 |
رواية بيت الخبازه الفصل الثاني 2 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه.......#بارت٢
*زهره الرمان*
يعني زوجج يستنكف حضرته يفوت من الباب خلاج وراح وشنو هاي أخذ البنات وياه مو بيتنه بيه بنات وهي خطوبه بنيه
يمشي ويدردم متخلف
اخواتي كلهن كاعدات هسه دخلت وبده أخوي يحجي على الملا وحتى لو اجاوبه يزيد ما ينقص بس گلبي مليان دم على ابن تغريد رافد وكلت احذر أختي تره يبوك والمح الها اتابعه
خواتي وره كلمه ابو طه استلمني ليش ماجايبه البنات وشصاير
جاوبتهم بيت جدهم يردونهم واخذهن ابوهن بس ماسكتن وخاصة من يجن البنات يسألني عن بناتي
ييت أخوي مليان باخواتي وأخواني وإني بالي يم بناتي
ردت تمر الخطوبه بكل صوره
بعدها هوسه الي يلبس والي يتحضر كعدت يمي تغريد
خديجه: اكلج تغريد شنو السنه رافد يمتحن لولا
لأ مايمتحن يكول لكيت شغل وراح يشتغل
بس حرامات وهم اصدقاء السوء خيه يعلمونه على سوالف مكسره انتبهي لابنج خيه
لأ ماعده شي وأصدقائه قليلين
تره رافد يمد ايده راقبي
دكت على صدرها شنووة شكلتي خيه خديجه
أبني يبوگ
أي وليش تعيطين إني اختج وانصحج
وشباگ بله احجي
على كيفج شفته بعيوني بس هو بعده مراهق علمي ويستعدل
لالا خيه هذا مو حجيج هذا كلام زوجج إني اعرف حاجم يكره رافد لان ملاتج خيه نحس وشكوكي
وشيبوك منكم على البساطين والقنفه والكرسي المكسور
ليش تعيريني وثم ملاتي عمره ما كره أحد ولا حجه على احد اكلج إني شفته بعيني وجايه انصحج
وللعلم اليبوك يستهين بكلشي مقدس ويتعداه
اشو هاي وكفت بقت تعيط تردين اطلعين سمعه على ابني بس هو ابني غبي يدخل عليكم ويكول ماعدها خالتي ولد وإني ابني فطير
كافي كافي شبيج
لأ والله ولا اخلي بعد يفوت لبيتج
تعال تعال ولك ليش واكف تعال اسمع خالتك إلي تشكي همها
وكف رافد يباوع يريد يسلم عليه سالتها شبيه وجها ما سألتي وتركته. ورحت ما ردت يسلم عليه
زين من شفتي اندعم وراد يموت وانتي هسه فطنتي
ماسكتت إلا بقت تمشي وتحجي كدام اخواتي بقن يلومن إلا أختي ام ماجد الجبيره
كالت
تغريد تره هي نصحتج كل ولدنه يغلطون بمراحل المراهقه شبيج
أنتي تعتقدين رفودي عنده ايد طويله شبايك احجن احجن يدخل يبوك منجن شي دخلت ام طه زوجه اخوي كالت حبايب اليوم خطوبه بنتي اجلن
هالحديث بقى الجو مشحون بس رافد احتقن خاصه من ام ماجد حجت عليه وهاي أختي عدها بنات وإني اعرف كالي مره اريد سولاف بنت ام ماجد بقى يفور ويخزر بيه وراها سمعت صوته بالمطبخ يهادد وتغريد تسكته بس ما فهمت صارت الخطوبه وراحوا العالم تغريد ماقبلت تبات لحن عليها ما قبلت وسلامها اليه ثكيل
بليل بقت اخواتي يلومن بيه وكتها وشدعوه وشباك اخوات متعرفين استرين ابن اختج مثل ابنج وام ماجد تحجي وتسكت بيهن حقانيه وما حادت ع جهه
بس كالتلي المفروض بلحضه البوگه توكفين اختج ع سوايته ولازم حتى ابوه يدري لأن تغريد اطمطم اله
نامن أخواتي وإني بقيت وي ام ماجد سولفتلها كلشي كعدت على حيلها ولفت شيلتها ودكت على خدودها دهر دهرك رويفد ولج صدك تحجين لو تشاقين
وروح امي اجذب بعرض بناتي واختي شلون
لعد يبت أمي شبيج غير تلزمين اختج وتبصرينها
مو شفتيها ماتقبل على ابنها
مو كتلج حار بحار بعده ببيتج ولازمه رجلج اودي على اهله
شنو خفتي شنو سترتي بناتج من يدرون اهله
بعدين همه يطلبون الستر هسه من ينكر محد يلومه ولا أحد يصدكج ولج شمالج رايحه منج العرفه والدليل
صارت بعد
وچملتيها هسه أنتي كدامه تكليلها يمشي بسوالف مكسره وهو سمع علساس ينعدل هذا يزيد لأن أمن كال محد عاقبني
وهسه شسوي
شسوين خيه اكعدي واسكتي وبيتج بعد لاتخلينه يدخل و وخلص
كمنه صلينه الفجر
ولكيت ام طه سوتنه ريوك
تريكنه ومنتظرة الملا يجيني كال أول ما يصير الصبح اجي
صارت بالتسعه ونزل أبو طه يكول وين خديجه
طلعت من المطبخ كاعده إني وام طه لأن ام ماجد راحت
تعاالي وينج
ها خويه
هذا رجلج يمكن داخل عليكم حرامي
صرخت شنو وشصاير على حاجم والبنات
اهدي رايح افتهم وارجعلكم مانعرف وحاجم والبنات مابيهم شي
مااا تروح خويه وياك بناتي ورجلي
اصبري افتهم بنااتج يم بيت عمهن حامد
ورجلج ضارب الحرامي ماعرف بعد خابرني المختار ببيته مخليه
اهل المضروب مايقبلون تبليغ شرطه
وخابروني افتهم واجي اكلج
اخذني خويه
اصبري يمعوده
حامد:الجثه ما تنشال إلا يجون الشرطه يشوفون الضربه والبصمات شنو گوتره بنص بيت اخوي شيسوي
احجي ملا احجي أنت كاتله
ملا حاچم ساكت غير تفهمنه
بويه إني رجال سيد واعرف بيت عويد الدفاع واعرف ملا حاجم
واجاني إبن عويد كال ابنه ببيت الملا مكتول تعال اشهد
حامد:تشهد على عركه سيد شنو شفت أخوي بيده سلاح غير تجي شرطه وتحدد
شجابه لبيت اخوي
بقى يهد واحد ابنه ما اشيله الشرطه
المختار بكيفك هي مالكم چبير
عمي طارق أنت جبير بيت عويد احجي
طارق:اخونه مكتول والملا متروسه دشداشته دم ابنه شنو نترك اخونه
حامد:شجاب اخوك بيت أخوي اعقلها بله
وبساعه قبل الفجر
المختار الشرطه تحلها صار صياح ومطالب والناس التمت شويه واجت الشرطه...
انسحب ملا حاجم للمركز تقرر تشريح الجثة حتى يعرفون الطلقه وهواي ادله
طوقوا المستشفى بيت عويد الدفاع كالو ابنه أن انزلغ نكتل مدير المستشفى ودكتور التشريح
الشرطه اجت بيومها الناحيه كلها التمت
اسمك
حاجم حامد كرم
عمرك...٤٩
المدعو عيسى عويد الدفاع بباب مطبخك ومتعرض لطلق ناري عيار 13بمسدس طارق ووجدت مرديا على الأرض
ببيتك شنو اقوالك
أستاذ إني لأ اعرفه ولا شايفه قبل ولا ضاربه ولا عندي مسدس فتشتو البيت
احنا حالياً نشوف بصمات ونطابقهن أسألك ضاربه أنت لولا
اقسم بالله ما ضاربه
احجيلي بالتفصيل من ساعه شفت الجثه لهسه
إني اكعد لصلاه الفجر اروح للجامع ااذن وبهاي الليله ام ماكدرت انام
شنو السبب
سبب شخصي
ماكو بالتحقيق شي شخصي تفصيله صغيره يجوز توصلنه للحقيقه او لبرائتك هاي إذا أنت بريئ
أستاذ من تكون أم بيتي مو بالبيت ما اكدر انام
ووين أم بيتك
ببيت اخوها راحت أمس
وشنو السبب رايحه وأنت تكول ما انام بغيابها ومانكدر على فراكها شنو عندك بهاي الليله
سيدي لأ راحت لأن ببيت اخوها مناسبه خطوبه بنت اخوها
وليش بناتك تكول عندي ثلاث بنات شعجب مو وي امهن
إني اخليهن يمي ماكدر اعيفهن يمهم
شنو السبب وضح حاجم
بلا سبب أستاذ كل بيت ورب أسره اله اسلوب وإني بناتي شبن ماحب اختلاطهن
تمام كمل شلون وصلت للجثه
إني استاذ قبل لأ اطلع سمعت حركه على اثرها طلعت وشفت هذا المكتول بباب المطبخ
بس استاذ أقسم مو إني القتلته
حاجم منطقياً جثه تدخل من ياب البيت واربع امتار لحد باب المطبخ وتنطرح وخاصه تكول باب الخلرجي بيه سرگي وبيه قفل بسنسله والقفل مامكسور لكيناه ولا السركي مكسور
مادري استاذ مادري هذا الصار إني اتفاجات
طيب برأيك بيت عويد الدفاع شلون عرفوا مكان ابنهم واجوا گبل وتهموك بقتله وانت تكول لاتعرفهم ولا شايف عيسى
....
أنت ابن عم عيسى والاخباريه تكول انك بلغت بيت عمك عويد أن عيسى ببيت الملا ومكتول شلون عرفت
سيدي إني وي عيسى بليل جنه بالكهوه
كال رايح لبيت ملا حاجم اطلبه فلوس
إني رجعت للبيت وخابرني اخو عيسى الجبير سألني عليه كتلهم ع بيت الملا
قبل الفجر صديق النه كال دخل لبيت الملا وما طلع
شوف إني جابر الدفاع ابنه تطونا هسه هو والمسوي روحه متدين والا نهر دم أسويها بالولايه اربع ضهور يذكرونها اخليها
شنو هي فوضى بويه الكم حك تاخذونه خلو القانون يشتغل
انت مختار أي بس المكتول ماهو اينك
وانه اخوي دمه مسفوح والكتال كاعد ما ادفن اخوي إلا جنازه وي جنازته تروح للمكبره الكاتل والمكتول
بباب المركز سيدي عشيره عويد الدفاع واكفين يردون يهجمون علينه
شنو ماكو سلطه ولا قانون فكو التجمع وتجيب جبيرهم يمي
اسمك
جابر الدفاع سيدي
ليش لام عشيرتك وهاد على المركز
سيدي إنه ما هاد ابنه مخلينه بالثلاجه نريده ندفنه
كلامك برا شنو معناه تريد الكاتل والمكتول
سيدي الملا اخلي سبيله انت ما نتهمه ولا نريد نرفع عليه قضيه
أنت تتصرف بكيفك اجه بلاغ واكو جثه
واحنه نسحب بلاغنه ومامش قضيه
شوف أنت تريد تمشيها بالذراع لو تريد تضهر حق اخوكم
احنه مع بعضنه سيدي لا ادوخون رواحكم بينه
أنت ازلمه من اهل بغداد وجيتك عدنه أنت ضيف ماتعرف سناينه خلك بالطجيج مال السوك اخير
أنت تهددني لو شنو
دگ على الميز ووكف وصل للضابط براسه همس الليله تخلون سبيل الملا والثلاجه تسلم اخوي وهذا اخر كلام
عبددد
نعم سيدي
اخذ جابر للتوقيف
انه جابر الدفاع ثمن توقيفي ماتكدر عليه يلبغادلي
اخذه عبددد
هاا حامد شصاير وي حاجم
مخلينه بالحجز وما نطق ولا كلي شصاير
حققوا وياه ولهسه ماكو نتيجه
وقبل شويه مثل ما شفت بيت عويد الدفاع هدو على المركز واخذ الضابط ابنهم الجبير جابر
وفككوهم وطردوهم
ابو طه خويه ام البنات درت يالسالفه
ما تدري عبالها حرامي وما ميت
روح خويه على چبيركم خل يحول على بيت الدفاع ناخذ عطوه خاف يسوون مصيبه باخوكم وإني راح أشوف أطراف تعرفهم وبعدين الله يحلها
ماا أأمن اعيف المركز ذوله رس نكس المختار كال بالذات المكتول واحد عرگجي ومنحل ويوميه طلابه
واهله كلهم هيج ومالهم رداد يوميه فصل وهدايد
شجابه على ملا حاچم
والله ابو طه أخوي لأ يوم دفع بشر ولا غلط بحق أحد بحاله
إني رايح لبيت عمكم واجمع الناس
وأنت واخوانك بباب المركز هم خطر ترا
ماكدر اعيف اخوي نرابط إني واخوتي احسن ما ارجع وين نرجع وحاجم مانعرف شيصيرله
سيدي واحد من بيت عويد الدفاع برأ يريد يشوفك
خلي يدخل
تفضل سيدي اريد أشوف جابر
شعندك وياه
سيدي إني ابن عمه وبس اشوفه عشر دقايق
عبددد وياه وعشر دقائق فقط
هااا عمي
لأ سوون شي تخلص الليله وباجر انه اكللكم الحل
ونخليك تبات هنا
أي ابات مالك لازم
عمي شني كليلين احنه لو ماكو تفگ
لا انه اعرف شوكت احلها
حامد ابو شكر حااامد
شبيك رشيد شبيك شوف ذيج الصفحه
ولك شنو هاي
بطاله مالت بنزين يشمرون على المركز
ولك حركوووو
ولك ملثمين ذوله
تعاللللل رشيد تعاللل هنا جيب عمار وواثق واوكفو يمي
شلون حاجم بالمركز وگبت النار بيه
عبددد عبدد افراد وين بالمركز اتصلو على الحريق انتشروا شوفو النار
سيدي لاتطلع مسلحين
لعد تريد اكعد وانطيهم المركز
دخلوو سيدي لأ تفوت
نار سيدي
شمنتضرين كب المركز وحاجم جووواا ادخلو
لحد يتقدم
ابو عباس بعد اخوك احنه جوره وخوه والمركز احترك
وانه يبو شكر بواجب وهذوله متهمين لو اوج وي المركز لو يدشون على جثتي وانه شرطي بعد اخوك حامد لاتتلطخون
اخووي أبو عباس أخوي
اخوك وهم وادم اكو والضابط هليدافع على المركز من ورا تولونه بالبطاله مالت النار
رشيد إني راح ادخل للمركز اطيني غترتك بللها بسرعه
حامد أبو شكر خويه لاتروح صارت النار قويه ارجع إني ماعندي احد وراي جهالك ينتظرونك
لأ إني ادخل
اسكتووا هي مالت معازم إني اخوكم الجبير وجاي امركم أن طلع اخوكم حاجم اخذوه واخفوه وأن طلعنا النه رب يعينه
دخلت للمركز سودا الدنيا من الدخان واكو بعد ملثمين يضربون رصاص وشفت جابر الدفاع لفو واخذوا
ركضت على التوقيف ماكو أخوي
امشي واختنك واصيح صدمت رجلي برجال بالكاع باوعت الضابط مضروب بآخر نفس سحبته وافر بعيوني واختنكنه وصلته للباب ورجعت وكع شباج يمي وإني بخنكه اصيح خويه حاجم جاوبني ماكو صوت
طلعت عطت رشييد عماررر بين حاجم لولا
ومحسيت إلا أني بالمستشفى وعيت
ولكم وين إني اسحب بالمغذي واريد احجي ماكو عمار اشرله بعيوني كال ماكو حاجم فزيت من مكاني ولكم واكفين يمي شنووو وكفتكم واخوكم ماكو
كمت امشي واصرخ بويه طاح سگفي البنيته بويه لمه خواني انفل حبلها
وابجي شنو احترك ولكم ودوني
أبو شكر خويه أهدأ دورنه وهذا عمار اديه تحركت وراك دور بالموجودين بالمركز اكو الختنك ومات واكو جثثهم بعدها محد متعرف عليها وبعدنه خويه اندور ودنگت وبچيت وين الله والجثه تطله مو الحاجم
وقبل شويه توفى الضابط
خايبين مال الصمخ مو كلت ل سعد لاتسوون شئ لحد ما اطلع شلون سوون هاي العمله
المهم بويه طلعناك
الله يغيب وفكم
عماااار خويه وين حاجم
اريدج تمشين وياي للمستشفى
الحريجه بيها حاجم كلي عمار
ام استبرق خويه امشي تره هدمي ثكل عليه
وين اروح
مامتاكدين هوه او لأ تعالي شوفي هو المحروك لولا...
