رواية سكن بالروح الفصل الرابع بقلم زهرة الربيع
بصي يا بت الناس ..ابويا عايز يجوزني واحده تجيب له حفيد وانتي حقك تعرفي
روح اتسعت عنيها بذهول وقالت هو انت لحقت اتجوزتني انا لما هتتجوز واحده ثانيه
نصار ضحك وقال ..انا لو عليا معايزش لا تانيه ولا تالته بس انتي محبكاها زياده وشدها عليه وقال .. لو ربنا يهديكي ما فيش واحده زيك انتي احلى من اي واحده شافتها عنيا
روح قالت بسرعه وغضب.. لا مهتتجوزش يا نصار انا مش موافقه ولو جيت تتجوز تطلقني
نصار ضحك جامد وقال ...اطلقك كيف بس هو انا لحقت اتجوزتك عشان اطلقك ..هو انتي عارفه لو اتطلقتي اول شهر جوازك يتقال عليك ايه هنه في البلد
روح قالت بغضب شديد... يتقال اللي يتقال.. لما انت ناوي تتجوز واحده ثانيه ليه ما قولتش من الاول
نصار ابتسم وبص لعيونها وقال ...وحياه عيونك دول اللي ما لقيت زيهم انا لا عايزه اتجوز ولا عمري هلاقي زيك وقرب منها
روح فاقت لنفسها و حست باللي بيعمله دفعته بقوه وقالت بغضب..هو البعيد مبيفهمش انا مش قولتلك معيزاكش تلمسني
نصار مسكها من ذراعها بغضب شديد ..وقال انت اللي باين عليك ما بتفهميش وانا مش ناقصني حاجه علشان اقعد احايلك وهاسمع كلام ابوي وهتجوز.. انا راجل لازم اتجوز واخلف هنقعد اخوات كده لميته
روح بصتلو بدموع وقالت . طيب يانصار روح اتجوزت روح يلا يلا روح اطلع دلوقتي اتجوز يلا ومتجيش هنه واصل
نصار اتفاجأ لما قالت كده وقعدت على السرير وهيه بتبكي
استغربها جدا وقعد جنبها وقال.. انت عايزه ايه غلبت معاكي لا عايزاني اقرب منك ولا عايزاني ابعد واتجوز امال عايزه ايه
روح بصت لعيونه جامد وقالت بدموع.. عايزاك جنبي بس ما تلمسنيش.. وعيزاك تبعد بس ما تسيبنيش ..وعايزه ابقى في حضنك بس ما تقربليش
نصار قال بضحك..دي فزوره صوح احلها يعني
روح اتنهدت بيأس ووقفت وبعدت من جمبو
نصار ابتسم و قرب عليها قال.. هو انا للدرجه دي ياثر من اول يوم كده غيرانه عليا
روح قالت باندفاع لا طبعا انا مغيرناش وبعدين انا رايداك من زمان يعني مس اول يوم و...
بصتلو بصدمه من الي قالتو وحطت اديها على بقها ونصار اتسعت عينيه بزهول وفصل باصص لها بيحاول يستوعب قالت ايه
روح لسه هتجري ناحيه الحمام شدها بقوه عليه وقال مش هتهربي مني المره دي انتي قولتي ايه دلوك
روح بقت تبص له بخوف وقالت.. ما قلتش حاجه
نصار ابتسم وشدها ليه وقال بحنيه اتكلمي يا روح اي حاجه هتقوليها بيني وبينك اتكلم يا بنت الناس انا عايز اسمعك
روح لمعت عينيها بالدموع وقالت... انا انا كنت ..كنت بتمناك من زمان كنت اشوفك وانت بتركب على الخيل واروح الساحه مخصوص علشان اتفرج عليك انت.. وكنت اشوفك من بعيد وابقى مبسوطه قوي ..ولما يكون في فرح كنت احضرو من بدري علشان اشوفك وانت داخل..و اما كنت تروح تستحمى في الترعه كنت اروح علشان اشوفك
نصار بص لها بزهول وقال.. اما بجحه صوح بتروحي تبصبصي على الرجاله وهيه بتستحمى في الترعه
روح ضحكت وقالت ..لهو انا متربيتش زيك اياك..انا كنت ببص عليك انت بس
نصار ضحك جامد وقال ..يا زين الربايه ..اه اذا كده معقوله شويه..لهو انا بت خالتك ولا اخوكي في الرضاعه علشان تاجي تبصي عليا
روح ضحكت وقالت..لا..انت حاجه تانيه..رغم اني كنت متاكده مستحيل في يوم تبقى ليا..علشان اللي بين اهلي واهلك.. ده انا لو ابويا ولا حد من اهلي شافني وانا دايره وراك كده كانت رقبتي طارت فيها...علشان كده وافقت اتجوز ولد عمي مع اني انا ما طايقهوش بس علشان بردك انساك مكانش في اي حاجه تخليني ممكن ابقى ليك في يوم لحد ما انت صدمتني وقتلته هو صوح انا مكنتش اقبلو بس ده ولد عمي و زي اخويا ومتربيه معاه وقتها زعلت منك قوي وبقيت اوهم نفسي اني مطيقاكش.. لحد ما ابوي قال انو هيجوزني ليك..رجعت حسيت ان ربنا كاتبك ليا..تقوم بعد كل ده عايز تتجوز غيري ...براحتك يا نصار ياكش يا رب تطلع عرجه وحوله وزي عود القصب الناشف و
لسه هتكمل قال بسرعه ..بس خلاص خلاص يا بنت شلفطتيها هي متشلفطه خلقه يخربيتك..وقرب عليها وبص لعيونها وقال.. بس انا مكنتش اعرف ان عندي معجبين لا وكمان جامدين
روح ابتسمت وقالت كنت يا اخويا دلوقتي كل واحد ونصيبه وانت هتتجوز وانا..
حط ايده على شفايفها وقال بسرعه... انا مش هتجوز غيرك ومعايزش غيرك هاشيل اللي عدى ده كله على جنب ويكرمو كل اهلك علشان خاطر عيونك
بقلم...زهرة الربيع
روح لسه هتتكلم شالها ومشي بيها ناحيه السرير وقال بس انا كده مهتجوزش يعني معنديش استبن يبقى المفروض تبقي سداده وعلى السرير معتاده
روح ضحكت جامد وقالت ..في حاجه اسمها ربايه لو ما سمعتش عنها
نصار ابتسم وقال...ايه ربايه.. لا ما اعرفش عنها حاجه واصل .بس قوليلي بقى طالما ريداني ليه معيزانيش اقربلك
روح ابتسمت بتوتر وقالت..علشان انت مغصوب عليا يا نصار وعايز تقربلي لاني عجباك وبعد كده هتسيبني ويمكن تقتلني كيف ما قولتلي اول يوم
نصار ضحك جامد وباس جبينها وقال..اقتلك هو انا لو قدرت اقتلك كنت استنيت ليه لدلوك يا هبله...انا صوح نويت اقتلك بس انتي سبقتيني وقتلتيني برماح عيونك الي شقو القلب شق من اول دقيقه ..وقرب منها جامد وقال بهمس..انا عايزك قوي يابت هموت عليكي
روح اتوترت قوي وقالت.. قلبي بيدق جامد جامد هيطلع من صدري يا نصار
نصار قال بغمز ..ما يقدرش يطلع من صدرك لو بيفهم ميطلعش ده انا لو مكانو مطلعش واصل
روح ضربتو في صدره بخفه وقالت.. بطل سفاله بقى
نصار قرب منها واندمجت معاه في اجمل لحظات عدت عليهم
في صباح يوم جديد فتحت عينيها بتعب شديد وقالت اي نصار قوم يا نصار ..جسمي كله متكسر موجوعه قوي
نصار فرك عنيه بنوم وقال ..مالك يا بت فيكي ايه
روح قالت بتعب..تعبانه قوي يا نصار جسمي مش حاسه بيه
نصار ابتسم وغمز وقال ده عادي يا روح الروح من المجهود بتاع امبارح دلوك يخف
روح قالت بغيظ منه.. بقولك تعبانه ده وقت هزار
نصار ضحك وقال والله ما بهزر تعالي اعمل لك حمام ميه سخن يفكلك جسمك فك ولسه هيشيلها بعدت عنه بسرعه وقالت.. انت بتعمل ايه لا انا..انا هادخل الحمام لحالي
ولسه هتدخل الحمام الباب بقى يخبط ونصار راح فتح وهو الباب شويه صغيره علشان روح وكان ابوه قال نعم يا ابوي خير
ابوه قال ... خير الخير يا ولدي اجهز عشان هنروح نخطب لك انا كلمت الجماعه ومستنين
روح سمعت كلامهم واتصدمت ان نصار مقالش لابوه انو رافض يتجوز اتنهدت بغضب.. وراحت على الحمام
نصار اتنهد وقال.. استناني في المندره وانا نازل هنتكلم في الموضوع ده يا ابوي
ابوه نزل و نصار دخل وقعد مستنيها اول ما طلعت قالت بضيق .. هو انت مقولتش لابوك لا على جوازك من بنت خالك
نصار فرك راسه بحرج وقال.. هو انا قلتله والله كده بس هو مصر عليها دلوك هنزله واقوله اننا متفاهمين ومش هنطلق انا معايزش غيرك
روح قالت ..بجد يا نصار يعني مهتتجوزش.. اوعى تعملها
نصار ابتسم وقال حتى لو عايز مهقدرش..خلاص يا بت فتنتي ولد العمايري وسرقتي القلب.. انا نفسي تكوني شريكه العمر والحلو الباقي منه وباس جبينها وقال ..ربنا ما يحرمني منك
ودخل على الحمام استحمى ونزل يشوف ابوه وروح نامت على السرير بسعاده وابتسمت وقالت والله وحلوت الدنيا يا روح و لسه هتقوم تلبس جالها اتصال من ابوها وردت وقالت بارتباك.. ايوه يا ابوي
ابوها قال ..ايه يا بت عملت ايه ان شاء الله قدرتي توصلي لمفاتيح المخازن
روح بصت بارتباك للمفاتيح تلي كانت على الكمود قدامها وقالت.. لا لسه يا ابوي لسه ما عارفاش مكانهم
ابوها قال بزعيق.. كل ده وما عرفتيش انتي بقالك يومين عندهم
روح اتنهدت وقالت حاضر يا ابوي اديني يوم واحد كمان
ابوها قال بغضب..لا الليله عايزين نخلص هتجيبي المفاتيح وتنزلي على الجنينه البواب اللي حداهم متفق معاه هتديه المفاتيح والباقي عليا
ابوها قال كده وقفل وهي قعدت بحزن ودموع ومسكت المفاتيح وقالت اعمل ايه دلوك..انا ايه اللي عملته في نفسي ده ...انا اسفه يا نصار اسفه يا حبيبي ووووو
