رواية حكم اعدام امرأة خلف القضبان الفصل الرابع بقلم جمانه السعيدي
سوسن...بكيفك
جمانه السعيدي
اول اسبوع خلصه وليد بلبيت
سوسن...ليش ماتنزل ادور شغل
وليد...اي باجر
يومين وهو مانزل من البيت بس ينزل علمود المسواك
سوسن...ليش ناكل بلفلوس ليش ما تفتح ببهن مشروع
وليد...اي مشروع يمعوده
سوسن...حتلو تفتح بسطيه ليش كاعد
وليد..ترا انتي ضوجتيني حيل اسكتي اني انزل
للشغل
يوم يجر يوم وشهر يجر شهر نص الفلوس طارن
مصرف
وهو كاعد بلبيت لو نايم لو على التليفون
سوسن...صار ست اشهر كاعد ليش ما تشتغل
وليد..اسكتي مالج شغل بيه شنو انتي نايمه بلشارع
لو بقيتي بدون اكل
اكعدي واسكتي خلينا مرتاحين ليش تخلقين مشاكل
خلصن ست اشهر ولازم ندفع مليونين الإيجار مال ست اشهر ليكدام
ووليد كاعد ويصرف ومايقبل يطلع للشغل
واني مليت من الحجي ويااا
صدك ابو طبع مايغير طبعه الفلوس شبه خلصت
وهو كاعد وساكت بلبيت
شلون مصيبه هاي
كمت كلما احجي وياا يصير عصبي عليه
بطلت كمت مااحجي اي شي
هسه الفلوس يخلصن وغصبا ما علي يطلع للشغل
جمانه السعيدي
خلصت سنه واحنا بهاي الشقه ووليد لا شغل ولا عمل
دفع اخر مليونين عدنا ايجار ست اشهر ليكدام
بقن عدنا كم فلس
بديناونخلص مسواك والفلوس خلصت
سوسن...وليد اريد معجون وملح
وليد...ماعندي
سوسن...شلون ماعندك لازم تنزل تتسوك النا
وليد...اطبخي اي شي عندج لا ادوخيني
سوسن...شنو اي شي عندج مايصير هيج
وليد...ياربي واحد مايرتاح بيته شلون مصيبه هاي
سوسن....سكتت هو هاي طريقته يضل يصيح ويصير عصبي حتى اسكت
طبخت بدون ملح ومعجون طلع الاكل يلعب النفس
ثاني يوم طلع وجايب وياا شراي الغرفة النوم
باعها ١٥٠ الف
دفع اشتراك النت والباقي خلا بجيبه
للعصر راح جاب مسواك
يومين خلصن الفلوس
وليد...اريد جاي
سوسن.. ماعدنا شكر ولا جاي
وليد...روحي جيبي من هذا الماركت الجوه بلدين
سوسن...مااروح
وليد...ترحين وغصبا ماعليج كليله سجل على الحساب
وبعدين ننطيك
سوسن...شنو بلدين
وليد ...بت الكلب الناس كلها تشتري بلدين وانت مااروح
اسم الله على رجليج نقش الحنه
روحي لا افلش وجهج تفليش
سوسن...خفت منه صار عصبي عليه لبست الحجاب
والعباية ونزلت
رحت دخلت مجمع جبير وكلشي بي
بقيت واكفه ومتردده استحي اشتري منه بلدين
اكو ولد واكفين راحو
....تفضلي
سوسن..التفتت علي شفته نضراته مو راحه
دنكت ردت اطلع
...ووين رايحه تفضلي شنو رايده
سوسن...اريد جاي وشكر بس الفلوس على رأس الشهر
احنا بهاي العماره كبالك
شقتنا بلدور الرابع بيت وليد
......مو تدللين
عيونه عليه نضراته سخيفه خفت منه
من انطاني الشكر والجاي لزم ايدي وضغط عليها
ردت اطلع صاح عليه اسمج
التفتت علي هااا
...اسمج
سوسن.. اسمي سوسن
...عاشت الاسامي