 |
رواية بيت الخبازه الفصل الثاني والعشرون 22 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه ......#البارت٢٢
وكلما اتوعد بالثأر منك اجد أن قلبي الذي تهدما..أيا ليت طرقك اخفتها الذكرى كي لا اعد على أطراف اناملي كل أوراق آلتي في دارك تساقطت وأنا انتظرك ---G
خديجه:انطاني الفلوس أول كلمة گالها
حامد:..
هاي الفلوس خديجه بس مال اسوي مشروع لبنتي هاي بطلي منها علمتي البنيه على طيحان الحظ وفتحتي عيونه صارت صلفه وساكت لهسه بس بتج طابه طالعه ومشاريعج الجايبتنه الكلمه بطلي منها
اصرفي عليهن خل يدرسن ويصير براسهن حظ عدهن شهاده وراتب حتى من يذبهن الوكت ما يبقن يخبزن مثل امهن
شوفي شريجتج براتبها وكاعده وساكته انطيتها حصتهم وهي أدبر روحها رأسي بارد يروح واثق ما شكا يوم منها بس مثل ضيمي ماكو باقي بالي وتفكيري بيكم
خديجه:
متوقعه ما تسكت أصلا تعجبت ساكت للمره المليون أكلك إني اعيش شلون أريد واعلم بناتي واربيهن مثل ما إني أريد ما مدخله بحياتك الفلوس اخذهن واسوي بيهن مشروع صغير لبنتي واهسها بالطبخ وببيتنه وين رايحين
حامد:
هسه من اخليج عبره لامه محمد أحد يلومني ولج مو ذاك اليوم موتيلج بنيه فايت شرها شكبرها وبعدج عينج گويه
خديجه:
تتدخل بأمر الله أنت
حامد:
لاااااا امر بنادم المتعافي موديتهن ببيت خرابه وكهرباء خربانه شتترجين لو مرض لو كهرباء
خديجه:
هسه أنت لازم تنصبلي محكمة كلما اشوفك
حامد:
ياريت يفيد عنادج كلما جاله يزيد ما مره سألت عليج إلا وگلبي حرگتي خبز كبب وهسه مشاريع
لو يوميه وجايتج ام المزرعه
بعدها تتأمل أي حقها مطيتها ريگ حلو شلون ما تجيج
خديجه:يارب صبرك مخلي عليه مراقبين أنت
حامد:,
لأ ابشرج تجيني اخبارج وحدها امشي امشي اوصلج
استبرق:
المي يفور همزين الخوف ماعرف فطنه دفعت الجدر من گلبي صار برجليه واتزلغت اديه ورجليه ووجهي بقيت اصرخ واكممز من الالم ابجي
صفا خابرت على عمو عمار كالتله
وإني اشوف جسمي احس نار مشتعله برجلي
صفا:
عمو الحگ استبرق انكب الماي الحار عليها ماعرف شسويلها
شويه واجت خاله سرئ
سحبت ثوب استبرق وجه استبرق صار
طماطيه وتصرخ وتفتر تكمز بالبيت وتصيح يمه الحكيلي متت متت
عمار:ا
لو شلونك أبو شكر
حامد:
هله بيك هاا عمار
عمار:
رجعتوا أنت وام استبرق لو بعد
حامد:
جايبن بالدرب
عمار:,
أي إني مو بالبيت وهاي استبرق محترگه بالمي الحكولها صفا خابرتني واسمع صوت استبرق تعيط الضاهر متاذايه ودزيت سرئ للبيت لحد ما اوصل او انت توصل قبلي
حامد:
عصرت ايدي حيل واباوع بالمريا على خديجه وهي تباوع تريد تفتهم ما حجيت يم أبو التكسي
انطيته حسابه وكتله اوكف محتاجك نزلت خديجه للبيت كتله هسه نروح اوكفلي
رحت للبيت وراها وصوت استبرق بباب المطبخ اجه
خديجه
:من الباب سمعت استبرق تصرخ بادت رجليه ماعرف شنو افكر انشده بالي
تلگتني صفا يمه استبرق احتركت رجليها
دخلت لكيتها ممدتها سرى وملبستها حجاب وتلوب لطمت ولطمت لحد ما ردت اوكع
واجاني صوت حامد
كااافي تلطمين ودفعني راح على استبرق شالها ولفها صاح انطني عبايه
وركض وإني اركض وراه صاح على سرى ابقي أم فاطمه يم صفا وأنتي امشي يا يا عقوبه ذنوبي
روحها تفرفحت بيدي بالسيارة
وتبجي
يمه اصبري هسه مابيج شئ مابيج شئ بقى لساني معلك مابيج شئ لحد ما وصلنه للمستشفى
اخذوها لشعبه الحروق ومخلونه نوصللها تسودنت بالباب ومحد يقبل وحامد يخابر خبص الدنيا على اخوانه
حامد:
هسه ولك تشوف دكتور طارق البطاط هسه شيريد كله تم بس خله يجي يشوفها لاتشوفني وجهك إذا ما تجيبه يكولون مجاز هذا حرگ ماريد احد يلعب بجسمها ويتشوه استعجل
خديجه:
يسد الاتصال ويرجع يتصل وآخر شي شافني اريد اسأل طبيب من طرف عبايتي سحبني
.ياااا عقوبه ذنوبي ..
.هسه تردين تشوفينها صارت عزيزه هسه بتج ما حافضتي عليها وگابلتيها وگعدتي امشي لأ تبقين تسألين بالاطباء امشي
خديجه:
اجه رشيد كال لحامد مجاز راح لاههله بالموصل وماحسيت إلا ضرب رشيد حيل كتلك لاتجي بدونه شسوي اموت روحي شلون وين اروح هسه ببختج يخديجه على هالدكه
ياااا عقوبه ذنوبي
رشيد
:فار دمي من ضربني شسوي رحت لدار الأطباء ما لگيته كالو مسافر مجاز اعرف بس هو احسن طبيب للحروق طلعت للدار رجعت وسالت اصدقاء اله كالو روح على دكتور يحيى العامر نفس طارق واحسن ركضت رحتله وجوابه الجلد مصلوخ لو فقاقيع إني ماشفتها كال بسبطه اجيكم لاتهتم مكان مو صعب أن شاء الله
خديجه
: اجو عمار ورشيد وواثق حامد بس يباوع بعيونهم رشيد كاله جبت يحيى ما جاوب بقى ساكت وإني بقيت أدعي واقرا ايات عگدت عگده أم البنين عليها السلام
رجعت توسلت بالائمه يخلص بنتي
بقينه لحد ما شافها يحيى أول ما طلع تلگاه حامد
حامد:
هاا دكتور
الطبيب:
اطمأن أبو شكر الحرق من الدرجة الثانية لكن ان شاء الله مع العلاج تتشافى والمكان اقل خطوره من غير مكان لاتخافون نحتاج نخليها هسه ترتاح من الألم انطيناها علاج ومسكن
وإن شاء الله السلامه أي شيء تحتاجونه إني أمر باجر ووصيت المعالجين هنا
خديجه
:وكف كبالي ورا ما راح الطبيب
حامد
: خل اطيب ونتحاسب
وأنت عمار تبقى وياها هنا خاف يحتاجون شي امشي أنت واثق ورشيد
خديجه
:راحوا وبقى عمار يمي سالته عن صفا كال اخذته سرى ببيتنه لأ تهتمين
تكعد استبرق تون لو تبجي من الوجع ويخلولها مغذي وتسكت يومين على نفس الوكفه غفوه ما غفيت. تصرخ استبرق من الألم اول ما توعى وتصيح يمه راح اموت موتتوني
اجت مرت رشيد كالت روحي اسبحي وارتاحي وارجعي
ماقبلت بس لحت هي ورشيد لأن عمار هم ما راجع لبيته وياي
رجعنه
تلكتني صفا وتبجي ماسكتت
طمنتها
واسبرق بالمستشفى وبوجعها ومن كلتلها اروح وارجع لج ساعتين كالت يمه ديري بالج ع صفا
بلغت
جبت الطريق ابجي يارب أنت اعلم بحالي بس هسه تأكدت إني غلط إني فرطت ببناتي
كالت العلويه خليها تنشغل بدراستها لطمت والله اريده اجيب الفلوس كلت بعد ماتخبز كلت اخليها تتعلم كيك وكبب وكافي اشوفها عاجبها مثل هاي اليطلبون أكل منها
شمدريني المصايب ماتقبل تهدني
ردنه نرجع عمار نام كال من تخلصين كعديني نروح
نام ساعتين وكعدته سرى
ذا النون لكيناه بالباب كال سمعت وجاي اخذكم بالسيارة
وصلت تشكرت من زوجه رشيد
راحت وبقى رشيد برا عمار كتله روح أنت تعبان
ذا النون من وصلنه كال ادخل يصير اشوفها غطيتها من فوك مخليلها مكان مرتفع
استبرق:
الألم إلي احس بيه عسى لايشوفه بشر اجت أمي كالت هذا عمج ذا النون اجه يشوفج
ذا النون:
ها استبرق
استبرق:ب
دموع ها عمو
ذا النون
:,عمو أنتي سباعيه ويطيب وتنسين (بگلبي ريت كل وجع يندار بيه ولا اشوفج تبجين من الألم)
شبلا گلبي وياج شورطه جنت ملتهي اجمع حتى اسافر طلعتيلي بدربي وگفتي كل دنياتي سحبتيني لدنيتچ وصرت اهتم واخاف وانتظر
خديجه
:ذا النون أخذ عمار خطيه ماشبعان نوم
ذا النون أن شاء الله هسه (بگلبي يحرم عليه لبن أمي انچان شفت الغمض لعيوني
من احترگتي يا استبرق لهسه
من دون الايام شجاني بيوم الاحترگتي ما جنت ناطر فوگ مو يوميه ابقى تخلصين يلا اروح
طلعت وخليت كل روحي يمها ولك ذا النون الزم نفسك لأ تدمع واغمض ومنضرها من تبجي وتتالم يعصر روحي عصر
خديجه
:اجه دكتور يحيى وهم شافها اسبوع بقت بالمستشفى وعلاج يبدلونه الها كل يوم
لحد الاسبوع كالو باجر يجوز نطلعها أهم شئ المكان معقم
اجه حامد وميباوع بوجهي يدخل يسأل استبرق شلونج البوم تجاوب احسن يطلع اجه برا سمعت واثق ورشيد يحجون وي حامد بس ما فهمت شعدهم بقوا هواية يحجون
كتبولها خروج لاستبرق طلعنه جاب عمار ومن ردنا نطلع راح عمار وحامد بسياره ذا النون ويانه
حامد
:ودينه لبيتي
خديجه
:ليش لبيتك
حامد
:, استبرق تبقى يمي وصفا هم يجيبها عمها عاجبج تجين هله بيج ما عاجبج ابقي ببيتج وحدج بنات أخوي اريدهن يمي
امشي ذا النون لبيتنه
استبرق
:عمو الله يخليك وديني لبيتنه
حامد
:منا وهيج عمو بيتج يمي ماكو بعد بيت غير بيتي يمي
استبرق
عمو فدوه ماريد
حامد
:,مو بكيفج ماتردين أصلا أنتي منهي عليج وتعرفين هالشي اخلي سيف يعقد عليج وهو مهنته ممرض يطيبج وتكملين دراسه يلا تتزوجين كلمه ناقصه زايده ما اريد
استبرق
:متمدده واباوع على ذا النون يباوع بالمرايا عليه وعيونه انگلبن دم
وأمي تبجي وصلنه شالني عمو حامد وعبوني على ذا النون وهو هم
وأمي وياي وصلنه لبيت عمو حامد
وشويه واجت صفا جابوها عمه عزيزه اجت هم
مفرغ عمو حامد غرفه وبيها سرير اليه
خلاني وكعد يمي وأمي واكفه
حامد:
, اكعدي خديجه جربتي تمشين برايج جربتي تروحين وتجين بكيفج جربتي تكسرين كلام لمصلحتج بعدج مقتنعه بأفكارج هالمره وصل حدها كلش وصلت لحد الچفه
تحبين ترحين الله ومحمد وعلي وشوكت ما تردين اشوفين بناتج اكسر راسه إلي يمنعج
تكولين لأ والله اكعد حالي حال الناس اخليج على رأسي وبيتج هذا بيت واثق فوك واحنه جوه تردين واثق انزله وتصعدين بالغرف الفوك ماعندي مانع تكولين كافيه هاي الغرفه واستركم واخلي بناتي مستورات حياج اختاري هسه وإني طالع فكري وذني بناتج يمج
ذبحه صدريه صارت بيه ضغطي يعلك بعد اطلبيني بطلابه عليج منو تامنين بيه لاتفكرين بكيفج
خديجه
:اجته بماعون فضه شكول وشحجي هو يريدله بزه حتى يسوي هيج
استبرق وصفا كالو اكعدي يمه هسه بعده عصبي بعدين يهدأ ونقنعه مدارسنه وبيتنه
بقينه أريد بس استبرق اطيب
استبرق:يمه شنو يكول اعقد ويزوجني ابنه هالمره إني احرك روحي إذا صدك
خديجه
:طيبي وكلشي ينحل جنت خايفه عليها يتشوه جسمها
اخذ لاستبرق اجازه عمار واجت ام غني وغدير يشوفونها واجت امل وكلما يجي أحد ماتقبل ايمان حتى أحد يسوي استكان جاي تطرد صفا من المطبخ
استبرق
:بديت اتشافى بس بقيت بهاجس الاثار برجليه متروح سيف ابن عمي حامد يجي ينطيني علاج
ومن عرفت عمو حامد يريد سيف يعقد عليه بقيت يوميه اكول لأمي اموت وما أخذ سيف
خلصت اجازتي وراجعت دكتور يحيى علمود الآثار سوالي خلطه كال ما يوخر الاثر ميه بالميه بس يعني اهون
وأعرف ما يروح صار جلد رجليه فوك الركبه والتحتها ملموم ولونه يختلف اتقزز من اشوفه وانقهر
غير عمو حامد الخط بقينه بنفس المدرسه صرت اشوف غدير بس بالمدرسه ولا خاله نضال تقريني انكسر واهسي ودخلت بحاله كئابه بحيث أي كلمه اصير عصبيه وابجي جنت اواجه هسه صرت لأ اعصب انهار وأبقى ابجي
رحت للمدرسه على عمى عيوني لأن عمو حامد ياكد اقرن انجحن
خديجه:باقيه ببيت حامد على عمه عيوني بس شسوي بنتي بعده حرگها توا طاب وإذا اشد اكثر يكلي روحي وعيفيهن شلون گلبي اعيف بنيات ببيتهم وحدهن
كلها بكوم وملامتهم بكوم شدت حيلها ايمان وياي تدخل وتطلع تنفخ بس حامد ميخليها تتنفس أول ما يدخل للبيت يجي يكعد وي استبرق وصفا يسألهم احد حجه وياجن أحد ضوججن كولن بس وياي كلمه السلام ما يكوله هو ما يطيقني وأني ما اطيقه
جاب ملازم لاستبرق ويكول لصفا شتحتاجين للمدرسه كولي
واثق:شبيج شايله خشمج
خلود:تجي بالبوكه امنت بالله بس مال ما تخليني اطلع واطب شنو بسجن.
واثق:شتردين وين ترحين لا حبي اريد بس إني تشوفج عيوني
خلود:ما كدر اضوج
وعجيب امرك ليش تزوجتني منقطع
وأنت مريض وعندك مشاكل تناسليه
واثق ؛مو كتلج جاي اتعالج مجرد وقت ونروح للشمال أحلى ايام نخلصها هناك بس ادعي المشروع يكمل ويجي المستثمر يريد احوله شده يلا يجي ويبدي يشغل معمل البلاستك
بمحافظة.... تدرين يسنه الشده تصير ضعفها
بس وين أحصل فلوس
خلود:لو اكو فلوس جان هذا حالنه يلا اخذني للسوك أشتري اشياء
.........
خديجه:رحت لبيتي مقفول بيه الغراض لأن حامد كال خلي اكو يجي يشتري الغراض واخذو التردونه
اجيت بعدني افتر واعزل واندك الباب
طلعت ذا النون هلا شلونك
ذا النون:شلونج أم استبرق شخبارج
خديجه:تحت رحمه الله
ذا النون:ونعم بالله ام استبرق إني سمعت من وصلتكم حامد ناهي على استبرق
خديجه: أي والله ابن عمكم عنده التعصب والعناد مهم بس مو مهم يزوج بدون رأي وقبول
ذا النون:منو يأثر عليه ويكدر يأثر عليه استبرق بعدها ما مكمله اعداديه ميصير خطيه ششافت
خديجه: والله يا ذا النون انت تعرف ابن عمك وحت ابوك ما يأخذ كلامه
هاي إني كاعده ببيتهم وأريد بس اتكفى الشر علمود بناتي
ذا النون:رحت من يمها وامشي إربد صوره حل وياهم إذا اخطبها يكلولون ابن عمها أولى ومخطوبه وإذا ابقى ساكت تروح يزوجونها لالا الله لا يسويها
واذا احجي وياها البنيه تبقى بأمل وتتعلق ببلاش يارب شلون حيره
احجي لعمار خاف هم مثل حامد عدهم كلهم نوع من التعصبب
خديجه:,رجعت للبيت وياي رشيد وصلني وراح كلت منا وهيج تجي صفا ضهري لكيتها موجوده واستبرق نايمه كالت يمه جوعانه وماكو غدا
هسه اسويلج ماما جانت استبرق شايله عني توكل اختها تذكرني اذا ابقى بلا أكل وإني من لكمه الريوك ورح يصير المغرب مماكله استبرق صايره بس تبجي وضايجه وكوه تروح للمدرسه
رحت للمطبخ واكفه ايمان
ادور بالثلاجه طلعت طماطيات ثرمتهن وخليت الطاوه اريد اگليهن حجت ايمان
ايمان:تره ماكو خبز منتظرينج تخبزينه خبازه يكولون يخبل خبزج
خديجه:ما جاوبت ولا اصلا رفعت راسي دورت بالمجمده كصاكيص خبز لكيت حميتهن وخليته بصينيه وكعدت استبرق يمه متغديه جاوبت ما اشتهي
استبرق اكاله جانت وسمينه أقل الشهر صار يم بيت عمها سلت سل ضعفت
تأكل بنفسها عمرها ما جانت كتومه واحجي وياها واخفف عنها لكن هي الكأبه عدها صارت قويه
استمرت ايمان يومياً لازم اسمع بسمار شكل وما اجاوب أبد حامد من بجي يصير البيت هدوء يجي محمل مسواك مخضر فواكه كلشي
بس نشم ريحته يخلونه بالثلاجه كدام حامد ثاني يوم كلشي ما الكا للبنات وإني علمتهن اكو أكل ياكلن ماكو ميتشكن شنو اسوي يسكتن
كاعده اراجع لصفا واستبرق خابرتها غدير جانت عرك وياها لأن تتصل تبقى هواية تحجي هسه غدير تتصل كلمتين تسده
اندك الباب كالت صفا ادخل
اجه سيف بيده صينيه
هاج عمه
جايب كل شكل فاكهه كال مغسوله عمه
خلاها وطلع يدون كلام واستبرق تتنرفز منه لأن عمها خلاها ببالها يعقد عليها
غدير:لاتكولين زينه وتسدين التلفون شبيج بالصف متحجين وياي بالفرصه تبقين نايمه بالصف شبيج استبرق شسيويتلج إني مو تكولين بس أنتي صديقتي
استبرق:, غدير تعبانه و الله
مالي خلگ لأ سوالف ولا حجي اترجاج اسده وترجع تتصل يوميه
أنتي ما تملين ما يضوجج كلامي غدير شتردين
غدير: يعني أنتي عبالج من ادفعيني منج اروح إني الزك شبيج استبرق
استبرق:استمرت على هاي الحاله إلا يوم إني ما داومت جنت مختنكه ونمت
دك التلفون باوعت غدير اوووووو
ماجاوبت بقت ادك وادك
صحت صفا صفا تروح لضحى بنت عمو واثق
اصيح مامه يمه ماكو كعدت وجاوبتها
شبيج من محد يجاوب افهمي ميريد يرد شبيج غدير
ذا النون: إني مو غدير إني ذا النون واحجي بهدوء إذا أحد يمج عدلت كعدتي باوعت على الباب مفتوح شويه رحت باوعت احد يم الباب ماكو سديته وهو يكول الو الو
اش يمعود صوتك يطلع من التلفون
هااا شتريد
ذا النون: شبيج
استبرق:مابيه خير عمو شتريد
ذا النون:ليش ما اداومين
: استبرق أريد ابطل ماريد المدرسة
ذا النون:وشسوين بدون شهاده شتشتغلين فتاحه فال لو تبيعين خرز
استبرق:عمو إني ماحب المدرسة
ذا النون: حتى لو ماتحبينها خلصيها
استبرق:شطلعت هاي امشي واطلعي وارحعي وروحي وازوجي بكيف الكل ومو شرط تحبين الشي
ذا النون:من تكبرين وعندج شهادة تصيرين تقررين مصيرج ومستقبلج وديري بالج حامد يخلي سيف يعقد عليج إذا ما راغبته اهم شي أنتي تكونين ترغبين الشخص يلا تقبلين
أنتي قابله على سيف
استبرق:لو يضل بس هو بالأرض ماتزوجه
ذا النون:ليش شبيه
استبرق:ثكيل على گلبي ابن عمي وكرايب أي اطيق بس اتزوجه لأ مستحيل
ذا النون:لازم شكله ماعجبج شنو تردين عيونه ملونه واشگر
استبرق:,عمو اريد انام باي
ذا النون: استبرق لازم تنجحين فهمتي
استبرق: الله كريم خلي اروح
سديته وغمضت
شتريد مني ذا النون ششفت بيه إني مثل البنات وكملت هسه تشوه جسمي
صار فتره وفترة تخابر غدير ويحجي هو وياي بس يسأل ويشجعني ونوبات يكول أنتي شجاعة أمي صارت تسكت شيصير ببيت عمي ما تدخل
خديجه:اجت نتائج الامتحانات الشهرية واستبرق راسبه ب٤
كلت راح حامد هم يبدي بلغوه جديده
ماكدرت احجي وياها واضوجها
استبرق:فراشي كلت لامي لأ تشيلين البطانيه اجي من الدوام اتغطئ من ادخل من المدرسة اشكال الحجي اسمع
من عمه ايمان تعالي لفي كبه لو سوينه كباب صارت نورس هم تحجي وتبسمر
وإني ولاا اجاوب دخلت نورس كالت هاا شنو چم خط احمر بالشهادة
ماجاوبت سحبت جنطتي حيل دفعتها ولللي من وجهي صارت خبله من دفعتها اجت وسحبت الشال من راسي ورجعت تصرخ المشوهه شوفي رجليج شوفي
وهم ما حجيت بس عبره صارت ببلعومي أخاف انطق حرف وتنزل دموعي
اشرت بسيطه باصابعي
بليل اجه عمو حامد وكايليله ماعرفت شنو معبين براسه اجه سأل صفا ناجحه واجه سألني التفتت عليه
جبتنه من بيتنه وكلت بيتكم بيتي ومن يومها بنتك ومرتك ماعافنه بسامير ولغوه وحجي شنو جايبنه تذلنه شنو احنه تحت رحمتهم
حامد:
جااي اسالج عن النتيجه منووو اذاج وبسامير وشنو اللغوه جاوبيني
استبرق: إني ماااحب الدراسه ولا راح انجح وخلي مرتك وبنتك يكفن منه
حامد:
مو ماتحبين الدراسه لأ امج خلت براسج الشغل وفلوس وكسب بعد ما تكدرين تهجعين لدراستج بس إني اعرف شلون اخليج تنجحين صار
ومن اسالكم أحد مضجوكم محد حجت
استبرق:
وكف فتح الباب وعاط حيل ايماااان
اجت وعاط نووورررس
اجت ايمان صاحت هاا خير
حامد
شبيييجن وي استبرق
ايمان
شمسويلها شكالتلك
حامد
اااني اسأل جاوبي وإذا ما سمعت الصار احسبي الله اليوم ينتقم عليج
ايمان
شمدريني شخلن براسك وكوكنك
حامد
أي إني لعبه ايااا طايحه الحظ
وين بتج
نورس
بابه محد محاجيهن اجت سألتها شنو ناجحه لو راسبه هجمت عليه وضربتني شنواوكفلها تكفخني
حامد:البعمرجن متزوجات وانتن تتعاركن تعالي نورس بوسي اختج
نورس
أي بابه تدلل
استبرق
شكد جذابه باستني وراحت
حامد روحي ايمان اخذي بنتج واطلعي
وأنتي يا امهن ماكدر اكلج علمي بنتج لأ لأن مليت بويه استبرق اهداي وتعلوم امج عيفي
استبرق
سكتت لأن أمي تأشر اسكتي
راح عمو حامد
وبدن وراها يزيدن ما ينقصن
اليوم اجت عمه سرئ تشوفنه وكاعدين أمي وهي يسولفن ونزلت أسماء بالمطبخ تحجي وي ايمان وكبت العيطه يصايحن أول مرة نسمعهن يتعاركن على طول هنه صديقات
سرى خايرت على عمو عمار وراحت وأمي دخلتنه بالغرفه وقفلت الباب
وهنه مستمرات مصايح بس ما افتهمنا على شنو
بليل اندك الباب دخل عمو حامد ووراء سيف احس اعدامي من شفتهم
حامد
شنو نايمه استبرق اكعدي
استبرق
ها عمو
حامد
هذا سيف منا وهيج يقريج وتنتبهين خل يلحك عليج تنجحين بالامتحانات الاخيره
استبرق:
عمو إني اقرا وحدي
حامد
لاتعاندين وشنو تحتاجين كليلي
تعال سيف
استبرق
كعد على كرسي يم سريري منتظر اطلع كتبي خليت عمو بطلع كتله ما عندي شي باجر بالجدول
سيف
ما اقريج على جدول اريد درجاتج وابدي بالدروس الاقل درجة ونصعد
استبرق
ماتذكر يا درس راسبه
سيف
كمت اخذت الجنطه فتحتها وهي على كعدتها
عمه خديجه فاتحه كتب صفا سألتها ااثر عليكم
كالت عمه لأ
سحبت الكرسي صرت مقابيل السرير
اخذت الرياضيات
راح نبدي بالرياضيات أنتي ضعيفه بيه
واستبرق
بدا يشرح وإني اخبث اكله أي واي وهو مستمر يشرح
وراها أخذ ورقه كتب مساله كال يلا ع شرحي حليها عندج فقط عشر دقائق وإني أنتظر
باوعت على المساله كتبت خطوه غلط كتله ماعرف
رجع شرح المساله وشرح وشرح وهم كتب مساله كال حليها ما حليتها بقى تقريباً ساعه ونص يشرح واكله ماعرف حسيت أمي واكفه
خديجه
انتبهي استبرق على سيف شلعتي گلبه
سيف
لا عمه عيفيها ماجاي تفتهم إني جاي اشرح باكثر من طريقه لحد ما نشوف منو الطريقه إلي توصل لعقلها اكو طرق مايكدر العقل يستجيب اله خليها
استبرق
بقى يشرح ويشرح ويشرح لحد ما كتله تعبت إني دخت
أخذ ورقه سوه دائره ع مسائل كال ذولي اقريهن بفهم مو حفظ راح تحفظين فصل كامل وطلع
استمر يوميه يجي يقريني وما انتبه لشرحه
اليوم اجه عمو رشيد وانجمعوا الكل وكلساع ينغتح الباب كال امشي بالحديقة اقريج
طلعنه بالحديقه الجهال يفترون بس هدوء كعد وفتح الكتب كال ماعندج وقت بقى تسع ايام
بيدي التلفون غدير خفت لا ياخذه ذا النون ويحجي طلعت غدير كتله أريد احجي وي صديقتي كام راح سيف
بقيت احجي وي غدير شويه وغلقته ورجعت
رجع سيف وقراني وصارت بالبيت هوسه
ايمان واسماء
اسماء حضرتج ما تقبلين بابني ياخذ نورس شنو بنتج وما تقبلين
ايمان
تعرفين شبيه ابنج صح لولا ابنج مو رجال
شنو انطي نورس لو يموت ما ياخذها
اسماء
جا منو يستر غير اولاد العم مو هذا سيف شهاده وخير ومؤدب وراح يأخذ العرمه استبرق
ايمان
شنوووو إني اخلي سيف إلي ماكو مثله ياخذ ام لسان المحتركه شبيه تخبلت
لو تبقى بت خديجه بس هي بالكون ما اخليها تشوف سيف
اسماء
والله الزلم قررو بناتنه لولدنه وولدنه لبناتنه مو بكيفج حتى لو نورس شايله خشمها وشايفه نفسها مدري ع شنو
بس حسام أولى بيها
استبرق
اريد احجي وأمي تسحب بيه للغرفه ماتقبل احجي بس سيف دخل
سيف
شكو أمي شكو
زواج وهوسه شبيكم تقررون عنه انتم وين اكو زواج بالغصب
وشنو بضاعه هذا اله هذا لأ أمي كافي عمه رحمه لوالديج
استبرق
اجت الامتحانات وصار سيف غصبن يشرح ويفهمني وبديت استوعب بس ما اقرا كوه
آخر يوم الامتحانات
غدير
استبرق اريد اكلج شئ ردت اكول قبل فتره بس امتحانات كلت نكمل واكلج
استبرق
شكووو
غدير
عرفت إلي يحبها عمو ذا النون
استبرق
بقيت بهدوء وكأن اعرف الجواب بس خايفه جاوبت منو
غدير
أنت استبرق ورب العرش إذا ما تكولين الصدك بعد لأ صديقتي ولا اعرفج
چنتي تدرين صح
استبرق
شمعرفني وشنو إني لأ متوهمه
غدير
لاتنكرين لأن عمو كال لاهله اريدها واخطبوبها وجدو كله حامد ناهي عليه ومكعدها لابنه وصارت هوسه وعمو ذا النون خبص الدنيا
يكللهم محد ياخذها اسويها وأخذها غصبن عليهم
استبرق
شيسوي بيه عمج يشفق عليه لأن تشوهت
غدير
انطمي صار شكد من كتلج سمعته يحجي وي عمه همسه
استبرق
غدير بشكل يومي صارت تسولفلي عن ذا النون حتى لو ما اسال
اليوم كالو النتائج إني مريضه بيومها فقر دم وحب ترس وجهي تفكير وخوف وضوجه كلهن
أمي راحت وياها صفا يجيبن النتيجه
وخابرت غدير ليش ما جايه للمدرسه واحنه مسويلج مفاجأة
سألتها شكو
كالت ذا النون يم المدرسة منتظرج سمعت باب الغرفة انطبك منو ماعرفت كلت ما انتبهت خاف أحد سمعني من كلت ذا النون ....سديت التلفون كتلها أمي راحت للنتيجه
خديجه
:وصلت لمدرسه بكلوريا وكلت ارجع لمدرسه استبرق وصلت دخلت النتيجه اخذتها ب ثنين كلت الحمد لله رافعها قرار بدرس وباقي ثنين كلت اهون
طلعت شفت غدير وذا النون
سلمت عليهم
واجه ذا النون كال اريد احجي وياج
ذا النون
ام استبرق إني أريد اخطب استبرق
خديجه
شنو ذا النون ياخطوبه شتكول أنت
ذا النون
إذا قصدج على فرق العمر فهنه كلهن ١٠/١١
سنه وإني رايدها
خديجه
أنت تعرف الضرف وسمعت
ذا النون
لأن سمعت وأعرف من غدير بالعطله يريد يعقد الها لسيف لهذا كتلج اريد تساعديني إني رايد استبرق
خديجه
والله يا ذا النون هي مو بالرايدها أنت او غيرك بس إني بنتي حالتها النفسية هسه زفت متغيره جذرياً وما اعتقد الوقت مناسب لهاي المواضيع
ذا النون
إني ماجان براسي اخطبها كلت تكمل سادس بس حجي حامد حركني
حامد
عفيه والله ست خديجه تتفقين تگ.....دين على بنتج
وأنت كالو تحجي وي بت غني وي ذا النون ما اصدكت كلت مترباييين ايااا دماغ سزز جاي لأمها يا عار
خديجه
يريد يضرب ذا النون
ووكفت منا شارع روح ذا النون روووح هسه راح
حامد
تتسترين على كوا...... بنتج
إني اعلمجن إني متعوده هايته وحدج
خديجه اخذني للبيت كلت بس ادخل للبيت ما اسكت احنه بشارع
دخلنه واستلمني واستبرق بالصاله تحلف وتصيح ماعندي شي وياه
حامد
جنت اجذب إلي يوصلي حجي كلت كلها تشتكي خل إني اراقب بنفسي الكا البنيه بالتلفون تتمعشك والامايه تواعده تصير مرسال غرام
إني اليوم انهي هاي المهزله
اليوم يعقد سيف ع استبرق وانتي تولين خديجه ما تبقين يوم ببيتي
خديجه
اباوع على استبرق صارت مثل الطير المذبوح تصرخ مااااتزوجه
ماااا اريده وتبجي وتصيح يمه احجي يمه
عاطت من الممر ايمان شنوووو تعقد لسيف لهاي لو تصير بس هي بكاع الله يا بت خديجه ما تأخذ ابني
حامد
تأكلين تبن أبني وبكيفي وتنچبين وتسكين عاجبج عاجبج ما عاجبج ولي لبيت اخوتج
خديجه
إني ماراح اطلع من بيتك إلا وبناتي بيدي
حامد
ووولي من وجهي بت مزهر السد خان
لأ ارتكب جريمه هسه
اطلعي
اطلعي
خديجه
دفعني
طلعت بوجهي لبيت عمار
دكيت الباب اسمع صوت ببيتهم شكو إني ابجي وجسمي كوه شايلني من الهضم وگلبي يم استبرق كلت تموت نفسها تهدد وهي أصلا صار عدها يأس من كل حياتها
سمعت صوت رشيد وعمار عالي
دخلت مسحت وجهي فتح الباب ابن عمار
بس سمعت رشيد يكله بعد ما اتحمل ولك اكلك شفتها اليوم واكول لواثق يكلي كم يوم واطلگها وأخذ الكاع وهي تفتر بابنها المتخلف وراكبه وي رائد معتصم ولك صديقي انشهرنا
خديجه
كمل رشيد كلامك كمل
رشيد
حطيت ايدي على رأسي
كملللت كملت ياربي