 |
رواية بيت الخبازه الفصل السادس عشر 16 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه .......#بارت١٦
بقلمي
*
تتعاقب الفصول وتسقط بعض الأوراق
لكن الاشجار آلتي جذورها قويه لاتخضع للقلع بالعواصف
قشعم:وينج خاله خاللله لكيتها كاعده بالحوش وحاطه ايدها على خدها وصافنه.بديت اغني
هااا خاله شعندج صافنه وايدج على الخد
ابششششرج
خديجه: أي عوف صفنتي وبشرني اريد شئ يوخر الضوجه فرحني
قشعم: لكيت شغل بشركه تابعه للامريكان
خديجه ،: لأ قشعم خل يولون الامريكان
مابيه خير شغلهم
قشعم:خاله مالي علاقه بيهم شغلتي كلش مريحه صدكي وينطوني راتب بالورق
خديجه:الله يسهل امرك يمه فرحتله
بس ماحبيت اخرب فرحته بجيه امه
بس هو سأل هم اجت حياه
أي اجت
قشعم: يعني سوتها واجت وحجت صحيح لهذا صافنه
خديجه: يعني هي گالتلك
قشعم:كالت وكلتلها محد يجي ببيتي ولا خالتي تطلع معليج بيهم إني هنا شحد اليجي
خديجه: سكتت بس إني بعد جزت روحي بس صرت ماكدر اعيف زايره سنيه ولا قشعم
اجت استبرق اليوم من المدرسة
استبرق:يمه مدرسه عدنه ومعلمه صفا اخوات
كالت المدرسة امج إذا تخبز وتسوي خبز عروك تعرف تسوي كبب وكباب عروك
يمه خلينه نحسب ونسوي ونبيع كل المدرسات والمعلمات ياخذن
خديجه:فلوس للمسواك ماعندي شبيج أبو الخط بعد يومين يجي يريد فلوسه
وهم مدرسه مروه يردون الفلوس
يعني المشروع شلون نسوي بلله
واحنه اخبز نجيب مسواك ما اخبز ماكدر اجيب كيلو طماطه
استبرق:يمه ما فاتتني غير الفلوس عندي حسبت التكلفه والمصاريف بالمدرسهه وشفت بيها ربح زين يعني مو قوي بس يسد ويزيدنه
وكلت لست هدى اذا تريدين انطيني فلوس يومين واجيبلج الكبه
يمه أنتي تسوين الكبه طيبه وهاي الفلوس يلا اروح للسوك
خديجه:بده عقلج يشتغل كون للمدرسه هم هيج تفكرين
بس لا تتسرعين سوك ممنوع تكعدي وتسكتين
استبرق:, وين قشعم خلي يروحنه لعد
خديجه: أخذ هدومه وغراض وراح اشتغل الحمد لله
استبرق:يمه ايدج بعدها توجعج بيها ورم شلون
خديجه:كاعده اللفهه بناياون وقماش ولشتغل شنو نبطل معليج
رحت تسوكت بالفلوس ورجعت بديت اسوي الحشو حتى البهارات شتريت صحاح ودكيتهن وسويتهن حتى النكهه تبقى قويه هاي اول مره يسوون يمي يبقى الطعم الاول هو الحاكم لازم اعتني بيها
جبت كبابه وكزبره يابسه ودارسين وهيله وقرنفل وشويه كركم وباربيكا بارده وفلفل اسود وفلفل ابيض
وثوم مطحون وبصل باودر مطحون مقادير شوي شوي مكثرت
وخليتهن وسويت عجينه التمن خليت وي التمن شوي عدس وشوي بتيته وكركم
وعجنت الكبه وبديت الف واستبرق تلف وياي
والزايره تاخذ من الملفوف وتوكل صفا وتاكل
كوه نوخر ايدها
صار هوايه فرحنا
وحسبناهن بيهن ربح واستبرق كالت نوديهن لبيت ام رحمن لمجمدتها للصبح اخذها بيتها بنفس فرع المدرسة
خديجه: لأ إني اروح وياج متروحين لييت أي معلمه ولا اطلعين معليج
اخذت الكبه لبيت أم رحمن وهم ما قصرت كالت جيبي اضمه وهم وصت تريد كبه كالت شكلها طيب
والصبح رحت صعدت مروه بالخط ورحنه مشي إني واستبرق للمدرسه ست هدى
شافت الكبه
هدى: عاشت ايدج والله ابو الجهال يحب الكبه وإني ما الحك نهار قصير ومنا وهيج تبدي امتحانات نص السنه اذا حباها زوجي واختي هم الها نص من هذا
معلمه تعرفها استبرق تجي على بنتج صفا
حتى نوصيج وهم معلمات ومدرسات هنا ياخذن منج
خديجه:مأكول الهنا أن شاء الله تعجبكم
رجعت بعد ما اخذت رقمي كالت اتواصل وياج
رجعت للبيت
أول ما كعدنا إني وصفا والزايره اندك الباب
كمت
أبو شكر ؟؟؟
حامد:شنو لازم ما عاجبج نجي
خديجه: لأ ليش ميعجبني هله بيك بنات اخوك ومن حقك تجيهن
حامد: أي زين بعدج تعرفين دخلت سحبت صفا بوستها سلمت على الزايره
الزايره سنيه: منهو أنت يلمعگل
أبو شكر: أم استبرق وين البنات
خديجه:بالمدرسه استبرق ومروه
أبو شكر: أنتي عنادج واصل مرحلة بس معقول ما تشوفين الأوضاع انفجار مرقد الائمه العسكريين براس السنه
والدنيا هنا تخوف من الانفجارات وأنتي عندج بناته شنو تستهينين بينه لو شنو قصدج
خديجه:, اسمع واشوف بس هم اشوف الدنيا لازم تمشي اكعد واسكت وينزلي مائده من السما
وما قصرتوا اجت مرت اخوك تستاذن حتى تكعد ببيت زوجها
بعد شتريدون مني
أبو شكر: يعني صايره مهمتج تربطين كل موضوع باحاجم افهمي مات الرجال كافي
خديجه: يعني ارجع وين اكعد بلا
ببيتكم لو بيت رشيد أو بيت اخوك حاجم
أبو شكر: والله خبلج الله يرحمه بزواجه
خديجه:لعلمك إني جنت ادري متزوج بس خذلاني بيكم اتتم كلكم تدرونه وما كلفتوا نفسكم تكولون
أبو شكر:شنو تردين اجي اكلج اخوي متزوج شنو هاي والله عجيب
شوفي أخذ أكثر من حجمه هالموضوع مات الرجال
عندج حلين تجين ونأجرلج بيت بأي مكان تامنين بيه او تبقين على كولتج مالكم سلطه عليه وانطينه البنات أخاف على بنات أخوي إني
خديجه: أنت تعرف مروه واصله مرحله جنون وحتى صرع صاير ومنعرفلها وولايتنه محد كشف وضعها
إلا هنا وهم أول فترة لكيت مراكز اكلو كومه فلوس تالي كالو اخذيها حالتها ميؤووس منها وإني ما أيست لما طحت على هذا الطبيب لوجه الله ساعدني ووداني على مدرسة بيهه صف هسه صارت قريبه على الطبيعي مستواها الدراسي احسن من كل إلي نفس حالتها
وتريد ارجعها عليمن إني هنا كاعده واشتغل واخبز غير حتى اطيبها شنو اخرب مشوار السويته تريد
تقرب مني وعيونه مخنزرات
أبو شكر:ااااخاف عليكم تفهمين لولا الدنيا هنا مرعبة ولج مااااا يوم نمت بهدوء بسبب التفكير بيكم الله واكبر متفهمين
خديجه:ضرب ايد بايد وعاط
أبو شكر:شسوووويت حاجم من بلاء
خديجه:طلع حتى ما انتضر البنات ركع الباب حيل وراح ...شنو تريد وين ارجع لمنو شفت منه خير ما تفهمون جيتي لبغداد حابه افتر جنت اتيه لركن بيتي عمري ما طالعه جان يسوي كلشي حتى ما شفت شلون النسوان يتصرفن من يعرفن ازوجهن يتزوجون عليهن قنعني سكتني لأن جنت ما أشوف غيره بالدنيا
بدينا نشتغل كبب وكباب عروك
وخبز تحرك للمعلمات والمدرسات
صارلنه واهس لأن زاد الطلب
وتعلمت استبرق للحشو ولللف وكل شي اسوي تساعدني
بديت أسوي كل أكل يطلبونه حتى بالجمع يعني وره امتحانات نص السنه
كله احنه اشتغلنه والعطله مال نص السنه
وصار شهر اجه قشعم اليوم جايب انواع الفواكه الما شايفينها والشايفينها
مخضر كلشي بالسوك جايبه وفرحان
مستلم أول راتب خلا بالحوش وكعد يسولف وي زايره سنيه
بعد كم يوم بالعطله مال نص السنه
واجت حياه
حياه: عيوني ام استبرق نهايه السنه تخلص امتحانات بناتج واجي وهسه يردون يجون عمال يبنون فوك غرفتين
خديجه: حبيبتي انتظري اطلع وابني فلشي هدمي ابني قصر
بس خلي تجي عطله اخير السنه
كم مره اروح اودي الكبب والكباب لست هدى
اجت فكره ببالي كلت عسى ولعل تفيد
هم الكا مكان وهم اخلص من الحاح العلويه يوميه جايه وهم اخلي لبيت لحياه
خديجه:هاي گدر الكبه
وعندي موضوع وياج
هدى:گولي محتاجه شئ
خديجه: سلامتج والله محتاجه خدمة منج هاي مدرستكم مو بيها غرف يم الحمامات
هدى: أي غرف للحانوت وواكو مخزن
خديجه:شفتهن بعيدات عن المدرسه ما تقبل المدريره اكعد بيهن حتى لو مؤقت
هدى: والله إني ماعرف صلاحيات المديره بس اسالج
خديجه:خدمه العمر إذا انطوني هالغرفتين
هدى: اسالج واجاوبج بأقرب وقت
خديجه: يومين وخابرتني
هدى: أم استبرق المديره تسأل تكولج شنو تحصيلج الدراسي
خديجه:مخلصه ثالث متوسط
هدى:شوفي المديره تكول ا خليها عقد بالمدرسه عامله نظافه
وهم الغرفتين تعيش بيهن وتصيرين امينه على الكتب بالمخزن
بس ينطوج ٧٠
خديجه:موافقه
هدى:∆جيبي مستمسكاتج وتجين اسبوع الجاي
بس متسكنين حالياً
وبالفعل اخذت المستمسكات ورحت كالت ببدايه الدوام يجون يسوون كهرائيات الغرفتين خربانه وسألت المديرة عن وضعي عرفت ارمله وكلتلها وياي مره جبيره خالتي
اكدت اهم شي ما تفترون باثناء الدوام الرسمي
كلت ما ينسد باب إلا باب رب العالمين يفتح الاسباب
الرازق العصفور بين النسور
اجه قشعم ومشتري تلفون واخذ رقمي وكال أي شيء تحتاجينه بعد إني انطيج فلوس
خديجه: إني لكيت عقد بمدرسه ولازم اكعد بيها
قشعم:شنو عقد خاله مسؤوليه شلج بيها لأ خاله ابقي على الخبز والكبب وإني عندي وانطيج لاتهتمين مااوفي حقج ومال اطلعين لأ تكولينها هذا بيتج شنو عبالج اخلي حياه ورجلها يكعدون بيه
والزايره شلون تأمنين بعد تعيفيها
خديجه:الزايره اخذها شلون اعيفها بس هاي اضمن بلكي يثبتوني بلكي وضيفه وشويه ارتاح شفت الغرفتين جبيرات ونضيفات شعدنه هي إني وخالتي سنيه والبنيات كافي علينه ومهما يكون حياه يمه امك انطيها فرصه متشوف گللها مشلوع گلبها عليك
قشعم:خاله ما اله حب اليه طمعت ببيتي وهلبايعه البيت ومشتريه سياره لرجلها
خديجه:احسن من كاعد شسوي العيشه تريد وهي هم بركبتها جهال زوجها معوق
فشعم: هذا بيت ابوي وبيت بيبي زايره سنيه محد يبهذلها بهذا العمر
خديجه:كالت المره امك تبقى جوه يرممون الغرف وينضفونهن وراح يبنون فوك
وكالت بيت قشعم نكعد بالبيت نرتبه الجوه اله هو وجدته واحنه فوك او العكس بكيفهم
قشعم: والله خاله الطمع يحرك البشر لا تصدكينهه
خديجه: وإني شلون اصدك بالبشر
أول وتالي يمه لوين ابقى لازم أشوف حالي
ما سكننوني بالمدرسه كالو بالعطله
كلت انتظر للعطله
والعلوية خففت طلبياتها مني بس الصبح لازم خبز وبين يوم ويوم خبز عروك اسويلهم
ادز نوبات ببد علي أكل او مخضر أو فواكه
وما گطعوا على طول يجيبون حطب
....∆
اليوم مغيمه الدنيا والجو يقبض الروح
وماعرف شبيه مزعوجه لأن من تمطر يدخل الماي للغرف وابقى اكرف
وصدك المغرب وبدت تمطر وزادت لحد ما زخت قوي بدت من وره صلاه العشا تمطر كلت لاستبرق لأ اطلعين لأن بارده تگص گص كلت باجر اروح للمديره بلكي تقبل تسكنه على السريع راح يتمرضن بناتي الجو كلش بارد
حتى سألت قشعم شلون ذيج الفتره والسنين زايره سنيه عايشه هنا
كال هذا البيت اليمنه هسه فارغ هم قديم مثل بيتنه وهذا حايط الحوش علينه
جان عدهم بنات كبار ممتزوجات موضفات ياخذنها وتبقى يمهم
وجنت أأمن عدهن ماتت امهن وشالن بقى البيت مقفول صار سنتين
بقيت انزح مي انشلع گلبي صارت اطرافي زرگ وراسي جمد بس إذا اترك المي يدخل الغرفه النايمين بيها نص الليل يلا كملت مخلين الچوله ندفى عليها
بالغرفه دخلت قللت نارها لكيت البنات ملفلفات بالبطانين
إني حضنت مروه واستبرق تنام قريب الباب تختنگ من الچوله تخلي فراغ بالباب وصفا والزايره سويه ينامن
أول ما بدلت ملابسي واجيت على الفراش حضنتني مروه
ها يمه كاعده
لعبت بشعري هاي طبيعتها وغفت ولازمه بيدي إني الضاهر استبردت صخنت لصلاه الفجر ماكدرت اتحرك جسمي صاير جمر وراسي موتني وجع
بقيت بنومتي سمعت الباب اندك ماكدرت اكوم
استبرق :يمه اكو خبز يكولون اليوم جمعه هواية اجو على خبز شكللهم
خديجه:يمه اليوم فلاونوا ماكدر اخبز
تلفلفت كلت لاستبرق لاتخلين خواتج يطلعن بارده.. الحراره تخليني ادخل بكابوس انغتح ااباب شنو طلعن البنات
اهلوس
اصيح ولج استبرق روحي لاختج عيوني يوجعني من الصخونه كالت تلعب كبالي
لأن استبرق گبال الحوش..
استبرق: أمي اليوم فلاونوا ماقبلت البارحه اساعدها لأن بارده كلش يوميه انطفي الچوله من أنام البارحه بارده كلش وإني اختنك منها افتح الباب اتنفس هوا البرا يلا اغفى وطبيعي احب البروده اكره تصير دافيه حيل اختنك
الصبح كلساع يندك الباب أمي عاطت من ورا الباب كولي ماكو خبز لأ تفتحين الباب اصيح ماكو خبز وارجع انام بس مروه نومهها خفيف من افتح الباب تفز ترفع رأسها من وره أمي حاجيتها لاتنعدين من امي تعالي هنا ما قبلت مچلبه بشعر امي
اروح الزم أمي صايره جمر كلت اروح للمضمده تضربه ابره اجيبلها دوه
بس شويه تعبر الصبحيه الجمعه كلها نايمه الصبح
كامت مروه بقت تحوس تفتر تسحب بلعابها لو تفتر ادور على جنطتها
اخذتهن صحت وراها بارده لا اطلعين بالحوش ما قبلت سبورتها معلكه بالحوش كبالها بلوكات تكعد وتكتب وترسم
:
غفيت شويه وسمعت صرخه ما عرفت شنو صار
مررروه
فزعت هي صرخه شكووو وهي طفره للحوش مروه بالكاع
خديجه : حسيت صرخه قويه وراها استبرق تصرخ ا تصرخ
مررروه مررروه وإني اعيط ولج شنووو وين مروه
رجعت للغرفه كأن اكول جانت بحضني جنت اتحلم هي بحضني وتلعب بشعري أرجع للفراش واصرخ هنااا جانت واكلب بالفراش
استبرق: برمشه عين واكعه مروه هسه شفتها تلعب بالسبوره الكاعده بيه مروه ولج يمه مروه شلتها الصار واعيط يمه مروه مروه أمي ممصدكه ادور بفراشها واجت لكتها بيدي وإني وصفا هرجنا الدنيا بالصريخ الجوارين دفعوا الباب أمي تركض بمروه وإني ركضت خليت مشمر كطن ع راسها وعبايه كوه خلنها الجوارين والزايره حاطه ايدها على راسها وتصيح
اجت چساحه الزلم وحطت عيونه على الدار وچسحت هله
أمي شبه مجنونه صارت مثل كتله نار ركضت للشارع
وكأن الثواني في الانتظار تحبو دهراً..
اجه وأحد من الجوارين كال امشي ناخذه للمستشفى وامي بنص الشارع حافيه
كوه صعدت تريد تركض بمروه والناس واحنه نركض وراها
صعدت بالسيارة خلو مروه وره بحضن أمي ومشت السيارة واحنه رواحنه وراها نبجي إني وصفا وحتى الزايره
اخذتنه ام رحمن يمها وتمشي وياها مره
لأن رجال كال لام رحمن البيت بيه كهرباء الحوش اخذيهم يمج مليان مي الحايط
بحيث اتبع الواير لكاه بالمي مثل الفور يفور
أم رحمن بيت مفطر وقديم شنو هو بيت صكر مو من عهد عبد الكريم قاسم مدري بوكت نوري السعيد هنا هنا ومحد مرممه
من شالن ببت ام سعاد (جيران ببت صگر نفس حايط الحوش الوكع) كهرباء الولد هذا إبن هادي كال منتوله عرفها
خديجه:يمه مروه جاوبيني يمه يمه حاجيني
السايق:خاله كولي يالله هسه أن شاء الله بالمستشفى يعالجونها وما بيها شي يطلع
خديجه:وصلت للمستشفى واخذوها مني
كشف الأطباء عليها وهي چنها نايمه
خديجه:يمه مروه يمه إني السبب إني نمت وتركتج مو رجلي على رجلج ولج بمه المفروض اكوم اخبز انتل إني مو اليل كله اكرف بالماي ليش ما انتلت
أنتي بفراشج كون يمه مروه شگومج يمه
استبرق:راحوا وما كو خبر اتصل قشعم وكتله وبقى يدك ويلطم كال جاي
وراها خابرت خالتي أمل وهم كلتلها بقت تصيح عزا منين جانت مضمومتلج خديجه وتصرخ اجيبلي أحد واجي
أمل:يا حضج خيه يا فگرج وين ما تروحين تعوج وياج كلت اتصل على عزيزه كلشي يصير هم يكولون ما كلتي
وانتظرت ابني اجه حتى اروح لبغداد
ام رحمن:البنات يمي واباوع من الباب على بيت والزايره ولا سكتت تسب وتفشر على وحده تصيح كله من نفس چساحه الزلم
بقينه للعصر بس يبچن البنات يكسرن الخاطر
استبرق بقت تلطم إني السبب امي وصتني على اختي لو مخليهته يمي وملخت شعرها وتسكت شويه وتصفن لو تجاوب أحد من يخابرون
استبرق:دك التلفون عمه عزيزه
عزيزه: خديجه شنو هذا الخبر
استبرق:ابچي واحجي عمه إني استبرق أمي وي مروه بالمستشفى سولفتلها كلشي الصار وهي اسمعها تصيح دهر انفلكنه
راحت بت أخوي
سدته واجه قشعم حجه وي ام رحمن يعرف يا مستشفى وراد يروح لزمت بيه فدوه اخذني وياك ماقبل أول مرة بعدين كالت أم رحمن خليها تشوف اختها فرفحت روحها وصفا والزايره يمي
. استبرق:خليت التلفون يم صفا ورحت كلتلها خاف يخابرون او يجون هذا رقم قشعم يخابرونه
ورحت وصلنه للمستشفى امي كاعده بالكاع وحافيه وجها مزلغته
يمه وين مروه يمه
أمي بهدوء بخوف يمه
يمه
يمها ممرضه ووالرجال الوصلها بقى يحجي وي قشعم
صحت احجوا وين مروه
الرجال دنك وشفت قشعم عيونه تغيرن وانملن دمع
صرخت مررريوه خيه
وج خيه مريوه انه الموتج خيه
قشعم:الولد أبو السياره قبل لانوصل ساعه يكللها شدي حيلج تصرخ بنتي عايشه جانت توها بحضني ونوب كاعده بالكاع حتى مارايحه لمروه من وصلنه نحاجيها ما تجاوب
الولد گلي واستبرق فهمت خبصت المستشفى بالعياط وتركض وينج مريوه خيه
وكفت خالتي خديجه وا خذناها للردهه الطبيب
كال تبقى هنا يومين عسى ولعل
ميصير تندفن
بقت تردد مروه يمه بعدج عدله مو يمه جاوبيني إني امج يمه
حگ حليبي عليج لا تهديني وترحين
تردد هالكلام شبه فاقده ووجها مخيف
واستبرق حاولت اهدأها تصرخ إني موتت مريوه
طلعتها كلتلها اختج وحدها امشي هناك اخذتها وردت اخذ خديجه سحبت اديها
إني هنا ما اشوف بيت إلا ومروه بديه
شويه واندك تلفوني
رقم
الو
ألو تفضل منو
أنت قشعم
أي تفضل
حامد: إني أبو شكر عم استبرق والبنات
قشعم:ءاهلا يابه
حامد:,بيا مستشفى
قشعم دليته بمكانه وكتله من توصل هم اتصل
اطلعلكم
نص ساعه واجوا صايره ليل هذا الكلام
ثلاث رياجيل وياهم مره جبيره
أول ما وصلوا خاله خديجه كاعده حافيه وكوه مچلبه الربطه براسهه
تحسها فاصله
أول ما دخلوا عيالها
تبجي وتصرخ المره عرفتها عزيزه
واجه
عم البنات
حامد: أنت قشعم
قشعم: أهلا أي يابه
حامد:شكالو الأطباء اكو خبر
أول ما سولفتله
التغت على خاله خديجه
مااااااا تردين كتلج تخوف بغداد كتلج ارجعي هسه ارتاحيتي هسه من ارفس ببطنج أحد يلومني
ووكفت استبرق لعمها
استبرق: أول ما هجم عمو أبو شكر ع أمي ركضت صرت حاجز هاااا عمي أنت فوك مصيبه أمي تريد تتجاوز عليها
حامد: لأ يا ما مربايه توكفيلي وتصيحين عليه
استبرق:ااامي هاي أمي شنو تشوفها ماله أحد وانت تريد تهد عليها
إني السبب اختي ماتت بسببي ولطمت دفعني وبقى يغلط ورجع راد يضربني اجه قشعم
قشعم: لأ لأ أبو شكر أنت ابوهه تحمل مصدومه على اختها ماتعرف تعيش تموت
طلعونه أمن المستشفى برا والحديقة ولا سكت حامد واستبرق تهجم عليه كل شويه ويريد يضربها ويستغفر ويرجع يباوع على عزيزه يكللها شوفي تربيه خديجه
وهي تسكت بيه كلتلهم امشوا باتوا للصبح الطبيب كال ننتظر ٤٨ساعه
حامد:لاننتضر هنا ووين اختج صفا بله
استبرق:يم جوارينه التغت على أمي كاللها عفيه بت مزهر السد خان مديحه البنات وحده انتلت وأنتي تخبزين والثانية عد الجوارين والثالثه صايره لسان دلاله وادب سزز
استبرق:, إني مو ادب سزز ولا أمي مديحتنه
سحبتني عمه عزيزه
عزيزه:كااافي ميعرف يعبر ولج مقهور على اختج بسج كافي خل الله يفك هالشده وترجع البنيه للحياه
خديجه:من اللطم واسمع الأصوات بس ما افرز شيكوللون بالي وعيوني وعقلي لاخر لحظه شايله مروه وهي عباره عن ورقه صفرا
كالو ماتت مصدكت ولا اصدك اريد
الافلاونزا والحراره وإني كاعده بالحديقه شلون وصلت مادري
حسيت
هذا حاجم بيده ضرف انطانياه اخذته شنو هذا الضرف
فتحته
شهاده مال مروه ناجحه
ضحكت كال كتلج شوفي بس جان المكان بعيد عليج هسه شوفي
باوعت مروه كاعده بمرجوحه ووياها ولد
منو هذا الوي مروه
هذا عون يكلي
كلت لمروه تعالي يمه
ضحكت بس شو وجها طبيعي ما تكرمشه من أحد يحجي مثل كل يوم
استبرق:كاعدين برا وقشعم كال رايح اجيب شئ الكم يريد يضيف عمامي جاي وياه عمو واثق
وعزيزه
وإني كاعده لازمه ايد أمي
حسيتها وكعت عليه عبالي فقدت الوعي
لكبتها مصخنه گابه نار
وتحجي تهلوس عمامي راحو طلعوا بس إني وعمه عزيزه
وامي صرخت لأ لأ انطيني ايدج لأ لأ حاجم كللها تجي
قشعم:رجعت لكيت ممرض جان يم مروه سألته
كال انصحكم تاخذون بنتكم ترا كاللكم هيج الطبيب صح بس البنيه اعصابها وگلبها كلهن تالفات ميته وربك
شيقنع خالتي خديجه
كلت لعمامها
وهنا بده صريخ خالتي خديجه واستبرق وحتى عزيزه
ما سكتن
بعض الفقدان يحبس الأنفاس من شده الشوق لمن يرحلون
ولكن ليس كل راحل بعيد
