 |
رواية كدبه لا يمكن التخلص منها الفصل السادس عشر 16 بقلم حنان أحمد
الفصل السادس عشر
حياه خلصت لبس وكانت رايحه تشوف اختها وتسلم عليها دخلت عند اوضتها واول ما دخلت اتفاجئت بحاله ملك فكانت ملك قاعده بتعيط وماسكه التليفون بتاعها وبتقلب فيه على صور امير وكانت ماسكه في ايديها الثانيه الاسوره اللي امير جابها لها في عيد ميلادها في مره من المرات الاسوره كانت جميله جدا وعليها نجوم ملك ما كانتش بتقلعها من ايديها خالص لانها كانت بتحبها قوي بس دلوقتي هي قلعاها وماسكاها في ايديها حياه اول ما شفتها كده راحت حضنتها وقالت لها: ملوك حبيبتي مالك في ايه بتعيطي ليه
ملك فضلت حضناه وعماله تعيط وحياه مش فاهمه مالها بعد شويه ملك هديت وحياه بعدتها عن حضنها وقالت: دلوقتي انا سبتك تهدي ممكن تفهميني مالك وليه كل العياط ده
ملك مسحت دموعها وبتستجمع نفسها عشان تتكلم: امير
حياه باستغراب: ايوه يعني انا كده فهمت مالك هو ايه اللي امير في ايه اللي حصل
ملك بدموع :انا استقلت من الشغل سبت الشركه وسبت امير وبعدت عنه خالص
حياه: ليه استقلت ليه من الشركه وسبت الشغل ليه في ايه يا ملك انت كنت مكلماني امبارح وكنت بتقولي قد ايه هو بيتعامل معاكي بلطافه كنت فرحانه ايه اللي حصل ليه سبت الشغل ليه استقلتي
ملك بصيت لها بدموع وقالت: هحكي لك هحكي لك اللي حصل
ملك بدات تحكي كل اللي حصل من لما شافت يارا وهي بتتكلم في الحمام لحد لما امير طلب منها النهارده ان هي تساعده وهي وافقت حياه بضيق من تصرف امير وانه ازاي يضرب اختها بالقلم: انا مش عارفه اقول لك ايه ومش عارفه اساعدك ازاي يعني انا كنت مفكره امير كنت مفكره مش مش عارفه اقول لك ايه طب هو لما قال لك النهارده مش هو قال لك انه كان حاسس انه ان في حاجه غلط وانه حاسس من جواه ان يارا هي الخاينه مش انت
ملك وهي بتمسح دموعها: ايوه هو قال كده بس ده ما يدلوش الحق انه انه بعد ما ضربني يجي ويطلب مني اني اساعده ده عنده بجاحه عمري ما تخيلتها انا بس زعلانه على قلبي المكسور كملت بوجع: واني واني مش هرجع الشركه تاني ولا حتى هشوفه انت عارفه انه امير حبي الاول والاخير مش هعرف انساه مش هعرف كانت بتتكلم ودموعها عماله تنزل على عيونها راحت حياه حضنتها وحاولت تخفف عنها
حياه: طب انا اقول لك ايه اللي حصل معايا النهارده او كمان اللي حصل خلال اليومين اللي سافرت فيهم
ملك وهي بتمسح دموعها: عملتي مصايب ايه احكي يا حبيبتي
حياه بضيق: هو ايه اللي عملتي مصايب هو انا بعمل مصايب يا ملك اساسا
ملك: لا ابدا يا حبيبتي انت ما بتعمليش حاجه راحت حياه ضربتها على كتفها بهزار راحت ملك ضحكت وقالت: لها خلاص خلاص اشجيني احكي يلا خلصيني عايزه اعرف ايه اللي حصل
حياه: بصي هو يعني في خلال اليومين ده باختصار اللي حصل انه ان انا اتقربت من مراد شويه ما اعرفش ازاي بس انا بحس باحساس غريب احساس اول مره احسه حتى الاحساس ده ما حسيتوش مع مهند الخاين بس انا مش عارفه ايه الاحساس ده مراد لما بيكون معايا ببقى فرحانه ببقى مش عايزه يمشي عايزاه يفضل معايا عايزاه يتكلم لما بيقرب مني بحس بان انفاسي هتتقطع من كتر ما هي سريعه وضربات قلبي سريعه بحسه هيقف من كتر ما ضرباته سريعه مش عارفه بس احساس جميل مش عارفه اوصفه ولما قال لي انه شايفني حقيقيه واني بتعامل على طبيعتي كنت فرحانه بس لما قال ان انا مش كدابه حسيت بسكاكين بتغرس في قلبي حسيت ان انا عامله حاجه غلط ومش عارفه اغفر عن غلطي ده ازاي حسيت ان انا لازما اقول له على الحقيقه حسيت ان هو احسن شخص في الكون ما بيغلطش وانا مجرد كدابه قدامه
ملك كانت سمعاها وبعد ما حياه خلصت كلام قالت: الاحساس اللي انت بتحسيه ده هو الحب بصي انا كنت بحس انك معجبه بس مهند مع اني ما كنتش شايفاه مناسب ليكي خالص ما كنتش حساه انه ده الشخص اللي لازم تكملي مع حياتك عارفه لما سابك او لما خانك اه زعلت بس فرحت في نفس الوقت ان انت مش هتكوني ليه ممكن تكوني لحد ثاني احسن منه ولما دلوقتي بتقولي انك بتحبي مراد فانا فرحانه لان مراد هو اللي يستاهلك وكمان مراد مش هتلاقي احسن منه خالص يا حياه
حياه: يعني انا الاحساس اللي حساه هو الحب انتي بتقولي ان مراد هو اللي يستاهلني بس لا انا خنت ثقته يا ملك ازاي هيبقى مع واحده كذابه زيي ازاي لما كنت معاه لما كنت ببص في عيونه كنت بشوف الصدق كنت بحس ان انا وحشه قوي لاني بخبي عنه الحقيقه وهو شايفني صادقه وان ما بكذبش ودلوقتي بتقولي ان انا بحبه ههه بس لو ده وحب لازم اوقفه مش هسمح اكون انا الكذابه في القصه دي
ملك: انا مش عارفه اقول ايه مش عارفه اقول لك ايه يا حياه انا اساسا مش عارفه احل مشكلتي ولما قلت خلاص امير بدا يحبني لقيته كسر لي قلبي لقيته جرحني اكتر مكان بيجرحني لما كان مع يارا الموضوع معقد بس اللي اقدر اقوله ما تضيعيش حبك بايدك حاولي تقولي له الحقيقه حاولي قبل ما الحب ده يكبر وما تعرفيش
حياه: هحاول يا ملك بكره في اجتماع علشان سليم بيه وافق في العرض اللي احنا قدمناه فهو جاي في الشركه هحاول بعد الاجتماع احكي له هحاول بس انت هتعملي ايه انت هتيجي بكره الشركه مش كده علشان هتساعدي امير
ملك اخذت نفس طويل وطلعته بعدين قالت: ايوه هاجي هاجي عشان اشوف ست يارا دي بتتهان بس بعد ما تخلص الحكايه دي مش هعتب عتبه الشركه مره ثانيه كفايه اللي حصل كفايه الجرح لحد كده
حياه: ماشي يا حبيبتي بعدين قامت وحضنتها وقالت: تصبحي على خير
ملك: وانت بخير يا روحي حياه راحت على اوضتها وفردت جسمها على السرير وبدات تفكر في كل لحظات اللي مرت بيها مع مراد وقد ايه هي فعلا بتحب قربو ليها قعدت تفكر في كلام اختها لما قالت ان هي بتحبه حطت ايديها على قلبها وقالت: فعلا هل فعلا انت حبيته بس انا مش هقدر مش هقدر ابعد المره دي مهند لما سبته ولما هو خني محستش اني مخنوقه بطريقة اللي بحسها لما بكدب قدام مراد ما زعلتش او زعلت بس مش لدرجه انه قلبي يوجعني بالطريقه دي وانا احس اني عامله ذنب وذنب كبير كمان حياه فضلت طول الليل بتفكر تعمل ايه وازاي تقولي الحقيقه لمراد غلبها النوم وهي بتفكر في مراد
عند مراد لما اتحرك بعربيته و وصل عند بيته طلع بس سمع دوشه ناحيه غرفه التدريب دخل لامير بيلعب بوكس وبيلعب بطريقه عنيفه جدا والعرق بينزل منه زي الشلالات لمح مراد واقف على الباب فقال له: واقف عندك ليه تعالى و هو مكمل لعب
مراد: والله ما حبتش قطعك لقيتك بتلعب قلت اتفرج عليك بس ده لعب ده انت هتكسر ايدك
امير: مخنوق فقلت اطلع خنقتي في اي حاجه المهم انت جيت امتى
مراد: لسه من شويه وصلت حياه و جيت على هنا علشان اريح علشان سليم هيجي لنا بكره الشركه عشان هنعمل اجتماع على الساعه 12:00 كده المهم قول لي انت ايه اللي خانقك
امير فضل يلعب بطريقه عنيفه وبسرعه بعدين هدي ومسك كيس الملاكمه وهو بيتنفس بسرعه بعدين هدي وقعد جنب اخوه على الارض وراح مراد اداله القزازه عشان يشرب مياه امير فتحها وشرب بعدين قال: ملك ثابت الشغل استقلت يعني مش هترجع الشركه لو ايه اللي حصل
مراد باستغراب: ليه ايه اللي خلاها تستقيل وبعدين مش هترجع الشركه تاني ليه في ايه اللي حصل يا امير
امير بضيق: باختصار لاني سمحت ليارا تتدخل لاني سمعت لها وما سمعتش لملك فعملت تصرف غبي وضربتها بالقلم
مراد بغضب: ايه ايه اللي انت عملته ضربتها بالايه بالقلم يا امير انت اهبل ولا ايه لا مش اهبل انت مجنون
امير: ممكن تهدى عشان افهمك وكمان عشان ما حدش يسمعك ماما وبابا لسه نايمين كده هتصحيهم
مراد بعصبية: اصحيهم اصحيهم ما اصحيهمش ليه اوريهم انت عملت ايه هي يا غبي علشان تضربها
امير بهدوء: ممكن تهدى وتفهم هحكي لك اللي حصل اهدى لو سمحت
مراد: طب اتفضل اتفضل احكي اتفضل قولي ايه مبرراتك
امير حكى له على اللي حصل واللي يارا قالته بعدين حكى له لما ملك دخلت عنده واللي هي برده قالته واللي هو نفس كلام يارا وحكى له برده عليه الرساله اللي جات في تليفونه وان هو حاسه بالذنب اتجاه ملك وان هو حاسس ان هو ظلمها وحكى له برده ان هو طلب من ملك ان هي تساعده وهي وافقت مراد بعد ما امير خلص كلام قال: يعني بعد اللي انت عملته ده كله هي وافقت تساعدك قلت لك هتندم يا امير قلت لك حدد مشاعرك قبل فوات الاوان قلت لك يارا ب تستغلك قلت ولا ما قلتش رد عليا
امير بعصبيه: قلت ايوه قلت بس كنت عايزني اعمل ايه يارا قالت كلام وسمعتني تسجيل ونفس الكلام اللي يارا قالته ملك بس على اساس ان يارا هي اللي قالته كنت عايزني اعمل ايه
مراد: وانت صدقت يارا وما صدقتش ملك ملك اللي وقفت جنبك لما كارما وقعت وراحت معاك المستشفى ويارا اللي سابتك علشان مجرد نقطتين قهوه وقعوا على فستانها صدقتها ما صدقتش ملك صح
امير بضيق: ايوه بس انا عملت كده علشان اتضايقت انا مش هيفرق معايا ان يارا بتخوني هطلعها بره حياتي اما ملك ملك حاجه تانيه اتضايقت لمجرد تفكير ان هي بتخوني قلبي قال لا كنت واثق فيها بس بس ما اعرفش اللي حصل انا عملت كده لاني بحبها ايوه بحبها وبحبها قوي كمان
مراد: جاي تقول لي انا الكلام ده يا امير وجاي تقوله دلوقتي بعد ما خلاص خسرتها
امير: لا ما خسرتهاش اوعى تقول كده تاني مستحيل اخسرها
مراد : امال ايه امال اللي حصل ده ايه كده ما خسرتهاش قدمت استقلتها وبعدت عنك كسرت قلبها جرحتها يا امير
امير بخنق وحاسس بوجع في قلبه قال: عارف وهحاول اصالحها هعمل اي حاجه بس اهم حاجه ما تبعدش عني بكره هخلص من يارا وبعدين هفوق لملك مش هخليها تبعد عني بس محتاج مساعدتك يا مراد محتاج مساعدتك انت وحياه هتساعدوني صح
مراد: هساعدك هساعدك لاني عارف ان ملك هي اللي تستاهلك او انت اللي تستاهلها مش هي انك مش هتلاقي حد ثاني زيها مش هتلاقي حد في طيبه قلبها وجمالها
امير: و حياه هتساعدني انا واثق
مراد: وانا كمان
امير باستغراب: وانت كمان ايه يا مراد
مراد بهدوء: واثق انها تساعدك
امير: وايه اللي مخليك واثق انت مش بتثق بحد بالسرعة دي في ايه يا مراد ممكن تحكي لي
مراد: هحكي لك يا امير هحكي لك و........
