رواية كدبه لا يمكن التخلص منها الفصل الثاني والعشرون 22 بقلم حنان أحمد

 رواية كدبه لا يمكن التخلص منها الفصل الثاني والعشرون 22 بقلم حنان أحمد 

 الفصل الثاني والعشرون

في بيت عزت كان عزت في المكتب بتاعه ودينا معاه في المكتب وكانت متعصبه من تصرف عزت ف أنه يخلي العيله زي دي تقعد معاهم في البيت 

دينا: انا مش فاهمه يا عزت ايه اللي يخليك تاخد قرار زي ده طب المفروض لو هناخده ناخده مع بعض

عزت بهدوء: يا حبيبتي انا عملت ايه بس كل ده علشان قولت أن هما يقعدوا معانا يومين ايه المشكله مش فاهم

دينا بعصبية: هو ايه اللي مش فاهمه يا عزت احنا نعرف الناس دول منين ها ولا علشان كرمه اتعلقت بحياه وحبتها يكون معناه أن احنا كمان نحبها ونثق فيها لا وكمان نخلي عيلتها كلهم يقعدوا معانا في نفس البيت 

عزت بهدوء قام من علي المكتب واخد دينا و قعدها علي الكنبه وهو قعد جنبها وقال: يا حبيبتي بالعقل كده انا ممكن اقعد حد في بيتي انا مش واثق فيه و لا اكون شاكك ولو مجرد شك صغير أنه هيأذي عيلتي وانا ادخله بيتي كده عادي عندك شك في ده 

دينا بدأت تهدي: لا بس

قاطعها عزت وقال: يبقي لا اولا حياه دي اللي بتقولي ان احنا ازاي نوثق فيها بالسرعة دي وازاي ادخلها بيتي تقدري تقولي هي ليه بتنفذ كل أوامر كرمه ومش بتقولها لا علي حاجه وبتعتبرها زي اختها ملك بالظبط وجت المستشفى ووقفت جنب ابنك مراد لما كرمه وقعت وهي مكنتش لسه تعرفه وكانت بتعامل كرمه بكل حنيه تقدري تقوليلي ازاي منوثقش فيها ها ولا ملك اللي عمرها ما اتكلمت معانا بأسلوب وحش وكانت ديما تضحك في وشنا واي حاجه كنا بنطلبها كانت بعملها وهي اساسا سكرتيره امير يعني المفروض تنفذ أوامره هو مش احنا دينا كانت هتقول حاجه بس قاطعها وقال: ومتقوليش أنها بتشتغل في الشركه ف عادي لا يا حبيبتي شغلها في الشركة أنها تنظم أمور امير بس لكن اي حاجه تانيه لا ومع ذلك كانت بتعملنا اي حاجه نطلبها ومش كده وبس متنسيش أنها أنقذت ابنك من المصيبه اللي اسمها يارا ومتعرفيش انا اد ايه مبسوط انو سابها كل وتقوليلي ازاي اثق فيهم وفي عليتهم إذا كان البنات محترمين كده ومتربين احسن تربيه يبقي اللي ربوهم اكيد كويسين ولا ايه 

دينا استوعبت كلام عزت وهي عارفه انهم كويسين بس اللي هي شايفه أنهم مينفعوش لعلتهم هي مش عايزه امير ومراد يتعلقوا بيهم علشان هي شايفه انو مش دول الأنسب للعيله بس مينفعش تناقش عزت دلوقتي لانه مش هيسمعها ف قالت: تمام يا عزت اللي انت شايفوا اعملوا 

عزت ابتسم واخدها في حضنه وقال: هي دي حبيبتي دينا اللي بتثق في زوجها 

في مكان تاني في البيت كانوا قاعدين عيله حياه وبكلان وياسمين مديقين من امينه علي أنها وافقت تقعد مع عيله لسه بيتعرفوا عليها

ياسمين بضيق: انا عايزه افهم بس يا اختي ايه اللي خلاكي موافقه كده انتي واثقه في العيله دي اوي كده ليه انا مش فاهمه وبعدين انتي عارفه لو بابا عرف هيدايق ومش بعيد ينزل وخدنا كلنا علي أزمير

بكلان: فعلا انا مش فاهم ليه يا امينه عملتي كده ما كنا ممكن نرفض بزوق بدل ما تحرجينا كده وممكن حياه وملك يكونوا مش مرتاحين وانتي احرجتيهم 

ياسمين: فعلا صهري معاه حق 

امينه بصتلهم هما الاتنين وقالت : خلصتوا هزوا دماغهم ب اه ف قالت: يبقي اتكلم انا اولا يا بكلان البنات كانوا موافقين وعادي وفرحانين اني وافقت أما بقي بالنسبة لبابا يا ياسمين فهو اكيد مش هيدايق لانوا بيثق في كلامي وعارف ان انا مستحيل اعمل حاجه غلط وبالنسبة برضو أن ازاي انا واثقه فيهم ف ملك بتشتغل عندهم بقالها سنتين ومشتكتش منهم ده معناه انهم ناس محترمه وبيحترمه الموظفين بتعهم وكمان حياه حكتلي قبل كده أنها قبل ما تشتغل هناك اغمه عليها ووقعت أدام الشركه بتاعتهم ومراد شالها وودها الدكتور ده معناه انهم بيسعدوه وان مفيش اطيب من قلبهم وشوفنا ده برضه في التعامل معاهم صح ولا ايه 

بكلان و ياسمين: صح بس 

امينه قاطعتهم وقالت: يبقي مفيش بس وتثقوا في اللي انا بقولوا من غير ما تعترضوا لاني اكيد مش هعمل حاجه تضر ملك وحياه لانوا انتو عارفين اني بعتبرهم بناتي واكتر يبقي خليكوا واثقين فيا تمام 

بكلان و ياسمين عرفوا أنهم مش هيستفادوا لو عرضوا امينه فقالوا في نفسهم هما كام يوم وهيعدوا اكيد يعني مش هنقعد عندهم العمر كلوا ف قالوا بصوت واحد: تمام يا امينه اعملي اللي تشوفيه صح 

امينه اكتفت بأنها تبتسم

في بيت حياه

ملك : انتي مصدقه اللي خالتوا عملتوا ده هو احنا فعلا هنقعد عند عمو عزت ده احنا بيتنا يوم ويا علي الدراما والكوميديا اللي حصلت في اليوم ده 

حياه اخدت نفس طويل وقالت: والله ما عرف إذا كنت افرح أو ازعل يعني المفروض اني هقول ل مراد علي الحقيقة انهارده ويا تري بقه هيتقبل أو لا انا مش عارفه

ملك: والله انا اللي مش عارفه يعني كل م أحوال ابعد عن أمير يقربوني منو اكتر يعني وقت ما كنت عايزه اقرب منه كان بيبقى بعيد دلوقتي عايزه ابعد بيقرب انا مش فاهمه ايه ده بجد يعني

حياه بضحك: تقريبا مستقصدينك يا بنتي مش يمكن تكون حاجه حلوه ان انتم تقربوا من بعض و القدر كاتب لكم كده

ملك: بس والنبي انا مش فاهمه اعمل ايه بس يلا لو نشوف علاقتنا هتوصل لفين ده اذا في علاقه اساسا هو ما قاليش انه بيحبني يمكن حاسس بالذنب بس باللي عمله لكن حب ما اعتقدش

حياه امير كان حكلها أنه عايز مسعدتها ف أنه يعترف ل ملك بحبه ف هي عارفه أنه بيحبها ف قالت: وانتي ايه اللي معرفك ما يمكن يكون بيحبك ايه اللي عرفك 

ملك بتريقه: اه بيحني علشان كده موثقش فيه وضربني لا وكمان ما اعترفش بحبه ايه الحب الجميل ده 

حياه بتفكير: اه بس .. يعني ...خلاص خلاص

ملك: حياه قولي انتي عايزه تقولي ايه 

حياه: انتي هتلبسي ايه انهارده

ملك: علي اساس انتي مش عارفه حياه قولي اللي عندك من غير تردد 

حياه بتفكير في نفسها ما انا اكيد مش هقولها علي خطط امير طب اقول مهو لازم تروح عنده انهارده يا ربي اه اه خلاص عرفت هقول ايه

حياه: بصي احنا بعد الحفله هنروح مشوار كده 

ملك: مشوار ايه اللي هنروحه ويا تري بقي خالتو تعرف 

حياه بتفكير: اكيد تعرف امال هنروح كده من غير ما نقولها 

ملك: طيب مشوار ايه اللي هنروحه يا حياه وبعدين انتي عارفه ان الحفله هتخلص متأخر فلا المشوار ده دلوقتي

حياه بتفكر هتقولها ايه وبعدين قالت: انور مش هو هيعترف ل سونا لحبه 

ملك: بجد أمتي هو قالك كده 

حياه: ايوه وكان عايزنا يعني نسعده وكده ف قولت اكيد لو قولتلك هتفرحي ف لازم نروح ولا ايه 

ملك: اكيد طبعا استني هكلمه وتقوله

حياه بسرعه اخدت منها التليفون وقالت: يا بنتي استني اصل اصلي ما عرفتش تقول حاجه من توترها فملك قالت: اصل اي يا حياه

حياه: اصل هو قال هيتصل بيكي وقال محدش يتصل بيه علشان هو هيبقي مشغول وكده ف استني شويه وهو هيتصل بيكي

ملك بتفهم : اه اه خلاص خلينا نجهز علشان منتأخرش يلا 

حياه اتنهدت: يلا وقالت في نفسها: الحمدلله عدت علي خير 

في بيت عزت

كان عزت في المكتب وأمينه خبطت وعزت سمحلها بدخول دخلت وقفلت الباب 

عزت بابتسامة: كويس انك وافقتي يا امينه هانم انكم تقعدوا معانا 

امينه بدلته الابتسامه وقالت: والله يا عزت بيه ما كنتش اعرف ان حضرتك كمان شايف أن الاولاد ليقين علي وفرحانه انك انت كمان شايف كده 

عزت: اكيد لاني مش هلاقي احسن من بناتك ل اولادي

امينه: ولا انا برضو يا عزت ما شاء الله اولادك محترمين جدا ومش هتلاقي زيهم 

عزت: يبقي كويس احنا علينا أن نجمعهم في مكان واحد والباقي عليهم هما 

امينه بابتسامة: اكيد بس احنا لازم ندخل في شويه حاجات ولا ايه 

عزت بدلها نفس الابتسامه: اكيد يا امينه هانم اكيد

ونسبهم يختطوا ونروح عند بطلتنا وكانوا خلاص جهزوا ونزلين علشان امير ومراد في انظرهم وكانوا زي الاميرات بفستانهم فكانت حياه لبسه فستان احمر طويل مفتوح من عند الرجل وكانت رفعا شعرها بدبوس شعر فكانت اميره فعلا أما عن ملك فكانت لبسه فستان ازرق قصير ومسيبه شعرها ف كانت جميله بحق نزلوا وابطلنا كانوا مبهورين بجمالهم بس برضو ابطلنا جمال فكانوا لبسين بدل بدله مراد كانت سوداء وتحتيها قميص ابيض وكان فاتح اول زرارين ومصفف شعره بطريقة جميله أما عن بطلنا أمير فكان لابس بدله كحلي وتحتيها قميص لبني وبرضه فاتح اول زرارين ومصفف شعره بطريقة جميله جدا فكان امير بحق بعد ما نزلوا مراد قال لحياه.......

الفصل الثالث والعشرون من هنا