.jpg)
رواية حلال ام حرام الفصل الثالث بقلم ايسو إبراهيم
اتصلت عليه فردت مراته وقالت بعياط: الحقيني أخوكِ هيروح مني
اتصدمت ميرنا وقالت بعياط: إيه اللي حصله ردي عليا
لكن مالقيتش رد بعد كدا
فتحت الباب وجريت على برا ونادت على زوجها من عند أخوه وقالت: الحقني يا جابر أنا رايحة أشوف أخويا بيروح مني
وجريت قبل ما يطلع، طلع بعدها بسرعة بخضة من صراخ ميرنا بص مش لقاها، جري هو كمان على برا وراح يلحقها ويشوف إيه اللي حصل
وصلوا عند بيت أخوها، كانت مراته بتعيط ومش عارفه تعمل إيه وفي ناس بيهدوا فيها
جريت عليها ميرنا بعياط وخوف وقالت: إيه اللي حصل لأخويا وهو فين دلوقتي؟ عابد فين ردي عليا
ردت عليها بعياط وقالت: ماعرفش إيه اللي حصله، ناس جت خبطت عليا وقالولي لقينا عابد مرمي جنب شجرة ومغمي عليه ومصاب إصابات خطيرة تقريبا ناس طلعت عليه ضربوه، وبعدها ناس شافته وخدته للمستشفى بس لسه ماعرفتش في أنهي واحدة دا كدا بقاله ساعة غايب عن البيت مشي على طول بعد ما جوزك مشي من عندنا وجرح كرامته كان رايح يتصرفلك في فلوس
بصتلها باستغراب وقالت: فلوس إيه، وبصت لزوجها وقالتله: قولتله إيه يا جابر وفلوس إيه اللي أنا عايزاها؟
ماردش عليها وبص في الأرض وخايف اللي في باله يكون صح، وقتها الأمور هتدهور ما بينه وبين ميرنا وممكن تطلب الطلاق
بصتلهم هما الاتنين وقالت بصراخ: ما حد يرد عليا ويفهمني في إيه؟ أخويا اتقاله إيه؟ وفلوس إيه اللي راح يجيبها وحصله كدا بسببها؟
كانت رايحة مرات أخوها تحكيلها اللي حصل بينه وبين زوجها، ولكن جه واحد وقال: احنا عرفنا عابد في مستشفى يا أم محمد
بقلم إيسو إبراهيم
بصوله كلهم بسرعة وقالت ميرنا: قول بسرعة في أنهي مستشفى
قالهم العنوان خدوا مواصلة وراحوا عالمستشفى
كان جابر قاعد متوتر من إن ميرنا تعرف، المرة دي فلت لما الراجل قاطعهم بمعرفة مكان عابد، أكيد مش هتصدف كل مرة معاه إن الموضوع مايتعرفش فكر مع نفسه إن لازم يتكلم مع مرات عابد عشان ماتقولش حاجة لمراته
وصلوا المستشفى وراحوا يسألوا عن مكانه
وصلوا عند أوضة العمليات وهما مش عارفين حالته إيه مستنين حد يطلعلهم يطمنوهم
بعد ساعة طلع دكتور جريوا عليه وقالهم عن حالته: المريض عنده كسور دا غير الجر.ح العميق اللي في راسه لأنه مضرو.ب بشكل و.حشي ولازم نبلغ
جابر: تمام واحنا موافقين، دلوقتي نقدر نشوفه؟
الدكتور: قدامكم ساعتين ولحد ما يفوق لأنه هيفضل تحت الملاحظة لحد ما نكمل الفحوصات
جابر: تمام شكرا لحضرتك
الدكتور: العفو، إن شاء الله خير
ميرنا: أخويا مالهوش علاقة بحد ولا له عداوة مع حد، مين اللي عمل فيه كدا وليه؟
كان جابر قلقان من معرفتها بشيء
قالت مرات أخوها: أكيد الفلوس اللي راح يتصرفلك فيها اتسرقت من الناس اللي ضربوه دول وياترى كانوا كام، يلا مش مهم المهم هو يقوم بخير عشانا وعشان عياله، يا ريته سمع كلامي وكنا بعينا الأرض اللي خدتها من ورثي وكنا خدنا فلوسها وكنتي خدتي حقك، بس مارضيش قالي دي بتاعتي وهو مالهوش حق فيها
يلا نصيبه كدا الحمد لله في السراء والضراء
كانت ميرنا بتحاول تفهم الموضوع وتربطه ببعضه فبصت لزوجها اللي بصلها بقلق
يا ترى إيه اللي هيحصل؟
