رواية عشق اولاد النمر (غرام النمر 2) الفصل الثانى و العشرون 22بقلم جنه ياسر

في مصر 🇪🇬 في قصر النمر بالاخص في غرفه همس كان الجميع متواجد فيها لكي يطمئنوا علي همس التي كانت نائمه علي الفراش...... والطبيب كان يقوم بربط رأس همس بشاش ابيض طبي لان كان في جرح بسيط في جبينها..

جاسر قال بلهفه : طمني يا دكتور ..

الطبيب التفت ونظر الي جاسر وقال : اطمن يا جاسر بنتك حالتها كويسه هي انجرحت جرح بسيط انا عقمته....الموضوع بسيط متقلقش المهم سيبهوها ترتاح لحد الصبح...لو حصل اي حاجه كلموني انا تحت أمركم 

جاسر : شكرا يا دكتور تعبناك..

الطبيب : مفيش شكر ما بينا يا جاسر احنا زمايل وانا تحت امرك في اي وقت ..

جاسر ابتسم له ثم قال : اسد روح وصل الدكتور ..

الطبيب : مفيش داعي يا جاسر انا عارف الطريق ..

بعد اذنكم...

ثم خرج الطبيب الي الخارج... 

أما يامان كان واقفا قلقا عليها ويقوم بلوم نفسه فهو السبب هو جرحها كثيرا بالحديث الذي قاله لها ..

رأي الطبيب يخرج التفت له مسرعا ووقف امامه 

وقال بلهفه: لو سمحت يا دكتور طمني هي همس كويسه اتأذت حصلها حاجه ...

الطبيب : لا كويسه هي محتاجه بس تستريح ...بعد اذنك عشان مستعجل ...

الطبيب ذهب ويامان وقف مكانه وكان يتذكر همس ويتذكر الحديث الذي دار ما بينهم وصراخه عليها هل حب همس هل كان غيران عليها هو لم يستحمل قرب ريان منها و لم يستحمل يراها قريبه من اي شاب ....جلس يفكر ويتحدث مع حاله كثير ...

ثم رأي الجميع خرج من غرفه همس وقف ينظر لهم ويتابع حديثم ليطمئن علي همس ..

يونس : الحمدلله يا جاسر جت سليمه يلا نروح نرتاح وبكره ان شاءالله نطمن عليها..

جاسر : ان شاءلله يا بابا ...يلا خد ماما وروحوا ارتاحوا انهارده اليوم كان متعب ...

شهد : ماشي يا حبيبي وانت كمان ارتاح متخفش اطمن الدكتور طمنا الحمد الله انها مفيهاش حاجه واه انجرحت جرح بسيط ...بس قدر الله وما شاء فعل ...

جاسر : الحمدلله علي كل حال يلا روحوا ارتاحوا ..

ثم جاسر توجه الي يامان ووضع يده علي كتف يامان 

وقال : بشكرك يابني تاني مره تنقذ همس حقيقي بشكرك 

يامان نظر له ثم قال بتوتر : انا معملتيش حاجه يا انكل ....

ريان اتغاظ من يامان انه دائما ينقذها ويكون قريب منها ثم قال : بس صح يا يامان هو انت كنت مع همس اصل انت عرفت منين ان هي وقعت من الحصان ..

يامان نظر له بغيظ ثم قال : اه كنت معاها ..

جاسر نظر له ثم كمل يامان بتوتر وقال : قصدي ان لمحتها وهي بتخرج من القصر وكانت راكبه الحصان وكانت بتسرع جامد فاا يعني خوفت ورحت جايب حصان وجريت وراها وبعدين شوفتها وهي بتقع من الحصان فجريت وبعدين جبتها لهنا ..

جاسر : ماشي يا يامان بشكرك مره تاني يلا روحوا ارتاحوا يا جماعه بكره ان شاءالله نطمن علي همس ..

رحيم قال : انا همشي يا جاسر وبكره نبقي نيجي نطمن علي همس ان شاءالله...

جاسر : طيب يا بني ما تخليك بدل ماتمشي و تيجي الصبح ..

ريان : ايوه يا بابا انا أوافق انكل برأيه خلينا احسن وبكره نمشي بعد ما نطمن علي همس ..

اتغاظ يامان بشده وكان هاين عليه ان يذهب يضرب ريان ..

رحيم : لا مش هينفع انا همشي وبكره نيجي يلا يا براءة انتي وريان وروميس عشان نمشي ...

ثم ذهب رحيم وسلم على جاسر وبراءه ذهبت الي غرام وسلمت عليها ..

وبعد دقائق كانوا ذهب رحيم وعائلته ...وكان باقي العائله ذهبوا علي الغرف ليرتاحوا وجاسر دخل يطمئن علي همس مره اخري ...رأها نائمه قبل جبينها ووضع عليها الغطاء ثم خرج وذهب علي غرفته ...

" وبعد ساعه في غرفه اسر كان يامان متسطح بجانب اسر ويحاول يغفل عينه وينام ...ولم يعرف كل ما يغمض عيونه كانت صوره همس تظهر امامه وهي تبكي وهي تقع من علي الخيل ... قام يامان بانزعاج وجلس علي الفراش وقال : انا مش هرتاح غير لما اطمن عليها ...

قام يامان وارتدي تشيرته ثم خرج من الغرفه وبدأ يتسحب ويذهب الي غرفه همس ..ودخل الي داخل الغرفه ..ثم قفل الباب خلفه وقرب علي الفراش براحه ورأي همس نائمه باستسلام وكانت رأسها مربوطه بالشاش الأبيض وكان في يدها كانيولا محاليل..عندما يامان رأي حالة همس غمض عيونه بقوه...ثم فتحها وقرب علي الفراش وجلس عليه وكان ينظر الي همس ..

ثم قال بحنان : انا اسف يا همس اللي انتي في دلوقتي بسببي انا ...لولا كلامي مكنش حصل ليكي حاجه ...انا بعتذر انا مش عارف ازاي قولت ليكي الكلام ده ...انا قولته لان كنت غيران ..ايوه انا غيران عليكي انا مش عاوز حد يكون قريب منك ..همس هو انتي بطلتي تحبيني ....معقول حبك ليا مبقاش زي الاول ...

ثم قرب يامان من اذن همس وقال : انا بحبك يا همس لو لسه بتحبيني زي الاول قومي وابقي كويسه انا مش قادر اشوفك وانتي كدة...

ثم قام يامان وكان قلبه ينبض بشده وخرج الي الخارج وذهب علي غرفه اسر ودخل وقفل الباب خلفه وساند بظهره عليه ..

ثم قال : هو اي اللي قولته ده معقول اكون حبيتها بجد معقول ده انا علطول كنت بشوفها زي اختي ازاي حبيتها امتي وفين ...يعني انا كدا معقول مكنتش بحب عشق ..لا انت محبتش عشق زي ما قالت هي كان مجرد احساس انت كنت معجب بشخصيتها وشكلها لاكن محبيتهاش..الاحساس اللي بيجي ليك وانت مع همس مكنش بيجي ليك وانت مع عشق ... لما كنت قريب من عشق كان قلبي مكنش بيدق زي دلوقتي ...انا لازم اتأكد من مشاعري كويس اتجاه همس لان مش عاوز اجرحها وله اظلمها ومش هسمح لنفسي ان اذي همس او اوجعها ... 

ثم ذهب الي الفراش وخلع التيشرت واتسطح لينام....

🤎🤎🤎🤎🤎🤎🤎🤎🤎🤎🤎🤎🤎🤎🤎🤎 

في أمريكا 🇺🇸 نذهب الي قصر اللورد بالاخص غرفه عشق. ..

عشق قالت بصراخ : لاااااا ابعد متقربش مني ارجوك متقتلنيش ..

اللورد قرب من عشق ومسك ذراعها وقال : لو فضلتي تصرخي هقتلك بجد وسبق وعملتها ..انا اه سيبتك عايشه وجبتك لهنا وعالجتك ....بس بجد ممكن اقتلك المره دي وله هيهمني فاتقي شري واخرسي...

ثم زقها علي الفراش وجلس علي المقعد ووضع قدم فوق الاخري وكان ينظر لها ..

عشق جلست وقالت : انا عاوزه اعرف انا فين ...انا عاوزه بابا وعاوزه اروح لعيلتي ارجوك خليني امشي من هنا زمانهم قلقانين عليا ...

اللورد نظر لها ببرود وقال : عيلتك ميعرفوش انك عايشه يا عشق .....انتي بالنسبه ليهم دلوقتي ميته وعيلتك دفنوكي بأيديهم وكمان خدوا عزاكي يعني انتي قدام الكل بتكوني ميته ...

عشق قامت وقالت : اييههه انت بتقول اي انا مش فاهمه حاجه .....ازاي ميته وانا عايشه ...انا اصلا قاعده بسمع لواحد مجرم زيك لي انا همشي وهقول لبابا يحبسك ...

ثم ذهبت الي الباب لتفتحه اللورد ذهب لها وقفل الباب وجذبها بقوه الي احضانه و مسك خصرها وينظر لها 

ثم قال : قولت مفيش خروج من هنا ...

عشق نظرت له وقالت بترجي : ارجوك انا عاوزه اروح لعيلتي بابا زمانه قلقان عليا وماما واخواتي ...ارجوك سبني واوعدك اني مش هقول حاجه لبابا ومش هجيب سيرتك بس سيبني اروح ليهم ..

اللورد قال ببرود : قولت ليكي انك انتي ميته بالنسبه ليهم هما ميعرفوش انك عايشه ...ومفيش خروج من هنا الا بعد فتره و انا بنفسي هوديكي لعيلتك بس لو سمعتي كلامي ولو مسمعتيش محدش هيندم اللي انتي هخليكي تخسري كل احبابك قدام عيونك ابوكي اخواتك ديما صحبيتك انا اعرف عيلتك واحد واحد وصحابك فياريت تكوني هاديه ومتتعبنيش وتنفذي كل اللي انا هقوله ... 

عشق كان دموعها تنزل وتنظر الي اللورد ثم هزت رأسها يمين ويسار وقالت : هو انت بتكون انسان زينا استحاله تكون من البشر انت شيطان علي وجهه انسان حرام عليك يا أخي أنت عاوز مني اي انا من ساعات ما قبلتك وانا حياتي اتشقلبت بقت كلها حزن والم وخوف انت عاوز مني ايه عملت ليك اي ....هتستفاد اي لما توجع عيلتي عليا الله اعلم دلوقتي عاملين اي ....انا متأكده واحد واحد مش كويسين اقسم بالله لو حصل حاجه لعيلتي لاهندمك وهزعلك انت متعرفنيش كويس..

اللورد ترك عشق وزقها وقال : اطمني عيلتك كويسين جدا وعايشين حياتهم اه زعلوا عليكي كام شهر بس بعد كدا رجعوا لحياتهم تاني ....

عشق صرخت وضربته علي صدره بقوه بيدها الاثنين 

وقالت : كداااااااب انت كداااب عيلتي اكيد زعلانين عليا واكيد بابا مش مصدق اني موت استحاله زمانه بيدور عليا وهيلاقيني وهيقتلك ومش هيرحمك ...

اللورد قال بمكر : تؤتؤ غلطانه عيلتك كلهم مبسوطين وعايشين حياتهم ونسوكي ثواني هوريكي ...

ثم اللورد ذهب واخذ التابلت وفتح عده صور لجاسر وهو واقف يشوي اللحمه وكان في الصور باين ان يضحك وصور الاخر للعائله وهم جالسين وياكلون وكانوا يضحكون ومبسوطين ...

كانت عشق تنظر الي الصور بصدمه وكانت تهز رأسها يمينا ويسار ثم رمت التابلت بقوه علي الارض بعصبيه واتكسر ..

ضحك اللورد بصوت ثم قال : قولتلك عيلتك عايشين حياتهم ونسوكي اه حزنوا عليكي شهر أو شهرين وبعدين رجعوا لحياتهم تاني ...

عشق وضعت يدها علي اذنها لان لم تريد تسمع اللذي بيقوله اللورد وصرخت : بسسسس انا استحاله اصدقك اكيد الصور دي فوتوشوب انت كداااااب ...كدااااب 

اللورد ببرود : تصدقي وله متصدقيش المهم حضريلي حالك بكره هتكوني زوجه اللورد علي سنه ألله ورسوله سامعه ..

عشق بصدمه : هكون مرات مين ...

اللورد ابتسم ثم قال : مراتي يا قطه 

عشق بصراخ : ده انت لو اخر انسان علي وجهه الارض استحاله اخلي يبقي جوزي استحاله اتجوز مجرم زيك انا همشي وهتشوف و هقول لبابا علي كل حاجه والله ما هيسيبك ..

اللورد : بصي يا قطه دلوقتي انا رجالتي مستنين مني مكلمه واحده يأما اقولهم يولعوا قصر النمر ويموتوا عيلتك كلهم و يأما يمشوا وميأذوش عيلتك القرار قرارك عيلتك كلهم دلوقتي موجدين في قصر النمر يعني لو القصر و*لع كل عيلتك هيمو*توا ....انتي الوحيده اللي هتقدري تنفذي عيلتك هديكي عشر دقايق تفكري فيها يأما توافقي علي عرض الزواج يأما عيلتك تمو*ت وقدام عيونك ههه

ثم خرج اللورد وكان مبتسم وتوجهه الي غرفه المكتب ...

وعشق جلست علي الارض بجانب الفراش وضمت قدمها عند صدرها وكانت تبكي وقالت : هعمل اي دلوقتي هو فعلا الكلام اللي بيقوله ده صح عيلتي دلوقتي موجدين في مكان واحد ....انا فين انا حاسه اني بحلم وهفوق بعد شويه وهلاقي نفسي مع عيلتي ايوه ده اكيد كابوس من الكوابيس اللي بحلم بيها ...

" اما اللورد وهو ذاهب الي مكتبه ديالا ندهت عليه ووقف اللورد والتفت له وقال ببرود : نعم ماذا تريدي؟

ديالا قربت من اللورد بخوف ثم قالت : من هي تلك الفتاة التي حملتها وادخلتها إلى الغرفة؟ أنت تخوني يا اللورد.

اللورد ببرود : شيء ليس من شأنك

ديالا : كيف لا يكون هذا من شأني؟ لدي الحق في أن أعرف. لقد نسيت أنني زوجتك...

اللورد بخنقه : ديالا، أنا متعب الآن. اذهبِ إلى قصر والدك وأخبري أن يأتي غدا ونتناول الغذاء معًا

ديالا : لم أذهب إلى أي مكان أبدًا لمعرفة من هي هذه الفتاة...

صرخ اللورد بقوه : ديااااالا، اغربي عن وجهي. انا مش فاضي الان.... وغدا هتعرفي مين هذه الفتاه....

ديالا بخوف : تمام سوف أبلغ الملك ان يأتي غدا 

...باي 

ثم قبلته في وجنيته وذهبت الي خارج القصر ...

اللورد مسح مكان القبله بقرف ثم ذهب الي غرفه المكتب وكان فاضل ٨دقايق من الوقت الذي حدده لعشق ... 

عشق قررت تذهب الي اللورد وتنقذ عائلتها خرجت من الغرفه مسرعا ونزلت الي الطابق الاسفل ثم وقفت ولم تعرف فين اللورد رأت خادمه واقفه ترتب الريسبشن ذهبت مسرعا لها 

وقالت وهي تأخذ نفسها : من فضلك قل لي أين اللورد ..

الخادمه قالت : منذ فترة رأيته يدخل مكتبه.

عشق : أين هو مكتبه، من فضلك قل لي بسرعة

الخادمه شاورت لها الي مكان غرفه مكتب اللورد 

ثم قالت عشق : شكراً جزيلاً

وركضت الي غرفه اللورد وفتحت الباب...ثم دخلت وهي تنهج وكان اللورد جالس علي مقعده ويضع قدمه الاثنين علي المكتب وكان يمسك هاتفه ثم نظر لعشق وابتسم ......

قال : حلو عشره الا ثانيتين لو كنتي جيتي بعد عشر دقايق كان زمان عيلتك بقوا رماد هههه...لدرجه دي بتحبي عيلتك ...

عشق ببكاء : طبعا بحب عيلتي انا اعمل اي حاجه عشان أنقذ عيلتي ....ارجوك متعملهمش حاجه 

اللورد : مش هعمل حاجه طول ما انتي بتنفذي كلامي ...اسمعي يا عشق جوازنا هيكون لمده ست شهور بس....يخلصوا ٦ شهور وانا بنفسي هرجعك لعيلتك وهطلقك ....

عشق : طيب لو خلصوا ٦ شهور ومرجعتنيش لعيلتي

اللورد : لا هرجعك انا مفيش كلام اقوله وارجع في ...

عشق نظرت له وقالت : هحاول اصدقك ...

اللورد : روحي نامي يلا يا عروسه لان بكره هتكوني زوجه اللورد ههه 

عشق بلعت ريقها : انا عندي شرط ...

اللورد : قولي شرطك ..

عشق : هما شرطين ...الاول متقربش علي عيلتي وله تأذيهم ...والثاني جوازنا هيكون بس علي ورق استحاله اسمح ليك انك تلمس شعره مني ...

اللورد ضحك ثم قرب عليها ونظر الي عيونها 

وقال : تمام قولتلك طول مابتسمعي كلامي مش هقرب علي عيلتك خالص وهيكونوا في امان ...

بالنسبه لشرط الثاني انتي مش من نوعي المفضل انا شايفك اصلا طفله صغيره يعني اطمني استحاله أقرب من طفله ..

عشق بغيظ : طفله ..

اللورد ببرود واستفزاز : اه طفله بس شرسه ...

ثم اللورد أدار ضهره وقال : يلا روحي نامي

عشق نظرت له وقالت : جواد ارجوك انا عاوزه اطمن علي اهلي ...حته لو اسمع صوتهم ...

اللورد اول ما عشق نطقت اسمه وهو وقف مكانه وقلبه صار يدق بعنف لاول مره عشق تنده اللورد باسمه..

اللورد التفت لها وقال باستغراب : هو انتي عرفتي الاسم ده منين ..

عشق بخوف : من اختك جيسي ...كانت دايما تنده ليك بالاسم ده ...ارجوك خليني اسمع صوت بابا او اخواتي ارجوك عاوزه اطمن عليهم ...

اللورد ببرود : الوقت دلوقتي اتأخر ...

عشق : لا ارجوك عاوزه اسمع صوت بابا ارجوك عشان خاطر جيسي اختك لان انا عارفه اني مليش خاطر عندك ارجوك ..

اللورد نظر لها ثم قال : تمام بطلي زن هتصل علي باباكي بس عارفه لو طلعتي صوت يا ويلك مني ...

عشق : لا صدقني مش هطلع صوت ...

اللورد نظر لها ثم مسك هاتفه وقام بالاتصال علي رقم النمر ...ولم يرد عليه ..

اللورد : قولتلك الوقت اتأخر 

عشق : ارجوك رن كمان مره ..

نظر اللورد لها اللورد وعشق كانت تنظر له بحيره وتنتظر يقوم بالاتصال مره اخري...

وبالفعل قام اللورد بالاتصال علي رقم النمر مره اخري ...وفتح الخط...

وقال جاسر : الووو

كان اللورد ساكت وينظر لعشق التي تبكي بشده عندما سمعت صوت والديها جاسر وهزت رأسها يمين ويسار بوجع 

جاسر : الووووو حد معايا ..

عشق فجاءه صرخت وقالت ::::: باااابا امممم

اللورد قفل السكه بسرعه وكتم صوت عشق .ثم عضت اللورد وجرحته باسنانها واتألم ..

ثم قال بغضب : انا غلطان ان سمعت كلامك ..

عشق قالت بوجع : بابا شكل صوته حزين اوي وموجوع مقدرتيش اسكت كنت عاوزه اقوله ان عايشه ليه بس عاوز تخلي عيلتي موجوعه عليا...

اللورد ببرود : روحي علي اوضتك 

عشق نظرت له بغيظ ثم مسحت دموعها وقالت : هندمك علي وجع بابا وأهلي عليا والله لاندمك وادفعك التمن ..سامع والله هندمك وهتشوف. 

ثم ذهبت عشق وكانت تبكي بشده ثم دخلت الي الغرفه واول مادخلت ارتمت علي الفراش وبكت بصوت عالي.

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في الصباح المشرق في ألمانيا 🇩🇪 نذهب الي الفيلا لعائله حمزه كان في الغرفه الخاصه له ولماسه وكان حمزه  واضع ايربودز في اذنه وماسك ملف ويتابع عمله ..

رأي ماسه تخرج من المرحاض وكان شعرها مبلول وكانت تنشفه بالمنشفه وحمزه سرح في ماسه وترك الذي كان يتحدث معه ونسي....وكان ينظر لها كانت جميله للغايه وشعرها مبلول و كان مراقب كل حركه تتحركها وفجاءه بدأ يقرب عليه وماسه وهي تحرك شعرها يمين ويسار جاء علي وجهه حمزه قطرات من الماء غمض عيونه ومسح وجهه ...

ثم قال : ماسه ..

ماسه التفتت له بذعر وقالت : اي ده انت مش كنت مشيت اي اللي رجعك تاني ..

حمزه كان ينظر لماسه ومركز علي عيونها الزرقاء سرح في جمالهم ثم قال بتوهان : رجعت اخد ملف نسيته...

ماسه : طيب 

ثم التفتت الي المرأه وأخذت الفرشة وبدأت تسرح شعرها الناعم ...

حمزه انتبه علي حاله ورجع يتحدث مع الذي كان يتحدث معه ...

وماسه نظرت له بطرف عينها ثم قالت بصوت عالي : امتي بقي اخلص من السجن اللي انا عايشه في ...انا اتخنقت ...

حمزه أغلق الاتصال ثم قال : نعم 

ماسه توجهت له بغيظ وقالت : انا عاوزه انزل اشتغل في اي مستشفي هنا انا اتخنقت ومش متعوده ان اقعد في البيت ..

حمزه : مفيش شغل 

ماسه : هو انا واخده الشهاده عشان اقعد ارجوك يا حمزه خلينا نرجع مصر بقي انا تعبت وزهقت ..

حمزه : مش هنرجع دلوقتي مصر وبطلي تزني ..

ماسه نظرت له وقالت : اوووووف 

فجاءه سمعوا دق علي الباب الغرفه حمزه ذهب وفتح الباب ..

سالي بابتسامه : صباح الخير 

حمزه : صباح النور يا حبيبتي...

سالي بفرحه : في حد عاوز يسلم عليك انت وماسه ..

حمزه : مين 

سالي : تعالي وانت تعرف ...هي فين ماسه لسه مصحيتش ..

ماسه قربت علي الباب ووقف بجانب حمزه.. 

ثم قالت بابتسامه : لا صحيت . صباح الخير 

سالي : صباح الفل ...يلا بينا ننزل 

ثم الثلاثه نزلوا وتوجهوا الي الدرج ونزلوا كام سلمه رأي حمزه عمته وبناتها وابنها ...

حمزه فجاءه مسك يد ماسه وضغط عليها وكانت تنظر له وكانت تحاول تفك يده لاكن مقدرتش....

حمزه همس لماسه : اهدي مش عاوز حد يلاحظ حاجه اللي واقفين هناك دول عمتو وولادها طبعا هما  عارفين ان احنا متجوزين عن حب ....اضحكي شويه ..

ونزلوا من علي الدرج وعمة حمزه قربت عليه وحضنته 

وقالت : وحشتني اوي يا ابن أخويا وحشتني اوي . 

حمزه بادلها الحضن وقال : وانتي كمان يا عمتو . 

ثم بعدت عن حمزه ونظرت الي ماسه بكره : هي دي مراتك يا حمزه ..

حمزه قال : اه يا عمتو ...

تقدمت من حمزه لانا ابنة عمته ونظرت له نظرات حب 

وقال : ازيك يا حمزه عامل اي ..

حمزه ببرود : الحمدلله 

عمة حمزه قالت بخبث : شوفت يا حمزه يا حبيبي لانا كبرت واحلوت ازاي 

حمزه ببرود : امممم 

ثم تركهم وتوجه الي ابن عمه جسور الذي كان ينظر الي ماسه باعجاب ...حمزه ذهب وحضنه ..وجسور بادله الحضن وكان ينظر الي ماسه ..

ثم بعد حمزه عن جسور وقال : عامل اي يا جسور ..

جسور نظر لحمزه : كويس سيبك مني انا بجد احيك يا حمزه عرفت تختار اي ده يا اخي مراته لوحه فنيه ..

حمزه شعر بالغيرة وقال بغضب : جسورررر

جسور قال بخوف : هههه بهزر معاك يا حمزه يعني بتغزل بمرات اخويا اهدي اكيد مش هبص لمرات اخويا وله اي ..

حمزه بغضب : حسك عينك تقرب منها سامع..

جسور : حاضر ...

ثم قالت فيروز : نورتي يا حياة الفيلا ضلمت لما جيتي قصدي نورت ...

حياة : طبعا الفيلا لازم تنور ماهي فيلا اخويا حبيبي صحيح ياسالي فين حسين مش باين ليه ...

سالي : تعبان يا عمتو قاعد في اوضته ...

حياة : ماشي هروح اشوفه. 

سالي : ثواني تعالي نفطر الاول يا عمتو وبعدين نروح نشوفه

حياه : ماشي يا حبيبتي...

ثم بعد فتره الجميع ذهبوا الي غرفه الطعام يتناولوا الفطار وكان جسور ينظر لماسه باعجاب ولانا كانت تنظر لحمزه بحب  ...ماسه من غير قصد وقعت ملعقه علي الارض نزلت لتأخذ الملعقة رأت حمزه هو الأخري ينزل معاها ثم الاثنين وضعوا يدهم علي الملعقة وحمزه كان وضع يده علي يد ماسه ونظروا لبعض ... وماسه تركت الملعقه وهي ترفع رأسها اتخبطت في الطاوله بقوه ..

ماسه اتوجعت ووضعت يدها علي رأسها ...

وقالت : آآآآآآه..

حمزه امسك رأسها بلهفه وقال : حصلك حاجه مش تاخدي بالك ..

ماسه كانت تنظر له ...وتري لهفته عليها واستغربت 

ثم حمزه انتبه علي حاله وترك رأس ماسه ..ونظر للجميع الذي كانوا ينظر لهم ..

جسور بمكر : حصلك حاجه يا مدام ماسه علفكره انا دكتور وممكن افحصك ..

وقام جسور لاكن جلس مره اخري عندما صرخ حمزه وقال : اقعد ية جسور هي مفيهاش حاجه ..

جسور : تمام ..

ماسه قامت وقالت : انا شبعت بعد اذنكم ...

ثم قامت ماسه وذهبت الي غرفتها ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في مصر 🇪🇬 في قصر النمر بالاخص في غرفه همس 

كان الجميع في غرفتها ليطمئنوا علي همس...

يونس : عامله اي يا همس دلوقتي ..

همس : الحمد لله يا جدو انا كويسه 

شهد : الحمدلله يا حبيبتي بس المره جايه خدي بالك بقي 

همس : حاضر ..

يامان قال بتوتر : حمدالله على سلامتك يا همس

همس نظرت له ثم قالت : الله يسلمك شكرا 

جاسر كان جالس بجانب همس وقال : قوليلي يا حبيبتي حاسه بحاجه محتاجه اجيب ليكي الدكتور 

همس : لا يا بابا انا كويسه متخافش ..

غرام : متأكده يا حبيبتي انك كويسه مش حاسه بوجع 

همس : لا يا ماما انا كويسه صدقوني..

قطع حديثم بدخول إلياس ورحيم وعائلته...

رحيم : السلام عليكم 

جاسر : عليكم السلام تعالي يا رحيم ..

رحيم : عامله اي يا همس يا حبيبتي دلوقتي 

همس : الحمدلله يا انكل ..

ريان كان ينظر الي همس ويامان لاحظه وضغط علي يده بقوه ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

نذهب الي غرفه اوس كان جالس مع شغف وكانوا يذكروا مع بعض ..

اوس : يووو يا شغف ده ميت مره اعيد ليكي نفس الدرس انا تعبت منك متفتحي مخك بقي ..

شغف : بقلك اي انا تعبت انا مش قادره اكمل ..

اوس : هو انتي اصلا كنتي مركزه معايا ...

شغف : فكك من الدرس يا اوس انا عاوزه اتكلم معاك في موضوع كده ..

اوس : خير 

شغف : انا مش مطمنه لياسين يا اوس ومش مصدقه انه اتغير ومش مطمنه لي وقربه منك عشان بس يأذيك صدقني ...

اوس : تاني يا شغف هتتكلمي في نفس الموضوع ...يابنتي قولتلك ياسين اتغير وبقي بيحبني ياسين اتغير وبقي واحد تاني خالص ..

شغف : لا يا اوس ده بيمثل صدقني انا حاسه انه ناوي ليك علي حاجه انا خايفه عليك ..

اوس : شغف اقفلي علي الموضوع لو سمحتي وخلينا نكمل الدرس...

شغف : انت حر يا اوس انا حذرتك 

اوس : ماشي ...انا هقوم اطمن علي همس فاقت وله لا . 

شغف : طيب وانا هاجي معاك ...

اوس : ماشي يلا ..

ثم خرجوا وتوجهوا الي غرفه همس ليطمئنوا علي همس 

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في المطبخ كانت ديما تأخذ كأس عصير لتخده لهمس...

وضعت العصير في الكأس والتفتت لتذهب خبطت في اسر ووقعت عليه العصير 

ديما : ياختااااي اسفه مخدتش بالي. 

ثم بسرعه وضعت الكأس العصير علي الرخامه ومسكت مناديل وبتمسح ملابس اسر ...

دينا : انا اسفه يا اسر مكنش قصدي ...

اسر كان ينظر الي ديما ومركز مالها ثم قال : وله يهمك خلاص عادي ..

ديما : هو انت كنت جاي ليه ...

اسر : عشان اشرب مايه 

ديما : اممم طيب ..

ثم رن هاتف ديما ومسكت الهاتف وفتحته الخط ...

ديما قالت : الوووووو 

$$: ____________

ديما : بجد طيب تمام بكره هكون عندكم ...

$$ : _>_________

ديما بفرحه : خلاص تمام مش هتأخر ...

ثم اغلقت الهاتف وتوجهت الي اسر ومسكت ذراعه وبدأت تقفز بفرحه وقالت : عاااا حلمي هيتحقق يا اسر 

اسر : اهدي يا مجنونه ....وبعدين انتي كنتي بتكلمي مين وتروحي لمين بكره 

ديما بفرحه  : هقولك بص يا سيدي كان في شركه اسمها  RQ بتكون شركه معروفه وكبيره تمام كانو منزلين من فتره اعلان ان محتاجين عارضات ازياء لجلسه تصوير مع رجل اعمال مشهور ...فأنا روحت الشركه وقابلت واحد صديقي اعرفه من امريكا كان معايا في المدرسه المهم اتوسطلي ووكان في عارضات ازياء كتير أشكال وألوان المهم خدو اسمي واختاروني والمفروض اروح بكره بقي  .... 

اسر : وانكل نديم هيوافق ..

ديما : هو بصراحه انا لسه مقولتلهوش بس هحاول أقنعه وهو عارف ان المجال ده بحبه اوي ..

اسر : بس اظن ان انكل نديم مش هيوافق 

ديما : وانا حاسه كدا ثم سكتت 

وبعد ذالك كملت : اسر بقلك هو ممكن تساعدني وتيجي معايا العرض اللي هصوره ده وتكون معايا في كل خطوه ويبقي كدا بابا هيوافق لما يعرف انك معايا ...بليز يا اسر تيجي معايا ...

اسر : خلاص ماشي موافق بص كله بتمن 

ثم غمز لها...

ديما : ماشي هعملك اللي انت عاوزه ...

اسر : كل حاجه هاااا

ديما : اسر بطل قله ادب انا هروح اشوف همس. وانت روح بدل التيشرت اللي اتبهدل ده .. 

ثم خرجت ديما واسر ابتسم وكان ناظر علي ديما ثم رفع يده ووضعها علي قلبه وكان يدق ...

اسر : شكلي وقعت وله اي ....اااه منك يا ديما بنت اللذينه قمر بدوب في عيونها ااااه يخربيت جمالها.    

ثم خرج وتوجهه الي غرفته وبدل ملابسه .. 

🤎🤎🤎🤎🤎🤎🤎🤎🤎🤎🤎🤎🤎🤎🤎🤎 

في أمريكا 🇺🇸 في قصر اللورد كان ذاهب اللورد الي غرفه عشق وفتح الباب ودخل رأي عشق نائمه  ...

كان ينظر لعشق ومركز عليها كان ينظر الي وجهها الأبيض وشعرها المبعثر ثم سرح فتره وبعد ذالك فاق علي حاله وخرج ثم قابل الخادمه ...

قال لها :  أخبرِ كريمة أنني أريدها

الخادمه  : تحت امرك يا سيدي ..

ثم ذهب اللورد وقام بالاتصال علي خليل وبعد فتره خليل رد عليه .  

خليل بنوم : الوووو

اللورد : انت لسه نايم يا حيوان مش انا قايل ليك من بليل تصحي بدري وتجيب ليا مأذون وله شيخ...

خليل قام بذعر عندما سمع صوت اللورد وقام وخرج من الغرفه وقفل براحه الباب لجيسي تستيقظ ...

ثم قال : يعم براحه خضتني وبعدين انا مفهمتش انت عاوز مأذون ليه لهتكون هتتجوز ديالا.....

اللورد : انت تنفذ اللي بقوله وبس غور يلا شوف ليا مأذون وجيبه ليا سلام

خليل قفل وقال : يا ساتر عليك هيموت لو جاوب عليا ...هجيب لي مأذون منين دلوقتي اووووف

"بعد ما اللورد قفل السكه رأي الخادمه كريمه امامه ..

اللورد : روحي صحي عشق هانم 

كريم : حاضر يا بيه ...

ثم ذهبت الي غرفه عشق ودخلت رأت عشق فايقه ووقفه امام الشباك الغرفه وكانت تبكي ذهبت لها كريمه 

وقالت بحنان : انتي صحيتي يا بنتي اللورد بيه كان بعتني عشان اصحيكي..

التفتت لها عشق وكانت بتبكي بشده عندما رأتها كريمه بهذا حاله قالت : مالك يا حبيبتي بتعيطي ليه كدا ...

عشق نظر لها ثم مسكت يدها وقالت : ابوس ايدك ساعديني اهرب من هنا انا مش عاوزه اتجوزه ارجوكي خليني امشي واروح لعيلتي . 

كريم بحزن قالت : ياريت يابنتي اقدر اساعدك بس مش هقدر ممكن اللورد يقتلني وانا عندي عيال مش عاوزهم يتيتموا....للأسف مش هقدر اعملك حاجه ...

عشق : طيب اديني تليفون اتصل بعيلتي وصدقيني هخلي بابا يحميكي من الكلب ده ....ارجوكي هاتي تليفون ...

كريمه : لا يابنتي مش هقدر صدقيني مش هعرف 

عشق صوتت : ليه كلكوا خايفين من الكلب زي ده ....

ثم مسكت الفاظه ووقعتها علي الارض بقوه وصرخت.  

فجاءه اللورد دخل عندما سمع صوت التكسير ...

ونظر لعشق وقال بغضب  : اي اللي بيحصل هنا ده 

عشق عندما رأته اتخبت خلف كريمه ولم تبان لان كانت كريمه مغطيها بجسدها .. 

كريمه : مفيش حاجه يا بني الفاظه وقعت من غير قصدي .

اللورد ذهبت الي كريمه وجذب عشق وصرخت بقوه وكانت تضرب ذراعه ...

عشق : اااه سيبني يا حيوان انت اااه ..

اللورد اتعصب عندما عشق شتمته صرخ وقال : اطلعي بره يا كريمه ...

كريمه خافت وبالفعل خرجت وكانت خائفه علي عشق ..

عندما اللورد رأي كريمه ذهبت مسك ذراع عشق الاثنين ولوي خلف ظهرها وقرب عشق منه  

ثم قال بغضب : انتي تعديتي حدودك معايا ....انا صبري نفذ خلاص اقسم بالله لو محترمتي نفسك له.

قاطعته عشق وقالت : هتقتلني مش كده ...اقتلني وخلصني....انا عندي اني اموت احسن ومتجوزش واحد حقير زيك ...

اللورد ترك ذراعها ومسك شعرها بقوه وقال بشر : تمام انا هوريكي الحقير ده ممكن يعمل فيكي اي ..

ثم زقها علي الارض بقوه وقال : خمس دقايق تكوني جهزتي ...المأذون علي وصول ....كلها دقايق وتكوني مراتي وبعد ما هتكوني مراتي انا هوريكي النجوم في عز الضهر سامعه ...ومتنسيش ان رجالتي محاوطه قصر النمر وعيلتك كلهم دلوقتي في القصر.....

عشق نظرت له وبكت بشده وماسكه ذراعها بألم عندما اللورد رأي دموعها لم يتحمل وذهب وخرج الي الخارج وقفل الباب بقوه ....

ثم قالت بصوت عالي : عععععععاااا ربنا يخدك اعمل اي لازم اتجوزه عشان احمي عيلتي   ....لا بس انا مش عاوزه اتجوز مصاص دماء ده بياكل دم البنأدمين لاااا يارب انا دعيت ان ااه اتخطف واعيش قصه من قصص الروايات بس مش كدا يارب تحميني من المصاص الدماء ده ....اهئ اهئ فينك يا نمري كنت علطول بتيجي وتنقذني ...ارجوك تعالي وانقذ بنتك ....

قطعت كلامها بدخول كريمه وكانت حامله فستان زفاف 

كريمه نظرت لعشق : يلا يا بنتي قومي بسرعه البسي الفستان ده اللورد امر بكدا ..

عشق غمضت عيونها بقوه ثم قامت وأخذت الفستان بقوه ودخلت الي غرفه الملابس لترتدي الفستان ...

وبعد نصف ساعة كانت عشق جالسه وكانت بتبكي ..

دخل اللورد. وكان يرتدي بدله انيقه ونظر الي عشق رأها  بالفستان الزفاف وشرد فيها كانت جميله للغايه بالفستان الأبيض ونظر الي شعرها رأه ان مرفوع ذهب لها ووقف امامها 

ثم قال : الكل يخرج بره ...

خرجت كريمه وخادمه اخري وقفلوا الباب ..

ثم اللورد رفع يده وفك شعر عشق وهي أتالمت لان شد رابطه الشعر بقوه ...

عشق : اااه فكيتوا ليه ...

اللورد نظر لها وقال ببرود : وهو مفرود احلي ...يلا بينا عشان المأذون تحت ...

عشق نظرت له وقالت بترجي :  ارجوك ارجع عن قرارك ارجوك بلاش نتجوز ورجعني لعيلتي ..

اللورد ببرود : اظن ان احنا ما بينا اتفاق وله اي خلاص تمام مش عاوزه تتجوزيني تمام ..

مسك هاتفه ومثل ان يتصل على احد ..ثم وضع الهاتف علي اذنه ...

وقال : انتو لسه واقفين عند قصر النمر ..نفذوا اللي انا كنت قايل عليه عاوز القصر بعد ساعه يكون عباره عن رماد سامعين. ..

عشق صرخت : لاااااا خلاص انا اسفه ارجوك متخلهمش ينفذوا...

اللورد نزل الهاتف من علي اذنه وقال بمكر : يبقي تنزلي معايا دلوقتي عشان نكتب الكتاب ..

عشق بدموع : ماشي يلا خلاص انا موافقه .  بس انت قولت انك جوازنا ده هيكون لمده ٦ شهور بس صح 

اللورد نظر لها ببرود ثم جذب يدها و وخرج الي خارج الغرفه ...ونزلوا الي الطابق الاسفل وعشق نظرت الي المأذون بحزن ثم اللورد جذب عشق وجلسوا علي المقاعد وامامهم الطاوله  ...

خليل اتصدم عندما رأي عشق وبرق ثم ذهب الي اللورد ونزل الي مستوي اذنه وهمس له : انت اتجننت يا اللورد انت هتتجوز دي لا ده انت كده مصر تفتح عليك نار جهنم ...

اللورد همس له ببرود : روح امشي واقف مكانك . 

خليل : بس يا اللورد 

اللورد وجهه كلامه الي المأذون  : ويلا انت كمان خلص وابدأ اكتب الكتاب ...

عشق كانت جالسه وكانت بتبكي .   المأذون نظر الي عشق وبلع ريقه  وقال : احم عاوز البطايق ...

اللورد اخرج من جيبه بطاقته وبطاقه عشق ..

ثم بدأ المأذون يكتب الكتاب وعشق كانت بتبكي بشده وكانت تفرك في يدها....

المأذون قال جملته الشهيره له : بارك الله لهما وبارك عليهما وجمع بينهما في خير...

ثم المأذون قام بخوف وقال للورد : كدا اقدر امشي يا اللورد بيه ...

اللورد قال ببرود  : خليل روح وصلوا وادي لي فلوسه ...

خليل نظر له بحيره ثم ذهب والمأذون ذهب خلف .. 

اللورد نظر الي عش وقال : مبروك يا زوجتي...

عشق نظرت له بغيظ ثم التفتت لتذهب اللورد مسك ذراعها وجذبها اليه ..وعشق ارتمت في احضانه بقوه 

عشق بألم : اااه سيبني عاوز مني اي تاني مش عملت اللي انت عاوزه سيبني بقي.   

اللورد كان ينظر لها وينظر لدموعها ثم قال : بطلي تعيطي ...

عشق : حاضر يا اللورد باشا مش هعيط وله هتنفس ولع اعمل حاجه متموتني احسن انت ليه سيبتي عايشه كنت سيبتني ميته ارحم من اللي انا في دلوقتي .. 

اللورد تركها ثم قال بخبث : اطلعي علي فوق وغيري الفستان ده عشان بعد ساعتين في ضيوف جاين  وعاوزين يباركوا لينا

عشق قالت : اوووووووف

ثم توجهت الي الدرج واتكعبلت من الفستان فوقعت واللورد بسرعه ذهب لها ومسكها..  

وقال بلهفه : انتي كويسه .. 

عشق نظرت له بقرف وزقته ثم رفعت ذيل الفستان وطلعت علي الدرج وذهبت الي الغرفه واللورد كان ينظر لها ...ورقابها لحد مادخلت الي الغرفه .. 

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في مصر 🇪🇬 في شركه الدهشاني كانت روح ذاهبه الي غرفه المكتب قيس وكانت خائفه بشده وترتجف 

وصلت الي المكتب وقالت لسكرتيره  : لو سمحتي عاوزه ادخل لقيس باشا ..

السكرتيره قالت : تمام ثواني هدخل ابلغه ...

دخلت السكرتيره الي مكتب قيس ثم بعد ثواني خرجت ..

وقالت : انا بعتذر يا روح مستر قيس مش فاضي دلوقتي ممكن تقعدي تستني عقبال مايخلص ...

روح : تمام هقعد استني .. 

السكرتيره  : تمام .

وبعد ساعه خرج قيس وخلفه رجل اعمال وامرأءه ..

الرجل : اتشرفنا بالتعامل مع حضرتك يا قيس بيه حقيقي احنا مبسوطين ان احنا اتعقدنا مع شركتك ...

قيس : الشرف ليا ...

الرجل مد يده لقيس وسلم عليه وبعد ذالك دخل .

وبعد دقائق دخلت روح الي داخل المكتب بخطوات بطيئه وخوف ....

روح قالت : التصاميم اللي حضرتك اللي كنت طالبهم خلصوا ...

قيس نظر لها وقال : وريني...

روح اتقدمت من المكتب ومدت الملف لقيس وقيس أخذ الملف ونظر فيه ...ثم قطعه وروح برقت ..

روح صرخت وقالت : اي ده ليه قطعته ...

قيس ببرود : مش عاجبني ..

روح قالت بغضب : هو اي اللي مش عجبك كل التصاميم مش عجباك 

قيس : اه مش حلوين ومش نفس التصاميم اللي كنت طالبهم 

روح : طب انا هعمل اي دلوقتي ...

قيس ببرود : هتصممي غيرهم وبكره تسلمي التصاميم ليا ..

روح : ازاي يعني دي التصاميم دي خدت مني اسبوع ازاي اخلصهم في يوم ...

قيس ببرود : انا مش بكرر كلامي انتي تنفذي اللي بقول عليه وبس سامعه ..

روح : تمام.  

ثم ذهبت روح وهي متغاظه وكانت بتبرطم خرجت الي الخارج وتوجهت الي مكتبها.   

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في أمريكا 🇺🇸 في قصر اللورد كان الضيوف أتوا وكان 

(رفاعي ...رفاعي كان لبس حامل ذراع ورجله اتصابت جامد وبقي يعرج عليها .....والملك وديالا ابنته وخليل وجيسي )

اللورد ابتسم بخبث : منورين يا جماعه ...

الملك : ممكن اعرف اي سر انك مجمعنا كلنا كدا واي اللي ديالا  قالته ده ...

اللورد ببرود : قالت اي ...

الملك : ديالا بتقول انها شافتك وانت كنت شايل بنت وداخل بيها الاوضه ....

اللورد ضحك بصوت عالي ثم قال : هتعرف بعد شويه يا الملك هتتفاجاء....وهتفرح جدا ...هههه........

قولي يا عمي اي اخبارك بقيت احسن 

رفاعي : اه ياللورد كويس ااانا مش عارف اقولك اي لولاك يا بني كنت موت ...

جيسي كانت تنظر لرفاعي بغضب هي لم تفهم اي كلمه اللذي بتتقال لاكن هي تذكرت خطفها وان هو اللي كان خاطفها  ..

وخليل لاحظ نظراتها ثم همس لها : ما المشكلة يا حبيبتي؟ لماذا تنظر إلى عمك بهذه الطريقة؟

همست جيسي له : نسيت يا خليل أن هذا عمي الذي خطفني...

خليل قال : طيب يا حبيبي وقلت لك أخوك أدى حقك وانظر كيف فعل بعمك..

قطع كلامهم علي صوت اللورد وهو يقول : كريمه روحي اندهي مراتي وجيبيها علي هنا ...

رفاعي والملك نظروا لبعض وقالوا : مراتك.   

اللورد ضحك وقال : اه مراتي صحيح نسيت اقولكم اني اتجوزت انهارده ...

الملك بغضب قال : انت اتجننت يا اللورد انت اتجوزت علي ديالا بنتتتي ...

قال اللورد ببرود : انا اصلا متجوزتيش بنتك يا الملك ..  بنتك بالنسبه ليا عاهره فقط ...

وفجاءه دخلت عشق واللورد نظر لها 

ثم قال بخبث : اعرفكم علي زوجه اللورد عشق جاسر الحديدي .......