رواية حكم اعدام امرأة خلف القضبان الفصل الثاني بقلم جمانه السعيدي
#حكم إعدام
امراة خلف القضبان
البارت الثاني
جمانه السعيدي
سوسن...ضجت من كلام ابوي ليش يرفض وليد
بس نزوج يتغير و يشتغل
وهذا كان رائي امي بهذا الموضوع
لان مارجعت خبر الام وليد ابوي رفض
امي تشوف وليد خوش فرصه اليه وخاصه بمنطقتنا هاي مستحيل اي احد يتقدملي
واني عندي اربع ولد عم
وبيت عمي جيرانه
احنا منطقه عشائريه حتى بعد السقوط والتطور الي
حل على العراق احنا بعدنا نفس الشي
الرجال هم الي مسيطرين على كلشي
حتلو بلبيت بس ولد زغير بعمر عشر سنوات واكثر
هو المسيطر بلبيت
البنات مالهن اي رائي ولا اي دور غير الخدمه وبس
بعدها بيومين اجت ام وليد تسئل امي على موضوع الخطبه لان امي ماردت عليه
ام وليد...هااا خيه شني مارديتي عليه
امي...خيه احنا نسوان مالنا بهاي السوالف خل اخو يجي يحجي ويا احسن
اخو اله قدر عنده وراح يسمع كلامه
اقتنعت ام وليد بكلام امي وراحت تحجي وياا عمي حتى يجي بتقدملي
ام وليد... ابو وليد ترا وليد يريد بت عمه يحبها ويريدها
واني حاجيت امها وتكول خل عم البنيه يحجي وياا اخو
ابو وليد ...ولله اني خايف ابنج يفشلنا وياا بيت اخوي
مايشتغل زغيرون لو يريد يزوج واصرف علي هو ومرته
ام وليد...الله يحفظك النا هو يحبها ويريدها بس يزوج راح يتغير ويشتغل
هسه طايش بعدا بس تصير المره بركبته
يشتغل
ابو وليد...اروح احجي وياا ابوها واشوف شيكول
جمانه السعيدي
سوسن...اني بعد كلام امي وياا زوجت عمي اطمنت
عمي راح يجي يخطبني واكيد ابوي مراح يعارض
ايجوز يشرط عليهم كم شرط بس ما يعارض
بليل اجا عمي حتى يطلب ايدي
عمي.....اني جايك اريد سوسن الوليد
ابوي...كلامك على عيني وراسي انت اخوي اعز من روحي واعز من ولدي كلهم
بس هاي السالفه ماتصير ابد
وليد مو مال زواج وليد طايش ومادام من هو زغير لا شغل ولا مدرسه
هذا يضل كل عمره هيج
خل يدوره شغل ويشتغل ليش كاعد
عمي.....لا يتغير بس يزوج يصير عنده مره وجهال
ويتغير
ابوي...شوف اي واحد من ولدك يريدها اطيها اله
من هاي الساعه كبعها واخذها وياك
بس وليد لا وليد مااطي مره ابد
عمي...ولله ماادري شكلك خل اشوف ربعي وردلك خبر
سوسن... كنت قريبه وسمعت كلشي شكد اكره ابوي شيريد مني اني احبه وراضيه بي
حتلو مايشتغل اني اريده
هو شعلي اني راح ازوجه مو هوه
جمانه السعيدي
هسه نجي للحديث الي صار بيت عمي
وليد واخوانه وامهم كاعدين منتضرين رد ابوي
كانو متوقعين عمي يرجع الهم بلموافقه
وليد...هاا بويه بشر
عمي.. عمك يكول لويبقى بس وليد بلدنيا ما اله يمي مره
ام وليد...ليش شبي وليد شني ولده احسن من وليد
عمي...يكول كون تريد سوسن الواحد من ولدك تعال كبعه واخذها
بس وليد لا لا يشتغل ولا يدرس
وليد...شنو واحد من ولدك اني اريدها اي احد يقرب عليه
اموته سمعتوني زين سوسن اليه
اي واحد يقرب عليه قريب أو غريب اموته خلاص
ولله خوش بت عمي واحبها واربدها
شنو هذا ااحجي الزايد
وشنو الشغل طاير خوما طاير
اني هسه ما اشتغل لان ماعندي شي
باجر اذا ازوجت اشتغل قابل اعوف مرتي وحهالي بدون
اكل هذا عمي شبي
ليش شاد وياي اني شيويت وهيج يكرهني
عمي استحي يرجع على ابوي ويرجعله الخبر
وليد متمسك بسوسن ومايقبل واحد من إخوانه يقرب عليه
ام وليد اجتنا للبيت
ام وليد...خيه الولد يحبها ويريدها ويكول اي واحد من أخواني يكرب علبه اكتله خلاص
ليش ابوها معارض ترا وليد خوش ولد
بس يزوج يشتغل
واحنا هم نساعدهم قابل نعوفهم كاتلهم الجوع
امي...ولله ياخيه لو عليه اكبعها واجيبها بايدي الببتكم
انتم اهلنا ولي ماله خير بهله ماله خبر حتى بنفسه
ام وليد...حاجي انتي
امي...اني مايسمع كلامي اصبرو شويه منا لمن
الله يهدي عليكم
سوسن...رغم اصرار ابوي على الرفض بس ما كطعت الأمل اكيد راح يغير رائبه بس محتاجين وقت
الصبح ابوي وخواني طلعو العلوة الحلال
وامي دارت على المحصار
واني شفت وليد طالع من ببتهم
سوسن...وليد وليد تعال
وليد...هله بهلصباح الحلو شفتي ابوج ادعي علي هسه
طبعا اني عرفت
مستحيل بنطيني احلى وحده بناته
بس اني مراح اسكت يوميه اخلي ابوي يحاجي منا لمن يرضا
انتي اليه محد ياخذج غيري فهمتي لو لا
سوسن...اي اني انتضرك حتلو العمر كله
وليد...ولج احبج واموت عليج كرصني من خدي وباس اصابعه
سوسن...كنت مستعده اشمر نفسي بلنار علموده
اني محد مهتم بيه بكده محد معبرني
شلون هو هلكد يحبني وابوي يرفضه أخذه لو اعرف
انهزم ويااا
ابوي ما يحبني بكده
جمانه السعيدي
ابوي افتهم من امي ببت عمي متمسكين بيه ويردوني الوليد بس بقا مصمم على رائيه
رافض وليد رفض قطعي
مرت الايام سنتين واني انتضر ابوي يوافق
بس بدون فايده
توقعت ابوي يمل ويغير رائيه بس الانتضار طال
ووليد كلما ابوي يرفضه اكثر يكره ابوي اكثر
كلما الفتره أطول يتمسك بيه اكثر
وليد هلكد ما ضاج من ابوي ورفضه اله
قرر ينتقم من ابوي
انتقام ماله مثيل
جمانه السعيدي
اني الثوله حشاكم كنت أداة هذا الانتقام
كنت انفذ اي شي يكول علي بدون ماافكر حتى تفكير
كله بسبب اهلي وتعاملهم وياي
وعدم اهتمامهم عاطفيا بوجودي بلدنيا خلاني امشي ورا وليد واني مغمضه
ماعندي اي خبره بلحياة ولا أميز الصح من الغلط
والحياة الروتينيه الي جنت عايشتها بيت اهلي
كانت اهم سبب حتى انتقم من اهلي
وانفذ اي شي يكول علي وليد بدون ماافكر حتى تفكير هذا الشي غلط
وليد كان شيطان شيطان حقيقي دخل حياتي ودمرها
تدمير
بعد رفض ابوي الوليد اكثر من مره
وليد مصمم عليه واني مصممه علي
امي حست اني اريد وليد بس ما تكدر اسوي اي شي
لان ابوي صعب ومستحيل يقتنع من كلام امي
وكف حالي لازوجت وليد ولا غيره
لان ام وليد وين ماتروح ويسئلونها ليش ما ازوج وليد
كانت تكول يحب بت عمه وهي تحبه
بس عمه مايرضا يزوجهم
كل المنطقه عرفت اني ووليد واحد يحب الثاني
بما ان منطقه عشائريه
البنيه بس تنتشر عليه سمعه تحب
حتلو ابن عمها محد يقرب عليه ولا يتقدملها
مرن سنتين واني لاصرت الوليد ولا الغيره
رغم البنات الي بمنطقتنا ازغر مني ازوجن
ووليد عادي يدخل علينا ويجي ويروح
ومايبطل يكول اني احبج واموت عليج واريدج ماازوج غيرج ابد
انتضرج حتلو اصير شايب هم انتضرج
كلامه خبلني طير عقلي مثل تأثير المخدرات على العقل
امشي ورا بدون فهم
الحد مااجاني يوم استغل الفرصه امي ماموجوده
ولا ابوي وخواني
كعدنا اني ويااا
وليد...اني صبري خلص لازم نزوج
سوسن...اني هم بعد مااكدر اتحمل شيريد من عدنا ابوي
صار سنتين ننتضر وهو قافل
وليد....اني اريدج وجاي افكر ليل نهار شلون راح ننجمع اني وياج بمكان واحد
سوسن...شلون بله خل عمي يرجع يحجي وياا
وليد...صدكيني ابوج مستحيل يقبل عمي واعرفه
دخل عليه بلحب والحنيه وهو اكو براسه نيه كشره
يريد فلوس ابوي يعرف ابوي عندا فلوس
جمانه السعيدي
سوسن...والحل شلون
وليد...عندي حل بس لازم انتي تساعديني
سوسن...شلون
وليد...ننهزم اخذج البغداد نزوج ونسكن هناك
سوسن...اي ولله هذا احسن حل لان ابوي ما مبين راح يوافق على هذا الزواج
صار سنيين ننتضر وهو على رائيه
وليد..بس اكو مشكله
سوسن....شني هاي المشكله
وليد...يراد فلوس العيشه بغداد صعبه لازم نأجر بيت
نسكن بي
ومصرف كم يوم منا لمن الكه شغله اشتغلها
سوسن...اي هم صدك شلون
وليد...اني عندي حل بس لازم انتي تساعديني
اذا تساعديني راح اخذج واروح البغداد اله اعيشج عيشة الملوك
انتي حبيبتي وتستاهلين الدلال
اجيبلج احلى ملابس وتاكلين احلى اكل
راح نفتر بغداد ونتونس
سوسن...اي ولله بس شلون اساعدك
وليد...ابوج مجمع فلوس يريد يشتري سياره
اذا كدرنا ناخذ هاي الفلوس راح نعيش ملوك اني وياج
سوسن....لا مااكدر
وليد...عبالي تحبيني وراح تساعديني
سوسن...اي احبك بس مااكدر
وليد...شنو ماتكدرين
سوسن... المفاتيح عند ابوي بجيبه وابد مايعوفهن
من ينام يخليهن جوا راسه
شلون اكدر اخذهن وافتح البوفيه
وليد...فكري زين وحاولي
سوسن...المفاتيح بجيبه اذا هو موجود بلبيت
يكعد بغرفته يم البوفيه وفلوسه بالبوفيه وقافل عليهن
شلون اكدر افتح واطلع الفلوس
وليد.. ما يدخل للحمام
سوسن...اي حتلو دخل للحمام شلون اخذهن وهو كل دقيقه ماد بوزه بلخانه
كل خمس دقايق فاتحه لو يطلع فلوس لو يخلي شي
حتى امي ما ايئمن بيها يخلي المفتاح عدها
صعب اكدر اخذ المفتاح منه وأفتح واطلع الفلوس راح يكشفني
ولله لو عرف هيج شي يذبحني خلاص
فلوسه عزيزه عندا
وليد...خل افكر بطريقه شلون نكدر ناخذ منه المفتاح وناخذ الفلوس
سوسن.. اجت امي راسا وليد سلم عليه وطلع
بقيت كل النهار اراقب حركات ابوي وافكر شلون اكدر اخذ المفتاح واخذ الفلوس
اذا هو بلبيت مستحيل اكدر
لان كاعد يم الخانه الي بيها الفلوس
واذا اخذهن راح يكتشف هذا الشي بسرعه
شلون اكدر اخذ الفلوس وبأي طريقة
اذا اخذتها لازم انهزم من البيت قبل لا يكتشف هذا الشي
اذا اخذهن وهو موجود مااكدر اطلع من البيت واني شايله فلوسه
صعب كلش صعب وليد جاي يحلم هاي الفلوس صعب
اكدر اخذها
راح انكشف بلمح البصر
يومين واني عبالك محقق بس اراقب حركات ابوي
المفتاح مايطلع من جيبه ابد
من ينام يخلي جوا راسه
من يروح للحمام من ينزع دشداشه بلحمام يعلك المفاتيح
داخل الحمام ومن يطلع ياخذا ويااا
ابوي كلش حريص مستحيل اكدر انفذ هيج خطه
هاي شغلة الفلوس لازم ينساها وليد
ما تصير ابد