 |
رواية بيت الخبازه الفصل الخامس عشر 15 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه ......#البارت١٥
خديجه: دخلت للبيت بيومها مغيمه وبيها بروده اباوع على بناتي
تقريت ل استبرق
مسحت على وجها
نايمه مبينه باچيه
صفا لازمه ايد زايره سنيه
مروه ماتترك لعابتها شكل ارنب جبته من الباله الها
جبتلها حيوانات طلب الطبيب حتى تتعلم كمشت بالارنب
كعدت قرفصت وبجيت بجي طفل
بوحدي احس أني ضعيفه والحمل ثگل
احس قصرت من جبت بناتي لبغداد اسأل واجاوب بروحي
يعني العلويه تريد تزوجني زوجها
اهتمامها مصلحه
ليش ماكو احد استند عليه
بچيت واسترجع كل يوم بعمري
وحسيت مطرت الدنيا
عجاجه قويه ومطر قوي صار رشگ
ركضت لبناتي گلت اغطيهن
او يخافن من الرعد
لكيت السگف يخر ياا يمه
تذكرت التنور يااا ركضت صعدت واصيح استبرق اكعديلي يمه
اخذت صينيه غطيت التنور ونايلون وغطيت الحطب
بس تبللن ماحلكت
نزلت
التهيت بالغرفه الي عبالك بوري مفتوح بيها
اباوع الحوش انترس مي ودخل للغرف
نسيت الطحين ركضت لكيته صاير عجين مو طحين لطمت وزاد بچيي
ومروه فرحانه بالمي بالغرفه تلعب بيه وفراشنه تبلل مطر عجيب بسرعه غرگ البيت
كل المطر نص ساعه بس فيضان صار البيت عباره عن نهر بديت اكرف واشمر برا واستبرق تمسح وتسحبلي المي للحوش
اباوع الزايره الضاهر متعلمه تلفلفت بعبايتها وخلت صفا بيها وكعدت على ميز اكو صغير خشب تقرفصت وكعدت
بقينه لنص الليل نمسح ونكرف مي إني واستبرق
ودموعي احسهن أكثر من المطر الصار فيضان
ااباوع على استبرق اديها صارن حمر ورجليها من البرد
صحت عليها روحي دفي نفسج كافي
ايدي بادي الحرك يلتم وبقى يوجعني وطك دم لان مسحت واكرف مي بعده ما طايب ميه بالميه
سحبت الطحين اريد انقذه بلكي اكدر اطلع منه ما متبال لكيت نصه تالف بالمي
سحبت الاكدر عليه فرغته
واخذت طحين وعجنته
بس وين اخبز الحطب بس كون ما مبلل
صار وجه الصبح وإني الم غطوات واخلي على البنات والزايره لأن البيت رطب وبرد ورا المطر
الصبح بس طلع ضوه صعدت اخبز
كوه يشتعل الحطب تعاركت عرك وي الحطب لحد ما خبزت الخبز
صار حسيته مدري شلونه مو مثل كل يوم ماعرف العله بالتنور بعجيني بايدي إلي بتك ايد اعجن
اليوم ما اجه علي لبيت السيد
بعت الخبز لليجون وإلي معتمدين عليه مطعم وبيوت هم
صارت بسبعه ونص اجه خط مروه كملتها استبرق تمشطها وترتب ملابسها ولفيتها وراحت أحد ما تصعد والبس عبايتي واكول للسايق يدير باله عليه
رجعت للبيت حسبت الفلوس تكفي لو لا
وينج استبرق شكد عندج فلوس
جيبي اروح اشتري نايلون
وصفا تحركي اجه الخط
راحت صفا وشفتها صعدت بالخط
وينج استبرق سوي أكل للزايره وتريكن أنتي وياها إني رايحه
استبرق:وين
خديجه:اجيب نايلون للسكف ومناك أروح لقشعم اليوم زياره اخذله هدم شتوي صارت بارده و اخذت الخبز عروك اله الضميته مال البارحه العصر عزلته اله
طلعت اشتريت نايلون ورجعت للبيت خليته ووصيت استبرق وجايه اروح للشارع حتى اروح للمواجهه مال السجن شفت سياره بيت السيد اعرف سايقهم
مسلم اخذنه للمزرعه
سويت نفسي ما عرفتهم ومشيت
بس مو العلويه بيها ولا صار عندي فضول اشوف منو بيها
وصلت للسره مال السجن المتعب والكاع طين وصل لراسي
وكفه وتعب
لحد ما وصلت للتفتيش شاغت روحي كلساع انلجم وورمت ايدي المحتركه من البروده والرطوبه
بس شفت كدامي قشعم ضحك وجهي لأن هو بسجن يشوف الدنيا بوجه اليجي
قشعم:خاله زيدت حملج إني فوك تعبج بعد لاتجين
خديجه: أنت وليدي شلون اعيفك
قشعم:خاله البارحه اجتني ورقه يكولون واحد مسوي استئناف باكي أكو باب فرج
خديجه:يالله منو مستأنف
قشعم:العرفته الخلفتني البقيت برحمها تسع اشهر
خديجه: الأم ام يمه قشعم همزين يالله خلي بس تطلع من هاي الشده
قشعم: يارب إن شاء الله خاله جدتي زينه والبنات
خديجه:زينين
قشعم:خاله حجي نافع خوما بعده يحوم يمكم
خديجه:خل يولي منو هذا ويحوم
لاتهم انت معليك
قشعم:صرت اصلي فرض بفرضه
واصوم قضاء ونقلوني بورشه عبالهم يعلموني حرفه
ميدرون إني خاتمهن كهرباء اعرف هسه اعلم إني وادرب ع الكهرباء
ونجاره هم شويه بس شوفي شسويتلج
يم الباب تلكين علاكه الج هاي شغل ايدي
خديجه :خلصت الزيارة بس فرحت حسيت قشعم متقبل وضعه احسن من المرات السابقه
لكيت بباب السجن علاكه اليه كال
صعدت بالسياره
نفرات
رجعت للبيت نزعت عبايتي واصيح صفا زايره
عبايتي كلها طين شمرتها ودخلت بالحوش محد
اجيت لغرفه لكيت استبرق وصفا والزايره ويمهن العلويه
بگلبي گلت ماتخلص هاي الربابه
العلويه:گلت اتريك وي البنات اليوم
السيد اليوم عنده معامله وطلع من وكت
خديجه: اهلا وسهلا علويه وينج استبرق ضيفتي العلويه
استبرق:,يمه اكلت خبزه عروك وجاي
وشوفي شسوت
خديجه:باوعت شسوت
لكيت بالحوش سطوله هواي ماعرفت شنو
شويه واندك الباب كالت خديجه تعالي فوتي للغرفه
فتت وهي اتصلت كالت مسلم دخل الشباب واصعدوا بوجهكم
خديجه:وين يصعدون وشنو هذا
استبرق:وهاي جايبه بطانيات وقماصل النه
خديجه: شنو جاي يصير علويه
العلويه: بدون كلشي احنا بالشتا نوزع كسوه شتا للنعرفهم مو إلا التخبز النه وتطبخ شنو موضوعج
البيت يخر عليكم
خديجه:منو كللكم يخر اصلا
العلويه: وين جنت سيد تأخر الوقت ومطرت
سيد موفق:رحت ع ابو ميثاق علمود الارض مال اليوسفيه
العلويه:تتعشى
السيد: لأ شهيتي صفر خليني انام خفيف
العلويه:شبيك
السيد:من رجعت شفت بيت الخبازه مفتوح بابه ومره تكرف مي الضاهر المي داخل على غرفهم لأن ناصي ببتهم كلش
العلويه:باجر من الصبح أشوف شنو أسوي
طلعت من الصبح الهم لكيت بس البنيه الجبيره والعجوز الزايره
سولفتلي كلشي استبرق
اتصلت على السيد يدز زفت للسطح وشباب يسوو
واتصلت على بنيه هي تشتريلي من السوك اغراض البيت وصيتها تجيب بطانيات وقماصل بناتيه وجاكيت لخديجه وللزايره ملابس شتوي ثكيله
اجت خديجه واحس ثكل وجها بسبب إلي العرض القدمته الها بزواجها من السيد
إلي حتى السيد ميدري بعده ردت اجمع أكبر قدر معلومات عنها وعن بيتها بمحافضتها
وعن عيالها واصلها وفصلها بس احتاج توافق حتى اخلي السيد يسال عنها
هي رفضت بس من صدمتها رفضت
واعيد علبها الطلب لأن
هي احق بالزواج هذا تنقذ بناتها وهم تجيب طفل للسيد واشوفها انسب وحده للسيد شفت بعيونها العفه رغم الاحتياج
وحتى من انطيها شي او تشوف شي احسها عيونها مليانه ما يغرحها شي بقدر ضحكه وراحه بناتها ماتهتم بنفسها ابد
بس بناتها حيل مرتبات ولبسهن مرتب وذوقها حلو واحلى صفه بيها كتومه ام رحمن من زمان اعرفها واتعمد اجرب خديجه اسولفلها اشياء اريد أعرف يوصلن لام رحمن
ام رحمن ثرثاره من تجي تحجي كلشي إلا سوالف الاحجين لخديجه اسالها مرات تكول مادري معناها ما تسولفلها
عرفت امانتها
جربت اخلي حتى ذهب ع السنك او الشبابيك بالمطبخ الكاهن بمكانهن الفلوس بالكاونتر تسحب الشي التريده ولا تحركهن
هالاشياء ما ينتبه علبهن الرجال بس المره تعرف المره لذلك تمسكت بيها
العلويه: خديجه إني اعرف البيت قديم اكيد يخر بيتنه جديد وكل سنتين يزفتوا الشباب
أنتي معليج تعالي اكعدي
خل اشوف ايدج
خديجه:بس علويه اليصير هذا هواي ودينه ثكل وإني ماعندي اسدد ديونج
العلويه:, يعني بينه ديون
خديجه:, أي ببنه ديون علويه ميصير أنتي تجيبين وتنطين وإني ماعندي انطي أي شيء
العلويه:عندج واكبر عطاء عندج أغلى بمليون مره من هالاشياء التشوفيها
خديجه: استبرق اخذي الزايره وروحي ماما بذيج الغرفه وليش ممبدله لهسه
استعجلي وبدلي حتى تروحين للمدرسه
استبرق:المدرسه اكيد فايضه ماروح
خديجه:مو اختج صباحي وهل كملت دوام منا وهيج تجي استعجلي وبدلي بسرعه اخذج إني
التفتت على العلويه راحت استبرق والزايره
علويه البارحه انطيتج ردي وهذا الموضوع قراره قطعي
العلويه:لاتقرربن بانانيه أنتي باوعتي بزاويه أخذ زوجج منج وطلعتي
أنتي ما حاسه شنو بيت ما بيه صوت طفل الله لا يقسمها لبشر
من اخلي راسي على المخده وما أعرف زوجي شلون يفكر بطفل يشيل اسمه
هاي الفلوس كلها ما خلتني يوم اضحك من كل گلبي
خديجه أنتي من تقبلين مو تأخذين زوجي بالعكس ترجعيله روحه إلي طفت بيوم طلعنه من عشرين طبيبه اكدت إني عندي عقم شفت وجهه لهسه بقى هذا الوجه راح الوجه لموفق الاعرفه بطفولتي وشبتي بس من عرف عقيمه صارله وجه يختلف
يحبني أعرف ويخاف علئ خاطري بس شنو ذنبه من يشوف اطفال اخواته او اخوانه اشوف لهفته وعطش عيونه وافهمه محد يعرفه بكدي
مشفتي شلون يلعب وي بناتج
احس موفق حيا بيوم رحنه للمزرعه احس رجعتله روحه
اترحاج لاتحرمينه قبل لا يكبر ويفوت الاوان
خديجه:تاثرت بكلامها بس جاوبت
كل كلامج اعرفه صادق بس اكلج شئ كل النسوان ممكن يصيرون مناسبات لوضعكم إلا أني إني ما اصلح ما كدر علويه
العلويه:ليش فهميني ليش
خديجه:, هواية اشياء بحياتي تمنعني ماكدر اترجاج إني اترجاج تنسين هالموضوع
طلعت العلويه بس عيونها صارت دم حمر احسها انقهرت
السيد:وين چنتي خابرتج ماتجاوبين مو عوايدج اطلعين شبيج باچيه شبيهن عيونج
العلويه: موفق إذا اختارلك زوجه تساعدني وتزوجها ؟؟؟
موفق:يا ستار هااا أنعام شسامعه
العلويه: سامعه اومسامعه بس گول اي خلي نشوف طريقه
موفق: طريقه لشنو
أنعام: للمره الاختاريتها الك رافضه
موفق: يعني تردين تزوجيني وإني رافض الموضوع جمله وتفصيل وهنوب المره هم رافضه
تگعدي يمعوده قبلنه بقدرنه واتفقنا نعيش عمرنه إني وأنت وخلص
أنعام: لأ موفق لأ أنت بعدك تكدر تتزوج ويصير عدنا طفل نشم ريحه طفل راح اموت بس اشم ريحه طفل افهمني
انهاريت بالبجي
موفق:يمعوده قضاء الله هذا احمدي ربج يجوز الطفل يصير سبب تعاستنه
الله يجوز رحمنه وعرفنه صايمين مصلين ما ماكلين حرام ولاحق أحد
كافئنه ما انطانه طفل يجوز يصير سبب شقاءنا
أنعام:تركته ورحت للغرفه ابجي مكدرت اسكت ولا اقتنعت اكو الله خله باب لكل عله
ويجوز علتنه هاي انقاذ لهاي المره
موفق:امشي وراها تبجي منهاره وتحجي يا مره الننقذها شعرفتي مو دومج تكولين تتزوجك تعيش وياك تطمع وتاخذك وتاخذ الطفل واخسرك واخسر الطفل
أنعام:هاي إذا غير خديجه خديجه تختاف وإني هاي الفتره كلها تعمدت ألف اختبار سويتلها من يوم عرفت ارمله خليتها تحت الاختبار وتبهرني كل نتيجه اوصلها عمر عبوني ما چذبوني بنظرتي للبشر
وخديجة تناسبنه
موفق:ياخديجه الخبازه ؟
أنعام: أي هي
موفق:شعرفتي عنها يمعوده من غير محافضه وعدها ثلاث بنات ومنعرف شنو الوضع الوصلها هنا ببيت صكر لالا
انعام: اعرف مقتطفات بس الاشياء الجوهرية متحجيهن وهي هاي الصفه الحبيتها بيها ما تحجي على أي بشر ولا تسولف عن اي بيت تدخله هاي تحفظ الامانه سر البيت التدخله
موفق: دومي اشير أنعام بأمور ذكيه كلش ودقيقه بحكمها على البشر بس إني اعرف حتى لو هي ادور وتخطب بس ماريد اكسر خاطرها بزواج أغلى عندي من أن تبجي بسببي
لهذا ارفض واخلي ألف عيب بالي تختارهن خوفاً عليها
بس اليوم تختلف حرگتها وبچيها ومصره إني لاحضت اهتمامها بخديجه وبناتها وتسولفلي بقت يومين عن سوالف صفا ومروه واستبرق بس مجنت اتصور هيج متعلقه بالموضوع
اصرت
خديجه: على اعصابي كملو السطح دينج يلعلويه ماكدر على تسديده وما متعوده أخلي اصبعي تحت ضرس احد شلون ورطه ما مرتاحه لأ شرايتها النه ولا السطح السوته احسهن ثكيلات على گلبي
فتحت علاكه قشعم لكيت جزدان مكتوب ام استبرق.وكلاده مسويهاحرف صفا
ولاستبرق ولمروه شغلات يدويه
مرت ايام وايدي بقت بورمها مكاعد اطيب رحت للممرضه على شارعنه كالت لأن بارده
بعد كم يوم رحت اخذت استبرق للمدرسه
ودخلت ردت اسأل عنها مقبلت بس إني اصريت فتت للمديره
دزتني على مدرساتها
كلهن طلعن دفاتر الدرجات راسبه ووحده تكول حتى ما تكتب والثانية تكول ما تحضر والثالثه تكول تسولف بالصف
رجعت للبيت وطلعتها وياي
اريد اصفي حسابي وياها
دفعتها للبيت حيل
شتردين استبرق يمه عاتبه عليج تغسلين ماعون تكلين بيضه مو إني هاي ايدي مورمه واخبز واطبخ مو امسح إني واغسل حتى هدومج مال المدرسة شتردين يمه تردينهم يشمتون بيه يكولون ما دبرت امورها لأن وحدها تريدن يكولون سابت بنت حاجم لأن ما ع راسها رجال شتردين فهميني توكغين وياي لو ضدي
استبرق:*ماحب الدراسه يمه والله مو ذني الكلتي عليهن
خديجه:وداعتج إني هم لأ أحب اخبز ولا احب اكعد ببيت غير بيتي ولا احب اطبخ للناس ولا احب اصعد وانزل بالسيارات بس گوه كوه تفهميني شنو گوه اكره ادخل بيت واطبخلهم بس مضطره لأن ينطوني فلوس حتى اعيشجن ولج يلماعندج احساس تشوفين يطمع بينه المنه وببنه يطمع الغريب شنو عدنه يردونه ويسامونه لأن ماعدنه إذا عندج شهاده وتصيرين ملك روحج
ولج التعب اليوم باجر تجنين ثمره بس اصبري على الشي الماتحبينه
استبرق:يمه والله المواد صعبه
خديجه: تصير صعبه لأن ماتقرين يوم بيومه ما تكتبين إذا تقرين كلما ينطوج درس وتكتبينه وتبطلين سوالف وي البنات وتنتبهين المدرسات جان نجحتي جان ما فشلت فشله اليوم تسوه عمري
ولج لاتخلينهم يحجون عليه ماريد اقارن بس ولج ايمان ما تدري وين الله حاط بتها ولا تسأل حتى بيا صف
ملتهيه يم الدلالات غراض مطبخ يا سوالف وي فلانه وعلانه ونورس تصيح إلا طبيبه وإلا اطلع معدل قوي وإلا بعد كم سنه اشتري احدث موديل سياره
هاااي فكرت بطموح تفكر تبني لنفسها مستقبل
لأ إني ادوملج ولا أي احد ولج إني وينهم اهلي أمي راحت وابوي راح بقيت وحدي وينهم اخواني كلمن ملتهي بحياته
أنتي وحد أنتي تختلفبن
أنتي مهمتج اصعب لأن عندج اخوات ثنين يحتاجن رعايه لاخر العمر
منو الهن عكب عيني إذا أنتي فكر وبلا شهاده شلون تساعدينهم يجوز ما أموت اصير مثل زايره سنيه واصير عاله عليج
شنو ذبيني بالشارع لو شسوين
فكري لبعيد بكلامي
وإني رايحه اجدي طحين من ام رحمن بلكي ادايني على ما اصرفها واعوض خسارة الطحين الخرب
اشمر ماي وجهي حتى نعيش
رحت والعبره تتكسر بگلبي
وما قصرت ام رحمن مسخرها ربي اليه انطتني طحين بس كالت فلوسهن كون قبل أسبوعين توفينهن لأن مأمنات يمها الناس يردون فلوسهن
اجيت للبيت
مرت ايام وايام الخبز قل الطلب عليه يآرب شبيه اخبز ويبقى
كاعده اباوع على الخبز وحدي اخذت استبرق للمدرسه صباحي ويمي زايره سنيه وصفا واندك الباب
رحت
مره ما اعرفها
سلمت توقعت تريد خيز
كالت إني حياه
منو حياه
سالتني زايره سنيه موجوده
أي موجوده منو أنتي
حياه: إني ام قشعم
خديجه:,هااا أهلا بيج ادخلي
حياه: أنتي خديجه صح
خديجه: أي دخلت سلمت على الزايره شافتها
غمتها بثنين اديها
زايره سنيه:شجابج چساحه الزلم
حياه:اجيت اشوفج وابشرج قشعم راح يطلع
خديجه:,صدك شسويتي
حياه:زوجي عنده معارف وتخشخش وكدر يلكا شاهد وكشفهم ورحت ذاك اليوم لقشعم للسجن
شكد ما اشكرج على وكفتج وي أبني قليل
خديجه:قشعم خوش رجال يتساهل اليوكف وياه
باوعت على صفا
حياه: هاي بنتج
خديجه: أي بنتي صفا وتجاوب زايره سنيه هاي حميده
حياه: نفس الشكل لحميده
خديجه: يعني شنو
حياه:مگايللج حميده بنت زايره سنيه هم هيج لونها
خديجه: يعني صفا ماخذه وراثه من أهلي وطلعت وين على بنت خالتي
حياه ،:بكولون وحده من كرايب امج هم هيج
خديجه:عرفنه سر تعلقها بصفا
بقت حياه تسولف شويه وراحت
ورا كم يوم وبالفعل طلع قشعم
كاعدين يوم سبت واستبرق تناكر بالزايره وتضحك
وإني فاتحه كتب البنات اقريهم
الخبز قل الطلب عليه
كونيه ما انخبزت باكثر من اسبوعين
قبل الگونيه تبقى اربع ايام
بس بطبيعتي أضم فلوس لايام عازه بدينه ناخذ منهن واقتصد بالاشياء الاشتري بس الكلش ضروري يعني الصبح نكلي طماطيتين كافي الغدا مركه شلغم او بتيته او عدس أو باذنجان
بالعشه بتيته سلك أو روبه وخبزه على كد الكد مو هواي
صفا اكلها قليل بس الزايره واستبرق يمسحن بالطاوه واندفع الباب وينكم وينكم
قشعم كمزنا كلنه فرحت عمري من اجه قشعم
واستبرق تهلهل
صفا تبجي بقت اجه باس ايدي
وزايره سنيه حضنها يبوس بيها وهي ادمغ بيه
خايب وين جنت يلمصلبخ خذنك النسيونات مو مثل ابيك اخذته الحيه
حياه هيه حيه
خديجه: بقى يضحك وفرحان
سوالف للضهر بقينه كاعدين ويسولفنه على السجن والبنات باقيات صافنات ومن يسكت يكولله كمل اي احجي ويعدين
اندك الباب اجه علي لبيت السيد
علي:خاله العلويه تريدج
السيد:دخليها وخليني اسمع ردها ونشوف شنو تجاوب بس ها اهم شي لأ تنسين كلامي الكلتج عليه كولي الها
خديجه:كلت اذبحها على قبله حتى لو اتخارب وياها حتى ما تلح بعد
اجت سلمت عليه
العلويه: خديجه كل شخص يريد يتزوج من عائله يسأل عنها وإني سألت عن حياتج وفهمت أنتي زوجج تزوج عليج وشفتي معانات هوايه
خديجه: يعني سألتي عني بولايتي ليش علويه مثلاً موافقه إني وانتي تردين تشوفين اخلاق چنتج إني رافضه الموضوع
ومنو اصلا وصللج هالمعلومات
العلويه: أحنا سألته لأن تهمينه ولأن متمسكين بيج وما رحنه بعيد بيتج بولايتج مجرد سالنه عرفنه بيه ضرتج وبس وسكتت ما كلت عن كلشي عرفناه
شفتها ضاجت
خديجه: أي كانت ضروفي بس ما اقبل بعرض القدمتي
العلويه:شنو اسبابج اقنعيني
انسانيه تسوينها كتلج.لان وثفت بيج وحبيتج
خديجه: جوانب الموضوع مو بس ثقتج وحبج اليه
إني راعيه بنات ايتام
بناتي يعيشن وياكم مثل ما كلتي
يعتبر السيد مهما كان غريب عليهن
بناتي يتقيدن وياكم راح يكبرن يصيرن شابات
صعب عيشتهن عدكم
العلويه:هاي أنتي شلون تفكيرج يصيرن بناته وإني برعايتي البيت هالتشوفينه جبير البيت الفوك الج أنتي وبناتج
خديجه: ماكدر علويه
العلويه:لعلمج خديجه لكينه إلي ينطون طفل بس إني ماريد إلا من صلب السيد ماريد اشكالات التبني
وكفل ايتام هواية بس مكدرت اعيش طفل ببيتي
خديجه:رجعت للبيت وإني مصره على موقفي مااتزوج ولا اجيب رجال غريب لبناتي
كم يوم وقشعم باقي يمنه فرغتله الغرفه الثانيه بس اشوفه يطلع من الصبح للمغرب يلا يجي من اساله عرفت يتهرب لأن ميريد يقيدنه
هذا بيتك شنو شارد بالشوارع وهي أصلا هالايام تخوف صايره انفجارات اكعد واسكت
قشعم:خاله ادور شغل
والحمد لله من الدولة سدت السايلو مال حجي نافع نصرني الله وشفت حقي ماراح
بس الولد جانو يشتغلون بالسايلو كلتلهم على شغل ومنتظر رحمه الله
خديجه:رحت لامك تشكرت من زوج امك هو توسط وراح واجه
قشعم:ماودي يصيرله فضل براسي بس شسوي
اريد اروح هاليومين
خديجه:قرر يروح لأمه اليوم
اليوم اجت ام رحمن على فلوس الطحين وإني ما مخلصه الگواني بقن عندي مصرف قليل كلش
انطيتها وإني حايره شلون بباجر
واكول الله كريم
بليل واجه قشعم بس وجهه ميتفسر
شبيك قشعم
قشعم:ماكو شي بس مو كتلج محد يسوي شئ لله
خديجه:شنو الموضوع احجي
قشعم:لاينشغل بالج ماكو شي
خديجه: نام حتى عشا ما تعشى
ثاني يوم ادرس بمروه واعلمها واندك الباب اجت حياه ام قشعم
سلمت عليها وكلت الحمد لله تحسس قشعم بامومته وساعدته حتى يطيب خاطره وتحتوي ابنها
كعدت كالت قشعم كللكم
خديجه: على شنو
حياه:ام استبرق إني كاعده بحواسم وزوجي عنده جانت تريله وعنده علاقات بس من اندعم وبترو رجله صارت الدنيا صعبه وابني جان يشتغل هسه المنطقه الحنه بيها خطره يوميه انفجار لأن قريبه على مقر عسكري
والعيشه صعبه
خديجه:وشنو محتاجه مني
حياه:احنه نريد نجي نكعد ببيت عمي صكر وهو باسم عمي صكر هم يم قشعم بعد ما اكدر افاركه وهم يحل مشكلتي لأن بعت بيتي بالحواسم وبفلوسهن شتريت سياره يشتغل بيها زوجي ميعرف غير السياقه
خديجه: يعني طلعتي قشعم من السجن وتردين تكعدين بهذا اليت وهو خرابه وزايره سنيه صارلها سنين وحدها تتعطف عليها الناس
هسه صار عزيز من خديجه كعدت بيه
حياه:افهمبني والله لوما
خديجه:حقج خيه حقج وهذا بيتكم انطيني كم يوم واطلع
بدل ماتدور وتبحث علي الروايات خليها علي تليفونك وحمل تطبيقنا
