 |
رواية تمرد عاشق الجزء الثالث 3 الفصل الاربعون 40 بقلم سيلا وليد
الفصل الاربعون
سيبقى كسر قلبي في ذمتك للأبد...
فليت الحياة اختبرت صبري في أشياء اخرى غير قلبي وفلذة قلبي...
فغيابك شبيه بفقدان الام في عز البرد و الوجع..
جميل هو حضنها ..و لو كان فوق الجروح..
ليت الرحيل لم يخلق و لم يسكن دياري..
فوالله لكنت بنيت لك جبلاً من أعذار لن تخلق..
أيا بلسمي صميم جرحي يشتاق لك .....
لم أتعود الضماد بعد ..فجراحي لازالت تنزف...
شتـّاااااان بين ألمي بين انفاسك....و ألمي بعد فراقك
أصبحت غريبة أهلي و نفسي و وبيتي
.....غيابك شبيه بفقدان الام في عز الوهن
حزينة مدني و أريافي ....و كل ليلة تشيع جنائز سكاني....
تتكلم أركاني و تعلق صورك على جدراني و كأنك غائبي بينما انت نصفي و كل كلي...
كيف أمكنك هجري و في كل شبر تركت لي عطرك...
كنت اول نبض و اول شوق لو فـُرّق على الخلق لكان لهم حياة بعد الموت.......
......صرت اليوم ضر.بة كسرت قلبي
❈-❈-❈
فتح عيناه عدة مرات وهمس
-أنا فين !!
امال أحدهم بجسده ونظر لمقلتيه واردف ساخرًا:
-ايه نستني ولا ايه ؟!
أغمض عيناه مرة أخرى عندما شعر بآلام تفتك برأسه يهمس بخفوت
"انا مش فاكر حاجة، انا مين وانتوا مين"
رفع عزيز نظره بصدمة للطبيب، الذي حقنه قائلاً
-اهدى وارتاح وان شاءالله هتفتكر انت مين ..قالها ينظر لعزيز ثم تحرك للخارج
توقف خارجًا ونظرات متسائلة، اقترب الجيار يوزع نظراته عليهما
-ايه الواد مات ولا ايه !!
ارجع عزيز خصلاته بغضب كاد أن يقتلعها من شدة غضبه، ثم لكم الجدار خلفه:
-يعني ايه ؟! اوعي تقولي فقد الذاكرة
هز الطبيب رأسه مردفًا، احتمال، واحتمال..توقف عن الحديث إلى أن اطبق عزيز على عنقه
-لا فوق وأكدلي كدا، أن كان حقيقي ولا لا ..تدخل الجيار يدفع عزيز بعنف
ثم اتجه للطبيب متسائلًا :
-ايه اللي يخليك تقول ممكن!!
انحنى الطبيب وجذب تلك الأشعة ورفعها إليهم
-أنا كنت شاكك بعد ماعملت فحصواته، بس برضو مايأكدش أنه فاقد، ممكن يكون بيتلاعب وخاصة بعد ماشاف عزيز، فاحنا لازم نكون حريصين في التعامل معه
أشار الجيار إليه بالخروج، ثم جلس موجهًا نظراته إلى عزيز:
-كان عندنا أمل في الواد دا ، احنا مش هنفضل هربانين كدا
اخذ نفسًا طويلًا من لفافة تبغه ينفثها بالهواء :
-لسة فيه أمل ياباشا، الدكتور بيقول يمكن ويمكن
ألتوت زاوية فمه بعبث متسائلًا:
-إزاي يابو العريف !!
أخرج صوتًا معترضًا وهو ينفث تبغه بالهواء:
-بلاش انت ياخالو اللي تتريق، قالها عزيز عندما دلف والشرر يتطاير بوجهه بعدما أخبره الطبيب
جلس يمسح على وجهه بعنف :
-"ريمون" بيدور علينا انت عارف لو وقعنا في أيده النتيجة ايه، هيموتنا، الواد دا لازم يفوق، ولازم ناخد بضاعتنا بأي طريقة ..قالها بغضب محموم يندلع من عيناه
نهض عزيز من مكانه وهتف :
-الواد لو فاقد الذاكرة هينفعنا، ولو مش فاقدها هينفعنا برضو
اسمعني ياخالو ..لو فاقد هنستغله كويس ونشغله ، ونبدأ من تحت وبايده كمان ..اما لو مفقدهاش
هنرجع فلوسنا برضو ..وكمان حاجة ممكن نبيعه بدولارات انت ناسي هو مين
بتر حديثه بعدما استمع الى طرقات كعبها العالي وهي تدلف للداخل بشعرها الناري
-عايزة أخرج من هنا، مبحش الحبسة دي ..نهض عزيز وتقدم منها
-عاملة ايه ياسمارة..جذبت سيجاره وجلست تضع ساقًا فوق الأخرى
-مش كويسة يابن عمتي، عايزة اهرب من المكان دا..رفعت عيناها لوالدها
-هو انت جبتني هنا علشان تحبسني
نهض نعمان يشير إلى عزيز :
-خدها وديها عند سمر اختك، مش نقصني زنها، وانتِ اعقلي لحد ماانشوف هنعمل ايه
-اوووف ..قالتها باهتياج من عيناها ..اقترب عزيز منها يحتضن كفيها ثم رفعه يطبع قبلة عليه
-ليه زهقانة كدا حبيبتي ، اصبري يومين بس والدنيا هتبقى تمام
نزلت بجسدها تسحبه من عنقه واقتربت تهمس بشفتيها المطلية بالاحمر الناري :
-زيزو حبيبي عايزة امشي من هنا..قالتها وهي ترفع أناملها تحركها على وجهه، مما جعلته يرتجف من قوة مشاعره التي ألهبتها وخاصة عندما لمست شفتيها وجنتيه
جذبها بعنف لتصبح بأحضانه كاملًا
-هتفضلي لحد امتى كدا وأنتِ بتبعدي مش كفاية علينا دا كله ..دفعته متراجعة للخلف واطلقت ضحكة تغمز إليه :
-هفكر يازيز، وارد عليك ..قالتها وتحركت خلف والدها
بالمشفى جلس بجوار أخيه محتضنًا كفيه يربت بحنو عليه:
-كدا ياصهيب تعمل فيا كدا، بدل مااسند عليك ..ياله حبيبي ريح قلبي مبقاش متحمل، افتح عيونك، اخوك اتكسر كفاية عليه لحد كدا ..
دلف عز إليه .. خطى إلى أن وصل إليه
-عمو ايه اللي جاب حضرتك بس، حضرتك تعبان مينفعش تتحرك
كانت عيناه تسطر بالحزن على أخيه ، فتحدث ومازالت نظراته على صهيب
-ابوك لازم يفوق ياعز، لازم يفوق ، مش عايزه يستسلم للموت، كفاية عليا اللي راحو
ربت عز على كتفه وانسابت عبراته
-طيب حبيبي قوم ارتاح ، كفاية عليا بابا وجنى، الحمل تقل قوي ياعمو وضهر انحنى
جذبه جواد لأحضانه وعجز عن منع دموعه لتتساقط رغمًا
-متقولش كدا حبيبي ، ابوك هيخف، وجنى هتخرج من صدمتها، ربنا رحيم بينا أنا واثق فيه ..جذب عصاه ليقف مستندًا عليها، ساعده عز بالوقوف وخرج معه متجها إلى غرفة زوجته، قابله يونس وهو يمر على مرضاه
-ازي حضرتك سيادة اللوا، عامل ايه النهاردة !!..توقف جواد أمامه ورد عليه بخفوت:
-الحمد لله يابني، الحمد لله..ابعتلي دكتور صهيب عايز اطمن عليه وكمان اطمن على حالة غزل
طالعه يونس بأسى ثم اجابه:
-حاضر، هو في العمليات نص ساعة ويكون عند حضرتك، بس فيه حاجة حلوة حبيت تعرفها
-حلوة!! نطقها جواد وهو يهز رأسه مستنكرًا معنى الكلمة ثم نظر إليه منتظر حديثه ..تحدث يونس سريعًا بعدما وجد حالته:
- دكتورة غزل فاقت من دقايق، وكنت جاي أخبر حضرتك ..تحرك متجهًا إليها دون حديث ..فتح الباب بهدوء وجد الممرضة تحاول تهدئتها بعدما استيقظت بالكامل رفعت نظرها للذي دلف للداخل، شهقة خرجت من فمها
-"جواد"..جاسر، عايز اشوف ابني، لازم اشوفه، قالتها وهي تنزع الابر من وريدها ..ولكنها رفعت عيناها بصدمة تنظر لذاك الذي يستند على عصاه ..ارتجفت شفتيها تهتف :
-جواد مالك؟!
جذب المقعد وجلس بجوارها يحتضن كفيها ثم رفعه يقبلهما
-وحشتيني يازوزو، اخيرا فوقتي ياروحي
قطبت جبينها متسائلة:
-اخيرًا فوقت ليه هو أنا نايمة من زمان ولا ايه !!
ربت على كفيها ومازالت نظراته تحتضنها ..بسطت راحتيها تمررها على وجهه
-جواد خدني اشوف ابني، هو نايم هروح أصحيه، ياله ..قالتها وهي تنزل بساقيها المرتعشة تضعها على الأرض، ولكنها شعرت بالدوار فتوقف جواد يساندها بذراعه
-حبيبتي ارتاحي أنتِ بقالك فترة كبيرة نايمة
-يعني ايه ؟؟ دقاتها تتسارع بعنف كادت تخرج من قفصها الصدري، وعبراتها تسيل بلا توقف متسائلة بلسان ثقيل:
-جاسر!!..قالتها متوقفة مرة أخرى تستند على الفراش تهتف بنبرة متقطعة:
-عايزة اشوف ابني، يعني ايه نايمة بقالي كتير، اكيد مش كتير قوي ..تحركت خطوة والدوار يداهمها، دلف ياسين بذاك الوقت ، توقف وابتسامة حزينة على وجهه :
-ماما!!.. حمدالله على سلامتك حبيبتي
أشارت إليه بعدما فقدت الحركة، وجواد يطالعها بقلبًا أكله الألم واحزان هلكت روحه، فلم يعد يشعر بما حوله
تشبثت بذراع ياسين تستند عليه وهمست بصوتًا خافت من شدة آلامها:
-وديني عند اخوك، عايزة اشوفه
تجمد جسد ياسين وشعر بإنسحاب أنفاسه ناهيك عن نبضات قلبه التي بدأت بالتلاشي ..لحظة اثنين حتى لم يعد لديها القدرة للتمهل قائلة:
-حبيبي واقف ليه، اوعى تكون صدقتوا كلامي، لا انا كنت تعبانة، هروح دلوقتي اكشف عليه واصحيه
كلماتها فتت قلبه ولم يتحكم بدموعه ليبتعد بعيناه عنها ..لفت وجه ابنها إليها :
-مش مصدقني، أنا بس هحاول حبيبي، انا ربنا عمره ماخذلني، وان شاءالله ربنا رحيم بينا ياله حبيبي ، ياله عايزة اشوف اخوك وحشني قوي
-"غزل"..ربنا يباركلك في ياسين وأوس حبيبتي ، وعوضي ربنا في الفقيد
برودة اجتاحت جسدها ليشحب وجهها ويصبح كالأموات، ابتلعت ريقها الذي شعرت كالأشواك تغزو جوفها
-بتقول ايه ياجواد، انا مش قولت لك هكشف عليه تاني، اسكت ياجواد بلاش تحرق قلبي اكتر ماهو محروق لو سمحت..احتضنت ذراع ابنها بدخول ربى وأوس ..توقفت توزع النظرات بينهما ، ثم تحركت بوهن إلى أن وصلت لأبنتها، تنظر لثيابها :
-إنتِ لابسة اسود ليه حبيبتي ، ليه الفال الوحش دا، روحي غيري وتعالي، خدها يأوس خليها تغير
رفع أوس بصره لوالده غير مستوعب حالة والدته ..توقف جواد متكأ على عصاه واقترب منها يجذب رأسها لأحضانه ثم همس بجوار أذنها:
-احتسبيه عند ربنا شهيد وياخد بايدنا للجنة
جحظت عيناها بصدمة وكأن حجرًا ثقيلًا ضرب صدرها، ناهيك عن غصتها التي أصبحت كالنيران المشتعلة به لتشعر بانسحاب أنفاسها قائلة بتقطع:
-بتقول ايه ياجواد، ابني ..قصدك جاسر ..يعني هو راح خلاص ، يعني هيبقى ذكرى زيه زي خاله، يعنى اسمه بس ..هزت رأسها تتراجع بتخبط
-لا ..لا ..متصدقش الكلام اللي قولته، انا هثبتلك، فاكر لما قالوا إنك مت وطلعت عايش، هو كمان هيطلع عايش، انا هروح أنعش قلبه، هو محتاج لحضن أمه بس وهتسمع النبض تاني..هتشوف دلوقتي وتتأكد ..تحركت خطوة إلى أن توقفت بسبب بكاء ربى الذي ارتفع بالمكان بشهقات مرتفعة قائلة بصوت باكي متقطع:
-جاسر اندفن بقاله شهرين ياماما، يعني مابقاش موجود .. حبيبي اتحرمنا منه ومبقاش له وجود، ربنا يصبرنا
ضربات عنيفة وعيون زائغة تطالعهم بجسد شُل بالكامل حتى فقدت حواسها وصوت ابنتها يصفع اذنها، شهرين..اندفن ..ربنا يصبرنا، مبقاش موجود
ماهذا الحديث المميت لقلبي ياالله ، ماهذا الألم الذي اخترق الروح ونزف ليمنع التنفس، ربي لقد أرهقت روحي فازهقها، ربي لم اعد اتحمل كل هذا
كلمات تخترق صدرها وهي تتراجع تهز رأسها وعيناها على زوجها الذي صمت بالكامل وهو يحتضنها بعيناه التي ترجاها بها
-حبيبتي يكفي مااشعر به ، لا تزيدي فوق آلامي آلام ..قابلته بحديث عيناها
لم يعد للقلب مكانًا للاحزان فلقد اكتمل وكفى !!ماهذا ياالله ليتك اخترتني ولم اشعر بكل هذا الألم، فآلامي اليوم تخطت كل آلام الكون..
هوت بمكانها وتحجرت دموعها تنظر بتيه بكل مكان كالضائع الذي فقد كل مايملك، اقترب جواد يشير إلى أبنائه
-ساعدوا ماما ترجع سريرها
ساعدها اولادها إلى أن وصلت لفراشها بخطوات متعثرة وروحًا فارقت جسدها
-أوس شوف الدكتور..تحرك أوس ونظراته الحزينة على والدته، إلى أن خرج من باب الغرفة ...
ساعدتها ربى بالجلوس ووضعت خلفها وسادة محتضنة وجهها:
-ماما حبيبتي سمعاني..لم تنظر الى ابنتها، نظرات شاردة بعيون كالشلال لم تتوقف عبراتها
❈-❈-❈
جلس بجوارها واحتضن أكتافها
-زوزو حبيبتي، بلاش تخوفيني حبيبتي ، شوفي ولادك منهارين ازاي، انتِ اقوى من كدا..ينفع نعترض على ربنا ونقوله ليه
دموع صامتة فقط، لايوجد صراخ ولا أي ردة فعل عيونا جاحظة ببكاء كزخات المطر
مسد على رأسها واستعطفها بكلماته:
-كفاية وجع قلبي ..جوزك بيسند نفسه بالعافية يازوزو، شكلي هلحق ابنك
شهقة خرجت من فمها تطالعه بعتاب
-خدني معاك ياجواد، مبقاش ليا لازمة، هعيش ازاي وقلبي بقى تحت التراب
انا تعبت ياجواد، تعبت الناس بتدفن واحد وانا بدفن اتنين، قولت اخلي اسمه يستمر في الدنيا، وكأن الاسم مالوش أنه يعيش، هو لدرجة دي اسمه وحش وربنا مش حابب وجوده، والله لو اعرف لكنت غيرته، كنت هغيره، بس ابني يفضل في حضني
-ماما..قالتها ربى ببكاء تضع رأسها على ساق والدتها ونشجت بمرار
-أنا عايزة جاسر ياماما، عايزة اخويا
أشار جواد إلى ياسين الذي هرب إلى النافذة يزيل دموعه بعنف
-خد اختك حبيبي ، خليها ترتاح ..مسد على رأس ابنته
-قومي حبيبتي شيدي حيلك علشان ابن اخوكي، كفاية جنى وغنى..قومي ياروبي كدا كتير على ابوكي حبيبتي
امال ياسين بجسده يحتضن أخته يضمها لأحضانه:
-تعالي نطمن على غنى ياروبي، بلاش تتعبي ماما
دلف الطبيب بجوار أوس ، وقام بفحص غزل متحدثًا:
-دكتورة غزل الزعل والانفعال مش كويس لحالتك إحنا قولنا ايه ..أشار جواد لأوس لخروجه خلف الطبيب
أغمضت عيناها عندما لاحت أمام نظراتها فلذة كبدها، ضحكاته ، حديثه ..صرخة ملتاعة من قلب ام مكلوم ..بكاء بشهقات مرتفعة تخرج بها قيح جراحها..وكأنها تخرج آفات لذكرياتها الحزينة
-ليه الألم مكتوب عليا من اول ماجيت للدنيا، كأنها بتعاند وجودي وبتقولي وجودك عليا تقيل فاستحملي بقى
❈-❈-❈
شهقات مرتفعة وهي تخرج تلك آلالام من ذكريات مستعصية النسيان، هنا تقلبت مرارة حياتها وتناست نعم الله عليها ..تضم جسدها تبتعد عن زوجها، لتستأنف حديثها بقلبٍ ينزف :
وجيت وكملت عناد الدنيا معايا، روحت دفنت ابني ياجواد، دفنت ابني من غير ما أودعه
دنت من وجهه وغرزت مقلتيها التي تلونت بلون دمائها تهمس بحرقة قلبها:
-استكترت عليا اخر حضن ياجواد، طيب كنت سبني اشم ريحته، والله كنت عايزة اشمه بس علشان اقفل عليها بأنفاسي ..ريحته ياجواد ، ريحة ابني ضاعت من الدنيا ياجواد، ليه تعمل فيا كدا..هونت عليك ، هونت عليك واستكترت الوداع الاخير
أغمض عيناه يستمع إليها بقلبًا مفتت حفر بثقوب الحزن ..كأن عقلها نكر ماحدث..ماذا عليه فعله اليوم، اليوم فقط تعتريه نوبة قلق ممزوجة بالحزن على زوجته، سحب نفسًا طويلا يزفر عندما شعر بانسحاب :
-دا ايمانك ياغزل، دا ايمانك بربنا وثقتك في حبيب عمرك
نهضت تستند على الجدران
-عايزة ازور ابني ياجواد، وديني لابني هو هيحس بيا ويعذرني، ياحبيبي دلوقتي قلقان عليا علشان مرحتلوش
-لا إله إلا الله..رددها جواد ثم توقف بعدما وجد إصرارها ..قابله أوس على باب الغرفة
-بابا رايحين فين ..!!
-ساعد والدتك حبيبي، علشان نزور اخوك ..اومأ له دون حديث :
بعد قليل بالمقابر ..ترجلت من السيارة
تنظر حولها ..ليه هنا منزلتش الفيوم
-حبيبتي مينفعش الفيوم علشان يكون قريب..تحركت تردد بلوعة نيران قلبها
-قريب مننا!!.خطت بعض الخطوات إلى أن تحركت إلى منتصف المقابر، توقف فجأة برجفة وكأن ذاك المشهد تكرر مرة أخرى، ليعود بعد مرور ثلاثون عامًا مع اختلاف الكنية
بخطوات مرتعشة وجسد منتفض، ولسانًا ثقيل رددت:
-السلام عليكم ايها المؤمنون السابقون ونحن بكم لاحقون"
قالتها تتحرك مستندة بابنها وخلفها زوجها ..إلى أن وصلت إلى مقبرته..، هنا شعرت بانسحاب الأرض من تحت أقدامها عندما توقفت ببصرها على تلك اللافتة التي يدون عليها:
"الشهيد بإذن الله الرائد جاسر جواد الألفي"
اااااه حارقة كادت تزهق روحها عندما رددت الاسم بشفتيها لتهوى على الأرض بعدما فقدت الشعور بما حولها
تضع رأسها على مقبرته تبكي بعويل
"ياحبيبي يابني..تلمست باناملها اسمه المنقوش فوق مقبرته
تردد بقلبها قبل لسانها
"جاسر" ياروحي انا هنا ..آسفة يانور عيني..وحشتك ياحبيبي..انت وحشت ماما اوي ياجاسر..مع كل كلمة نطقتها تنساب عبراتها تحرق وجنتيها وتعتصر قلبها لينزف دون دمًا...وآآه تصرخ بها تود لو تحطم تلك المقبرة التي تبعدها عن احتضان فلذة كبدها ..وضعت رأسها بعدما شعرت بعجزها من الوصول إليه :
انطفى قلبي برحيلك ياروحي وفقدانك
صعب قوي ياجاسر، اوي ياروح ماما، رفعت عيناها إلى جواد :
-إزاي قدرت تتحمل الوجع دا ياجواد، انا مش قادرة اتحمله، قلبي مش قادر يصدق ..قلبي مش قادر يصدق أن ابني راح من الدنيا..جلس بجوارها يهمس لها ببعض الآيات القرآنية ليبرد نار قلبها ..حتى هدأت تمامًا بأحضانه، لقد نالت اليوم أعظم مصائب الدنيا ..قلبي مولع نار ياجواد، أطفي نار قلبي ياجواد ، كأن وجع الكون دخل قلبي، ازاي أبرد قلبي من ناره ياجواد
ادعي له ياغزل، واحتسبيه عند ربنا ياقلبي، هو محتاج دعواتك اكتر من اي حاجة..نظرت إلى أوس الذي انحنى بجسد يضع رأسه فوق مقبرة أخيه وكأنه يشكي له مما يشعر به ..فنهضت وتحدثت بتقطع :
أحتسبته عند الله شهيداً وجمعني الله بك في جنات النعيم، رحمك الله يا بني.رحمك الله ياروح غادرت الدنيا دون وداع امك ..لك الجنة بإذن الله.
قالتها محتضنة أوس الذي ضعف وشهق ببكاء مرتفع ليضع رأسه بأحضان والدته:
-ربنا يصبرنا ياحبيبتي ، ربنا يصبرنا ياأمي
تحركت تحت جناح أوس الذي ضم أكتافها واتجه إلى السيارة ، بينما ظل جواد بمكانه لبعض الوقت يدعو إليه
بعد اسبوع اخر بحي الألفي الحزين
تجلس بالحديقة تضع رأسها على ركبتيها تنظر بشرود، وأطفالها يلعبون حولها..جلس بجوارها يمسد على خصلاتها :
-عاملة ايه حبيبتي النهاردة!!..ظلت كما هي لبعض الوقت دون حديث إلى أن تحدث بيجاد مرة أخرى !!
-غنى ياله حبيبتي علشان ترتاحي جوا
ابتلعت غصتها المؤلمة متسائلة ومازالت على حالتها:
-تفتكر جنى صح يابيجاد، ممكن يكون جاسر لسة عايش، واللي اندفن دا مش هو ..نهض من مكانه وانحنى يحملها فكانت فقدت كثيرًا من وزنها ..ضمها لصدره وهو ينادي على مربية أطفاله
-خلي بالك من الولاد ..قالها متحركًا حيث غرفتهما ..وضعها على السرير بحنو وظل يمسد على خصلاتها قائلًا:
-نامي ياحبيبة قلبي ..حاولي تنامي
أغمضت عيناها ولم تنبت بحرف اخر
ظل بجوارها إلى أن ذهبت بنومها ..انحنى يطبع قبلة حنونة على جبينها ..يحمد الله على نومها فمنذ خروجها من المشفى لم يغمض لها جفنٌ..استمع الى صرخات ابنائه ..تطلع إليهم من الشرفة، وجدهما يهرولون إلى غزل..استدار ينظر لزوجته ، ثم تحرك للأسفل ..توقف أمام غزل
-حمد الله على سلامتك طنط غزل ..هزت رأسها
وتحركت تجيبه بصوتًا متقطع :
-الله يسلمك حبيبي..توقفت أمام المصعد متسائلة :
-فين جنى وكنان ..هرولت إليها عاليا
-ماما غزل حمدالله على سلامتك ..رسمت ابتسامة حزينة
-فين جنى وكنان ، في اوضتهم فوق
وجهت نظرها إلى جواد الذي وصل للتو واجابها:
- جنى في بيتها ياغزل، مش راضية ترجع ..استدارت تطالعه بصدمة كادت أن توقف قلبها
-عايزة جنى وكنان هنا حالا ياجواد، بلاش تستكروا عليا ريحة ابني واسم ابنه من حواليا، روح لها يااوس. وقولها ماما بتؤمرك ترجعي بيت جوزك فورا
اقتربت ربى تحتضن ذراعيها
-ماما اطلعي ارتاحي الأول وبعد كدا هنشوف جنى..ارتفع صوتها رغم بكاؤها :
-عايزة ابن اخوكي حالا، هو ومراته اللي فضلني منه، ايه صعبة
-ماما لو سمحتي بلاش توجعينا اكتر مااحنا موجعين، جنى اصلا مش مصدقة إن جاسر الله يرحمه مبقاش موجود مش بعقلها ..قالها ياسين متألمًا
-ايه ..ايه اللي بتقوله دا ؟!
طلعي ماما وساعديها حبيبتي تاخد شاور وتغير هدومها..قالها جواد متحركًا إلى غرفة مكتبه
بمنزل حازم بغرفة جواد التي يكسوها الظلام ..يجلس على مكتبه ينحني بجسده يضع رأسه فوق المكتب، يحمل غصته داخل روحه يتذكر حديثه بعدما نزل من فوق التلة ليجذبه لاحضانه
-جاسر افتح عيونك، شوية وهنوصل للمستشفى، سامعني، جاسر اياك تستسلم
ارتجف جسده الذي شحب يهمس بتقطع:
-جواد..ابني، انقذ ابني ، هيقتلوه ..انحنى جواد يضمه بقوة ويبكي قائلاً:
-ابنك رجع حي الألفي، المهم انت قوي نفسك ياجاسر، سمعني اقوى علشان جنى، جنى من بعدك هتموت ..ابتسم بعينيه يهمس اسمها ثم غاب عن الوعي ..صرخ جواد باسمه بصوتًا زلزلت له الجبال ثم نهض يرفعه بقوة لأحضانه بوصول أحد الشرطيين ليساعدونه ليخرجوا به من ذاك المكان بوصول سيارة الإسعاف ، فاق من ذكرياته المؤلمة حينما استمع الى طرقات على باب الغرفة، ولجت إلى الغرفة بعد السماح إليها بالدخول ..أشعلت الضوء ثم اقتربت قائلة:
-جواد ..رفع رأسه إليها فكانت حالته لا تقل المًا ووجعًا عن البقية، بل أكثرهم تألمًا لوجوده بالقرب منه بأخر أيامه
جلست "هنا" بمقابلته على الفراش وتسائلت بنبرة متألمة:
-هتفضل حابس نفسك كدا ياجواد، طيب لما تعمل كدا جاسر هيرجع، دا أمر وكلنا هنمر بيه
جذب سجائره وبدأ ينفثها ولم يجيبها، نهضت من مكانها تجذب منه السجائر
-مش شايف نفسك بقيت عامل ازاي، كفاية لو سمحت، العيلة كلها واقعة مش ناقصين حد تاني
طالعها متسائلاً :
-لسة خالو صهيب مفقش ..هزت رأسها بدموع انحدرت من مقلتيها كالشلال مجيبة بنبرة متحشرجة:
-لا والدكاترة بيقولوا رافض الواقع، عقله رافض الواقع
ضغط على شفتيه يمنع دموعه قائلًا:
-يابخته، ياريتني اكون مكانه، عارفة ياهنا اكبر أن ربنا رحيم قوي بخالو، لانه لو حاسس باللي احنا حاسين بيه ممكن يموت
هزت رأسها وارتفعت شهقاتها
-عقلي مش قادر يستوعب ياجواد، ازاي اصدق اني مش هشوف جاسر تاني ، اه على وجعنا من فراقه ، ولا جنى اللي رافض اي حد يقول قدامها أنه مات
آ اآه لو محصلش قدامي كنت مستحيل اصدق ..لحظة بلحظة يا"هنا" كله راح، حاولت أنقذه بس معرفتش والله حاولت ..تفتكري دلوقتي خالو بيقول عليا ايه، اني فرطت في ابنه صح، أكيد هيقول كدا
كانت تقف على أعتاب غرفته واستمعت إلى حديثه الذي شق صدرها ، فدلفت سريعًا للداخل
-ايه اللي بتقوله دا ياحبيبي ، خالك عمره مايفكر كدا، دا عاش الأحداث دي وعارف ان دا أمر ربنا..نزلت دموعه يزيلها بعنف
-أنا هروح لخالو وافهمه مكنش بايدي حاجة..توقفت مليكة أمامه
-جواد بلاش توجع قلب خالك، احنا ماصدقنا وقف على رجله حبيبي ، عجبك يعني يرجع يتعب تاني، ابعد عن خالك ابوس ايدك
خطت "هنا "إلى الخارج بعدما فقدت السيطرة على بكاؤها..جلست بين منازل اعمامها تتلفت حولها كأنه تبحث عن السعادة التي كانت تصخب هنا وفجات تلاشى كل شيئًا، نظرات ضائعة وعيونًا باكية إلى أن جلست تقى بجوارها تحتضن كلتاهما الأخرى وكأن شعارهم البكاء على الفقيد الحنون بات يلازم حياتهم اليومية
بجناح ياسين بعد وصوله لوالدته لغرفة جاسر، وطلبت من الجميع تركها ..لم يعد يتحمل الصمود، دلف لجناحه يختلي بنفسه ، حتى لا يرى أحد ضعفه
جلس بشرفته وذكريات أخيه امامه كأنه حي يرزق، مسح على وجهه بعنف يدعو الله بسريرته
-اللهم اربط على قلوبنا بالصبر، كيف لك امي أن تتحملي هذه الآلام التي تنخر العظام ..تنهيدة حارقة لو وصلت لأحدهم لأحرقته، يريد أن يحطم كل مايحاوطه، ليس اعتراضًا ولكن نيران بداخله على ذاك مصاصين الدماء الذين ليس لهم دين ولا ذمة عند الله
كأن الله نزع من قلوبهم الرحمة ليتحولوا لعبدة شياطين يتاجرون بأروح الناس..دلفت إليه تحمل طعامه ، وضعت الطعام على طاولة دائرية كحال كل يومًا، فلم يعد يوجد التفاف حول المائدة التي تضج بتجمعهم وضحكاتهم كأنه أخذ كل شيئا كانوا يتمتعون به معه
مسدت على خصلاته تحتضن رأسه
-ياسين جبت لك الغدا ..هز رأسه بعدما فقد سيطرته على غصة بكاؤه قائلًا:
-شيلي الاكل ياعاليا ماليش نفس..قالها وتوقف ..منعته من الحركة بوقوفها أمامه :
-وبعدين قلة الاكل هترجع اللي راح، فين ايمانك ياحضرة الظابط
-وفين النفس اللي تاكل وانا اخويا تحت التراب ياعاليا، قوليلي فين النِفس اللي تقدر ترجع تضحك تاني وأنتِ دافنه روحك وسندك تحت ومش قادرة تحتضنه أو تتكلمي معاه..امال بجسده وانهار اخيرا أمامها، انهار ذاك الجليدي يبكي كالطفل
-تعرفي حاسس بايه ..هز كتفه ودموعه تسبق كلماته يهمس بشهقاته لأول مرة منذ شهرين بعد دفن أخيه
قائلًا بنبرة متقطعة مؤلمة :
-حاسس إن انا عريان، هز رأسه يشير لنفسه :
-اه عريان ياعاليا، أصله مكنش مجرد اخ وبس دا كان ابونا رغم صغر سنه بس كان بيعرف يحتويني، رغم هزاره بس كان قوته جواه، وضعفه لنفسه
انا تعبان ومش قادر اقول تعبان مش قادر اقول بقيت ضعيف ومكسور من غيره، علشان شايف اللي حواليا كلهم بقوا زي اشجار الخريف اي ريح بتوقعها، امي منهارة، وابويا بيحاول يتماسك علشان المفروض يبقى كدا، مالوش أنه يضعف علشان عارف ضعفه هيوقعنا كلنا..اقترب منها ينظر بداخل عيناها :
-مين يصدق إن جواد الألفي يقعد على كرسي متحرك شهر ياعاليا، انت كنتِ تصدقي قوة الراجل دا تنهار، بصي حواليكي وشوفي جنى اللي اتجننت ومفيش على لسانها غير أنه هيرجع، انا مستنياه وهيرجع، ابعدي ياعاليا عايز انام يمكن ماقومش بعدها اهو محسش بالألم الصعب دا
ألقت نفسها بأحضانه تبكي بانهيار
-بعد الشر عليك ياحبيبي متقولش كدا وتوجع لي قلبي ياياسين، حرام انا مش متحملة وجع، انا بتحصر على جنى، وبدعي ربنا ماعشش احساسها ابدا
لف ذراعيه حول جسدها يطبع قبلة فوق رأسها :
-هنام شوية واروح لها ، لازم أقنعها تيجي هنا، دا لو أوس مقدرش عليها، انا خايف على أوس قوي، دا من وقت موت جاسر مبيتكلمش مع حد خالص، غير إن قعدته كلها عند عمو صهيب في المستشفى ، بتمنى يطلع حزنه بدل مايحصل له حاجة
بالوادي بمنزل الجيار تجلس بشرود بغرفتها، دلفت والدتها :
-عاملة ايه دلوقتي حبيبتي..نهضت متألمة تهز رأسها وأجابتها:
-الحمد لله ياماما، احسن ..جلست والدتها تمسد على شعرها
-عرفتي اللي حصل..
رفعت عيناها تنتظر حديث والدتها
-الظابط اللي كان عامل دكتور. هزت راسها منتظرة التكملة
-عمل كمين لأبوكي ووقعوه هو التميمي بشر اعمالهم، ودلوقتي هربانين زي الفيران والحكومة بدور عليهم في كل مكان
ابتسمت سمر قائلة:
-يعني خلصنا من شرهم ..طالعتها بأسى ثم تنهدت بألمًا بصدرها
-فرحانة علشان ابوكي هيتسجن ياسمر
اشتعلت حدقيتها كجمرات ملتهبة
-كنتي منتظرة مني ايه ياماما وهو بيمص دم الشباب، انا ابويا يطلع تاجر مخدرات.. علشان كدا انفصلتي عنه
مسدت على خصلاتها وأخبرتها بما يشق صدرها:
-ابوكي اتجوزني علشان ابويا كان عمدة البلد ، علشان الاطيان واسم العيلة هما اللي وصلوه لكدا، وقبل مايتجوزني كان متجوز ام عزيز ومخلف وضحك عليا ومثل الحب لحد مااتمكن من كل حاجة وللاسف لما عرفت كان فات الوقت
تمددت تضع كفيها موضع جراحها
-متزعليش ياماما ، ربنا اخد حقك، وبعتلك واحد زي حضرة الظابط يرجعهولك
اومأت لها ثم استأنفت حديثها بأسى
-بيقولوا اتقتل ..
هبت من مكانها متناسية آلامها
-ايه مين اللي اتقتل ..غريب !!
ابتسمت والدتها ساخرة تهز رأسها بأسى:
-طلع اسمه جاسر مش غريب ياسمر
-"جاسر" رددتها بقلب ينبض بحبه وانسابت عبراتها متذكرة حديثه عندما حاورته متسائلة عن اسمه
بعد شهر آخر
بمطروح وخاصة بذاك المكان الذي يختبأ به الفسدة ..جلس ذاك الطبيب الفاسد
-الواد فعلا فاقد الذاكرة ومش فاكر حاجة..يعني كأنه طفل وعايز تشكيل ، ودا دوا استوردته مخصوص علشان يفضل عيل تشكلوه
صفق عزيز بابتسامة:
-أيوة هو دا الكلام ..فرحني كدا ، قولي
اخبار تفرحني ..ثم تابع حديثه
-يااااه اخير كام شهر وانا منتظر اللحظة دي تعبنا ابن الألفي ..بس كله يهون علشان اخد حقي بايدي
وضع الطبيب الدواء أمامهم ونهض متحركًا
-اتمنى مايحصلش غلط بأخذ الدوا، هيكون صعب التحكم على المخ ..رفعه عزيز يحركه بين أنامله وابتسم :
-دا أنا بنفسي اللي هتابع متخافش
بالداخل فتح عيناه يشعر بآلام تفتك برأسه، دلف نعمان إليه يطالعه بنظراته الصقرية، يحدث حاله :
-مين يصدق انك دلوقتي قدامي لا حول لك ولا قوة، يجي ابوك يشوفك دلوقتي ، كان نفسي افرح فيه..بس ملحوقة، هاخد حق ابويا وحقي منك يابن الألفي ..تصنع الحزن وجلس أمامه :
-عامل ايه يابني ..رفع نظره يحدجه بنظرات صامتة للحظات ثم تحدث:
-إنت مين، وليه محدش بيرد عليا انا فين ومين اللي عمل فيا كدا
ربت على كتفه وأكمل حديثه المتقن بكفاءة :
-إنت ابن صاحبي اسمك غريب المصري، ابوك الله يجازيهم الشرطة قتلوه وانا انقذتك من بين أيديهم
-غريب المصري ..رددها بلسانه ثم تسائل:
-مين غريب المصري، وانت تقربلي ايه
قاطعهم دلوف عزيز يتلاعب بمسبحته وابتسامة خبيثة على وجهه ثم اقترب منحنيا بجسده يربت على كتفه بقوة:
-حمد الله على سلامتك ياغريب زعلنا عليك ياراجل..كانت نظراته على عزيز مريبة فتسائل:
-وانت مين؟!
نصب عوده وتوقف يحك ذقنه ثم أشار على نفسه متصنع الاستغراب:
-إنت ازاي نستني، حد ينسى حبيبه برضو، دا احنا الاتنين كنا اقرب من بعض واحب الاصدقاء
ظل جاسر يوزع نظراته بينهما بريبة، رغم أنه لم يتذكر شيئا إلا أن حديثهم زعزع الشك بداخله
دلفت سمرة تنادي على والدها
-بابا قولت عزيز هيوديكي..ولكنها توقفت تنظر لذاك الجالس على فراشه بجسد ضعيف ..ورغم جسده المرهق، إلا أنه وسيم للغاية، اقتربت منه تنظر لوالدها، الذي توقف سريعا بعدما وجد نظرات ابنته المتفحصة إليه قائلاً :
-دي سمرة بنتي ياغريب، وخطيبتك
جحظت عيناها تنظر لوالدها بصدمة، رغم إعجابها الشديد به إلا أن والدها فجأها بحديثه، سحب والدها كفها وتحرك للخارج
-حبيبتي تعالي قبل ماتقعدي مع غريب عايز منك طلب
خرجت ومازالت نظراتها على جاسر إلى أن وصلت إلى مكان والدها
-مين دا يابابا؟!.
أشار إليها يهمس:
-دا الظابط اللي وقعنا كلنا، ولازم تهدي كدا وتعملي زي ماهطلب منك، الواد دا لازم تخليه جذمة في رجلك، ازاي دي شغلتك وانتِ اكتر واحدة بتعرفي توقعي الرجالة كويس، شهر واحد وألقيه جاي وبيتحايل عاليا ويبوس ايدي علشان يتجوزك
جلست تضع ساقًا فوق الأخرى تتلاعب بخصلاتها :
-اعتبره حصل يابابا ..هي سمرة قليلة، دي سمرة نعمان التميمي اللي كل الرجالة تتمنى بس نظرة
ابتسم لها ثم توقف متسائلاً :
-طيب عزيز هتعملي معاه ايه دا مجنون ، توقفت متحركة للداخل
-سيبه عليا، دلفت للداخل وعيناها تخترق جاسر الذي نظراته مشتتة بينهما فأردفت تنظر إلى عزيز:
-عزيز عايزة اتكلم معاك ممكن
نهض من مكانه يشير إليها بالخروج
بمكتب راكان مازال يحاول فتح جهاز جاسر ولكن دون جدوى، وضع رأسه بين راحتيه، استمع الى طرقات على الباب، دلفت الخادمة بجوار ليلى تحمل فنجان من القهوة ، أشارت ليلى بوضعها ثم هتفت :
-خلي النانا تاخد بالها من زين ليوقع بالعجلة في حمام السباحة
اومأت بطاعة وتحركت للخارج ..تحركت خلف راكان وقامت بتحريك أناملها بهدوء بفروة رأسه
-عندك صداع؟!
أغمض عيناه مستمتعًا بلمستها هامسًا:
-شكلي بقيت مدمن للمساج بتاعك ..قالها ونصب عوده يسحب كفيها متحركًا إلى الأريكة ليتمدد عليها متخذًا ساقيها وسادته
بدأت تحرك أناملها بهدوء واستدارة بسيطة ثم تحدثت:
-حبيبي مش هتشرب القهوة
هز رأسه رافضًا :
-لا ..عايز انام ..ظلت تمسد على خصلاته وتسائلت:
-مالك ياراكان، بقالك فترة مهموم، مبقتش تشاركني حاجة
احتضن كفيها يطبع قبلة عليه ثم أجابها:
-قضية جاسر ياليلى ..مش عارف انام وانا عندي شك أنه يكون عايش
استمعت إليه باهتمام ثم اردفت:
-طيب حبيبي ليه مابتعملش تحليل DNA أخرج تنهيدة عميقة ثم أجابها
-لو شوفتي حالتهم مش هتقدري حتى تفكري في الموضوع ، العيلة كلها مكسورة، عايزة اروح اقول لابوه اللي فضل شهر مشلول ممكن يكون ابنك عايش واديله امل وبعد كدا نكتشف أنه ميت
-طيب والعمل ناوي تعمل ايه ؟!
فرك وجهه بقوة يضع كفيه على وجهه
-العمل عمل ربنا، بعد مافكرت في باسم لقيتها صعبة
- هي صعبة أه بس مش هيبقى زي باباه، المهم بدل ماتفكر لنفسك هو هيفكر معاك
اومأ لها ربنا يسهل ، اعتدل ينظر بساعته..هنام ساعتين علشان عندي مدوالة..طبع قبلة على جبينها ونهض قائلًا:
-هطلع اخد شاور الأول ...نهضت من مكانها تحتضن ذراعه
-ياله علشان اساعدك ..
بعد اسبوع بمكتب باسم ..جالسًا بمقعده، متراجعًا بجسده، مطبق الجفنين ..استمع الى طرقات على باب مكتبه ثم دلف راكان
-ازي حضرتك سيادة العقيد ..اومأ يشير إليه بالجلوس
جلس راكان وتسائل:
-فيه اخبار عن حضرة اللوا
-ربنا يصبره، صعب الموضوع مش سهل، واللي يوجع اكتر أن صهيب لسة زي ماهو مفيش قابلية للعلاج، وشكله هيلحق ابن اخوه
طيب بمناسبة ابن اخوه ..عندي سؤال بس اتمنى من حضرتك تسمعني للآخر دون مقاطعة، وكمان لازم اخرص احساسي
قطب باسم جبينه متسائلاً :
-الموضوع كبير قوي كدا علشان المقدمات دي
اومأ راكان يؤكد إليه ، ثم هتف دون جدال:
-أنا شاكك في الجثة اللي اندفنت، حاسس أنه مش جاسر.
رفع رأسه يطالعه بذهول، وكأن أحدهم طعنة بصدره، ليشعر ببرودة تجتاح جسده ، فاهتز صوته قائلًا:
-جثة ايه اللي بتقول عليها!!
نهض راكان من مكانه وآمال بجسده يحدجه بنظراته :
-جثة جاسر انا شاكك فيها ياسيادة العقيد ، انا اللي دفنته بعد وقوع سيادة اللوا ولاده كلهم جريوا عليه وانا ويونس اللي نزلنا، وطبعا كشفت وشه، تقدر تقولي واحد مضروب بالرصاص بصدره، ليه العملية مالهاش اثر، ليه وشه مشوه، اللي اندفن وشه معظمه مشوه، غير دا بشرته سودا، صوابع أيده بها تعذيب
هب باسم من مكانه يرمقه بنظرات كالطلقات النارية:
-إنت اتجننت ولا ايه، اعقل ياراكان، انت فاهم معنى كلامك دا..
تراجع جالسًا يومئ برأسه
-بقالي 3 شهور هتجنن دورت وجبت كاميرات المستشفى ، دخلت حساب جاسر لعل الاقي حاجة يكون مدونها ، اي خيط مفيش... جاسر كان دايما يعمل حروف لأشخاص قضايا وتحت كل حرف بيكون مكان أوراقه وتفاصيل القضية واي اسرار
-إنت بتقول إيه ياراكان!!
ارجع خصلاته للخلف بعنف وهتف بنبرة خافتة:
-بقول أننا اتقرطسنا ياسيادة العقيد، ولازم تتصرف
-اتصرف!!..تقصد ايه بأتصرف دي
-نعمل تحليل حمض نووي للجثة الموجودة
طالعه بأعين متسعة يهز رأسه بعنف:
يرميه بوابل من كلمات فظة غليظة كأنها سهام اخترقت صدر راكان ورغم ذلك اجابه راكان
-هنعمله ياسيادة العقيد
-أكيد بتهزر صح!!..انت عايز مني اروح اقول لجواد اللي دافن ابنه بقاله تلات شهور اللي دفنته دا مش ابنك، ولازم تعمل تحليل وتتأكد، ويبقى عنده امل وبعد كدا الامل يقتله..اتجننت ياراكان، افرض طلع هو ، انت مشفتش حالته كانت ازاي، انا ماصدقت أنه سامحني ورجع يتكلم معايا ويثق فيا رغم أنا لو مكانه كنت ضربت رصاصة في صدره
اقترب منه وغرز عيناه بمقلتيه هادرًا:
-صهيب ممكن يموت دا رافض الحياة، عايزني اخلي جواد بحالة اخوه بعد مااعشمه، مستحيل ...فتح فمه للحديث ولكن باسم أشار له بالصمت
-اسكت ياسيادة المستشار، اكيد جواد مش غبي علشان ميعرفش ابنه ، انت ناسي أنه اخر واحد شافه
اقترب راكان من وقوفه وتحدث :
-أنا مش همشي لما حضرتك تسمعني، جلس بعدما وجد ملامحه قد هدئت، فاردف بهدوء لإقناعه:
-في شغلنا لازم ناخد بالنا من الصغيرة قبل الكبيرة، غير الدلايل ..ولو فيه شك واحد في المية بنمشي وراه، انا هنا معنديش شك انا متأكد، اللي اندفن دا مش جاسر
مسح باسم على وجهه بعنف كاد أن يقتلع جلده ثم أردف :
-طيب افرض زي مابتقول، هيستفادوا ايه ..صدم راكان من حديثه:
-حضرتك مستوعب الكلام اللي بتقوله!!
أقل حاجة يعملوها يحسروا أبوه عليه ياحضرة العقيد ودي طرقهم كتيرة وطلباتهم اكتر
زفر مختنقًا ثم تابع حديثه:
-احنا مش هنعرف سيادة اللوا بأي حاجة، لازم نفكر بحاجة غير مانوصله
استدار إليه بصدمة :
-إنت عايز تموتني صح، ماهو جاي تخلص عليا وترتاح ..أفلت راكان ضحكة يهز رأسه:
-ابدا والله ..ماهو أنا بفكر بقالي فترة ومكنش حد قدامي غيرك، لازم تساعدني علشان اقدر اوصل ، وقلبي يرتاح ، لو جاسر عايش اكيد ناوين له على حاجة، اللي وصل المستشفى جاسر، واللي شافه سيادة اللوا جاسر، لكن اللي اندفن مش هو
ذهب باسم بشروده هاتفًا
-قصدك بدلوه وقت الغُسل ..جلس يشير إليه بيديه:
-أيوة دا اللي عايز أوصله لحضرتك، بس اللي مش قادر استوعبه، دخلو مستشفى عسكري وخرجوه ازاي ، من غير اذن
احتضن باسم رأسه بين راحتيه ثم اجابه :
-أكيد دكتور، علشان مفيش حاجة تخرج من غيرهم
اومأ له متفهما ثم أكمل حديثه:
-حريق مستشفى الألفي ومعرض مدام جنى وهجوم الحي وقت الدفن دا كان تخطيط يافندم علشان يشتتوا أهل جاسر، بس اللي مكنش في الاعتبار وقوع سيادة اللوا اللي كان في مصلحتهم اكتر من اللي عملوه
توقف باسم واستدار يجلس بمقابلته
-قصدك عملوا كدا علشان محدش يكشف موضوع الجثة دا
أخرج سيجاره مستئذنا إياه مع ابتسامة خفيفة
-اعتقادي أن الضرب وقت الدفن تشتيت بدليل حضرتك مكملتش وانسحبت، وكمان عز وحازم مكملوش بعد ما عرفوا هجوم الحي، والباقي لما جواد وقع ..يبقى كان التوقع حد غريب ينزل مع الجثة ..أو ، صمت لفترة وتابع حديثه:
-كانوا مخططين لحاجة تانية ، بدليل العربية اللي رصدت مدام جنى لحد البيت وفضلت لتاني يوم ..هما اكيد مكنوش مرتبين لدا، بس كان فيه تخطيط تاني ايه هو منعرفش..بس الكاميرات اللي رصدت عربية مدام جنى خلتني اربط الأحداث ..وزي مابقول لحضرتك دا مجرد تخمين ..
الجزء الثاني من الفصل الاربعون
تنهد باسم بحرارة تحترق جوفه كمن ينصهر عندما توقف عقله يهز رأسه متسائلًا:
-برضو ازاي هنعمل تحليل نووي من غير ما جواد يعرف ..
بسيطة ياسيادة اللوا ..من تحت لتحت
هنفتح المقبرة
تراجع بجسده يغمض عيناه بعجزًا:
-إزاي !! مينفعش افهم جواد صديق عمري وجاسر كان ابني
-طيب من حق الصداقة تقطع الشك باليقين، علشان لو اتأكدنا أنه عايش لازم نتحرك ونعرف هو فين، وهل هو عايش ولا قتلوه
-تمام ..هفكر وارد عليك
هز رأسه برفض قائلاً :
-اسمها هنفتح المقبرة ونعمل التحليل
-طيب العينة هنجبها من جواد ازاي
نظر إليه برفع حاجب:
-شكل موت جاسر وقف عقلك ياسيادة العقيد، ممكن ناخدها من حد تاني ، ياسين أوس أو من كنان نفسه
هب من مكانه بعنفوان وهو يهدر به:
-أنا عارف انت ناوي تموتهم كلهم ، إياك تقرب من كنان، اياك ياراكان متبقاش مجنون بجد
-خلاص حضرتك اتصرف وشوف أوس أو ياسين ودول مش صعب توصلهم ولا صعب توصل كمان لسيادة اللوا، حضرتك اللي مصعب الدنيا ..فكر في الاصعب ازاي نفتح المقبرة دون علم من آل الألفي
عند جاسر نهض من مكانه بصعوبة يتحرك من المكان يطالعه بألمًا وكأنه يطبق على صدره، تحرك بعض الخطوات إلى أن دلفت تلك الفتاة
-غريب ليه قومت من مكانك ..وضع كفيه على صدره متألمًا فأجابها :
-تعبت من النوم، عايز امشي..استدار بنظره إليها يدقق النظر بها ثم تسائل:
-بتقولي انك خطبيتي ..اقتربت منه تحتضن ذراعيه
-تعالى نتمشى برة فيه جنينة فواكه حلوة يمكن تتذكر حاجة ..سحب كفيه من ذراعيها وكأنه شعر بنيران تلتهم صدره من قربها متوقفًا يطالعها بنظرات تقيمية
-علاقتنا كانت ازاي والمفروض فيه ورق ليا ..يعني اسمي وحاجات من دي
دلف الجيار يرمقه بنظرة غامضة واقترب منه :
-عامل ايه النهاردة ياغريب..ابتسم مردفًا:
-الحمد لله كويس ، بس عايز اتمشى برة شوية، قطعت حديثهما سمرة
-عمو هادي غريب بيسال عن اسمه وأوراقه
تهكم بنظراته يحدث نفسه ..حتى وانت فاقد الذاكرة حس البوليسي عندك يابن جواد ..دنى منه وأشار على الكومود عندك كل حاجة خاصة بيك هنا ..تحرك بهدوء يفتحه وقلب به
ثم جلس متعبًا :
-كنت شغال طبيب بيطري ، حرك أيده على صورته بابتسامته وظل يدقق بها
هز الجيار رأسه ..
دا اللي باين ، بس احنا لينا شغل تاني لما تفوق هنتكلم ..قالها وتحرك للخارج قبل أن ينقض عليه فكلما تذكر مافعله أراد اهلاكه لا محالة
بعد اسبوع جلس ياسين أمام باسم وراكان يوزع نظراته بينهما بريبة
-حضرتك طلبتني ياعمو، انا قدامي ساعتين وراجع شغلي ، فيه حاجة ولا إيه!!
نقر راكان على المكتب لعدة مرات ينظر لباسم الذي هز رأسه رافضًا ماسيفعله ..قطع راكان الصمت بينهم
-عايزك تمضي على الورقة دي ياياسين ، ومن قبل ماتتكلم ، انت اكتر انسان هيفهم احنا عايزين ايه بالظبط، أوس ميعرفش شغلنا ، وطبعا والدك مش بحالة تسمح نطلب منه دا ، وغير دا كله مش متأكدين من حاجة مجرد إجراء اطمئنان
قطب جبينه يرفع الورقة يطالعها مستغرب حديث راكان ..ضيق عيناه للحظات، ثم وضع الورقة على المكتب
-شكل حضرتك مبدل الورقة، دي ورقة بتقول..صمت للحظة ثم رفع الورقة مرة أخرج يقرأها بصوت مرتفع ..إلى أن شعر بانسحاب أنفاسه ينظر إليهم بوجه شاحب متمتم بلسان ثقيل
-فتح مقبرة جاسر..ليه ؟!
توقف راكان يجذب المقعد وجلس بجواره يربت على كتفه
-اسمعني انا كوكيل نيابة شكيت في جثة جاسر، عايز أتاكد اللي اندفن دا جاسر ولا لا
كان يطالعه بضياع وضربات قلب كالطبول حتى شعر وكأن سكب فوقه دلو من الماء ليشعر ببرودة تجتاح جسده بالكامل فردد بتقطع:
-قصدك إن جاسر ممكن يكون عايش لو الجثة مش بتعته، بس ليه تقول كدا
نهض باسم يضمه من أكتافه:
-حبيبي دا مجرد تأكيد عايزين نتأكد مش اكتر، يعني احتمال يكون جاسر
هوى على المقعد وبلسان ثقيل مرددًا
-واحتمال يكون مش هو!!..دقق النظر إلى راكان متذكر دفنه لجاسر فتسائل:
-ليه شكيت .!!.انت مش شاكك، انت متأكد صح
ابتعد راكان ببصره ولم يرد عليه
جذب القلم وقام بالامضاء
-وأنا كمان عايز اتأكد، بدل حضرتك شكيت يبقى اكيد مش جاسر
ابتسم راكان يشير إلى باسم :
-قولت اختيار ياسين كان الأصلح ..كدا باقي الطبيب اللي يدخل يعمل التحليل
-دا عندي..أردف بها باسم ثم اتجه بنظره الى ياسين:
-مش عايز بابا يعرف حاجة ، وانا هاخد احتياطات لحد منخلص ونعرفك
بس عايزين حاجة كمان
-أجابه ياسين يهز رأسه:
-عينه تحليل صح ..عايزها من مين بالظبط
-لو منك يكون افضل علشان محدش يشك في حاجة ..
قاطعه راكان بعدما وجد إصرار ياسين
ولو من ابوك هيكون افضل وافضل
رمقه باسم يشير إليه بتحذير:
-راكان متقربش من جواد لو سمحت ، لو سمحت بلاش نحسسه بحاجة..
تحرك راكان ووقف بجوار ياسين وتعمق بعيناه :
-ياسين هجيب العينة من غير ماحضرة اللوا يحس ، هو عارف هيعمل ايه
-عينة ايه ؟! عايزين حاجة معينة
هز رأسه بالنفي :
-لا ابدا ..اي حاجة ، شعر ، فرشة سنان ، دم ، اي حاجة تقدر تجبها بس تكون متأكد منها
بعد عدة أيام بمشفى البنداري ، خرج راكان متجهًا إلى مكتب باسم الذي كان يتأهب لدخوله ..وصل بعد قليل ، يلقي ذاك الظرف على مكتبه
-افتح وشوف..امسك الظرف بأنامل مرتعشة وإذ به يهوى على مقعده
-يعني اللي اندفن مش جاسر
❈-❈-❈
فرك راكان جبينه بقوة بصدرٍ محترق :
-انضحك علينا ياسيادة العقيد، اخدوه من وسطنا بكل براعة
كان يتمتم بخفوت:
-يعني كدا جاسر ممكن يكون عايش..أردف بها باسم !!
-لا ..قالها راكان متوقفًا، مش عايزك تبني احلام وتعشم ياسين ، احنا لسة منعرفش عملوا ايه، وليه خطفوا واحد كان يعتبر ميت اصلًا، وهل لسة عايش ولا مات ..بلاش نسبق الأحداث
وإيه اللي مفروض يتعمل حاليا معرفش..قالها راكان بعجز ثم تابع حديثه :
-بندور على إبرة في كوم قش، بس انا مش هيأس، دلوقتي قدامي أمل أنه ممكن يكون عايش ، احنا لازم نعرف هنتصرف ازاي بعد ماعرفنا، وارجوك خلي بالك مش عايزين حد يعرف
اومأ له باسم متفهما
مرت الأسابيع..اسبوع يلو اسبوعٍ، والامل بدأ يتلاشى من القلوب ..
بحي الألفي كان الوضع كما هو فاليوم تم افتقاد الشهيد لمدة ستة اشهر، تقف أمام صورته وعيناها جفت من كثرة بكاؤها ..احتضنها زوجها من الخلف
-وبعدهالك ياغنى، هتفضلي كدا ..مسحت دموعها تضع رأسها بأحضانه قائلة:
-حاسة اني في كابوس يابيجاد ، وعندي أمل اني افوق منه، معرفش ماما وبابا ازاي قادرين يتحملوا الوجع دا، انا قلبي مولع نار ..كل ماابص في عيون ابنه كأني شيفاه قدامي، لحد مابقيت مش عايزة اشوفه
مسد على خصلاتها طابعًا قبلة حنون
-طيب تعالي نخرج على الجنينة شوية، عايز اتكلم معاكي .. صمت بعدما وجد رفضها ..لمس وجنتيها مردفًا:
-هسافر بكرة اصفي كل حاجة هناك وارجع ، يعني هغيب اسبوع وفي نفس الوقت قلقان عليكي ياقلبي
حاوطت جسده تضع رأسها بصدره
-أنا كويسة، هروح اقعد عند ربى شوية، زعلانة عليها قوي فقدت جنينها من قبل ماتفرح بيه
احتضن وجهها ينظر لعيناها
-أيوة عايزك قوية أنتِ الكبيرة، لازم تسانديهم، بصي لمامتك عاملة ازاي، ورغم كدا واقفة علشانكم، خليكي جنبهم وانا هخلص وارجع لك
اومأت له بهدوء، ثم سحبها وتحرك للخارج
بمنزل صهيب جلست على فراشها تتلمس صورة أخيها وعيناها لم تتوقف عن دموعها
-قولي ازاي هقنع نفسي انك مبقتش موجود، رغم الشهور مش عارفة اقنع نفسي، يابختها جنى .. حبيبتي رسمت حياتها وكأنك موجود، قلبي عليك ياحبيبي ملحقتش تفرح بحياتك
دلف عز إليها ..اقترب منها وجلس بجوارها يضمها لأحضانه
-بابا فاق ياربى ..فتح عيونه أخيرًا
رفعت رأسها تطالعه مبتسمة تحمد ربها
-ياااه اخيرا حاجة تفرح، وهو عامل ايه ..وضع رأسه فوق رأسها يضمها بقوة
-مش بيتكلم ، الدكتور بيقول هياخد وقت ..المهم هروح له أنا وأوس ونجيبه وأنتِ خلي بالك من جنى، عارف برمي عليكي حمل رغم تعبك بس انا بحاول اقف ومقعش ، بساند الكل علشانكوا ..جنى مش معانا خالص، اتكلمت مع دكتور يجي يشوفها
وضع كفيه على أحشائها
-مش عايزك تزعلي على ابننا اللي راح ، مش هيبقى اغلى من اللي اتكسرنا بسببه، على الأقل دا لسة ماطلعش للنور ..
شهقة مولعة بنار الاشتياق
-وحشني قوي ياعز، خرجت من أحضانه تحتضن وجهه
-عارف نفسي في ايه..حضن واحد بس منه، صدقني مش طالبة حاجة كتيرة، هو وجع فقدان الاخ مؤلم قوي كدا
طيب اومال الابن ايه .. حبيبتي ياماما فقدت الاتنين بنفس العمر
قطعهم صوت نهى تداعب كنان بالخارج ..نهض يضمها لأحضانه
-قومي علشان ايهم بقى شقى وتاعب ماما مع كنان ومتنسيش تعب ماما كمان ..حاسس الدنيا كلها بتسحب فيا يا"ربى" ومفيش حد استند عليه غيرك
أزالت دموعها وخرجت وجدت غنى تحمل كنان متجهة للحديقة
-"غنى"..توقفت مستديرة ورسمت ابتسامة
-عاملة ايه ياقلبي، طنط نهى قالت انك نايمة ..وصلت إليها ثم انحنت تطبع قبلة على وجنة ابن أخيها
-عامل ايه حبيب عمتو..صفق بيديه
"ماما ..بابا " رددها وهو يطلق ضحكاته، حتى رأى عز يهبط الدرج ، تملص من بين أحضان غنى
مهرول بخطواته الطفولية إليه يتمتم
-'"از ..از"توقف يفتح إليه ذراعيه حتى دلف لأحضانه للأعلى بضحكاته
يضرب عز على وجهه..ضمه لأحضانه يطبع قبلة على رأسه
-حبيب عز روح عند عمتو، وأنا هروح اجيب تشكوليت لكنان ..صفق وتحرك إلى غنى التي توقفت بدموع تغرق وجهها تتخيل أخيها وهو يحمل ابنه ..شهقة عالية خرجت منها واتجهت مهرولة إلى منزل والدها مرة أخرى
بالوادي استمعت وداد إلى طرقات على منزلها ، نهضت بعدما دثرت ابنتها بالغطاء وتحركت لتتفاجئ بعزيز متنكرًا بذاك النقاب
-عزيز بتعمل ايه هنا.!!.دلف للداخل يهدر بفحيح
-فين بنتك المحترمة قالها وهو يدفع باب غرفتها لتقوم فزعة من منامها قائلة في ايه !!
-في ايه.!!.اقترب يجذبها من خصلاتها ولم تعتريه إصابتها
-فيه اني جيت اربيكي ياحيوانة، لو مهربتهوش في اليوم إياه مكنش دا بقى حالنا ..
-شعري ياعزيز سيب شعري ..بتوجعني
ايه انت مش اخدت حقك، بص شوف لسة بطني مفتوحة بسبب واحد خسيس زيك، انت ليه مُصر اني هربته
دفعها بقوة قائلاً :
-قومي لمي هدومك ابوكي عايزك، دخلتك يوم الخميس
ابعد ايدك عن بنتي يالا، قالتها وهي تشير إليه بسلاحها
-ابعد ولا اصرخ وألم عليك الناس..اقترب بخطوات جحيمية إليها -طيب اضربي يادكتورة وشوفي هعمل لك فيها ايه...لم يرحمها ودفع السلاح بقوة من يديها بعدما ألقاها بالوسادة بوجهها ثم جذب سمر واتجه بها للخارج وسط صرخات وداد، فتراجع إليها ليدفعها بقوة ساقطة على الأرض ليصطدم رأسها برخام الدرج وتسقط مغشيا عليها..صرخت سمر تنادي باسم والدتها الا أنه دفعها بقوة بالسيارة واستقلها بجوارها يشير للرجل
- على مطروح يابني بسرعة ..تحرك الرجل بسيارته مسرعة، رفع هاتفه
-الجماعة سلموا البضاعة ياباشا ..مبروك يانعمان باشا
برافو عزيز كنت عارف ومتأكد إنك هتنجح ..قهقه ينظر لتلك المنكمشة مرددًا:
-البركة في سي غريب وخططه الجهنمية، هو وصلك ولا لا
لا لسة ..ومتصلش، نظر من زجاج السيارة وتحدث:
-متخافش يحيى كلمني وقالي أنهم داخلين عليكوا، لازم ياخدوا حذرهم
قاطعه متسائًلا:
-إزاي أقنعت الواد دا أنه ابن تاجر مخدرات
قهقه التميمي وهو يتناول مشروبه المحرم
-تلاعب بصور الظابط لمجرم بسيطة، والصراحة سمرة معلية الفولت بذكاء
هدر غاضبا :
-الموضوع دا طول ليه، أنت قولت ندخل الواد وبعد كدا هتبعد بقالها شهرين طالعة خارجة معاه، خالوا انا ممكن اقتله من غير مايرف لي جفن
-اسمعني بس الواد دا انا مش مرتاح له لازم نسيح دمه ...قطب عزيز جبينه متسائلًا:
-ياريت حضرتك توضح ياخالو !!
-اسمعني ياعزيز احنا علشان نعرف نسافر بعد مااختك تتجوز النزلاوي ، ويساعدنا في الهروب محتاجين سيولة، وطبعا احنا مش عارفين ندخل ولا نخرج من مطروح فاهدى لحد مانضرب ضربتنا في الحملة الجديدة نلم فلوسنا ونهرب وبعد كدا هنصفيه متخافش
تمام ..قالها مجبرًا، ثم اغلق الهاتف يحك ذقنه يفكر بشرود، نظر لتلك التي تبكي بجواره ..فابتسم ساخرًا:
كنتِ مفكرة انك كدا فلتي مني، بعد ماطفشتي الكلب،
رمقته باحتقار
-أنا معرفوش علشان اطفشه، افهم بقى، دا واحد جه واشتغل ومشي انا مالي، مش انتوا اللي بعتينوه
جذبها من خصلاتها بقوة:
-اومال ايه هربه قبل ما يخلص شغله، ايه اكيد عرفتي أنه جاي علشان يوقعنا
-وحياة ربنا ماكنت اعرف، واتفاجأت زيك بالظبط
رفع حاجبه يطالعها بسخرية :
-بدليل رسايل الغرام يابت
تراجعت بعيدًا عنه تنظر للخارج
-هو مايعرفش انا اللي كتبتها لنفسي
عند جاسر وصل إلى المكان المنشود، ترجل من السيارة قابله الجيار بالترحيب:
-برافو عليك يابطل، كنت عارف انك قدها وهتعرف ترجع صاخ سليم
تحرك للداخل دون حديث قابلته سمرة تلقي نفسها بأحضانه :
-حبيبي اتأخرت ليه..حمحم متراجعًا
-الطريق طويل وكان لازم ناخد حذرنا من الشرطة، المكان ملغوم جيش و شرطة، قالها وهو يدلف غرفته وهي خلفه ، نزع كنزته الشتوية وألقاها بإهمال ثم تحرك للداخل وهي خلفه، ليجذب ثيابه ..توقفت أمامه تتلاعب بصدره:
-وحشتني قوي ياغريب، ايه ماوحشتكش، ليه من وقت الحادثة حاسة إنك بتبعد عني .
رفع حاجبه مستفهمًا:
-ليه كنا بنعمل ايه قبل الحادثة معلش فكريني، قالها وهو يجذبها بقوة من خصرها لتلف ذراعها حول عنقه تهمس بالقرب من شفتيه
-كتير ياغريب، ونفسي نرجع زي الأول
تراجع فزعًا، لا يعلم ماهذا الشعور الذي يرواده، يوجد هنا بصدره ..ابتلع ريقه بصعوبة قائلاً :
-ممكن فنجان قهوة من ايدك الحلوة
انحنت بثيابها المثيرة التي تظهر مفاتنها بسخاء، تتلاعب بخصلاته
-مالك حبيبي.!! .انزل كفيها وتحدث:
-آسف سمرة انتِ عارفة موضوع الحادثة لسة مأثر ..ألقت قميصه بغضب وهدرت مزمجرة:
-وبعدين ياغريب الحادثة بقالها فترة وحضرتك كل شوية اعتذار
تمدد على الأريكة هاتفًا
-اطلعي واقفلي الباب، مليون مرة اقولك مابحبش اللي بيعلي صوته
اقتربت جاثية على الأرض أمامه
-حبيبي آسفة، ماهو إنت اللي مش عايز تفتكر حب السنين دي كلها ضيعته منتظر مني ايه وانت بتعاملني كأني غريبة..اقتربت تلمس خاصته
-حتى مابقتش تبوسني ياغريب، فين غريب بتاع زمان اللي كان بيخليني أسعد واحدة على وش الأرض..رفع كفيه على خصلاتها الذهبية
-آسف ..اوعدك هحاول اتأقلم على الوضع الجديد ..دنت حتى اختطلت أنفاسهما :
-طيب مش عايز مني حاجة ..حمحم متراجعًا
-اه..دنت أكثر تنظر إليه بإعحاب
-اؤمر ياحبيبي
-تطفي النور تعبان عايز انام عندي شغل بالليل
طبعت قبلة بجانب شفتيه تغمز له
-عيوني ياعيوني ..قالتها وتحركت بغنج أنثوي وأغلقت الباب خلفها
رفع أنامله موضع قبلتها يحركها وشعور بالغثيان ينتابه ، وضع ذراعيه تحت رأسه ينظر لسقف الغرفة
-ليه مش حاسس بالحياة دي، أطبق على جفنيه عندما شعر بصداع يفتك به ..ظل لفترة حتى غاب بنومه
بقصر البنداري
ظل يعمل على جهازه لفترة طويلة إلى أن دلفت إليه زوجته
-راكان هتفضل تشتغل لحد امتى، الساعة واحدة
-نامي حبيبي عندي شغل مهم ..اقتربت إلى أن استندت على المكتب
-لسة موضوع جاسر..تراجع يمسح على وجهه وتحدث بحزن :
-اربع شهور ومعرفناش نوصل لحاجة ،
ربتت على كتفه وانحنت تحتضن كفيه
-قوم ارتاح شوية وكمل الصبح وان شاءالله توصل لحاجة، بس من رأيي لو لقيتوا التميمي هتلاقوا جاسر،
استمع الى هاتفه :
-أيوة ..اهلا سيادة المستشار ، معايا صورة تطابق الصورة اللي بعتها
-ابعتها بسرعة يارؤوف بمكانها
لحظات ووصلت الصورة إليه
توسعت عيناه وابتسامة زينت ملامحه ثم امسك هاتفه
-فين دا ؟!.
-مطروح ياباشا، احنا كان ممكن نمسكه بس لما حضرتك طلبت لو شكينا نعديه ونعمل احتياطات ،عملت زي ما حضرتك طلبت
-رؤؤف عايز تفهمني أنه بيتاجر في الممنوعات
-للاسف ..وفيه حاجة كمان الجيش هنا عامل مناورات وتأهب ، يعني كان ممكن يموت أو يتمسك، أنا عديته زي ماطلبت
-طيب ابعت رقم العربية بسرعة
-امرك ياسيادة المستشار، بس عايز اعرف ليه عايز الموضوع سري
-الموضوع دا مهم جدا يارؤوف، والأهم لو شوفته تاني تحجزه عندك بأي حاجة دون ماحد يشك سمعتني
-تمام راكان باشا!!
بتلك الغرفة التي تطل على الحديقة، دلفت نهى بطعامه وضعته أمامه وجلست بجواره تحتضن كفيه:
-صهيب جبت لك الغدا، ياله علشان تاخد دواك
-جواد ..خرجت من بين شفتيه بتقطع وهو يطالعها بعيونًا راجية ..ابتسمت له
-جواد كويس حبيبي ، مش معقول كل غدى هروح اجيبه يتغدى معاك، سيبه النهاردة مع مراته وعياله
-"نهى ".."جواد" نهضت من مكانها وتحركت للخارج حتى لا تضعف بالبكاء أمامه، قابلها سيف
-صهيب صاحي يانهى ..أزالت عبراتها تهز رأسها بحزن
-عايز جواد ياسيف، وجواد قافل على نفسه، مبيكلمش حد ، حتى بعت له كنان مردش عليا
-طيب انا هدخل اشوفه، وانتِ لو بعتي لجواد وقولتيله صهيب عايزك هيجي ..اقتربت تنظر إليه بحزن
-كفاية عليه وجعه، مش علشان بيدوس على نفسه علشانه، يبقى احنا كمان ندوس عليه، انت شايف جنى عاملة فيه ايه
تحرك للداخل يهز رأسه
-هشوفه طيب ..دلف سيف للداخل
-مساء الانوار دكتورنا العظيم
رفع رأسه ينظر الى سيف بصمت ثم تراجع ينظر بالخارج ..جذب المقعد ووضع الطعام يقربه
-أنا جعان مأكلتش ، تخيل من كتر الشغل نسيت أكل
-امسك الملعقة ووضعها بفم صهيب اولا، ثم قطع الخبز وبدأ يلوكه ببطئ متحدثًا:
-فيه مشكلة في الضرايب ياسيدي ، قال ايه مدفعناش ضرايب بقالنا خمس سنين، بس طبعا أوس قوم الدنيا حريقة وعامل رعب في الشركة، من الصبح وحياتك وانا مع ابن اخوك زي الكتكوت المبلول
-سيف..حلمت بجاسر..وقعت الملعقة من يد سيف رافعًا عيناه التي تحجرت بالدموع
-ربنا يرحمه ياحبيبي ، هو محتاج دعواتنا ..سيف ، رددها صهيب مرة أخرى
- انا حلمت بجاسر في القبر بيعيط
أطبق على جفنيه مع دموعه التي انسابت ثم فتحهما مرة أخرى
-بيعيط علشان زعلان مننا ياصهيب، مش مبطلين عياط ليل نهار، هيرتاح ازاي ..
حرك كفيه المرتجف يمسك كف سيف
-عايز ازوره، وديني له ياسيف
-صهيب لو سمحت بلاش تقطع قلب جواد وغزل دول بيسندوا نفسهم بالعافية
-عايز أزوره ياسيف، وديني عنده لو بتحبني
ارتعشت ملامح سيف يهز رأسه بالموافقة.. قائلًا:
-طيب ممكن تتغدى علشان دواك
بغرفة ياسين كان يتحدث بهاتفه
-حاضر هشوف ياسيادة المستشار حد في المكان دا، وارد عليك ..قالها يضع كفيه على صدره يدعو الله من داخله
-يارب ..يارب
بالأسفل بغرفة مكتبه بعلامات الحزن الذي زادت من عمره أعوام فوق عمره
استمع الى طرقات فوق المكتب
-جواد ..دلفت مليكة إليه
-عامل ايه ياحبيبي..رفع رأسه يهزه
-الحمد لله..بعتلك علشان تطلعي لغزل، مبقتش قادر اسيطر على حزنها
اقتربت منه تطالعه بحزن قلبها
-وانت ياجواد هتفضل كدا..
تراجع ينظر إلى جهازه:
-أنا ايه ..أنا شغال اهو وكويس
-كويس ياجواد..تسائلت بها بأسى
-الحمد لله يامليكة، انا الحمد لله
عند جاسر خرج يسير بين الأشجار ينظر للسماء ..لكنه توقف أمام تلك الفتاة التي جذبته تتلفت حولها بخوف
-عامل ايه..دقق النظر بها ولكنه لم يتذكر شيئا ..تراجع للخلف بعض الخطوات
-مش إنتِ اللي جيتي من يومين عروسة حسين النزلاوي
تلفتت بخوف واقتربت تهمس :
-اسمعني كويس قبل ماحد يشوفنا، انت مش اسمك غريب، انت اسمك جاسر الألفي، دول عصابة خاطفينك
دنت أكثر بعدما وجد تحرك يحيى إليهما ينادي عليه
-وشغال ظابط ، لو فعلا خايف على نفسك اهرب من هنا ..وصل يحيى يوزع نظراته بينهما متسائلاً :
-فيه ايه واقفين كدا ليه
كانت نظرات جاسر على سمر بضياع ثم تحرك سريعًا يهرول بين الأشجار دون هدى
ظلت نظراتها عليه حتى اختفى من أمامهم، ثم اتجهت إلى يحيى
-كنت مفكراك غيرهم يابن عمي، هتفضل لحد امتى وانت عبد لعزيز، فوق يا يحيى وانتقم من الناس اللي سرقت حياتك وحياة ابوك
-اسكتي ياسمر لو سمحتي..اسكتي لو سمعوكي هيموتوكي
دفعته بصدره وهدرت معنفة إياه:
-اموت بشرف احسن مااموت وانا عبدة لشوية مجرمين ..بكت بدموع الخذلان وحاولت تترجاه بدموع عيناها
-طيب أنقذه يايحيى، حرام انت مستقبلك ضاع، بلاش تضيعوا مستقبله، تعرف عنده طفل، طيب انت امك و ابوك ماتوا، أهله ذنبهم ايه يعيشوا مفكرين أن ابنهم ميت
احتضنت كفيه تنظر لعيناه برجاء
-وحياة الحب اللي كان بينا يابن عمي تنقذ الظابط، وعد يايحيى هنسى كل حاجة ومستعدة اتجوزك كمان، ولو عايز تفضل شغال معاهم انا موافقة، المهم انقذه، دنت تهمس له
-طيب أقل حاجة بدل الأدوية اللي بياخدها، والله لو اعرف لاعملها،
تراجعت خطوة للخلف تشيعه بنظرة أخيرة قائلة:
-افتكر ان الناس اللي انت عبد عندهم هما اللي حرموك انك تبقى ظابط ياحضرة الظابط
قالتها وتحركت سريعًا ..هوى على الأرض يتذكر آلام الماضي التي دفنت منذ سنوات، ظل عدة ساعات وهو جالس بمكانه لم يتحرك انش واحد إلى أن رجع جاسر يجلس بجواره ينظر للبعيد متسائلًا
-إنت شغال هنا من زمان
استدار أخيرًا إليه ، وأجابه
-مش بعيد قوي، يعني خمس سنين ليه
تراجع جاسر يستند على الشجرة
-يعني كنت عارفني قبل كدا
هز رأسه بالنفي وعيناه تخترقه
-لسة عارفك قريب ، لاني مشفتكش هنا ..طالعه بصدمة:
-يعني ايه!!..هو أنا مش شغال هنا من زمان
اقترب يهمس له:
-لا ..ولو عايز تعرف متاخدش حبوب من اللي بيدهوالك تاني، ولا اي علاج سمعتني ..قالها ونهض من مكانه
دلف للداخل وجد هادي الجيار يصفع سمر على وجهها
-هتتجوزيه غصب عنك، كفاية كل شوية بنأجل، اسمعيني يابت الجوازة دي هي الحل لحياتك، يااما ادفنك ..قالها وهو يدفعها بقوة كادت أن تسقط لولا ذراع يحيى الذي تلقفها
دفعته بقوة تبكي قائلة من بين بكائها
-هموت نفسي ولا إني اتجوز واحد حقير بيتاجر في دم البشر زيكو كدا
سمر ادخلي اوضتك ..صاح بها يحيى، ثم اتجه بنظره الى عمه
-سبيها ياعمو وانا هقنعها
رمقته باحتقار تبصق بوجهه، ثم تحركت للداخل
-عمو لو سمحت سمر مش هتيجي بالشدة، وبعدين متنساش أنها هتفضل كدا طول ماطنط وداد في المستشفى ، فأنا بقترح نأجل الجواز شوية ، كدا كدا لسة على التسليم ست شهور يعني يمكن وقتها تقتنع، اما تجوزها دلوقتي وتهرب من جوزها ويقلب عليك ومتعرفش تسافر بعدها
جلس يفكر بكلامه ثم اومأ له قائلاً
-هشوف !!
بعد شهرين آخرين
مابين عشق لاذع وهجر مؤلم ذكرى مستعصية النسيان شقت القلب من الألم والخذلان، دونتها بدفترها ثم نهضت إلى رسمتها ..
دلفت غزل تجلس خلفها تنظر للذي ترسمه
-بترسمي ايه ياجنى؟!
-تفتكري هرسم ايه ياطنط غزل ، برسم حبيب عمري، أشارت إلى صوره التي ملأت المكان
-شوفي كدا ..منور الأوضة إزاي ..نهضت تمسك تلك اللوحة التي اتقنتها بعناية
-شوفتيه وهو بيعوم ازاي..قربت تحتضنها واردفت بنبرة حزينة
-وحشني قوي، بس معلش أكيد ظروفه أقوى منه
وضعت اللوحة ثم جلست مكانها مرة أخرى ..توقفت غزل إلى أن وصلت إليها ثم انحنت تطبع قبلة على رأسها
-ياريته زي ما بتقولي يابنتي، ياريته
قالتها وتحركت للخارج
بعد قليل استمعت الى طرقات الباب
دلفت نهى تضع طعامها أمامها
-حبيبتي تعالي كلي ..ظلت كما هي ولم تتحرك من مكانها ..اقتربت نهى تجذبها لأحضانها
-حبيبتي ليه مقعدتيش مع الدكتور، أنتِ عارفة دا كام دكتور يجي ويمشي
وضعت رأسها على ساق والدتها
-ماما أنا مش مجنونة، انا عايزة جوزي بس ..رفعت نظرها لوالدتها
-جاسر عايش !!
احتضنت نهى وجهها تنظر لملامحها التي بهتت بالكامل :
-حبيبتي جوزك مات من زمان، داخل على سنة يعني لو لسة عايش كان زمانه ظهر، بلاش تعملي فينا كدا
تراجعت تصرخ تجذب خصلاتها بعنف:
-ليه محدش حاسس بيا ، اضحكي عليا وقولي أنه عايش ..انا جوزي عايش ، سمعتيني..قالتها بحالة جنونية لتجذبها نهى لأحضانه تقبل رأسها باكية:
-حاضر ياجنى، جاسر عايش ..ممكن تعدي ، دلفت الخادمة بصندوق قائلة:
مدام ..الصندوق دا جه لحضرتك
دفعته بقوة من يديها
-امشي اطلعي برة مش عايزة اشوف حد ..قالتها وهي تهوى بجسدها على الأرض..جلست نهى بجوارها
تضم رأسها لأحضانها:
-طيب اهدي محدش هيجي تاني
❈-❈-❈
ذهبت ببصرها لذاك الصندوق الذي بُعثر مافيها..بسطت كفيها تجذب تلك البطاقة بعدما تسللت رائحته إلى رئتيها ثم هبت من أحضان ولادتها تردد بصوت متقطع:
- الكارت والورد دا من جاسر ياماما..نهضت من مكانها تهرول للأسفل ، إلى أن وصلت للحديقة تتلفت حولها وتحركت تبحث بعيناها، خرجت نهى خلفها تنظر إليها بحزن قائلة:
-جنى حبيبتي ، بلاش تعملي كدا هتزعلي بابا منك يابنتي نظرت للأمام رأته من ظهره متجهًا لسيارة جيب سوداء..تحركت سريعا بأقدامها الحافية تهرول خلفه، وتصيح باسمه :
-"جاسر"..هزة عنيفة أصابت جسده عندما استمع إلى صوتها، ورغم ذاك تحرك بخطوات ضعيفة متهالكة تمنى لو يستدير إليها ولكن كيف، وصل للسيارة واستقلها قائلاً :
-سوق بسرعة..هرولت للخارج تصيح باسمه إلى أن اختفت السيارة من أمامها جثت على الأرض تبكي بشهقات، رآها عز الذي وصل للتو كادت سيارته تصدمها لولا توقفه حتى كادت سيارته بالانقلاب ، ترجل سريعا متجها إليها ينظر إلى حالتها مصدوما،
