 |
رواية بيت الخبازه الفصل الواحد والعشرون 21 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه ......#بارت٢١
رشيد: أنت تفتهم شكاعد تكول يعني هاي لاعبه شلم بلم ويجوز براس اخوي حاجم بحياته
المثل هاي ما يلزمهن لأ عرف ولا دين لأن ربت ام مريضه واخ عار اناني شتطلع تريدها امام حشى الزهراء النسوان ينرادلهن حساب وكتاب ومگابل
واثق:ماارددت اكول لحامد لأن أعرف راح يأخذ فضل ويكللها ولي
رشيد:خليه احسن لعد شتريد
واثق:اريد الكاع حك اخوي بناته أولى بيهن على الاقل نعوضهن ببيت حتى لو صغير
وفضل ناخذه منها
يبقى وي اخواته خديجه إمينه
رشيد:حرامات حاجم مرته خديجه وهاي تتسمى مرته
خديجه من تزوجت لليوم ما خلت بخاطري بكلمه ابد وأعرف جانن يدوسن بمصرانها متحجي
واثق:,:وهسه حامد دايس ببطنها
رشيد:مايقتنع اخوك إني وعمار نروح غفل
او نروحلهم نتغدى نتعشى يمهم والله تبين ذيج هي الما محترمه
والله كلما اروح غفل اسمع بچيها ونعيها يهد الحيل صوتها ع بنتها
وحامد منو يحاجي يكول تريد تتزوج سامع واحد يريد يخطبها وقفل
جا إذا سمع هاي شيسوي
واثق:لذلك اكلك خلي هاي الفتره حامد يعيد عن خلود بس لازم اسولفلك
رشيد: إني هسه بديت اغلي إذا الزمها اخليها ماتعرف شكلها التتباهى بيه للزلم ولك معناها مفضوحين
واثق: مساله وقت وداعتك بس اريدها تأمن إني متت على شكلها واوهمها إني وكعت بفخ غرامها وامثل عليها بس ابيع الكاع منها كلشي ما ريد مثل ما فلست خديجه وبناتها هي واخوها اطلعها من خشمها وها وحق ربك مو حبا بخديجه لا لو ادميه ثنينهن نسوان أخوي وامهات اولادنه بس ماحب انضرب على علباتي
====••===••
خديجه: ألو هله أمل خيه
أمل: خديجه اكو محل سوبر ماركت چبيره يردون كبه حلب وكبه سراي وكبه موصليه
تجهزينهم تكدرين على كميات جبيره
خديجه: بحيل الله اكدر بس خلي تجي استبرق ونحسب ونشوف
وديلي الاسعار برساله شكد بيش هيج حتى احسب
اجت استبرق سولفتلها
فرشت دفاترها وطلعت أقلام واخذت التلفون وحسبت شكد تكلف
استبرق:شوفي يمه ببغداد اللحم اغلى والمخضر هم اغلى يعني راح يفرقلنه احسن بس شنو نحتاج نجيب شويه لكبه الحلب تمن عنبر
حتى الطعم اطيب
خابرت عمو عمار طلبت منه أمي تريد تروح للسوك تكول مسواك الزلم على الوجه يرحون ميعرفون إني اعرف الگط او اخذ بصل گوتره يفرقلي
اجه عمو عمار كال صيحي صفا وتعالن ويانه للسوك ماخذ زوجته هم تتسوك
طلعنه للسوك تسوكت أمي وعمو عمار يقى بالسيارة وعمه سرى هم تسوكت
تتسوگ كل اسبوع
وطلعنه رجعنه بالطريق فاتت سياره ذا النون من جهه إلي إني كاعده بيها وره السايق وهو فات سلم ويسولف وي عمو سلم علينه
بس بقى يسولف وي عمو ويباوع بوجهي
سأل شنو شو ماخذهم كلهم اليوم
عمار: اريد ابيعهن واخلص كلهن نسوان
ذا النون :شراي شراي
استبرق:يكول شراي ويضحك هو وعمو
صار كلما يشوفني يرفع حاجبه ويبتسم وإني هم ابتسم على شنو مادري
اليوم إني وأمي نجهز بطلبيه الكبب وصارت خير من الله طرح رب العالمين بيها بركه
واختمر العجين كلت لأمي شنكي لحد ما اصعد إني وصفا قنينه
صعدت القنينه
أمي كملت الكبب يجي كرايب زوج خاله أمل يأخذها انطتها أمي اله
وإني ردت اصعد
خابرت سرى
شلونج أم استبرق
أهلا شلونج عيوني ام فاطمه
سرئ: عيوني ام استبرق ما تعرفين للطفل الممتون يكولون معرف شيسووله
خديجه: أي اعرف
سرى:ابن سجا ممتون ودته للطبيب منطيها دوه مغص والطفل مسكت تكول اخوه شايله يمكن ماتنه
هسه يجي عمار تجين الهم
خديجه ء:خلي عمار يجي واجي اسويله المتن بعيني
سرى: سالمه
خديجه:وينج استبرق تكملين خبز يلا اروح
استبرق: روحي يمه ماعليه شي
خديجه: أخاف يمه عليج
استبرق:, والله ماعليه شئ وأول ما اخلص خبز اخابر عمو عمار اكله
صفا:ماما خلي اروح وياج اشوف الجاهل فدوه
خديجه:يمه غير تبقين يم اختج
صفا:يمه والله أحب الجهال البهلعمر فدوه
ريحتهم حلوه وناعمين
استبرق:اخذيها يمه بس تبقى راح تاكل مخي بالحجي تسولف كومه وتخليني اخرب الخبز يوميه أنتي تسكتينها اليوم شيسكتها اخذيها
خديجه: خوش ممنوع تبيعين للجوارين خبز خلي بعلاليكه اجي وإني يندك الباب وننطيهم
استبرق:يمه أنتي رايحه للبرازيل لفرنسا ماع العجين خليني اخبز
راحن وقفلت الباب صعدت اخبز واخبز ومعلگه بحلكي قصيده باسم الكربلائي يطير الهاب وياك وديني
وما منتبها بس احس الباب يندك اوكف بباب البيتونه ماكو شي ارجع اخبز قربت اخلص رفعت راسي شفت ذا النون بس مو بمكانه فوك البيتونه يعني يشوفني حتى لو كاعده
لملمت الخبز ونزلت
جاي اخلي بعلاليك واندك الباب
كلت يردون يشترون خبز ما طلعت اندك هواي وما فتحته
اجيت بباب المطبخ شفت ايد انمدت يقتح بالباب عزا العزاني شبيه كلت لامي خل صفا تروح اخذت السجينه واتخيل اكص ايده و هي ترجف بيدي درت السجينه وضربت الايد رجال مبينه
صاح خرب
ورفع راسه ذا النون
ياااا عمو مادري انت
فتحت الباب واكف يباوع على ايده وين الضربه اسفه عمو عبالي حرامي
ذا النون: والحرامي يفتح الباب
واكو واحد يضرب الحرامي هيج شنو خايفه على شعوره
بس ضربتج توجع خرب بليسج
استبرق:اسفه عمو
ذا النون:اكلج استبرق عمامج منو
استبرق:عمو حامد وعمو عمار وعمو رشيد وعمو واثق
ذا النون:جا تكليلي عمو إني شنو
استبرق:*غير ابن عم عمامي
ذا النون بطتنه بطت بطتكم شوفي إني بس ذا النون مو عمج
استبرق: ليش مو علي وعنور وموسى كلهم اكللهم عمو
ذا النون: إني ماريدها
استبرق:ليش
ذا النون:,كوليها كولي عمووواستبرق يابه شكد تسأل
استبرق فهمني ليش حتى ما اسال
ذا النون:خلصي سادس اعدادي واكلج ليش
استبرق ،:شنو انتضر السادس
ذا النون: روحي استبرق جيبيلي شويه خبزه
استبرق: رحت جبت شويه كصيت من الخبزه ونطيته
ذا النون: جا شكدتوتها شبيج بفلوس مو بلاش جايبتلي حرف خبزه
استبرق:ماكتلي هسه اجيب
ذا النون:تعالي ماريد هاي كافي بس منا
وهيج اخبزيلي خبزه صغيره كلش
استبرق: يعني اسويلك حنونه
ذا النون: أي احبها مكسبه مو مثل هاي عجينه
استبرق:خوش اخبزلك حنونه
ذا النون: وإني اجي اخذها
استبرق:ليش مساع صاعد صاعد على البيتونه ماتخاف تنكلب
ذا النون: لأ جنت اشوف طيرتي
استبرق:يا عندك طيور
ذا النون: لأ عندي بس وحده طايره جنت انتضرها تحط
استبرق:التلفون يدك يلا مع السلامه روح
لگيت أمي تخابر من عمو عمار شنو خلصتي كون فاتحه الباب سكتت وما كلتلها على ذا النون
ذا النون:مكدر اكولك مع السلامه روح مكدر اكولك حبك تملك جوه الحشى بالروح رحت بعيد يلا غنيت هاي الاغنيه
√√
خلود : مأخذ منين رقمي
واثق:مو مهم
خلود: أي هم صحيح المهم شتريد
واثق: إني بالطريق جاي عليج
خلود: خوش تعال
واثق:شنو العطر مليان البيت طالعه لو شنو
خلود: لأ ما طالعه منتظرتك مو كلت جاي
واثق:هااا أي
وين الولد
خلود:نامو
واثق:يا نوم بعدها بثمانيه ونص
خلود:معليك هسه اجيت على شنو احجيلي
واثق:بقيت افكر بكلامج
خلود: أي
واثق: يعني أنتي حقج مره وعندج مريض وطفل ووحدج والدنيا صعبه بس إني هسه إذا عقدت عليج ما توصلين باب البيت
خلود: أي بس من تعقد عليه لازم اكو شئ ضمان بيه اليه
واثق:ضمان شنو
خلود: يعني مثلاً إني رح اتزوجك منين اصرف اشتري مثلا احتاج شي شلون
واثق:هاا زين انتي مو كلتي لحامد اريد حصتي من بيت حاجم معليه بحصه فضل واخذتيها
خلود: أي هاي حصتي شنو تشاركني أنت بحصتي بورث اخوك
واثق:اقصد عندج فلوس
خلود:هو منو ماعنده ومايريد
واثق:زين إني على راتبي لعائلتي بس عندي مشروع اذا صار اغرگج فلوس اخليج ماتكدرين تحسبينهن
خلود:مشروعيش هذا اليغركني فلوس
واثق:سامعه بصفقه العمر تصعد فوك كبل
خلود: أي ليش ما تسوي
واثق:يحتاج وقت يلا لاتشغلين نفسج هسه خلينه بموضعنا هااا نعقد لو بعدج على ذمة احد
خلود:*بضحكه قويه بصوت: لأ خلصت العده
واثق أي جيد
خديجه:دك التلفون انطيته لصفا اقري منو يتصل
صفا : العلويه
ألو هله علويه وألف هله شلونج عيوني
العلويه: حبيبتي ام استبرق شخبارج البنات شلونهن
خديجه: بخير أنتي شلونج شخبارج
العلويه: والله يا خديجه صحتي بالنازل ماعرف شبيه
خديجه:اسم الله عليج اجر وعافيه مابيج بس العافيه اطيبين وتصيرين زينه
العلويه:هاي الجمعه امر عليكم إذا تقبلين
خديجه:بيتج هذا هله بيج
استبرق:بده وضعي الدراسي يتحسن بس درجات على الحافه امتحانات نصف السنة بعد كم يوم صارت عطله دراسة
وزاد الطلب على الكبب والكباب واكو يطلبون دولمه ملفوفه بلا طبخ
نشتغلها بس متعب الثرم وهواي شغل صرت مالحك اروح لبيت أبو غني كلت لغدير اقرا بالبيت لأن أمي تتعب وحدها والطلب من يزيد تتعب عيونها تعبانه إني اثرم
واخبز بس هالايام صفا تعلمت تلف كبه
اجت للبيت اليوم غدير هي وام غني اخذن خبز وغدير جايه تشوفني
شافتني اثرم وتعبانه نسولف وجرحت اصبعي عفت الثرم وكمت غسلت وعقمت الجرح وخليت گطنه وبلاستر ورجعت اثرم
غدير:تاذيتي
استبرق: لأ متعوده على الچويات مال التنور وكص السجين ههه
غدير: وشوكت تقرين
استبرق:بليل
غدير:مسيطره
استبرق: أن شاء الله مقصرت امج
وراحن ورا يومين اندك الباب أمي طلعت
هسه نازله من الخبز وتعبانه
اجت كالت شوفي
بيدها محضره ثرم خضروات يدويه فر تثرم وباكيت چفوف كعدت منين هاي يمه
خديجه:ذا النون جابهن
يكول جايب لاهله وجبت الكم وكال اثرمو بيها إذا زينه أخذ فلوسها وإذا لأ ما أخذ بس إني انطي لام غني بس تجي
استبرق:بدت الإمتحانات ونروح ونجي وأول مرة أحب أحل الاسئله وأحسب درجه جنت مأيسه قبل
وغدير نوبات تمر بمي نتريك ودوم نكول احب اكلج وتأخذ وياها لو تودي أحد من ولد عمها او إخوانه اذا أسوي اكله
ذا النون يجي نوبات ياخذ حنونه ومرات اشوفه على السطح وتجي ايام أبد ما اشوفه
من عمو حامد گطع رجله بعد آخر مشكله بينه وبين أمي ما شفناه بس عمو عمار لو عمو رشيد يجون
اخر يوم من الامتحانات رجعت للبيت
لكيت يمنه العلويه فرحت بيها
نحبها
صاحبه وجه نوراني بيضه على حمار وعيونها وملامحها كلش هادئه تنحب صوتها هادئ كلش
واحس تحبنه صدك من تسلم علينه تمسح على وجهنه وشعرنه وتتلمس الوجه وتبقى لازمه ايدنه وتسولف وترجع تبوسنه حضنتني وما متغيره تصرفاتها نفس الشئ وبقت تسأل شلونج بالمدرسه شدي حيلج اجيبلج هديه إذا نجحتي
جايبه كومه غراض النه من ضمنهم تلفزيون فرحتنه بيه ماتنوصف وأعرف غايتها تحسس امي أن هي بعدها تريدها تتزوج زوجها بس أمي مو ببالها
العلويه:شوفي احنه عدنه سنه خمسيه والسيد جماعته عدهم كذلك خمس
جمعتهن للبنات موو الج خليهن جوا ايدج أنتي مريضه وبنتج بعدها صغيره خليها تتفرغ للدراسه تخبز وايدها بيها چويات وأنتي عيونج تعبانه سوي مشروع بسيط بس مو تتعبون
خديجه: اعرف نيتها صافيه وأعرف حبا بيه مو قصدها غايه بس إني ماريد فلوس من احد بأي مسمى كان وحتى استبرق اريدها تعرف كلشي حتى لو تتزوج حتى ماتصير مثلي تابعه للرجال ماعدها عيون ولا رجلين يصير هو عيونها ورجليها
وتعتمد عليه وتبقى مغفله
رفضت وتشكرتها لأن حتى لو تعب واذيه عليه وعلى استبرق بس ماحب اصير مطلوبه موقف لاحد مهما كان
ضاجت العلويه بوستها ورضيتها وأعرف گلبها ابيض وتحبنه
استبرق:من راحت العلويه كعدنه نلف كبه بديت اسأل يمه انتي چنتي تحبين أبوي صفنت شويه وسكتت ردت أي بلا زياده بس أي
سالتها
يمه زين أنتي حبيتي أبوي قبل لاتتزوجينه
خديجه:الحب يمه اليصير بعد الزواج قبل الزواج ميتسمى حب يسمونه لعب مشاعر بس حب من يتعاشر وتصير ايام ضنكه وايام حلوه هذا حب يصير من يصير الوفه والصدق والاهتمام كولي اكو حب
بدون هذني كله وهم
استبرق: حسيت مراره خذلان أمي وكأن ملامحها تكول كل هذني الصفات ما لكيتهن بابوج
اندك الباب راحت صفا كالت غدير اجت
دخلت
يمنه
اخذتها للغرفه نسولف وأمي وصفا بالمطبخ يكملون لف الكبه
شعجب عطله وما رايحه لبيت جدج
غدير:هاي الجمعه نخطب لعمو يوسف
استبرق: صدك مبرووك
غدير:هيي شسوي بالمبروك اريد تساعديني
استبرق:احجي شتردين
غدير:اريد تنصحيني شنو اللبس أمي تكول البسي هذا الفستان الي يصير لف وبيه شغل من الصدر
بس شو احسه هوسه
استبرق:العصر اكمل شغلي ونشوف شعندج
العصر خابرتني حتى اروح اشوف ملابسها
أول ما دخلت لكيت زوجه علي ابنهم مخليه المكينه بالصالة وفارشه القماش ويكدرن نضال تكللهم ماريد المعرس ثنين والمجانين الفين
ماحب الخياط اجيب حاضر سريع واخلص شبطلع يطلع
لأن صلوات عائله چبيره زوجات اولادهم كلمن لازمه شغله وام غني كلش سمينه خطيه بس تكللهن سون هيج مثلا نظفن هاي شيلن ذاك وجهال مليان البيت بس فوك عدهم غرف هواية بحيث كل واحد غرفه دخلنه بغرفه خاله نضال طلعت غدير القماش كالت هذا تريد تخيطه عمه منال زوجه علي وهذا فشتاني
نصحتها بالفستان حلو مو هوسه بقيت شويه يمهم سألتني تعرفين تسوين كيك
اعرف بس ممسويه كيك بكريمه وهيج لأ كيكه عاديه كالت لو تعرفين جان سويتي كيك قطع احسن من الجاهز يلعب النفس توصي عمه ميس زوجه واحد من ولدهم من بنيه تسوي معجنات يالبيت
بقيت أفكر شلون اسوي كيك أريد وحده مضبوطه تسوي كيك اتعلم رجعت كعدت يم أمي
يمه تدرين إني كلشي ماعرف بالملابس وذوق البنات بلبس
خديجه:باوعت لخديجه احسها صايره أكبر من عمرها
وتفكر هواية...ليش يمه شناقصج أنتي ذكيه ولماحه وبس تشوفين الشي مره ينطبع براسج هواية بنات ينجحن بشي بس فاشلات بهواي اشياء أنتي صحيح متهوره ولساانج متبري منج وضحكت بس هواية اشياء بيج ناجحه وفشلج أن شاء الله تفرحيني وتعبرين بالمدرسه
شنو طره ع راسج شصار يم غدير اجيتي راسج مو بمكانه
استبرق:يمه تدرين حلوه العائله الجبيره واخوان وخوات وضحك وهوسه مثل بيت ام غني
ما طره على راسي رحت حضنتها بوستها
يممممه تذكرت
اجتني فكره تدرين خطوبه عمو يوسف يشترون كيك من بنيه تسوي بالبيت اريد اضبط الكيك ونجرب
خديجه: الكيك يردله هواي مواد ويردله فلوس واحنه مانضمن ينجح ما مسوين كيك هيج مرفوع
استبرق:سجا اخت عمه سرى تسوي كيك طيب كون تعلمني
خديجه: والتعليم يريدله تكعدين يمها
استبرق:صدكيني يوم واحد إذا سوت كيكه كدامي اتعلم اعرف الأساسيات بس الأسرار مالت الكيكه هيج اصير منفوشه اريد اتعلمها
خابرتني غدير كالت الجمعه خطوبه يوسف مو ما تجين كلتلها أي
وراها العصر اجت ام غني وعزمت أمي
اجتني كالت ام غني عزمتنه الجمعه
خطوبه ابنهم
استبرق:ادري كالت غدير
صارت الجمعه الصبح اجت طلبيه خبز هواي وخبز عروك هم رايدين
عجنت أمي وانشغلت وياها نلف كبب وطلبو كباب عروك
صارت ب٣خابرت غدير إني بداخلي مقرره ماراىوح لأ عندي ملابس بيهن شوفه ولا الوقت يكفيني
أمي كالت ماراىوح إني گلبي مغيم بعدين اروح لهم واتباركلهم
بقت صفا تون اريد اروح اريد اروح
مقبلت أمي مشغلوين بس واحنه نشتغل اتخيل غدير بلفستان شلون طلعت اتخيل اجواء بيتهم
بس بداخلي مروه بعده صواب موتها بگلوبنه ما يهلي افرح او اتونس
بليل اجت خاله أمل لأمي كعدن ويسولفن ودك التلفون غدير
غدير:بذاته خبيثه ليش ما اجيتي
استبرق:, والله عدنه خبز ولف كبه ردت اجي بس اشوفج بس يلا ع العرس
غدير:ضوجتيني ولي مزاعلتج
استبرق:لاتزعلين عليج الله
بس يمكن طلعتي تخبلين مو
غدير: أنتي احكمي بعد شويه اجي اجيبلج كيك ولو ما تستاهلين
استبرق:اندك الباب كلت لأمي هاي غدير طلعت فتحت الباب
غدير بس شو بلبس البيت يلثوله شلون اشوفج
غدير ء:اصبري ولج وينك عمو
استبرق:جاي ذا النون وياها سلم عليه
وانطا تلفون ل غدير بس يختلف عن إلي عدنه
كالت هذا التلفون كاميرا شوفي صوري
شفت صورها وصور يوسف والشباب كلهم وام غني جا وين صوره العروس
غدير: هذا تلفون عمو ذا النون ما دخل يصورها بس اكو مصوره صورت بعدين من تجين ويطلعن الصور نشوفهن
انطوني الكيك وسأل ذا النون ليش ما اجيتي
استبرق:انشغلت
ذا النون:يلا مع السلامه
راحوا ورجعت انطيت الكيك لامي وخاله امل وصفا
وبديت أكل وأحاول اكول شنو حاطه وهايه شنو خاله أمل كالت إني اعلمج كمزت صدك خاله تعرفين
أمل: لأ عندي كتاب الحلويات ومعجنات واسرارها مال نزيهه أديب هذا كتاب انطته عمه ام ماجد ام زوجها بجهاز عرسها الله يرحمها
استبرق:خاله سدي السالفة بيها كرايب أبو ماجد لفانه خلود
خديجه:كومي سوي عشا لخالتج تتعشى من وكت
استبرق:بقت خاله أمل تسولف على خالاتي وأمي تعصب من سيرتهم كالتلها إذا تردين خوتي وياج تيقى لاتجيبيلي سيرتهم معليه بيج وياهم ولا اعاتب ولا احجي بعلاقتج وياهم بس إني عندي اخت وحده بس أنتي لا توجعين گلبي بشي
استبرق العطله خلصناها بالبيت
صعدت اخبز اليوم وشفت شباب فوك سطح بيت ابو غني
شويه واندك الباب صعدت صفا كالت أمي تكول انزلي ونزلي العجين
هاا يمه شكو
خديجه:اجه ابن أبو غني ذا النون
يكول فوك كاعدين يشتغلون عدهم شباب يسوون الصحن
استبرق:شنو صحن شفتهم فوك
خديجه:,٠جا ما نزلتي
استبرق:كلت اكعد
خديجه:,يصعدون على البيتونه ولج فوك يخلون اريل مال تلفزيون مادري شنو
استبرق:وشلون يخرب العجين
بقينه شويه صعدت أمي كالت يلا تعالي وبقت يمي لما كنلت اباوع مخلين عبالك صينيه فوك البيتونه سمعت بالمدرسه البنات يسولفن عن الستلايت مجنت شايفتهن عرفتاهن
كم يوم وخابرت غدير
كالت اجي لو عندج شغل
تعالي خلصت
اجت غدير نسولف
وسألتها عن الستلايت كالت عمو علي مهووس بالتكنولوجيا كلشي جديد عنده تلفونه جديد مو مثل تلفون عمامي ذا النون ذاك اليوم الشفتي تلفونه موتورولا
بس عمو علي عنده نوكيا حديث
استبرق:خطيبه يوسف حلوه شلابسه
غدير:,زينه شكله طبيعي بس إني شايفتها بلا مكياج حلوه اشو مشوهات خلقتها يمكن الصالون موزين
المهم عمو فرحان طاير
استبرق:الله يفرحهم
غدير:عمو ذا النون كلوله نخطبلك حتى تزوجون سوا ما قبل يكول بعد سنتين منتظر حييبته
استبرق: عنده حبيبه ؟
غدير:يكول بس ما نعرفها ولا كال منو بس يكول عندي منتظرها تكبر شويه
استبرق:,شنو حاب وحده بالروضة وتكبر
غدير ،:شمعرفني بس الضاهر صدك يحبها
يغني أغاني حب
استبرق:هاا
خديجه:الو شلونك خويه عمار
هذا ابو الايجار اجه يكول الشهر الجاي يزيد الايجار من ١٢٠يريد يسوي ٢٠٠يكول كلشي غالي
شلون
عمار:, إني اروحله
خديجه: بعد اختك اريد تمرنه أسألك عن شئ
اجه عمار
اسالك عن الوديعه يصير نشتري بيها حتى لو بيت صغير وهو للبنات إني ماريد لا حصه ولا أي شيء بس كون ننستر من دكه ابو البيت يوميه ويريد زياده
فلذلك تكول لابو شكر يشوف ينطيك الفلوس او هو يشوفنه بيت صغير بالمبلغ وإذا ما كفن الفلوس إني ادبرهن فكرت بالعلويه كلت ابقى مطلوبتلها فلوس
ورا اربع ايام اجه عمار
عمار: خويه أم استبرق حامد يكول فلوس الوديعه قليلات لأن تقسمن منطي لخلود منهن حصه
خديجه: حقها تأخذ ليش ما تأخذ ما مكفيها الخذو هي واخوها
مي خالف مو كتلك حتى لو قليلات إني أدير باقي المبلغ
عمار:منين أم استبرق
خديجه:اداين واشتغل واسدد
عمار:خاف ما سامعه الاسعار گابه نار
خديجه: اكو زراعي
عمار:مو مضمون
خديجه :,جا اخلي أبو الايجار يوميه جاي
عمار:احنه نحلها وي أبو الايجار
ما ااخلي يعلي
طلعت منها وأعرف ماتقبل احد ينطيها
اتفقت وي أبو شكر ورشيد وواثق كل شهر ننطي لابو الايجار تكمله المبلغ كل شهر واحد ونخلص
استبرق: أول ما بدت الدراسة بعد العطله تحمست النتائج وطلعت إني وغدير للمدرسه اجت النتيجه مكمله بس بالرياضيات بس الدرجه على الحافه النجاح
غدير ناجحه
طلعت للبيت أمي من شافت النتائج كالت اعتبرج ناجحه لأن أنتي أصلا ما قاريه من بداية الدوام وتشتغلين مي خالف يتعدل الرياضيات
بديت بأول كيكه كلت ادزها لخاله نضال
هي ساعدتني
وكيكه لصفا سادس ودرجاتها عاليه كلش
سويت الكيكه النه ول بيت أبو غني سويت ثنين
العصر دزيتهن بيد صفا
ورجعت اخبز جان عندي خبز
صعدت اخبز وأمي كاعده يمي
خاف أحد يصعد
شفت ذا النون أشر بيده وبيده كيكه من مالتي ضحكت
سالتني أمي شبيج
هاا ماكو شي
خابرتني غدير:ولج الكيكه طيبه كلش كلش حبيتها مخليها حلقوم بيها والثانية لا
استبرق:,منو حبيتي أكثر
غدير:عيفج مني بأجر اريد احجي وياج شلون
استبرق:باجر جمعه تعالينه
غدير: لأ اريد نسولف وما تسمع خاف امج لو صفا
استبرق شكو عندج نبوگ مصرف لو نكتل أحد
غدير: شي بعده بالباكيت
استبرق:غير تلغي
غدير:باجر تعاليلي أنتي بداعتي لاتكولين شغل
استبرق:باجر اشوف
اعرف غدير الصبح متكعد كملت هواية شغل الصبح بقى الخبز أمي كلتلها اروح لغدير شوي واجي جانت تعجن
أول شي ماقبلت لمن كلتلها علمود دروس قبلت
أول ما اريد ادك الباب وراي حجه ذا النون هله استبرق
اهلا عمو
اريد غدير
ذا النون: أي ادخلي
استبرق:,دخلت لكيت ابن غني عمره يعني اكبر مني يسنه او سنتين أول جامعه ماشايفته قبل
دخلنه بغرفه خاله نضال
شكووو احجي بسرعه شنو بلباكيت
مستعجله أمي انطتني بس ربع ساعه
غدير:ولج شوفي سمعت عمو ذا النون يسولف لعمه همسه (اخت ذا النون)
الاربعاء اجتنه
يكوللها على حبيبته المجهوله ولج
استبرق: أي
غدير:يكللها ودي اساعدها ولا اشوفها تتعب اتمنى ما تبعد عن عيوني وعمه همسه تسأله شلون تضمن ما تحب أحد
يكللها لا مابالها لأ حب ولا هاي السوالف
بس جاي اشتاقلها واخاف اقترب وابين لو احد يشوفني ويعرف وهنا تصير صعبه اريدها بعد بس تكمل اعداديه
ولج طلعت بعمري اليحبها مو گلنه شنو بالروضة وصغيره قصده اصغر منه بهواي ولج عمو يحب بنيه بعمرنه وضحك
استبرق:بديت اربط كلامه سؤاله نضراته معقول إني لأ شنو إني ليش لا
رجعت اريد اوخر الفكره ذا النون مني ماكدرت يحبني إني
أخاف مو إني يجوز مو إني شعليه بيه اكول وارجع أفكر بيه وأتذكر كل حركاته لحد ما اوصل لضحكته وشكله ابتسم
صرت يعدها اركز وأشوف كلامه من يختار وقت أمي تطلع يجي على خبزه صغيره
خديجه:بعد ما دزيت عمار على المؤجر الضاهر قبل يبقى نفسه الإيجار
بس كلت ليش ما يدز الفلوس مال البنات احتاجلهن شئ اكدر اصرف منهن سالت كالو يجوز يعني استبرق تتحصر ع لبس بيه خير وأعرف متقبل تطلع حتى لا تثكل غليه بس بنيه والبنات يحتاجن هواية غراض اتصلت عليه
ألو
نعم
شلونك أبو شكر
حامد:زين خير
خديجه:محتاجه فلوس من وديعه بماتي
حامد شسويين بيهن
خديجه:للبنات اسد احتباجتهن صرفيات مدارس تعرف
حامد: أن شاء الله
خديجه:يالله هادئ اليوم
استبرق:رجعت اقرأ يم بيت أبو غني بس عيوني على تصرفات ذا النون
بديت بدون ما تحس غدير اسأل عن تفاصيل وقت ذا النون عرفت يجي بوقت الي إني اجي اقرا وهو مو وقته
من اشوفه انتبه لكلامه
وبديت أحس مهتم بيه مثلا طول فترة إلي اروحلهم إني بشته واحب المثلجات
يجيب وينطيني ويكول جبت وذكرتجن
تذكرت المثرامه والچفوف
هواية تفاصيل بديت أحب سوالفه اصعد اخبز والتأكد الكاه فوك ينتظرني
يجوز كل هذا وهم خاصه أمي اسولف تكول الحب وهم وإلي تبني امال ع شاب بدون زواج ينكسر گلبها على الخالي بلاش
اليوم عمو حامد دز على أمي يرحون يجيبون فلوس ماعرف شنو وإني عجنت واجت صفا تبجي
شبيج ترجف خايفه
شبيج
صفا:الحگيلي استبرق
اكو د ..م.
استبرق:شفت المكان عرفت بلغت حضنتها لاتخافين ماكو شي انقهرت عليها بعدها صغيره شعجب بالسادس ابتدائي وبلغت استغربت جبتها كلتلها تعالي اخذت ثلاث اصابع خليتهن بالطحين
هيج أمي سوت اليه
وعلمتها ودفيتها خليتها بفراشها وغطيتها
وتذكرت مروه وبقيت ابجي لوحدي واخذت راحتي بالبچي جان هسه مروه بالغه وي صفا صار هواية مابجيت براحتي اخاف على أمي عيونها تعبانه
سمعت دكه الباب ما فتحته اريد ابجي بدون أي أحد يقاطعني
كملت بجي لحد ما حسيت فرغت كل إلي بگلبي من تصرفات أبوي على مروه ع أمي المشلوع گلبها على حاجتنه على ابسط الاشياء منكدر نكول محتاجينها لاتضوج أمي قانعين وساكتين
صعدت اخبز خبزت على النص وجمدت القنينه شسوي يربي لازم انزل احمي مي حار واخلي على القنينه تكملي الخبز أمي متقبل اطلب قنينه
نزلت حميت مي صار حار يفور صعدت على الدرج عثرت رجلي وانگلب الماي على جسمي ووكعت إني والجدر
صرخت
-صفا سمعت صوت استبرق صرخت اجيت بالكاع وتصرخ من الماي الحار واكع على جسمها