 |
رواية بيت الخبازه الفصل الثالث والعشرون 23 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه .......#بارت٢٣
اشنق شوقك لمن شارك في اعتقال حريتك بحجج الحب.ب قلمي✍️
استبرق: أمي طلعت وإني بقيت اصرخ وراها يمه تعالينه لا ترحين وعمو هد يصيح بوجهي انچبي ادب سزز يدور بالغرفه أخذ التلفون التفتت لكيت صفا تبجي وانزوت ورا التخم وعمو وايمان مستمرين عرك وعياط وكملتها اسماء زوجه واثق نزلت تعيط يوجهي تكلي شهرتنه بس بيت الداود ترملت عدهم مره شويه ودخل سيف الضاهر خابره عمو حامد
اجه لكاني املخه نفسي وعمو سحب راسي وضربه على الحايط بيده التلفون يدور بالارقام وي دخله سيف ضربني احس حراره بگصتي
سمعت صرخه صفا
وعمو كعد واشر لسيف اخذها إني حسيت دخت وجهي بس بلل شنو سحبني سيف
مشاني وسحب كلنس وخلا على وجهي
ومشى كعدني بس صوت صفا ولا سكت او هدأ تصرخ خايفه
عرفت وجهي بيه جرح قوي أن شفت بيد سيف خيط وعليه التعقيم وإني بديت اصرخ وصفا تصرخ وياي
سيف يريد يهدأني
سيف
دخلت البيت
صاير ياستار يخوف صريخ ابوي على استبرق كل الفهمته يكللها وين رقمه اليوم احرگ اهله
وهي تكمز مااا عندي اله رقم من ما لكاه اجه أبوي سحبها على حافه الحايط راد يحول وجهه اله صار بالحافه انطبرت گصتها وشويه من حاجبها وبده الدم صار نافوره ركضت سديت الجرح واريد اخيطه ردت اهدأها ما سكتت وتعيط يمه
اريد أمي وج يمه تعاليلي أنوب من شافت الخيط انجنت صحت تعالو يمعودين
استبرق اترجاج اوكفي خل اخيط الجرح اصبري
وهي تصرخ عيفوني حاله هيستيريا صارت
عطت تعالوا اكمشوهاا
اجه أبوي حسيته من شاف الدم صار عنده رده فعل وعرفت هو ما قاصد يضريها بس سحبها قوي افترت وصار وجها لحافه الحايط همزين مو بعينها
لزمهاا أبوي حيل
بديت اخيط الجرح احتارت شنو تغلط علينه
لحد ما تركتها وكفت وأمي بالباب
التفتت على ابوي واستبرق دارت وجهه على الحايط
هذا أنت بويه تسمع واستبرق وكلكم إني ما اعقد على استبرق
شوفي بت عمي إني ابن عمج واخوج بس مال اعقد عليج غصب محد يغصبني كافي اهداي
طلعت اسمع انين بصوت مخيف
اجيت لكيت صفا صايره خشبه وواكفه اديها ورجليها وتعوص
سحبتها
خديجه:هسه تحجون كلشي اخوكم هناك يتهمني كو..... ويتهم بتي عاشكه طردني وإذا ما تحجون اسوي شئ محد مسويته
واثق متزوج خلود معليه بيهم خلي حامد يشوف اخوه إلي يكلي يراقب ويتابعها ماشاف شي عليه عمار وأنت رشيد ياااامااا مريتو باشياء وگفتلكم وإني ماريد منكم هسه توكفولي اريد تحجون شنو رائد التروحله شنو واثق متزوجهاا
رشيد:سولفتلها وردت اكلها واثق نيته يأخذ الكاع الكم
خديجه:معناها اخوك يدري حامد يعرف والا بس اخباري يعرفها
ساكت لخلود ومگابلني يتحكم بيه
تودوني لو اني اروح وحدي
رشيد: استغفر الله أم استبرق نكول أنتي العاقله
خديجه ؛لان عاقله راح اخذ قراري
مشينه لبيت حامد إلي طردني
وسرى مشت وياي تهدأ بيه
دخلت للبيت ماكو احد بس أسماء وإيمان واكفات بالمطبخ شافني وسكتن صاحت
ايمان
اها لفت راح تسويها بس هي وبس ها كلولح واجيتي تركضين هاي أنتي سرى كلتيلها
سرئ
شنو الموضوع ام شكر
اسماء
يعني متدرون وجايات هسه لشنو
خديجه
أنتي اخر وحده تحجي
وأنتي ام شكر وين رجلج
ايمان
غير مصايبج ما تخلص ركض ببتج انصرعت مدري شبيها
التفتت اجت استبرق
استبرق:سمعت صوت أمي ما خلوني اروح وي صفا وعمي وسيف بقى سيف يصيح الله اكبر البنيه مدري شبيها
خبلتو البنيه
اخذوها سيف شالها وعمو حامد ورا يركض
خديجه
يمممه شبيه وحهج
استبرق
عيفي وجهي يمه يمه صفا راحت للمستشفى مدري شبيها
خديجه
وجهههج شبيه يمدهوره
استبرق
عمو حامد ضربني
يمه صفا صارت زرگه تخوف إني احسن يمه
سيف
شنو دكتور الوضع شبيها
الطبيب.
أنت تفهم النوبات الكهربائية التصير بالدماغ هي نوع من انواع الصرع
لكن مو صرع دائم إنما هي نويات بسبب ضغوط نفسيه تبقى تبعث الخلايا العصبية للدماغ كهرباء يتشنج الجسم
يعني أن شاء الله تصير افضل لأ تعرضوها لضغط نفسي هي أصلا حساسه
وخاصة إلي يصيرون البينو مقاومتهم للضروف اقل من غيرهم معاملتهم تكون بحذر
خديجه
دخلت للمستشفى واردم وياي سرى وعمار
شفت بوجهي سيف لزمت بيه
عمه احجي عمه اغديلك فدوه يمه
بنتي شبيها شبيها سيف احجي
سيف
والله عمه تشنج بسيط خايفه من الصوت يمكن والعراك وخلص ضربوها ابره ومغذي شويه وتطلع
اجه من بعيد حامد
سيف راح يم طبيب يعرفه وإني وصلت ل حامد
حامد
گايلج اني أنتي عقوبة ذنوبي
خديجه
يااااعقوبه تقصد منهن تفرش السوالف ونتحاسب تريد
صاح منا مستشفى
حامد
صوتج امشي ولي برا نحجي
خديجه
مشيت بعد ما دخلت على صفا وشفتها
وتاكدت صايره احسن
يمه صفا يمه شلونج يمه
صفا:يمه لاتروحين وتعيفينه حتى لو طردج عمو يمه خفت اليوم حيل
يمه استبرق وجها انترس دم
خديجه:,مااا اعيفج يبعد امج وگلبها إني يمج حبيبتي
بقيت احلف بالطبيب كال أمي زينه بس وصيت سيف عن إلي لازم تسوو
طلعت برا
وحامد يدردم
حامد
إذا اكو مصيبه فهي بسببج بنيه تايهه تسولف يالتلفونات وخليتي صوتنه يطلع لابارك الله بيج
خديجه
باقي تلفق على بنتي لأ سمعت ولا شفت بس تضن سوء ضن على الضن ضربت بنتي وشكيت وجها على هاي عنجهيتك أنت مرتك اصيحون وخليتو بنتي تتعارض
وهذا وتكلي بسببج بعدك
تعرف شي
هاي ثورتك عليه
لو مخليلك ربع وقتك إلي باقي تعصر بينه إني وبناتي وشايف مرت اخوك الشريفه
حامد
اوووووو ردينه على خ....ه اخوي
خديجه
لأ هاي مثقفه ودارسه ميصير نحجي عنها هاي شريفه من سياره لسياره ومن زواج لزواج وأنت نايم لحد ما اخوك متزوجها وانت تريد تقنعني متدري لأ والله تدري وانتم كلكم بس الخيانه والذل والتعصب يمشي بدمكم
إلي عشت وياه
جان مقشمرني بكلمه احبج وماريدج تروحين ولا اطلعين يريدني مغمضه
وأنتم خليتوني بسجن حتى ما اشوف خيستكم بس ربك يمهل ولا يهمل
حااامد
يووووواش يوواششسج
شنو اخوي شنو من سياره لسياره
هالحجي منين جايبته
خديجه
اسأل اخوتك كلهم يدرون شنو هالتمثيل تريد اصدكك لأ والله انت تدري وساكت
والدليل مرتك تكفخ بينه وتسوي نفسك ماتدري
اجه سيف وحامد أخذ التلفون وبقى يتصل
إني سالت سيف تكدر تطلع هسه صفا كال أي
عمه اريد اتعبك
سيف
عمه إني وليدج شنو اتعبين أمري
خديجه
نمر على البيت ناخذ استبرق واروح
عاط من يمه وووين
خديجه
اسكت حامد لهنا وخلص مو من احتركت استبرق كلت ما حافضتي عليها
هاي أنت تكلي ما متعمد اضربها
والنتيجه وحده تعمدت اولا مخليها بالصاله وتحرك بكلبها وانوب انضربت او ضربتها هي هسه وحهه انضرب شنو سويت ماحافضت على بنات اخوك.وهاي من صوت العراك وخافت من شافت اختها
تخربطت يعني انت هم مو أمين عليهن
روح ذيج مرت اخوك ذني من اليوم بناتي وبس مالكم بيهن
وهااا ماطول هذا ابنك هم اجه
تعال سيف بنتي لأ الك ولا لذا نون ولا لأي وأحد من هالعشيره المصخمه ومالك بعد ببناتي حامد وإلا وتراب مزهر السد خان افرج عليكم امه لأ اله الا الله والمستحه والعيب الجنت لازمتهن اضربهن عرض الحايط واشهركم والله اطلع خيسه مرت اخوك ام الضباط والسيارات ام الزواجات دير بالك يا حامد بعد تندك بيه مااا اكلت إلا بشرف ولا سويت العيب والدليل لهسه يخابرون جيراني عليه لأن خليت اثر محترم
طلعت وسرى وعمار واكفين لأن عمار سحبه حامد وسرى واكفه كلتلها امشي ويانه أنتي مالج ذنب روحي لبيتج
بقت تلح تمشين لبيتنه
+
لأ سرى عمار ولاتزعلين اخو حامد وحاجم والباقين كلهم نفس الطينه
خليني امشي عليج الكفل زينب لأ تحاجيني ولج وحده متعارضه والثانية شاك كصتها شسوت شنو لكيته ساطي عليها شلكيت شو ابن واثق يدخل ولد وكلف نقسه زينه صفر وكعده بالبيت يومين
وهليتعاركن تريد اسماء تزوجه وكأن كلشي ما سوى
دخلت لكيت استبرق واكفه يالكراج سحبتها الغرفه
شوفي لمي سلاباتنه دقيقه وحده
وامشي وهناك احاسبج همزين ما بابعين الغراض للدوار نرجع للبيت بس لاتفرحين ما اخليج مكابله ذا النون
ابعدلج من نجوم السما بعدين الحساب
رجعت للبيت
وإني مهدود حيلي وادعي عسىى نارهم تاكل حطبهم سيف وصلنه ووصل سرى
وإني كاعده واباوع على بناتي
بچيت لما احس رأسي بده ما احس من الوجع بيه عيوني طفت
حامد
تلفون واثق ليش مقفول فهموني
جيبلي هسه من جوا الكاع واثق لا ترد بدونه . ألو رشيد وينك الف مره خابرت تكلي بالدرب وييينك لخاطر رسول الله
عمار
ماخليت مكلن ما لگيته
رجعت لبيت خلود دكيت الباب الف مره مقفول غربت وبيتها اضلم شسوي بلله
رجعت بباب بيت حامد شفت ميثم ابن حامد وعزيزه نزلو من التكسي وياهم طفل ليل منو هذا وصلت
فضل ابن حاجم
هلا هاا عزيزه شجاب فضل عندج
عزيزه:خلود جابته كالت خلي يمج عندي معامله بمحافضتي واخذت انمار وراحت
عمار ؛كملت
هم شايفه واثق اليوم
عزيزه: لأ وين شايفته
حامد
دخل رشيد وبقى بسولف وإني اهد اريد الزمه اموته
هذاااا كله هذااا كله واخوك الساقط السفلي ليش يتصرف من راسه شنو يتزوجها شنو كاع ياااا كاع وهي گ.٠ح....
ولكمممم حقها بت مزهر تعيرني
نزلت أسما
بقت تعد وتصف يتزوج عليه هاي الحربايه
عطت اشششش يجي واثق وعاتبه هذا الفالحات بيه
لليل وماكو واثق دخلت عزيزه وياها فضل
تعالي شكووو
عزيزه
اجت خلود كالت خلي فضل يمج عندي معامله بمحافضتي وراحت جابت هاي جنطته وبس
خديجه
اخذت التلفون من جنت ببيت حامد اخذته من سيف
ممنوع استبرق تلزمين التلفون ورجعتي لسواياتج وي أبو معمل الخشب فهمبني شسمع عمج
استبرق
وروح مروه هو يحجي وياي بس ما كايلته شي ولا هو كال شي مو زين يشفق عليه بس من احتركت صار يسأل عليه يعني مو مثل ما ببالكم
خديجه
ولج تردين تموتيني استبرق صيري صادقه شردتجن من ايد حامد
استبرق
يمنه يمه من راحت مريوه بعد مااااا اغلط ولا سويت شي شتردون مني انتم الله يالله
خديجه
لعلمج هنا هم ما نبقى
استبرق
وين نولي هالمره ماضل بعد كرايب من خوال او عمام
خديجه
الله كريم
بقينا اسبوع وسرئ تسولفلي عن حامد والولد
سرى
يومين يلا لكو واثق جان لاحك خلود
وما لاكيها بايعه كل غراضها
ومخليه بجنطه فضل رساله
لواثق تكله إني مو غشيمه حتى تريد تأخذ كاعي والكاع هي من فلوسي وفلوس زوجي بحياته ومن رضاته
إني مو خديجه ادمغون عليه البينه فضل
خل عزيزه تربي ماعدها جهال
خديجه
يمهل ولا يهمل وما اسامحهم ولا اسامح إلي اذئ بناتي واذاني
اتصلت العلويه وجانت على تواصل وعرفت كلشي
استبرق
صار شهر...والطبره بوجهي صار هم اثر وحاجبي انگطم كلما اشوف وجهي احقد على عمو حامد أكثر وأكثر
اليوم اندك الباب
أمي صارت نادراً ما تطلع كله بالبيت
صارت اداري بينه تصرف من الوديعه أعرف لان انطت الايجار وعرفت زايد الايجار وعمامي جانو يدفعونه
سمعت صوت عمو حامد الاجه
بعده برا سمعت أمي تسأله شتريد حامد
حامد
اريد اتفاهم وياج
خديجه
تفضل
حامد
البنات شلونهن
خديجه
بناتي زينات
حامد
ابقى هنا واحجي
خديجه
أي احجيهن الكلمتين الجاي عليهن وخلص
حامد
إني عم البنات ومن حقي
خديجه
قاطعته لأ مو من حقك إني خلفت وحملت وربيت وكبرت وسهرت
على اسمكم شوكت ما يجون يكلولك بالعرض لولا تعال هم شك گصص واضرب واغلط واستعر
حامد
مجاي اعاتب واتعاتب
جاي أعرف أريد اخباركم
خديجه
عايشين ونعمه من الله
حامد خديجه
خديجه نعم
حامد لو شنو تسوين وشيصير يبقن بنات أخوي
خديجه
التريده شنو فوت شوفهن واطلع
حامد
لكبتلكم بيت تشيلون من يم بيت أبو غني
خديجه
وإني ما امشي بكيفك
حامد
شوفي بس هالشهر وتفرغين هذا البيت
خديجه كال هالكلمتين وراح
ورا اسبوع اجه أبو البيت كال اريد البيت فرغوا
اتصلت على حامد
أنت توز أبو البيت يطلعنه خوش
يا حامد
شوف شنو قراري وع عنادك ما أخذ البيت الكلت عنه
وراح اشوفك شسوي
حامد
شسوين
خديجه
معليك
