رواية امل الحياه الفصل الثالث والعشرين الجزء الثاني 2 بقلم يارا عبدالعزيز
تميم بصلها بخوف شديد و مسك ايديها بسرعه و شدها عليه
د.فنت وشها في صدره بخوف و مسكت فيه بقوه و هي بتترعش
اتكلم و هو بينهج
= انتي مجنونه العربيه كانت هد.وسك
خرجت من حضنه و اتكلمت بدموع و الم
= ياريتها كانت خبطتني و مو.تت المـ.وت ارحم بكتير من اللي انا فيه دلوقتي بسببك
ليه يا تميم!
ليه انا قولتلك قولتلك بلاش توجعني
قولتلك بلاش اكون مجرد رغبه
انا مستاهلش انك تخو.ني
مستاهلش اني اتوجع منك كدا
انا بكرهك و مش طايقاك
بعدت عنه و اتكلمت بحده
= انا هرجع الصعيد هعمل كل اللي عمي يقولي عليه كل حاجه هتحصلي هناك هتبقى ارحملي من شوفتك
انا اللي غلطت لما وافقت اسلمك نفسي و انا عارفه كويس انت اتجوزتني ليه
حطيت ايديها على قلبها اللي كان بيدق بعنف و ميلت عليه و فقدت وعيها
سندها بايديه و قربها من حضنه و اتكلم بخوف شديد و هو بيهز وشها
= رحيل
رحيل فوقي
بقلمي يارا عبدالعزيز
شالها بسرعه و وصل قدام عربيته حاطها فيها و طلع بسرعه على البيت بمجرد ما وصل كانت هي بدأت تفوق تدريجياً
بصلها بخوف و اتكلم بحنان
= انتي كويسه!
بقيتي احسن نروح المستشفى
تعالي ماما اكيد جوا هخليها تشوفك
بعدت ايديها عنه بغضب و اتكلمت بحده
= قولتلك هروح عند اهلي انت جايبني هنا ليه
اتكلم بحده و هو بيخرج من العربيه
= و انا جوزك و مش موافق و حقي امنعك
انتي مفكره انهم يقدروا هم أو غيرهم يبعدوني عنك انسيي انتي مراتي و مستحيل تبعدي عني حتى لو انتي عايزه دا
ضر.بته في صدره بغضب و اتكلمت بعصبيه
= انت معندكش قلب
ايه كميه القسوه دي انا ازاي كنت مخدوعه فيك كدا
هو انت مش اتجوزت عليا ما تروحلها سابني امشي و اعمل اللي انت عايزاه
كفايه تمثيل بقى انت مبتحبنيش يا تميم اللي بيحب مش بيجرح و مش بيعرف يشوف اي حد غير اللي بيحبه انت روحت بكل بساطه و اتجوزت عليا
قولتلها انك اتجوزتني لسبب صح و هتطلقني
انا دلوقتي بعفيك من الجواز دا و بقولك طلقني
تجاهل كلامها و خرج من العربيه فتح الباب من ناحيتها و شالها
فضلت تحرك في رجليها بعصبيه و اتكلمت بحده
= نزلني
تميم بحده
= لا و بطلي تتحركي مش هتعملي حاجه غير انك هتتعبي نفسك و انا مش هنزلك برضوا
دخل بيها القصر تحت نظرات الاستغراب من كل الموجودين
اتكلمت رحيل بغضب و بكاء
= تميم نزلني نزلني بقولك
بص لكل الموجودين و اتكلم بهمس
= رحيل خلينا نتكلم في اوضتنا احسن
ريان بغضب
= فيه ايه!
مش قالتلك نزلها نزلها و فهمنا ايه اللي بيحصل
نزلها بهدوء و اتكلم باحترام
= حاجه ما بيني انا و مراتي و ياريت محدش يدخل
ريان بغضب و هو بيقف قدامه
= لما تبقى مراتك بتعيط و انت واخدها غصبن عنها لازم ندخل
حياة بخوف من تحول ريان على تميم
= اهدا يا ريان و خلينا نفهم
رحيل بدموع و غضب
= ما تقولهم يباشا ايه اللي حصل
قولهم انك اتجوزت عليا
بصولها الجميع بصدمه ، اتكلم ريان بغضب
= الكلام دا حصل!
اتنفس بعمق و اتكلم بهدوء
= و ايه اللي فيها معملتش اي حاجه غلط و لا حرام من حقي اتجوز تاني و تالت و رابع
رحيل بصتله بالم و اتكلمت بغضب مفرط
= زييي ما انا من حقي دلوقتي اقولك تطلقني و انت تعمل اللي انا عايزاه
انا عمري ما هقبل اللي انت بتقوله دا
تميم بحده
= و انا مش هطلقك
اعملي اللي انتي عايزه تعمليه
مفيش اي حاجه هتبعدك عني مهما كانت
ريان بصله بغضب و اتكلم بحده
= و انت كدا بقى الشبح
طب ايه رأيك بقى ان انا اللي هقف معاها و زي ما انت عملت اللي انت عايزاه هي برضوا هتعمل اللي هي عايزاه
مفكر انك الراجل اللي من حقه يتجوز على مراته
يخساره بقيت بشوف فيك حاجات انا عمري ما كنت اتوقع انها تحصل منك
تميم بدموع
= مش هطلقها يا بابا و دا اخر كلام عندي و هاخدها و نمشي من هنا محدش هيقف قصادي حتى لو حضرتك
حياه بحده
= تميمممم انت زودتها اوي
ريان بص لتميم بشك و خصوصاً بعد ما لاحظ الدموع و الالم اللي في صوته
اتكلم بحنان و هو بيبص لرحيل
= اللي انتي عايزاه هيحصل بس حاولي تهدي دلوقتي
رحيل بصتله بدموع و اتكلمت بصوت متحشرج مرتعش
= مش عايزه ابقى معاه مش طايقاه خليه يطلقني و يسبني امشي
لو اسر كان عمل كدا مع فريده انت كنت مستحيل تعديها بس انا مليش حد يقفله
انت فاهم يعني ايه اكتشف انه اتجوز عليا و اسمع منه انه اتجوزني لسبب معين و بعدين هيطلقني
طب انا بقولك دلوقتي خلاص
اسر وقتها دخل
سمع رحيل و هي بتتكلم
اتكلم بغضب و هو بيبص لتميم
= و مين قال ان ملكيش حد يبنت عمي
انا فضلت ساكت على تصرفاتك و تعاملك معايا و مستحمل و بقول خايف على اخته
لكن توصل بيك انك تأ.ذي بنت عمي دا اللي مش هسمح بيه
تميم بحده
= و انت بقى جاي تعمل فيها البطل قدامي
على اساس انك مكنتش عايز تتجوزها غصبن عنها و تعيشها مع واحد زيك
بقولك ايه اطلع من الوش البرئ دا عشان مش عليا و متدخلش في حياتي انا و مراتي
اسر بصله بغضب و ضر.به بقوه في وشه ، تميم بصله بكره و مسكه من لايقه قميصه و ردله الضر به
قاطعهم صوت ريان الغاضب
= بسسس
كفاايه انت و هو
بقلمي يارا عبدالعزيز
اسر بحده
= انت مقدرتش تستحمل تقعد بنتك معايا و خدتها غصبن عني و لحد دلوقتي انا مش عارف ابقى معاها بسببك
و دلوقتي رحيل مش عايزة تبقى معاه و حقها بعد اللي عرفته فالوسمحت انا هاخد بنت عمي من هنا بالذوق بدل ما و الله العظيم ما هيهمني اي حد و هأ.ذيه
ريان بهدوء
= و انا هعمل اللي رحيل عايزاه
اللي مرضتهوش على بنتي مش هرضاه عليها أو على اي حد
اطلعي يا رحيل خدي هدومك و يلا عشان هوصلك
تميم بغضب و هو بيهز راسه بالنفي
= مستحيل اسيبها تمشي هي مراتي و انا و بس اللي ليا الحق في اني اقرر
ريان بحده
= انت المفروض كنت تفكر في دا قبل ما تعمل اللي عاملته
انت غلطت و لازم تتحمل نتيجه قرارك
و زي ما انت عندك الحق تتجوز مره و اتنين و اربعه
هي برضوا من حقها تقول اذا كانت هتقبل بدا و لا لأ و هي مش قابله و انا مش هسمحلك تعقد معاك غصبن عنها
يلا يا رحيل
طلعت رحيل الاوضه بسرعه و تميم طلع وراها متجاهل تماما كل الموجودين و كلام ريان
دخل الاوضه و اتكلم بدموع و هو بيبصلها
= هتمشي بجد!
اتكلمت بالم و حده و هي بتاخد شنطه هدومها و بتقف قدامه
= انت عايز ايه يا تميم!
ما خلاص مبقاش فيه اي داعي تمثل انا سمعت كل حاجه و سمعت مشاعرك من ناحيتي ايه بالظبط
انت عايزيني افضل معاك عشان توجعني
طلقني يا تميم و روح لمراتك اللي انت اتجوزتها عليا و كمل حياتك عيش مبسوط و ملكش اي دعوه بيا و شكرا على وقوفك جانبي عملت كل اللي عليك و زيادة
قالت كلامها و خديت الشنطه و نزلت و مشيت مع ريان و اسر تحت نظرات تميم اللي دموعه كانت نازله منه بغزاره لاول مره يحس بضعف و انه مش قادر يعمل حاجه عشان يريح قلبه المـ.دبوح
حياه راحت عنده و اتكلمت بدموع و حزن على حاله
= تميم
بمجرد ما سمعها حضنها بقوه و فضل يبكي زي الطفل
حركت ايديها على شعره و اتكلمت بحنان
= اهدا يحبيبى
كل حاجه هتتحل باذن الله
اتكلم ببكاء و ضعف
= انا خلاص خسرتها يا ماما خسرتها
طلع من حضنها و مسح دموعه و اتكلم بلهفه
= بس لا مش هسمح ان دا يحصل
قال كلامه و جري بسرعه و طلع برا القصر ، طلع بعربيته بأقصى سرعة و وصل قدام الادراه
دخل بكل هيبته و فتح باب غرفه اللوا من غير اي استأذن
و اتكلم بحده
= انا هنسحب مش هكمل
خيري بحده
= يعني ايه مش هتكمل!
تميم بغضب
= يعني هقطع الورقه اللي بيني انا و لميس و همشي انا مراتي عرفت كل حاجه و مشيت و انا مش هقدر اخسرها انا مستعد اقدم استقالتي بس انا مش هكمل في القضيه دي
خيري بحده
= انت عارف أنت بتقول ايه
عارف لو سبت لميس ايه اللي هيحصل هتشك انك اتجوزتها عشان العمليه و كل شغلنا هيبوظ
اذا كنت انت اصلا اتجوزتها عشان تكسب ثقتها و تقدر تسحب منها المعلومات اللي احنا عايزينها
جاي دلوقتي و تقولي انسحب
عايز بسببك كميه السلا.ح دي كلها تدخل البلد و تدخل بعدها كميه ورا كميه ما هم خلاص هياخدوا احتياطتهم
تميم فوووق مش بسبب شويه مشاكل شخصيه تضيع بلد كامله انت لما حلفت القسم حلفت تأمن البلد دي مش تضرها
تميم بدموع
= بقولك مراتي سابتني اللي خايف منه حصل انت ليه بتصعبها عليا
خيري بهدوء و هو بيروح عنده و بيحط ايديه على كتفه
= اهدا يا تميم
لما تعرف اللي حصل بعدين و الجرايد كلها تكتب عن اللي انت عاملته هي و كل اللي يعرفوك هيكونوا فخورين بيك
لكن انت مش هينفع تنسحب دلوقتي يا تميم كل حاجه هتبوظ و هدمر كل حاجه
اتنهد بعمق و القى تحيه الشرطه و مشي
خرج و قعد على مكتبه و رن على رحيل بس كانت بتفصل في وشه
وصل ريان قدام عماره كبيره
اتكلم بهدوء
= هتعقدي هنا يا رحيل و متخافيش فيه اتنين من الحرس هيوقفوا تحت عشانك و من بكره الصبح هبعتلك واحده تساعدك
رحيل كانت لسه هتتكلم بس قاطعها و هي بيتكلم بهدوء
= رحيل ايا كان اللي حصل من تميم انتي لسه على زمته يعني مسؤوله منه
انا مش بقعدك هنا عشان اضغط عليكي
انتي محتاجه تبقي لوحدك عشان تفكري و تقرري هتعملي ايه
بس من رأيي بلاش اهلك و انتي حره
اسر اتكلم بهدوء
= محتاجه اي حاجه
هزيت رحيل راسها بالنفي و خديت المفتاح من ريان كانت لسه هتطلع بس وقفها صوت اسر اللي اتكلم بحنان
= انا جانبك متفكريش ابدا انك لوحدك
معاكي اسر بتاع زمان يا رحيل اكيد انتي فاكره
هزيت راسها بدموع و هي بتبتسم بارهاق و طلعت
فتحت باب الشقه و قعدت على الكنبه و هي بتفتكر كل اللي تميم عامله و كلامه عنها مع لميس
فضلت تعيط بقوه و حاسه ان قلبها مكسور
في قصر النصراوي
وصل تميم القصر و دخل غرفه مكتب ريان و اتكلم بدموع
= وديت رحيل فين يا بابا
ارجوك قولي من غير مناهده
بابا انا تعبان اوي هروح بس اشوفها و اتكلم معاها و همشي
ريان بحزن
= ليه!
متفكرش ان الكلام اللي قولته لرحيل دا دخل عليا
ليه يا تميم
تميم قعد على الكنبه و رجع راسه لورا و فرد رجليه على الأرض
= بقالي ست سنين متعين و فضلت اترقى لحد اما وصلت لمقدم و بقى ليا منصبي و اسمي و دلوقتي انا مستعد اتنازل عن التعب دا كله عشانها
لاول مره اندم على شغلي
بس للاسف مبقاش فيه مرجع انا خلاص مينفعش انهي بمزاجي
بس هي ضاعت خلاص يا بابا انا وجعتها
انا بتعذب اكتر منها و الله بس مش بأيدي الموضوع برا ارداتي
طب اعمل ايه قولي انت دلوقتي انا واقع ما بين قلبي و بلدي اللي حلفت القسم اني احميها حتى لو هضحي بحياتي عشانها
اعمل متابعه لصفحه يارا عبدالعزيز الروايه بتنزل عندها قبل اي حد
ريان بهدوء
= كمل و رحيل امرها سهل و هي دلوقتي تحت عنينا
قال كلامه و راح عنده و حط ايديه على كتفه و اتكلم بهدوء
= خالك محمود زمان ساب كل حاجه والدتك و جدتك و رندا بعد عن كل دا و اختار بلده و في الاخر رجع و اتجوز و خلف و عاش و هو كسبان نفسه
انما انت دلوقتي لو مشيت ورا قلبك ااه هترجع رحيل دلوقتي بس مش هتعرف تعيش من احساسك بالذنب
اعمل اللي ضميرك يقولك عليه
امشي ورا ضميرك يا تميم
بقلمي يارا عبدالعزيز
هز تميم راسه بهدوء و اتكلم بحزن
= رحيل فين
ريان بهدوء
= رحيل محتاجه تبقى لوحدها
سبيها بس انهارده و هقولك بكره هي فين
اطلع ارتاح دلوقتي و بكره الصبح ابقى روح شوفها
تميم بدموع و ارهاق
= بابا رحيل فين انا مش هقدر استنى للصبح
لو سمحت قولي هي فين انا و الله ما حِمل مناهده لو سمحت
ريان بحده
= و انا مش هقول يا تميم
اتنفس تميم بغضب مفرط و خرج من الاوضه
طلع اوضته و فضل يكسر في كل حاجه في الاوضه و هو بيشد في شعره بغضب لحد اما فرد جسمه على السرير بتعب و دموع
اسر دخل الاوضه و بص لفريده بحب و قعد جانبها على السرير
فريده بحده
= بابا جيه من شويه
انت كنت فين
فضلت مع رحيل!
رفع حاجبه بأستغراب و اتكلم بهدوء
= لا
و بعدين حتى لو فضلت مع رحيل ايه اللي يضايقك متنسيش ان رحيل بنت عمي و المفروض اقف
قاطعته فريده و هي بتتكلم بحده
= و اللي انت كنت عايز تتجوزها
انت اتحمقت كدا ليه لما ابيه قالها تعقد و كأنك ما صدقت ان حصل ما بينهم مشكله عشان تسيب البيت
ايه رجعت للحب القديم
اسر اتنهد بغضب و اتكلم بحده
= انتي اللي بتقولي كدا
مش مصدقك تقريبا هرمونات حمل صح
فريده بغضب
= لا يا اسر انت بجد مكنتش شايف نفسك دا انت ضر.بت ابيه عشانها بمجرد ما شوفت دموعها اتحولت لواحد تاني و كل دا ليه
اسر بحده
= عشان هي بنت عمي و زي اختى و ملهاش غيري هنا
لو مش انا اللي هدافع عنها و اقف جانبها مين هيكون معاها
اعقلي يفريده و كبري عقلك شويه
فريده بدموع
= انت كمان بتزعقلي عشانها!
كان لسه هيتكلم بس قاطعه رنين هاتفه و كان المتصل رحيل
فريده بصيت للهاتف بغضب و فصلت المكالمه
كانت لسه هتاخد الفون بس مسكه و اتكلم بحده
= فريده فيه ايه!
فريده بدموع و صوت متحشرج
= لو رديت بجد انا هزعل و جامد يا اسر
انا دلوقتي مضايقه بلاش تعمل حاجه هفضل فاكرها عمري كله
اتنفس بغضب و حط الفون جانبه على الكمود و اتكلم بحنان و هو بياخدها في حضنه
= و الله اللي في دماغك دا غلط يحبيبتى
رحيل زي اختي انا عمري ما كان ليا مشاعر ناحيتها هي مجرد اخت مش اكتر
فريده بدموع
= بدليل انك كنت هتتجوزها صح!
اسر بحنان
= دا كان طلب ابويا لكن انا عمري ما حبتها ممكن تهدي بقى و حاولي تنامي و شيلي من دماغك الهبل دا كله عشان مش صح
هزيت راسها بهدوء و مسكت فيه بقوه
بعد فتره حس بانتظام انفاسها عرف انها نامت
حط راسها على المخده برفق و قبـ ل رأسها بحنان
مسك فونه و طلع البلكونه و رن على رحيل
في غرفه تميم
كان قاعد بيهز في رجله بغضب
مسك فونه و رن على واحد صاحبه و اتكلم بحده
= هبعتلك رقم تعرفلي مكانه حالا معاك ربع ساعة
قال كلامه و قفل المكالمه و خرج من اوضته و القصر كله
طلع بعربيته و جاتله مسدج بعنوان رحيل
وصل قدام العماره و لاقى حرس ريان واقفين على باب العماره
اتنهد بغضب و طلع
خبط على الباب بقوه و اتكلم بحده
= رحيل افتحي انا عارف انك هنا
رحيل لو مفتحتيش دلوقتي هكسر الباب بقولك افتحي
اتنهد بغضب مفرط و كسر الباب
دخل الشقه و فضل يدور عليها زي المجنون بس بدون اي جدوى
في ڤيلا في مكان هادي
دخل اسر و هو ماسك شنطه رحيل و رحيل كانت وراه
اتكلم بهدوء
= الڤيلا دي انا اشتريتها عشان اعيش فيها انا و فريده لما ابوها يحن علينا
متخافش محدش يعرف عنها حاجه حتى فريده
رحيل ببأبتسامه
= شكرا يا اسر
بوظتلك مخطاطتك و
اسر بمقاطعة
= رحيل احنا ولاد عم
انا عارف انك اكيد بتكرهني و شايفني وحش بس انا مكنتش وحش و انتي عارفه
يمكن لاني سلمت دماغي لابويا وصلت للمرحله دي
احنا كانا اكتر من الاخوات و اتربينا مع بعض
فريده رجعت اسر القديم بكل حاجه فيه رجعتلي قلبي
ابتسمت رحيل و اتكلمت بهدوء
= عارف و لو مكنتش عارف دا مكنتش كلمتك عشان تساعدني
كملت و هي بتتكلم بدموع و صوت متحشرج
انا مكنش ينفع اقعد في شقه عمو ريان لان تميم اكيد كان هيعرف و انا خلاص مبقتش عايزه اشوف تميم تاني انا هعيش لنفسي و بس و مش هخليه يشوفني تاني
كل واحد فينا يعيش حياته بعيد عن التاني احسن
اسر انا عايزه اسافر بس اكيد مش هينفع بدون موافقه تميم صح
اسر بهدوء
= هظبط الموضوع دا متخافيش
انتي بس فكري كويس و خد القرار و انا معاكي
ابتسمت رحيل بحزن
اتكلم اسر بهدوء و هو بيحرك ايديه على شعره
= لازم امشي عشان فريده معلش
لو احتاجتني في حاجه كلمني و انا هبقى اتواصل معاكي و من بكره هبعتلك واحده تعقد معاكي
هزيت رحيل راسها بهدوء و مشي اسر و هو خايف فريده تصحى و متلاقيهوش
رحيل بصيت لطيفه و حسيت بدوار شديد
مسكت في الحيطه اللي جانبها و حاولت تظبط انفاسها و قعدت على الكنبه
أتكلمت بهدوء
= الاحسن احاول انام
تميم خرج من الشقه و هو عامل زي المجنون بيرن عليها بس موبايلها مغلق
نزل تحت بسرعه و اتكلم بغضب مفرط
= رحيل هانم فين
الحراس بخوف
= فوق يباشا
تميم بغضب مفرط
= انا لسه نازل من فوق يا بهايم و هي مش فوووق ازاي خرجت كدا من غير ما تشوفها اتحركوا و دوروا في الشوارع الجانبيه اللي هنا
فضل يرن على موبايلها بس لسه مغلق
اتكلم بغضب و خوف
= افتحيه بس اطمن عليكي
معقول يكون عمها عرف مكانها افتحي التلفيون يا رحيل افتحيه
فضل يلف بعربيته طول الليل و مروحش البيت و هو حاسس بالم و خوف شديد جواه حاسس ان قلبه هينخلع من مكانه بسبب خوفه عليها
مليون سناريو بيجوا في دماغه و كلهم اسوء من بعض
في الصباح
صحيت رحيل على صوت جرس الڤيلا ، نزلت تفتح لاقيت الخدامه و ماسكه في ايديها شنط
= ازيك يهانم انا اسر بيه بعتني عشان ابقى مع حضرتك هدخل احضر لحضرتك الفطار
هزيت رحيل راسها بهدوء و قعدت في الريسبشن و هي حاسه بنفس الدوخه اللي مقلتش
حطيت ايديها على فمها و دخلت الحمام بسرعه و فضلت تستفرغ بارهاق
اتكلمت الخدامه بقلق
= مالك يا رحيل هانم انتي تعبانه ارن على اسر باشا
رحيل بارهاق
= لا انا تمام
كملت و هي بتفكر و بتتكلم بخوف
= ممكن تروحي الصيدليه تجبيلي اختبار حمل لو سمحتي سيبي الفطار انا مش جعانه
هزيت الخدامه راسها بهدوء و خرجت
فضلت رحيل مستنيها بخوف شديد
= يا رب لا
اكيد غلط
اللي جيه في دماغي دا غلط اكيد
فاقت على الخدامه و خديت منها الاختبار بسرعه و دخلت الحمام تعمله و
بدل ماتدور وتبحث علي الروايات خليها علي تليفونك وحمل تطبيقنا
