رواية سلسبيل قلبي الفصل التاسع عشر بقلم نورا مرزوق
#رواية_سلسبيل_قلبي
#بارت_19
سفيان بصوت عالي فزع له الجميع ـ دكتوووره بسرعه
جات الدكتوره بسرعه
الدكتوره ـ لو سمحت يا فندم اطلع بره
اوما سفيان بقلق وكان هيمشي بس وقف لما سلسبيل فضلت ماسكه ايده بخوف كبير وهيا بتحاول تاخد نفسها
قرب منها بسرعه وخدها في حضنه وعيونه اتملت دموع
سفيان بدموع ـ مالك يا قلب سفيان
سلسبيل بخوف وهيا بتحاول تاخد نفسها بالعافيه ـ م..متس..متسبنيش
الدكتوره ـ نوبه خوف خليها تطمن وتحس بوجودك
سفيان بحده ـ اطلعو بره
طلعت الممرضه والدكتوره
سفيان اخدها في حضنه وبدا يهمس لها بكلماته العاشقه حتي تهدا وتحس بوجوده
سفيان وهو بيبوسها من عيونها اللي مليانه دموع ـــ هششش اهدي يا قلب سفيان انا جنبك اهو
سلسبيل ببكاء ـ كانو..كانو بيضر*بوني جامد ... معرفتش اهرب منهم .. كنت بنادي عليك وانت مجتش وعيطت جامد
غمض عينه بالم كبير وقال بوعيد ـ وغلاوه دموعك عندي لند*مهم كلهم
حضنها جامد وبدا يقبلها في جميع انحاء وجهها ووراء كل قبله يهمس لها بعشقه حتي هدات تمام
سفيان بابتسامة ـ احسن دلوقتي
اومأت سلسبيل بخجل وهيا بتدفن نفسها في حضنه اكتر
سفيان بمرح حتي يخفف عنها ـ هتخشي فين
قوست شفتيها بتزمر كالاطفال استغرب سفيان سكوتها فبصلها وضحك علي منظرها الطفولي قبلها قبله سريعه علي شفتيها وقال بعشق وحب ــــ وحشتيني
ابتسمت ونظرت إلي وجهه بس اختفت ابتسامتها بسرعه فنظر لها باستغراب وقال مالك يا حبيبتي
سلسبيل بدموع ـ انت اللي مالك وشك باين عليه التعب كده ليه
ابتسم سفيان بعشق وشدها لحضنه وقال وهو بيدفن وشه في عنقها وبيشم رائحتها ـ مش مهم المهم دلوقتي انك معايا كل حاجه هترجع طبيعيه بوجودك معايا حتي انا
غمضت عنيها بخجل وقالت ـ احم .. انا ..انا جعانه
ضحك عليها لمعرفته انها مكسوفه طبع قبله علي عنقها وقال بهمس اذابها ـ خمس دقايق والاكل يكون قدام اميرتي وسابها وطلع
ـ ممكن ادخل
نطرت إلي الباب وابتسمت وقالت
سلسبيل بابتسامة ـ تعالي يا ماري
دخلت ماري بخجل وهيا حاطه راسها في الارض
وقفت قدامها وهيا مشابكه ايديها في بعضها وباصه في الارض
ماري ــــ بتوتر ـ ه..هو انا كنت عايزه اقولك يعني انا
سلسبيل مدت ايديها ومسكت ايدها
سلسبيل باستغراب ـــ مالك يابت ايدك متلجه كده ليه
ماري بدموع ـ انا اسفه علي كل حاجه عملتها ارجوكي تسامحيني مش هعمل حاجه تاني والله اديني فرصه كمان
سلسبيل بابتسامة ـ متقلقيش انا سامحتك
ماري رفعت عنيها اللي كانت مليانه دموع وقالت بعدم تصديق ـ بجد يعني انتي سامحتيني
اومات سلسبيل بابتسامة صافيه
حضنتها ماري وقالت ببكاء ـ انا اسفه والله انا كنت غبيه
مسدت سلسبيل علي راسها بحنان وقالت ـ هشش خلاص اللي فات عدي
سفيان بغضب ـ مااري
بعدت ماري عن سلسبيل بسرعه ووقفت بخوف
سلسبيل باستغراب ـــ سفيان في اي
قرب منهم سفيان وحط الاكل علي التربيزه اللي جنب السرير وقال بصراخ وغيره ل سلسبيل ـ انتي ازاي تحضنيها حضنك ليا انا لوحدي وبس انتي فاهمه انا وبس اللي احضنك وانا اللي اقرب منك
فتحت سلسبيل وماري بقهم بصدمه
سلسبيل بعدم تصديق ـــ سفيان انت بتغير
نظر سفيان إلي ماري وقال بغضب وغيره ــ محدش يحضنها انتو فاهمين
ماري بتوتر ـ ا..ا.حاضر عن اذنكم انا همشي
كانت هتمشي بس وقفت لما سفيان قال راحه فين انتي هتتنيلي تقعدي معانا بس هتقعدي بادبك مفيش احضان تمام
ماري بابتسامه فرح ــ ماشي
اوما سفيان وجاب الاكل وحطه قدام سلسبيل وقال يلا كلو وانا هجيب الدكتوره عشان تطمنا عليكي ومشي قبل مترد
سلسبيل ل ماري ـ ماري احكيلي عن كل حاجه حصلت في غيابي ومن غير كذب
ماري بتوتر ـ حاضر
وقصت علي سلسبيل كل حاجه حصلت من وقت غيابها وعن تعب سفيان الشديد
سلسبيل بدموع ـ حبيبي عشان كده وشه بهتان وعينه تعبانه
دخل سفيان عليهم ولما شاف دموعها جري عليها بخوف وقال ـ مالك اي اللي بوجعك استني هستعجل الدكتوره
مسكت ايده بدموع وقالت ــ لا خليك معايا انا كنت مستنياك عشان ناكل سوا وبعدين اضافت بمرح وهيا بتمسح دموعها ـ بس انت اتاخرت وانا جعانه عشان كده عيطت
سفيان بهدوء ـ كلو انتو انا مش جعان
سلسبيل بتذمر ـ لو مكلتش معايا مش هاكل انا كمان وذنبي انا وماري في رقبتك
نظر سفيان إلي ماري اللي بتبصلهم بسعاده وبعدين بص ل سلسبيل وقال بحنان كنتي بتعيطي ليه يا حبيبتي
سلسبيل بابتسامه ـ مفيش يا حبيبي يلا كل معايا بقا
اتنهد سفيان وبدا ياكلها وياكل او نقول كان ياكل بعض اللقمات التي تطعمها له سلسبيل اما ماري فكانت تدعو لهم بالبقاء سويا
꧁꧁꧁꧁꧁꧁꧂꧂꧂꧂꧂꧂
بعد مرور ثلاث ايام
ندي بفرحه ــ انا مش مصدقه انو اخيرا سلسبيل هترجع انهارده
لينا بفرحه مماثله لها ــ ايوا اخيرا كل حاجه هترجع طبيعيه
جاء زين وحضن ندي من ضهرها وقال بحب ـ حبيبي وحشتني
ندي بخجل ـ زين انت بتعمل اي لينا واقفه ابعد
بص زين ل لينا اللي اتكسفت هيا كمان وقال بابتسامه ـ لينو ازيك
لينا بخجل ـ احم انا الحمدلله يا زين بعد اذنكم وطلعت جري
زين بضحك ـ هههه مالها دي
ندي وهيا بتحاول تفك نفسها ـ زيين ابعد ينفع كده
شهقت بصدمه لما زين شالها وقال وهو طالع علي السلم متجه نحو غرفتهم ـ اممم محدش ليه حاجه عندي انتي مراتي ياهبله مش شاقطك من الشارع
ندي بخجل اكبر ـ طب نزلني افرض حد شافني
زين بمكر وهو بيقفل الباب برجليه ـ متخافيش يا قلب زين تعالي بس عايز اقولك حاجه مهمه اووي
ضحكت ندي بكسوف ودفنت وشها في عنقه
زين بضحك ـ احبك يا قمر وانت مكسوف واخدها إلي دائره عشقه الذي لن ينتهي ابدا
꧁꧁꧁꧁꧁꧁꧂꧂꧂꧂꧂꧂
كانت لينا قاعده علي التلفون بتتصفح عليه وفجأه تلفونها رن برقم غريب
لينا بإستغراب ـ مين ده وردت
لينا ـ الو
بهدوء ـ الو
خفق قلبها بشده وقالت بعدم تصديق وهمس ـــ أرسلان
أرسلان باستغراب ـ ألو لينا ..؟
فاقت بسرعه ومسحت دموعها اللي نزلت وقالت بسخريه ـ ايوه يا ..ابيه
ضحك بصوته الرجولي وقال ــ امممم ابيه افهم انو الموضوع ده اتقفل عليه خلاض
لينا بدموع ــ عايز اي
أرسلان بهدوء ـ عامله اي يا لينا
لينا بسخريه ـ يهمك يعني اذا كنت كويسه ولا لا اذا كنت بموت ولا لا ... طبعا مش يهمك ف ارجوك متمثلش انك مهتم
حس بوجع في قلبه بس قال بهدوء ـ سفيان تلفونه مغلق والبيه اخوه مش بيرد وبتصل علي معتصم مشغول فملقتش غيرك اديني عمي خالد
لينا بدموع ـ حاضر وكتمت الصوت وعيطت جامد
لينا ببكاء ـ هنساك يا ارسلان هنساك ومسحت دموعها وجرت عشان تدي التلفون ل خالد
لينا بإبتسامه مزيفه ـ بابا ابيه ارسلان عايزك
خالد بحب ــ هاتي يا حبيبه بابا
ادته التلفون وطلعت جري علي اوضتها
عند خالد
خالد بهدوء ـ سلام عليكم
ارسلان ــــ وعليكم السلام ازيك يا خالد باشا
خالد بزعل ـ كام مره قولتلك بلاش الرسميه انت حد من العيله لو احمد سمعك هيضايق جدا
أرسلان ب ابتسامه ـ اسف يا عمي اخبارك اي
خالد ـ الحمدلله انت عامل اي
أرسلان بهدوء ــ انا كويس مرات سفيان عامله اي
خالد ـــ كويسه هترجع انهارده هيا وسفيان البيت كله مقلوب وخصوصا لينا هههههه
خفق قلبه عند سماع اسمها نعم فهو يعشقها جدا هذه طفلته
خالد باستغراب ـ أرسلان انت معايا
أرسلان بحمحمه ـ احم انا اسف انا كنت برن علي سفيان مغلق وزين مش بيرد ومعتصم مشغول انا كنت عايز اقولهم بس اني جيت انهارده
خالد بفرح ـ يا الف نهار ابيض حمدالله على السلامة
أرسلان بإبتسامه ـ الله يسلمك
خالد بإصرار ـ طالما جيت بقا يبقي تيجي عندنا تحتفل معانا برجوع سلسبيل
أرسلان ـ بس
خالد بإعتراض ـ مفيش بس ايه هتزعلني
أرسلان بتنهيده ـ حاضر ياعمي لو كده بقا هحود علي سفيان اسلم عليه ونيجي مع بعض
خالد بحب ـ ماشي يا حبيبي ربنا معاك
وقفلو مع بعض
اخبر خالد الكل بقدوم أرسلان وسعد الجميع بقدومه فهم يعتبرونه من العائله ما عادا لينا اللي قلبها كان مبسوط عشان هتشوفه بس كان فيه في عيونها دموع طلعت اوضتها بهدوء
احمد بتساؤل ـ امال زين وندي فين
ماري بإبتسامة ـ في اوضتهم
اوما احمد بإبتسامة
꧁꧁꧁꧁꧁꧁꧂꧂꧂꧂꧂꧂
بعد مرور اربع ساعات
عند زين
طلعت ندي من الحمام وهيا بتنشف شعرها لقت زين نايم علي بطنه
قربت منه وقالت ـ زين حبيي اصحي يلا زمانهم جايين
مردش عليها
ندي بخبث قربت منه ومشت بإديها علي ضهره العاري ـ حبيبي مش هتفوق
رفع راسه وقال بمكر ـ انتي قد الحركه دي
ابتسمت بحب علي شكله كان شعره الاسود الطويل نازل علي عيونه ولحيته مش مترتبه اثر النوم قربت منه وحاوطت وشه بحنان وباسته من خده وقالت ـ انا بحبك اوي يا زينو
زين بإبتسامه وهو بيشدها لحضنه ــ قلب زينو انتي والله
ابتسمت ندي ودفنت وشها في عنقه تقبله بحب وقالت ـ يلا يا حبيبي انا جهزت هدومك قوم خود دش والبس عشان ننزل سوا
اوما زين بإبتسامه وهو بيرجع شعره لورا وقام بعد ما قبلها قبله سطحيه علي شفتيها
اما ندي قامت وبدأت ترتب السرير خلصت واتجهت نحو التسريحه وخدت الفرشاه وبدات تسرح شعرها الطويل الذي يعشقه زين
بعض مرور وقت قصير خرج زين من الحمام وكان لابس بنطلون ابيض بس وصدره عاري وكان بينشف شعره
زين وهو بينشف شعره ـ ندي القميص الابيض بتاعي فين
ابتسمت ندي وجابت القميص بتاعه من علي الكرسي ووقفت قدامه بصت علي صدره كان عليه بعض قطرات الماء حطت اديها علي صدره بتساؤل ـ انت منشفتش صدرك
عض لسانه من جوا وقال في نفسه ــ يا حبيبي انا غبي ازاي انسي
ندي بعصبيه ـ انا كام مره قولتلك متطلعش غير وانت منشف صدرك كويس اي الاهمال ده انت كده هتتعب ومش هتتعب ازاي وانت مأهمل نفسك كده تعالي
مسكت ايده وقعدته علي طرف السرير وخدت الفوطه منه وبدأ تنشف صدره وشعره انتهت وجابت القميص ولبستهوله خلصت وجات تمشي شدها لحضنه وقال ـ اسف
ندي بخوف عليه ـ انا خايفه عليك لتتعب
زين بحب ـ عارف يا حبيبي متزعليش
ابتسمت واومات له بحب وقامت لبيت الطرحه بتاعتها ونزلو سوا وهما ماسكين ايد بعض
꧁꧁꧁꧁꧁꧁꧂꧂꧂꧂꧂꧂
وصل سفيان وسلسبيل وأرسلان
ندي الصغيره بصراخ ـ سلسبييييل وجرت عليها كانت هتحضنها بس سفيان شدها لحضنه بتملك وقال بغيظ ـ سلمو عليها من بعيد مش لازم احضان
ضحك الكل علي غيرته وتملكه إلا عاشق ولهان كان يبحث بعينيه عن طفلته الذي اشتاق لها
احمد بفرح .... أرسلان وحشتني
سلمو علي بعض والكل سلم علي أرسلان وسفيان وسلسبيل وقعدو في غرفه الليفنج
احمد بتساؤل ـ عامل اي يا أرسلان يا بني
ارسلان بهدوء ـ الحمدلله يا عمي الامور بخير
عائشه بزعل ـ اي الغيبه دي كلها يا أرسلان اخيرا افتكرتنا
أرسلان بإبتسامه ـ معلش يا امي الشغل كان كتير الفتره اللي فاتت
زين ـ متصلتش بيا ليه كنت جيتلك
أرسلان بسخريه ورفع حاجب ـ يا جدع
ضحك الكل
سلسبيل ـــ شكرا لحضرتك يا أستاذ أرسلان علي وقفتك جنبنا اليوم ده
أرسلان ــ ده واجبي سفيان اخويا
ابتسم سفيان
قاطعهم نزول لينا من علي السلم
كانت لينا نازله ولابسه بنطلون ابيض عليه بلوزه وردي وكوتش ابيض في وردي وطرحه بيضه فيها خطوط ورديه وبتغني ــ العنكبوت النونو خطفت قلب العنكبوته من يومها جن جنونه واتلخبط ميت لخبوطه .... سلسبييييل
ونزلت جري بس وقفت لما شافت سفيان بيبصلها بتخذير
لينا بمكر ـ سيفو ازيك
سفيان برفع حاجب ـ اي يختي
لينا بمكر ـ سيفو
ضحكت سلسبيل
سفيان بغيظ ـ عحبتك يختي
لينا بخبث ـ هتخليني احضنها ولا افتن عليك
قرب منها سفيان ومسكها من البلوزه من ورا بطريقه دراميه ــــ انتي يبت في حد مسلطك عليا
لينا بمرح ومكر ـ اوعي يا عم بس البلوزه عليها اقساط علي فكره يا سلسبيل جوزك البنات كانت بتعاكسه وبتقوله يا سيفو وهو القلب الحنين مش بيزعلهم
سفيان بصدمه ـ يا كدااابه وسابها وبص ل سلسبيل وقال والله كدب انا بتجاهلهم كلهم والله
غمزت لينا ل سلسبيل اللي فهمت وقالت بغضب مصطنع ـ بتخوني يا سفيان
زين ـ سلسبيل لينا بتهزر
لينا ـ طب اسكت انت يا زين بلاش تتكلم علي فكره مس لميس لسا عايزه رقمك
ندي بصدمه ـ مين ياختي
قربت ندي من لينا وحطت ايديها علي كتفتها وقالت بضحك ـ جوزك يا هانم بيشقط منك وانتي قاعده حاطه رجل علي رجل
زين بصدمه ـ يخربيتك مصيبه
ندي بغيره ـ وسي زفته دي عرفته منين
لينا ببراءه مصطنعه ـ انا هقولك اصل وانا في الكليه كان بيجيلي استدعاء ولي امر كتير وطبعا زين زي الاخ الحنون كان بيجيلي علطول ويحل الموضوع كانت الدكاتره بيشوفوه مقلكيش يا ندي كانو بيقفو طبور كده
كل ده تحت انظار أرسلان اللي كان بيبصلها بابتسامه عاشقه
ندي وسلسبيل في صوت واحد ـ زين /سفيان
لينا بضحك ـ من ستره ربه فضحه عبده يلا سلام عليكم راحه لصحبتي
نظر لها سفيان بغيظ هو وزين
لينا بخوف ـ يحوستي ياني يامه وجرت وسفيان وزين بيجرو وراها والبيت اتملي بصوت ضحكهم والكل بيراقبهم بضحك
جرت واستخبت ورا احمد اللي خدها في حضنه بضحك
لينا بضحك وهيا بتلهث ـ الحقني يا عمي عيالك هياكلوني
زين بغيظ ـ هاتها يا بابا دي هتخليني اطلق
سفيان بغيظ هو كمان ـ انا لسا يدوبك بقول يا هادي دي هتخرب كل حاجه
طلعت لينا ليهم لسانها
ضحك الكل عليهم
احمد بضحك ـ انتي مش هتكبري بقي يا لينا
قلبت عنيها بتزمر كالاطفال وقالت والله انا مسكينه انتو اللي جايين عليا
سفيان ـ عمي خالد وافق علي العريس اللي متقدم ليها وخلصنا من البلوه دي
أرسلان بغضب وغيره ـ نعممم ده مستحيل
نظر له الكل بإستغراب
بدل ماتدور وتبحث علي الروايات خليها علي تليفونك وحمل تطبيقنا
