رواية أحببتك حتى الضياع الفصل الخامس و العشرون25والاخير بقلم امل الهلاوى

عاد كل من فرح وخالد الى المنزل فى وقت متأخر جدا قبيل الفجر كان خالد فى قمة سعادته انه نجح فى اسعادها وارجاع البسمه لها من جديد دلفت فرح الى غرفتها كانت سعيده ولكن مازالت توجد غصه فى قلبها منه ترى ها تسامح وتنسى الماضى ان تتركه وتثأر لكرامتها مما فعله بها لقد أوصلها الى مرحلة اليأس من الحياه واجبارها على ان تتنحر هل يمكن ان يسامح الانسان فى حق نفسه حتىولو سامح فى حق كبريائه

ماهى الا لحظات ووجدت خالد يطرق الباب عليها ماان ابدل ملابسه وارتدى ملابس قطنيه مريحه كانت هى الاخرى قد ارتدت قميص قطنى قصير ومريح 

خالد وهو يتفحصها بجرأه

-حبيبتى عامله ايه

فرح وهى ترتدى الروب خاصتها

-الحمدلله كويسه فيه حاجه ياخالد

خالد بابتسامه جذابه

-لا انا كنت جاى اطمن عليكى ولو مش جاى لك نوم قلت ندردش شويه

كان خالد يتوقع منها ان تفتح معه اى حوار اعتقادا منه انها فى طريقها للنسيان ولكنها فاجئته بردها

-لا انا عاوزه انام 

خالد متنهدا قائلا بتفهم

-ممكن انام هنا جمبك النهارده وحشنى حضنك اوى  محتاج لك يافرح وحشتينى جدا

فرح بجمود

-خالد انا لسه مانستش اللى عملته فيا مش معنى اننا خرجنا وقضينا وقت لطيف ولا بعتلى كام بوكيه ورد وشيكولاته يبقى كده فرح الطفله هاتنسى وتجرى عليك تترمى فى حضنك فرح اللى كانت بتطلب منك انك تحضنها خلاص ياخالد اتعودت تحضن نفسها لما تحتاج ان حد يطمنها بقيت اطمن نفسى بنفسى واحضنها واقولها ماتخافش من حاجه لو سمحت ادينى وقتى وماتضغطشى عليا وياريت لو تسيبنى لوحدى فتره عشان اعرف افكر كويس

كان خالد ينظر لها بحزن بادى على وجهه

-فرح انا بحبك انا جايز اه قسيت عليكى بس انا بحبك انتى اغلى انسانه على قلبى يافرح انتى حب عمرى حبى الاول

فرح وهى تومأ برأسها مؤكده

-انت كمان كنت حبى الاول انا ضحيت بكل حاجه علشانك فى الوقت اللى انا كنت بديك فيه اعذار كنت انت بتخطط تنتقم منى وتفكر ازاى تحطمنى 

هنا لم تتمالك فرح ولم تصمد وبكت دون ارادة منها قائله

-انا تعبت تعبت اوى ياخالد الحاجه الوحيده اللى مخليانى حاليا عاوزه اعيش هو ابنى اللى بطنى 

هنا جذبها خالد بقوه من يدها واحتنضنها بحب قائلا بدموع

-انا اسف يانبض قلبى والله هاترجعى تفرحى تانى وتتبسطى

بادلته فرح الحضن وتمسكت به بقوه

-انا عمرى مافرحت ياخالد حياتى كلها كانت وحشه وكئيبه وكلها كره وانتقام انتقام من بابا انى بنت انتقام من زوج عاجز على عجزه انتقام من حبيب على تضحيه ضحيتها علشانه انا ماحدش بيحبنى ياخالد

شدد خالد من احتضانها قائلا 

-انا بحبك انا بعشقك انا ابوكى واخوكى وجوز كانا كل حاجه ليكى اللى انتى عاوزه تعمليه فيا اعمليه انتقمى منى اضربينى اشتمينى صرخى فى وشى

وهنا ابتعد خالد عنها وامسك وجهها بيديها مقبلا كل انش به بحب وعشق واسترسل

-لو عاوزه تموتينى حتى موتينى بس ماتبقيش فى الضعف د هانا اغبى رجل ربنا خلقه انى عملت فيكى كده سامحينى ياحبيبتى ياحبيبة عمرى

ارتمت فرح بين احضانه قائله ببكاء

-ماتعملش فيا حاجه تانى وحشه انا بحبك صدقنى بحبك بس بقيت بخاف لما افرح والله انا ضعيفه ياخالد اوى مش حمل وجع تانى

نظر لها خالد بقوه وفرحه قائلا 

-انتى قلتى ايه بتحبينى انا سمعت صح يعنى سامحتينى

فرح ببكاء مع ابتسامه

-اه بحبك والله بحبك ماتوجعتش من حد زى ماتوجعت منك لانى عمرى ماحبيت غيرك

خالد مقبلا يديها

-والله انا كمان عمرى ماحبيت غيرك سامحينى ياحبيبتى 

فرح بابتسامه

-مسامحاك ياخالد والله 

هنا لم يصمد خالد كثيرا وقبلها قبله تحمل كل معانى الحب فى الحياه اشتياق اعتذار ندم رغبه وشوق كانت قبلته تقول ذلك وهنا بدات فرح من جديد مع خالد وانجرفت معه فى مشاعر راغبه مشتاقه 

................................

فى ظهيرة اليوم الحالى

بين فتحى وعزه

فتحى:ماتروحى تصحى فرح بقى تقوم تفطر

عزه:انا رحت اصحيها لاقيتها قافله على نفسها الباب من جوه

فتحى:لتكون تعبانه ولا بها حاجه ياام خالد

عزه :هاقوم اخبط عليها اهو

لم تكمل عزه كلمتها حتى وجدت خالد يخرج من غرفة فرح

عزه بمكر:وانا اقول فرح قافله على نفسها ليه عرفت ياابو خالد

فتحى بخبث:عرفت ياام خالد

عزه بضحكه ماكره:ناموسيتك كحلى ياخالد ولا ايه

فتحى مكملا:لا المفروض تقولى صباحيه مباركه ياعريس

كان خالد ينظر لوالديه بتعجب 

-خلصتوا تحفيل ولا لسه ام واب دول ولا مازن وطارق صحابى

عزه :فرحنى وقول انكوا اتصالحتوا

خالد بابتسامه:اه اتصالحنا كنت خايف اوى ان فرح ماتسامحنيش بس قلبها ابيض وسامحتنى زى ماتوقعت ربنا يقدرنى واقدر اسعدها واعوضها عن كل لحظه بكت فيها

فتحى:ربنا يهنيكوا يابنى 

خالد:ربنا يخليك ياحاج احنا هانروح النهارده ياماما بيتنا مالهاش لاومه القعده هنا

عزه:وفرح هاتسيبنى وتمشى 

خالد.:البيت هنا ضيق تعالى اقعدوا انتوا معانا فى الفيلا

فتحى:انت عارف اننا مش هانسيب بيتنا ياخالد روحوا واتهنوا بس تعالوا لنا على طول

خالد:طبعا ياحاج انا هادخل اسلم على فرح عشان هاخرج ورايا كام حاجه هاعملها

عزه:رايح شغلك

خالد:لا ورايا كام مفاجئه لفرح 

دلف خالد الى فرح لكى يخبرها انه ذاهب وبالفعل استيقظت على أثر لامساته الرقيقه

خالد:صباحيه مباركه ياعروسه

فرح بابتسامه:عروسه ايه بس ياخالد دى كلها كلم شهر واولد

خالد:عروسه واحلى عروسه كمان وهاتشوفى

فرح:هاشوف ايه 

خالد:بطلى كسل وقومى بقى انا خارج رايح مشوار واعملى حسابك هانروح بيتنا النهارده

فرح:بسرعه كده وماما وبابا

خالد:ياستى هانيجى لهم على طول وبعدين انا مش واحشك ولا ايه

فرح:واحشنى طبعا ياحبيبى وعاوزه اتكلم معاك كتير الظاهر انى انا اللى مش واحشاك وماشى وسايبنى

خالد؟:حبيبتى انا لازم اخرج حالا النهارده بس وهاخد

شهر اجازه هانعمل فيه شهر عسل 

فرح:بحبك ياخالد

خالد مقبلا وجنتها:وانا بعشقك ياحبيبة قلب خالد

..................................

اتفقت مى مع ايهاب على لقاءه وبالفعل تزينت وتعطرت باطيب مالديها وذهبت للقاءه فى احد اشهر الفنادق فى القاهره التى تطل على النيل

كان ايهاب جالس فى انتظارها وتعمدت مى ان تذهب متأخره عن ميعادها

مى برقه:مساء الخير استاذ ايهاب

ايهاب وهو يمد يده ليصافحها ثم قبل يدها:مساء النور مى هانم ارجو تقولى لى ايهاب بس

أجلسها ايهاب بذوق رفيع فى مقعدها

مى:وياريت انت كمان تقولى مى

ايهاب:بصراحه ماتوقعتش يامى انك قمر كده

مى بثقه:وهو الجمال نفع ياايهاب ماانا اترميت زى الكلبه فى الشارع

ايهاب :بصراحه ماتوقعتش ان فرح تعمل كده

مى:ليه مش مصدقنى انها خطفت منى جوزى لو كده ممكن ننهى الحوار حالا

ايهاب:لا ياقمر مصدقك طبعا هى فى الفتره الاخيره كانت بقت شرسه وهددتنى انها هاتفضحنى انى مش بخلف ومالي شفى الستات عشان تعرف تطلق منى مع انى ماكنتش حارمها من اى حاجه

مى بمكر:معقول واحده تسيب انسان جنتل مان زيك عشان الخلفه انا مش بقول كده عشان انا مش بخلف بس حقيقى من شكلك واضح ان راجل محترم وجنتل مان

ايهاب:نفسى الاقى واحده تفهمنى كده يامى تعبت بجد من كتر ماالبنات طمعانه فيا

مى بلهفه:هتلاقى كتير صدقنى بس انت شاور 

ايهاب بمكر :ممكن نتقابل على طول علشان نتعرف اكتر على بعض ولا عندك مانع

مى بابتسامه:لا ماعنديش طبعا 

...............................

كانت فرح جالسه مع عزه ووجدوا طرق على الباب فتحت عزه الباب وجدت شخص غريب ومعه فستان زفاف انيق

عزه بدهشه:الرجل جايب ده وقال انه ليكى

فرحه بدهشه مماثله:ليا انا دا فستان فرح ياماما 

عزه:استنى فيه كارت اهو 

اخذت فرح الكارت كانت الرساله تقول

"البسى بسرعه عشان المكيب ارتيست زمانها جايه وقولى للجماعه يجهزوا عشان فرحنا بحبك اوى"

فرح بابتسامه"مجنون

عزه:مادام مجنون يبقى خالد

فرح:ده هايعمل فرح وبيقول لكوا تجهزوا

عزه وهى تزغرد:ياالف نهار مبروك يابنتى هاتتجوزى

فرح بضحكه عاليه:والله انتوا عيله عسل

عزه:ادخلى البسى بقى 

وهنا دق جرس الباب من جديد وفتحت عزه وجدت فتاتين فى الثلاثينات من عمرهم

احد الفتيات:انا المميكب ارتيست دكتور خالد بعتنى امال فين العروسه

عزه:اتفضلى ياحبيبتى العروسه اهى

فرح وهى توزع النظرات عليهم :انتوا بجد

عزه:يالا ياعروسه بقى مش وقت تعجب

دلفت فرح الى غرفتها وارتدت الفستان وتم وضع الزينه لها وارتدت حجاب فوق الفستان كان هذا طلب خالد وجاء فتحى ليأخذها الى مكان ما

..............................

فى احد الفنادق الشهيره فى القاهره فى قاعة زفاف رائعه مليئه بعدد لابأس به من افراد الشركه وعائلة خالد وفريده صديقة فرح كان خالد والجميع بانتظار العروس الرائعه وبالفعل دلفت بصحبة فتحى كان خالد بانتظارها على باب القاعه حين رآها عروسا تغلغلت الفرحه قلبه ولم يستطيع ان يواريها ذهب اليها والتقه يديها من والده مقبلا اياها من جبينها قائلا

-بحبك يافرح

فرح بابتسامه رائعه

-كل ده علشانى 

خالد بحب

-دى البدايه بس

فرح :كان نفسى البس لك الابيض وابقى عروسه ليك اتمنتها كتير

خالد:انا موجود علشان احقق لك اللى بتتمنيه النهارده بدايه جديده فى حياتنا بدايه على حب على نور من النهارده انا مش هازعلك ابدا انتى حبيتى ونور عنيا انا عاوز منك طلبين اول طلب انك تنسى اى حاجه وحشه وتفرحى وبس تانى طلب انك ماترقصيش عشان النونه

قهقهت فرح من طريقته الطفوليه قائله

-بحبك يامجنون

كانت حفله رائعه بحق غنى خالد لفرح اغانى عاشقه ورقص مع اصدقائه واهله فرح ايضا رقصت ولكن بهدوء ولفترات قصيره جدا كما وصاها خالد انتهت حفلة الزفاف وذهب كل الى بيته اما فرح وخالد ذهبوا الى غرفتهم بالفندق كانت ليله رائعه كان قلب فرح ينبض بقوه من فرط السعاده 

كما وعدها خالد اصطحبها فى رحله فى باريس لقضاء عطلة شهر العسل كان خالد يريد ان يعوضها عن اى ازعاج تسبب به لها وان يعطيها جميع الحقوق التى سلبها قصرا منها فى السابق

..........................

كانت مى تقابل ايهاب يوميا الى ان توطدت علاقتهم وطلب ايهاب منها الزواج فرحت مى كثيرا هى وعليه بل كادت الفرحه ان تطير بهم فى اعالى السماء وافقت مى ولكن بشرط ان ينتقم من فرح وخالد ويفرق بينهم ووافق ايهاب على ذلك وتم عقد القران فى الكتمان واصطحبها خالد بيته فى كندا 

فى بيت ايهاب

مى :بيتك جميل اوى ياحبيبى 

ايهاب:مش اجمل منك ياروحى

مى:هاتنتقملى منهم امته

ايهاب :انتقم من مين

مى:فرح وخالد

ايهاب:انتقام ايه يابنتى انا لو كنت عاوز انتقم من فرح كنت سففتها التراب بس هى ماعملتش فيا اى حاجه وحشه بالعكس انسانه استحملت كتير اوى معايا اما حوار انتقام من خالد فده راجل انا اصلا ماعرفوش

مى بصدمه:يعنى كنت بتضحك عليا عشان تتجوزنى

قهقه ايهاب بصوت عالى:يابنتى دا انتى كنتى بتخططى من اول مره شفتينى فيها انك توقعينى وانا عملت نفسى انى وقعت بمزاجى عشان انا اللى اوقعك

مى بدهشه:وليه سكت وكملت

ايهاب:انا عاوز اقولك معلومه يامى انى عاجز جنسيا حصلت لى حادثه وانا صغير خلتنى فقدت ذكورتى بس ده

مى بصدمه:ايه

ايهاب:مرحبا بك فى بيت ايهاب منصور ياحلوة

.................................

قضت فرح شهر كاملا فى الفسح والتنقل وشراء ماتطيب نفسها له كان خالد يغمرها بالحب حتى انها بالفعل قد نسيت مابدر من خالد فى السابق  وعادوا الى ارض الوطن من جديد كان خاالد قد اشترى فيلا كبيره واقتنع والديه ان يمكثوا مع فرح فوالدته لم تقوى على فراقها

............................

بعد مرور سبعة اشهر 

"يارب ياربنا تكبر وتبقى ادنا وتيجى تعيش وسطنا وسط الحبايب"

كانت الاغانى تصدح فى فيى خالد وفرح تعلن عن قدوم مولود جديد فى عائله تغمرها السعاده

خالد:يالا ياام فرح السبوع هايبدأ

فرح:ايه ام فرح دى كمان

خالد بابتسامه:فرح وام فرح وحبيبتى وقلبى وبنتى

فرح:كنت سمتها اى اسم تانى

خالد:والله لو قلتى كدع تانى لاسمى البت التانيه فرح

فرح بقهقه:بحبك على فكره

خالد:مابلاش الكلام ده دلوقتى مشاعرى بتتحرك على طول

فرح وهى تلكزه:والنبى نيم مشاعرك شويه ياابو فرح

قهقه خالد من طريقته وقبل يديها قائلا

"بحبك يااجمل حب فى حياتى بحبك وكل يوم عليا بحبك اكتر بيقولوا الحب بيقل بعد الجواز بس انا بحبك كل يوم اكتر من الله قبله كاننا لسه متجوزين ربنا يديمك فى حياتى نعمه"

انتهت احداث الرواية نتمنى ان تكون نالت اعجابكم وبأنتظار اراؤكم فى التعليقات وشكر 

لزيارة عالم روايات سكير هوم 

لمتابعة روايات سكيرهوم زوروا قناتنا على التليجرام من هنا