رواية حكم اعدام امرأة خلف القضبان الفصل الخامس بقلم جمانه السعيدي
#حكم إعدام
أمراة خلف القضبان
البارت الخامس
جمانه السعيدي
سوسن... رجعت للبيت صعدت بس ضايجه كلش من ابو الماركت ومن وليد اكثر
ليش يصيح عليه
اني شنو دخلي هو بقه كاعد بلبيت ويصرف الفلوس منا لمن خلصن
خدرت الجاي انطيته وما حجيت وياا اي شي
زعلت منه
بلكت يحس ويطلع يشتغل لان اذا مايشتغل شلون انعيش
كعدت بلغرفه وذكرت اهلي وكمت ابجي
ابوي جان عنده حق
وليد مو مال مسوليه
ياترى شلون وضع اهلي شكالو عليه
شكد غبيه ضيعت السياره من ابوي
السياره الي بقى يحلم بيها طول عمره
وياريت الفلوس اخذهن واحد يستحق
وليد خلصهن صرف على ونسته وراحته طولهاي الفتره
ناكل احسن اكل ونلبس
لمن طشرنا الفلوس هسه لو فاتح بيهن مشروع
نعيش منه ولا هذا طيحان الحظ
جمانه السعيدي
كل النهار ماحجيت ويااا بس هو ولا على باله ولا اهتم
كاعد على النت كل النهار
ثاني يوم ماعندي شي اطبخ
قررت اسكت ومالي شغل اعتبر نفسي صايمه
صارت الساعه بلوحده الضهر كعد وليد من النوم
يوميه هيج وكت يكعد ومرات يكعد بالثنين
حقه اليل كله كاعد ما ينام
غسل وجه وفتح تليفونه
شويه وصاح عليه
وليد...ووين الاكل
سوسن...مارديت علي
وليد...مو احجي وياج
سوسن...ماعدنا شي اطبخ اني اخاف منه اذا يصيح عليه
شخصيتي ضعيفه كدامه
وليد...كلشي ماعدنا
سوسن.. اي كلشي ماعدنا
وليد..انزلي جيبي بيض من الماركت وتعاي خل يسجل
علينا
سوسن...ماانزل مالي شغل تريد انت روح
وليد...تنزلين غصبا ماعليج فهمتي لو لا
سوسن...ماانزل
عود على اساس سويت نفسي قويه
راسا طفر عليه لزمني من شعري وسحلني
انزلي لا اهينج فهمتي لو لا مو اني الي تكوليلي لا
جرني حيل من شعري حسيته راح يشلعه من مكانه
لازمني من شعري بأيد وجاب عباتي بايده الثانيه
دفعني برأ الشقه وشمر عباتي عليه
وطبك الباب
همزين بس احنا عايشين بهذا الطابق
سوسن... دكيت الباب علي افتح الباب
اغير ثوبي البس حجابي
كنت لا بسه ثوب قصير ابو لا ستيكه دلع
وليد...روحي ومن تجين غيري ثوبج
سوسن...شلون انزل هيج
مارد عليه بقيت تقريبا عشر دقايق واكفه برا ومارد عليه
لبست عباتي ونزلت
بدون حجاب من امشي تنفتح العبايه يطلعن رجليه
لازمه العبايه من صدري ومن رجليه
جمانه السعيدي
دخلت على ابو الماركت لان الدنيا ضهر محد اكو يمه
من شافني ابتسم حسيت اكو نضرة حقاره بعيونه
طويل اسمر جسمه مليان حواجبه صاعدات
شواربه ضعاف شفايفه زرك
شكله ابد مو مريح
مالك...هله كل الهله
سوسن...هله بيك
مالك ...زارتنا البركه اهلا وسهلا
سوسن...اريد بيض وسجله وياا حسابنا
كل شويه اعدل عباتي ساعه يطلع شعري ساعه صدري
مالك...مو تدللين طلع من ورا الميز وراح جاب بيض
خلا بجيس واجا عليه
مد ايده اليه ردت اخذ البيض عفت العبايه ومديت ايدي طلع صدري
راسا هو لزم ايدي شنو هذا كيمر عرب ياربي
اريد اسحب ايدي لازمها حيل
عفت العبايه من جوا ولزمته من صدري طلع نص شعري
راسا باوع على رجليه
سحب ايدي حيل قربني علي
مالك...حلوه حلوه انتي حلوه
سوسن...عوف ايدي
مالك...انتي ليش عصبيه خل نتفاهم اني وياج
كل هذا المحل كدامج اي شي يعجبج بدون مااسجل
اي شي تردي
سوسن...شكرا اريد بس بيض
فتح ايدي وبأسها خله ببها جيس البيض
بس بعده لازمها
مالك...عيوني عيوني اللج ليش خايفه سحبني علي يريد يحضني
واني احاول ابعد نفسي عنه راسا دخلو ثنيبن ولد وبنيه زغيره للمحل
عافني واني كمشت العبايه وطلعت بسرعه
جمانه السعيدي
همزين اجو ذوله خلصوني منه اني شكاعد يصير وياي من ورا وليد
الله يلعنك وليد
حقه مالك يتحرش بيه وين اكو وحده تنزل بهيج منضر
اكيد من شافني توقع اني حقيره مثله
ويريد يتحرش بيه
اليوم اكلب الدنيا على وليد كله بسببه كلشي يصير بينا بسببه
رجعت كسرت باب الشقه
فتح الباب وزمخ عليه
وليد...شبيج شبيج طرنا خوما طرنا
دخلت شمرت العبايه ليش هيج اكو واحد ينزل زوجته بهذا المنضر
ما تستحي ما تخجل
وليد.. انجبي مااسمع صوتج فهمتي لو لا
على اساس ست الزبيده
سوسن...كله بسببك هذا ابو الماركت يتحرش بيه
لزمني من ايدي ويكول المحل كله كدامج
انت برائيك ليش ليش يكول هيج
اكيد من هذا منضري توقع اني رخيصه بعد اني ماانزل
وانت لازم تروح توكفه عد حده
واحد ساقط
خل يعرف اني وراي رجال كسر المحل على راسه تكسير
حيوان
عافني وراح كعد على الكرويته
اني كنت متعمده اكله على مالك حتى أثير غيرته
وبعد ما ينزلني اشتري منه
وحتى يحس بوضعنا وينزل يشتغل
بلكت شويه تتحرك غيرته عليه
اتفاجئت بردت فعله كان رده عليه برود
وليد...شكو بيها
سوسن... اكلك اتحرش بيه تفتهم لو لا
وليد...كالج اي شي تردي من المحل تاخذي
سوسن...انت شبيك لزمني ايدي باسه ويريد يحضني
اله اكلج هيج
واحد حقير وادبسز
وليد...شكد غبيه انتي وجبتي بس هذا البيض جان جبتيلنا دجاج
لحم طبقه بيض حلويات كرزات
سوسن....بقيت واكفه وصافنه علي اكول معقوله مافهم كلامي لو اني الي ماافتهمت كلامه
رديت علي وليد انت فهمت كلامي
وليد... رد عليه بعصبيه اي فهمت واذا اتحرش بيج
طار نصج خوما طار نصج
سوسن...شلون يعني اعوفه يلزمني عادي ماعندك مشكله
وليد...بابا حركي دماغج
واذا لزم ايدج وحتلو باسج المفروض تستغلين الموقف
الصالحج تبقين غبيه طول عمرج
جايبه بيض بالف وجايه جيبي شكد ماتكدرين
جمانه السعيدي
سوسن...وليد اني عرضك
وليد...عوج حلكه وكال وليد اني عرضك بابا شبيج
بعدج باافكارج القديمه
الدنيا وين وصلت وانتي ووين
روحي حضريلنا اكل بسرعه ولا ادوخين راسي
رحت للمطبخ امشي اخط برجليه ما جاي اصدك
وليد اكيد تخبل
يريدني ابيع نفسي حتى اجيبله مسواك
مايربد يحرك نفسه ولا يريد يشتغل ويتعب
ابوي ماجذب من كال الي مايشتغل من زغير يبقى طول عمرا مايشتغل
اخر شي وصله وليد يريدني ابيع نفسي حتى هو يبقى مرتاح
ويجي الاكل للبيت
خليت الاكل كدامه ورحت كعدت بغرفتي
حتى مااشتهي اكل
اني بيش ورطت نفسي هذا حيوان مو بشر
من كد القهر احس راسي يوجعني
هو ولا على باله كعد ياكل وحده ويتفرج على التليفون
ولا كأنما ولا اباله
سوسن...اني شلعبت بحالي ووين اروح هسه
لا اكدر ارجع البيت اهلي
ياكلوني اكل نهايتي الموت
واذا عفت وليد ونهزمت ووين اروح لا عندي فلوس ولا شهاده ولا عندي اقارب
ولا اعرف احد وين اروح انام بلشارع
اكيد راح اصير فريسه سهله المالك وامثاله
اني حفرت حفره النفسي ووكعت بيها على بوزي
ماكو اي حل
كلت خل احاول احجي وياا بهدوء بلكت يحس على نفسه
خل احاول بلكت بعده يحبني
اكيد باقيه شوية محبه بكلبه اليه
رحت غسلت وبدلت وتعطرتوورحت يمه
مدد ويلعب بوبجي
سوسن...وليد وليد
وليد...نعم
سوسن....ليش هيج اني بتوعك وزوجتك عفت اهلي واجيت وياك حتى فلوس اهلي بكره علمودك
ليش هيج تسوي بيه
معقوله اني حبيبتك تقبل احد يقرب عليه
وليد...لا ادوخيني كاعد اللعب روحي من يمي
سوسن...قربت علي وبسته وحضنته بلكت تتحرك مشاعره ويحس بلغيره عليه
وليد...اني مو كتلج روحي منا اربد اللعب
سوسن...راسا دفعني
وليد...كومي راح تخربين الكيم عليه ولي منا
دفعني برجله حيل
شكد انقهرت على نفسي نفسي الي ضيعته
واني اركض ورا وليد
معقوله هاي نهايتي حيل بيه اني ضيعت نفسي