 |
رواية بيت الخبازه الفصل الخامس والعشرون 25 بقلم زهرة الرمان
السلام عليكم ورحمه الله وبركاته
#بيت_الخبازه .....#بارت٢٥
خديجه
كعدتني صفا
صفا
يمه يمه عمو جوا اكعديلي وارجف
خديجه
وعيت شبيج صفا يمه عمج منو
صفا
عمو حامد يمه استبرق بالحمام لأ يروح يموتها فدوه اكعدي
خديجه
ركضت صفا للحمام ادك بالباب اطلعي استبرق اطلعي
طلعت استبرق تسأل بصفا شبيج
عرفت حامد عدنه وتريد تروح يم الدرج لزمتها
تعالي معلينه بيه جاي لبيت اخوه
دخلتها وقفلت الباب
استبرق
بعدج تخافين منه
ضربته هاي خلتني اصير اضرب اليضربني واغلط على اليغلط عليه واشوف شيسوي بله وإني يمج معليج صفا
خديجه
داكعدي مازال لأ داك الباب علينه شنو نروح نعارك نبدي بالمشاكل
جاي لاخوه معليج
استبرق كعدت وايدي اباوعها ترجف
كلت بس يوصل لأمي اشوه خلقته
خديجه
دك التلفون عمار اتصل
واستبرق كمزت يمي تريد تسمع
عمار
خويه أبو شكر جاي يريد يحجي وياج
خديجه
ماعدنه سوا موضوع شعنده يكلك الك
وسمعته يحجي اريد احجي وياج خديجه
استبرق غمت التلفون
ابتعدت عنها
شتريد حامد كول العندك بالتلفون
حامد
انزلي خديجه كلام ووحدنه اريد احجي
سديت التلفون استبرق عاطت متروحيله
اصبري يمه أشوف كلامه وعمج عمار موجود
استبرق
نزلت وإني لزمت صفا يمي كلتلها هاج الريمونت جانت تتمنى انطيها الريمونت مالت الستلايت
وإني بالي واذاني يم أمي رحت كعدت يم الدرج
خديجه
نزلت لكيته واكف ويمه عمار
حامد
اريد احجي وياج بس كون وحدنا
خديجه
ليش وحدنه
عمار
ام استبرق اسمعي اكعدوا هنا بهاي الاستقبال وإني هنا يمج
خديجه دخلت للاستقبال وهو اجه كعد وإني واكفه
حامد
متحزمه ما تكعدين..
خديجه
كول الحجايتين العندك وخليني أروح لبناتي دنك يفر بالسبحه ورفع راسه بس وجهه لأ عصبي كأن وجهه قبل لابموت حاجم
حامد
بنضرج إني كلش سيئ صح ؟
خديجه
كل بشر هو اعلم بنفسه جاي تسألني إني ليش
حامد
كل السويته جان بدافع حمايتكم مو كره
خديجه
حميتنه
حامد
أنتي تعا.. ولو أني كلت جاي بدون ما افتح مواضيع عتب
خديجه
إني مو سيئ يجوز إني عصبي وحدي بالغلط بس هاي الدنيا يحتاج واحد يحافظ على اهله بضميرج انعزم يم بيت الغانم ومرت أخوي مشتغله تنظف ببيتهم يعني تشوفينا طبيعيه
الكل يلوم بيه بلله كولي طبيعيه
خديجه
هذا كلامك قنع نفسك بيه وبرر لنفسك مال تحافظ علينه. وإذا على شغلي بييت الغانم
فأكلك محد يعيرك بارمله اخوك لأن تشتغل وبالحلال
خاف على سمعتكم من ارمله اخوك الف زواج متزوجه وره اخوك ومحللته على نفسها وكل الديره تعرفها ماشالله مثل الممثله الكل تعرفها
لسواياتك وهسه التريده شنو
حامد
هواي لحيتي تره بمرت حاجم وأنتي فهمتي الوضع مخلي واثق يتابعها ويتابع اخبارها وما كلي
هي وأنتي مفروض علينه نتابغ ونباشر احتياجاتكم ونحميكم اولادنا واركز عليج لأن عندج بنات بنات والبنات بهذا الزمن الاغير يراد اراقب واتابع واركض شلون يعني فهميني
وهسه شوفي
إني إلي اريده يصفا كلوبكم مني
الدنيا فوت وموت اليوم امشي على رجليه باجر يجوز يشيلوني على الاكتاف ما انكر بعصبيه وتعورت استبرق بس انجن جنوني من اسمع عدها علاقات اريدها تفكر بمستقبلها بدراستها متمرده عليج كلت سيف يقربها وتنجح حتى لو كوه
خديجه اتريد تبريك الذمه على ضربتها
واذا ع الموت
كلنا نموت وهناك ينفتح كتاب الحساب
ومسأله
حامد
وإني اريد اغلق هذا الحساب جاي اليوم واريد ننهي هاي النزاعات
خديجه
شلون تنهيها بتهجمك عليه من يوم مات اخوك لو ضربك واهانتك اليه كله وجنت اسكت واتحمل لطمت بيه لما مليت ومن سكتتلك تجرات على بناتي ثنينهن صار بيهن تشوه مو بس بشكلهن صفا لهسه إذا جهال عمار يصير صوتهم عالي تكمز
لو استبرق إلي كرهت الدنيا كلها بسببك امانه اخوك شوهت وجها وهي أصلا مصارلها هواية من احتركت ومتشوهه رجليها
على منو اسامحك واسد الحساب
حامد
بسببج
خديجه
ليش عندك عذر غير تخلي اللوم على غيرك
ماتكدر تعترف بذنب ولا خطا
أنت صح يلا ابقى بالصح إلي أنت بي
حامد
إني أريد السماح يكون مو كلام فعل لذلك إني جاي واريد اطلب منج طلب
خديجه
تطلب طلب ؟
اريد اكله شنو واندك الباب دخل عمار كال اجو خطار
فتح باب الاستقبال إلي على البرا وشوف غراض دخلت شفت مسلم سايق بيت السيد
وراها فاتت العلويه
حامد مشايف العلويه بس إني رحت عليها سلمت
العلويه
شلونج خديجه شخبارج البنات شلونهن
شبيها استبرق صدك مضروبه بوجها عمها ضاربها
خديجه
كالت هيج وحامد بباب الاستقبال الداخلي بعده يباوع وسمعتها سحبت العلويه ودخلتها وهو طلع كالت السلام عليكم رد عليها وعليكم وعيونه عليه بيهن غضب
دخلت وعمار وحامد بقوا برا عمار ضيف مسلم بس راح كال ساعه وارجع للعلويه
دخلنه سلمت على سرئ
وسرئ بس ضيفت العلويه اخذت الجهال وأستاذنت ودخلت بغرفه الجهال
ادرس بشار وفاطمة حتى بالعطله
والعلوية رأسا سألت وين البنات الضاهر استبرق سمعتها واجت
تركض بوست العلويه
شافت وجها وشهكت التفتت عليه هيج هيج تكولين فشخه يا فشخه وجها حتى مخصوم صدك جذب خديجه شنو ذبايح بيا عصر قبل الاسلام احنه شنو هالضلم ورب العرش إذا أحد بيه نخوه جان خلو عمها بالتوقيف على هاي الدگه
وإني اعرف حامد يم الباب حسيت يتصنت
كمت فتحت الباب لكيته بيده كلاص جاي ومتكأ على الكاونتر واضح يتصنط
رجعت
والعلويه تبوس بصفا
وتسولف وي استبرق
التفتت عليه
العلويه
شوفي هسه تمشين وياي ماكو بعد عذر عندج يعني لان اثق بيج واحبج بقيتي تدللين علينه بناتج بامانتي ماطولني عايشه وأنتي تعيشين معززه مكرمهه
ولعلمج صديقه اليه حصلتلي مره وعمرها صغير ارمله زوجها بهاي الطائفيه خطيه كاتلي
بسيطره وهميه
وماعدها طفل شابه بس إني مااا اريد تجيني وحده ماتعرف طبعي أنتي تقريباً عرفتيني أكثر من الكرايب كرايبي يجوز بالمناسبات نلتقي بس جارتي جنتي بشكل يومي أنتي تعرفين شعندي ماعندي
لذلك ارجع اعيد تكعدين وللعلم هم السيد يسجل كاع باسمج بيع وشراء ضمان لبنانج وعلينه نتكفلهن لأن احنه كافلين ناس منعرفهم فكيف استبرق وصفا إلي نحبهن
هااا شكلتي ليش ساكته
خديجه
علويه فكره زواج إني الرافضتها مو الرفض لشخص السيد إني ماريد بعد بارتباط رجال
العلويه
بهاي الدنيا نوبات تفرض علينه اشياء حتى لو ما نريدها بس لازم نتقبلها وبوضعج أنتي كنتي زوجه وام بيت شاطره بس ماعندج اطلاع على هذا عالمنا المراه العامله مو مثل مره ما احتكت بمجتمع وروتين تعرف تتعامل
ولهذا التغيير اله مشاكله
إني عن نفسي اكول أنتي افضل بهواي من نسوان يفضلن اللكمه تجي لحلوگهن مو مهم الرجال يتعب يتأذى أنتي لأ من كان زوجك عايش كنتي ما متطلبه ولا اعتمتدي على احد بوفاته مقصرتي خديجه اتجاه بناتج ولعلمج حتى زواجج هو تضحيه حت يعيشن بمستوى طبيعي
إني هالمره ما اخيرج انما انطيج فرصه بس تجمعين كل اغراضكم وناخذكم كافي خديجه
خديجه
اعذريني علويه أنتي غاليه عليه كلش وماكدر اكسرلج كلمه بس وضعي النفسي مايتحمل زواج والله
بقت تعيد وتقنع
سمعت دكه باب الصاله بعدني ما كلت تفضل.دخل حامد ويگح حتى تفتهم العلويه دخل يمنه
سلم عليها
ووجها مبتسم
شبيه حامد
حامد
علويه إني سمعت عنج من كالت ام استبرق عن كرمكم ووكفتكم بس هسه صدفه سمعت بالعرض أنتي جايه تخطبين ام استبرق لزوجج شلون وهي مخطوبه ؟؟
العلويه
مخطوببه لمنو.
خديجه بقيت مفهيه شنو مخطوبه اندارت عليه العلويه شو ما گلتي خديجه
بعدني ما حجيت استبرق جاوبت.ومنو خطيبها أمي ممخطوبه
حامد
لأ عمو إني خطيبها
خديجه
حجيت بگلبي فضيحه التفضحك حامد
العلويه
يعني لعفو منك حضرتك منو
استبرق
هذا عمي علويه عمي لي خلا اثر بوجهي إلي بصياحه هو ومرته خلو صفا تتعارض وانوب يتبلى على أمي
أمي ما تتزوجك
خديجه حاولت اهدا استبرق عاطت شنو شو تسكتيني شجان يحجي وياج شنو قنعج تزوجينه والله والله ما تقبلين بيه
يبقى آخر يوم بحياتي إذا اخذتي
بطريقه جنونيه تحجي استبرق وحامد طلع
والعلوية حضنتها وتسكت بيها بس تباوع بعيوني
شافت اجو مشحون كالت من تقررين اتصلي بيه بأي قرار اتمنى تاخذين القرار الصح ليخدم بناتج ويخدمج وإني أنتظر
خديجه
راحت العلويه ولكيت حامد رايح
استبرق هدأت بس تكرر متاخذين حامد
صعدت استبرق وصاح عليه عمار
شفت خويه أبو شكر شسوا
عمار
جان يتسمعلكم وعرف العلويه تريدج لزوجها بكل هدوء دخللكم
ومن راد يطلع كال كول لخديجه إني اتزوجها
خديجه
بس هاي الكاله حامد
عمار
أي يعني شيريد يكول
فكري بهدوء وبعدين شنو القرار التاخذي إني وياج
صعدت وصفا ماتاركه ايدي
صفا
يمه عمو حامد يكول لعمو عمار
لو تموت ما اخليها تتزوج السيد
خديجه
أي مو اعرف حامد (حجيت بگلبي)
أي يمه معليج بالحجي أنتي
صعدت وبقت استبرق تلح اقبلي بالسيد ولا تقبلين بحامد
يمه شنو إلا زواج
كاعده وساكته لأ هذا ولا ذاك اريد اربيجن وخلص
بقيت كم يوم اروح وارجع للحضانه ودزت ست انتصار بعد ما رحت اتكفا الشر وسرى هم نصحتني لأ تروحين
سرئ
بالنسبه اليه إني اشوف كل شغل بشرف وامانه مو عيب بس احنه يا ام استبرق ولايه صغيره
وناسها ينكال عنهم بسطاء بس يحبون الگال والگلت واكو يحرفون الكلام واكو يحبون الفضايح
وبعدها القبليه بمجتمعنه
وتعصب أي شيء راح يقولونه ويأولونه لغير محله وبيت الغانم معروفين وبيت الداود هم معروفين
أنتي بعدج ينكال عنج زوجه ابن الداود الناس ما ترحم
خديجه
خلص الله الغني ماطول حامد وراي ما اسوي شي بدنياتي
سرئ
تدرين إني ببالي تمتحنين خارجي
والله ابن عمي عنره ٣٨وامتحن خارجي وهسه كليه مسائي لأن مل من الشغل الحر الشهاده تفيد
خديجه
غير اكو مخ عيون راحه البال يا أختي إني لاتشوفيني امشي واتحرك إني متهشمه روحي لالف جزء
مرت كم يوم اروح وارجع للحضانه
طلعت اليوم من الحضانه لكيت حامد واكف سويت نفسي ما مهتمه اجه يمشي وياي سلم رديت بكلمه هله
حامد
اريد احجي وياج
خديجه
احنه بشارع شنو الموضوع
حامد
بالبيت الف خطاب يجيج
بشارع مايصير كلمتين اكللج عنهن وروحي
مناا امشي
مشى بمحاذات النهر المكان فارغ نوعا ما
احجي حامد بسرعه اريد اروح
حامد أي أي ياعقوبه ذنوبي
شوفي بنات أخوي وأنتي إني أولى بيهم اربيهن إني واراعي الله بيج ليا وكت تبقين تنظفين وشيل وحط
وهاا شوفي اجيت إني لأن تندمت على استبرق وكلت بالحلال اتزوجج واعوضهت واخليج كاعده وساكته وإني مسؤل عنج حتى ارتاح
والقرآن تمرضت
خديجه
التهي بعائلتك ببناتك وولدك شنو اتزوجك تريد إيمان تبقى تدعي عليه وعلى بناتي
وانت سمعت باذنك شلون استبرق متخبله منك كف مني حامد عليك بعزاز گلبك
حامد
عبالج ما كلت لروحي كف منها ولك
خليها بحال سبيلها
بس مااكدر
خديجه
تكدر ليش ماتكدر القوه الشايلها لاذيتي ارحم نفسك وارحم هليتيمات إلي صارن معقدات بسببك أنت متعرف استبرق شصايره
ولا شنو تفكيرها
تعرف يوميه افز الف مره اشوفها لان اخاف تسوي بنفسها شي
ماااعندي بعد طاقه اتحمل هبطه
الفضل الوحيد إلي تريد تخدمني بيه تعيفني بحالي جاي اداوم بحضنانه وبيت اخوك وخليني اوصل لبنات ع جرف
حامد
أعترف إني قوي گلب وروح قوي لا اهاب
بمعركه عدو ولا خفت بجزيره من حيوان مفترس
ولا بكعده ديوان تلعثم لساني ولا غلبني ابن حره
بس ...
خديجه
بس شنو حامد
عندك شكر وميثم وسيف وبنات الله يستر علبهن يشوفنك عالي ويهابونك اخوتك تضربهم وهمه شواربهم تارسه وجوهم
لاتضيع هلهيبه بزواجك من ارمله اخوك
حامد
وهو الزواج ويضيع الهيبه وعيب
خديجه
الشغل أي كان مو عيب مازال بالحلال
بس مجتمعنه اله تقاليده وعاداته إلي يدين البشر وينصبله مشنقه وهاي اخت هاي سالفه زواجك وسالفه شغلي
أنت إلي ينصبولك مشمفه وتنزل من عيونهم اولادك واهلك حتى لو الدافع انك تريد تستر وتعين ارمله اخوك
حامد
من شوكت كبرتي وصرتي تحجين هيج
خديجه
ماكو جان مناسبه تخلينه نسولف
ولا جان اخوك الله يرحمه يجرب يطلب رأيي حافظ كلمه شاوروهن وخالفوهن
واكثركم هم حافضين ناقصات عقل ودين
ومن توصل لمصلحتكم
تبدون ايه مثنى وثلاث ورباع
1
حامد
بس اكلج ماتزوجين السيد
خديجه
أنت ما تفرض عليه
حامد
حذرتج
خديجه
حياتي هاي واشوف اليفيد بناتي
حامد
صدكيني ااذيج
خديجه
وإني ما اتهدد
عفته مشيت سريع قربت للبيت
مشت ايام وأيام ومجرد التفكير بفكره زواج هاي تنرفزني
مجرد التفكير أن رجال يشاركني فراشي وابتعد عن بناتي واصير بمسؤوليته ما اتحملها
وخاصة اشوف حامد اخ وجنت اشوفه اب بنفس الوقت لأن تزوجت هو اكبر اخوانه وماخذ دور الأب الهم وإني جانت علاقتي بيه بحدود كلش
حتى اول ما مات حاجم ويتعدى عليه جنت اكول لأ عيب واهاب احجي وياه
ماكدر اخلي بمنظر زوج
والسيد لأن الفكره انبنت ان زوجته تريدني زوجه اله كارهه الفكره احس بإحساس شلون زوجه تاخذه وحده ثانيه
وهي تريدني علمود انجاب اطفال اشوف روحي مال ارجع احمل ووحام وولاده صار هواية ناسيه هيج شي واتعب مجرد أفكر بيه مع ان العلويه تأكد عليج الحمل وإني مجرد تجيبين إني اداري الطفل واداريج
وللان من اتذكر ماشايفه شكل السيد حتى من بعيد حتى صوره ماشايفته
لأن ما اجاني فضول اتجاهه الدنيا تلطم بيه من ضيم لضيم
أكثر شي قاهرني هي استبرق
تركت الدراسة وكارهه نفسها وحتى هملت نفسها ونظافتها كوه تفوت للحمام تركه تشوف جسمها
جنت اليوم نايمه ورا الضهر وسمعت التلفون يدك
قشعم
الو هله شلونك يمه
قشعم
شلونج خاله شخبارج أنتي والبنات
خديجه
بخير يمه انتم شلونكم
قشعم
والله خاله إني زين بس زايره سنيه
مريضه وهليام بس تسولف بحميده تقصد صفا
ساعه تكول صكر ساعه حميده وكلش وضعها الصحي تعبان وأخاف رب العالمين ياخذ امانته وتبقى بحسره شوفه صفا
الإعمار بيد الله
خديجه
يايمه دمعت عيني لأن نحبها الزايره استبرق كعدت وصفا بقن يبجن عليها
نزلت سألت ع عمار كالت سرى يجي فد ساعتين
بليل نزلت وكتله اريد أروح لبغداد
كال سهله أشوف عدنه ولد ناجره على طول نخلي ياخذكم تردين اروح وياكم
. لأ إني والبنات نروح.
صادف يوم اربعاء اخذت اجازه ورحنه لبغداد
وصلنه لبيت زايره سنيه البيت إلي اليه بي الف ذكرى واتعس ذكرى هنا ماتت بدينه مروه
متغير البيت مترمم وصاير حلو.بنيان جوا الغرفتين صايرات وياهن مطبخ وصاله
ومرتب ومقبط وفوك امه واخوانه
لكينه الزايره متمدده على السرير
أول ما سمعت صوتنه
كعدت
زايره سنيه.
اضن اجن مشلوعات الچلوه
باهي هاي
صفا.اني بيبي اني
زايره سنيه
تعاي جربي(تقربي)
صفا رحت يمها وبوستها شهكت
زايره
ولج حميده هاي بقت حاضنتني
استبرق سلمت عليها
زايره سنيه
يمشعننه فليكه تسمي استبرق المشعننه فلكيه
بوسناها وكعدنه يمها
خديجه
اريد اصبر عيوني رحت للمكان إلي لكينا مروه بيه وبديت ابجي
نزلت حياه ام قشعم.سلامها جان حار وهلاومرحبا وسكتتني جابت مي
ورا ساعه جابت الغدا
الفهمته زوجها مقعد
بس عدها بنات وولد
اجه قشعم
من عرف احنه موجودين
بقينا لليل قشعم روحه مرحه بقى يسولف وي البنات وشقا وينصب عليهن
اعتبر قشعم الاخو لبناتي الماجابته بطني لأن نظيف اخلاق
اتعجب عليه لأن من يسولفلي راتبه لأمه وما يشتكي ابد بالعكس كل وجهه يضحك ومن شافنه احتار شيجيب
اجه بليل محملات اديه علاليك حلويات جبس وكرزات وانووب ياكل ويتعارك وياهم وياكل منهم وانوب يتعارك وي اخوانه ويضم ويكول خلص
جانت الليله حلوه للبنات وأعرف قشعم يريد ينسينه ذكرى مروه بس البلگلب بالگلب
اضحك چذب علمود بناتي وإني گلبي ينزف من ذكراها
دك التلفون عمار كال ادز باجر السايق يجيكم يجيبكم شوكت كتله ورا الضهر
بقو استبرق وصفا واخوان قشعم لوجه الصبح وحتى زايره سنيه لازمه بصفا وتشم بيها وتبوسها
الصبح كلت لقشعم اخذني للسوك
اشتريت بخور نازل قطع ريحته طيبه وقماش اشتريت مريت على ام رحمن هاي المره صاحبه فضل عليه وياما ساعدتني ومن الأصول امر عليها وأخذ بيدي الها صوغه من باب الداخلي فتحت اديها وتصيح هله
"°"تضهر المحبه ليس بالابتسامه وكلمات الترحاب
إنما اللهفه تحكي عما يجول في الوجدان"° 🫀๑♡⌓♡
بقت تسأل وتسولف وبچت على مروه وبچتني
بعدها سألتني هم مريتي على العلويه
لأ والله كلت هسه نروح إني وياج وجانت بداخلي نيه اخذ ام رحمن حتى ما تفتح مواضيع الزواج وياي العلويه
ام رحمن
ياا خيه غير سوت عود عمليه رفعت الغده الدرقيه
وزادت حالتها سوء وهسه يراجعون بيها موزينه
خديجه
يااا وإني هالفتره مامتصله لأن ماريد عود تحاجيني على الزواج واكول ماتتصل
