رواية ظننته حبا الفصل الثانى2 بقلم سحر السحرتي

*كانت بدايه قصه فهمي ومها والده جودي هي ككل القصص المعتاده شاب يحب زميلته في الجامعه يتقدم لخطبتها لكن يرفض والدها ليزوجها من ابن عمها 

*لم يستطع فهمي نسيانها ورفض الارتباط عده سنوات بعد زواجها 

*تزوجت مها من ابن عمها رغما عنها كان دمث الخلق انجبت منه جودي اول فرحتها لم يفرح صلاح زوجها بابنته فقد كان يريد صبيا و تشجعه والدته على ذلك فعاشت مها اتعس ايام حياتها  .... وبعد سنتين انجبت الابنه الثانيه جوري كان صلاح كاره كلا من ابنتيه و اصر على مها ان تحمل قبل ان تستريح من ولاده جوري لتنجب له الولد 

*ذهبت مها للطبيب وهي في الشهر الخامس وعلمت انها تحمل توام فتاتين عادت للمنزل وكلها خوف ورعب من صلاح  تسائلت كيف سيتصرف معها عندما يعلم 

:نعم يا روح امك بتقولي ايه 

:اللي سمعته دي إراده ربنا ومالناش يد فيها

: يعني بدل ما يبقى عندي بلوتين هيبقى عندي اربعه غيرك

 :هنعمل ايه نحمد ربنا كله خير 

:ده كلام نسوان ما اعترفش بيه اتصرفي

 :اتصرف اعمل ايه ابدلهم يعني 

:لا يا جميله عصرك تنزليهم انت فاهمه

 :لا طبعا ده خطر على صحتي دلوقتي وحرام اق -تل روح بايديا 

:يبقى هيكون بايدي انا 

:قصدك 

*قبل ان تنتهي من جملتها امسكها من شعرها وظل ي-ضرب-ها في بطنها بقوه و قس-وه لو كان عدوا لها ما ض-ربها بتلك البش-اعه 

*احيانا يكون اقرب الناس هم اقصى البشر علينا 

بقلمي سحر السحرتي 

*صرخت وصرخت لكن حماتها لم تنجدها فهي كانت تسكن في بيت العائله ولم يقم احد بنجدتها

 *لم ينجدها من يده سوى ان اتاه مكالمه من العمل فتسحبت وحملت جوري على يدها وامسكت بجودي وخرجت من باب الشقه 

*شعر صلاح بها وهي تنزل فقذفها بقدمه من فوق السلم فسقطت لم تستطع حمايه بناتها التي بالداخل ام اللاتي بالخارج 

*اسرع الجيران الى نجدتها ونقلت الى المستشفى ونزلت الاخبار عليها الصاعقه  ....فقد سقطت الصغيره جوري على راسها و نزف-ت وم-اتت اما ما حملت ايضا فقد م-اتوا من الضرب والسقوط ....  لكن الله كان لطيفا بجودي فقد كسرت يدها فقط

*لم تقف هذه المره مها مكتفه الايدي واتخذت قرارها بالطلاق رغم رفض والدها 

:انا اسفه يا بابا انت غصبتني اتجوزوا وقلت انه ابن عمي و هيحافظ عليا وكنت شايف مصلحتي معاه وفعلا كان عندك حق هو حافظ علي قوي زي انت ما شفت 

:انت بتتهميني اني رميتك

 :مش قصدي بس انا اتغصبت مره اتجوزه مش هتغصب تاني اكمل معاه 

:يعني هتعصي اوامري 

:للاسف اه و هتطلق

: وهو رافض يطلقك

 :مش بمزاجه انا معايا تقرير لو بلغت هيتسجن مده كويسه 

:يعني هتسجني ابو بنتك ترضيها

 :اه زي ما هو رضي يقت-ل بناتي ومش بس كده كمان ده كمان هيوافق على كل شروطي

: ومين هيساعدك تنفذي اللي في دماغك

 :مش محتاجه حد يساعدني انا لو كملت معاه هبقى بق-تل نفسي وبنتي اللي ربنا نجاها من ايده 

:وانا مش موافق و هتعملي اللي بقول لك عليه 

*تدخل اخيها في ذلك الوقت 

:انا اسف يا بابا بس مش هسيب اختي لو انت ابوها اللي كان المفروض تق-تله وتقف جنبها بعد ما كان هيم-وتها وفعلا ق-تل بناتها ويا ريتها عملت حاجه تستحق عليها كل ده انا معاها وفي ظهرها .... مها شوفي طلباتك وانا هروح و اتكلم معاه

: انت هتكسر كلامي

 :انا وافقت تجوزها صلاح لانه ابن عمي قلت اكيد هيحافظ عليها لكن لو اعرف انه هيعمل فيها كده كنت رفضت اشارك في الجريمه دي 

:جريمه انت بتقول ايه

: اه بقول الحقيقه لما جوزها ابن عمها يعمل كده يبقى احنا اللي رميناها و غصبناها تتجوزوا يبقى شاركنا في الجريمه وعايز تكمل كمان بانها ترجع وكانه ما عملش حاجه انا لولا اني خايف تزعل كنت سجنته بايدي ومنعت نفسي بالعافيه اني اقت -له

: دي بنت جوزها حر يعمل اللي يعمله

: انت ازاي بتقول كده معقول ما صعبتش عليك ده انا قلبي اتكسر على اختي ...  و هتصعب عليك ليه ما امي ماتت من ضربك و قسوتك عليها  ....لكن لا كفايه انا فرطت في وصيه امي لما قالت لي اخلي بالي منها و سبتها تتجوز بالغصب

: و هتقعد فين لما تطلق 

:يعني ايه هتقعد فين في بيت ابوها طبعا 

:وانا مش موافق

 :انا لو امن عليها تقعد في شقتها اللي اتجوزت فيها بس خايف يؤذوها كنت غصبته يكتبها باسمها لكن هتقعد هنا يا اما هسجنلك ابن اخوك بالتقرير اللي معانا وانا محامي و هعرف اجيب حقها كويس وممكن كمان ارفع عليه قضيه نفقه ليها 

بقلمي سحر السحرتي 

:انت بتهددني لا بحاول افوقك هو كان اعمى وارتكب جريمه ق -تل بناته ورمى بنته وانت عايز تقلده احنا مش في عصر الجاهليه لسه ...  البنت مش عار واختي ياما رفعت راسك بتفوقها ويوم ما حبت ترتبط بزميلها وانت رفضت سمعت كلامك اتمنى تفوق 

*كانت دموع مها تنساب لا تدري من الحزن لان والدها رفض الوقوف بجانبها ام فرحه باخيها لانه اصبح سند وعون لها 

*احتضن هشام اخته مها

: ما تخافيش انا معاكي وواقف في ظهرك 

:يا ريت كل الاهل زيك يسندوا بناتهم و يحسسوهم انهم مهما يحصل لهم هيلاقوا اللي يقف في وش الظالم 

:تعالي شوفي طلباتك ايه وانا هعمل كل حاجه وزياده 

:اهم حاجه يبعد عن جودي و تاخذ عليه كل الضمانات ان عمره ما هياخدها مني

: حاضر و مصاريفها كمان

: لا مش عايزه منه حاجه انا هشتغل و اصرف عليها

: لا حقها لازم تاخده بلاش تحسسيه انه من غير مسؤوليه 

:مش عايزه اشوف وشه ثاني 

:كل تعامله هيبقى معايا انا بس 

*خرجت جودي من غرفه النوم وجدت جدها حزين فارتمت في حضنه

: مالك يا جدو زعلان ليه

 :مفيش يا حبيبتي بس ماما عايزه تسيب بابا يرضيكي 

:هي زعلانه منه وانا كمان هو ضربها قدامي وانا اتحايلت عليه يسيبها زقني في الحيطه وكمان واحنا نازلين على السلم رمانا ....  غير كل ما اسال ماما على جوري اختي تقول لي راحت عند ربنا واقول لها بابا السبب تقول لي لا بس انا عارفه ان هو السبب

: يعني انت رايك كده تسيبه

: هو مش بيحبني ومش عايز اقعد مع حد مش بيحبني انا هقعد معاك انت بتحبني وبتجيب لي شيكولاته

: مين قال لك انه مش بيحبك ماما

: لا كل ما يدخل من الباب اجري عليه عشان احضنه يزقني ويقول لي جاتك البلا ادخلي اوضتك مش عايز اشوف وشك 

*نظرت له مها بحزن

 :انت مفكر ان انا اللي قلت لها انه بيكرهها عايز تسمع كمان ولا كفايه كده 

جودي: اضحك بقى يا جدو ومش بحب اشوفك زعلان 

بقلمي سحر السحرتي 

*وشدت شعره من شنبه فضحك و احتضانها 

:يا شقيه مش قلت لك بلاش كده 

:وانا قلت لك اضحك هات بقى الشيكولاته

: اتفضلي 

:افتحها عشان ايدي مكسوره 

*نظر بحزن لها فقط كان طفله بريئه جميله تملا بيته سعاده وحب فالتفت لهشام 

:لو تحب اروح معاك عند صلاح حدد الميعاد

 :ايه اللي غير رايك بسرعه كده 

:جودي وهي بتتكلم بكسره قلب وهي لسه طفله كده يدوب مكمله خمس سنين 

*بالفعل تم طلاق مها ورفض صلاح رؤيه جودي

 *في الجانب الاخر كان فهمي تزوج بعد زواج مها بعده سنوات وبعد حادثه مها كانت لديه ابنه تمت عاملها الثاني 

*علم  فهمي بطلاق مها فقرر انه هذه المره لن يفقد حبه 

*تقدم فهمي لوالدها كي يتزوجها فوافق لكن مها رفضت طلب فهمي ان يجلس معها ويعرف سبب الرفض 

:انا اسفه بيتي اتخرب ما اقدرش اخرب بيت واحده ملهاش ذنب 

:انت بطلتي تحبني

: اكيد بطلت لاني اتجوزت مش معقوله ابقى متجوزه وافكر في راجل ثاني 

:بس انا لسه بحبك

 :وانت لسه لك معزه في قلبي وعشان كده ما اقدرش اهدم  بيتك ...  واحده غيري كانت  ما هتصدق خصوصا ان معايا بنت وقليل قوي اللي يقبل يتجوزني 

:مها ارجوك انا بحلم كل يوم انك مراتي

 :ومراتك ذنبها ايه 

:مش بحبها حاولت اقبلها وقررت احاول اعيش حياتي بعدك لكن فشلت

 :مش قادره يا فهمي ارتكب الذنب ده ارجوك لو سمحت 

:فكري في مصلحتك و مصلحه بنتك 

:مصلحه بنتي اللي هي ايه

 :بنتك محتاجه اب يعوضها عن اللي حصل واكيد ما فيش احسن مني يقوم بالدور ده لاني بحبك و هحب اي قطعه منك وعمري ما هاذيها او اذيكي انتم تعبتم و تعذبتوا كثير وانا مش بعمل حاجه غلط الشرع محللي الجواز

: محلله في حالات معينه 

*بعد عده مرات ومناقشات فهمي مع مها وكان والدها يتفق معه حتى اخوها وافقت

 *ذهب فهمي الى ناهد زوجته حتى يخبرها 

:ناهد كنت عايزه اتكلم معاكي في موضوع مهم و ارجوك تفهميني و تسامحيني 

:خير يا فهمي

 :بصراحه من غير لف ودوران انا كنت بحب واحده زميلتي في الجامعه و حابب اتجوزها و صدقيني عمري ما هظلمك او اظلم سيلا بنتنا 

:ولما انت بتحبها قوي كده كنت بتتجوز بنات الناس و تبهدلهم معاك ليه

: اتقدمت لها زمان واهلها رفضوا 

:وايه اللي جد عشان يوافقوا دلوقتي 

:جوزها طلقها

 :اااه ما صدقوا عريس لقطه زيك يلم بنتهم الفاشله اللي ما عرفتش تحافظ على بيتها

: ناهد احترمي نفسك

 :لا مش موافقه اذا كنت جاي تاخذ موافقتي ومش هسمح لك تتجوز عليا ولا هخرب بيتي

: انا مش جاي اخذ اذنك او موافقتك انا جاي ابلغك

 :يعني ايه تبلغني بتحطني امام امر واقع وانا ارفض 

بقلمي سحر السحرتي 

:اللي انت عايزاه هنفذه 

:تمام مش عايزاك تتجوزها

: ده مش ضمن الاختيارات لان مهما حصل مش هضيع مها من ايدي

 :امال ايه الخيارات اللي قدامي في نظر حضرتك 

:عايزه تكملي على الوضع الجديد و تاكدي اني هكون منصف معاكي جدا حابه تنفصلي في هدوء برده كل حقوقك هتاخديها و بزياده

#ماذا ستفعل ناهد وهل فهمي صادق في أن معاملته مع جودي ستكون ابوية

الفصل الثالث من هنا