 |
رواية بيت الخبازه الفصل الرابع 4 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه......#بارت٤
*زهره الرمان*
خديجه: لزمت عده وكعدت ببيت عزيزه مقفول صار سنين ورثته من زوجها
وما خلت مؤجر تخاف عليه بس تقاليد ناحيتنه المره اليموت رجلها مايصير تكعد وحدها ولا تطب وتطلع كلشي بحساب وعزبزه بقت ببيوت اخوانها وبيتها قريب على بيوت اخوانها
معاناتي أول فترة بناتي تمرضن لأن متعلقات بابوهن كلشي ما يرضيهن ولا يسكتهن عن ذكره وصلت مرحله تصرخ على أي احد صفا إذا ذكرنا وكلنا الله يرحمه
تعيط أبوي هذا يمنا شوفو اجه ويانه نسكت منها لأن تصخن وتتخربط إذا عاندناها بالكلام
اما مروه بس تبجي بدون لأ تسأل عنه او تكول أي شيء ساكته وبس الدموع تنزل استبرق احسها اقوى من اخواتها واحس تريد ادراي اخواتها واداريني اكثر ما تتذكر حزنها
بين يوم ويوم يجي أحد من حمويني ونفس السؤال إلي ادز عزيزه تسألهم وصلتو لكتال حاجم لولا
وماكو نتيجه ابقى اللطم من اسمع أحد يجي منهم قبل الأربعين باربع ايام ضبط
واجه عمار كال اقفلوا البيت وخلو ام استبرق تروح لبيت اخوها وأنتي تعالي عزيزه
شكووو خيه عزيزه شكوو
تبوشت ومشيت صنطه بس عزيزه بالسيارة وتسأل بعمار
جاوبها
رشيد هاد على بيت عويد وهسه صارت طلابه
حامد'شگلتلك إني رشيد شحجيت ليش ما تأخذ الحجي
رشيد:اگلك وروح أمي هو تحارش بيه غيدان اجه موده تودي عليه يكلي
الله ستركم واحترك المركز جان هسه حارگين بيوتكم عليكم
يعني يكول حركنه المركز وكتلنه اخوكم
ويمشي ويرمي بالهوا شسوي اسكت تريد
أبو شكر: لأ شلون يلا مادام انجمعوا خل السيد والربع يرحولهم خليتنه نروحلهم واحنه أصحاب حق عاشت ايدك
لليل حولنه والغريب جابر چبيرهم رده طايح الحطب كلمن يروح لداره غيدان هو الغلطان وسد السالفه استغربت همه أهل شر ويكمشون بالرايح والجاي شسكتهم
ع هده رشيد
طشت الناس بالوحده بالليل بقت ادور براسي سالفتهم مو خاليه
خديجه:من رجعت لبيت أبو طه وبناتي حوليه رحب بيه أبو طه ويكول لزوجته واولاده عدلو غرفه لعمتكم
بقينا يومين واجت عزيزه سولفتلي على الصار وكالت نرد من الاربعين ونرجع لبيتي
وإني أريد اروح
أبو طه: لأ خويه ماتروحين لازمه عده تخلص وروحي
صار يوم الاربعين وراحوا عيالي وإني وبناتي ما نشفت دمعتنه واحس بغربه بيت أخوي
ما أخذ راحتي يمهم كلش
وهم صار ماعندي ثقه بسبب السواه رافد
بقينا اسبوع ورا الاربعين اجت عزيزه
رادت تاخذنه رفض أبو طه
ممنوع يكلي خويه هذا مو اتفاق ما يقبل
بقيت أتوسل ييه
رفض تماماً وكلما اكله اروح يكلي شناقصج هنا منو وياج احد مضايقج خويه عيالي خاف ياخذون بناتي عاد ببيت اختهم
ما يقبل
ورا كم يوم كعد وصاح جيبونه عشا إني وخديجه
ابو طه:جنت يم الدلال عرضت بيتج للبيع
خديجه:ليش خويه لأ بيتي ما ابيعه
ابو طه: أنتي مره وبيتج تستفادين منه اسويلج مشروع يأمن مصاريف البنات ومصاريفج
مو احسن ما ياخذونه عيالج
خديجه:هذا بيت حاجم محد ياخذه لبناته خويه ما ابيعه
أبو طه:ومنين تكبرين بناتج وتصرفين عليهن منين برايج
خديجه:ربك يحلها بس بيتي ما ابيعه
وهم خويه إني أريد اروح لبيت عزيزه
أبو طه:بيت عزيزه غيرها بعد ماكو
خديجه:بقيت هيج شهرين ونص اكل بروحي اجت مرتين عزيزه وجابتلي مصرف دازين عيالي وكالت تخلص العده يلا يجون الولد لأن هسه ميكدرون يتفاهمون إلا بوجودي
انتضرت بس صار كم يوم اتخربط واوكع واكول من قله الاكل والسهر والقهر اليوم تخربطت كلش
اجت ممرضه قريبه على بيت أبو طه
كالت سولها تحاليل فقر دم عدها
بس ام طه سألتني
خاف حامل
سكتت وناسيه آخر مره اجتني الدوره
بقيت احسب وما اتذكر
اجت عزيزه تشوفني سولفتلها اخذتني مباشرتا للمختبر سوت تحليل دم
طلعت حامل صار الشهر الرابع اصلا مخلصته وما ادري
لكن خربطتي بسبب فقر الدم
لأن ماعندي وحام إني ببناتي
عزيزه تبجي وتكول ياخويه مريتك حامل
وإني اكول زاد الحمل يا حاجم
بليل ما انام ابقى اباوع على بناتي إلي نزرعت عدم الثفه بيه ما اثق لأ بابن اخ ولا ابن اخت ولا حتى اخوان
اراقب ببناتي امانه حاجم
اباوع على بطني إلي بدت تكبر ويزيد همي وقهري منو الهم اربعه يصيرون بهاي دنيانه إلي ماعرف كلشي بيها ما تعلمت على تحمل مسؤولية كلشي جان حاجم شايل مسؤوليه كلشي بالبيت والبنات شسوي بوحدي
خلصت العده وورا اسبوع اجه أبو شكر وعزيزه لبيت أبو طه
أبو شكر: الله بالخير عليك احنا بينا ام استبرق اختنه وبناتنه لازم نفكر نخليهم يعيشون بمستوى قريب على حياتهم من جان أخوي عايش فساعدني لاجل اختك وأن شاء الله هي اختنا
وتعاون ويانه حتى نامنلهم حياه ميحتاجون لأ حامد ولا غيره
أبو طه:وهسه اختي كاعده ببيتي والحمد لله رب العالمين وبناتها معززات مكرمات ممحتاجات أي شيء
رشيد: أي ويجوزلك من ورانا تروح تعرض بيت اخونه للبيع ييا حق انت تبيعه
ابو شكر:اششش اسكت رشيد
أبو طه:خليه خليه متعلم على الهدايد
رشيد: أي اهد واكسر الما يمشي عدل شنو ما كلولك
ابو شكر:سحبت رشيد
اطلع اطلع برا
ابو طه:عيفه بلا يكسر منو
أبو شكر:صدك جذب نريد نحل سالفه اختنه وعدنه ايتام هالمشاكل شنو داعيها
ولي رشيد خلينه نحجي العدنه
شوف خويه أبو طه..هنه حجايتين مالهن ثالث
أول مرة تصيح ام استبرق تجي هنا تسمع كل العندي وهي تقرر
ابو طه: ماكو داعي لام استبرق إني انوب عنها
ابو شكر:ماكو احد ينوب ع الثاني هي ام الانه هي لازم تسمع اقتراحنه
هاي حياتها وحياه اولادها
أبو طه: وإني حجيت العندي
أبو شكر: أنت جاي تعقد الأمور ولازم اكو حل وسط بالموضوع اختك مال تبقى ببيتك أو تختار غير حل لازم هي تقرر واسمعها باذني إني يلا هاي امانه أخوي
ابو طه: شنو امانه اخوك هسه هي ترملت البينه اولادكم تردونهم اخذوهم
ابو شكر:بيا مله وبخت اخذ البنات من حضن امهن يبن الناس اريد اشوف صوره حل وي ام بناتنه أنت حاجزه منه شنو عاشت ويانه عمر هسه لازمها منه شنو مقصدك
أبو طه:گلت العندي هي وبناتها يمي تردون بناتكم ما امنعكم غيرها ماكو
ابو شكر:منا مصاب أخوي ومنا هذا الشايف روحه تعوذت من إبليس وطلعت
خديجه: خويه بيا شريعه تمنعني من عمام بناتي
ابو طه:كلتها وراح اعيدها ناس اغراب وصا حبين مشاكل ماريدج توصلينهم
خديجه:بقيت ساكته لأن أعرف من زمان يكره حاجم ويكره اهله
بقيت ببيته ويوميه نفس الاسطوانه على بيع للبيت مليت
اليوم فزيت من حلم شفت بيه حاجم حلم خوفني كعدت مرعوبه الم بناتي اليه
كلت اليوم اروح للنجف ازوره
مالكيت أبو طه كلت لمرته واتصلت على عزيزه اريد اروح لقبر حاجم
كالت يجي أحد من الولد ياخذنه همه يندلون اخذت بناتي ورحنا تلكاني أبو شكر
أبو شكر:الله جابج كلت نهايه هذا الاسبوع إني جاي وجايب عمكم الجبير على أبو طه
دخلت لبيته بقينا شويه عزيزه راحت تبدل وأبو شكر هم راح لغرفته بس وجه ام شكر ثكيل ما اهتميت إني ضاع كل مستقبلي بموت زوجي يهموني الناس محد صار مهم
دخل أبو شكر كال توكلنا على الله
اني وبناتي ورا وعزيزه صعدت يم ابو شكر
مشت بينا درب المكبره
والبنات حتى من يحجي وياهم عمهن ما يجاوبن باختصار كلامهن
ابو شكر:خووويه خوويه هي المكبره من تخاف تتنومس بالمعدل هضيمه الزين كام يموت حته أ يعيش المخردل ولك خويه حاجم جبت بناتك الك گوم ياخوي وتلگاهن
خديجه:كون ادري عني تمشي بلاوداع
جان ودعتك غفل سكتاوي
وجان ملك الموت حاجيتة وبجيت
وكتلة أخذ روحي كبل حاجم گبل ابو بناتي وصيتي وخيمتي وناسي المن بقيت يحاجم انه وأنت رحت ماعرف بدونك درب وحشه صارت الدنيا
بقى يطش مي ع القبر واسم حاجم مكتوب بيه انعصر گلبي احس النفس ضاك
عزيزه توزرت بقت تلطم يبن امي متوني لاگطعهن وعيوني اعميهن ع الزين الما يوم خشن خاطر ولا لليچهبه صدره ضايگ
يخويه بعدك حلو لو تبدل لونك خويه
بقينا ملمومين حاضنين القبر والبنات يمي بس استبرق عبرت عن حزنها وبقت تسولف وتعاتب بابوبها وصوتها يعلى بالبجي بس صفا ومروه مالهن صوت لافه صفا بعبايتي اخاف عليها بدت الشمس تعلى وأبو شكر راح شويه بعيد وبقى يقرا قران وإني وعزيزه كاعدين
استبرق:فقدت من شفت قبر ابوي چنت ما مأيسه من رجعته اكول غلطانين بس من قريت اسمه جسمي صاربيه نار والعبره الجانت هاي الاشهر مخنوكه بيها طلعت اصرخ واعاتب بأبوي ليش خليت الغرب تتصدق علينه جنت تخاف من اقرب الناس علينه شلون آمنت بالناس بويه
شويه وكالو خل نطلع ضارت حاره وصفا موزين عليها اخذت بيدي شويه تراب وسويتهن صره بشالي من گبر ابوي
خديجه:وصلت كالو ارتاحي كلتلهم لأ خلوني ارجع بس بالطريق أبو شكر سولف وياي
ابو شكر: خويه أم استبرق إني امين ع ينات أخوي وما متعاجز هم منج شوفي الوضع الي يرتاحن البنات وأنتي ترتاحين ووديلي خير بيد عزيزه انه على طول راح اوديها الج
رجعنا ام طه تلگتني خيه خاف يزعجج أبو طه بكلمه عيفي
شبيه أبو طه شصاير
أبو طه: ماشاء الله اجيتي عفيه والله وإني هنا فزاعه شلون تروحين وي حامد حماج وماخذه بناتج من غبشه مخليتني اطلع وطلعتي
خديجه:صاير نار وبده يغلط شعدج رايحه وشلون تروحين عدج سالفه بمخج
ويييين رحتي اكله للنجف ميصدك جذابه مو للنجف رحتي سويتي وكاله لحامد للبيت لو اخذج عده نيه ياخذج موو
بقيت الطم يااا شنو هذا الحجي
بقى لليل يهد وما يسكت
صار زقوم اليوم الرحت بيه واكثر إني اصلا اتعب من امشي بسياره مامتعوده اروح مكان بعيد
تخربطت لليل
استبرق: خالي طه تفنن باذيه امي وبقى يتهم بيها وإني بود ودي اسكته بس ماكدر احجي
خديجه:بقى شاد وياي أبو طه إذا تجي عزيزه يسوي مشكله وإذا تواصلوا وياه عيالي يتعارك وياي
ويروح ويرجع على بيع البيت اجه كال سوبلي وكاله افتح مشروع لبناتج والج وانتي كاعده تستلمين وارد شهري وأنتي هنا ما ناقصج شي رفضت
انگلبت بعدها حياتي وياه جحيم حتى من صارت المدارس وردت اروح اسويلهن نقل ماقبل
اجت عزيزه اليوم كالت راح يجي عمهن حامد ينقلهن يريد مفتاح البيت لأن عرفو ما يخليني اطلع ابو طه يريد حامد ياخذ مستمسكات البنات لأن البيت أكثر غراضنه بعدهن بيه
رفض أبو طه ماانطي مفتاح البيت
كال إني اروح واجيب مستمسكاتهن
سكت أبو شكر وانتضر يوم يومين ثلاثه ما جاب المستمسكات ولا رجع المفتاح
اجيته اليوم قبل لأ يطلع الصبح
خويه لأ المستمسكات ولا المفتاح ومنا وهيج محد ينطي نقل
كال إني انقلهن معليج
بقى الحال لحد ما بده دوام المدارس وماكو لأ نقل ولا مفتاح البيت
حجبت وي ام طه خيه شوفي المفتاح خاف مخليه بجراره بمكان وانطينياه المره ماكالت لأ راحت لكت المفتاح بعفويه خطيه انطتنياه
خابرت على عزيزه اجت كلتلها خيه هذا المفتاح وروحي للبيت جيبينه كذا وكذا غراض من البيت وهم مفتاح المحل واكو دفتر مال حاجم لأن المحل شراكه اشوف عليه ديون شعنده ودليتها مفتاح كومدي حاجم مخلي بيهن فلوسه
راحت المره
ثاني يوم اجت
عزيزه:خيه انطيت المستمسكات ل أبو شكر
وهاي الامانه الدفتر وجنطه صغيره بيها فلوس
فتحتهن لكيت مبلغ بسبط أعرف هو مال وارد المحل
والدفتر اعرفه مال ديون وشراكته وي عماد صديقه
بليل نايمه وسمعت الصراخ كعدت لكيت أبو طه كامش زوجته وغلط ورزايل
خيرر خويه
خوه الخواج وعرج لواج
احجي شلون اخذتي مقتاح البيت ولا تجذبين ايمان اطتج المفتاح شفت ام طه خايفه كتله لأ خويه إني اخذته
وإني خابرت حماتي واعتقد هذا حقي ومو جاهله اني وما تقبل لأ اطب ولا اطلع ولا أسوي شئ بحياتي وهاي بدت المدارس وانت خبر خير ماكو
أبو طه: أنتي مو مال تقدير ولا احترام
خديجه:وشسويت ومو مال احترام وتقدير
ابو طه:تردين عيالج اهل المشاكل تردين هوستهم يوميه مشكله ويوميه هده عاجبتج هيج حياه بس هنا معززه مكرمه وكاعده محغوظه ميعجبج تردين تخورين
خديجه: إني خويه اخور بيا وكت حاجم الله يرحمه جان ميخليني حتى للسوك اوصل للطبيب ياخذ هو بناته من يمرضن وإني إذا احتاجيت طبيب هو بيده ياخذني ويردني شلون اخور وين طلعت
أبو طه:شوفي ولج اوكلج نعل إذا شفت تتصرفين من وراي فهمتي ولعلمج هاي بتج الجبيره جايين عليها خوش ناس وزوجيها واخلصي من مسؤوليتها خليها بركبه رجال
خديجه:شنووو يمه إني انطي استبرق ششافت بعدها جاهله
أبو طه:يا جاهله أنتي مو زوجتي عمرج ١٥ماعرف اقل ثم خوش قسمه رامي ابن احمد ابن عمته
خديجه: لأ والله خويه لأ رامي ولا غيره بتي تكمل دراستها وإذا إني صغيره زوجت وكتي غير وكت بناتي
بقيت ليلتي للصبح ابجي يا حاجم ماكو حنيه ولا قوه ليش عفتني بيدهم
بعدها مسحت دموعي وباوعت لبناتي شسوي يربي بقيت كم يوم عايشه بقلق
اليوم اجه أبو طه يكلي هاي الجمعه الناس يجون يشوفن استبرق
لطمت خويه ابوها توه ميت ومكتول وتربد بتي تتخطبها الناس
أبو طه:شبييييج ( بعياط) هي بس يشوفونهاااا واشوف الولد
خديجه:بياااااا حال بتي بعدها گلبها محزن على ابوها ششوف أنت صدك تحجي
قبل الجمعه بيوم خابرت عزيزه كتلها من الصبح تعالي عليه
خليت أبو طه يروح للدوام ولملمت كل غراضنه كعدت بناتي طلعت من الغرفه صارت هدوء لأن اولاده شي مدارس وشي كليات وام طه ترجع تنام من يطلعون طلعت واخذت بناتي امشي وخايفه لأ أعرف الطريق ولا اعرف أحد
اريد بس تجي عزيزه يربي اسحب بالبنات وخايفه لان بعدني بمنطقه بيت أخوي خاف أحد يشوفني بقيت بخوفه والفلف بصفا من الشمس وطبكت سياره باوعت عزيزه وأبو شكر
الحمد لله
بدل ماتدور وتبحث علي الروايات خليها علي تليفونك وحمل تطبيقنا
