 |
رواية كدبه لا يمكن التخلص منها الفصل الخامس عشر 15 بقلم حنان أحمد
الفصل الخامس عشر
وقفنا لما امير كان بيطلب من ملك انها تساعده راحت ملك بصيت له كثير بعدين اتكلمت وقالت: يعني مطلوب مني دلوقتي اني اساعدك فانك تكشف حقيقه يارا اللي انا قلت لك عليها امبارح اساسا وانت ما صدقتنيش
امير: بس انا قلت لك اني اتخدعت فيها وهي حاولت تثبت فعلا ان انت اللي خاينه مش هي وان انت خنت ثقتي بس هي خانتني وخانت ثقتي وكل اللي عايزه مني هو الشركه والفلوس
ملك بتعيد نفس السؤال وتقول: يعني ان مطلوب مني ان اساعدك انك تكشف حقيقه يارا اللي انا اساسا كشفتها لك وانت ما صدقتنيش
امير بضيق: انت بتكرري نفس السؤال ليه ما انا قلت لك ايوه انا انخدعت فيها وبعدين اكتشفت ان هي اللي خاينه
ملك بزعيق: ده مش مبرر ده مش مبرر حضرتك انت جرحت كرامتي وضربتني مع انك ما كانش ليك الحق في ده ودلوقتي عايزني اساعدك ايه البجاحه دي يا اخي
امير بتاسف: بس صدقيني انا كنت حاسس ان هي كدابه ودليل ان انا كنت هاجي لك حتى لو ما شفتش الرساله دي انا اسف بس انا فعلا محتاج مساعدتك ليا
ملك: وانا اسفه ان انا مش هقبل ان انا اساعدك مش هتقبل اعتذارك لي انت ما تعرفش ان انت جرحت كرامتي ازاي وقلبي اتكسر بس فعلا مش هقدر اساعدك شوف حد تاني غير يساعدك يمكن المجهول ده يعرف عنها حاجه انا ما اعرفهاش اساله لكن انا اسفه مش هساعدك
جت تمشي بس هو وقفها ومسك ايديها بصي في عيونها وقال بترجي: لو سمحتي انا عارف اني غلطت في حقك وعارف ان انا جرحتك بس انا فعلا محتاج مساعدتك
ملك: انت مش بس جرحتني انت كسرت لي قلبي وكثره القلب عمرها ما ترجع زي الاول تاني
امير: انا عارف اني غلطت وعارف اني كسرت قلبك وعارف ان كمان مستحيل تسامحيني بس لو مش عشاني ساعديني عشان خاطر نفسك عشان تنتقمي منها على اللي هي عملته معاكي كل اللي عايزه منك انك تجيبي اي دليل يثبت ان هي اللي خاينه مش انتي وانا بالدليل ده هطلعها بره حياتي وهتخلص منها فلو سمحتي ساعديني عشان خاطر نفسك وكمان مش قولتي أن ليا عندك جميل يوم ما ساعدت حياه أنها تدخل الشركه خلاص اعتبريها جميل
ملك بصيت له كتير بتفكير وبعدين قالت: انا هساعدك علشان اعرفها ازاي تستغلني بالطريقه دي وازاي تدخلني بينكم كاني لعبه ما ليش اي لازمه انا هساعدك عشان خاطر نفسي وكمان علشان انت ليك عندي جميل وهردو وبعدين مش هيبقى ليا اي علاقه بيك حتى علاقه السكرتيره بالمدير مش هترجع لاني مستحيل ارجع الشركه تاني بعد اللي حصل ده بس دلوقتي مطلوب مني اعمل ايه
امير بص لها وقال: يعني انت مش هترجعي الشركه تاني
ملك بتريقه: يعني انت متوقع ان بعد اللي حصل ده كله وكرامه اللي انجرحت هرجع الشركه عادي تبقى بتحلم يا امير بيه مش هرجع انا لو قابلت اساعدك فده عشان خاطر نفسي مش عشان خاطرك فلو سمحت قولي مطلوب مني ايه علشان نخلص من المهزله دي وارجع لحياتي الطبيعيه واشوف شغل تاني
امير بص لها بوجع ومش متوقع ابدا ان هي ممكن تسيبه ولا ان هي تبعد عنه بالطريقه دي هو مش عايزها تبعد عنه بس بنفس الوقت هو عارف انه جرحها وعرف ان ارتكب غلط عمره ما هينغفر وافتكر كلام اخوه لما قال له "حدد مشاعرك بسرعه يا امير حددها قبل فوات الاوان ملك لايقه عليك اكتر من يارا يارا بتستغلك"هو عرف مشاعره ناحيه ملك وعرف انه بيحبها بس عرف ده بعد فوات الاوان يا ريته كان سمع كلام اخوه من الاول ويا ريته ما كانش سمح ليارا ان هي تتدخل في حياته ما كانش كل ده حصل امير يتكلم وقال: الخطه انك تروحي لها وانك تقولي لها انك برده عايزه تكشفيها قدامي حتى بعد اللي حصل وتعملي زي ما هي عملت معاكي تسجلي الكلام بالتليفون بعدين تبعته لي وانا هتصرف الباقي مش عايز حاجه تاني هو ده اللي مطلوب منك
ملك بصيت له وقالت: تمام اوكي هعمل كده ما عنديش اي مشكله امتى
امير: لو عايزه من النهارده عادي بس الافضل انك تستني تيجي هي الشركه وبعدين انت تيجي وتنفذي خطتك هيكون احسن عشان هكون انا كمان في الشركه فاستني لبكره هي تيجي وانت تعالي بعديها واعملي زي ما انا قلت لك
ملك: تمام هاجي بكره الشركه بس دي هتبقى اخر مره اجي فيها ومش هعتب عتبت الشركه مره ثانيه بس انا هعمل كده عشان انتقم من الكف اللي انت اديته ليا بسببها وانا ما كانش ليا ذنب
امير بص في عيونها بوجع وقال: بهمس انا اسف
ملك بصت في عيونه وحسيت ان هي هتعيط فبعدت عيونه عنه وقالت: ما فيش داعي للكلام وما فيش داعي للاعتذار لانه مش مقبول عن اذنك انا لازم امشي امير مسك ايديها وقال: استني هوصلك
ملك قالت: لا ما فيش داعي وشده ايديها منه ومشيت وقفت تاكسي وركبت ومشيت وهو واقف بيبص لها وزعلان على حب حياته اللي خسرها قبل ما يملكها عند مراد وحياه راحوا المطعم وراحوا سلموا على سليم اللي كان قاعد منتظرهم فمراد قال: اهلا سليم بيه انا مراد أوغلو صاحب M.A.DotNet
سليم: مرحبا معاك سليم توزن وبعدين بص علي حياه وقال: مرحبا مين الحلوه ومد أيده علشان يسلم عليها فراحت مدت أيدها وقالت: معاك حياه كايا سكرتيره مراد بيه سلم عليها بعدين قعدوا بعدين سليم قال: بنعتذر منك يا مراد بيه احنا بس كان عندنا ظروف امبارح علشان كده ما عرفناش نحضر الاجتماع
مراد قال: لا عادي يا سليم بيه ما فيش اي مشكله ده كويس لان امبارح خدت اليوم اجازه وقعدت يعني استمتعت بهواء انكرا و كده بما اني من اسطنبول
سليم: طب كويس قضيت وقت حلو يعني وهوا انكرا جميل جدا بالذات بالليل بيبقى قمر ونجوم والليل بيبقى شكله جميل جدا
مراد بص على حياه بعدين بص على سليم وقال: هو فعلا امبارح كان الليل جميل جدا وبالذات القمر
حياه ابتسمت مراد شافها فراح ابتسم
سليم: طيب نبدا الاجتماع
مراد: اه طبعا حياه هاتي الملفات اللي جهزناها
حياه: اتفضل يا مراد بيه
وبداوا الاجتماع وحياه كانت بتقول افكار حلوه ومميزه ابهرت بيها مراد اللي ما كانش يعرف انها بالذكاء ده لان طريقه كلامها تحسها كاتبه وسليم اللي اعجب بطريقتها في التفكير بعد ما خلصوا الاجتماع سليم قال: كده اتفقنا يا مراد بيه هنيجي بكره على اسطنبول ونتفق على كل حاجه وبعدين بص على حياه وقال اتشرفت بمعرفتك وكنت رائعه النهارده
فراحت حياه قالت: شكرا سليم بيه
مراد ما عجبهوش نظرات سليم ل الحياه وحس بغيره علشان يقاطع النظرات دي قال: تمام يا سليم بيه نقابل حضرتك بكره عندي في الشركه الساعه 12:00
واما ادي ايده عشان يسلم عليه فراح سليم قام مد ايده وسلم عليه وقال: تمام اتفقنا يا مراد بيه
وبعدين بص على حياه ومد ايده علشان يسلم عليها فراحت مدت ايديها وهو قال: اتشرفت بمعرفتك يا جميلتي وباس ايديها
حياه ابتسمت وقالت: شكرا
مراد كان واقف بيغلي من الغيره بعدين سليم مشي ومراد قال: حلو سليم بيه مش كده
حياه قالت: افندم
مراد بيحاول يداري غيرته: اقصد عجبك بما ان عمال يتغزل فيك وباس ايديك بقول حلو يعني
حياه باستغراب من طريقه كلامه: على فكره هو عمل كده من باب الذوق وانا ما اعرفوش اساسا عشان يعجبني
مراد بصوت واطي: على اساس يعني لو عرفتي هيعجبك
حياه: افندم
مراد بص لها بعدين قال: ولا حاجه روحي جهزي حاجتك يلا علشان نلحق ننزل على اسطنبول
حياه: تمام
هو الشيء كل واحد فيهم علشان يجهز وبعدين اخذوا حاجتهم وركبوا الطياره وتحركوا وصلوا على بالليل كده مراد وصل الحياه على بيتها بعدين قال: ما تتاخريش بكره علشان الاجتماع
حياه: تمام وشكرا على التوصيل
مراد بص في عيونها بعدين قال: ما فيش داعي للشكر ما فيش شكر ما بينا اساسا
حياه فضلت باصه في عيونه فهي بتحس بإحساس غريب اول مره تحسه بتحب قربو اوي بتحب تفضل معاه اطول فترة ممكنه بتحب تتكلم معاه بس هل هي بتحبه فاقت علي صوته وهو بيقول: تصبحي علي خير
حياه وهي لسه باصه في عيونه: وانت بخير وبعدين خرجت من العربيه ومشيت شويه نحيت باب العماره بعدين بصت وراها لقته واقف ف ابتسمت وشاورتله بمعني باي وهو شاورلها وابتسم بعدين طلعت وقبل ما تخش علي البيت حطت ايديها علي قلبها وقالت: مالك بدق كده ليه في ايه اوعي تكون حبيت وهنا سكتت وبدأ قلبها يدق جامد وحست بأنفسها بتعلي قاطع تفكيرها ولحظاتها بكلان وهو بيفتح الباب وخارج ولقاها واقفه ف بصلها وقالها: حياه بنتي انتي جيتي أمتي
حياه وهي بتحاول تستجمع نفسها وبتقول: لسه دلوقتي يا صهري وكنت داخله انت رايح فين كده
بكلان: رايح اجيب عيش علشان العشاء انتي ادخلي وانا هجيب واجي
حياه دخلت بيتها وسلمت علي خلاتها ودخلت تسلم علي اختها وبكلان نزل علشان يجيب العيش مراد بعد ما حياه طلعت فضل واقف بيبص علي مكان ما هي مشيت وبعدين اتحرك ساعتها بكلان كان نازل وشاف مراد وهو بيتحرك واستغرب بعدين راح يجيب عيش حياه وهي دخله عند ملك اتفجات من شكل ملك و.........
بدل ماتدور وتبحث علي الروايات خليها علي تليفونك وحمل تطبيقنا
