رواية كدبه لا يمكن التخلص منها الفصل الثالث والعشرون 23 بقلم حنان أحمد

 رواية كدبه لا يمكن التخلص منها الفصل الثالث والعشرون 23 بقلم حنان أحمد 

الفصل الثالث والعشرون

وقفنا لما البنات نزلوا ل امير ومراد أو نقول الاميرات كان كل واحد من ابطلنا مبهور بجمال اللي بيحبها فكان امير باصص علي ملك ومش قادر يشيل عينه من عليها وكذلك مراد اللي باصص علي حياه بطريقة هي اتكسفت منها واخيرا مراد اتكلم وقال: ما شاء الله ايه الجمال ده كله ومسك ايديها وباسها وهو باصص في عيونها وهي اتكسفت و ابتسمت وقالت: شكرا

بعدين مراد بص علي ملك وازاي امير بيبص لها وهي مكسوفه من نظراته وهو مش عارف يتكلم ويقول لها انها جميله لأن ببساطة هي زعلانه منه ف قاطع الصمت ده مراد وهو بيكلم ملك: ما شاء الله يا ملك جميله

ملك ابتسمت بكسوف وقالت: شكرا يا مراد بيه

مراد بضحك: لا مراد بيه ايه ده احنا حتي زملاء في سكن يعني مراد احسن

ملك بضحك: خلاص مراد مراد 

مراد: طب ايه يا جماعه مش ناوين نمشي ولا هنقضي الليله هنا 

امير باستعجال: لا يلا علشان انا ورايه مشوار مهم 

ملك كانت عايزه تسأله مشوار ايه ده بس سكتت لانه مش من حقها تعرف المهم مراد فتح باب العربيه من وره علشان حياه وملك يقعدوا وابتسم وبصلهم وقال: يلا انا اشتغلت سواق انهارده علشان خاطركوا البنات ضحكوا وحياه ركبت الاول بعدين ملك وقفل الباب امير فضل باصص له ف مراد بإستغراب: ايه في ايه؟

امير كشر بهزار: مش هتفتحلي الباب انا كمان 

مراد: افندم وهنا عرف أن امير بيهزر معاه ف قال: اركب يلا خلينا نخلص يا اما شوف مين هيساعدك انهارده 

امير: لا اركب انا طب تحب اسوق انا يعني علشان اريحك أو افتحلك الباب انا معنديش اي مشكله خالص

مراد وحياه ضحكوا علي منظره ومراد قال: اركب يا أمير يلا 

وكل ده ملك مش فاهمه هل مشوار انهارده مهم اوي لدرجه دي او يمكن حب وحده تانيه العربية اتحركت وهي بتفكر هل فعلا ممكن يكون حب وحده تانيه واو مشوار عمل بس مستحيل امير يكون مستعجل علي شغل ف هي قاعدة حيرانه وفي نفس الوقت مش عارفه تسأله لانه مش من حقها قاطع تفكيرها رنت تليفونها بصه لحياه وضحكت وقالت: ده انور 

حياه ملحقتش تستوعب غير لما ردت عليه واتوترت جدا لو ملك اتكلمت وقالت له حاجه عن سلين أما عن أمير ف كان هيموت من الغيره 

ملك بفرح: انور ازيك عامله وحشني اوي 

انور: وانتي كمان يا ملوك وحياه كمان وحشاني

ملك بابتسامة: اممممم وحشاك استني افتح الاسبيكر هي جنبي 

وفتحت الاسبيكر ف حياه حالوت تلطف الجو وما تسمحش ل ملك تتكلم في حاجه ف قالت: لا لا لا انور بيه بيتكلم بنفسه مش مصدقه

انور بضحك: طالما قولتي انور بيه يبقي مدايقه 

حياه بهزار: اديك عرفت لوحدك يا حبيبي ما تتكلمش معايا بقي 

انور: طب هو انا اطول حياتي تدايق مني أو مكلمهاش 

حياه: على فكره الكلمتين دول مش بينفعوا معايا 

انور بضحك: طب ما انا عارف المهم يا وردتي انا نازل اسطنبول خلاص يعني 

ملك: واخيرا هتنزل أمتي 

انور: ممكن بكره بس مش عايز حد يعرف

حياه: اممم خلاص سرك في بير يا برو 

ملك افتكرت: تعرف أن حياه قالت لي انك هتكلمني انهارده بس ثانيه وقالت

حياه قاطعتها وقالت: قولت كمان انك نازل انهارده يعني حسيت 

ملك استغربت ليه قالت كده ف سكتت ولما يخلصوا المكالمه هتسألها 

انور بضحك: ايوه ما انا عرف اساسا مفيش غيرك يا حياتي اللي بيفهم عليا 

حياه ضحكت: ايوه امال ايه

كل ده ومراد هيتجنن وحاسس أنو عايز يمسك التليفون ويكسره ميت حته ولو شاف انور ده ادامه ممكن يقتله ممكن ايه ده هيقتله وامير ميقلش عنه بالعكس بس ماسك نفسه وبيقول بينه وبين نفسه أنه بعد ما يعترف ل ملك بحبه هيعاقبها علي اللي هي بتعمله ده 

حياه: صحيح يا انور انت كلمت نونا وقلت لها انك جاي 

انور اتنهد: لا يا حياه ومش عايز حد يعرف أن جاي خالص غيركم انتوا بس ماشي 

ملك بإستغراب: ليه 

انور بضيق: بعدين يا ملك بعدين أما أنزل اساسا هو اسبوع وهرجع تاني علي أمريكا

حياه حست بضيقه ف قالت: خلاص يا انور أما تنزل نتكلم بس عارف لو ماتكلمتش 

قاطعها انور بضحك: عارف عارف خلاص متقلبيش حياه ابتسمت وهو كمل: انا لازم اقفل علشان في شويه حاجات هعملها هنا قبل ما اسافر 

ملك: خلاص ماشي نتكلم لما تنزل 

انور : طيب ماشي سلام يا ملوك 

وقفلوا مع بعض كان ساعتها مراد خلاص وصل ف قال: يلا وصلنا 

ونزلوا كلهم من العربيه واول ما نزلوا كانت عربيه ليلي وصلت برضو و كان معاها مهند واضيقت لما شافت حياه وملك مع مراد وامير راحت عندهم وقالت: انتوا لسه جايين ولا ايه 

حياه أضيقت لما شافتها وحست بالغيرة لانها عارفه ان ليلى بتحب مراد فهي ردت عليها وقالت: مش باين علينا ولا يا ليلي هانم اكيد مش جانا وهنمشي دلوقتي صح ولا ايه 

مراد ابتسم من ردها لانه فهم كده أنها غيرانه عليه وليلي اضيقت من ردها وكانت هترد بس امير اتكلم وقال: مش وقت كلام انا ورايه مشوار مهم جدا بعد ده ف يلا 

مراد ابتسم وقال بخبث: مكنتش اعرف انك هتحي المشوار ده اوي يا أمير وغمز له 😉

حياه ضحكت لأنها فاهمه قاصده وامير رد: تصدق ولا والله بس بقولك ايه هتستر عليا انا مش ناقص دينا هانم تطلعها عليا 

حياه بضحك: لا متقلقش لو هو مسترش انا هستر 

امير بص لها وضحك وقال: هو انا قولت لك قبل كده اني بحبك يا حياه 

حياه بهزار: لا لسه اول مره 

امير بهزار برضو: يبقي بحبك يا ريتك كنتي اختي بدل البارد ده 

حياه شهقت بهزار: اده هو انا مش اختك 

امير بضحك: لا يا حبيبتي وحضنها

مراد بغيره: يبقي خليها تنفعك 

امير بصله وقال: هتنفعني يا مراد وغمز له 😉 ومراد فهم قصده ملك كانت مدايقه من اختها ازاي تكلم امير بطريقه دي وتهزر معاه وهي عارفه هو عمل معاها ايه وبرضو مدايقه هي تعرف هو رايح فين وهي لا وحست أنها مخنوقه دخلوا جوه كان المكان جميل كانت فيله كبيرة بس الحفله في الجنينه والجنينه تحفه بسين عل ورود علي أشجار زائد الاضواء فكان المكان جميل جدا

حياه بانبهار: المكان جميل اوي والحفله شكلها تحفه

مراد ابتسم علشانها و ملك بنفس الانبهار: ايوه معاكي حق امير برضو بصلها وابتسم وعرف أنه اكيد هيعجبها اللي عمله 

ليلي بتكبر: اكيد هيعجبكم الحاجات البسيطه دي لانكم ما شفتهاش قبل كده فاكيد هتنبهروا بحاجات صغنتوته زي دي

مراد وامير اتضايقه من ردها ومراد كان هيرد بس حياه اتكلمت وقالت: ايه ده ليلى هانم هو انا ما قلتلكيش

ليلى بضيق: ما قلتليش ايه

حياه بابتسامه مستفزه: اصل احنا شفنا الحاجات دي كتير بس انا بتكلم على شكل الورود اه ما انت ما تعرفيش اصل انا اسمي حياه كايا يعني من عيله كايا لو تعرفيها اللي في ازمير العيله الكبيره المعروفه هناك دي بس احنا للاسف قعدنا هنا في اسطنبول وكم واحد هنا ما يعرفناش بس انا بعرفك بنفسي يعني انا شفت الحاجات دي كتير وحفلات زي دي بس انا بتكلم على شكل الحفله هي مش حلوه برضه ولا ايه

ليلى بضيق من ردها وهي عرفه عيله كايا واد ايه هما معروفين بس متعرفش أنهم من العيله ف قالت: لا اكيد حلوه 

هنا دخل عليهم سليم وسلم على ليلى ومهند وامير ومراد وملك وجاء عندها حياه ومسك ايديها وبسها وقال لها: شكلك تحفه النهارده

مراد غار وكان عايز يضرب سليم بس يتحكم في نفسه وسليم دخلهم الحفله وتعرفوا على بقيه رجال الاعمال بعديها بشويه اشتغلت اغنيه مهند خد ليلى ورقصه سليم كان هيرقص مع حياه بس مراد بصله بابتسامه مستفزه: وقال له معلش اصل هي هترقص معي يعني واخدها وراح رقص وهي مذهوله من اللي عمله مراد شدها عليه وبص في عيونها وقال بهمس: ما تستغربيش كده بس انا اكيد مش هخليكي ترقصي مع حد تاني غيري

حياه كانت فرحانه قلبها بيدق بسرعه واكتفت ان هي تبتسم اما عن سليم فكان رايح يرقص مع ملك بس امير خدها وشدها عليه وهي استغربت فقال لها اكيد يعني مش عايزه ترقصي مع سيليم بيه ولا ايه 

ملك بصيت له وكانت عايزه تقول له انه ما لوش دعوه وانه يسيبها بس ما قدرتش رقصه كلهم في فرح وسعاده وقلوبهم بتدق لكل واحد فيهم بس ما اعتقدش مهند وليلى قلوبهم بدق اعتقد فيهم كره بس الرقصة خلصت امير بعت رساله حياه ففهمت وهو مشي وملك شافته كنت عايزه تقول له انت رايح فين بس اتراجعت وسكتت حياه اخذت ملك وطلعوا بره وكان في عربيه مستنياها فملك باستغراب: ايه العربيه دي

حياه: ملك ما تساليش انت اركبي وانا هاجي وراكي

ملك: هو ايه اللي ما سالش يا حياه اركب فين

حياه: ملك اركبي مش قلت لك هنعمل مفاجاه لانور وسيلين انور جاي بكره فاحنا رايحين دلوقتي لسيلين انت روحي بالعربيه دي وانا هاجي وراكي بسرعه يلا بقى

ملك كانت هتعترض بس حياه ما سمحتلهاش وركبت والعربيه اتحركت في المكان اللي هي رايحه فيه......

الفصل الرابع والعشرون من هنا