 |
رواية بيت الخبازه الفصل الخامس 5 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه.......#بارت٥
،زهره الرمان ،
خديجه:ماكدرت اضهر ل عزيزه وأبو شكر سوالف أخوي بررت
اريدكم تسوون نقل مدارس بناتي بس حسيت أبو شكر ما اقتنع خاصه جنط ملابسنه ويانا
گتله وهم
أريد بناتي يربن يمكم الترباه للعمام و من هلكلام بس ابو شكر يباوع بالمرايا مالت السياره من افسرلهم ويهز راسه بس التجاوب عزيزه
وأكدت أخذ بيت جوارينكم وجوا عيون عمام بناتي احسن
سكتوا كالو هسه مو وكت هالكلام بس كلمه كال أبو شكر أبو طه شنو موقفه من جيتج
باوعت عليه بالمرايا
اجيت من دون علمه
سكت وكأن فهم إني شارده منه ما طول بالكلام
وصلنه وراح أبو شكر
بالمطبخ لكينه الكل ماكو بيت ابو شكر
كالت خلي البنات بغرفتي يرتاحن
ا خذتنه لغرفتها عزيزه فرغت من كنتورها وخلت ملابسنا
مروه أشرت اريد انام
ما ضغطت عليه عزيزه أبد بالاسئله بقت تسولف عن واثق وعمار يدورون خيط لكتال حاجم او المكتول لبيتنه وهيج ساعه ابجي وساعه اباوع لبناتي وياخذني التفكير خاف أبو طه يسوي شي واعرفه ما يسكت أخاف يتجاوز على عمام بناتي وتصير مشاكل ساعه الوم روحي شلون طلعت بغير ما اكله ألف فكره
للضهر صارت حركه وزوجه أبو شكر وزوجه واثق صارلهن صوت طلعت عزيزه راحت يمهن واكيد كالتلهن على جيتي
سلامهن طبيعي وياي ومر اليوم لحد ساعه ب١٠بليل وسمعت أين واثق يكول اجه اخو عمه خديجه أبو طه
خفت
وهذا الكلام إني بغرغه عزيزه حتى من رادوني اتعشى وياهم بالصاله كلهم مجموعين مقبلت لان مروه تبقى ترافس متكعد يم احد ماعرف شبيها كلت بسبب صدمه ابوها
شويه واجت عزيزه باوعت بعيونها اشرت يعني عيفي البنات وتعالي
وصيت استبرق على اخواتها وطلعت
عزيزه:شوفي صيري حازمه مالكج اخسري اخوج بس قرري الشي اليناسب حياه بناتج ذني بركبتج
طلعت
لكيت أبو شكر عيونه حمر ويفرك بالسبحه
أول ما شافني أبو طه
أبو طه:لج انتي صدك متستحين هيج أنتي مالج لأ رداد ولا صداد تبوكين روحج واطلعين شلون جرئه
وعلشنو طلعتي احد طككج احد مسلج طرف
خديجه: أبو طه إني استحي بس إني ما رحت لغرب ولا سويت شي اجيت
اريد عمهن ينقلهن لهسه بدون مدارس خلص شهر
أبو طه:وهذا مبرر تشردين من الصبح بس شكول أنتي فد وحده طايحه حظ وادب سزز
خديجه:غلط عليه باوعت بوجه عمار وابو شكر كتله أبو طه
صاح وقزرقط ببطنج
شفت أبو شكر گطع السبحه البيده
وكف أبو طه واجه عليه يريد يضربني وركض أبو شكر صار حاجز بينه وعاط أبو طه أنت ببيتي ماريد اسمعك كلام اندمك عليه سكتت من تغلط صار ساعه عليها شنو جايه لبيت مشبوه بيتها هذا فهمت
أبو طه:تندم منووو هاي أختي وبكيفي احجي اليعجبني واضربها واكسر راسها هاي ماتعرف بمصلحتها ولا سمعت أهلها
خليني ساكت
أبو شكر:اختتتك والاخو هيج يغلط على اخته إلي متزوجه وعدها أولاد وين حشمه العمر
اختك وأنت ما احترامتها حتى كدامنه الله يعلم شلون تعاملها وشنو خليني ساكت لازم علينه لزمه شنو
أبو طه: لاتصير ناصح أختي وبكيفي ولاتدخل (بعياط)
أبو شكر: لاتصيح فهمت محترمك لأن خال بناتنه واختك خوش ادميه فلا تلوص
خديجه:علگت بينهم والصوت عله وصار بعدين تهديد وأبو طه يكول لحامد روحي شوفوا كتال اخوكم واخوكم هم كاتله واحد انتم بؤره ضلمه ومحتمين وره هالسبحه وشكال الله وشكال محمد چذب بچذب
وهنا تخبل أبو شكر
أبو شكر: احنا عائله مضلمه ونكتل فأسلم مني احسنلك بكر
أبو طه:اسمي أبو طه وشنووو تهددني
دفع أبو شكر وباوع على خديجه
هسه تلمين خلاگينج وتولين كدامي
أبو شكر:متروح هنا ردت تكتلها شنو تريد هناك تستفرد بيها الله اليعلم شسوي
متروحين ام استبرق فوتي جوا
أبو طه:منو أنت وتكوللها فوتي جوا
خديجه:تكامشوا من الياخات لطمت وركضت اسحب بابو طه
واصيح دفعني أبو طه حيل بالكاع وكعت
أبو شكر: شلووون تدفعها هيج وهي مثجل
التفت عليه أبو طه وتجاهل كلام أبو شكر
لو تروحين وياي لو من هاي اللحظه تنسين شئ اسمه أهل قرري بابي مدكينه لو تاكلج الجلاب احجي بصراخ
بقى يباوع بوجهي أبو شكر يريد يعرف قراري بعد تهديد أبو طه بثواني كلت أبو طه يزوج بناتي ويحرمهن من المدارس واضافه يريد يبيع بيت اليتامى
اذا اروح وياه يطلع الدنيا من عيوني مثل ذيج المره من رحت للنجف يهين ويغلط
هسه شيسوي بيه وهنا راد يضربني هناك منو يدفعه مني
أنت أخوي وابن أمي وأبوي اسمعك سالم وغانم كلشي ماريد بس بيتك مارجعله خويه
التفتت كعد أبو شكر وهمس الحمد لله
أبو طه كمش نفاضه على الميز وشمرها على وجهي بكل قوته.وطلع
حسيت بحراره بوجهي عاط حيل أبو شكر عزيزه
تعالي وركض يريد يلحك أبو طه
صحت حيل حااامد فدوووه خويه ارجع ارجع عيفه.يم باب الديوان الخارجي باوعلي ضرب الباب
اجت عزيزه وبناتهم التمو صاح أبو شكر وين سيف ع ابنه معاون طبي
يصيحوا خلو يشوف وين جرحها نوديها للمستشفى
اجه كال لأ خياط بسيط اخذوني للصاله مسح الدم ووكفه كال سيف عمه تحملي شويه فوك الحاجب شويه ونازل على الحاجب الضربه
إني غمضت واستذكر كل حياتي مايوم حاجم ضربني حتى بالشقا
دموعي تنزل بلا صوت ويسأل سيف عمه وجعتج اشر بيدي لأ لأ بعدين كتله خيط عمه ما موجوعه
وكلهم واكفين
كمل واخذتني عزيزه للغرفه أبو شكر ما شفته وام شكر واكفه يم الدرج ما حجت بس زوجه واثق وجها مطعون ضايجه
دخلت شهگت استبرق كتلها ماكو شي كالت خالوو مو كل نسوان عمامي وره باب الديوان وشافوه
سكتت
كل إلي صار وإني ما حاسبه بيا شهر
بليل حسيت بألم طلعت للحمام سمعت صوت أبو شكر وام شكر بس ما فهمت الكلام دخلت للفجر هم بدا الوجع يزيد كعدت عزيزه
عزيزه:شبيج خديجه تلوعين متاذيه
خديجه:وجع يكرف بيه من الليل لهسه
عزيزه:خيه توج بالثامن شلون استري علينه موزين
خديجه:بالسبعه الصبح بعد ما اكدر اتحرك من الألم بس طبعي ما اصرخ أو أي شي أبقى ساكته بالولاده بس هالمره سچينه تشكك ببطني
عزيزه گايله الابو شكر لكيته واكف منتظرني وإني ميته خجل منه
وهو يصيح أن شاء الله خير يلا توكلوا بسرعه أم طه ما شفتها بس عزيزه رادت تاخذني ردت مرت واثق او ام طه اوصيهم على البنات لان مروه ما تتقبل احد يوصل يمها وصفا حاله خاصه أيست احد موجوده منهن وصيت استبرق على اخواتها وطلعت وإني گلبي يوجعني.
وصلنا للمستشفى بس فحصت الطبيببه طلبت سونار ورا ساعه كالت قيصيريه بس وضع الطفل حرج والام تحتاج دم روحوا احجزو من مصرف الدم دخلت للعمليه وإني گلبي يم بناتي اخاف ما اطلع
بعدهم ما دخلوني واكفين أبو شكر و عزيزه
گلتلهم بناني بأمانتكم لأ غيركم يربونهم
بچيت بقى يحجي أبو شكر يمعوده كلها كم دقيقه واطلعين وترجعين لبناتج واجيبنه اخ الهن وعزبزه تبجي
عزيزه: الطبيبه كالت المشيمه صاير بيها تضرر لازم نطلع الطفل بس مانعرف وضعه لكن بيه نبض لكينا بس هي وضعها حرج
فاتت وإني وأبو شكر منتظرين
باوعت عليه
شبيها ام شكر؟
أبو شكر:مابيها تهذري وتسكت هاي هم كبرت وخرفت
عزيزه: يعني السمعته صحيح
أبو شكر:اكلجن انتن كلجن نفس المخ
عزيزه: هسه إني أسألك نفس المخ شنو
أبو شكر:ولج ارمله أخوي اساعدها لأن بناتنه عدها واخوها طايح حضه ولج الغرب الغرب احنه نساعدهم أكثر انوب ام بناتنه اله طمع اله اريد ازوجها بله مرتي مريضه نفسيا أنتي شبيج يلعاقله خويه
عزيزه:ابنسمت وسكتت لأن صاحت الممرضه منو وي خديجه
ركضت كالت الممرضه فوتي
لكيت الطبيبه واكفه بالصاله القريبه على صاله العمليات
الطبيبه:شوفي عيوني إني سويت العليه الطفل دزينا للخدج وآلام بعد ساعتين ورا هاي الابره مال النزف تحتاج دم حضرو نفسكم تنطوها
لأن اطيناها بطلين وعدها فقر دم
وللعلم متعرضه لضربه او شايله شي ثكيل على بطنها ماعرف لأن مضروبه المشيمه
وحتى الطفل تعبان
عزيزه بقينا تقريباً ساعه ونص وبلغت أبو شكركال إني موجود كتله وإني هم O+
وهي هم O+
وطلبو دم كلت إني اتبرع ما قبل أبو شكر كال إني
راح تبرع وبقينا لليل اجه عمار وواثق
وخديجة تعبانه خطيه
وتسأل عن الطفل شنو جابت ووين الطفل وشلونه
كلتلها ولد
بقت تبجي وتردد حاجم وينك حاجم
بس بصعوبه تحجي
رحت للخدج شفت الطفل كالت البنيه إلي بالخدج الطفل ميبجي تعبان
يومين بقت بالمستشفى
خديجه: شفت الموت من الألم وإني ابجي شوف ياحاجم ماكتب ربي يخليك تشوف الولد وأنت عدل متت أنت واجه الولد دخلت عزيزه بقت تحجي مايصلح
بعدين كالو تباتين بقى گلبي يم بناتي
عزيزه:لاتخافين ماعليهن شي شكو عليهن
شنو نسمي الولد ودخل أبو شكر
الله جابك
أبو شكر:حمد الله على السلامه خويه ام استبرق
خديجه:الله يسلمك خويه
أبو شكر: على شنو الله جابني محتاجين شي
هاج أول مرة هاي معلاك وفواكه واكل وكليها
عزيزه:شنو نسمي الولد
أبو شكر:امه تسمي
خديجه:چانو صحبان حاجم يسمونه أبو عون
وإني سميته عون
عزيزه:هاي هيه يم عون
أبو شكر ؛ما جابوا من الخدج حتى نكبر بأذنه
عزيزه:البنيه أم الخدج تكول تعبان هسه احسن
خديجه:بقيت يومين جابولي الطفل كمشته وشميت رگبته احاول اكمش نفسي ماريد ابجي
عزيزه:حابه ابلغ أحد من اهلج
خديجه:بس اختي ام ماجد
عزيزه:صار رحت للبيت وأول ما دخلت تلگتني استبرق وين أمي
عمه امج تعبانه بيكم شئ محتاجه شئ
استبرق: لأ عمه ممحتاجين شي بس اسأل عن أمي كالت باجر تطلع
رجعت لاخواتي
صفا: أول مرة أمي تفاركنا كالو جابت ولد يعني اخ النه سألت استبرق كولي لعمو من اجه بليل الولد خاف مثلي هيج لونه
استبرق:واذا مثلج شبيج أنتي أحلى وحده بينه
صفا:طلعت اريد اروح لعمو حامد أسأله عن أمي جان توه جاي من المستشفى وهاي أول ليله انام بدون أمي وصلت للمطبخ كاعد يتعشى ويمه زوجته
حامد: تعالي صفاوي عمو تعالي تعشي وياي
صفا: لأ عمو متعشيه عمو اسأل على أمي ليش باتت شبيها
أبو شكر:مابيها حبيبتي جابتلكم اخ يخبل
صفا: أنت شفته
أبو شكر:اي رحت للحاضنه مخلينه وشفته
صفا:عمو خوما يشبهني
أبو شكر:شفايتله لو يشبهج هههه لأ اجلح على استبرق من شفتها وراها اجت
استبرق: بقينا يشاقه ويانه عمو أبو شكر
إني وصفا بس مروه بالغرفه تكعد يم الحايط متقبل أحد يقتربلها
مندمجين يسولفنه عمو عن الطفل وعن أمي گمزنا من وگعه الچفچير بالگاع
حيل وگع عمه ام شكر وكع من ايدها وطلعت عمو أبو شكر خنزر بعيونه عليها
عزيزه:بايته ويه خديجه وبلغت ام ماجد تجي ومن الصبح اجت طبيبتها شافت الجرح مالتها وانطت تعليمات مابعد العمليه القيصريه
وطلعت صاحتني رحت برا وراها
نعم دكتوره
الطبيبه:محبيت احجي يم المريضه ترا الطفل توفى
عزيزه:لطمت يااا ليش دكتوره
الطبيبه: إني من الأول كتلكم انقاذ الام اولويه وحاولنا ننقذ الطفل لكن الله ما راد الطفل متأثر مثل ما فهمتج يعني المشيمه هي مكانه اليعيشه احنا لكيناها المشيمه صايره بيها انفصال كلي ومن اجت هي نازفه يعني من سألتها شوكت نزفتي تكلي من الليل وعبالها مال ولاده نزف
والحمد لله طلعت هي بخير وما عدها أي شيء حالياً تكدرون اطلعوها ورا الضهر بس كملو الطبله مالتها واخذوا العلاج وجيبو اشوفه
عزيزه:شلون اكللها إلي البارحه شلتي بيدج اليوم صار مو الج يربي
نقذتني من اجت ام ماجد اختها بلغتها وهي راحت يمها
ام ماجد: الحمد لله على سلامتج خديجه خيه
خديجه:الله يسلمج اكلج وين عزيزه
أم ماجد: راحت تكمل اوراقج حتى اطلعين وتخابر على حماج يجي شوفي ليش ما اخذج لبيتي هناك اداريج أنتي تحتاجين وأحد يگومج ويكعدج
خديجه:لالا خيه بناتي ببيت حامد
ام ماجد:ادز يجيبونهن
خديجه: لأ خيه أنتي هم عدج عيال ومريضه عزيزه متفرغتلي خطيه
ودخلت عزيزه
عزيزه:بعد شويه يجينه عمار عده سياره ويطلعنه
خديجه:اكلج خلي يجيبولي الطفل ارضعه بس يبقى بعد ما يقبل يرضع
عزيزه عزيزه شبيج خيه
ام ماجد:عيفي هسه الطفل بمكانه اسالج
تذكرين من اجيتي نفستيني بغسق بتي
خديجه: أي اتذكر
أم ماجد:للاربعين وتعلمت عليها انوب فجاه كالو أبو صفار صعد وماتت صح لولا
خديجه:وشذكرج هسه
ام ماجد:خيه اسمعي مني انه راحولي اربع بطون شي شلتهم وشي كبرتهم وع ايدج
الضنه غللي بس مو كل الزرع ينحوي
خديجه:بجيت بصوت مات ابني مات عون وضلت حسره بگلبي ارضعه واشيله مو سميته عون كلت يصيرلي بهاي الدنيا عون
عزيزه: على دموعها ماتحملت طلعت ابجي وعمار يسوي أوراق طلعتنه أبو شكر أخذ الطفل
خديجه:وييينج عزيزه عززززيزه
عزيزه::سمعت صراخ خديجه باسمي دخلتلها هاا
خديجه:اريد اشوفه لاخر مره فدوه
عزيزه طلعت ل أبو شكر
خويه لأ تروح ادفنه تريد تشوفه
أبو شكر: منظر خديجه قهرني على موتت الطفل كأن اليوم رجع موت حاجم عليها
تبجي بحركه وصوت شكد يحاولن يسكتنها ماسكتت
سحبت الطفل من ايد اختها وخلته على وجهه وبقت تحجي وياه
خديجه: أنت رايح لابوك كله كله خديجه انذلت عكب عينك كله خليت وجها فارغ
كلها حبتك حب لگطع النفس وتركتها
وانوب جانت متمنينه الولد عون الها وهم انه عفتها كللله يمه كله
إني الغريبه لبين ناسي وهلي لأن يحاجم بس أنت احسنك هلي
عزيزه:حالها يبچي الصخر بس أبو شكر أخذ الطفل منها وطلع خفنا عليها عمليه وام ماجد طلعت برا لأن تبجي وياها سحبتها برا خيه تصبرينها لو تبجين وياها
أم ماجد:خيه شكو بطنها وبضيم وهالتشوفين مكسوره وحزينه على زوجها هاي جبرتها استغفر الله حكمتك ربي
عزيزه:اراده الله يجوز هالطفل اخذه رب العالمين رحمه الها محد يدري بس الحجي الصدك وما نكدر نكوله هو اول البارحه لابد سمعتي باخوج أبو طه شسوه بيها
سولفت لام ماجد ع الصار بين خديجه واخوها وختمتها وداعتج خيه هو دفعها حيل أصلا راد يكتلها لوما أبو شكر وكف بوجها دفعها على الميز مالت الديوان لليل نزفت وكالت موجوعه للصبح يلا حجت حتى دم مابيها فقر دم وتعبانه كلش جبناها الطبيبه كالت حرت انقذ الأم أول مرة
استبرق:صفا متشوقه تشوف اخونه وفرحنه سموه عون أبوي جانو يسمو أبو عون
كلتلهم خل اسبحكم إني اسبحكم اجيت على مروه لكيت جسمها بيدها مكان ازرك وضهرها طبع اصابع
مافهمت وهي مروه قليله كلام كلش من صغرها
وتضوج احد يلزمها ولا تلعب مع أي أحد إلا إلي تحبهم
صفا: غسلت شعري استبرق وطلعت كالت نشفي وكملي وتعالي وراي اخذت مروه ما تخليها وحدها اندك الباب عليه كلت منو سمعت صوت نورس بنت عمو
هاا نورس
اطلعي شدعوه هلكد بقيتن بالحمام شنو خايسات أول ما طلعت دفعتني حيل صار وجهي على المرايا بباب الحمام
التفت شبيج هاا شبيج
نورس: ومرض المشوهه شوف خلقتها
صفا:ما حجيت ولا جاوبت رحت للغرفه بس خنگتني العبره
خديجه:اخذو أبني كالو راح انأمنه يدفنو
جابنه للبيت عمار وياي ام ماجد وعزيزه
تمددت على فراشي واجت مروه تكورت جوه ايدي وصفا يمي استبرق تسأل وين الطفل سويتله مكان وين الطفل
عزيزه:شيلي فراش الطفل عمه راح لرحمه الله
خديجه:بقت استبرق تبجي بس صفا ومروه اصلا يبجون
بقيت يوميه عزيزه تجيب الأكل وتوكلني وتبقى يمي
بس زوجه واثق وزوجه حامد شفتهن بس أول يوم من اجيت سلمن وراحن حتى ما كالن البقى براسج أو لاتهتمين راح الطفل
ما مهتمه إني اصلا لأن همي اكبر من طاقتي
كم يوم واجت ممرضه شالت الخيط وكلت اسبح لأن صدري يدر ومورم حتى صخنت وكلما يوجعني ابجي
بهاي الايام اتحاشى اطلع استحي من حامد وواثق واولادهم هم عدهم شابين ولد
فاطلع تالي الليل من انوم بناتي إلي ابد ما اخليهن يطلعن ابد من الغرفه
طلعت الغرفه الاني بيها تصير جوا الدرج يعني من اطلع من الغرفه تصير الصاله الفوك بوجهي ينشاف الفوك
باوعت إبن واثق ووياه ولد اصغر منه بس العجيبه الولد بلا ملابس من جواا دنكت بسرعه شنو الموضوع هي بيت واثق فوك
واليوم مرت واثق رايحه لاهلها كلهم رايحين شجاب ابن واثق
وبوضع سخيف
فتت للحمام وباوعت من نزلو للدرج مادري شافوني اولا من جانو فوك بقيت اراقب كال للولد منا وهيج أنت حبيبي لاتروح لأ ياسر ولا محمد بس اليه
لطمت على خدي الولد عمره ب١٤
وابن واثق عمره ١٨يعني كارثه ابن واثق الجبير هذا
بقيت بحيره
وتقززت من تصرفه
كلت اسكت افضل إني عايزه مشاكل
مرت ايام صعبه لحد ما طبت وسوو نقل للبنات
وأبو شكر جاب ملايس للبنات وحتى اليه جاب ربطه وعبايه رغم رفضت ممحتاجتهن بس عزيزه كالت نسميها جبره لوليدج
وداومن وكلت اشيل ببيت عزيزه لكن أبو شكر رفض كال هنا جوا عيونه افضل هاي سنين مخلينه عزيزه تعيش وحدها ولايتنه زغيره ويموتون على القال والقلت بقيت لكن صفا تلح نرجع لبيتنا وبيتي بعدها شغله كتال حاجم والمكتول وطلابتنه
ما اجازف ببناتي وأبو شكر كال يبقى لبنات حاجم لحد ما يكبرن واصرفي بيه
يرحن ويرجعن للمدرسه
وي بنت واثق بعمر استبرق
استبرق ثالث متوسط ورسبت العام صاحباتها بالرابع ماخذه ضخامه ابوها طويله وبيها سمن شويه
والبنات التوم خامس ابتدائي
صفا: بهاي المدرسه صح خف التنمر على شكلي لأن المديره كالت هاي طالبه مميزه بالصف مالتننه حتى الطالبات ما يضوجني وكل للمعلمات نفس الشئ
بس مروه صعب تندمج مع أي احد وتبقى لازمه بيه ما تروح لأي مكان
اليوم معلمه الرياضيات ست لبنى
كالت من تخلصين الدرس تعالي وراي
رحت
ست لبنى: صفا قبل كم يوم كتلج خل تجي امج او ابوج أي أحد من اهلج
صفا:ليش ست سوينا شي احنا
ست لبنى: اريد احجي وي اهلكم ممسوين شي لكن اسالج مروه شوكت صارت هيجي انعزاليه ومتجاوب احد
صفا:ست هي من صغره بس ويه أبوي تسولف وتضحك وهسه بابا مات
ست لبنى: لاحول ولا قوة الا بالله طيب بنتي امج وين
صفا:ست أمي متطلع ولا جانت تروح لمدارسنا
ست لبنى:بنتي عمج أي أحد خلو يجوني باجر زين
صفا:رجعت سولفت لأمي كالت شبيها مصدومه على ابوها تصير بمرور الايام احسن
بس هسه نكول لواحد من عمامج يرحون للمدرسه
خديجه: وصيت عزيزه تكول لأبو شكر من يصير عنده مجال يروح
أبو شكر: اروحلهن باجر ب١١كولي لمعلمتج عمي يجي
صفا ؛خوش عمو
أبو شكر:دخلت لمدرسه البنات وأعرف صفهن من نقلتهن اخذتهن ورحنا على معلمه الرياضيات
السلام عليكم حضرتج ست لبنى
ست لبنى:نعم تفضلو أهلا وسهلا
أنت عم البنات
أبو شكر: أول مرة البقية بحياتكم عرفت من صفا اخوك متوفي والدهن
ابو شكر:حياتج الباقيه
لعفو ست شنو الموضوع
ست لبنى:اخي مروه هم مراجعين بيها أطباء أو مكتشفين وضعها
أبو شكر:شبيها ؟؟
ست لبنى: أخي البنيه بيها توحد عجيب شون وصلت لل٥بهاي الحاله
