 |
رواية بيت الخبازه الفصل التاسع عشر 19 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه ......#البارت١٩
خديجه: ألو صباح الخير ست هدى
هدى: أهلا خديجه وين رحتي يمعوده
خديجه: صارت عندي ضروف
هدى: على العموم تفضلي
خديجه: اسأل بعدها المديره عد وعدها اجي اسكن وتسوي العقد
هدى: على الاتفاق كلنه بشهر الثامن كتاب العقد مالتج تجين يعني يعد تقريباً ١٥يوم بس اتصل عليج محد يرد علمتينه على الكبب والطبخ والخبز ورحتي بس استبرق منقوله وأختي كالت بنتج الثانية هم منقوله حتى المديرة كالت النقلها جايب ورقه نقل من الوزاره باستثناء يعني حتى تعجبت كالت متأكدة حالتها المادية والاجتماعية مثل ما وصفت
وإني لأن أعرف جايه لبيتج وزوجي هم شايف بيتج كلتلها يجوز احد سواها لله الهم
خديجه:بنتي راحتلج فدوه ودمعت عيوني ماكددر الفظها
هدى:يااا لاحول ولا قوة الا بالله البقيه بحيانج حبيبتي مندري امانه الله عطله محد عرف اخباركم وين هسه أنتي
خديجه:بولايتنه مو ببغداد إذا ازاحمج تكولين للمديره تجي بس شويه يجوز أتأخر لأن عرفتي ضرفي بس إني اريدها الغرفتين والعقد يحفظ اولادج
هدى:ادللي اكللها وهي بدون ما اكول ما تسكن احد ولا تسوي لأحد عقد بس علمود وضعج قبلت
خديجه:مشكوره عيوني ست أتواصل وياج بعدين من يخلص ضرفي
استبرق: أي احسن خلينه نروح
خديجه ،:مو هسه عدنه مجال عمج يدگنه طبل خلينه نشوف شيسوي
اليوم ضربني وضربج ونهئ عليج
الله يعلم شيسوون بعد
استبرق:هم عدنه عمام امداهم مابيهم لأ خير ولا رجه
خديجه:كتلج لاتوكفين بوجهم اعرفهم إني وأعرف من ينداسون شيطلع
استبرق:ميطلع منهم بس الزباله
/////٠٠٠٠""ـــــ٠٠٠٠٠""/////
ايمان:شوفي أسماء شوفي الفرق بين خديجه ام گصه الفگر وهاي شلون مثقفه ومحترمه وحجيها كله مرتب
اسماء: والله وطلع حاجم عنده ذوق وإلا خديجه چنههه امه جانو من اشوفهم ولا تلوگله
نورس: حتى بناتها طلعتهم عليها يخنگن
مكروهات
خلود: والله يا ام شكر محجيت وياهن هذا أبني موبلا عقل من كال أبو شكر تكعد بيتها إني حصرت ولدي بالمطبخ اطبخ وانام إني وجهالي بيه لأجل الستر كلت خطيه مكسوره على بنتها هاي مكسوره على بنتها وهيج ملختني تملخ اديناتي مرفعتهن
ايمان: أي بس انعطت وجه تسودنت جان حاجم صاگرها باب البيت ماتشوفه لأن يعرفها تتفرعن ما يخليها تعتب باب البيت ومنا اهلها كلهم يعرفونها شبيج هنا بديوانه اخوها عبن يعرفها لزمها وهم كتلها وحماها أبو شكر منه
سيف:ما تصدگن تلگن لشه تفصخن بلحمها شنو موضوعجن
شسوت عمه خديجه الجن
ايمان:,اطلع اطلع معليك بسوالف التسوان
هاه اجه ابوك هله بيك أبو شكر شوفي شوفي ام انمار كم يوم صارله يروكض وبضيم ياحاله علمود ولد اخوه وجهك مصوفر بعد ببتي
حامد:, اجه واثق لولا
اسماء: لأ خويه بعده هم من المحامي للمحكمه علمود خديجه ام المصايب
حامد: أم انمار نأجرلج مشتممل لكالج عمار وهم قريب على بيت ابن عم أبوي بيت صافي هم قريب على الروضه التشتغلين بيها وهم عمار ورشيد قريبين عليج لو عندج غير رأي
خلود:خلو لام استبرق البيت هذا إني لگيت بيت صديقتي سافروا وانطوني بيتهم اكعد بيه احوللهم الايجار هم مو بعيد اخليكم تجون تشوفونه
حامد خوش حجي اشوف البيت حتى نطمأن عليكم
وإني رايح لذاك البيت حتى تفرغين غراضج لأن المهله أسبوع بس حتى تشيليون غراضكم
استبرق:نجمع بغراضنه لأن بقى اسبوع المهله وبلغنه اجه عمو عمار لگوا بيت
وبقى كاعد هواية عمو عمار يسولف وي أمي احسه مقهور علينه بس أمره بيد عمو حامد يواسيها ويقنع بيها
ورجع حجه وياي
عمار:عمو استبرق أنتي بعدج صغيره وماريد أحد يتجاوز عليج او يأخذ فكره عنج مو حلوه
استبرق: يعني عمو انتم قابلين بتصرف عمي حامد
ضرب واهانه وتملخ ومن صوب خلود ميحجي وياها
عمار:بعد عمج احنه مانعرف مره لحاجم غير امج
إني بعدني طفل وهي بعمري من تزوجت نأكل سوه ونتعارك وجانت أمي ذكري امج أمي الله يرحمها تذكرين ام استبرق تكول ولج خديجه تتعاركين وياهم همه حموينج
تكللها اخوتي نتعارك ونتصالح
وع شنو جنه نستحي من عزيزه نامر عليها نكول لخديجه نريد أكل لو جان حامد يقفل باب البيت محد يدخل ساعه ١٢خديجه تطلع وتفنح الباب
لو نخليها إني ورشيد تبوگلنه جكاير
يعني اختنه الصدكيه لأن عزيزه چبيره بعمر حاجم وحامد نستحي منها
ومرت حامد جانت تحجي لأمي أي شيء نسوي
فما نامن الها بس امج لأ إذا كلنالها لاتحجين إني ورشيد خلص
حتى لو الملا جان يحلفها تحلف وادير وجها تكول استغفر الله علمها رشيد اللوتي
استبرق:بلا شعور ضحكنا إني وصفا وحتى أمي
عمار:فيا حبيبتي بنيتي عمج حامد حدي صحيح بس يحبكم ويخاف عليكم ويانه هو مثل السيف وي ولده نفس الشئ يعاملنه هيج لأن هو الجبير تعلم على المسؤؤليه
استبرق:,يكلي انهي عليج
عمار:خلي ينهي شبيج بنتي نهوتيش المن منو بقى
ابن واثق ابشرج فضحتي أنتي مقصرتي ام لسانين واضحك
وهسه زينه صفر حامد وحابسه وما يزوجه ولا بعد يخلي يشوف الشارع وهم اكلج اليغلط عد حامد يبقى سنين عمره مطلوب بعين حامد متشوفين قافل على امج لأن واجهته وتركت الولايه وراحت لبغداد بس ما بيده حيله عليها راد يتزوجها حتى يسيطر طلعت امج اعند منه(بضحكه)
بعد منو عدنه ولد بس سيف
وسيف الخير ما يرضى بهيج زواج لأن مثقف ومؤدب اشك طالع من بيت الداود هذا واضحك
اخذي بشوش ابني منهي عليج ومكعده لبشوش حتى تبقين طول عمرج اطبخين وتوكلينه ويصيح جوعان ابو لغد والله لو تسمع سرئ اكول أبو لغد اطگ وتموت هههه
سرئ زوجه عمار
استبرق: ضحكت بصوت عالي على بشوش بشار إبن عمو عمار عمره ١٠ سنوات سمته امه سرئ على اسم اخوها الشهييد وطلع الطفل يشبه خواله سمين كلش ونعرفها تطبخ هواية متعلمه بيت اهلها متعرف تطبخ قليل لأن اكالين طلعو ابنها وبناتها ثنينهن سمينين بينما عمو عمار زين جسمه رياضي وهم بالثلاثين يمكن اكبر من أمي بسنتين وعمو رشيد اكبر منه بسنه بينهم سنه عمو عمار وعمو رشيد وكلش قريبين من بعض حتى الناس عبالهم تؤام بس شخصياتهم تختلف
عمو عمار هادئ وعمو رشيد شرار يسمونه دمه حامي بس أمي تكول قبل مجان هيج اكثر واحد يشاقى ويضحك وينكت ويسوي مقالب جان رشيد تغير من كبر
نسولف ونضحك وعمو عمار يذكر إمي باشياء يريد يهدأ الموقف لأن قبل يومين عمو حامد ضاربنه
وسمعنه گحه عمو حامد وصاح عمااار بس بصوت عالي ومبين مال واحد ضايج
اجت صفا كالت عمو حامداجه من قبل شويه ويسمعكم تضحكون هاي ورا ما عمو عمار راح ركض
حامد: إني وين وديتك وأنت كاعد تضرب فچ وي خديجه
عمار: خويه أبو شكر طبع ايدك ع وجهه واستبرق هم ضاربها
خطيه ذني
حامد: أنت شنو صاير حنين يحتاج خديجه تتعلم التربيه طيحت حض بتها لسانها شطوله
عمار:بكيفك تمام
حامد:امشي كدامي تحرك يلا خلي ابن غني يجي
استبرق:اجه عمو حامد بالباب متخوصر
دخل عمو عمار كال بعد ساعه يوصلون
جماعتنه يشلون غراضكم للبيت
أمي ما اعترضت كالتله ماعدنه شي طباخ وثلاجه وحتى كنتور ماعدنه شوكت ما تشيلونهن شيلوهن
وعمو حامد بس ينفخ برا وأمي وإني حتى ما باوعنه بوجهه وهو هم شايل خشمه وإني الم بالغراض واحجي وشيلتهم
راحو كالو بليل ترحون لذاك البيت
بليل اجت سياره وبيها رجال وي عمو عمار عمره تقريباً ٢٥/٢٦ يصيح عليه
أبو يونس يمعود خفف
رحت لأمي كلتلها
كالت هاا يعني لگو بيت يم ببت أبو غني
استبرق:,يا غني
خديجه: غني يصير بمقام عم ابوج يعني ولده ولد عم ابوج منو منهم جاي وي عمار
استبرق:عمو يصيح عليه أبو يونس
خديجه: أي هذا ذا النون
استبرق:شنو هذا الاسم اليريد يحاجيه يكله ابو ذان
خديجه: بمقام عمامج عمو كولي وخلصينه
وتعالي لاتخلين ورا أي شي وصاخه امسحي
استبرق:طلعنه صار بوجها هذا ذا النون سلم على أمي وأشر ذيج السيارة اصعدو بيها
ودخلو جوا همه يشيلون بغراضنه
بالسباره الحمل عمو عمار ووياه ثنين عرفتهم إمي كرايب ابوي وهذا ذا النون
عمو عمار صعد بالسيارة إلي احنه بيها وكعد يمه ذا النون هو يسوق
والولد بسياره الحمل كدامنه تمشي
يسولفون عمو وذا النون
سوالف عامه وكذا صاربريك قوي صار وجهي على الكشن الكدام قوي انضربت
امي صاحت اسم الله ياعلي دخيلك
عمار : ماكو شي هذا واحد چفت
ذا النون: سموحه ياب
استبرق:كال سموحه ياب ويباوع منو وراه انضرب رفعت راسي صارت بخشمي وعيوني بقت تهمل
بقى يباوع بالمرايا وعمو عمار يسولف يكول دنيا ليل غير يخفف غير يكول طالع من فرع هذا شبيه
وذا النون يجاوبه ويباوع بالمرايا عليه
قاطع عمو كله شوف الاهل أحد تأذئ التفت عمو علينه هاا البريك براسمن صار
أمي جاوبته ماكو شي ماكو شي
باوع عليه بله ولج إني مخليه أيدي ع خشمي
الضاهر اكو حديده او بلاستك قوي بالكشن صار خشمي عليه نزف
عمو يحجي وياي وذا النون فتح الضوا الفوك بالسياره وسحب الكلنكس على الدشبول
ذا النون:هااك هاك
استبرق:انطاه الكلنس واكو بطل مي بالباب مال بيبسي بيه مي بعده بيده
ذا النون : اوكف السياره
استبرق :إني جاوبت لأ عمو مابيه شي
وعمو عمار كله هاي بزونه بسبع ارواح
وصلنه وأول ما فتنه بالمطبخ أمي بقت ادور على الضربه ورمت فوك خشمي وعمو كال ادخلوا جوه حت ينزلون الغراض وأنتي استبرق منا خشمج كبايه ومنا انضرب وورم ويضحك
دخل جنطتنه ذا النون كال هاي وين
اخليها جاوبت إني انطينياها عمو اخذتها ودخلنه بقوا لوقت متأخر يرتبون بالغراض وعمو مرتب الكهرباء وراحوا عمو عمار كال هسه اجي
راحوا واحنه بقينه إني وصفا نفتر بالبيت هم صغير بس نظيف
شويه ودخل عمو عمار بيده جدوره بصينيه دازتنه زوجته عشا
انوب خابرت عمو عمار كالتله انطيني ام استبرق سلمت على أمي وكالتلها شتحتاجين إني مو بعيده
تشكرت امي منها
قبل من كنا ببيت عمو حامد جانت من تدخل لاتجامل ولا تكعد وتسولف وجنت ماخذه فكره عنها تضوج منه او متكبره بس من ماتت مروه انتبهت شلون تهتم بأمي وتسويلها أكل وتجبرها هي وعمه عزيزه على الاكل وهسه من شلنه هم دزت الاكل واتصلت
حامد: هذا البيت زين بس شلون هنا وحدج
خلود ،: إني متعلمه وحدي وحتى شغلات ببتي إني ادبرهن لاتهتم بيه إني شايله مسؤوليه أمي جنت وحتى من تزوجت حاجم مو دائم يجينه فلا تقلق وتلفونك صار يمي من احتاجكم انتم ماتقصرون كفو منك ومن شهامتك ونخوتك أنت ماكو منك
حامد ،ء:الله يسلمج هسه شنو اخلي الشباب يجيبون سياره ينقلون غراضج
خلود ،:,بكيفكم
حامد:خوش حجي يكملون غراض ام استبرق البوم وباجر ينقلون غراضج هسه ارجعي وياي للبيت
ألو ها واثق وين انت اليوم اريدك طاير من صباح الله
واثق: أنت وين
حامد:راجع للبيت وياي ام انمار
واثق: زين راح تجي وياك لبيتنه ام انمار
حامد: أي
واثق:جا تعالي لمحل عمران
حامد:ليش لمحل عمران تعال للبيت شعدك
واثق:تعال وبعدين نسولف
حامد:ادخلي ام انمار إني رايح بشغل
خلود:محروس بعين الله لما تنام
حامد:,ها واثق
واثق: اليوم من الصبح رحت للشهر العقاري وللمحامي يشوف اسم رسول واسم خلود عدهم ملكيات
طلعت خلود عدها گاع سند زراعي٢٥
بأطراف محافضه........
ورسول مطلوب للعداله وبيه حكم قبل ٢٠٠٣ أول ما متغير الحكم شارد
حكمه بقضيه سرقه أموال الدولة جان بالتصنيع العسكري
حامد: يعني برأيك خلود ماخذه فلوس من حاجم مشتريه كاع
واثق: اذا مشتريه بفلوس حاجم أو لأ فهو زوجها ما نحقها بشي والورث البقى شرعا وقانونيا ابنها اله حصه
يعني اذا نكلها مثلاً راح تكول حاجم مشتريلياها
حامد: وحتى لو حاجم مشتريها هسه تكول بفلوس زوجي وبحياته
واذا تريد تنكر ماعنده عليها سلطه
واثق:, أم استبرق شلون
حامد: خديجه إذا عرفت ىاح تبدي طلايب الشرايج وحرب ما تخلص
هي عرفت منطي فلوس ومرجعها للوضيفه كتلتلها هي وبتها واختها
هالمره يموتنها تريد اليوم يلا كلت بسم الله وخلينه كل وحده ببيت لاتحجيلها كلشي
أما اخوها فشارد مولي هو لأ اهتم لأ امه جانت خلود وحاجم مبتلين بيها ولا اخته شمرها على حاجم وعدها ابن مريض عقلي
وخديجة اهلها الله مفين حضهم يعني حظ حاجم وين مادري هالموتوا كله بسبب ابن اخت خديجه السافل هالنسب الطايح حظ خلي عيونك على خلود وحدها منريد العالم تجيب سيرتنه والولايه هلكبره والناس تموت على الگال والكلت
استبرق: بهذا البيت ماكو ذكريات النه احس شويه هدوء يعني أمي الجانت تكعد قبل الفجر بساعه تفتر وتبقى بليل كلساع تفز احسها تحس بيتنه بيه صوت أبوي او صوت مروه فتتأذئ
أول مرة أمي كعدت ب٨ونص لكيتها بالمطبخ كمل أربعة أيام على كعدتنه بالبيت وغراضنه سهله وقليلات
تريكنه إني وامي وكعدت صفا اجت تركض ما تحجي ودفعت ايد أمي ونامت بحضنها وتسحب بديها تربدها تحضنها
بقت شويه وفتحت عيونها وكعدت يمهههه عاطت
صفا:يمههه تذكرت حلمي
خديجه:اسم الله شبيج يمه
صفا:يمه تحلمت بزايره سنيه
خديجه: لأن تحجين بيها اربع وعشرين ساعة مابيهم شي كاعده يم ام قشعم
صفا:خابري قشعم
خديجه:ذاك التلفون وخابري بس هسه يجوز بالدوام
صفا: حتى لو
ألو ها قشعم
قشعم:صافيه
صفا:كم مره كتلك إني أسمي صفا مو صافيه
قشعم: إني اسميج صافيه
صفا: وين بيبي سنيه زينه شبيها
قشعم:ما بيها شي إني بالدوام بعد ثلاثة أيام وانزل
صفا: يعني بيبي سنيه زينه
قشعم:,وداعتج وداعه عيونج زينه ما احلف بيج جذب صايره بيبيتج تركض وره الجهال اخواني وين اليوجعك وأمي متحجي
صفا:من تنزل خابر مو تنسى
قشعم:من عيوني صافيه
صفا:يمه نستني بيبي سنين
خديجه: يمه بيبي سنيه مو بعقلها الكامل بس حنيتها ما راحت يروح العقل والقوه بس تبقى الطباع وهي حنينه بنيتي
استبرق:الضهر واجت ام غني جايبه الصينيه على راسها بيتهم بعد بيتين عنه
اجت وسوالفها حلوه تضحك سمينه وبيها شام هواية بوجها وبشوشه ومن تضحك تصير حمرا نست أمي همها بسوالفها تحجي لو ع زوج بنتها من يجي لو ع ولدها
بقت تسولف واحنه نضحك وياها
انوب دك تلفونها وعاطت يااا نسيت يردون يتغدون عنور وقنبور
احنه عبالنه أسمائهم هيج
وضحكت يبووو كبرو وبس يدرون اكول تعلوگتهم يزعلون
إني رأسا سألت بيبي لعد شسمهم
منو همه
امي خزرتني
سكتت هي ضحكت كالت تعالي ولج أنتي تلالين جنج هاي الشمعه
عنور وقنبور
هذوله ولدي عنور اسمه يوسف وقنبور اسمه ذا النون
ضحكت يمه ذا النون أسمه قنبور
زين بيبي ليش سميتوهم
ام غني:شيجي بحلك علي ابني يكوله ويصنف جان سماهم عنور وقنبور
امي تعرفها طلعت وكالت بيت أبو غني عدهم ٩ولد صل الله ع التسع معصومين
وكلهم يشتغلون جوه ايد ابوهم بالسيارات تصليح ويبيعون مواد احتياطيه كلشي يضيع بالولايه عدهم موجود تصليح سمكره صبغ حداده كماليات السيارات
كلشي يخص السيارات علمه لولده
يسوكون من بغداد من أي محافظة يرحون ويجيبون عدهم سيارات خير من الله وتكول على ام غني مره فقيره لانحل ولا تربط تعرف تخلف واداري الجهال جانت ام زوجها هي للولد تعرف تطبخ وتغسل وتضحك وتأكل تسولف تنسى الدنيا وما بيها
چننت ولهسه وبعدها هيج
خديجه:لااتشوفينها هيج جبيره هي كلش بس ما يبين بيها العمر
استبرق:شو مبينه بكدج
خديجه:اكبر من حامد ام غني شبيج
استبرق:تجينه نوبات صارت بس أمي ما تطلع أبد
استبرق: أيام تركض ركض ويمر عمو عمار لو يتسوك ونعرف حالته المادية على كده
بس ما يقبل إلا يتسوكلنه
وعمو رشيد نوبات يمر بس عمو حامد بعد ما شفناه أبد
أمي عيونها تشتكي منهن صار شهر على كعدتنه وفلوس مابقن عدنه ما قصرو عمامي بمسواك بس أمي من تأذت وترفض تأخذ فلوس من عمامي عمو عمار انطاها مره مقبلت وبعدين اجه بحجه اليه ولصفا هم مقبلت
وعيونها تعبن يوجعنها وكلما اكللها نكول لعمو متقبل تجيب عصاره بنسلين وتنام
العطله رح تخلص وعمو كال بنفس مدارسجن بس الخط نتفق وياه
وإني انتظر شوكت نرجع لبغداد
عمو عمار اجه وجاب ملابس مدرسه إليه ولصفا وسالنه محتاجين شئ أمي حلفتني بمروه ما اكول لاحد
بدأ الدوام وعمو عمار حتى الخط دفع فلوسه صرت اروح وارجع وصفا كذلك إني لأن راسبه كارهه المدرسة لكن حلم أمي اكمل دراسه ودوم تكول اتمنى تدخلين الجامعة إلي تمنيت أدرس بيها بس شيوصلني
بالمدرسه ما احتك بالبنات بس جايتهن موده جديده نسوي عزيمه كالن وكل وحده تجيب شي
من تجي سرئ مرت عمو عمار تسأل شنو نسوي تجيب بناتها نسوي كيك لو حلويات
تعلمت منهن وشافتني بسرعه اتعلم واليه واهس باقي عدنه مواد اشتركت وي البنات نسوي اكلات كلتلهن أسوي لحم بعجين جان قليل يسوو يعرفونه اكو واكو لا بس ببغداد مره قشعم كال جبت من الجندول لحم بعجين وسألت سرى طلعت تعرفله علمتني سويت واخذته للمدرسه
البنات حبنه وكالن سوينه بلحظه كلت ليش ما ابيعلهن واساعد أمي اجمعلي مبلغ تروح للطبيب عيونها راحن ينعمن
اجه عمو عمار كال شمحتاجين كتبتله مسواك نوبات هو ونوبات عمو رشيد
جابولي المسواك كلت لأمي البنات صديقاتي يردون لحم بعجين أول مرة ما قبلت بس بقيت أتوسل
سويتهن وفرحت صارن بيهن ١٤قطعه شويه شويه خليت حشو
أول ما كلت للبنات قبلن بس وصيتهن ميحجن انباعن حسبت فلوسهن على المسواك الجابه عمو ربحه ربع اكثر بشويه من القيمه المسواك
اخذني الواهس بديت اسوي اكلات وابيع بسيطات لفات اشياء بسيطه بس
جمعت المبلغ وكلت اليوم اكول لامي لأن خطيه عمو يتسوك على حسابه اتغق وي أمي احسن بأخر درس واجت بنيه كالت ست ضفاف تريدج
رحت
ضفاف:تعالي استبرق صدك هالكلام السمعته
استبرق:شنو ست
ضفاف:تبيعين أكل على صديقانج
استبرق:ست هنه وصني وتكلفه المسواك اخذ لأن عجبهن طعم اكلي ما جابره وحده تشتري إني اجيب حتى أكل بس اذا يردن يعني خوما اجيب على حسابي كافي اوكف للفرن أربع ساعات
ضفاف:رغم مستواج الدراسي صفر بس عندج طريقه مندوب وعلاقات عامه (بضحكه)حبيت ذكائج بالرد وخلاصج من مسؤلية بس لعلمج هنا المعاونه او المديره إذا عرفو راح يفصلونج لأن اكو حانوت متعاقد وي المدرسة من التربيه بس
استبرق:كالت بس بسحبه ونفس عميق كلت بس شنو فهمت اكو استثناء من طريقتها
ضفاف: أولا منو يسوي هذا الأكل
استبرق: إني ست والله حتى أمي مالها علم
ضفاف:ابوج شيشتغل
استبرق: أبوي متوفي ست
ضفاف:لعفو لااله إلا الله...من كان عايش كان موضف
استبرق: لأ ست اعمال حره
ضفاف:وامج موضفه لو ربه بيت
استبرق:ربه بيت
ضفاف: ومنو يصرف عليكم
استبرق:عمامي يسوكونه ويجيبونه ملابس
ضفاف: معناها أنتي حابه تساعدين نفسج بمصاريفج صح
استبرق:ست هنه كلش قليلات بس اجمعهن اريد
ضفاف:شوف بنتي البنات التشوفيهن مو كلهن صديقات ويردنلج الخير واكو إلي تضحك بوجهج وتوصيج وتالي ووخرت السجل جواه لفه شوفي هاي لفه اجت منافقه كالت استبرق حاجم تببع اكل لفات ولحم بعجين
استبرق:ماحب اكون ضعيفه واستجدي الشفقه ولا أحد يلزم عليه لزمه
جاوبتها ست بعد ما ابيع
ضفاف:بنتي إني احب البنيه إلي تحب تشتغل وما تحتاج أحد خلي امج تسوي مشروع بسيط وساعديها
استبرق: أمي جانت تخبز بس هسه عيونه تعبت
ضفاف: وأنتي تعرفين تخبزين
استبرق: أي ست اعرف اطبخ واخبز كلشي أمي معلمتني
ضفاف: عفيه عليج
بس هذا الشغل يأخذ وقتج وما تدرسين والمدرسة اهم
استبرق: أن شاء الله اقره وانجح
رجعت للبيت ولكيت أمي لاكيه الفلوس كاعده بالمطبخ ومخلينهن كبالها بلفتهن عرفتها مبحوشه بغراضي
خديجه:بسبب عيوني بليل ماكدر ابقى كاعده انام لان يوجعني اسمع خراخيش بالمطبخ اكول تجوع يجوز استبرق
بس صارت يوميا شفتها الصبح جنطتها منفوخه ما لحكت افتحا افتريت ادور بغراضها خفت منها بنتي متهوره وصرت بين عمامها لاتجيبلي مصيبه ببغداد طلعت سلامات من خطبها أبو معمل الخشب هسه هنا الولايه صغيره كلت لا تزل وابتلي لكيت فلوس بادت رجليه
يمه
صاحبت ولد ينطيها فلوس ساعه اكول لأ متسويها بجوز عمامها ينطونها وارجع اكول لأ حلفتها بروح اختها متاخذ منهم والف قصه سويت ورجليه ما شايلاتني وما اخذت من صفا راس خيط متدري
يامن يجيبها من المدرسة دخلت اشرت
هااي شنو الفلوس وجيبي الجنطه سحبتها وسحبت الجنطه ولزمتها نكتت الجنطه
احجي استبرق شنو هاي الفلوس منيلج وتراب مريوه اخلليلج گبر بوسط حاجم ومروه إذا چذبتي
استبرق: إني منا ست ضفاف خنگتني وحسيت بقهره ومنا أمي تشك بيه عبالها متصرفه غلط بچيت بصوت
عليمن تدفنيني يمهم على أبوي الي جان مسويتله تمثال بگلبي وهدمه من مات لو مريوه إلي ارتاحت من دنيانه الغبره خلصت من ذله كل يوم اشوف البنات يلبسن شي وينزعن شي ويتباهن إني بنت فلان الفلاني
خديجه: اذا تردين ما ادفنچ جاوبيني منين هاي الفلوس
استبرق:مالت شغلي
خديجه:يااا شغل
استبرق: اسوي لحم بعجين او لفات بتيته وزلاطه وابيع
خديجه: شنو لفات ولحم بعجين وإني ميته وأنتي تببعين بالمدرسه
استبرق:ما ميته بس أنتي هنا تخافين من عمامي كعدنه وسكتنه وباقين على اليجيبونه عمامي ومن نحتاج شئ ما تقبلين نأخذ فلوس وأنتي هاج شوفي بالمرايه عيونج مورمه حتى محد انتبى عليهن ولا كالج شبيج إني جمعت ذني وهم أشوف شنو اشتغل وتروحين للطبيب
خديجه:مااا عاتبه عليج تشتغلين حتى اروح للطبيب ادرسي وانجحي وإني اطيب لاتخليني بحلوگهم أصلا حامد متاني زله علينه وأنتي تجيبينها النه
استبرق:شعليه بينه
خديجه:اله بيجن بنات اخوه ومن تحتاجين شي إني اتصرف لاتتصرفين من راسج اخذي هاي الفلوس واشتري شنو محتاجه ومال يلبسن بوميه شي ذني وحد هاي أنتي الجبيره وتشوفين وضعنه اصبري انجحي وكملي دراستج وصيري موضفه نعيش بجالج
ذيج مرت ابوج خريجه معهد فنون جميله وسووهه معلمه حالها حال ام الرياضيات والإنكليزي لأن شهاده جانت تمشي وبجال ابوج رجعها بكل وكت الشهاده هي التمشي حالها حتى لو تعسرت الأمور
دخلت تبدل وتغسل وتبچي شفتها سكتت انفهرت وكعدت شلون ارجع اخبز
لو اشوف شغله ثانيه ماريد بنتي تشيل هم وتحتاج
استبرق:داومت كم يوم والبنات يردن أكل كلتاهم بطلنه خلص ما ابيع
ويانه بنيه بس بالشعبه الثانية اجت بالفرصه لصفنه صاحت استبرق من الباب اشرت تعالي
هاا
غدير:شلونج
استبرق: الحمد لله
غدير: إني گراببج
استبرق:منين گرايبي
غدير:بيت أبو غني يصيرون بيت جدي إني بنت غني
استبرق:ها هله بيج ماعرفج عرفتتيني شلون
غدير:شفتج بالخط مالتي ونزلتي بالمشتمل إلي جانو بيه اريج المندلاوي الطبيبه
استبرق:بيتنه
غدير: أي بيتكم جان بيت دكتوره اريج المندلاوي مسويته عياده طبيبه نسائيه شالت منا
واهلي كالو عليكم گرايبنه كعدوا بالبيت ويجينه عمج صديق عمي ذا النون
استبرق: أي صحيح شايفه بيبيتج ام غني وشايفه عمو ذا النون
صارت علاقتي بيها قوية اروح وارجع وياها شاطره كلش اصغر مني إني لأن راسبه بالرابع نايمه صارت صديقتي المقربه وبعدين سولفتلي عن بيعي للفات ولحم بعجين
كالت هذني يمشي عليهن عطور ومكياج وما يناففن لان أصلا هو ممنوع وعرفت جانت بنيه بالسادس تبيع بس ما انكشفت اصلا وتبيع بالقسط
استبرق أمي واعرفها ما تقبل كلتلها بقت تحجي وما قبلت خاله أمل اجت واخذت أمي للمستشفى اليوم بقت تلح عليها واخذتها
أمل:£شنو تردين تعمين شنو قيمه الفلوس من يصير على عيونج شي
خليهن دين من صفا تصير طبيبه رجعيهن لو تعالجين خالنج بدين امج شتكولين صفا
صفا:خاله طبيبه
أمل:احسن منج الطبيبات
صفا: أي بس خل أمي تروح للطبيب
استبرق اجيت من المدرسة صباحي لكيت خاله أمل ومنتظره أمي
وصفا تبدل تريد تروح للمدرسه.امي بالغرفه وتوصي استبرق غداج على الطباخ تغدي واغسلي ماعونج واكعدي اقري ماعدنه شي لاتضلين كبال المرايا وتسولفين لو تقلديلي المعلمات تفترين ارجع اسالج مو عبالج عميت
أمل:خاله لأ تشلعين گلب امج تره نفسيتها صفر
استبرق:خاله سامعه بسالب الف إني نفسيتي هيج بس أمي لو تعيف التخيل دومها تتخيل اشياء بعيدا عني
أمل ء: الله يعينها يمه شلون ما تخاف عليجن وتتخيل إذا برمشه عين بحضنها بنيتها ولگتها بالكاع وراحت بساع بساع
استبرق:دنگت وبچيت رحت للحمام غسلت وأمي كالت طالعين تعالي اقفلي الباب لأن خط صفا هم اجه راحن أمي وخالتي وصفا بدلت وصبيت غده تغديت وكلت اخابر غدير كالت إني اقريج رياضيات
التلفون أمي خلته على الرف بالمطبخ اتصلت ما تجاوب عدت أكثر من مرة ما جاوبت شويه وهم خابرتها
اجاني صوت مره
الو
ألو مرحبا
هله بيج منو
هذا رقم غدير
أي إني امها أنتي بت حاجم
أي خاله
غدير نايمه بنتي من تكعد اخليها تخابرج
سديته
نايمه
ام غني:ها نضال شبيهم بيت حاجم
نضال: لأ عميمه هاي بت حاجم تخابر على غدوره
ام غني:يمه هي شلون بت يلالي الماي من زردومها
نضال:ها عمه خيلتي هههه
أم غني:شعدي واخيل لا عنور ولا قنبور بيهم رجيه
ثنينهم عدهم تحت كترهم صويحبات يردونهن مبينين
نضال:عمه الوكت تغير هسه كلمن يريد رادته ما تفيد فلان لفلانه بعد
أم غني:ولهناك حبني واحبك يطيرن ويبقى المعاير وتصير طلكني واطلكك وضحكت
نضال:عميمه أحلى ما بيج تضحكين وتبردين اكبر طرگاعه
أم غني:تشوفي هذا قنبور خله يودي ماعون برياني وحطيله دجاج خله يودي لبيت حاجم الله يرحمه
نضال:ذا النون تأخذ أكل لبيت حاجم الله يرحمه
ذا النون:دزي حسنين
نضال:طلع وي عمي من الصبح
استبرق:اندك الباب وكفت بلباب الداخلي واباوع على جوه رجلين منو عبايه لو وأحد من عمامي
كلت منو اجاني الصوت إني
صوت رجال غريب أمي تمشي وتوصي لأ تفتحين الباب ابد صارت بيه خوفه
رجع اندك هم كلت منو
ذا النون:مو كلت إني والعباس إني
استبرق:,منو انت
ذا النون: إني ذا النون
استبرق:يااقنبور وخليت ايدي على حلكي وضحكت فتحت الباب وصرت ورا الباب
أهلا عمو
ذا النون:شو خربانه ضحك عمو
يم عمو
استبرق:,ها لأ ماكو شي
ذا النون:هاج عمو أمي دزته بس الماعون رجعي عود لأن أمي حاسبه مواعينها
استبرق:خل افرغه
ذا النون:خوش فكره فرغي بس لاتغسلينه
استبرق:ليش
ذا النون:شمدريني أمي قبل من جنا نوزع ثواب توصينه نكول للجوارين لاتغسلون الماعون
استبرق:,هسه هذا ثواب
ذا النون:شمدريني
استبرق:بكل الاحوال شكراً عمو أحب البرياني
ذا النون: والله مبينه حتى لو مبيوك البرياني لن تحبينه تاخذي
استبرق:, ضحكت أي والله عمو البرياني بعد سيد انواع التمن
ذا النون:خشمج صار زين
استبرق: أي عمو الحمد لله ماييه شي
ذا النون:يله اروح الحك على البرياني لاا يخلصونه وإني هنا سلمينه على ام استبرق وع صفا
استبرق:الله يسلمك
إني مأمنه محد يأكله البرياني لان محد
ذا النون:,هنا الحجي اكول فرغته وواكفه ما تخاف درجعي هسه تلكين البزونه مستفرده بالفخذ ما ل الدجاج
استبرق:ضحكت وراح ذا النون
وشفت عمو بركن شارعنه عمو حامد ياستار شجابه شذكره بينه اليوم
رجعت للمطبخ
باوعت من الشباك مد ايده على الباب وفتحه وحجه استبررررق
طلعت هااا بدون عمو
حامد:منو جان ببابكم
استبرق:ابن بيت أبو غني
+
حامد:امج وين
استبرق:راحت للطبيب
حامد:,طبيب ماليش ساعه ثنتين هسه
استبرق:غير سره
حامد:واحتج
استبرق ،: بالمدرسه
حامد:شعندج واكفه بطولج بالباب
استبرق:شعندي يعني جابو ماعون اكل هذا شوفه بعده على السنك شلون أخذ الماعون بلبلوتوث
حامد:جاوبي بأدب
استبرق:همه مو بيت عمك شمسويه وبادب اجاوب باب يندك ما افتحه
حامد: ولي من وجهي من تجي امج خليها تخابرني
استبرق:بس أي اكللها هاي الجواب جاوبته طلع وركع الباب
تاخرو أمي وخالتي المغرب يلا دخلن
ها يمه شكال الطبيب
خديجه:سهله ماكو شي انسداد بالغدد الدمعيه يصيرلهن حل
ها تغديتن غديتي اختج
استبرق: أي وببت ام غني جابو ماعون برياني خليتلج منه جابه قنبور وضحكت
خديجه:اشش مو كتلج لاتفتحين الباب
استبرق ء:لمن عرفته ابن ام غني يلا فتحت
هاا واجه عمو حامد وكال خليها تخابرني شايل خشمه لهامته راح اطك رگبته
خديجه:خل ارتاح شوي واخابره شيريد
صارت الصلاه صليت وكملت كلت لاستبرق دكيلي على حامد
الو
الو جان الصبح يلا تتصلين
خديجه:خلصت صلاه واتصلت نعم
حامد:نعمله عليج أول مرة علمي بنتج لأ تفتح الباب وتوكف بلباب
خديجه:كلت بعدين اسالهه جاوبت أي أن شاء الله
حامد:وباجر يمر عليج واثق نروح علمود الوصايه الوديعه لازم باسم الوصي
يصيرون البنات بوصايتي
خديجه:ليش بوصايتك إني شنو ميته لأ بوصايتي إني
حامد: أنتي مو امينه فهمتي إني اصير وصي عليهن باجر وتزوجين شنلزم منج
خديجه: والله وصايت بناتي إلي اتزوج ما اتزوج هاي شي راجعلي
شافني اسكت كال هاي ضعيفه
بقى يحجي
كتله مع السلامه
مهما صنعت لنفسك درعآ من الذكريات سيعيدك ريما موقف أو وجه ليفتح نوافذ الذكريات ليعيدك بنفس الوقت بألمه بوجوهه برائحته