رواية عريسي المجنون الفصل الثالث والاخير بقلم سلمي عبد الجليل
محمد : احنا قارئين فاتحه
فارس : دا ازاي دا
سالي : زي الناس في اي خطيبي
فارس:دا بجد والله ؟!
سالي : اه بجد
فارس : بص ي بشمهندس انا دي تاني مره اجيلها ومقالتش يعني انها مخطوبه دا غير ان باباها ومامتها مقالوش انها مخطوبه ولما سالت عليها مقالوش انها مخطوبه ف هل المفروض اصدق انك خطيبها بالسهوله دي يعني
محمد : والله تقدر تسال مامتها او باباها
فارس بضيق : انا مش هسال حد انا ماشي
سالي : ماشي ليه بس م تقعد شوية
فارس : لا انا هنا من بدري
سالي : طب اقعد حتى كل البانيه الي كنت بتساعد ماما فيه وابتسمت
فارس ضحك وقال : عشان خاطر البانيه بس
كملوا قعدتهم سوا هما التلاته وبعد شويه كان الاب وصل واتغدوا وفارس مشي
محمد وسالي دخلوا الاوضه
سالي : ليه قولتله كدا
محمد : عشان اتاكد من تمسكه بيكي
سالي : مش فارقه كتير كدا كدا مرفوض زي الي قبله عادي هو كدا كدا اكيد مش جاي بكره دا كان شوية حماس بس مش اكتر وبعدين انا مستغربه اصراره دة دا لا يعرفني ولا انا اعرفه متمسك بيا ليه اساسا وبعدين ثواني هو عرف اسمك منين
محمد : اي كل الاسئله دي يخربيتك ي ستي هتلاقيكي فتاه احلامه مثلا وانتي مش واخده بالك عرفني منين بق ف دا كان ف الجامعة هو كليته قصاد كليتي واتعرفنا ع بعض كزمايل يعني
سالي : اااااااه
محمد خبطها بخفه ع راسها :تك اوه يلا قومي ذاكري وراكي ميد ترم قريب
سالي : بتفكرني لييييييه هتزفت ازاي الجامعة دي اسوأ حاجه ف الحياه بجد والله
محمد : معلش بق مضطرين وانا هقوم اروح انا كمان متفكريش كتير وذاكري وارتاحي ماشي
سالي حضنته : اوكي ي حُبي
محمد سابها ومشي وهي فضلت تفكر ف فارس وتصرفاته
تاني يوم صحت ع موبايلها بيرن
سالي : السلام عليكم مين معايا
....:الحقيني ي سالي فارس بيموت
سالي بخضه : فارس ماله في اي مين الي بيتكلم
ام فارس : انا مامته انا ف مستشفى السلام دلوقتي تعاليي بسرعه
سالي قامت بفزع : ي ماما ي بابا
لما ملقتش حد بيرد لبست بسرعه ونزلت راحت ع المستشفى
في المستشفى ........
سالي راحت الاستقبال
سالي : لو سمحت المريض فارس احمد القيبي ف اوضه كام
الموظفه : مشيوا من شويه و والدته ادتني الجواب دا اديهولك
سالي اخدت الجواب وخرجت بره المستشفى و قراته وكان محتواه (مش عارف انتي ازاي اتخطبتي لغيري دا انتي كنتي مبتفارقيش خيالي انا حبيتك اكتر من اي حاجه واي حد كنت شايفك حلم لازم اسعى ليه بكل قوتي واملي ان ربنا يجعلك من نصيبي ربنا يهنيكي معاه هتمنالك الخير بحبك اوي سلام ي حب عمري )
دموعها نزلت صعب عليها اوي كلمت محمد
سالي بعياط : كان بيحبني ي محمد وانا الي دمرت حياته انت عارف اني عندي فوبيا من الارتباط وكل الكلام دا انت عارف اني بكره الرجاله والتعامل معاهم هعتذرله ازاي انا دلوقتي ياريتنا م ضحكنا عليه تعرف والله انا حبيته انا اول يوم اتقدملي فيه حلمت اننا سوا ومتجوزين قلبي ارتاحله ياريته كان هنا عشان اقوله اني موافقه هشوفه ازاي
سمعت صوت من وراها بيقول : لو بصيتي وراكي هتقدري تحققي حلمك الي حلمتيه
سالي بصت وراها بخضه وضحكت وسط دموعها
فارس بضحك : لا دا احنا نكتب الكتاب بق عشان م هستحمل اشوف قمري بيعيط كدا ومخدوش ف حضني عيب ف حقي حتى
محمد جه جنبها وحضنها وقال : ياااه دا الواد غلب معاكي بس خططي بتنفععع
سالي خرجت من حضنه وبصتله بصدمه وبعدها لقت عيله فارس وعيلتها جم
سالي بتعجب : هو في اي
محمد : ولا حاجه ي ستي كل م في الامر ان فارس كان جاري وصحاب جدا المهم قالي انه بيحب واحده وحكالي عنها وعرفت انها انتي فهمته انك بتكرهي الرجاله وعرفته كل ثغراتك ويوم م ضحكنا عليه ف حوار الخطوبه دا كان اتفاق اصلا بس ي ستي دا كان اختصار للحوار كله
سالي خبطته ف كتفه : اه ي غدار ومتحكليش حاجه
محمد : كان لازم يحصل دا عشان تفوقي بق ي حبي
فارس من وراهم : نكن بق ابعد عن مراتي لو سمحت
محمد قربها لحضنه وقال :دي بنتي واختي ي سكر والله افركشلكوا الجوازه
فارس : لاا خلاص احنا م صدقنا
محمد بضحك : ايوه كدا
الاب: مش يلا بق المأذون زمانه وصل
سالي بتعجب : مأذون مين استهدوا بالله كدا هي خطوبه واحمدوا ربنا
فارس بجز ع سنانه : بقولك اي انا مستنيكي اربع سنين ف اسمعي الكلام و عدي يومك
سالي مسكت ف محمد : لا بقولك اي انا ممكن ارفضك عادي جدا تاني واخويا ف ضهري
فارس : ي بنتي دا.كتب كتاب والفرح بعد م تخلصي سنه اولى
سالي بضحك : صعبت عليا خلاص موافقه
محمد : طب يلا نجيب الفستان كدا كا فارس جاب البدله
سالي : اوكي روحوا انتو ظبطوا اموركوا وانا وماما هنروح نجيب الفستان
محمد : ماشي ي روحي
سالي اخدت مامتها وراحت جابت فستان ابيض ستان رقيق وطرحته ورجعوا جهزت وعملت ميكب خفيف وكانت جميله جدا
طلعت لمكان الماذون فارس لما شافها قام وقف من شده جمالها وقعد يصقف بطريقة مسرحيه والكل عمل زيه وهي ابتسمت باحراج وقعدت
كتبوا الكتاب وقيلت الجملة الجميلة "بارك الله لكما وبارك عليكما وجمع بينكما في خير " الكل صقف وقتها والبنات زغرطت وهو حضنها
واخدها ودخلوا البلكونه
سالي : مقولتليش بق اي الاصرار دا يعني محمد قالك اني معقده وبكره الرجاله وقالك كل حاجه
فارس : دا الي حببني ف الموضوع اكتر كل م تتعب اكتر تحس بلذة الانتصار ي اعظم انتصاراتي
سالي ضحكت
فارس بغزل : ضحكت يعني قلبها مال
سالي بدلع : تؤ قلبها داب
"انت اعظم انجازاتي♥️"
انتهت احداث الرواية نتمنى ان تكون نالت اعجابكم وبأنتظار اراؤكم فى التعليقات وشكر
لزيارة عالم روايات سكير هوم
لمتابعة روايات سكيرهوم زوروا قناتنا على التليجرام من هنا
