رواية ليه يا زمن الفصل الثالث والخمسون 53 بقلم نسرين بلعجيلى
وائل و نرمين طلعوا راحوا كافيه
وائل: اتفضلي كنتي عايزه تقولي ايه؟
نرمين: بص يا وائل هتكلم معاك بصراحه وانت قرر
والله العظيم مش هكذب عليك
وائل: اتكلمي
نرمين : بصراحه من زمان كنت بحب طارق و هو بيحبني وحصلت مشكله بينا واختي الله يرحمها كانت بتحبه وللأسف قربت منه و هو عشان يغيظني خطبها و اتجوزها في ظرف شهر
بس انا يا وائل نسيته مع الوقت
وحصلت ليا صدمه وماتعرفتش على حد خالص
لحد ما جيت انت واتجوزنا
وائل: بتقولي انك نسيتيه ؟؟
نرمين : ايوه
وائل: طيب عينيكي كانت بتلمع ليه؟
نرمين: عادي بقالي كثير ما شوفتوش
وائل: يعني وانت في حضني كنتي بتفكري فيه؟
نرمين لا طبعا
وائل: ازاي وانتي عمرك ما قربتي مني ؟ عارفه انك على طول بتبعدي عني عملت حاجات كثير علشان أقرب منك واخليكي تحبيني زي ما حبيتك
انا ماليش ذنب
نرمين: مش بأيدي يا وائل وانا كنت مخلصه ليك
أرجوك سامحني لو خبيت عليك
ماما اللي قالتلي ماقولكش لان الموضوع انتهي
وائل: بس كان من حقي اعرف
نرمين: انا آسفه .
نسرين بلعجيلي
فاطمه: يعني ايه هربت ؟؟؟
جمالات : والله كنت نايمه جنبها وصحيت نزلت شقتي طلعت مالاقتهاش ومش بايته في شقتها
فاطمه: يمكن مسافره مع جوزها ؟
جمالات: هو انت ماتعرفيش ان بنتك فضلت ورا ابني لحد ما ودته السرايا الصفرا
فاطمه: إنت إبنك مجنون خلقه هتجيبي الحق على بنتي الغلبانه ؟
جمالات : خشي خشي يا ختي هننشر غسيلنا قدام اللي يسوا واللي مايسواش
فيروز: ليه يا شويكار ماقولتليش ان بنتك بتحب ابن خالتها طارق؟؟؟
شويكار ارتبكت
شويكار: ايه اللي انت بتقوليه يا فيروز ؟؟
فيروز : انا وانت أصحاب من زمان أرجوكي متخليش المشكله دي تأثر علينا
انا حبيت بنتك واختارتها تبقي مرات ابني
والصراحه ابني بيحبها وحتي اصحابهم اللي في أمريكا حبوها و شكروا لي فيها
وانها واخده بالها من ابني ومن بيتها وانها ست هاديه ومش بتاعت مشاكل
بس القلب و مايريد الحب رزق مش بايدينا
ابني حب بنتك بكل تفاصيلها بس بنتك ماعرفتش تحبه
ابني اتكلم عليها بكل حب و شكرها
بس هو حس انها مش طبيعيه في حاجه مضايقاها قالي حاولت أسعدها و مش عارف
شويكار: إبنك راجل و فاهم في الأصول
الموضوع ده قديم هي حبته بس هو حب اختها مسك الله يرحمها
ومن ساعتها رفضت تتجوز او تتعرف على اي حد
لحد ما اتجوزت إبنك
فيروز: ابني وائل مجروح من بنتك لأنها خبت عليه لو كانت صارحته من الأول انها كانت بتحب طارق كان فهم الوضع
انا حاولت اشيل الافكار من راسه بس هو حس لأن بنتك عينيها فضحتها .
Nisrine Bellaajili
شويكار: حنعمل ايه دلوقتي ؟؟؟
فيروز : العمل عمل ربنا اهو هما طلعوا يارب يلاقوا حل
انت حاولي تكلمي بنتك
بس سؤال يا شويكار بنتك لسه بتحب طارق؟؟؟؟
شويكار : اقولك ايه بس مش عارفه ؟
المعلم وصل المستشفى
ودخلوه غرفته
زهره فضلت معاه لحد ما كلمتها وداد تقولها انها بتولد
زهره: اهدي كده وكلمي الريسيبشن
وداد : زفت ايه انا مش عارفه اللي بتقولي عليه
زهره : حقفل اتصل بطارق يقولي اسم الاوتيل .
حبعت لك عربية إسعاف تجيبك المستشفى اللي انا فيها علشان ابقي جنبك .
زهره اتصلت بطارق اللي تكلف بكل حاجه و راح عند زهره المستشفى يستنوا اختها .
جت وداد و دخلت اوضة العمليات لأن ولادتها كانت متعسره .
علي راح يزور ابوه .
علي: ازيك؟
المعلم: مش كويس تعبان شويه وكمان زهره مش موجوده .
علي: اها علشان كده تعبان هي عملت لك ايه البت دي؟
عارف من ساعه ما اتجوزتها ما اتكلمتش معاك .
المعلم: زهره ماعملتش حاجه اتجوزتها وهي ماتعرفش مين العريس
وفوق كل ده كان لازم اتجوزها علشان أحميك
علي: نعم تحميني ؟؟
المعلم: مش عايز اتكلم
علي: بتدافع عنها ماشي هي فين وسايباك لوحدك ؟؟
المعلم: اختها بتولد هنا في المستشفى .
علي: إيه اللي خلاك تتعب كده؟
المعلم: قولي عملت ايه في قضيه اختك؟؟
علي: الموضوع كبير بنتك حامل وكانت شغاله في بيت دعاره انت ضيعت بنتك وانت بتجري ورا النسوان .
نسرين بلعجيلي
المعلم: إنت بتقول ايه؟ اختك حامل ؟؟
علي: ايوه قال ايه متجوزه عرفي .
المعلم الصدمه خلت قلبه يوجعه علي ابتدا يشوف ابوه وشه احمر و مش قادر ياخد نفسه
طلع يجري يطلب الدكتور .
تحت في قسم الولاده
كانت زهره قلقانه على اختها .
طارق: اهدي يا زهره ان شاء الله خير .
زهره: انا خايفه اوي
طارق: بقولك عماد كتب كل حاجه باسم اختك وداد .
والتحاليل بتاع التوابل طلع سم .
السم ده مفعوله فتاك يعني لو كانت اخدته كان موت الجنين و مش بعيد اختك كمان .
زهره: يالهوي يالهوي
طارق: اهدي اختك طلعت شاطره وصورتها فيديو .
بس اختك لما تولد مش لازم تفضل في الشقه مع حماتها
لانها خطر عليها
عماد لسه وراه علاج طويل .
زهره: اكيد مش هخليها ترجع هناك تولد بالسلامه وهاخدها عندي البيت .
طارق: المعلم اخباره ايه؟؟
زهره : تعبان مش عارفه اعمل ايه كله فوق دماغي قولي اخبار القضيه ايه؟؟
طارق: القضيه صعبه جدا وشكلهم خلصوا من الجنين
زهره: بتقول ايه؟
طارق: نزلوها الحجز تحت استلموها المسجونات
زهره: ايه الناس دي ياربي انا خايفه اوي يا طارق
طارق كان قاعد جنبها
وحط ايده على ايدها
طارق: متخافيش مش هسيبك لأنك على حق انت ست بميت راجل واللي عملتيه مع المعلم ماحدش يعمله واعرفي كمان انك مركز قوه مش ضعف لان اللي وصلنا ليه مهم جدا
زهره: وعلي؟؟؟
طارق: لسه بتفكري فيه؟؟
زهره : لأ بس عايزه اطمن عليه .
طارق: علي اختار طريقه هو لو عايز يخلص منهم هيخلص بس هو ضعيف اهم انتقموا من اخته انت بس خلي بالك من نفسك و من المعلم
علي كان جاي يبلغ زهره انه ابوه تعب
وقف مبلم وهو شايف طارق ماسك إيد زهره و قريبين من بعض
زهره سحبت ايديها و كانت مكسوفه
طارق: اسف يا زهره انت زي اختي
زهره: عارفه والله وانا بعتبرك أخويا
علي اتنرفز وراح لهم
علي: مشاء الله على عصافير الحب
انت يا واطيه سايبه جوزك بين الحياه و الموت و قاعده مع صاحبك .
زهره وقفت
زهره: مافيش واطي هنا قدك واحترم نفسك
طارق زي اخويا ولو مراتك بتصاحب من وراك فا مش كل الستات زي بعض
علي: انت تخرصي ومتجيبيش سيره مراتي على لسانك
طارق: عنده حق لسانك انضف من انك تيجبي سيره وحده رخيصه
علي قرب من طارق كان عايز يضربه
بس طارق زقه بعيد .
طارق: بتقول ابوك بين الحياه و الموت وانت قاعد تتخانق هنا
زهره: اعمل ايه ياربي ابوك ماله ؟
علي: مش عارف تعب فاجأة
زهره: منك الله اكيد انت السبب طارق خليك هنا مع وداد أرجوك حطلع لسعد .
طارق: روحي انا مش هسيبكم
لما تولد هابلغك على طول .
زهره: ربنا يخليك لينا
وطلعت تجري
طارق: على غلطك فى زهره هتدفع تمنه غالي
علي: ايه اللي بينكم ؟؟
طارق: وانت مالك ؟ ركز في شغلك و في مراتك
الا صحيح ازاي سترت عليها ولا ماتكونش حسيت انها ماكنتش….
علي: اخرس ماتجيبش سيره مراتي على لسانك
طارق: طيب ابقي اسألها مين مازن
طلعت الممرضه
الممرضه: الف مبروك المدام جابت ولد زي القمر
طارق: الحمدلله هي عامله ايه؟
الممرضه: لسه تعبانه نزفت شويه اتفضل خد الولد وهي ساعه كده وتطلع اوضتها
طارق طلع فلوس من جيبه اداها للممرضه
واخد الولد .
طارق: بسم الله ماشاء الله
وأذن في ودانه
وعلي شاف ازاي طارق مبسوط .
طارق اتصل بعماد يبلغه
زهره كانت فوق مستنيه الدكتور يطلع
طلع الدكتور
زهره: طمني عليه ؟؟
الدكتور: المريض اتعرض لازمه قلبيه شكل حد زعله ازاي تعرضوه لانفعال ؟
زهره: والله مش عارفه إزاي حصل ده انا كنت تحت اختي بتولد
جت الممرضه .
الممرضه: ابنه دخل عنده وكان صوتهم عالي وبعد كده المريض تعب .
زهره: حسبي الله ونعم الوكيل
قولي يا دكتور حالته خطيره ؟
الدكتور : هيفضل في العنايه لحد ما تستقر حالته
جمالات و فاطمه راحوا المستشفى لعماد .
جمالات اول مادخلت عند عماد هجمت عليه
جمالات : سلام عليكم يا خيبتك الثقيله يا ولا مراتك هربت مش دي مقصوفه الرقبه اللي حرضتك عليا
اهي سابتهالك مخضره
عماد كان فرحان
عماد: وداد ولدت يا ما
فاطمه: الله اكبر أحمدك وأشكرك يارب
جمالات كانها اتصدمت
جمالات: جابت ايه يا ولا ؟؟؟
عماد: توفيق حسميه توفيق انا مستني بس الدكتور يديني الأذن و اروح لها
جمالات من الصدمه قعدت
فاطمه بصت عليها وفهمت ان جمالات مش عايزه وداد تجيب الولد
محمد اخد رحمه المستشفي
وراحوا و سألوا عن سماح وعرفوا إنها في العمليات
محمد بيزق الكرسي المتحرك
نوال كانت قاعده على الارض اول ما شافت رحمه
راحت تجري عليها
وقعدت تحت رجلها
نوال: ادعيلها يا رحمه سماح بتموت جوه
رحمه: فا الله ولا فالك ايه بتموت دي ربنا يقومها بالسلامه
نوال: كل حاجه بتروح مني
كريم تعبان وسماح بين الحياه و الموت والمعلم تعبان
انا ماليش حد غيرهم
رحمه: فكري في بنتك و ادعيلها
نوال: البنت راحت في داهيه يا رحمه كان مستخبي ده فين والله يا رحمه ما شوفت عليها حاجه البنت كانت بتروح تبات عند صاحبتها
ايوه هي دي صاحبتها اللي لعبت في دماغها انت عارفه سماح .
رحمه: اقولهالك يا نوال سماح نسخه منك و من انانيتك ضيعتي بنتك
نوال: يارب استرها معايا يارب واحفظها و قومها بالسلامه
زهره بعد ماعرفت ان المعلم هيفضل في العنايه
قررت تنزل تحت
قابلت علي
زهره: قولت ايه لابوك علشان يحصله كده؟؟
علي: إيه اللي بينك وبين طارق؟؟؟
زهره: وانت مالك اللي بيني وبين طارق اخوه احترام طلع راجل يوم ما احتاجه الاقيه واقف جنبي .
مش زيك اول ما شميت نفسك بعتني بالرخيص .
Nisrine Bellaajili
علي: انت اللي بعتي و اتجوزتي أبويا .
زهره: عارف يا علي ربنا بيحبني جدا عوضني بابوك لأن ربنا عارف انك انت مش الراجل المناسب ليا
ربنا مابيعملش حاجه وحشه لينا احنا اللي وحشين و احنا اللي بنقرر مصيرنا
عن اذنك
ونزلت تحت
شافت طارق حاضن الولد الصغير
قربت منه
زهره: الله اكبر دا ابن وداد ؟؟
طارق : ايوه
اخدته منه
طارق: عارفه مراتي كانت حامل في ولد
زهره: الله يرحمها
طارق: يارب و صبرني على فراقها مش قادر انساها
ابن اختك فكرني كنت متشوق اشيل ابني بين ايديا
زهره: معلش يا طارق ده نصيب قضاء ربنا وانت مؤمن وحد الله واستغفر
رحمه قلبها كان واجعها على حالة نوال
رحمه اتصلي بعلي يجي
محمد: اتصلت بيه هو هنا اصلا جابوا المعلم هنا دي مستشفي خاصه بتاع واحد اسمه سالم كبير في الدوله من اللي بيشتغل عندهم علي
رحمه: قولتلي كده
جابها هنا علشان يلموا الموضوع
علي نزل تحت في قسم الولاده
وشاف زهره و طارق
بس كان بيجري
طارق: مالو ده بيجري كده ؟
زهره: مش عارفه ؟
طارق: لا تكون اخته هنا
زهره: يمكن دي مستشفي سالم بيه اكيد عارفه
جت الممرضه اخدت الولد تغير له .
زهره لو سمحتي خلي بالك منه انا راجعه كمان شويه
طارق: تعالي نشوف في إيه ؟
راحوا ورا علي
بس شافوا رحمه و نوال ومحمد وهما لسه بعيد
سمعوا صوت صويت نوال
زهره مسكت في الحيط كانت هتقع وطارق سندها تقعد
لحظة صمت بينهم
وصوت نوال سمع المستشفى
بدل ماتدور وتبحث علي الروايات خليها علي تليفونك وحمل تطبيقنا
