فيّا ياإلياس صح 

أطبق على جفنيه من حركتها الناعمة التي جعلت قلبه كمعزوفة موسيقة، ارتفعت أنفاسه بعدما دنت أكثر واختلطت أنفاسها الناعمة بأنفاسه الحارة تهمس له 

-عايز تنتقم مني صح..كررتها مرة أخرى، فتح عيناه لقربها المهلك لرجولته، رفع كفيه بلحظة غياب للعقل وابتسم وهو يضمها لصدره وتنهيدة حارقة قائلًا:

-أنا مش هجاوبك ياميرال على السؤال دا، بس لو إنتِ شايفة إن إلياس دا طبعه يبقى خلاص مهما أقول كلامي مالوش أهمية ..ابتسمت داخل أحضانه واغمضت عيناها تسحب رائحته الرجولية ..قاد السيارة بعدما راق وجودها بأحضانها وهناك سعادة تقوده إلى التنازل عن صموده أمام عاصفة الحب ..وصل إلى أكبر متاجر المجوهرات..لم تشعر إلا بتوقف السيارة، ظل صامتًا لمدة دقائق وهو يراها بأحضانه كالطفل

الذي يحتاج الحنان من والداته، مسد على خصلاتها وطبع قبلة فوق رأسها 

-مرمر وصلنا، بس لو عجبك حضني، ممكن افرد كرسي العربية ونحضن بعض طول الليل عادي، اعتبرينا متجوزين 

اعتدلت تنظر حولها وتراجعت معتذرة 

-آسفة، شكلي نمت 

أشار إلى صدره وهتف بمزاح 

-لا صدري اللي حنين ياحبيبتي..

-حبيبتك، فتح باب السيارة، يشير إليها بالخروج 

-انزلي ياميرال، ابطل اتكلم خالص علشان ترتاحي 

سحب كفيها ودلف للداخل يطلب من صاحب المحل ...

-عايز  أحلى تشكيلة خواتم او أطقم اي حاجة تليق بمدام إلياس السيوفي 

طالعته بذهول قائلة:

-مالوش لزوم يإلياس..أشار إليها بالصمت، نهض الرجل قائلًا:

-لسة طقم واصل حالا إلياس باشا، هيكون على المدام رائع 

-رمقه بنظرة مميتة مردفًا:

-لا ملكش دعوة انت هيكون عامل ازاي، هاته وبس ...

وضع الرجل أمامهما بعض من الأطقم، فأشار إليه بالرفض 

-مش حلوين...أمسكت خاتمًا به بعض الفصوص الألماسية، أشارت إليه 

-حلو دا ياإلياس هناخده...اغلق العلبة ورفع نظره للرجل 

-دول أحسن حاجة عندك...

اومأ الرجل برأسه، فنهض يسحب كفيها 

-غلطنا في العنوان حبيبتي تعالي نشوف غيره، قالها واستدار، فأوقفه الرجل متمتمًا:

-عندي واحد معمول خصيصًا لرجل أعمال خليجي لو عجبك بكرة الصبح يكون عندك ...توقف مستديرًا اليه، فأخرجه له ..توقفت بجواره تنظر إليه بذهول، استمعت إلى الرجل 

-الطقم دا غالي جدا ياباشا، دا أمير لدولة عربية طلبه مخصوص 

ملس بأنامله عليه، ثم حاوط خصرها يشير إليها برأسه

-عجبك..رفعت قلادته تنظر إلى فصوصها التي تحتوي على الزمرد الخالص 

-حلو أوي، بس شكله غالي أوي حبيبي 

أردفت بها دون وعي ...خفقة لذيذة انتابته، رغم أنها لم تعي لما تفوهت به وهي تتفحص تلك الاساور التي أمامها 

همس لها: 

-الغالي يرخص لك ..رفعت عيناها مبتسمة ثم وضعته 

-صدقني مش فارق معايا كفايا انك افتكرت حاجة مهمة زي دي ..

استدار للرجل 

-عايزه بس مش نفس الشكل، هتعملي القلوب دي فراشات صغيرة واللون الأزرق خليه اخضر، ووصلي الخواتم بالاساور بتعته، المهم يكون مختلف واحسن من دا 

احتضنت ذراعه ولمعت عيناها بالسعادة وهي تراه يشترط بتغييره للأفضل ..تحرك بعدما أعطاه التفاصيل الكاملة..خرج وهي بجواره تتحرك كالاميرة التي توجت بالتاج الملكي 

توقف أمام السيارة ينظر لكفيها الذي يتشبث بذراعيه: 

-نتعشى بدل العشا اللي باظ 

دفنت رأسها بكتفه وافلتت ضحكة 

-لسة فاكر..رفع ذقنها يملس على وجنتيها 

-بتكوني جميلة وانت بتضحكي، دايما اضحكي 

اعتدلت بجسدها واحتضنت عيناه بنظراتها العاشقة متمتمة:

-مش يمكن علشان انت جنبي ..حاوط جسدها وطبع قبلة فوق خصلاتها 

-ربنا يخليكي ليا...تنهيدة عميقة اخرجتها وهي تشعر بالسعادة تحاوطها 

بعد قليل وصلوا لأحدى المطاعم المشهورة، ترجل وهي تجواره وابتسامتها الخلابة تزين وجهها ، خلل أنامله بأناملها وتحرك إلى الداخل 

وصل لإحدى الطاولات التي تطل على النيل مباشرة بأحد الأركان الهادئة...جذب المقعد واجلسها واتجه يجلس بمقابلتها 

-تاكلي ايه!! ...هزت أكتافها قائلة؟!

-اللي تختاره...أدار الكوب الذي أمامه وتعمق بالنظر إليها 

-يعني اللي بحبه هتحبيه..استندت على كفيها وهزت رأسها متمتمة:

-أكيد ...وصل بعد قليل الطعام يشير إليها 

-اتمنى ذوقي يعجبك

طافت بنظرها مبتسمة 

-دا أكلي المفضل، ضيق عيناه متصنع عدم الفهم 

-بجد..اعرف انك ميالة للاكل التركي اكتر من الايطالي 

دنت برأسها كأنها تهمس له وتعمقت بالنظر لعيناه 

-تؤ يازوجي العزيز، مبحبش تعاملني على إني غبية 

أطلق ضحكة رنانة، وتراجع بجسده يشير إليها بالأكل 

-طيب كلي يامراتي العزيزة، مش محتاج اعاملك على إنك غبية 

ترفعت بحاجبها الأيسر متدللة بحديثها 

-والله، يعني انا غبية ..امسك الشوكة والسكينة ومازالت ابتسامته على وجهه يهز رأسه:

-لا سمح الله أنا اللي غبي متزعليش 

هزت رأسها معترضة بشقاوة 

-بتحب تهرب وخلاص ..ظلا لبعض الوقت وهم يتناولون الطعام مع بعض الأحاديث الجانبية إلى أن توقفت عن الطعام 

-إلياس عايزة ارجع شغلي 

-حاضر..قالها بهدوء وهو يتابع المطعم بنظراته 

بجد ..قالتها بسعادة طفلة حصلت على أفضل ألعابها، التفت إليها وهو يلوك طعامه بهدوء يهز رأسه 

-ايه الغريب في كلامي، حقك ترجعي شغلك،  بس بشرط 

طالعته منتظرة حديثه بلهفة 

وضع السكين وتراجع بجسده للخلف ودقق النظر بها قائلًا:

-ابعدي عن اللقاءات السياسية، بلاش شغلك في رصد الخبر، ممكن تعيني طقم لكدا، إنما أنتِ تخرجي وتعملي لقاءات لا ياميرال مش موافق 

-وفين شغلي في كدا ياالياس، فين طموحي، فين فرحتي لما اشوف الاخبار اللي حصلت عليها رصدت نجاح، لا طبعا دا مش شغل دا استهتار 

مط شفتيه للأمام وصمت دام للحظات بينهما  إلى أن قاطعته قائلة برجاء

-لو ليا خاطر عندك فعلا، حاسسني بقيمتي، بلاش تحرمني من حاجة بحبها لو سمحت: 

-موافق ياميرال ..خاطرك غالي عندي، مش أنا اللي أحطم طموحك، أنا رفضت الإذاعة علشان عارف متاعبها فيما بعد، صدقيني مش تحكم قد خوف عليكي، ابتسم مقتربا منها 

-لسانك طويل اه، بس أنتِ بريئة جدا، مش حمل ألعاب قذرة، المجالات دي بتموت البراءة والطيبة، وأنا محبتش أموت برائتك ..بس دا كله بعد مانرجع من شهر العسل 

بعض الكلمات أثرها كالنسمة التي تدلف لروحنا تحياها، فلقد أحيت كلماته روحها مرة أخرى لتتعمق بالنظر إليه بعشق انبثق من عينيها دون خجل 

نهض من مكانه بعدما استمع الى الموسيقى الهادئة يبسط كفيه 

-تعالي نرقص..توقفت تضع كفيها ليحضتنه، متحركًا إلى ساحة الرقص 

حاوط خصرها يقربها إليه، لترفع ذراعيها تعانق رقبته لأول مرة وعيناها تحتضن عيناه وابتسامة تشق ثغرها متمتمة:

-معقول برقص معاك، تعرف اتمنيت كتير نرقص مع بعض 

انكمشت ملامحه بتساؤل:

-ليه، ايه الصعوبة في كدا 

مررت كفيها على صدره ومازالت عيناها تعانق عيناه

-خفت دا يكون ملك حد تاني 

تبسمت عيناه بمكر وانحنى برأسه يهمس لها: 

-دا مش هيكون ملك لأي واحدة طمني نفسك ..توسعت عيناها تطالعه بغضب وأردفت بنبرة حادة:

-يعني ايه بقى ..قهقه عليه يضمها ويتحرك مع الموسيقى يهز رأسه 

-مجنونة على طول ..تبسمت على ابتسامته، تضع رأسها على صدره لتستمع إلى أجمل المعذوفات الموسيقية التي لم تريد سواها لف ذراعيه حول خصرها بتملك وتنهيدة غرامية تحيي القلوب يريد من الله أن يتتم زواجهم على أكمل صورة تمناها منذ سنوات 

بعد فترة توصلا إلى المنزل وكل واحدًا يحمل بداخله الكثير من المشاعر التي تحياه لعدد من السنوات..توقف بالسيارة فاستدارت بجسدها إليه 

-شكرا إلياس متوقعتش الليلة هتكون حلوة كدا، ميرسي بجد 

اومأ لها دون حديث، دنت تطبع قبلة على وجنتيه قائلة بصوت خافت اقرب إلى الهمس 

-اتمنى ليالينا كلها تكون كدا ..قالتها وترجلت من السيارة، أما هو ظل كما يراقب مغادرتها الى أن اختفت من أمامه..تراجع بجسده واغمض عيناه هامسا لنفسه:

-وبعدهالك ياميرال شكلك هتضعفيني، أنا فعلا مكنش ليا جواز زي ماقولتي

خلل أنامله بخصلاته وزفرة حارة بمكنون صدره يعاتب نفسه:

-ياترى ناوي على ايه ياإلياس، هتقدر تصمد قدام قلبك، ولا هتقدر تضغط على فريدة علشان تعرف منها الحقيقة 

ظل يخلل أنامله التي كاد أن يقتلع بها خصلاته قائلًا:

-المهم تحقق اللي بتخطط له، ومتكنش لغيرك، ترجل بعدما سيطر على غضبه، إلى  أن أوقفه رنين هاتفه:

-البنت اللي قبضنا عليها امبارح اغمى عليها ولما فاقت مش مبطلة صريخ 

اتجه إلى سيارته مرة أخرى قائلًا:

-أنا جاي، عشر دقايق وهكون عندك 

بعد قليل وصل إلى مكتبه يشير للعسكري

-هات البنت دي مااشوف اخرتها ايه مع الحيوانات اللي زيها 

بعد دقائق دلفت للداخل ..تطالعه برهبة وهو ينفث سجائره ينظر إليها بنظرة المفترس الذي يريد الأنقضاض على فريسته

-مين بيمولك يابت، وكنتوا ناوين تعملوا ايه  

قالها وهو مستندا بجسده على المقعد وعيناه متركزة عليها ينفث تبغه 

هزت رأسها مع بكاؤها

-أنا ماليش دعوة، أنا كنت هناك ..توقف يشير إليها بالتوقف

-مش عايز لاك كتير، من امتى وانت مع العيال دي، ومين اللي بيمولكم ..جلس يرفع ساقيه فوق المقعد بعدما وجدها تنكمش بركنا وقامت بقص ماصار

-أنا كنت رايحة للمستر بتاع اخويا، البواب قالي هتلاقيه في الشقة التانية علشان في تصليحات بشقة المستر، رنيت الجرس وقبل مااتكلم لقيت نفسي جوا الشقة وبعدها حضرتك وصلت 

-لا حلوة دي..كملي كملي يا شهرزاد الحكايات

أيقنت أنها وقعت في شباك المتجبر، حاولت الدفاع عن نفسها، فاقتربت من مكتبه 

-أنا قولت لحضرتك اللي اعرفه، غير كدا معنديش كلام تاني 

نفث سيجاره ومازال على وضعه، تأففت من عنجهته، فتراجعت بعد صمته، انزل قدمه من فوق مكتبه، 

-عمال تلفي وتدوري، انا عايز أعرف  مين اللي هرب قبل مانوصل

استغفرت ربها بسريرتها، وابتعدت بنظراتها بصمت ..نصب عوده الفارغ واقترب بعدما حمل فنجان قهوته، ونظراته الثاقبة تحرق وقوفها، تراجعت للخلف وقلبها عبارة عن مضخة، حتى شعرت أنه استمع اليه، نظر إليها ساخرا ثم هتف:

-لا ولابسة حجاب، بتداري فيه ياروح خالتك ..

-لو سمحت ياحضرة الظابط مسمحلكش  انك تغلط في والدتي 

امسك فنجان قهوته والقاه فوق كفيها، لتأن بدموع انسابت رغما عنها حينما صرخ بها 

-انتِ مين علشان تردي عليا ..استمع إلى طرقات على باب مكتبه ، دلف المسؤل عن مكتبه

-إلياس باشا صاحب الكارت دا عايز يقابل حضرتك ضروري 

اقتحم ارسلان مكتبه معتذرا:

-إلياس باشا ..توقف إلياس يطالعه بجهل: 

-مين؟!..التفت بنظره للمنكمشة بمكانها وعيناها متحجرة بالدموع ثم اتجه بنظره إلى إلياس قائلًا:

-أنا خطيب الأستاذة اللي حضرتك بتحقق معاها

-نعم يااخويا، ودا يدلك الحق تدخل عليا وعامل فيها..قاطعه عندما أشار إليه بيديه:

-لحظة لو سمحت علشان الموضوع ميطورش بكلمات لا داعي منها من ظابط كبير زي حضرتك ..بسط كفيه للتي توقفت تطالعه بصدمة ثم أخرج بطاقته الخاصة يرفع عيناه إلى إلياس عله يفهم معنى نظراته 

تراجع إلى مكتبه بعدما فهم مغذى حديثه، جلس يشير إليه بالجلوس 

ولكنه اقترب من تلك الفتاة وجذبها من رسغها قائلا:

-مرة تانية ياباشا، لازم ترجع البيت أهلها قلقانين، واتمنى موضوع القضية يتلم أكون ممتن لحضرتك 

كانت نظراتها نافرة اتجاهه، فابتعدت تنزع كفيها من كف أرسلان .ظل إلياس يطالعهما بشك، حك ذقنه ونظر إلى ارسلان

-خطيبتك!!

استدار متحركا قائلاً:

-اظن الكارت اللي في ايد حضرتك يوضح كل حاجة..بعد اذنك 

خرج من المكتب ، نزعت كفيها وتحركت سريعا بعيدا عنه

-استني عندك !!..توقفت تواليه ظهرها ..اقترب حيث وقوفها 

-متفكريش إن الموضوع انتهى على كدا، مش معنى اني انقذتك يبقى برأتك

-إنت مين وعايز مني إيه ؟!

-هعوز منك ايه، اللي عايز افهمه، بنت محترمة زيك ايه يوديها مكان زي دا، وقبلها بيومين كانت هتموت وهي بتهرب مجرم، عارفة لو اتأكدت انك تبعهم هدفنك حية 

رمقته بنظرات صامتة ثم استدارت متحركة تهبط الدرج سريعا، تحرك خلفها بعدما ارتدى نظارته ورفع هاتفه :

-كله تمام ياباشا، البنت خرجت 

على الجانب الآخر 

-وقدرت تاخدها من إلياس 

توقف وعيناه تتابع سيرها عبر السيارت وهتف متهكمًا:

-إلياس على نفسه ياباشا، ايه هتقارن ولا ايه 

-لا جدع يا صقر، المهم عندك سفرية خلال يوم ومهمة جدا، لكن عندنا شرط ياصقور

وضع كفه بجيبه وأطلق ضحكة هاتفا:

-القي اوامرك ياباشا

-عريس بيقضي شهر عسل في ايطاليا 

-نعم ، دي مهمة ولا سجن 

قهقه يعقوب:

-ارسلان مبروك مقدما ياحبيبي ، قدامك ساعة والعروسة تكون قدام المأذون 

-اكيد بتهزر ياعمو

-البنت قبل ماتطفش ياارسلان 

كور قبضته وفهم الان لما ضغط عليه بتدخله لإخراجها ، فاق على حديث عمه 

-لو رفعت راسك هتلاقي إلياس بيراقبك ياكنج، نص ساعة وهتلاقيه مرجع البنت تاني، وبعدها انت عارف ايه اللي ممكن إلياس يعمله، دي قضية أمن دولة ياصقور 

-اووف ..اوووف ، انا استقالتي هتكون عند جنابك بعد ساعة 

-أيوة عارف، ومتنساش تبصم على قسيمة الجواز وتنزلها علشان اقولك مبرووك ياوحش 

قالها وأغلق الهاتف..جز على أسنانه 

-كان نقصني عروسة، ودي هعمل معاها هنلعب مع بعض 

اه يااسحاق اه دماغك سم

بعد قليل وصلت غرام إلى منزلها..هب والدها يقابلها بقلب متلهف 

-غرام ..قالها وهو يفتح ذراعيه 

ألقت نفسها بأحضان والدها تبكي بصوت مرتفع:

-بابا حبيبي والله يابابا أنا ماليش دعوة، هم هم ..قالتها بشهقات 

أخرجها والدها يحتضن وجهها وطبع قبلة فوق جبينها 

-عارف ياروح بابا، ارسلان باشا حكى لي ...ضيقت عيناها متسائلة:

-مين ارسلان باشا دا ..أشار والدها إليه خلفها..اقترب منها ورسم ابتسامة 

-أنا اسمي ارسلان، اسف مجاش مناسبة نتعرف، بس انا حكيت لوالدك على كل حاجة ..رفع رأسه لوالدها 

-ممكن نتكلم على انفراد 

اومأ له محمود والدها يربت على ظهرها قائلًا: 

-حبيبتي أكيد تعبانة، ادخلي صلي ونامي، وخلي زياد يعمل شاي للباشا 

هز رأسه وجلس يشير إليه بالجلوس 

-اسمعني حضرتك علشان مفيش وقت

شعر محمود بالريبة فجلس منتظر حديثه: 

-مخبيش على حضرتك، بنتك بقت تحت الميكرسكوب من المافيا، وكمان أمن الدولة، حضرتك محترم وراجل طيب علشان كده أنا مستعد أحميها، أنا بقالي فترة براقبها من وقت ما اختي قالتلي عليها وعجبتني جدا، وكنت هجي اطلب أيدها بس الظروف اللي حصلت أجلت كل حاجة 

-هو انت شغال ايه يابني ..أخرج البطاقة الخاصة به وتحدث بهدوئه المعتاد: 

-اتفضل حضرتك ممكن تسأل عني، علشان تطمن، بس أنا قاعد مع عمي، فيه خلاف في العيلة وأنا مع عمي بس قبل ماتظن حاجة مفيش مشاكل مع والدي، الموضوع بين الكبار، فلو حضرتك وافقت هكون طبعا سعيد، وزي ماوعدتك ارجع لك بنتك، بوعدك دلوقتي اشيلها جوا عيوني، وهتكون أمانة ودا وعد من راجل حر كلمته سيف على رقبته 

فتح محمود فاهه للحديث فاقطعه معتذرا:

-قبل ما حضرتك ترد عليا بنت حضرتك كانت في أمن الدولة اتمنى تفهم معنى الكلمة كويس، ولولا تدخل عمي بعد إلحاح مني مكناش عرفنا نوصلها حتى، دي كانت في شقة ارهابين ..وانا قولت للظابط أنها خطيبتي فلولا كدا مكنش خرجها، غير أنه مش هيسبها واكيد هيبعت علشان يتأكد 

-أنا موافق يابني، ثقتك بنفسك ووعدك دا كفيل اني اقولك بنتي أمانة عندك، لكن لازم اخد رأيها وارد عليك، نظر بساعة يديه وتحدث: 

-بكرة الضهر لو وافقت هنكتب الكتاب علشان لازم نسافر لحد مالدنيا تهدى، اما لو رفضت ومااتمناش كدا طبعا يبقى كل شي قسمة ونصيب بس أنا برضو لازم اسافر خلال يومين بالكتير عندي شغل متعطل، خايف بعد سفري الاتنين يستفردوا بيها

توقف يشير إليه :

-ممكن اتكلم معاها خمس دقايق بس

بفيلَّا السيوفي عادَ بعدَ أكثرِ من ثلاث ساعاتٍ بالخارجِ، وجدَ الجميعَ بغرفةِ المعيشةِ سواها، تحرَّكَ ملقيًا السلامَ يبحثُ عنها بعينيه، اتَّجهَ إلى أختهِ وجلسَ بجوارِها، ثمَّ انتقلَ بعينيهِ إلى فريدة التي تطالعهُ بلهفةٍ واشتياق، ابتعدَ بنظرهِ عنها وهو يجذبُ ثمرةً من الموزِ الموضوعِ على الطاولةِ متسائلًا:

فين ميرال، مش باينة؟..

فوق بتعمِل فيديو للتيك توك..ابتلعَ الموزَ الذي شعرَ بتوقُفها بحلقه، يطالُعها بصدمة:

بتعمل إيه!..حمحمت معتذرةً تنظرُ إلى فريدة قائلة:

لا..فهمت غلط، قصدي بتعمِل فيديو علشان تعلن عن حفلةِ الزفاف، دعوة يعني ...هبَّ من مكانهِ واتَّجهَ إليها يأكل الأرض بخطواتِه، نهرتها فريدة قائلة:

لازم تتسحبي من لسانِك يعني..

ابتلعت ريقها معتذرة: 

مكنشِ قصدي..توقَّفت فريدة قائلة:

هشوفهم بدل مايعكننوا على بعض، الحنَّة بكرة. 

سحبها مصطفى يجذبها للجلوس:

أقعدي حبيبتي، ماتخافيش..ماشفتيش  لهفتُه عليها إزاي من أوِّل مادخل، إلياس بيحب البنت وبيغير عليها. 

أُنيرَ وجهها بابتسامةٍ ناعمةٍ تهزُّ رأسها: 

أيوة لاحظت كدا، تفتكِر بيحبَّها بجد صح..كان إسلام جالسًا بعيدًا يوزِّعُ نظراتهِ بينها وبينَ والده، رجعَ برأسهِ على الأريكةِ وأغمضَ عينيهِ يهمسُ لنفسه:

ياترى إلياس هيعمِل إيه لما يعرف، دا أنا ومش متحمِّل الكدبة، ربنا يقويك ياإلياس على أيامَك الصعبة..اقتربت غادة تلكزُه:

سلُّومة بتكلِّم نفسك حبيبي؟!..انتبهت فريدة لحديثِ غادة: 

مالَك حبيبي، اعتدلَ يطالِعُها ورسمَ ابتسامة: 

كويس حبيبتي..قالها وهو ينصبُ عودهِ قائلًا: 

هطلَع أنام ساعتين علشان أقوم الفجر أذاكر شوية بعد إذنُكم.. 

تصبح على خير حبيبي ..أردفت بها فريدة. 

بالأعلى قبلَ قليلٍ دفعَ البابَ بغضبٍ  يبحثُ عنها بعينينٍ كادت أن تخرجَ من محجريها، وجدها تجلسُ أمامَ الطاولةِ  تضعُ الهاتفَ أمامها وتتحدَّثُ مبتسمة، نظرت للذي دلفَ بتلكَ الهمجية، وصلَ إليها بخطوةٍ وأطبقَ على الهاتفِ يلقيهِ  بالأرضِ حتى أصبحَ قطعًا متناثرة، واتَّجهَ  إليها بعينينٍ ترمقها بنيرانٍ يريدُ إحراقها بها، جذبها بقوَّةٍ حتى توقَّفت وهي تطالعهُ مذهولةً يهدرُ بصوتٍ صاخب:

بتعملي إيه..قاعدة بتضحكي قدَّام الكل ليه..مالكيش راجل يلمِّك، دفعها بقوَّةٍ  على الجدارِ وأطبقَ على ذراعيها بقسوة: 

إيه اتخرستي، مابترُديش ليه، طافَ  بنظراتهِ على ملابسها التي جعلتهُ ككتلةٍ  ناريةٍ قابلةٍ للانفجار..تراجعَ يكوِّرُ قبضتهِ  يضغطُ عليها بقوَّةٍ ثم لكمها بالحائط حتى يُخرجَ غضبهِ  الذي لو وصلَ إليها سيحرِقُها لا محالة..أمَّا هي كانت تطالعُ تحوُّلهِ  بصمتٍ لا تعلمُ لماذا هذا التحوُّل ..اتَّجهت إلى الفراشِ وجلست عليهِ ومازالَ الصمتُ مسيطرًا على الغرفةِ  سوى من أصواتِ أنفاسهِ المرتفعة..نظرت لهاتفها بعيونٍ مترقرقةٍ  بالدموع، تُحدِّثُ نفسها:

هل هذا حبًّا أم جنونًا وتملك، وصلَ إلى جلوسها: 

فيه واحدة محترمة تعمل اللي إنتِ  عملتيه، ظلَّت صامتة ولم تُجب عليه..

انحنى يضغطُ على فكَّيها بقوَّةٍ ينهرُها  بعنف:

مابترُديش ليه يامحترمة، فيه واحدة محترمة تقعد قدَّام الناس بقميص نوم، إنتِ عايزة توصلي لإيه، عايزة تخلِّيني أكون مجرم..دفعها بقوَّةٍ على الفراش ومالَ عليها بجسدهِ يهدرُ من بينِ أسنانه: 

أموِّتِك وأريَّحِك وأرتاح ياميرال سمعتيني، لو ماحترمتيش نفسِك هموِّتك، إنتِ مابقيتيش طفلة، إنتِ كبيرة وفرحِك بكرة ياأستاذة وبعد فترة هتكوني أم، إيه هتعلِّمي ولادِك إيه بتربيِّتك دي

ظلَّت صامتةٌ تتابعُ غضبهِ بعينيها التي تحاولُ ألَّا تضعُفَ بدموعها أمامه. 

اتَّقدَ غضبهِ من صمتها، حاولَ سحبَ نفسًا عميقًا حينما التقطت عيناهُ عينيها  التي تزيَّنت بخطٍّ من الدموع، عتابٌ فقط أطلقتهُ بعينيها وصمتها الذي خنقه، مرَّرَ  نظرهِ على هيئتها التي حطَّمت صمودهِ وسيطرتهِ حينما دلفَ ووجدها بتلكَ الهيئةِ وهي تتحدَّثُ بالهاتف ..لم يشعر بنفسهِ وهو ينحني إلى خاصتها يرتوي من شهدها الذي اعتبرهُ نجاتهِ من غضبه عليها، غضبًا يليقه، في لجَّةِ ظلامِ قلبه..ظلَّ للحظاتٍ إلى أن اعتدلَ وخرجَ سريعًا بعدما فقدَ سيطرتهِ التي بدأت تتلاشى مع دموعها التي تذوَّقها بقبلته.

احتضنت نفسها بعد خروجهِ وأطبقت  على جفنيها وبداخلها شيئًا واحدًا، أنَّهُ  ملاذها وقسوتها، عشقها وكرهها، ضعفها وقوَّتها، هو الحياةُ ومن بعدهِ تذهبُ للجحيم، مرَّرت أناملها على ثغرها الذي مازالَ متأثرًا بقبلته، وذهبت بنومٍ لا تعلمُ  كيف وصلت إليهِ بعد رحلةِ عذابٍ منذُ قليل.

أمَّا هو دلفَ إلى غرفته، وبدأ يدورُ حولَ نفسهِ كالأسدِ الجريح، كلَّما تذكَّرَ هيئتها وأنَّ غيره رآها بتلكَ الهيئة، يقودهُ عقلهِ للجنون، ماذا عليهِ أن يفعلَ..أيقتُلها حقًا، أم ماذا..

رفعَ كوبَ الماءِ يتجرَّعهُ مرَّةً واحدةً علَّهُ  يشعرُ برطوبةِ رئتيه التي جفَّت وكأنَّه غريقٌ برمالٍ متحرِّكةٍ تقودهُ إلى باطنِ  الأرض..ضغطَ بقوَّةٍ على الكوب، ليتحطَّمَ  بكفِّه، حينما تذكَّرَ قبلتهِ إليها وكأنَّهُ  مراهقٌ يريدُ الأكثر والأكثر، هزَّ رأسهِ غضبًا  من نفسهِ وتحرَّكَ إلى الحمامِ علَّهُ يطفئُ  نيرانَ غضبه..دلفَ تحتَ المياهِ بثيابهِ ومازالت صورتها بهيأتها وشعورهِ بقبلتها يحطِّمُ قلاعهِ التي شيَّدها وحصَّنها منذُ  سنواتٍ من فتنتها. 

خرجَ ينزعُ ثيابهِ ودلفَ لكابينةِ الأستحمَّامِ  لدقائقَ ينظرُ لتلكَ الملابسَ الملقاةِ  بالأرضيةِ تحملُ رائحتها التي كادت أن تخنقُه .. دقائقَ معدودةً وخرج.. وجدَ إسلام ينتظرهُ بداخلِ الغرفة، رمقهُ بنظرةٍ  واتَّجهَ إلى سجائرهِ متسائلًا بنبرةٍ باردةٍ  وكأنَّهُ ليسَ الذي كانَ يحترقُ منذُ دقائق...توقَّفَ إسلام ودقَّقَ النظرَ بملامحهِ مردفًا:

هوَّ إحنا ليه مش شبه بعض..ابتسمَ عليهِ قائلًا:

مش فاهم هيَّ ناقصة غباء ياإسلام.. كفاية عليَّا ميرال وحركاتها. 

بتحبَّها...توقَّفَ عن خروجِ تبغهِ حتى أخنقهُ بالداخلِ ليسعل، ربتَ إسلام على ظهرهِ وتابعَ حديثهِ مستطردًا:

بتعشقها مش بتحبَّها واللي بتعملُه غيرة صح؟.،أشارَ للبابِ قائلًا:

روح شوف وراك إيه، أنا مصدَّع، كلام المراهقين دا مش تبعي ..مطَّ إسلام شفتيهِ يهزُّ رأسهِ مردفًا: 

بس هي بتحبَّك أوي على فكرة، لو مش مصدَّق روح شوف النوتس بتاعها هاتلاقيه في بوكس في مكتبتها، بلاش تضيَّعها بعصبيِّتَك، ميرال طيِّبة، عاملها كحبيبة بلاش شغلِ المجرمين بتاعَك  دا ..قالها وتحرَّكَ للبابِ ثمَّ عادَ إليهِ يضمُّهُ قائلًا:

أنا بحبَّك أوي ياإلياس، تأكَّد مهما يحصل هاتفضَل أخويا ومثلي الأعلى في الدنيا، وبخاف عليك جدًا ومستعد أضحي بحياتي كلَّها علشان أشوفك سعيد، حافظ على حبيبتَك وبلاش تقلِّب في الماضي، طنط فريدة أعظم أم في الدنيا وبكرة الأيام تثبتلَك. 

قالها وتحرَّكَ سريعًا بعدما تجمَّعت  دموعهِ بعينيه.

طالعَ تحرُّكهِ بذهنٍ شارد:

الواد دا من إمتى بقى عاقل كدا..ربِّنا  يصبَّرني، ميرال جنِّنت البيت كلُّه، هنا تذكَّرها وشعرَ بوخزةٍ حينما تذكَّرَ دموعها، تحرَّكَ إليها دلفَ بهدوءٍ عكسَ هيأتهِ منذُ دقائقَ وجدها تغفو تحتضنُ نفسها بعكسِ فراشها، مازالت بوضعها كما تركها، نظرَ لسيقانها المرمرية، يهزُّ رأسهِ  ثمَّ انحنى و حملها وأعدلَ نومها وقامَ  بسحبِ غطاءٍ خفيفٍ ودثَّرها بهِ، ينظرُ  لدرجةِ المكيف ..جلسَ بجوارها على الفراش، يدقِّقُ النظرَ بملامحها، سنواتٌ  طويلةٌ لم يقترب منها مثل قربهِ إليها اليوم، وضعَ سبباتهِ على شفتيها 

متذكِّرًا قبلتهِ اليومَ إليها، هل سيدومُ النعيمَ بينهم أم سيحرمُ منها منذُ إغلاقهِ عليها النعيمَ الذي تنتظرهُ منه، تذكَّرَ  حديثها مع أختهِ منذُ فترة. 

فلاش:

عادَ من عملهِ وجدهما تجلسان بالحديقة، واستمعَ إلى حديثها: 

لا ياقلبي، إلياس مين دا اللي أتجوِّزُه، أنا  عايزة راجل فرفوش، كلِّ أسبوع يلفِّ بيَّا  بلد، بالنهار يدلِّلني ويفسَّحني وبالليل برضو يكون ليَّا لوحدي

لكزتها غادة: 

جاحدة ياميرو، وياترى هاترقُصيلُه  يابت ..تنهَّدت بعمقٍ وصفَّقت بيديها:

دا هاخليه مايشوفشي غيري، هوَّ أنا هيِّنة  ولَّا إيه يابنتي.

تناولت الكريز وقامت بتقليدِ مصطفى، 

مش عمُّو مصطفى اللي جاي يقولِّي:

أنا قرَّرت أجوِّز ميرال لإلياس..نعم دا أعمِل معاه إيه، دا هيدفنِّي في سجن من سجونه، ويكلبشني دا يابنتي مش بتاع جواز، أنا عايزة واحد حليوة كدا زي أفلام هولييود. 

نعم ياختي ودول أحسن من أخويا.. 

نعم..أخوكي مين، بقولِّك أبطال هوليوود مش اليأس.

أممم ودول هاييجوا إزاي؟.. 

بكرة تشوفي، هوَّ أنا وحشة، دا ياحبيبتي كلِّ يوم واحد هيموت علشان يوقَف بس يتكلِّم معايا بس أنا اللي مكبَّرة ..

-لا والله، ليه الحلوة جورجينا..

جذبت منها الفواكه: 

أحسن منها ياماما، روحي إسألي عنِّي في الجريدة وشوفي هيقولوا ايه عليَّا، أحسن حاجة مطمنناني إن أخوكي اليأس رافض الجواز، أهو أرتاح منُّه لو عمُّو أصر، وأحسن حاجة إنُّه بيكرهني ..

قهقهت غادة تجذبها من شعرها: 

واللهِ أنا اللي بدعي ربنا تتجوِّزوا علشان أفرح فيكي.

خرجَ من شرودهِ على حركةِ يديها فوقَ يديه..نظرَ ليديها وابتسم:

عايزة واحد يعيِّشِك في الجنَّة..انحنى يهمسُ بجوارِ أذنها:

"أهلًا بيكي في جنِّة إلياس السيوفي ياروح إلياس، قالها ونهضَ من مكانهِ متَّجهًا  للخارج.

بعدَ يومين..وهو اليوم المقرر ليومَ الزفاف:

استمعت إلى طرقاتٍ على بابِ غرفتها، دلفَ بعدما استمعَ إلى صوتها:

مساء الخير..حانت منها التفاتةٍ بعدما استمعت إلى صوته، لم تراهُ منذُ يومينِ  

بعدَ آخرَ لقاءٍ بينهما ...شملها بنظرةِ إعجابٍ قائلًا: 

عاملة إيه، تركت مابيدها، رفعَ نظرهِ لغادة: 

- حبيبتي سيبيني شوية مع ميرال.

-بسرعة ياأبيه هنتأخَّر ..

نهضت من مكانها وتحرَّكت إلى الشرفةِ 

فهمَ ماتشعرُ به، اقتربَ منها:

النهاردة هانبدأ حياة جديدة مع بعض، أتمنى تفهمي يعني إيه حياة جديدة خاصَّة بينا، مش عايز حاجة تشغلِك غير أولياتِك، أكيد مدام فريدة فهِّمتك..

مش عايز كلِّ شوية نتخانق زي الأطفال، ماليش في شغلِ العيال دا..

تقلَّصت المسافة بينهما، وقاطعتهُ قبلَ أن يستكملَ حديثه:

حضرة الظابط ماليش خُلق لأوامرك، لو خلَّصت اطلع برَّة عايزة أغيَّر علشان أنزِل  أتنيِّل للعبة اللي حضرتَك بتخطَّطلها، عارفة ومتأكدة الجواز دا وراه حاجة، ماهو العاقل مش مرَّة واحدة هيفكَّر  يتجوِّز هبلة صح ولَّا إيه..يالَّه ياسيادةِ العاقل المستَّفِز عايزة أغيَّر. 

أنهت حديثها وهي تشيرُ إليهِ بالخروج..دنى منها لتتراجعَ للخلفِ وهو يهمسُ بهسيس:

ماتفكَّريش يابت علشان واقفة في البلكونة مقدرش أعمل فيكي اللي عايزُه، لا ماتنسيش إنِّك واقفة قدَّام إلياس السيوفي. 

حصلِّنا الشرف والقرف ياسيادة ابنِ السيوفي، وماتنساش أنا مرات ابنِ السيوفي اللي بتقول عليه ولو مش عجبَك طلَّقني. 

اغتاظَ من حديثها ، ليجذبها من خصرها لتصطدمَ بصدرهِ ويلفَّ ذراعهِ حولَ جسدها:

ليه يامرمر أطلَّقِك؟..مش لمَّا أتجوِّزك الأول ياروحي ..احتقنَ وجهها بالغضبِ

نصبت قامتها تطالعهُ بكبرياءٍ وطوَّقت  خصرهِ مبتسمةً بفتور:

ومالو ياروحي، نتجوِّز مش نتجوِّز ليه 

ممكن بقى تسبني علشان أجهز لعريسِ الغفلة.

التصقَ بها للحدِّ الذي جعلها تقبضُ أنفاسها من قربهِ المهلك، وتلاقت الأعينُ على حافةِ العندِ يداعبُ وجهها: 

الليلة هاتكوني في حضني يامرمر، انحنى يهمسُ لها:

تخيَّلي بقى لمَّا تكوني في حضني هعمِل  فيكي إيه..قالها وهو يحرِّكُ أناملهِ على جسدها مما جعلها تفقدُ اتزانها ولم يكتفِ بذلك بل تمادى بوقاحتهِ كما زعمت:

جبتلَك جميع أنواعِ بدلِ الرقص علشان تدلَّعي جوزِك، تؤ تؤ للأسف مش هيعرَف  يلفِّفك كلِّ أسبوع دولة، بس ممكن نلف كلِّ أسبوع على سجنِ النسا، وأعرَّفِك إزاي  الستات بتتعامِل معاملة الرقَّاصة. 

ارتجفَ جسدها من نبرتهِ الجليديَّة،  وعلمت أنَّهُ استمعَ الى حديثها، لمسَ شفتيها التي انفرجت مرتعشةً من حديثهِ وتابعَ بمكر: 

أه..بالنسبة للروج اللي فرحانة بيه، وباعتة جيباه من أغلى الماركات، ليه بس تكلِّفي  نفسِك، أنا مش بتاع الحركات الهبلة دي. 

دفعتهُ بقوَّةٍ بعيدًا عنها بعدما فقدت سيطرتها:

اطلع برَّة بدل ماأهربلَك من الفرح وأفضحك عادي.

غادرَ وهو يطلقُ صفيرًا يشيرُ بيديه: 

مرمر عايز عروسة أفرح بيها الليلة..توقَّفَ  وغمزَ بطرفِ عينه:

هاشوف ست الدلال وهيَّ بتدلِّل. 

- أاااه، صرخت وهي تضربُ قدمها بالأرضِ هاتفةً بغيظ:

بارد ومستفِّز ..بالخارجِ دلفَ إلى غرفةِ فريدة بعدَ السماحِ بالدخولِ وجدها تلملمُ سجادةِ صلاتها، اعتدلت تطالعهُ بفرحة:

حمدلله على سلامتك حبيبي، قلقت عليك.

استجمعَ شتاتَ نفسهِ واقتربَ منها وأردفَ قائلًا:

ياريت تعقَّلي بنتك، عرَّفيها يعني إيه جواز، الجواز مش بالفسح والهبل اللي هيَّ مفكَّراه، دي واحدة داخلة على تلاتين  مش لسة صغيرة ..علشان ماترجعوش  تزعلوا منِّي تاني ..قالها واستدارَ إلى البابِ.. توقَّفَ لدى البابِ وهتف:

وبلاش تفهِّميها هيَّ وبابا إنِّي السبب في اللي إنتِ فيه، استدارَ برأسهِ ينظرُ للسجادةِ التي بيديها وتابعَ ماشطرَ قلبها:

دا حتى إنتِ بتصلِّي وعارفة ربنا، مش تعرَّفيها كمان تصلِّي زيك، ياريتك علَّمتيها  المفيد، بدل ماتعلِّميها حاجات تانية..فتحَ البابَ فهمست بتقطُّع: 

إلياس ...توقَّفَ يواليها ظهره، فاقتربت منهُ وتوقَّفت خلفهِ مباشرةً تطبقُ على جفنيها تسحبُ رائحته، ثمَّ همست:

بلاش تشيل ميرال بذنبي، ميرال بتحبَّك  زي ماإنتَ بتحبَّها، بلاش تبيِّن قسوتَك في حبَّك، التفتَ إليها سريعًا وبترَ حديثها:

حب إيه يامدام فريدة، يعني إيه حب أصلًا، حب الستِّ اللي أمِّنت لست.،فبعدين سرقت جوزها بحيلها، ولاحب الستِّ اللي باعت ولادها اللي همَّا أغلى من روحها ، ولَّا حب الستِّ لراجل خلِّتُه ينسى حبيبته، أنهي حب بالظبط يامدام ..هتجوِّز بنتك علشان أجيب ولاد بس، علشان يكون ليَّا عيلة، بس ماضحكشِ عليكي خايف تعمل زيك وتبيع عيالها علشان كلِّ أسبوع تتفسَّح  في بلد زي مابتتمنى

انسابت دموعها بصمتٍ دونَ حديث ..تهكَّمَ متقدِّمًا منها:

إيه كنتي فاكرة هصدَّق لعبة الدكتور النفسي دي، مش الأولى سيادة اللواء اللي ياخدِك، ولَّا الأولى ابنِ ضرِّتك؟.. 

إلياس..هدرَ بها مصطفى، ليستديرَ ينظرُ لوالدهِ بصمتٍ ثمَّ تحرَّكَ للخارج.

هوت على المقعدِ تبكي بصوتٍ مرتفع،  

ضمَّها مصطفى يربتُ على ظهرها:

آسف يافريدة، تعبت منُّه، بس دا راجل هعمِل فيه إيه.

ابني مفكَّرني بعتُهم يامصطفى، طيب إزاي هيصدَّقني..سحبها متَّجهًا إلى غرفةِ الملابسِ وتوقَّفَ محتضنًا وجهها:

ممكن تنسي كلِّ حاجة وافتكري حاجة واحدة بس..ابنِك البكري فرحُه النهاردة، ومهما يقول، صدَّقيني بيحبِّك، هوَّ ممكن يكون مضَّايق بس مش بيكرهك، وبكرة تقولي مصطفى قال، هوَّ أنااللي هاقولِّك  إلياس مين..

بعد عدَّةِ ساعاتٍ بأكبرِ الفنادقَ بالقاهرة 

انتهت من لمساتها التجميلية مع خبيرةِ التجميل ..توقَّفت تنظرُ إليها برضا:

كتتتتير كتتير حلوة ياميرال.

ابتسمت بمجاملة:

ميرسي تسلَم إيدِك..رفعت ذقنها تنهي نظرتها التقيميية:

لا إنتِ اللي حلوة وماكنشِ فيه تعب ولا حاجة ...دلفت غادة: 

وااااااه واااه إيه الجمال دا يابت ياميرو، لا كدا هزعل، هاتخطفي الأضواء  منِّي ..ابتسامة خرجت من بينِ أحزانها، تمنَّت أن تستمعَ من عاشقِ روحها بعضِ الكلماتِ التي تطيِّبُ ثنايا روحها.

بعدَ قليلٍ استمعت إلى طرقٍ على بابِ الغرفة، فتحت غادة وجدتهُ يقفُ بطلَّتهِ  المهيبة التي تخطفُ القلوبَ قبلَ الأبصار:

لا كدا كتير على قلبِ العروسة، دا إنتَ هتخطَف كلِّ حاجة، طيب أنا مظلومة في النُّص..

ضمَّها وقبَّلَ رأسها:

اتعلمتي اللماضة إمتى  يالمضة ..وشوشت إليهِ تشيرُ على ميرال:

من مراتك هيَّ أستاذتي، رفعَ رأسهِ إليها وهمس: 

هتقوليلي، دي مش عايزة معرفة.

توقَّفت أمامهِ متسائلةً بشقاوة:

رايح فين ..

رايح اريح جوَّا شوية، وسَّعي يابت واقفة كدا ليه؟..

بسطت كفَّيها تغمزُ بعينها: 

ادفع ياعريس، عروستنا غالية تستاهل فلوس الدنيا كلَّها..  كانت نظراتهِ على التي تواليهِ بظهرها فهتفَ بصوتٍ مرتفعٍ ليصلَ إليها:

طيِّب دا لو ماكنتشِ بايرة ..قالها وجذبَ غادة متَّجهًا إليها..استمعت إلى صوتهِ بالخارجِ مع ارتفاعِ دقَّاتِ قلبها العنيف، قابلتهُ المسؤولةُ عن تجهيزها: 

ألف مبروك ..بحثَ عن نقودٍ بجيبه ، رفعَ نظراتهِ إليها مبتسمًا يشيرُ إلى غادة:

شوفي الأستاذة ياغادة، ممعيش فلوس هنا ..اعتذرت تشيرُ إلى ميرال:

أبدًا مش محتاجة حاجة، مدام فريدة إدتني وبزيادة كمان هيَّ مش محتاجة، ربِّنا يسعدُكم ..

أشارَ لأختهِ بعينيهِ لتسحبها وتخرجَ بها، بينما هو تقدَّمَ إليها.. تلألأت عيناها  تضغطُ على فستانِ زفافها تتمنَّى أن تمرَّ  الليلة عليها مرورَ الكرامِ متذكِّرةً رجاءَ والدتها إليها:

لو بتحبِّي ماما فعلًا  لازم تكمِّلي جوازِك  من إلياس، حبيبتي صدَّقيني إلياس الوحيد اللي أقدر أمنِّلِك معاه ، لو وقَّفتي  الجواز زي ما بتقولي هزعل منِّك ياميرال.

ماما إفهميني، أنا وإلياس مختلفين.

إنتِ وإلياس عنديين بس، صدَّقيني  حبيبتي، إلياس الوحيد اللي يقدَر يحافظ عليكي ...فاقت من شرودها على صوته:

هاتفضلي مدياني ضهرِك كتير، طيِّب عايز أشوف عروستي حلوة ولَّا...

- هتفرِق...قالتها وهي تستديرُ إليه:

توقَّفَ متسمرًا يطوفُ بنظراتهِ يرسمها كفنانٍ مبدع، كلَّ إنشٍ بها يجذبهُ 

وكأنَّها تسرَّبت واستوطنت بثنايا روحه، اقتربَ منها وتعلَّقت الأعينَ ودقَّت  القلوبُ بالنبضِ لتعزفَ بأجملِ الألحان. 

أسبلت عينيها مبتعدةً عن نظرهِ بعدما استمعت إلى كلماته:

كان فيه بنت هنا اسمها ميرال شوفتيها..ابتسامة شقَّت ثغرها، احتضنَ وجهها وعزفت شفتيهِ بقبلتهِ الحنونةُ فوقَ جبينها هامسًا بصوتهِ الرخيم:

ألف مبروك، ربِّنا يجعلِك ليَّ خيرَ حياة وخيرَ سعادة ..رفعت عينيها التي تشتَّتَ  من دعائهِ وهتفت:

بجد ...ابتسمَ ابتسامةٍ عذبةٍ يبسطُ كفَّيه: 

جد جدًا وياله ننزل تحت علشان أنا مش مسؤول عن التأخير.

اتَّسعت ابتسامتها تهزُّ رأسها مردِّدَة: 

انفضام شخصية مذهل.

بسط كفيه يشير إليها بالنزول 

-طيب ياله!!

مش هنزل إلا لما تقولي بحبك

ارتفع جانب وجهه بشبه ابتسامة ساخرة قائلًا:

-عادي مانزليش، وأنا هنزل ألغي الفرح وأقولهم العروسة هبلة 

-دا كله علشان عايزة تقولي بحبك..سحب كفيها وتحرك:

-الكلام مابيتقالش يامرمر، الكلمة بتتحس 

وصلَ إلى الردهةِ التي تخرجُ بهما إلى صالةِ الزفاف، توقَّفَ أمامها يلقي نظرةً أخيرةً عليها قائلًا:

زي القمر بالطرحة، أتمنَّى ماتُكنشِ مجرَّد موضة...تأففت قائلة:

-كويس أنها عجبتك، فكَّرتَك هاتتريق. 

تحرَّكَ بها بعدما عانقت ذراعيه: 

بالعكس سعيد جدًا ..المهم تكوني مقتنعة ..أُغلِقت  الإضاءة بعد وصولهم الدرج لترتفعَ الموسيقى على ظهورهم مع نقطةٍ إضائيَةٍ تلتفُ حولهما فقط و ظهورِ أطفالٍ على الجانبين بردائهم الأبيضِ على شكلِ الفراشة...قدَّمت  الأطفال عرضًا مذهلًا أمامهما، مع رجعوهم للخلفِ وارتفاعِ أغنيةِ الزفاف المشهورةِ إلى أن وصلا إلى مكانهم المخصص ليفتتِحَ حفلِ الزفاف برقصتهم.

أحاطَ خصرها بذراعٍ والآخر رفعَ كفَّها  يمرِّرُهُ على صدرهِ ليتوقَّفَ عندَ نبضِه، وقرَّبها إلى أحضانِه، لتضعَ رأسها بهِ كأنَّهُ  يريدُ أن يخفيها عن العالمِ أجمع.

أغمضت عينيها داخلَ حضنهِ.. كلَّ ما تشعرُ بهِ الآن ماهوَ إلَّا رهبةً من تلكَ  اللحظاتِ التي تسحبُ روحها..انحنى يستنشقُ رائحتها المُسكرة منتشيًا بها  لتتسرَّب لجميعِ جسدهِ وتستقرَّ بقلبه،  وهو يشعرُ بكمِّ الحبِّ الذي طغى عليهِ بتلكَ اللحظة، تثاقلت أنفاسهِ بعدما رفعت رأسها ونظرت إليهِ مبتسمةً ثمَّ أردفت: 

ياترى سيادة زوجي العزيز البروجرام  بتاعُه إيه الليلة؟..

أطلقَ ضحكةً رجولية، ولولا ارتفاعِ الموسيقى لتوقَّفَ الجميعُ على ضحكتِه، فأمالَ بجسدهِ متعلِّقًا بعينيها: 

بلاش تعرفي ياميرو خلِّيها مفاجأة..

-رخم يازوجي ..رفعَ حاجبهِ يشيرُ إلى نفسِه: 

أنا رخم، طب والله مسكَّر وزي العسل تنكري؟.. 

مغرور ..قالتها تبتعدُ عن نظراته الثاقبة ..تابعَ حديثها مستطردًا: 

بس عسل برضو…

أيوة عسل أسود هاتقولِّي..انحنى يدفنُ رأسهِ بعنقها يمنعُ ضحكاته: 

إحنا قدَّام ملايين من الناس ياروحي، قصَّري لسانِك شوية لحد مايتقفِل علينا باب واحد. 

ابتعدت خطوةً تطالعهُ بذُعر:

باب إيه اللي يتقفِل علينا..التفتَ بنظرهِ  حتى وقعت عينيهِ على فريدة التي تنظرُ إليهِ بدموعٍ محتجزة، تقابلت أعينهُم  للحظات، حتى توقَّفت بعدما نزعت نفسها من بينِ ذراعِ مصطفى واقتربت منهما قبلَ إنهاءِ رقصتهما، وصلت إلى وقوفهِم: 

المفروض كنت أستنى تخلَّصوا الرقصة، بس مش قادرة عايزة أحضُنكم أنتوا الاتنين ...وصلَ إسلام إليهم قائلًا: 

وأنا كمان ياماما فريدة، أحضني إلياس لحد ماأحضُن ميرال..

تعالي ياميرو..رمقَ أخيهِ بنظرةٍ مميتةٍ  ليتراجعَ للخلفِ ضاحكًا يرفعُ يديه:

خلاص خلاص، كنت بهزَّر، اقتربت فريدة منهُ وعيناها تفترسُ ملامحه، كانت نظراتهِ على إسلام الذي جذبَ ميرال من كفَّها، بسطت كفَّيها على وجههِ وتدجرحت عبراتها بشدة، مع شهقةٍ ملتاعةٍ من أعماقِ قلبها تهمسُ لهُ برجاء:

عايزة أحضُنَك ياإلياس، اعتبرُه آخر حُضن  بينا، وعد مش هقرَّب منَّك تاني، إنتَ ابني مش كدا ولَّا إيه… 

ربتَ والدهِ على ظهرهِ مبتسمًا: 

أكيد يافريدة إلياس ابنِك هوَّ فيه حد ربَّاه  غيرِك، قالها مصطفى وهو ينظرُ إليهِ  برجاء ..أومأَ برأسهِ لتجذبهُ لأحضانها تشدِّدُ من احتضانهِ وكأنَّهُ سيختفي من أمامها، تستنشق رائحته بوله مردِّدَةً: 

ألف مبروك ياحبيب ماما، ربنا يسعدك ياحبيبي يارب.. 

رفعت كفَّيها وحاوطت وجههِ ونظرت لعينيه: 

مبروووك يايوسف بالرفاء والبنين.

انكمشت ملامحهِ مردِّدًا: 

"يوسف"

انتبه الى صوت إسلام وهو يسحب ميرال 

-بعد اذنك ياعريس عايز أرقص مع العروسة ..فتح فاهه للإعتراض فاقتربت غادة تسحب كفيه

-أيوة وأنا هرقص مع إلياس ..تحرك إسلام يسحب ميرال بعيدا ببعض الخطوات أثناء اقتراب مصطفى منهم، ونظراته على فريدة التي تحاول كبح دموعها ..التفتت ميرال إلى إلياس متسائلة

-حركة الرقص دي وراها ايه ياسلومة..

اهه ..قالها وهو يتجه ببصره إلى ميرال قائلًا:

-كنت عايز ماما فريدة ترقص مع إلياس، بس غادة نيلت الدنيا 

ابتسمت تهز رأسها وهتفت بإعتراض

-ماما ترقص..قالتها باستخفاف، ثم رفعت نظرها إليه وتابعت مستطردة 

-مظنش اخوك كان هيوافق..تراقص معها على نغمات الموسيقى على مقطع دورانها ورجوعها إليه..زفر الآخر باختناق وعيناه عليهما لا تخلو نظرات غادة المشاكسة إليه لتهتف بتردد:

-بتحبك أوي على فكرة

زوى مابين حاجبيه وتصنع الجهل متسائلًا:

-هي مين دي؟!

تبسمت بمكر تنظر إلى فريدة ودارت أمامه على النغمات هي الأخرى قائلة: 

-ماما فريدة، ذهب ببصره إليها وجدها تطالعه بعيون مترقرقة، ورغم ذلك إلا أن الابتسامة لم تخلو من وجهها، ثم اتجه إلى غادة مرة أخرى

-روحي ارقصي مع إسلام، أنا تعبت..

تراجعت خطوة للخلف تغمز إليه بمشاكسة:

-هعمل مصدقة، مش مجرد غيرة تمام يابوص..ضحك وهو يجذب رأسها يطبع قبلة عليها، رفعت رأسها ونظرت لعينيه:

-إلياس ميرال بتحبك أوي، بلاش تزعلها لو سمحت، أنا مش هضحك عليك وأقول مصدقة إنك عايز تعمل عيلة زي مافهمت بابا، بس في نفس الوقت هقولك انت اخويا الكبير ومهما تعمل لازم أقبل أعذارك، بس ميرال ملهاش ذنب، وقبل ماتحاول تعترض على كلامي افتكر إن ذنبها الوحيد أنها حبتك وبس 

ربت على كتفها دون حديث وتحرك متجها إليها، ليسحب كفيها يشير إلى مكانهم المخصص للجلوس 

-هتفضلي ترقصي طول الليل..تحركت بجواره بصمت 

بمكانا اخر كانت تجلس بمكتبها بالبيوتي سنتر الذي ابتاعته منذ فترة بالقاهرة بعد نقلهم إليها ..استمعت إلى صوت الفتيات العاملات بالخارج، فخرجت على أصواتهم وهم ينظرون إلى شاشة العرض ويتهامسون باعجابهم بطلة العروس، قالت احداهن

-بس العروسة شكلها قمرين دي أكيد اللي جهزتها ماضفتش جديد، قاطعتها الأخرى ممكن بس شكلهم ناس تقيلة أنتِ مش شايفة الفستان ولا الفندق وقرأت كمان الفرح فيه قامات مرموقة يعني هيكون احسن من الأميرة 

فيتوريا كريستينا أديلايد، أميرة ايطاليا دي عرفينها، الصراحة العروسة دي تشبهها اوي ..

كانت تقف تنظر لشاشة العرض التي تتحدث عنها الفتيات، فجأة اقتربت من الشاشة تنظر بتعمق على تلك السيدة التي تحتضن العريس ثم العروس..تراجعت الفتيات بعد خروجها وذهبن إلى عملهن، أشارت إليهن 

-فرح مين دا ؟!...اقتربت أحداهن التي كانت تتحدث قائلة:

-دا فرح ابن اللواء مصطفى السيوفي، اللي فيلته في الكمبوند اللي قصادنا، ازاي متعرفهوش ياهانم، دي مراته كانت من احسن الزباين عندنا ايام مدام مليكة 

أشارت لها بالصمت ثم لوحت بكفيها 

روحي شوفي شغلك، ثم اتجهت تنظر إلى الشاشة تهمس لنفسها 

-فريدة..ياااه يافريدة طلعتي أقرب مااتوقعت، لا وكمان زبونة عندنا ..التفتت مستديرة وتسائلت:

-هي اخر مرة جت امتى، أجابت الفتاة 

-اخر مرة كانت قبل مدام مليكة ماتمشي بكام يوم، حتى مدام مليكة قالتلها على فكرة شراء المكان بس هي رفضت وقالت ماليش في الشغل دا، أصلها فاتحة دار للأيتام، جوزها غني جدا، وكمان عندها بنتين وولدين

-بتقولي عندها بنتين وولدين، همست لنفسها عطوة قال ولد بس ابن جوزها ولا مكنش يعرف بدول ..تنفست بغضب وتحركت للداخل وداخلها نيران تريد أن تصل فريدة 

عند ارسلان 

جلس بمقابلة غرام بعدما طلب من والدها الجلوس معها، حمحم قائلًا:

-أنا مش هلف وأدور عليكي، أنا محتاجك زي ماانتِ محتاجني 

طالعته بتهكم قائلة:

-وياترى هتحاجك في إيه، مظنش اني هتحتاج لواحد زيك

أشار بسبباته إليها بالصمت وهتف من بين أسنانه:

-غلط مابحبش، أنا جايبك من سجن أمن الدولة، مكنتيش بتتمشي على الكورنيش، وبقيتي مطلوبة عند الإرهابين، ماهو إنت شوفتي شكل اللي هرب تفتكري هيسبوكي عايشة، لا دا أقل حاجة هيعملوها هيخطفوا اخوكي 

-ايه ...قالتها بشفتين مرتعشتين بعدما تسرب الخوف إلى قلبها..

تنهد ثم سحب نفسًا عميقًا وتابع مستطردًا:

-اسمعيني كويس أنا مستعد أحافظ عليكي وعلى اهلك 

-والمقابل ..ياحضرة الظابط 

-أنا مش ظابط..هبت من مكانها تنظر إليه بذهول :

-ازاي مش ظابط، اومال خرجتني من هناك ازاي ...توقف بمقابلتها يضع كفوفه بجيب بنطاله وتابعها بنظراته قائلاً:

-مش شغلك.. أنا مش فاضي معنديش وقت كل وقتي بيتحسب بالدقيقة، وإنتِ اخدتي من وقتي اكتر من اللازم 

-عايز مني إيه ؟!

-نتجوز لمدة شهر والمقابل حمايتك أنتِ واهلك 

اقتربت منه كقطة شرسة 

-إنت واحد مجنون، قول إنك واطي حقير..أطبق على ذراعها وهمس بهسيس مرعب: 

-اسمعي يابت متفكريش بيت ابوكي هيحميكي مني، لو عايز اخدك هاخدك ومحدش يقدر يوقف قدامي، أنا دخلت لك من الباب وحكيت الظروف لابوكي، قدامك ساعتين بس تختاري أهلك ياتختاري الجواز، بكرة لازم نكون في ايطاليا، رقمي مع ابوكي، ومتفكريش إني مقدرش أجيب غيرك، بس أنا خوفت عليكي، شكلك متستهليش ..قالها وانحنى يجذب فونه ورمقها بنظرة سريعة يشير بيديه:

-ساعتين بالظبط وهشوف غيرك ..قالها وتحرك إلا إنها أوقفته:

-طبيعة الجواز هتكون إزاي..توقف مواليها ظهره وأردف: 

-متخافيش جواز صحيح أنا مش من النوع اللي يغضب ربنا، وجوازنا هيكون على ورق بس، كتب الكتاب علشان خلوتك معايا مش أكتر، وزي ماأخدك هرجعك وكل حقوقك معاكي

اقتربت منه وهي تفرك بكفيها 

-تمام أنا موافقة، بس مترجعش في كلامك..التفت برأسه وأردف وهو يعانقها بنظراته 

-عرفي والدك وأنا هتصل بعمي يقابلنا عند المأذون بعد ساعة بالظبط ..هسيبك دلوقتي 

-استنى ..قالتها بعدما تحرك، لتقترب منه قائلة بنبرة مشتتة:

-بتقول هنسافر إيطاليا أنا معنديش جواز سفر، غير لسة هعرف بابا وأشوف رد فعله، أنا بابا مقدرش ابعد عنه هو واخواتي في الوقت دا 

استدار واقترب منها حاول طمئنتها 

-والدك من وقت ما دخلت بيتكم تحت رعايتي متخافيش، ومن بكرة هنقله لمكان آمن لحد مالدنيا تهدى، واخوكي هيكون عنده احسن المدرسين وموافقة من المدرسة باعتذاره ..فيه حاجة تانية 

-إنت مين وبتعمل ليه كدا 

نظر بساعة يديه ثم رفع نظره إليها 

-عندي شغل وانت بتأخريني، أنا مين قولت لبابكي هو يعرفك، عايز منك ايه 

عايزك معايا لمدة شهر في مكان معين 

على ماأظن الاسئلة كدا خلصت ..تحرك فعاد متوقفا مرة أخرى 

-اه علشان متفكريش انا تبع مافيا ولا حاجة افتكري أنا جبتك من أمن الدولة، وانت متعلمة وفاهمة يعني إيه أمن الدولة، واتثبتي هناك انك خطيبتي 

ممكن امشي ولا لسة قلقانة ...قالها وتحرك دون أن ينتظر اجابتها 

خرج رافعًا هاتفه 

-اسحاقو قابلني عند المأذون بعد ساعة، عندي مشوار 

توقف اسحاق من جوار دينا يدثرها بالغطاء متسائلًا بهمس

-وافقت!!..ابتسم قائلًا:

-عيب عليك..المهم شوفلي مأذون فاتح دلوقتي الساعة داخلة على 12

اومأ له وهتف

-تمام هكلمك..انا عند دينا نص ساعة واكلمك 

-تمام ياعمو، سلملي عليها، قالها واغلق الهاتف

نهضت معتدلة فوق الفراش تطالعه باستفهام:

-هتخرج !!..اقترب يطبع قبلة فوق جبينها 

-عندي شغل مهم حبيبتي، ساعتين وهرجع لك، والدتك برة، بعت جبتها، خلي بالك من نفسك ومن البيبي 

ضغطت على كفيه ونظرت لعينيه:

-بجد فرحان يااسحاق علشان البيبي 

احتضن وجهها وابتسامة خلابة ظهرت بملامحه:

-احسن خبر اسمعه في حياتي، بعد خبر ارسلان، نفسي اربيه ويكون راجل زي ابن عمه، دينا حافظي عليه على قد ما تقدري ..ملست على وجهه واقتربت منه تقبل وجنتيه

-هحافظ عليه علشان انت أبوه بس..نصب عوده متوقفًا:

-أي حاجة تعوزيها عرفي الخدامة، وبلاش خناقتك مع والدتك كل شوية دي، اشتكت لي منك كتير 

فركت كفيها قائلة:

-خلاص كفاية وجودك ..انحنى وطبع قبلة بجانب شفتيها..

عند إلياس 

اقتربت الفتيات أصدقاء ميرال إليها لمشاركتهم الرقص..اتجهت بنظرها إليه 

-هقوم أرقص مع البنات علشان متزعلش 

-مايزعلوا، علشان مايزعلوش تتنططي

-إلياس الليلة دي أي بنت بتنتظرها علشان تكون سعيدة ليه بتخنقني كدا، دنى برأسه منها 

-لو شايفة السعادة هتكون في الرقص قدام الناس دي كلها أنا مش عايزك تبقي سعيدة ياميرال

-إلياس ...ولا كلمة، رقصنا مع بعض كفاية، أما رقص البنات اللي بشوفوا أنه ماهو الا عرض لجسم يرخصوه قدام الناس مايلزمنيش

-إنت كدا بتزعلني!! 

-مش مهم المهم اللي شايفه صح بعمله وبحافظ عليكي بيه ازعلي 

أطبقت على جفنيها مبتعدة بنظرها عنه، لاحظت غادة حزنها فاقتربت منهما 

-إلياسو حبيبي هاخد ميرو عند البنات ووعد مش هنتحرك، هتفضل بينا بس، ليها صحبات جايين من محافظات مختلفة مش حلوة لما تسبهم يرقصوا لوحدهم 

-غادة ...سحبت ميرال سريعا من أمامه قبل حديثه:

-شكرًا ياحبيبي..ابتسمت ميرال من وسط أحزانها 

-مجنونة عملتيها إزاي..رفعت حاجبها وشيعتها بنظرة منتصرة 

-المهم بلاش تنسي نفسك وترقصي دا ممكن يطلقك هنا ومايهموش حد 

بعد فترة انتهى حفل الزفاف الاسطوري ..خرجت بجواره إلى السيارة التي تنتظرهم بالخارج لنقلهم إلى المطار..

بعد عدة ساعات وصلا إلى الفندق الذي سيمكثان به بفترة شهر العسل

توقف أمام موظفة الاستقبال يضع بطاقته، لتشير لأحدهم لمساعدته 

وصل إلى أحد الأجنحة المميزة التي تُحجز باسمه، دلف للداخل بجوارها بعدما وضع العامل حقيبتهما، دلفت للداخل تنظر بالجناح بذهول، فلقد كان معدًا على أروع مايكون لاستقبال العروسين..استمعت إلى خطواته بالخلف فهتفت:

-مكنش له لزوم، اومال لو مش مسرحية قدام الكل، كانوا عملوا ايه 

فك رابطة عنقه ملقيها بإرهاق وأجابها 

-مسرحية، شايفة اللي اتعمل دا كله مسرحية 

التفتت إليه وهي تراه يخلع جاكتيه متجها إلى جميع الشرف التي تطل على البحر يغلق ستائرها

رجفة قوية أصابت جسدها، وهي تراه يدنو إليها يشير إلى الغرفة 

-ادخلي غيري هدومك علشان نصلي الأول ..تجمد الدم بعروقها وهي ترى تلك المنامة الموضوعة على الفراش

تراجعت تبتلع ريقها بصعوبة مع ارتعاشة جسدها، حملت فستانها وابتعدت عنه ببعض الخطوات 

-لا أنا كدا كويسة مش عايزة أغير 

ضحك على حديثها فاقترب منها وهي تبتعد للخلف إلى أن احتجزها بالجدار 

وآمال بجسده يهمس لها بصوت..جعلها تشعر بتلف خلاياها للثبات أمامه

-ليه ناوية تنامي بفستان الفرح

توردت وجنتيها من أنفاسه الحارة التي تضرب وجنتيها

إلياس ابعد عايزة اغير...رفع حاجبه وتحدث بسخرية:

-الله مش قولتي مش هتغيري ..دقات عنيفة تضرب داخل صدرها، حينما تعلقت عيناها بعينيه بسحر خاص، وتاهت بين عشقها وقربه المدمر لقلبها 

مرر أنامله على وجنتيها لتغمض عيناها تشعر بالخجل مع ارتعاشة قلبها وهي تشعر بأنفاسه الحارة ..استندت عليه بعدما أصبحت ساقيها كالهلام، حاوط جسدها لتصبح بأحضانه، قائلًا:

-غيري هدومك أنا تعبان وعايز أنام من الصبح وأنا واقف على رجلي 

ابتعدت سريعا تشير إلى القميص الموضوع على الفراش

-أنا مستحيل ألبس القميص دا ..اتجه بنظره للذي تشير إليه، ثم أطلق ضحكة صاخبة وجذبها بقوة يدير ظهرها وقام بفك أربطة فستانها، ثم انحنى يهمس لها 

-ومين قالك ياروحي أنا هلبسك القميص دا ..شعر بارتعاش جسدها، فتركها لتبتعد عنه سريعا وهي تهتف

-إياك تقرب مني، ومش هلبس القميص دا، دا مكشوف أوي، عايزة حاجة تانية دا مش هلبسه مستحيل 

قالتها بصوت متقطع مع ارتجاف لجسدها ولم تشعر انزلاق لبعض فستانها أمام ناظريه، لملمته سريعا ودلفت للداخل وقلبها كالمضخة، استندت على الباب تضع كفيها على صدرها تحاول أن تسحب أنفاسًا منتظمة:

-اسكت بقى، مالقتش غير دا وتحبه..اتجهت إلى الفراش وجلست فوقه ومازالت تحت سيطرة رائحته، أغمضت عيناها استمعت إلى صوته بالهاتف: 

-وصلنا يابابا، طمن مدام فريدة، هي كويسة، بكرة اخليها تكلمها ..ظلت بمكانها إلى أن دلف بعدما بدل ثيابه يحمل اسدالها 

-إلبسي دا واجهزي علشان نصلي 

-فين هدومي، هلبس دا لوحده، هات الشنطة، خرج لدقائق معدودة يلقيها بقميصه

-البسي دا مفيش هدوم غيره، لو مش عجبك براحتك، توقفت مقتربة منه 

-إلياس هات الشنطة وبطل هزار

أشار بعينيه على قميصه الأبيض الذي كان يرتديه

-مفيش غير دا، ياله مش هنتظر كتير، بدل ما ادخل البسك..ضربت قدمها بالارض تسبه:

-بارد مستفز، استدارت بعد إغلاقه لباب الغرفة، تحركت إلى قميصه الذي ألقاه على الفراش، حملته تقربه من أنفها تستنشق رائحته بوله، تهمس لنفسها:

-معقول كل اللي اتمنيته يتحقق..بعد قليل خرجت وجدته متوقفا أمام النافذة ينظر للخارج، استدار إليها واقترب يشير إلى مكان الصلاة الذي اتخذه من البوصلة التي لديه ...انتهى بعد قليل من صلاتهما ..ظلت كما هي جالسة تنظر بنقطة وهمية، استمعت إلى حديثه:

-هتفضلي قاعدة كتير، رفعت رأسها إليه بصمت، امال بجسده يرفعها إلى أن توقفت ..تعالت دقات قلوبهما من تلك اللحظة، رفع ذقنها بعدما نظرت للأسفل ونظر لداخل عيناها 

-دلوقتي اقدر اسألك سؤال ومهما كانت اجابتك أنا هقدره، وهعرف حياتنا بعد كدا هتكون ازاي!!

-حياتنا!!..هز رأسه بالموافقة 

-ليه مستغربة، عمرك مافكرتي ممكن القدر يجمعنا 

انزلقت دمعة من طرف عينيها قائلة: 

-اتمنيت بس مفكرتش، لانك كنت بعيد عن أحلامي، منكرش اعجابي بيك، وبنيت احلام بس كنت عارفة أنها أضغاث، عمري ما تخيلت هتكون جوزي في يوم من الأيام حتى وانت جنبي في الفرح لحد ماجينا هنا، كلها احلام، إلا بعد ..توقفت عن الحديث وعيناها تحتضن صمته إلى أن همس متسائلًا: 

-إلا بعد ايه، سحبت نظرها من بحر عيناه، قائلة: 

-مش مهم، المهم تتأكد أنا برسمش ولا بخطط لجذبك ولا حاجة، ولو عايز نفضل فترة مع بعد كأخوات وبعد كدا ، بتر حديثها مبتلعًا باقي حديثها، ليعقد علاقة منفردة بثغرها يتذوق شهدها، بعد فترة من الدقائق الناعمة بينهما وضع جبينه فوق جبينها ..لف خصرها بذراعيه مطبق الجفنين وصدره يعلو ويهبط قائلا بأنفاسًا متثاقلة:

-مكنش سراب ولا حاجة ..رفعت عيناها التي لمعت تطالعه بذهول منتظرة بقية حديثه بشق الأنفس

-ميرال اعتبري أننا مااتجوزناش ولا كأن حاجة حصلت، وهسألك دلوقتي ووعد أي إن كان اللي هتقوليه هتقبله حتى لو مش موافق عليه، أنا رضيت كل الأطراف بس انت عندي أهم 

أصبح قلبها كمعذوفة تعلن عن حبه بعد حديثه الذي جعلها تتيقن من حديث غادة..رفع كفيه يحتضن وجنتيها متسائلًا:

-إنتِ موافقة نكمل حياتنا مع بعض، موافقة على جوازنا 

رفرفت أهدابها عدة مرات تحاول السيطرة على ارتعاشة دواخلها، من حديثه المؤذي لقلبها،

-طيب ماتيجي تعكس ياالياس..انت موافق على جوازنا 

-طبعًا...قالها دون تردد

لم تشعر بنفسها إلا وهي تحيط خصره تهمس له 

-موافقة اكون طول العمر جوا قلبك قبل حضنك..رفعت رأسها تنظر لداخل عيناه، ينفع أكون جوا قلبك 

ابتسم يمرر أنامله على وجنتيها 

-ومين قالك انك مش في قلبي

هزت رأسها وانسابت عبراتها بكثرة من اعترافه الغير مباشر 

-بتحبني..انحنى يحملها ويتجه إلى فراشهما خاطفا أنفاسها وروحها لتتعانق بأنفاسه وروحه ..وخاصته تعزف لحنه الاثير على اوتار خاصتها ليؤكد لها انها العشق الذي استوطن بثنايا روحه

اغتيال عنيف شعر به من لحظة الاقتراب وكأن روحه تصدر ألحانا وقلبه الذي يعزف بدقاته العنيفة، لينفجر بركان العشق رغمًا عنه ليوثق ميثاق العشق ويثبت ملكيته قولًا وفعلًا بعد فترة اقسم أنها فترة من الجنة من روعة ماشعر به وهي داخل أحضانه ..

هدأت النبضات اخيرًا واستكانت بعد رحلة من النبض العنيف الذي اخترق الصدور، تنهيدة عميقة وشعور الراحة يطفو فوق ملامحه بعدما وجدها تغفو بأحضانه كالطفلة التي تنعم بأحضان والديها ..سبح بعيناه فوق ملامحها التي تنعش الروح بالجسد، مرر أنامله إلى أن وصل إلى توثيق ملكيته على عنقها مبتسمًا يتذكر همسها إليه ..

تراجع بجسده على الفراش بعدما وضع رأسها على الوسادة، ونهض يجذب سجائره متجهًا إلى النافذة، وقام بإشعال سجائره 

-ياترى هتقدر تعمل اللي ناوي عليه، هتقدر تكسر قلبها ياإلياس، التفت برأسه ينظر إلى نومها الهادئ، ثم رجع ينظر من النافذة مرة أخرى وجذب المقعد وجلس عليه ينظر لشروق لشروق الشمس

-المهم أنها ملكك وبس، ومحدش هيقدر ياخدها..، بعد عدة ساعات تململت بنومها وابتسامة عاشقه تهمس اسمه، استمع الى همسها بقلبًا يئن بين الضلوع 

فتحت عيناها بعدما شعرت بخلو الفراش أعتدلت تجذب قميصه وترتديه متوقفة تبحث عنه، وجدته بالشرفة، تحركت إليه حافية القدمين إلى جلوسه، عانقته من الخلف وانحنت تطبع قبلة فوق وجنتيه 

-صباح الخير، صحيت امتى ..

ظل ينظر أمامه بصمت لدقيقتين ثم رفع رأسه إليها يشير إلى الخارج

-عملت لك كل اللي اتمنتيه، جبتك ايطاليا زي ماكان نفسك تقضي ليلة الفرح هنا، وفندق على البحر، منظر خلاب ..ثم أشار على قميصه وهو 

ينصب عوده متوقفا

-ولبستك قميصي الأبيض بتاع الفرح، وعيشتك ليلة مكنتيش تحلمي بيها زي ماقولتي

دقات عنيفة تشعر بتوقف قلبها من حالته التي تغيرت عن الأمس، وكلماته التي تدبح روحها، دار حولها وأكمل 

-اتمنيتي وأنا نفذت، جه الدور عليا بقى مش المفروض يكون ليا أمنية وتنفيذها ..انسابت عبراتها بعدما فقدت السيطرة ليكمل قائلًا بنبرة جافة مميتة

-كفاية ليلة العمر في جوازنا، مش عايز اقرب منك تاني، حاسس كأنك جنزير من النار على رقبتي، مش عايزك في حياتي، مش قادر اكمل، وفعلا زي ماقولتي مسرحية بس هزلية يابنت مدام فريدة ... ودلوقتي ردي تمن ليلة امبارح اللي اتمنتيه نفذته من غير ماتطلبي ..اعتبري من اللحظة دي انك مراتي بس على الورق بس، اكرامًا لوالدي اللي احتوى والدتك السنين دي كلها، اعتبريه دينها وسددي عن مامتك

صمت مرعب بالغرفة وهي تتراجع للخلف دون حديث بجسد منتفض، وعيون كزخات المطر، تريد من الله أن يسحب روحها لبارئها، من هذا ، أي جرم ارتكبته ليذيقها الله عذاب هذا الشخص 

كلمات وكأنها رمح مشتعل اخترقت روحها لتطعنها ..وجع ينخر ضلوعها، وكأنه فتتها بشظايا حادة..هوت على الأرضية تتراجع بجسدها تهز رأسها وكأنها بأحد كوابيسها

بفيلا السيوفي توقفت على البوابة الرئيسية وطلبت مقابلة فريدة 

-صديقة مدام فريدة، قولها مليكة الحسيني ...

بعد عدة دقائق دلفت تتجول بنظراتها على الفيلا تهمس لنفسها 

-حتى بعد مارميتك يافريدة، لقيتي احسن مما كنتي تحلمي، ياترى وصلتي لهنا ازاي ..استمعت إلى صوت كعبها المقترب ثم صوتها 

-اهلاً مليكة..التفت تخلع نظارتها السوداء 

اهلًا يافريدة، والله زمان، شوفتي الزمن، مصر ضيقة علينا ازاي، أنا قتلت ابنك وأنتِ قتلني بنتي يبقى خالصين

توقفت بجسد شاحب كالأموات وشعرت وكأن الأرض تسحب من تحت قدميها تهمس اسمها:

"رانيا"

الفصل السادس من هنا