 |
رواية بيت الخبازه الفصل الرابع والعشرون 24 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه ......#بارت٢٤
عزيزه
اكلك الطفل جسمه بيه طبوع بنفسجيه ولك عمه خاف بالدم بيه شي
سيف
انتضري عمه
تعال فضل لزمت مفاصله ضهره
لزمت عكسه عاط اخخ
هاا هاي توجعك
فضل
أي
سيف
شنو واكع
فضل
هاا أي
سيف
شبيك تتلفت حبيبي احجي محد يمنه
فضل
ما بيه شي
سيف
زين روح بدل اخذك للطبيب
فضل
لأ لا مابيه شي
سيف
جااا احجي
فضل
موو
سيف
تضربك امك لو احد منو يضربك احجي
فضل
مااا أكدر احجي
سيف
دمعن عيونه وكال ماكدر. يموت قهر
عزيزه
يااا يمه شبيه سيف عمه شبيه فضل
تعال ليه
سيف
عمه عيفه يمي شويه لاتخافين
فضل أنت رجال
مي خالف ابجي إني هم دورات من أخاف ابجي
بس من اسكت تعرف شسوي
مسح دموعه وباوع بوجهي
فضل
شسوي
سيف
الاخاف منه اوكف بوجه لأن إني قوي
فضل
بس أنت ماعندك عضلات
سيف
أي شفت قوي بس مو إلا عضلات حتّى اصير قوي
بس إني من اخاف اكول لأخوي شكر يساعدني أو ميثم لأن اكبر مني
فضل
إني ماعندي إخوان
سيف
شلون ماعندك اخوان
افتح ايدك
شوف شكد عندك
إني وميثم وشكر وحسام وحسنين وبشار
ويزن كلهم اخوانك بس الولد والبنات اوووووو يترسن هاي الصاله وضحكت
ضحك
يشبه عمو حاجم نسخه
تعال أمشي نتمشى ونسولف ذني البنات بس يلغن
إذا حاب تكلي شبيه جسمك يبقى سر بيني وبينك باوع بعيوني وتحسر
فضل
هي أمي شوكت تجي
سيف
ما معلوم يجوز تتأخر بس أنت أي مكان تحبه وتحب تبقى بيه گول اخليك
فضل
حتى لو يم صفا واستبرق
سيف
تحب خواتك
فضل
بس أخاف سيف
سيف
من منو تخاف
فضل
من أمي
سيف
ليش تخاف
فضل
هي اخاف منها
سيف
تضربك
فضل
لا
سيف
ليش تخاف ااذا ماتضربك
بقى يتهرب عجيب
بديت ارافبه
يخاف من أحد يصيح ويخاف إذا أحد تشاقه وياه
ما يبادر ويسولف نهائي
وصيت عمه عزيزه حتى تسحب لسانه
كلت وحسنين ابن عمار عسى ولعل بعمره يفضفضله
حامد
أنت تصرفت بكيفك والصار ولت صخوم وما حاسبناها صايرين علج بحلوك العالم ولك انوب تدخل يمها ولك متزوجها وخافي عليه خليت خديجه هي التكلي
كالت هااك شوف شوف مرت اخوكم وحقها عمي
إني ضني اربي ايتام تالي ننشهر هيج
واثق
لو بأخر الدنيا الكاها واادبها
حامد
اسكت يأدبها هوه
طرحتك زوج وضحكت عليك وراحت سوايتك فشاله أحد يسمعها أصلا
عمار
أم استبرق إني لأ اكلج احسن من اخواني ولا ايرر بس حاب اكلج شي الزمن تغير وماكو أمان
خديجه
شتريد أسوي ابقى كبال بيت أبو غني حتى يوميه اخوك يلكاله حجه طلعتن طبيتن مااا يتوب اخوك مريض نفسي
عمار
ماا اكلج ابقي ببيت ايجار إني بيتي صحيح ٨٠متر بس الحمد لله مسلح نبنيلكم غرفه فوك واكعدي والرزق على الله إني موضف زوجتي موظفه وبعدهم اولادي صغار
من رشيد جان وياي ذيج غرفته صارت للجهال بس من انطوه الحزب إلي هوه به بيت شال
فوك لحد يمر بدربج ولا أحد يكلج على عينج حاجب وإلا جانو بيت رشيد ويانه وغرفتهم الجبيره وجهالهم ينامون بالاستقبال
والمطبخ سوا يطبخن وياكلن مايوم سمعت سرئ او زوجه رشيد متعاركات يمكن لأن موضفات ملتهيات يفرغن الشحنات السالبة بالدوام هههه
لذلك غرفتكم فوك براحتكم أنتي والبنات
تكولين لگمتي وحدي بكيفج بس خلي ببالج نجي من الدوامات نسطي على جدركم ابتسمت اريد اكسر الجو المشحون
خديجه
يمك اكعد نفسها ما سوينه شئ هنا يدرع الباب ويفوت حامد بحجه بيت اخوه
ونفس الشي
عمار
لأ مو نفس الشئ لأن أنتي مقصرتي گلتيله ع خلود وهو هم تصرفه جان غلط
ويا استبرق فميگدر يتجرأ عليكم
خديجه
خويه إني مليت وحق ربك مليت
تصرفات اخوك ماخلاني اعيش بسلام
صرت اتوقع كلشي منه اريد ابعد إلى أبعد مكان ولا أنت هم تكدر تواجهه اخوك شوهه وجه استبرق على كلمه سمعها وما تأكد
ومن اجه ذا النون اليه الولد كال اريد اخطبها بس بعد لمن تكمل اعداديه يعني ما محاجيها ولا فانح موضوع وياها وهيج شگ سوه بوجها باجر يجونها خطابه البنيه حرثه شنو هم تهايم وشهاير
عمار
ماا الومج بس وعد اذا احتك بيج إني اكلج الله ومحمد وياج
خديجه
انطيني وقت افكر بقى لايجار هذا الشهر ١٦يوم أي قرار نهايه الشهر هذا
كعدت استبرق وسألتها اشوفها حالتها النفسية زادت سوء وكلما تغرب تدعي على حامد وماكدر احجي
يمه عمج عمار يريدنه نكعد بيته شتكولين على الأقل رجال بالبيت كلشي يصير وعمجن ومرته بت اوادم ما سمعت كلمه جارحه لليوم اكلنه شربنه علينه مالنه شغله بيهم ما اقرب لحيانجن أحد قرارنه إني وانتن
استبرق
يمه بكيفج هو احنه شنو بكيفنه شو تلطم بينه الدنيا بكيفها وإلا اذا على العمام فكلهم طينه وحده الزلم
خديجه
ورجعت تدعي
حسبت الفلوس العندي إذا خليتهن ببناء باجر واختلفنه شلون ماعجبتني كعدتي يمه هنه فلوس أموال يتامى نوب يصيرن بذمتي
بقيت بحيره كم يوم
واجه عمار يسأل عن قراري كلت اصير صريحه وياه على شنو استحي واجامل بمال اليتامى
عمار
وإني منو كلج أخذ فلوس بناء هو بيتي والدنيا ع كولتج منعرف شنو تغيراتها ويجوز اطلعون يبقى البناء لجهالي
أما حالياً بناتج صغار وأنتي ماعندج مورد رزق لگمتنه على الله إني وانتي راتبي على راتب سرى يمشي والمصاريف عندج فلوس ولا تقصرين على البنات وخلص وسيف كال يومين بالشهر لازم تخطيط دماغ لصفا واستبرق لازم هم تكمل دراستها ففلوسهن الهن اصرفيهن تردين اساعد تردين ما ادخل بكيفج بيتج فوك
وهي هم احجيلج الصدك سرى عدها اخوانها انطوها كم فلس بالتراضي لاخواتهم باعو بيتهم وانطوها ما لكينا ارض اكبر ولا بيت احسن فحاليا البناء حل افضل الكم من ايجارات الغربى
انطيت حصه رشيد الحمد لله وبقن يكفن بنيان
خديجه
بدا عمار ببناء غرفة وخدماتها فوك وسوا صاله فوك يم الغرفه كال تردوها مطبخ تردوها للكعده لان جبيره تصير مطبخ وبيها مجال للكعده
شهر واخذنه من ابو البيت عشر أيام مهله فوك الشهر ما اخذ فلوس
بعت أكثر الغراض
وشلنه لبيت عمار كمل بناء بشهر ونص
بنفس المنطقه فرق كم فرع
أول أيام جنت اكول هسه اسمع صوت حامد يجي صار كابوسنه من نسمع صوت الياب يندك صفا تكلي اقفلي الباب يمه تخاف
واستبرق تبقى ادردم
لكن تدريجيا عرفنه أن عمار كاللكم ومتفق وي حامد لايجي ناقله موقفي ومايريد يخليني اطلع
سرى سولفتلي
سرى
والله خديجه راح أول ما الخلفه بده بحضوري كله لأ تريد تشوفكم ولا اريدها تبتعد خلوها يمي هم إني عيني عليها وهم ما تأخذ قرار وتروح لمكان وبعدين نتندم مثل ما راحت لبغداد وماتت مروه
بس مكدرت اكللها حامد يكول هم خليت واثق عينه على خلود وشوفو شصار
عمار
وانت أبو شكر خويه تقارن ام استبرق ب خلود لأ أصلا عيب
هذا السويته وبنيت من فشلتي منها شنو حصلت منه هي
ماريد ااخوض بتفاصيل بس ما ارتاحت بيتك
ايمان
وراح ترتاح ببيتك
عمار
خزرها حامد بس هي سوت نفسها ما تشوفه كملت كلامها
ايمان
هو الله يرحمه ملگطهن من سوك المغرب عزاله
ذيج لعبت على الشوارب وهاي تتمسكن وتتمندل عليمن مادري رافعه منخارها شو رجليه بالسيان ويعوعي
هنا مو ذاك اليوم لو نسينه من طكها وطرحها اخوها وخواتها مثلها
عمار
كملت كلامها ايمان وبيده النفاضه وشمرها عليها كلت انضربت بعكسها راح تسكت باقيه بوكفتها جن الضربه مو بجسمها إني فزيت وهي ولا كأن بقت تسب وتغلط على خديجه وخلود
وختمتهاه
ايمان
إني اعرف أنت مرزم (يعني ضايج)صارلك شهر على شوفتها تتحركن أعرف تريدها بس شوف حامد خديجه ما اطب بيتي ولا ولدي ياخذون بناتها الد.اي ح...ت
وأنت لأ تگرب صوبها عمار خلاها لأن شوره مو بيده بيد مرته ومرته صحبته وي خديجه لفتها
لهناك ونسمع المصايح
عمار
وكف حامد وركض وراها وإني لازمه كوه يريد يروح يكتلها
حامد
ولك هدني هاي مرضتني ولك هاي گرطه ولك لاتحشم لاتقدر لاتستحي لاتنكسر عينها
يوميه اكول راح اوديها لاخوتها وانوب اكول لخاطر اولادها يجون للبيت يلكون امهم موليه
شنو هالابتلاء شنو هالقابليه
بقت تحفر وتزن اخوك واثق ومرت اخوك صعدوا فوك
أنوب ينزلون ويوصخون ويخربون
جا بويه شلون يطلعون ببرشوت
وهاي هي وي اسماء حبايب وسرهن وسالفتهن وحده
اجت المره بعدها مكسوره على رجلها حارت حارت شسوي بيها توز بتها توز ولدها تخبث وعمري ما سمعت خديجه مجاوبتها وما خلصنه
خلت المره تهج
اخوك اختك ابن اخوك مرت اخوك ولج بت القن.......ه
وين چنتي عايشه مو جان يكربون عليج
مو جنتي حسره عليج اللكمه افواه وارنب جان بيت الخلفج
انطي وانطي وما تقنعين تشتكين تتضلمين ماعدنه وما يشتغل
فگرتينه فگرتيتنه
عمار
هذا الكلام وهو يحجي وهي بباب الغرفه ترد عليه
اخر شئ اجه ميثم وعزيزه حمدت الله هدا شويه حامد من دخل فضل لأن يحبه حامد
سحبه وبقى يسأل بيه شيريد شمحتاج ويأشر جيبولي مي نشفت ريگي
والتفت عليه
شيكلف بناء إني وياك بالنص معليك
حامد فضل شكد عمرك بويه
فضل
ثمانيه
حامد
يعني بعدلك كم سنه وتخلص الابتدائيه اذا نجحت الأول بالسادس بالبكلوريا
اعلمك على ثنين
فضل
شنو
حامد
اعلمك تسوق سياره
واعلمك تصيد
فضل
وتطيني يعني سلاح
حامد
بعد ضلت يمك انت وشطارتك اريدك كون ادير بالك على عزيزه عمتك امك راحت بمكان اطول سفرتها حجي زلم تجي تكلياه وإذا تريد أكل تريد ملبوس كل لعزيزه
خديجه
نظام بيت عمار الصبح يرحون للدوام ويبقون جهالهم بالبيت بس فطومه وبشار بالمدرسه
وحسنين وسبأ صغار
بالعطله حالياً يبقون نايمين الجهال وسرى معلمه بشار وفطومه يسوون أكل وياكلون علما تجي امهم نزلت نظفت المطبخ وسويتلهم ريوك كعدتهم تريكو
كلت لفطومه تعالي وياي المطبخ هيج جنت اسوي وي البنات اخليهن يشاركن بالمطبخ حتى يتعلمن
لكيت فطومه ما الها واهس تتهرب عدها شوي فهاوه
طلعت من المجمده لكيت لحم مسويته حصص ولكيت باميا بالثلاجه
سويت مركه وتمن
لغداهم غرفه سرى مادخلتها
شفت غرفة الجهال نظفتها وكلت يلا ساعدوني بشار سمين حيل مابيه يتنفس
وكلساع يتعاركون
سمعت يمه يمه من فوك
استبرق تصيح
ها يمه
استبرق.التلفون يدك
+
خديجه
صعدت لكيته قشعم يسأل علينه وكال زوج امه صاير بيه كنكري وكاصين رجله الثانية واحسه ابتلى بامه واخوانه
هونت عليه
لكيت الأكل على حطته واستبرق لازمه المريا وتباوع على الاثر البوجها والكتب ما فاتحتهن
يمه عيفي المرايا واقري
استبرق
ماا اقره يمه وما اروح للمدرسه
خديجه
أنتي فوك الوكت عليه شتردين استبرق اوعي كافي شبيج
استبرق
ليوم القيامة حامد ما ابطل دعاء عليه
. خديجه
صار واهسها تباوع على نفسها وعلى الآثار وتبجي تجيها ايام حتى بالليل تكعد تبجي بصوت او تصرخ تتحلم
عمار ومرته رادو يطلعونها من هاي الحاله
يصيحون بدلو خلونه نطلع ترفض تماماً تطلع
سرى ادز عليها تعالي نسوي حلويات او معجنات متقبل
إني وعمار اخذنه صفا نسوي الها تخطيط للدماغ
مثل ما وصى الطبيب
بمجمع طبي على الشارع
استبرق
سرى وجهال عمو عمار جوا صوتهم اسمعه يسولفون إني صار واهسي انام
صارت أمي كلما تروح تأخذ صفا للطبيب او الاشعه
اجيب عصاره يوصفونها للاثار بس الآثار ما راحت
كارهه الكون كله وصرت اكره نفسي
سمعت أحد صعد فطومه اجت
فاطمه
هاي صديقتج اجت
استبرق
منو صديقتي
غدير
إني
استبرق.حت غدير إني كرهته
سلمت وكعدت يمي تسأل شلونج وإني اجاوب على كد السؤال لأن ودي ما انطق
غدير
إني شنو ذنبي وتقاطعيني إني صديقتج
استبرق
ما مقاطعه احد بسبب عمج التلفون انمنع مني وبسبب عمج هذاااااااا البوجهي شتردون بعد عيفوني عيفوني
غدير
بقت تصرخ حيل عيفوني أريد اسكتها ما سكتت
نزلت منها يلا سكتت امشي واباوع وراي هاي شبيها وهيج الضربه بوجها ما جنت متوقعه هيج الاثر والمكلن ماخذ نص حاجبها وگصتها
انقهرت
لكيت ذا النون واكف هو جابني من شاف امها طلعت
ذا النون
هااا بشري عمو
غدير
شبشر عمو مو استبرق وحده ثانيه الجرح الكالو عنه عمو وجها مشكوك وحاجبها مطبور ووجها مليان حب وضعفانه
ذا النون
عمت عينك ذا النون يا سالوفتي الماتنحجي ويا وجعي الخفي لأ إني الكدرت اخفي حبها ولا إني الاخذتها يابويه محسن بويه
استبرق يا نياط گلبي بلياج اموت وينگع اثري
غدير
عمو ذا النون يمشي ويسولف وي روحه وبچه ماتحمل كعد بالكاع وبقى يبجي شويه عن بيتنه كال ادخلي عمو خليني
خديجه
رجعت للبيت فطومه سولفتلنه
كلت لصفا اصعدي ماما طلعت بالباب وخابرت غدير
ألو
غدير
ألو
خديجه
خاله غدير لأ تجين بعد لاستبرق حالتها حاله تره شفتيها كفينه الشر من عمها شكوكي ويتوقع عمج موديج لو هوه وياج وما نخلص
غدير
على امرج خاله
ضجت شنو تمنعني منها شعلينه احنه صديقات بس ما جاوبتها
سرى
والله ياست انتصار ماعرف اسألج
يوميه نرجع الكا خديجه منظفه البيت وطابخه وابقى احجي عليها تكلي شسوي خليني اتلهى
منعتها تطبخ فوك هاي مجمده مازال اطبخيلنه تأخذين غداكم وتتغدون اريد اخفف عنها مصاريف البنات وهي حتى النكسي الياخذها عمار لتخطيط صفا الا تدفع فلوسهن
هاي انتصار وياي معلمه تريد وحده للروضه بالحضانه تنظف الجهال تبدللهم
گلت لبنت الفراشه بالدوام ماقبلت
خديجه
سرى ياريت يقبلوني إني اريدهه الشغله
سرى
لأ ام استبرق شنو حضانه وجهال يوصخون تبدلين حفاضات
وواق ويق
خديجه
مي خالف مو مشكله تعيين
سرى
لأ هي حضانه اهليه عقد
خديجه
إذا يقبلوني سرى إني أولى إذا ما قبلت الفراشه إلي بدائرتج
سرئ
ام استبرق لأ ماقبلت البنيه وهاي مديره الروضه وصتني
اجه عمار گتله
عمار
إني منطي وعد لخديجه مايتعرضلها حامد خاف يعرف تشتغل ويرجع نفس القوانه وهم معناه كسرت وعدي خليها بالبيت هم ماشالله إني أمنت على الجهال باقين وحدهم
سرئ
شنو توكف حياتها علمود خاف ميقبل أبو شكر تره مو انصاف شعليه بيها
وأنت ما توقعتك هيج شنو ترتاح براس حياتها
عمار
شنو ماتوقعتيني هيج شمسوي هذا كل السويته علمود لأ تااذى وتكليلي ماتوقعت أنت هيج شبيه إني
سرى
هي صاحبه بنات ونفسها عزيزه ما تقبل احد يتصدق عليها بينما أنت شفت اكو ناس حتى تزوير مزورين البطاقة التموينية علمود ياخذون غذائية وهمه عدهم خير من الله وشفت يخلون قوائم على شئ ميسوا لأن عيونهم فارغه
وهي عمرها ما قبلت حتى تكول هذا الشئ عايزينه حتى لو فارغ بيتها
عمار
والله مادري اعرف كل إلي گلتي وأصلا لأن أأمن بيها خليتها يمنه أنتي متعرفين شلون احنه قبل
سبحان الله من اول ما تزوجت جانت من تروح لاهلها وتتاخر من تجي نسلم عليها وإني عن نفسي اتذكر جنت ابوسها مثل ما ابوس عزيزه
يعني حاليا اشوفها عزيزه أبد مابينهن فرق
بكيفج خليها اداوم بس راتبها زين
+
سرى
أي زين وهي من ال٨لل٢ونص زينه
وجهال صغار كلش خليها تنسى همها استبرق تهد حيلها من تبقى مكابلتها لأن استبرق صايره كتله بركان
استبرق
يعني شنو يمه اداومين بحضانه
خديجه
اي حضانه اطفال هم الينطونياه يفيدنه أنتي لازم اشوفلج مدرسه حتى تنجحين
استبرق
ما امتحن
خديجه
مو بكيفج لاتموتيني
استبرق والقرآن إني الاموت روحي إذا ضغطتي أكثر
بيا خلقه اداوم عساها بعافيتك حامد
خديجه
منا عمج ولج اششش خفه هالصوت
استبرق
اخفي ابقي اضغطي إلا اختفي من دنياكم هاي
خديجه تقربت منها وحضنتها
ولج يمه مالي غيرجن كافي قدر وصار تعايشي وياه.واني عندي فلوس شوفي شنو حابه تسوين إني حاضره مالازم المدرسه خلص من اليوم عيفيها سحبت نفسها وراحت
شنو أنتي زعلانه عليه
لو شنو
استبرق
بيوم عمي ضربني طردج ما بقيتي لأ طردج طلعتي وتركتيتنه صفا تصرخ وإني بيد حامد يسوحل بيه عبالج عندي شي وخليتيني بيده وهاج هذا السواه ماعدكم رحمه وأنتي وكفتي وياهم
لأن ما اشتكيتي عليه شنو يشك كصتي وتخلص ب إني رايحه ماخذه بناتي وطالعه
شأذاه ..... إني ووجهي المضروب
وهو ذاك هوه لهسه يتحكم بينه بس يدري بيج تشتغلين هم يسويله حجه ويخليج تبطلين.حامد مثل السرطان مايهد إلا يكتل
خديجه
معليج احنه هتا ببيتنه ومعليه بينه أنتي فكري شنو حابه شغله وإني اساعدج وهاي أفكار اموت روحي بعد لاتعيدينها
باشرت بالحضانه وعندي صار خوف على استبرق
قبل أخاف على صفا هسه صفا احسن
واجت الامتحانات وما قبلت تمتحن عرفت مراح ترجع للدراسه رغم عمار ومرته وإني حجينه وياها
بالحضانه اشتغل بس اتصل على فطومه تشوف استبرق صارت بلوه استبرق عليه لأن تعاند
استبرق
اليأس من حياتي هو المسيطر ماكو بحياتي شئ يغرحني ولا أكو روحي القديمة
چنت لو ميتين جوع ما اهتم عندي قوه جوعانين بس نفرح إذا تجمعت إني وأمي واخواتي
حالياً كارهه نفسي لوما كبرت احسن
ليش البنيه من تصير شابه تتخلى عليها ألف دائره وخط
يحاسبون على مشاعر حتى ما معبره عنهن
لأ كلت عندي حتى اعجاب بذا النون بيا حال إني وركبو براسي تهيمه
وارجع الكا حامد كله منه السبب هو ومرته
اوصل إلى نهايه مسدوده شنو عيشتي أو لشنو عايشه
حاسه إني مأذيه أمي شحصلت امي مني
خديجه
بالحضانه چنت مشغوله واشيل وانظف أول ساعات الدوام
واجت ام طفله خلت بنتها وانطت غراضها سألتني أنتي شتكون منج سجا
كلتلها اخت زوجه حماي طلعت تعرفها
البنيه تشتغل بالمستشفى
بقت توصي فدوه بنيتي هاي صار اربع سنوات يلا اجت ديري بالج عليها
وطلعت فلوس تريد تنطيني دفعت ايدها
لأ حبيبتي إني هنا اشتغل وميصير تنطين فلوس بعد إني اداريها بما يرضي الله معليج روحي
+
راحت ومشت ايام نوعاً ما هدوء رغم تعبي النفسي صار من استبرق لازم بالحياة شي يبقى هم على بني ادم
لكن تقربت منها واحاول اساعدها تطلع من ازمتها النفسية
ام رقيه الي طفلتها عندي
صارت علاقتي بيها حلوه
لأن بنتها اشوفها حيل قلقه عليها وتسولف هي وزوجها يشتغلون بالاداره مال مستشفى العام
اجت اليوم كالت اريد احجي وياج
تفضلي ام رقيه
ام رقيه
شوفي إني عيالي اكيد سامعه بيهم
بيت الغانم
خديجه
أي إلي بالاطراف أهل البساتين والنخل صح
ام رقيه
أي همه بالضبط
عمي عنده ثلاثة نسوان وإني زوجي ابن الوسطانيه
بيوتهم اربع وعشرين ساعه خطاطير وعمي منگول للطلايب والعتبات
وبصراحه
كالو نريد ناس ثقه بس بالعزايم يبقون على ايد الطباخات عدهم يطبخن بس يردن شلون ينضفن يغسلن البيوت
وزوجه عمي الجبيره هي ام البيت ماتقبل بغربه إلا احد يكول من طرفي حتى يتكفل اليجيبه
وأنتي سجا تحمد بيج وشفت أنتي أولى وخاصه عندج بنيه شابه تساعد وياهم
شوفي وضعج وهو أكثر وقت يحتاجونج بيوم الجمعه وايام الچبس والتعنيگ مال التمر
خديجه
ما انطيت جواب بيت الغانم سامعه بيهم من حامد لأن دوم يروح لهم
كلت خاف يسمع وهم يبقى ينعثل براسي
رجعت للبيت وإني اسولف وي نفسي
سولفت لسرئ لأن سجا اختها وام رقيه صديقتها
سجا بقت تحمد بيهم وتكول إني رايحه لبيوتهم ناس محترمين ويقدرون وشكو بيها هسه تروح وتشوف ام استبرق
متحس هي تساعد لأ عدهم كرم واخلاق
سرئ
إني ماكدر اكلج أي او لأ قناعتج أنتي
صعدت ومثل كل يوم استبرق حتى الفراش ماتشيله المواعين بمكانهن الغرفه مگلوبه
صرت اخاف اكللها كومي نضفي
جوابها المعتاد مابيه حيل
ماكدر وعمار جاب تلفزيون وستلايت بس تكلب بالقنوات وترجع تعيدهن وهاي صايره قصتها حتى ما تطلع من الغرفه
سولتلها على ام رقيه
كعدت
استبرق
تروحين لبيت الغانم شنو يمه أنتي صدك لو شقا تحجين
خديجه
ليش
استبرق
إني ماا اصدك تصير الجمعه وتبقين بالبيت لأ يمه مانريد
خديجه
هي بس جمعه اروح اشوف الوضع إذا ما ولامني ماروح طاكاتنه بعصه النحصلهن
جنه نسوي كبب وكباب عروك كومه لما تتكسر ضهورنه واخبز لحد ما توكف چفوف ادينه بتفاليس ربحهن هسه هاي تكول ام رقيه زينين وهو كله شغل
استبرق
والله يمه مادري بكيفج
خديجه
أجرب وأشوف وكلت لام رقيه هاي الجمعه اجي
وحتى عمار كتله أول مرة رفض بعدين كتله اليوم أشوف وبعدين اقرر هم ما انطي كلمه
على عنوانهم رحت
بالباب لكيت سياره وبيها رجال كاعد سلمت عليه
كال افتري من ذاك الباب هذا باب الضيوف ومناك باب العائله
افتريت الباب اصغر دكيت الجرس فتحه هم رجال تفضلي منا الباب
اباوع البيت بعيد عن الأرض چبيره كلش
دخلت من الباب الاشر عليه
وام رقيه كالت من توصلين خابريني خابرتها كالت فوتي احنه جوا
دخلت لكيت المطبخ بيه نسوان بكدي واكبر واصغر اجت ام رقيه ودخلتني يم مرا جبيره بالعمر لابسه نضارات بس حلوه وسمينه واديها مليانات بتوت
ملاوي سلمت عليها
ام رقيه كالتلي هاي ام جهاد
سلمت عليها الضاهر ام رقيه مسولفتلها عني
بس لهجتها غريبه
ام جهاد
تعالي ول اميره
اخذي المرا وانطيها مواجيل وبعدها نسولف معاها
خديجه
لأ شبعانه
ام جهاد
لأ تعارضي چلمتي
يلا يبنيتي
خديجه
رحت وي اميره دخلت بغرفه بيها كناتير وتعاليك كالت علكي عبايتج محد يجي هنا بعد
جابو سياح وگيمر عرب وحليب وزبد ودبس
كالت اكلي زين لأن ورانه شغل
اكلت شويه
وكمت رحت لنفس مكان ام جهاد ام رقيه بعد ما شفتها
بس اميره وياي
ام جهاد
اكلتي يمه
خديجه
الحمد لله نعمه دايمه عليكم
ام جهاد
شوفي يبت الاطياب اريد شرب جكاره شكو فافونه تتلمع بماي دافي ومجلايه
وتنشغنها على الشمس
منا وهيج يوصل الطباخ
تخلصن من الفافونات وتجني
طلعت إني واميره جدوره كبار غسلناهن وخليناهن على الشمس مثل ما كالت ام جهاد
رجعنا لكينه المطبخ مليان اكياس كبار مال مخضر ولحوم وهوسه
ام جهاد
يلا بناتي
عزلنه وابدن خلن كلشي بمكان
خديجه
علمتني اميره
شلون نصفي المسواك
ونغسل ونشيل ونحط نسمع اصوات بس بنات ونسولن جوه بس ما دخلت إني
كعدنا على تخته جبيره خلو گونيه بصل وبدينا نقطعها مربعات صغيره من شغله الشغله كملنه هواية
واجه الطباخ محضريله كلشي احنه إني واميره
اجت اميره جايبه ماعون فواكهه كالت استراحه اكعدي اكلي كعدت شويه واكلت
وراها
بدت الناس تدخل نسوان لبسهن وعطورهن وبسيارات يدخلن جوا وياهن السواق يوصلونهن
ترحب بيهن بنيه بعمر سرى شابه نهاية العشرينات
وتفوتهن جوا
واحنه إني واميره بدينه نسوي الضيافه
بقلاوه وكل انواع الحلويات بمواعين وتاخذهم البنيه
صار الغدا وكمل وتغدو
اجت ام جهاد
سألت وين خديجه
اجيت يمها اميره بيدها ثنين جدوره
وعلاكه جبيره
ام جهاد
أخذي بنتيتي غدا بنواتج
خديجه
خلت ايدها بجيبها طلعت ضرف كالت هاج يمه أن اجيتي مرت الثانية حياج وبياج وان شفتي شغل بيتنه تعب هذا البيت مفتوح شتحتاجين تعالي
هذا حك شغلج
وهاي للبنوات ما ع راسهن اخو لو ابو تاخذينهن واشلع رمش عينج اذا ترديني
+
خديجه لأ حجيه م
بعدني ممخلصه الكلمه
ام جهاد
ماميش اسمه مااا محد كال لام جهاد لاله
راسي يضجر عليه من سوالف الحريم الاجت يلا روحي تزهبي وامشي لبنواتج كبل لأ تحومر الشمس يلا
خديجه
طلعت ماتخلي أحد أصلا يناقش اميره اشرتلي محد يكللها لأ زلم محد يعارض تعالي
اخذت الجدوره والعلاليك ماشفت شنو بيهن أصلا
وصعدتهن بسياره
كالتله تعرف وين مو
كاللها أي
شنو اميره وين اصعد وياه
وين يندل
اميره
يعرف من ام رقيه رادت تجيبج عرفوا وين ساكنه بس عنوانج ترا ما عرفو كلشي عنج
خديجه
بس إني ما اصعد بسياره غريب
اميره
هذا سايقهم شنو قصتج كلنه يوصلنه
خديجه
ما اكدر
اتصلت على ام رقيه
عيوني إني ماريد اصعد بسياره عيالج
أم رقية
لحظه طلعت إني
اجيت ها ام استبرق ليش ما يوصلج ابو سعد
خديجه
لان ما أصعد بسياره وي رجال
أم رقية
تمام هسه روحي اميره كولي لهديل هي وبناتها يرحون و أبو سعد
خديجه
طلعت مره وبنات صعدو كالت ام رقيه يلا روحي
مضطره صعدت
مشت السياره بينه تقريبا الطريق الزراعي خلص على الشارع العام وشفت حامد يم واحد عنده سياره بيكب الضاهر شافتي قبل لأ اشوفه لأن لكيت وجه بوجهي من صرت قريبه عليه التفتت على غير جهه
وصلت للبيت
نزلت الاغراض
ولكيت سرئ منزله استبرق وصفا يمها
وعمار والجهال كلهم ساعه٢
سرى
قبل شويه خلصنه ريوك
خديجه
وإني جايبه غدا
عمار
فد شويه نتغدى خلو هسه
خديجه
دك تلفون عمار واحنه بعدنه نفتح بالعلاليك
عمار
ألو
أهلا ابو شكر
حامد
وين جانت مرت اخوك بسياره عاليه
عمار
ام استبرق طلعت وگايلتي وتشتغل
حامد
ششتغل بهاي السياره لاتخليني اجي انعل عشيرتك مو كلت لانوصل بيتي وكاعد ومنچب شنوووو بسياره تفتر خديجه
عمار
جاي افهمه وحجت خديجه
خديجه
عرفت مراح يسكت كلت خل اسكته إني شيبررله عمار مراح يسكت
كتله انطيني التلفون
شتريد حامد
حامد
أنتي إلي شتردين
خديجه
شعليك بيه صاعده بسياره صاعده بطياره شنو ولي عليه وصي عليه
أمري بيدك
حامد
عفيه بعد بعد جااااااوووووبي شعدج بالسيارة
خديجه
شعليك مني بناتكم بببت عمهن ولا شفتهن وياي اطلع اطب اصعد سيارات معليك ماا رديت التصعد سيارات الضباط
سد التلفون بعد ما صاح
عقوبه والله عقوبه ذنوبي أنتي بلائي وبلوتي
استبرق
أمي اجت ميته تعب تسولف عن شغل الشتغلته وهي عيونها موزينات مكطعه كونيه بصل
وتشتغل وغاسله مواعين كومه
ضجت وانوب تبرر لحامد
خليتها تنام
واتصلت على العلويه
حين يأتيك الحزن متواليآ فأعلم
أن الله أحب أن يقربك فأمتحنك واراد منك النجاح ..كي يكأفئك
حين يكرمك ذؤ مرؤئه يسعدك
فكيف بربك الخبير أن اراد أن يجزل بالكرم عليك ؟؟؟؟!