رواية بيت الخبازه الفصل العشرون 20 بقلم زهرة الرمان

 رواية بيت الخبازه الفصل العشرون 20 بقلم زهرة الرمان 

 بسم الله الرحمن الرحيم 

السلام عليكم ورحمه الله وبركاته 

#بيت_الخبازه ......#بارت٢٠

واثق: تعلمت ما اعارض حامد بصح او خطأ ولازم اكله أي شئ يلا اتصرف 

حتى بالبيت من يربي اولادي ما اعترض حتى لو تشتكي أسماء زوجتي اسكتها ماريد افقد اخوي

رغم هذا جنت ضد حاجم بزواجه الثاني لأن بنظري المره إلي ترسم على رجال وتاخذه من بيته هاي هجامه بيوت لو تصير ماعرف شنو ماكو خلل بخديجه حتى يروح يتزوج بس من عرفنه هي إلي عارضه نفسها تأكدت هي هجامه بيوت وصاحبه كيد إلي لفت راس حاجم وخلته هي واخوها يسحب على بيته إلي بيه بناته وام بناته 

بقيت وراها اراقب من بعيد لبعيد بيتها ماكو شي غريب تطلع الصبح للدوام وجهالها وياها وترجع الضهر جايبه مسواك

بس اليوم رحت ع شغل بمكان يكبسون التمر حتى ينباع 

شفت طفل بالكاع والمره تكفخ بيه وادفر بيه حيل تقربت منهم وإني وياي جماعه بسياره شفت خلود وصعدت بسياره حديثه ماكدرت اشوف سايقها 

ووياي جماعه الولد الواي كلمن يخمن بكيفه اليكول هذا مو ابنها شلون هيج تضربه وواحد يكول يجوز تجدي بيه 

وإني افور اغلي ودي انزل احاسبها

وصلنه لشغلنه اريد اركز ماكدرت افور استاذنت من الجماعه صاحو وين كلتلهم طلعتلي شغله 

بوجهي لبيتها وألف سالفه اجت وحامد يكلي لاتجينه حجايه 

وصلت للبيت ادك بالباب محد يفتح الباب طبعاً شفتها من راحت بسياره حاولت أفتح الباب ابتعدت عن الباب شويه كلت انتظرها ماكدرت اتحرك من بيتها إلا اشوفها اتصلت على حامد يكلي بباب بيت خديجه 

ياا خديجه أنت تعال شوف مصيبتي بس بعدين كلت خليه ما اكله لأن خاف تسمع ام استبرق وتعلگ حامد يوصي برشيد وعمار ما يخلون خديجه واستبرق يطلعن وهاي بالسيارة صاعدتلي

شويه وانفتح الباب كمت ركض شفت فضل طلع ما خليته بشوفني ردت اعرف شيسوي بيده فلوس مبين هسه كاعد راح للمحل جاب كلاص گيمر 

ودخل دخلت وراه 

ها عمو فضل 

فضل:اهلا عمو واثق 

واثق:وين امك حبيبي 

فضل:عدها معامله 

واثق:معاملتيش عمو اليوم عطله (بگلبي حجيت)

هاا معامله 

وصار هواي تروح للمعاملات

فضل:من يخابرونها تروح

واثق:ها خير أن شاء الله 

اسويلك أكل لو تجي اخذك اريكك برا 

فضل: لأ عمو هذا الگيمر احبه وجاي أكل 

واثق:كمت افتريت بالبيت سويت نفسي اريد أشرب مي سألته دخلت للمطبخ 

سنك وكاونتر جديدات طباخ جديد غساله بالمطبخ وتلااجه كلشي جديد مبين 

بس ريحه المطبخ مال عفن مو طبيعيه 

شربت مي بالثلاجه لكيت الفواكه والمخضر مليانه الثلاجه بس كله معفن وعليه فطريات 

ومتروس الكاونتر معليات لحم ودجاج وقواطي متنعرف شنو ماكول على النص او شويه او ما مفتوح أصلا 

الصمون برا هواية بسله المخضر 

طلعت لعبت نفسي 

شنو متطبخ هاي توكل الجهال معلبات

رحت سويت نفسي اشوف السطح شفت فضل يمشي وراي باوعت على الغرفه مفتوحه 

كلت لفضل تكدر تروح تجيب جكاير من الأسواق واشتري شتريد اشتري وإني راح العب بالبلي مالتك البلي ستيشن حديث اخر اصدار مشتريه 

وشاشه بلازما بوقتها جانت كلش غاليه 

راح ودخلت لغرفتها غرفتها الكنتور مقفول بس خانه بيها ملابس الجهال مفتوحه بس المكياج مليان الميز 

طلعت كعدت العب بلي واجه فضل أربع ساعات يلا انفتح الباب واسمع خلود لسان زفر تفشر وتغلط على ابنها وتنعل بحاجم وزوجها ذاك ابو أنمار 

دخلت بهت وجها من شافتني

خلود: أبو حسام 

واثق: أي ام انمار 

وين چنتي

خلود: عندي مراجعه لابني 

واثق:وين 

خلود:ليش 

واثق:جاي اسأل وين مراجعه

خلود:ب.....

واثق:چذابه

خلود:شنو 

واثق:,اكول أنتي چذابه مچنتي بمعامله ولا بهذا المكان

خلود: خويه شنو قصتك يعني وين اروح 

واثق: كليلي أنتي بلا

خلود:كرايب زوجي الأول عنده معارف يسووله راتب مال معوقين ورحت اراجعله متشوفه

واثق:تردين تقنعيني تصعدين بسياره رجال وحدج غريب عامود راتب لابنج خلود وروح حاجم هسه هذا بيتج افلشه على دماغج شنو الراتب إلي هو تفاليس تنطي الدوله التروكضين بيه وحدج واحنه كل زلمه بكبر الزمال اتضحكين عليمن أنتي 

ثم بالعقل راتب تفاليس ادورينه منين هذا اثاثج وهاي الاجهزه إلي بيتج احجي كولي الروضه تنطيج الوفات 

شوفي انتي دواج حامد 

خلي يجي اصبري

خلود: لأ لأ تكله إني اسولفلك 

واثق: بدون چذب

خلود: أي والله الي تشوغهن كلهن بحلال والله 

واثق:حلال شنو فهميني

خلود: إني تعال فضل أخذ اخوك للغرفه وسد بابها

واثق: أخذ اخوه ولا حجه وراح للغرفه وطك السركي 

احجي بله 

خلود:شوف واثق إني دائما اشوفك احسن اخوتك وحنين وحتى حاجم جان يكول واثق محترم

واثق:,چذب عليج إني أكبر سريري وحقير 

احجي بلا ما تلتفين تكولين بالحلال شنو هالحلال احجي

خلود: إني عندي معوق ومالي أحد لأ اخ ولا أهل وانتم حايربن بدنياكم الله بساعدكم مالومكم بس صدك هذا الأجهزة والبيت والأكل واللبس ما تجيبه الرواتب

واثق: فهمينه بلا مقدمات

خلود: إني اتزوج على سنه الله ورسوله ومااله يمي احد شئ ما مسويه لأ حرام ولا عيب 

بشرع الله

واثق ء: يعني متزوجه

خلود:هو زواج بس همه يشترولي او ينطوني فلوس مهر باعتبار

واثق: شنو يشترولي شنو متزوجه شكد بعد حيلي

خلود ،:,مو هو زواج منقطع

واثق:دكيت على راسي وكعدت هجم بيتك واثق شلوووووون ولج سايبه من حضن لحضن 

خلود:شعليكم بيه إني أريد اعيش وابنكم عايش شنو هم تتحكمون بيه

واثق:هسه اصبري

خلود:لاتخابر حامد شتريد إني حاضره بس لانكله 

واثق:ولج شريد تقربت مني لزمت ايدي

خلود ،:ادللك اخليك اسعد رجال وتشوف ايام من الجنه وياي

واثق لا يا طايحه حظ

خلود:,فكر وتعال تلكاني منتظرتك 

حامد:شنو أنتي تعاندين وتتحدين مو بعيونج أحد

خديجه:شنو ميته وتصير وصي على بناتي

حامد:, هواية صبرت عليج الوصايه شنو قابل ابوگ بنات أخوي ولج إني من جيبي ادز عمار ورشيد يشوف شمحتاجين

خديجه: وإني ممحتاجه تصرف فلوسك علينه ولا مخونه وصايتك بس إني أولى بوصايه بناتي روح صير وصي على ابن خلود

حامد:يصير خير خديجه اشوف تاليتج وصايه خليها الج وشوفيني شلون تحافضين علبهن موتيلج بنيه وبعدج ما متعضه هاي دنيتنه زلم ما ملحكيلها وأنتي داكه رجلج 

خوش يدبج حيل الماشايفها 

بس يكون بمعلوماتج عيوني عليج حتى بانفاسج

خديجه: عيونك هو شحصلت من وره عيونكم بس الضيم وااهضم

حامد:لسان بنتج هسه عرفت عليمن طالع طلعت نسخه منج 

ويكولولي بيش طالبها صوتها ماينسمع هو خوفنه من السكوتي

خديجه: لأ خوفك من الناعم

حامد يلنسوان ماعدجن غير الغيره بينجن 

ومن تردين ترحين لطبيب لببت خواتج الزينات اخذيلج أحد وياج ومو تخلين بنتج وحدها

خديجه:اطلع اروح اجي ما يضرك ولا ينغعك وبنتي اعرف شسوي ما تسوي

حامد: ردت اهد ونوب استغفرت الله

خديجه: راح واستبرق تگلي أول مرة تبردين گلبي

خديجه:لاتفرحين لأن تعرفين شنو معناها 

معناها رح يبقى ينتظر عثره أو تصرف خطأ وما يكدر يلزمني بخطأ لأن وياي رب العالمين بس كون أنتي تمشين على إلي اگوله

استبرق:يمه لو راجعين لبغداد افضل مما باقين واجاك الواوي اجاك الذيب

خديجه:من رحت لبغداد مو بطرانه ولا شارده منهم رحت علمود عمت عيني مروه ومروه راحت

استبرق:جا شلون كلتي لست هدى اجي

خديجه: لأ المديرة تريد تكعد أحد ولا محتاجين أحد كلت هيج لأن جنت حاسبه راح نكعد ببيت حامد وجنت كارهه روحي ولهسه احس اني سبب موت بنتي 

بس هسه لأ نبقى وراح أبدي اشتغل بعد ماريد فلس من حامد هليعير بيه يكلي ادز مسواك بيد عمار ورشيد 

ماريد منهم شي عبالي اموت وره بنتي 

بس ماطول بيه حيل ونفس اعيش بكرامه وما ارضى بذله بشر 

حتى الايجار ماريده منهم إني ادفعه 

خابريلي أمل

الو شلونج خيه 

هله خديجه شلونج شخبارج 

إني زينه اكلج اريد فلوس دين

أمل:,خير شبيج تخربطتي

خديجه:, لالا محتاجتهن

أمل كليلي شحتاجيتي

خديجه:, اريد اشتري تنور ستيل 

وطحين واخبز

أمل:خايبه خيه الدكتور كلج عيونج لأ حراره ولا شمس اطلعين شتخبزين إني شتردين ادزلج فلوس

خديجه:كتلج ما أخذ

أمل:ولج خيه إني مراح لنطيج من جيبي همه تبرعات للأسر المحتاجة ينطون شبيج منو مستحق أكثر منج

خديجه:عندج فلوس انطيني ودين ماعندج خلص

أمل:,عندي يلعنوديه

خديجه:انعم الله عليج شوفي استبرق راح أبدي اخبز كلت لهاي البنيه ام صديقه صفا 

وكلت لام غني  

ثاني يوم أمل جابت تنور مستعمل بس نظيف وطحين وقنينه غاز

منين هذني أمل

أمل: والله مو من المتبرعين هذا تنور بنتي ماتريده والقنينه مني والطحين مال كميه اشتريته من جارتي تبيع كل شهر طحينها هذن گونتين ونص حصتي وحصه جيراني وما مطلوبه فلوس القنينه امانه عندج تبقى من يصير عدج محلات افران رجعيها

خديجه:عجنت وكملت منتظره يختمر صعدنه التنور فوك لأن ماكو مكان اختمر وصعدنه نخبز على ايدي استبرق كلتلها اخليلج كم كرصه بس ما قبلت شفت ايدها زينه بالخبز وسيطرت خبزت الخبز كله بس اساعدهه إني اجمع بالخبز تخاف عليه من حراره التنور 

انباع نصه وضمينه بالفريز 

يومين وعرفت سرئ مرت عمار وصتني ولاختها سجا وصت تاخذه 

حتى إلي بالفريز صار ينباع واصلا استبرق خبزها صار احسن مني 

إني اعجن واشنگ وهي تخبز وصفا تصفط بالعلاليك بعد ما يبرد شوي 

بيت ام غني ياخذون مني خبز

استبرق:صرت اخبز إني

وغدير ما قصرت تكول للبنات استبرق خبزها يخبل استبرق الخبازه 

أول وحده وصتني ست ضفاف اجيبه للمدرسه كالت حتى لو مجمد عادي

اليوم رادو ناس خبز هواي ثمانين گرصه

أمي تشنگ كاعده ونزلت تشنگ صينيه ثانيه 

باوعت بدون انتبهاء شفت ذا النون فوك سطحهم يباوع بس مو علينه يشتغل بواير كهرباء او هيج شي مادري كعدت لفيت شالي صح لأن شعري طالع

وكمت مالكيت أحد هم زين 

اجت نتائج الشهريه إني ب٣ امي تخبلت بقت تصيح وتحجي 

يمه ماعرف لالمسائل رياضيات ولا الفيزياء ماكدر شسوي 

. خديجه: والكيمياء 

استبرق: يعني شسوي ما افتهم على شرحهن 

خديجه:ذني الطالبات الينجحن شنو تشرحلهن غير مدرسات 

بس كولي عقلج مو مال دراسة أي أنتي تردين حامد يوكفلنه ويعيد ويزيد لأ عرفتي تربين ولا ولا

استبرق:,شعليها التربية بالدراسه شنو يريدله حجه

خديجه: هذا لسانج وعذرج على طرفه هلبت بدراستج

استبرق:شدت وياي أمي متقبل صارت اخبز تكلي اريد نتيجه زينه بنص السنه تنجحين حتى ترفعين السعي

بالمدرسه غدير ناجحه ودرجاته عاليه أكثر البنات اكو إلي يساعدهن او دروس خصوصيه سألتها كالت أمي ادرسني امها طلعت مخلصه كليه 

ورا يومين غدير كالت تعالي لبيتنه ادرسج أمي وياي تحضر ويانه واجباتي 

كلت لامي ما قبلت 

بديت احجي 

شنو لأ دروس خصوصيه ولا تقبلين يدرسوني ولا إني افتهم 

والله ابطل احسن

خديجه:تلوين ذراعي شنو ولج اوديج بيت متروس زلم

استبرق:*,كلهم كبار وكرايب ومقام عمام وعمو عمار من يجي كليله أول وشوفي اعرف ما تأمنين

اجه عمو عمار وبقت تسأله عن بيت ام غني وكالتلله نضال أدرس استبرق 

بده يحمد بيهم وكاللها امني ولدهم يطلعون وي ابوهم لحد الليل وحتى لو موجودين خيره الناس

اطمأنت وعمو اخذني أول يوم الهم بعد ما خابرت غدير وكالت تعالي نحضر الجدول 

وصلنه لبيتهم طلع ذا النون سلم علينه 

ودخلنه همه بقو بالكراج وإني اخذتني غدير لأمها 

من تشرح شي غدير تجاوب إني اصفن 

كالت تحتاجين اشرحلج وبعدين انطيج تلخيص وبعده تروحبن تقري وامتجنج 

بدت من الصفر وياي لأن تشرح وتعيد مرتين ثلاثه يلا افتهم 

من دوامي ضهري اخبز من الصبح كلش حتى أخذ خبز المدرسات صارن ياخذن مني وبالصباحي العصر كلش اخبز واجمده وأخذه الصبح

استمريت هيج بأول امتحان يومي أول مرة أخذ ٧من عشره احس مسويه انجاز 

رجعت لأمي فرحانه 

طلبت منها أسوي خبز عروك لنضال هي صاحبه فضل 

خبزنه العصر ورحت هم اقرا وهم فرحانه اريد ابشر نضال فتح الباب يوسف عنور كلما اشوفه أو اشوف ذا النون اتذكر عنور وقنبور واضحك تصير بوجههم

شلونك عمو يوسف 

يوسف:هله استبرق فوتي عمو فوتي شنو هذا 

استبرق:,عمو خبز عروك 

يوسف:,شو بلله 

استبرق: أخذ الصينيه واجه وراه ذا النون شنو هذا 

كال شلونج استبرق وثلم الخبز ويوسف هم كلت خربو الخبز وإني جايبته لنضال سحبتها ما انطوها ياكلون 

عمو جيبها ولا يسمعون صحت عنور عيف الصينيه قنبور كافي لفيت الكرصه بلگمه

حلوگهم مليانه وفتحو عيونهم عليها فهوا بعدهم ما حاجين اخذت الصينيه ودخلت ركض انطيته لنضال كلتلها اكلو عمو يوسف وعمو ذا النون

واجه صوت لأ گولي الاسم الگلتي قيل شويه 

عمو 

ذا النون ء:*نضال وين غديره تسولفلها كلشي غديره 

استبرق: والله ملعيها غدير 

ذا النون:,منو گلج 

استبرق:,يمشي ويحجي على كيف جنه يريد يصيد فاره 

جاوبته بيبي أم غني والله

فتح عيونه وعاط يمه يمممممهههه

نضال ضحكت وكالت عفيه اريد درجات اقوى واشكرت على الخبز 

استمريت وياها اروح الهم 

واخبز مرات أحس أحد فوك سطح بيت أبو غني بس ما اشوف أحد 

اروحلهم وصرت كلما اشوف ذا النون او يوسف ابتسم يوسف يهز ايده 

بس ذا النون يخزرني ويرفع حواجبه 

واجاوبه عمو انسى انسى إني نسيت.يجاوب

عمه العمه عمج وعرج الواه لوي

خديجه:خابرتني ست هدى وتعذرت منها كلتلها إني هم كاعده هنا ايجار واخبز فعيفي الموضوع شكرا الج وللمديره وما قصرتوا 

اجت صفا جانت جايه من المدرسة واستبرق راحت للمدرسه 

كالت عمو حامداجه لفيت ربطتي ولبست ثوب الصلاه رحت واكف بالباب بدون سلام حجه

حامد: يعني انهيج من سالفه ترجعيلي بسالفه 

خديجه ،: خير هالمره شكو 

حامد:, ليش راجعتلي هنا تخبزين

خديجه: لأن اريد اعين نفسي واعيش بناتي شلون ابقى على المنح مالتك إلي ادزلياهن بيد رشيد وعمار 

عندي عافيه ونفس اشتغل واعيش

حامد:,ليشششش مو موصي عمار الدثو شتحتاجين ادزلكم

خديجه: ماريد منك شي 

حامد:,وخبز ماتخبزين وبتج لاتخلينها تفرفر بالبيوت راح تمرضيني أنتي

خديجه:,شنو باگه لاتحلين وگرصه لاتثلمين واگلي لما تشبعين 

لأ اشتغل ولا اطلعن ولا تمشن شنو مشتريني أنت شنو عدكم إني فصليه

هد اجه عليه صرت على شباك المطبخ وصل يمي عيونه بعيوني يرجف وانفاسه عاليه 

خديجه اتقي شر الحليم إذا غضب

على شنو تغضب بشنو مأثره عليك بزادكم بمايكم داخله بيتكم بناتكم الصله البينه وبناتكم عمار يمهن شتريد مني أنت 

جاوبني هسه شتريد حامد

حامد: رجعت شويه وهي مستمره تسأل شتريد

ماااريدج تخبزين 

خديجه:عمار إلي هو اخوك ما حجه ولا اعترض ولا رشيد كالو هاي حياتج بكيفج 

أنت ماتريد شنو صفتك عمي خالي 

كااافي تسلط كافي

حامد:احس عرگت وگلبي يخفگ وانقهرت من وگفتها واسئلتها درت وجهي وطلعت

استبرق:اجيت من المدرسة لكيت أمي عاجنه سولفتلي صفا عن عمو حامد 

حسيت أمي اقوى من قبل 

فوك نسولف واخبز يمي صفا اجت سرئ مرت عمو عمار وكاعدات وعمو عمار وياها 

رفعت راسي لكيت ذا النون بس هالمره شفته يباوع علينه حجيت على كيف هلو عمو واشرت بيدي 

ما حجه ولا اشر ولا سلم راح شبيه هذا

مستمره اروح لغدير وندرس نوبات اروح تروح وياي صفا نوبات وحدي 

بس قليل أشوف صرت عمو ذا النون 

كعدنا اليوم امتحنتنا نضال وانطتنه وقت كالت ارتاحن وهي راحت 

سألتها ذا النون شو ماكو

غدير:,هااا بالشغل 

استبرق:,ورا شويه اتخيل ماعرف صدك سمعت صوت ذا النون شنو اتخيل صوته

لحد يوم كالت غدير راح نروح لببت جدنه خميس وجمعه وراها عطله هم يبقون اربع ايام 

وصتني نضال كالت هذا وهذا اقري لبين ما نرجع

اليوم خميس وعمو عمار كال اخذكم للنهر وهناك مقام يزورونه الناس بيه مكان زرع حلو 

تحضرو اجيكم اجه هو وزوجته واولاده بسياره ذا النون 

صعدنه سلمت أمي جاوبها وإني كتله هلو عمو ما جاوب متاكده ما جاوب رجعت كتله هلو عمو 

گوه رد هله 

مشينا بالسياره وفطومه بت عمو عمار ويانه مايحجي ابد طول الطريق ساكت

وصلنه فرشنه وكعدنه وجان حلو المكان والجو انطلقت صفا وي بنات عمو عمار وإني كاعده يم امي وعمه سرئ جايه وياها أمها مره چبيره

وعمو عمار وذا النون طلعو الحطب يىدون يشوون سمج

ذا النون:اكلك عمار 

عمار:ها 

ذا النون: ابوي وابوك ولد عم صح 

عمار: لأ راضعين من ام وحده هههه شبيك اليوم مدلغم وتحجي جد 

ذا النون هسه اخذني على كد عقلي وجاوب 

عمار: أي ولد عم يعني اجدادنه اخوان

ذا النون : يعني خلفتك مثلا هذا بشار ابنك مايصير ياخذ مثلا رسل بنت علي أخوي

عمار:, ليش مايكدر

ذا النون:غير المفروض يصيحلها عمه لان بنت عم ابوه

عمار: لأ تحل عليه لأن ولد العم خلفتهم حلال يزوج منهم

ذا النون متأكد 

عمار:, متأكد بكد ما إني اليوم اشوفك مو صاحي 

ذا النون: هسه أنت متأكد صحيح

عمار:اييييي اييي بس كلي شنو مناسبه هالحجي 

ذا النون:هيج خطرت ببالي يجوز أخذ صفا لو فطومه بنتك

عمار:, أي ياخذن شايب دمشي هفتت النار راح يبقى السمج ني 

روح جيب السمج

ذا النون:السمج يم مرتك انت جيبه إني رايح هسه اجي للسياره

واثق:شبيج تضحكين

خلود:نضرتي ما تخيب أبد عرفت راح تجي 

واثق:شعرفتي جاي على شنو 

خلود: اعرف 

واثق:شنو العرفتي

خلود:لووو أنت ما مقتنع بعرضي الك جان هسه حامد ببابي بس وجهك يبشر بالخير

واثق:ونظرتج الماتخيب هم جانت لحاجم

خلود: حاجم أكثر انسان تعبت بسببه

واثق:تعبتي وهيج جا خديجه شتكول

خلود: خديجه بالنسبه لحاجم رقم واحد ولا أصلا يوم اهتم وهم مثل ما هم بخديجه وبناتها

واثق:يهم بيها ويزوجج ويهم بيها وينطي فلوسه الج ولخوج ويصرف على امج

خلود:تتوقع زوجني هيج 

حاجم تزوجني عقد دائم بسبب

واثق:دائم ؟يعني هم تزوجج منقطع

خلود:تزوجني بسبب أمي من بعد ما سافر رسول وجان يريد يفك شدته صحيح 

وخلاه يطلع بأن ينسجن جان رسول مفهمنه ست اشهر يرجع فلوس حاجم وياخذني إني وابني وأمي 

بس رسول راح وانقطعت اخباره وبعد تورط حاجم بينه لأن إني ماعندي احد جان عطفاً منه النه ووفاءا لصديقه إلي جان يتوقع كم شهر وياخذنه

أمي تغسل كلى بالاسبوع مرتين 

وعلاجها يكسر الضهر غالي 

وبقى يساعدنه حاجم بس من يجي كلت اتحامى بضله بعقد 

إني كتله تزوجني لأن ميدخل ويشوف وجوده بيه اشكال شرعي ببيتنه 

تزوجني منقطع 

حتى يكدر يبقى قريب علينه

الست اشهر صارت سنه وانقطعت اخباره 

إني إلي خليته يكون زواجي وياه تام مجانت فكره زواج باله بس إني حبيته 

حاجم شهم بس مشكلتي وياه يحب مرته وبناته ويخاف على شعورها 

إني تعمدت احبل منه حتى يصير ولد كلت يصير يحبني بس نخبل بدل ما يقربني ابتعد مني بس اضطر يتزوجني دائم من صار فضل

واثق:من اكول أن كيدهن عظيم لازم نعرف منو ام الكيد والحيله يعني لبستي اخوي زواج گوه براسه

خلود:ماكو شي بالگوه والدبيل هاي جيتك أنت عجبتك الفكره

واثق: لأ ما حسبتيها صح 

إني إذا أقرر إني مو حاجم اتزوجج كدام الله وخلقه بس حتى تهجعين وتكعدين شاهرتنه بزواج المنقطع

خلود:ومنو گلك إني اقبل شنو تفرض عليه لأ عيوني 

لعلمك ما تزوجت وأحد إلا يفيدني إلي عنده ضلع بالدوله او عنده فلوس او علاقات قوية 

منين يعني هذا على گولتك الاثاث

واثق:هسه احنه وحدنه ومبينه أمنتيلي جاوبيني بصدق الگاع إلي باسمج من حاجم صحيح مو

خلود:منو كال إني أامن بأحد لأ ما امنت بيك وعلى الگاع نص بس بس الباقي الفلوس مني

واثق:حلووو خوش شغل خوش حجي

خلود: حقك وما الومك تحجي عليه بس لانك ما شفت الي إني شفته ما نمت ميت جوع وعندك طفل معاق جوعان يرگع بالغراض يريد أكل وماعندك حك خبزتين من الفرن ولا نسوانكم وحده انطردت بالشارع نص الليل وعلى چتفها طفل مريض كل ذنبها خلفت من ابنهم طفل معاق لاتقارني بخديجه 

لأن خديجه عدها زوج جان مخليها مثل الملكه ببيتها ما تهم بكلشي 

إني زوجي الاول جانت حسره عليه اللگمه حسره عليه اللبسه جان بخيل ومن عرفو اهله ابني معاق طردوني لأن عدهم بخل مخيف يتخلون عن لحمهم اذا ما بيه فايده الهم 

تجي انت تكلي خوش شغل 

مااا مشيت بحرام بس بنفس الوقت ما املك لأ موهبه ولا وقت بس هذا شوف جسمي وشكلي وشعري إلي انت خلاك تجي اليوم وخلاك ما تكول لحامد

لاتنظر وتسوي نفسك نبي 

وحتى حامد اخوك كاتل نفسه على خديجه مو لأن يحبها لالا 

بس تعود الكل يكلوله تم ويصفگوله من يحجي 

وخديجة جانت بجره وطلعت بره مجانت شايفه دنيا وراسا عرفت الفقاعه الجانت بيها وهميه 

تمردت على حامد مووو حبا بيها حامد يريد يتزوجها ويركض وراها انما يريد الكل برضخ اله

واثق: ماشاء الله من عشره الزلم صايره خبيره اشوف شوفي 

اتزوجج دائم وتكعدين وتسكتين شاهرتنه على ابو بيت الداود چنتهم من سياره لسياره وتسحبين بابنج وياج

خلود: تريد عقد منقطع هله بيك ما تريد زواج دائم مااا اريد 

ولعلمك زواج منقطع هذا سد حلوك يعني مهره ما تحجي ولا تجيب سيره 

أما أبني فهو يساعدني باستعطاف الناس وإلا محد ينطي درهم 

واكثر إلي اتزوجهم عدهم عوائل وزوجات ميردون يخربون بيوتهم وعدهم فلوس فلوس مو تفاليس 

فما يأثر عليهم كم فلس لمره مالها أحد وعدها يتامى ومعوق

واثق:اخطر شئ من يكون عند المراه تجمع بين المكر والحيله تهجم مجتمع 

خلود:, هذا لأ حيله ولا كيد هذا مصنع الدنيا الغبره إلي لأ خلت اخ فكر بنفسه وباگ فلوس حاجم وراح خان الاخوه وخاني وخان امه 

ولا أهل والزوج اخذاه الموت وإلا لو باقي حاجم لهسه عمره ما قربني الكم ولا خلا خديجه تنجرح وتشوفني

واثق:معناها ماكو فايده اروح لحامد هو يتصرف 

استبرق:قربت نص السنه وإني اخبز بعدني ولو نلم الفلوس يلا يوصلن للايجار وصار من يجي عمو عمار متقبل أمي يتسوك او يتشري تكله عدنه خير من الله

بس سرى زوجته وسجا اختها 

عرفو چنه نشنغل كبب وكباب 

بدو يوصون ورجعت أمي تشتغل كبب وكباب 

للمعارف ولو تحس سرى وسجا يريدون الكبب والكباب مساعده النه بس شعلينه على كوله أمي هنه موضفات يحتاجنه وبلكي صديقانهن نريد نجمع الايجار 

ومن انشغلت أمي بالاكل والعجن خف البچي والنعاوي الجانت تسويهن كل يوم من محد اكو منه تبدي جانت تنعى وتبجي

غدير تتصل عليه اروح نقرا يم نضال امها 

ونوبات نتأخر 

كاعده اليوم بالصالة الداخليه هاي مكان صغير بيه ميز وكراسي بيه باب على الاستقبال مخلينه بس للاكل مال خطار 

والصاله الثانية المطله على البيت بينهن باب 

من يكعدون بالصاله الجبيره نشوفهم من ينفتح الباب 

انطتنه واجب خاله نضال جاي نحل إني وغدير وفتحو الباب الجهال بيتهم هواي اخوان وبيهم متزوجين بس كلهم ببيت واحد وجدر واحد محد عازل زوجه غني تطبخ وزوجه علي ووو عدهم بس قنبور وعنور ممتزوجين 

بحيت صلوات الصاله تصير هوسه بوقت الغدا

صار بوجهي ذا النون كاعد بالصاله بس لابس برمودا والضاهر كاعد من النوم هسه مشافني بدت ام غني تسولف وياه وتحاجيه كالت قنبور غير تطلع من الصبح وهيج وهو يغنيلها وباصبعه يبزها بخصرها وشال راسه شافني 

فرك وجها وراح بسرعه 

بعدها بشويه اجت نضال تحجينه عن مساله بالرياضيات 

اجانه صوت بالباب 

كل شئ بالكون رياضيات المعادلات الكونيه قوى التنافر والتجاذب والحث و المغناطيس 

والسالب والموجب كلهن موجودات بداخل الإنسان نفسه 

خويه هذني عقولهن مجيمه

غدير:عمو خليك بعالم السيارات أنت احسن الك 

ذا النون:*عمو وداعتج حتى السيارات بيها حركات ديناميكية وكهرباء وحساب وكتاب شتكولين استبرق

استبرق:كلامه جان عادي وأكثر من مره هو يداخل بدراستنه نوبات والضاهر دارس لأن ينطي جواب نوبات برقم بتقسيم او ضرب بسرعه 

بس اليوم من حجه اني جنت مدنكه اشخبط وهمه يحجون غدير وامها وهو 

لأن أحس أني ضعيفه بالرياضيات شمغهمني بكلامهم بس من كال شتكولين استبرق باوعت بوجهه ردت اكله بكيفك عمو شفت نظره مشايفتها قبل ولا إحساس حاسته قبل ما عرفته شنو خربط مخي جاوبت مادري هو هم راح.........

الفصل الواحد والعشرون من هنا