رواية بيت الخبازه الفصل الثالث 3 بقلم زهرة الرمان

 رواية بيت الخبازه الفصل الثالث 3 بقلم زهرة الرمان 

بسم الله الرحمن الرحيم

السلام عليكم ورحمه الله وبركاته

#بيت_الخبازه.......#بارت٣

*زهره الرمان*

بيت عمي حامد ابو شكر مليان ناس وديوان عمي أبو شكر جبير معزول عن البيت بس الصوت يوصل للبيت مال صراخ وكلام الزلم إني واخواتي يم عمتي عزيزه 

إلي هي اكبر من ابوي 

واليوم اجه خالو أبو طه سألته عن أمي كال بعدين تجي. وهم وياهم بالديوان وي عمامي كلهم واثق ورشيد وعمار 

عمو ابو شكر جابو متخربط هو اكبر عمامي واكبر من ابوي

وكلما اسأل عن أبوي محد يجاوب بس عمه عزيزه تكول أن شاء الله يرد وتبچي

عمار الحريجه بيها حاجم احجي

بس لا تحجين بصوت عالي رحمه لاهلج ام استبرق راح اخذج للبيت اخذي غير ملابس ونروح للمستشفى

يعني بالمستشفى مصيوب محترك

ابو شكر كال جيب أم استبرق وهو يفهمج هسه احنه بالشارع

عمار مكتوب على بيتنا مطلوب دم 

خايبين يادم الينطلب حاجم هو رجال الفجر يأذن بالجامع وبيته متروس نثايه 

وحتى اليدفعه يكله رحم الله والديك الله شافوه بالعين بالعقل

هذا ابو مريم جيرانه ويعرف الملا سمعته شيكول

عيفيهم ام استبرق ادخلي وإني هنا مالج علاقه بس فوتي أخذي الي تحتاجينه من البيت

شگللها البسي اسود خاف تبقى تصرخ بالشارع وإني ماعرف أتصرف 

خليها هيج احسن اخذهاا

وصلت ياريتني ما شفت ولا عيوني لابو بناتي صدت

ثگلت جدمي ورخت ايدي عيوني تريد تجذبني وإني بگلبي اكول يارب مايطلع هوه

وي اليصرخون من الحرك لو من الألم ياريته وياهم نفس بالدنيا خيمه ياحاجم ضل لا تهدني بأول الدرب 

ماعرفت احد غيرك وعيت عليك انت اب وزوج واخو وحبيب 

كشفه ممرض يكولون المحترك تجز الروح من المنظر

إني احس عنبر ريحته

ركضت على رجله لگيتهن فحمه 

رديت مثل مسودنه طاحت عباتي ووراي عمار حماي يسحبها بس إني موبحال روحي 

اريد اشوف صدره شلون وهو لازكه هدومه على جسمه تجرعت وعمار يحاول يحذرني

خويه أنت بجوز ما تدري بس المله بصدره ثلث حلمات مو ثنين 

الوجه ماكو والجفوف ماكو والرجلين هم محتركات بس صدره كدرنه شويه نسحب مكان صدره 

مسحتها بيدي تلمست جسمه 

خليت وجهي على صدره وعطت يبوو بيتي وعباتي ترضاها توكع عباتي بلياك ادوهن يحلو الرسوم 

لليوم ماعرف للطريق اضيع وحدي لو مشيت 

يبوو بيتي ما خليتني ادخل يوم سوك لو احد شاف طولي 

مووو جنت تگول عيوني تعمئ من تفارگيني

ليش يحاجم عميتني

مو گلت أنتي اول دكه گلب شيبت وما حبيت وأنتي بجهلج وطفولتج ردتج دونآ عن بنات الولايه

كل الزلم يحاجم تفرح بعازه الاولاد بس أنت أول ما تشوف اجيب بنيه تكلي كرم رب العالمين يخجلني واطاني بنات

عزيزاتك يحاجم منهو الهن 

اخخخ يا بويه 

يعني انتم تتوقعون ملا حاجم مو عزيز عليه بس اني عمكم واكللكم المركز احترك وماتوا اربعه الضابط وابنكم واثنين وياه

الضابط ما احترك من خنگه الدخان مات والوياه الشرطه الثنين هم اختناق بس الاحتركو سجين وي اخوي وشرطي احترك لان انسد عليه باب كالو 

وثم يا عمي الي حركوا المركز همه بيت عويد الدفاع شفت بعيني ولدهم أخذوا جابر لفلفو والا شمعنى بهاي الليله يحترك المركز 

وشمعنى ابنهم يجي وي الملثمين ياخذ ا جابر 

بيت عويد الدفاع همه كتلو حاجم محترك اخوي محترك راسه واديه ورجليه

هسه هاي جيه المختار من المركز واجت لجنه المحافضه ماكو شهود عيان على بيت عويد الدفاع 

الضابط والمساعد توفوا

فتحوا تحقيق وأكيد يودون عليكم 

لأن انتم بمكان الحادث

مااا ابقى انتضر تحقيقاتهم وأخوي حركوا بيت عويد 

اليوم احرك بيوتهم

وانت تصير مثلهم الهمج حركوا المركز مووو أنت جنت تكول بالقانون نعرف شلون انكتل ابنهم بالقانون نعرف ابنه شلون انكتل

عمي الايده بالماي مو مثل الايده بالنار وابنهم السافل تقيسه بالملا حاجججم الي عمرنا ما سمعناله صوت 

الملا للي ما يوم تعدى على احد ولا عده عركه جهل  

تعقلها أنت ملا حاجم المتدين يقتل تعقلها ملا حاجم يصير بيه هيج

ابني الابتلاء على قدر محبه الله للبشر 

واخوك إني اشهد متدين خايف ربه اختارله الحرق منزله الشهداء 

فأرجوكم ندفنه وكافي نضحك علينه العشاير مو هاي الناس إلي البارحه نكلناها تحجي على مصايب بيت الدفاع 

ويحجون بصيتهم وبعملكم الخير عمي انتم خيرين ومشهودتلكم اهل دين

تعوذوا من ابليس أبو شكر أنت اخوهم الجبير كض اخوتك لايتهورون

ناخذ حكنه من عيون السواها بس اطونه مجال

فاتحه ماتنصب لأخوي لحد ما اخذ حك دمه

رشيييد أهدأ 

شهدا أبو شكر هذا حجي أنت ترضاها

كلت اهدا رشيد 

خويه مو چنت تصلي بينه جماعه 

خويه اليوم إني واخوانك نوكف نصلي عليك صلاه الجنازه

خويه وعدي وعد دمه مايروح هدر

خويييه شگلت من لاحت النار وجهك

عمار تبقى هنا وي عمامنا انت وواثق وإني ورشيد نروح ندفن بالكم وأياكم بأي خطا او تصرف 

ترا بساعتها ما ارحمه إلي يتصرف من راسه 

رشيد راح اخذه لأن أعرف تهوره خلوني اعتمد عليكم عمامنه هنا كلهم يمكم بس ممنوع تاخذون شور أي أحد لحد ما ارد إني

شگوول لبناتك خويه من ارد من ادفنك لو نشدني عليك 

ادفنك يبن ابوي بيدي 

وإني الردتكم للعازه 

أنت جابر عويد الدفاع

نعم سيدي

حسب إلي فهمنا أنت جنت موقوف بالمركز وبليلتها مهدد الضابط نزار قحطان

لاسيدي اهدد شلون وهو يمثل القانون بولايتنه 

وإني ما موقوف هو الله يرحمه وده عليه على قضيه أخوي ميت مكتول والكاتله جان بالمركز وملتهين إنه وأخواتي ندفن اخونه ونخلي التحقيق يمشي نعرف شكتل اخونه وهاي هيه

لكن مقربين من الحادث كالو اخذوك وطلعت من المركز بساعه حرق المركز

سيدي شلون اطلع انه وهي يكولون كلها اختنكت واحتركت انه شنو شايل خرزه ما اختنكت ولا لاحتني نار هاااا شوف 

كشف اديه وشمر عبايته

والگايللك لابد من بيت حامد اهل ملا حاجم همه يردون يلفون تهمه ابنهم بهاي العمله إذا مو همه حركو المركز حتى يخفون الحقيقة بس ربك بالمرصاد وبشر القاتل بالقتل ما رادنه الله نكتل اخوهم كتلوا بحرك المركز واحترك عم ع هذا الإنسان الطيب استاذ نزار 

اجت أمي مزلغ وجها وبيه طبوع وتلگتها عمتي عزيزه بصيحه راح المدللج ولج يخديجه 

وصار صريخ نسوان عمامي عمتي عزيزه تكول گولات على الاخو ملخت نفسها

وامي مبقى لا شعر ولا ثوب عليها

إني اريد اصرخ على منو تصرخن بداخلي عرفت أبوي راح بس 

محد نطقها وإني ماريد أحد يكولي ابوج مات اخاف من فكره أبوي ماموجود بالدنيا لأن أبوي يختلف عن كل الناس بالنسبه لي

بعد ساعه صار صوت 

محددد تروح اسمعهن يصرخن دفعت النسوان شفت عمه عزيزه تكللهم اروح أبو شكر اروح وخديجه تروح

وين يرحن

بعد ساعه سكتن شويه النسوان فتريت ادور ما لكيت أمي وعمه عزيزه 

شويه واجت خالاتي 

وسحبتنه خاله أم ماجد وخالاتي الباقيات وبقن يبچن بحضنها سمعت كالو راحت بس عزيزه وخديجة للدفن 

عرفت أبوي دفنوا أبوي بعد ما اشوفه 

بديت ابجي وابجي وأتذكر كل لحضه مرت وي ابوي استحضر صوته اسمي بصوته ريحته 

وابجي يعني ذني بعد ما اكدر الگاهن

لأ حضنه ولا صوته ولا حرصه علينه لو لعبه النه

وصفاا صفا المتعلقه بأبوي شلون وهي تكعد يم الشباج لمن اشوفه تخبص الدنيا 

من يرجع ومن يتأخر ما ناكل

صفا عدها مرض البينوو وأبوي حيل يداري نفسيتها لأن تحس شكلها مختلف عنه وما تتحمل الحرارة ولا الشمس ولا التعب 

  ابوي إلي جان كل دنيتنه يقرينه يجلد كتبنه يحضر جنطنه يقلم اضافرنه اول من علمنه الصلاه 

علمني امور تخجل أي بنت تحجيها لابوها هو جان يوعيني عليهن 

أبوي لأ تعيفني بويه محد بالكون اعرفه غير وجهك 

.. تفهم شنو يعني تقيدت ضد مجهول حرگه المركز 

يعني راح دم حاجم

رشيد رشيد رشيد 

ماااا ارد إلا وماخذ حك دم حاجم

وواثق واثق الحگوووو بسرعه 

ركضت تعاالل رشيد تعال

كلت ما تنصب فاتحه 

ونصبتو

كلت القانون ياخذ مجراه القانون حفظ القضيه ضد مجهول لأن عبد ميت وضابط نزار ميت والبقو ما تعرفو لأ بيت عويد ولا بيت حامد الداود

نكعد ونكول دم بدم وخلصت شلون

ماكككلت هيج بس 

البدوي اربعين سنه ويكول بعد وكت لثاري حرگه المركز بعدها حاره وأي حركه يروح حقنه 

.. يعني شنو بيت عويد الدفاع عدهم شر واحنه مخانيث

رشييد الشر وحد والذكاء وحد اصبر اصبر خويه إني وعدت حاجم أخذ حقه قبل لأ اخلي باللحد 

تكول اساعدك ونجيب حك اخونه كان بها تكول امشي بحركه الگلب روح اكتل جابر وسعد وغيدان وهمه يردون يكتلون ثنين ونضل لما تتهجم البيوت وتموت ناس مالهم ذنب 

كاعدات بالمطبخ وعمه عزيزه كالت تعالي استبرق عمه فلسي تمر ثواب الليله جمعه

كعدت اباوع بالوجوه اليسولف والي تريد تشتري ملابس سود ماعدها ولي ابنها يريد اكل بس سمعت عمه خوله تكول راح تلزك وبحجه بناتها يزوجونها واحد من ولدنه وإذا زوجوها لواثق اسوي فلك شنو باقيه متروح تلزم عده

مشافتني جانت تسولف والكل لابس اسود 

بس عرفت يقصدن أمي 

شتتزوج وشلون عمو واثق

بس حسيت نسوان عمامي متنرفزات من أمي 

بس عمامي لأ حيل خايفين علينه

أمي يمها اخواتها بس ولا تسولف بس عيونه تنزل دموع بلا صوت 

وصفا تمرضت صار ثلاث ايام حتى عمو عمار وداها للطبيب اصخن تصير نار 

مروه تصفن ماتحجي اكثر طباعها تشبه طباع أمي هادئه ما تعرف تعبر ولا تعرف تسولف

فات يوم وشعلو شمعه وزوعوا تمر بخبز 

ويسوون اكل 

صارلنه عشر أيام ما شفنه بيتنه ببيت عمي حامد 

يدخل يسألني ها عمي اكلتي وكلي امج ديري بالج على خواتج أنتي الجبيره 

وإني بداخلي ارفض هاي المسؤوليه اريد أمي وابوي اريد بيتنه رغم جان صغير كلش الغرفه مالت أمي بيها بس كنتور وبوفيه مايصير مكان نوم بيها وصاله انام بيها ومطبخ ومنور بيه صحيات 

بس عندي اوسع من الكون بيه أبوي وأمي واخواتي 

بيت عمي حامد جبير كلش وعنده اولاد متزوجين ثنين وبنيه متزوجه واثاثهم حلو بس بيتنا عندي أحلى

شوفي خديجه خيه حموينج داخلين طالعين لازم تروحين لبيتج علمود العده

التفت عليها..مالزم عده هسه واريد ابقى حتى اسأل ابو شكر وعمار وواثق على دم حاجم 

اشوف شسوو ذوله أهل بناتي خيه ام علي 

وين ام استبرق كليلها ابو طه يريدج

باس راسي البگه براسج خويه شدي حيلج

البقاء لله خويه

خديجه خلصت الفاتحه واليوم الكم خمسطعش يوم 

كافي تعالي جيبي بناتج

وين اروح خويه

لبيتي مؤقت لحد ما نشوف الوضع ونصفي وي عمام بناتج

لأ خويه ما اروح لأي مكان وإذا اطلع فاروح لبيتي

شنو هالكلام هسه أنتي مكسوره وماكدر اضغط عليج بس اصولا ميصير تبقين هنا 

يعتبرون غرب عليج

أبو طه إني ببيت عم بناتي وتزوجت عمري 15وربو وكبروا حمويني وياي تزوجت همه بحلي كبرنا سوا خادمتهم جنت شنو بموت من حاجم صارو غرب

اللهم طولج ياروح خديجه لا اطلعيني من طوري جيبي بناتج وتعالي

ما اروح لأي مكان أبو طه

شكوو خديجه 

ماكو شئ اخت عزيزه

شنو ماكو شي ابو طه وانت تكول لخديجه امشي اخذج وين تريد تاخذها

لبيتي

وهي ببيتها هسه

لأ اعذريني

لأ اعذرك ولا تعذرني لأ تسأل خديجه روح لابو شكر وكله 

تعالي خديجه ادخلي

عزيزه ماريد أخذ بناتي لأي مكان كولي لابو شكر اريد ارجع لبيتي لريحه ملا حاجم جان مايقبل اطلع ولا يطلعن بناته 

أبو طه هذا الكلام سابق لوقته احنا مدهورين بكتل اخونا إلي اليوم الشرطه ودت شهاده بأن هو احترك بأثر حرق يعني الشرطه قيدت اخوي احترك حاله حال سجلات المركز موو روح وأنت جاي تكمل علينه مصيبتنه اخذ اختي وبناتها 

البنات بناتنه واختك اختنه وأمانه حاجم عدنه

اختي مو اختكم تعتبر هسه غريبه وأنت تعرف بالأصول 

هي الأصول توگفلنه تريد اختك وهي رجلها مكتول

رجلها مكتول كاتل خلوها بعيده عن هاي المصايب 

قبل يومين رشيد هنا وترس الديوان سلاح يريد يروح لبيت عويد الدفاع 

من تصير مهادد اختي ببيوتكم شنو مصيرها

ابو طه احنااا حريمنه نموت ونحافظ عليهن لأ تحجي كلام ما مضبوط

إني كلامي مضبوط ومنطقي عدكم مشاكل عشائريه خلو اختي تجي 

كلما صفا تصير شويه احسن من الحراره تروح للباب مقابل الباب الخارجي تگلي منتظره أبوي يجي ياخذنه عيونها محوره 

أمي كالت جيبي اختج لاتتخربط سمعت بالطارمه عمو أبو شكر وخالو طه يتصايحون وصفا تبجي بصوت وترجف سحبتها ورحت لامي 

يمه خالو وعمو يتعاركون يريد خالو ابو طه ياخذنه لبيتهم 

دگيت على رجليه شيحلها يربي هم مهجوم بيتي وهم ما يخليني بحالي ابو طه

طلعت اركض واشوف النبره عاليه وصار مدافع صرت بينهم أبو طه ابو شكر يمه عزا شصار

وخررري شنو تلزمين حامد شبيج امشي وياي يسحب بيه أبو طه 

وابو شكر يكول ادخلي ام استبرق وصوتهم عالي اريد يسمعون ماكو زاد الطين يله رشيد بقى يجر بابو طه لان أبو طه سحب ياخه دشداشة أبو شكر 

بقيت اللطم الله واكبر بعده ترابه اخضر شسووووون انتم

أمشي وياي 

ماااا تروح منا لهنا إلا إذا هي تريد احجي خويه تروحين لبيت اخوج لو هنا تبقين 

بقيت اصفن بناتي

اطيهم بناتهم وتعالي باجر شيصير عليهن 

يكولون بناتنه لاتتحملين مسؤوليه

ياااا مسؤؤليه ذني يناتي شتحجي 

وإني اكلج أنتي محسوبه علينه لازم تمشين وياي

مااا اخطي خطوه بلا بناتي

باوعت أبو شكر خويه أخذ بناتي وفتره ورب العالمين يحلها

لأ خويه اخوج گالها احنا ما مسؤولين عن بناتهم ماريد احرمج منهن بس احنا عدنه طلابه وماريد اصير مثل اخوج واخليج بمقارنه أن عدنا طلابه واخاف هم يصير علئ ينااتنه ببيت اخوج شي بس تعرفين حاجم جان روحه البنات حتى من يجينه يبقى يروكض وره بناته 

أنتي أكثر وحده تعرفين حاجم على بناته وهنه البقن من أخوي

لأ أبقى هنا ولا اروح لبيتك خويه أبو طه 

ارجع لبيت رجلي حاجم والزم عده والعده محنه يندل بيت الخوه

عمرج ببدايه الثلاثين واخليج ببيت وحدج لأ ممنوع شسوين هتاك تروحين يعني تروحين

بناتي مصدومات على ابوهن أبو طه لأ تصير انت والزمن عليه

بيت حاجم هسه بعده خطر تروحيله مكتوب مطلوب دم وحتى لو مسحوها الشباب المنطقه كلها عيونها على البيت وما نامن بيت عويد هم يسوون شي بيكم ذوله انذال

والراي شنو

تكعد ببيتي وإني اروح وياها نقذتني عزيزه من كالت هيج 

أي اروح لأن ما أأمن على بناتي بعد لأي بشر 

الفصل الرابع من هنا